| ᠰ᠊᠂ ᠪᠦᠬᠡᠴᠢᠯᠠᠭᠤ | ᠰᠦᠨᠢ ᠶᠢᠨ ᠨᠤᠶᠢᠷ ᠢ ᠦᠤᠷ ᠤᠭᠢᠶᠠᠬᠤ ᠳᠤ ᠭᠡᠷᠡᠯ ᠤᠨ ᠰᠦ ᠠᠮᠳᠠᠯᠠᠭᠳᠠᠨᠠ | ᠰᠡᠳᠭᠢᠯ ᠢ ᠭᠡᠶᠢᠬᠦᠯᠵᠦ ᠨᠠᠷᠠ ᠤᠷᠭᠤᠬᠤ ᠪᠠᠷ ᠡᠵᠢ ᠶᠢᠨ ᠬᠠᠶᠢᠷᠠ ᠪᠤᠳᠤᠭᠳᠠᠨᠠ | ᠰᠠᠨᠰᠠᠷ ᠵᠦᠭ ᠰᠢᠪᠠᠭᠤᠳ ᠨᠢᠰᠦᠯᠴᠡᠬᠦ ᠳᠤ ᠦᠨᠳᠦᠰᠦ ᠤᠭᠰᠠᠭᠠ ᠦᠭᠡᠶᠢᠯᠡᠭᠳᠡᠨᠡ | ᠰᠡᠪᠡᠯᠵᠡᠭᠰᠡᠨ ᠰᠠᠯᠭᠢᠨ ᠠᠭᠠᠷ ᠰᠦᠯᠡᠬᠦ ᠪᠠᠷ ᠴᠡᠴᠡᠭ ᠤᠨ ᠦᠨᠦᠷ ᠬᠠᠩᠬᠤᠯᠤᠨᠠ | | | ᠰᠠᠷᠠᠭᠤᠯ ᠲᠠᠯᠠ ᠶᠢᠨ ᠡᠪᠡᠰᠦ ᠬᠠᠯᠭᠢᠯᠠᠬᠤ ᠳᠤ ᠲᠠᠯᠠᠢ ᠶᠢᠨ ᠲᠠᠪᠠᠯᠭᠠᠨ ᠰᠢᠷᠦᠬᠦᠰᠦᠨᠡ | ᠰᠡᠭᠦᠶᠢᠭᠰᠡᠨ ᠠᠭᠤᠯᠠᠰ ᠤᠨ ᠴᠤᠤᠷᠢᠶᠠ ᠬᠦᠩᠭᠢᠨᠡᠬᠦ ᠪᠠᠷ ᠰᠡᠷᠡᠮᠵᠢ ᠶᠢᠨ ᠲᠤᠭᠢᠶᠠ ᠲᠤᠭᠤᠯᠳᠠᠨᠠ | ᠰᠡᠮᠡᠷᠡᠬᠦ ᠡᠭᠦᠯᠡᠨ ᠤ ᠰᠡᠭᠦᠳᠡᠷ ᠢ ᠬᠠᠷᠠᠬᠤ ᠳᠤ ᠬᠦᠮᠦᠨ ᠤ ᠡᠷᠢᠶᠡᠨ ᠦᠵᠡᠭᠳᠡᠨᠡ | ᠱᠤᠤᠭᠢᠬᠤ ᠭᠤᠤᠯ ᠤᠨ ᠲᠦᠷᠢᠯᠭᠡ ᠶᠢ ᠴᠢᠩᠨᠠᠬᠤ ᠳᠤ ᠬᠦᠰᠡᠯ ᠢᠳᠡᠭᠡᠯ ᠤᠷᠭᠤᠨᠠ | | | ᠪᠡᠯᠴᠢᠭᠡᠷ ᠤᠨ ᠴᠢᠯᠠᠭᠤᠳ ᠠᠩᠭᠢᠯᠠᠵᠦ ᠲᠡᠯᠭᠡᠷᠡᠬᠦ ᠳᠤ ᠤᠶᠢᠯᠡᠰ ᠤᠨ ᠭᠡᠶᠢᠮᠤᠷᠢ ᠰᠡᠷᠭᠦᠨᠡ | ᠪᠤᠰᠤᠭᠠ ᠲᠡᠭᠷᠢ ᠳᠤ ᠪᠦᠷᠬᠦᠳ ᠴᠤᠶᠢᠯᠠᠬᠤ ᠪᠠᠷ ᠪᠤᠳᠤᠯ ᠲᠠᠭᠠᠭᠠᠳ ᠨᠢᠰᠦᠨᠡ | ᠪᠤᠭᠤ ᠤᠷᠤᠮᠳᠠᠵᠦ ᠠᠭᠤᠯᠠᠰ ᠵᠢᠷᠭᠠᠬᠤ ᠳᠤ ᠤᠰᠤᠨ ᠤ ᠵᠢᠭᠠᠰᠤ ᠴᠤᠯᠭᠢᠨᠠ | ᠪᠠᠭᠠᠳᠤᠷ ᠲᠡᠭᠡᠳᠦᠰ ᠤᠨ ᠮᠦᠷ ᠢ ᠬᠠᠶᠢᠬᠤ ᠪᠠᠷ ᠠᠮᠢᠳᠤᠷᠠᠯ ᠤᠨ ᠵᠠᠮ ᠲᠤᠷᠠᠶᠢᠨᠠ | | | ᠨᠠᠷᠠᠨ ᠤ ᠲᠤᠤᠷᠠ ᠵᠡᠭᠦᠳᠦ ᠪᠠᠨ ᠰᠤᠪᠢᠬᠤ ᠳᠤ ᠬᠦᠮᠦᠨ ᠴᠢᠯᠠᠭᠤ ᠬᠠᠷᠠᠭᠳᠠᠨᠠ | ᠨᠤᠮ ᠤᠨ ᠬᠠᠭᠤᠳᠠᠰᠤᠨ ᠠᠴᠠ ᠦᠪᠡᠷ ᠢ ᠪᠠᠨ ᠡᠷᠢᠬᠦ ᠪᠠᠷ ᠲᠡᠦᠭᠡ ᠶᠢᠨ ᠨᠢᠭᠤᠴᠠ ᠵᠠᠳᠠᠷᠠᠨᠠ | ᠨᠠᠢᠮᠠᠨ ᠵᠠᠭᠤᠨ ᠢ ᠡᠷᠭᠢᠴᠡᠭᠦᠯᠦᠨ ᠲᠤᠩᠭᠠᠬᠠᠤ ᠳᠤ ᠠᠳᠤᠭᠤᠳ ᠤᠨ ᠦᠤᠷᠰᠡᠭᠡ ᠬᠠᠩᠭᠢᠨᠠᠨᠠ | ᠨᠠᠪᠴᠢᠨ ᠤ ᠨᠢᠯᠪᠦᠰᠦ ᠭᠠᠵᠠᠷ ᠬᠦᠨᠳᠡᠭᠦ ᠳᠤ ᠵᠢᠷᠦᠭᠡᠨ ᠲᠤᠳᠤᠷᠠ ᠪᠤᠷᠤᠭᠠᠯᠠᠨᠠ | | | ᠤᠷᠠᠨ ᠬᠠᠵᠢᠨ ᠨᠠᠭᠤᠷ ᠲᠠᠭᠠᠨ ᠡᠷᠭᠡᠯᠡᠬᠦ ᠠᠴᠠ ᠢᠨᠠᠭ ᠤᠨ ᠲᠠᠭᠤᠤ ᠰᠢᠷᠤᠩᠬᠠᠶᠢᠯᠠᠨᠠ | ᠡᠵᠢ ᠶᠢᠨ ᠴᠢᠨᠠᠭᠰᠠᠨ ᠰᠦ ᠲᠠᠢ ᠴᠠᠢ ᠠᠴᠠ ᠠᠮᠢᠳᠤᠷᠠᠯ ᠤᠨ ᠢᠨᠢᠶᠡᠳᠦ ᠪᠢᠯᠬᠠᠨᠠ | ᠡᠴᠢᠭᠡ ᠶᠢᠨ ᠶᠠᠷᠢᠭᠰᠠᠨ ᠰᠡᠳᠭᠢᠯ ᠤᠨ ᠦᠭᠡᠨ ᠠᠴᠠ ᠦᠨᠡᠨ ᠤ ᠭᠡᠭᠡ ᠰᠠᠴᠤᠷᠠᠨᠠ | ᠡᠴᠢᠨᠡ ᠨᠢᠭᠤᠴᠠᠭᠠᠢ ᠡᠷᠳᠡᠨ ᠤ ᠵᠢᠷᠤᠭ ᠠᠴᠠ ᠴᠢᠩᠭᠢᠰ ᠪᠤᠳᠤᠯ ᠤᠷᠭᠤᠨᠠ | | | ᠬᠠᠷᠠᠩᠭᠤᠢ ᠶᠢ ᠦᠷᠭᠦᠳᠡᠯᠡ ᠴᠢᠨ᠋ᠸᠠ ᠤᠶᠢᠯᠠᠬᠤ ᠳᠤ ᠲᠡᠭᠷᠢ ᠴᠠᠭᠠᠨᠠ ᠠᠴᠠ ᠪᠠᠨ ᠲᠤᠶᠠᠭᠠᠷᠠᠨᠠ | ᠬᠠᠭᠠᠨ ᠬᠦᠭᠵᠢᠮ ᠤᠭᠳᠠᠷᠭᠤᠢ ᠳᠤ ᠤᠶᠠᠩᠭᠠᠷᠠᠬᠤ ᠪᠠᠷ ᠨᠠᠶᠢᠷᠠᠭ ᠤᠨ ᠤᠩᠭᠤᠳ ᠪᠠᠭᠤᠨᠠ | ᠬᠠᠯᠢᠨ ᠨᠢᠰᠴᠦ ᠰᠤᠯᠢᠷ ᠤᠨᠠᠬᠤ ᠳᠤ ᠭᠡᠷᠡᠯ ᠨᠢ ᠲᠡᠭᠷᠢ ᠳᠡᠭᠡᠨ ᠰᠢᠩᠭᠡᠨᠡ | ᠬᠠᠪᠢᠷᠠᠭᠠᠨ ᠰᠠᠷᠠᠨ ᠲᠡᠷᠭᠡᠯᠰᠢᠬᠦ ᠶᠢ ᠬᠦᠯᠢᠶᠡᠬᠦ ᠪᠠᠷ ᠴᠠᠭ ᠤᠳᠠᠭᠠᠨ ᠰᠠᠨᠠᠭᠳᠠᠨᠠ | | | ᠬᠤᠯᠠ ᠶᠢᠨ ᠴᠢᠮᠠ ᠪᠠᠨ ᠡᠩᠰᠡᠷᠡᠳᠡᠯᠡ ᠰᠠᠨᠠᠬᠤ ᠳᠤ ᠰᠦᠨᠢ ᠨᠤᠶᠢᠷ ᠦᠭᠡᠢ | ᠬᠤᠪᠢ ᠵᠠᠶᠠᠭᠠ ᠶᠢ ᠵᠡᠭᠦᠳᠦ ᠬᠦᠷᠳᠡᠯᠡ ᠭᠡᠵᠢᠶᠡᠳᠡ ᠢᠳᠡᠭᠡᠬᠦ ᠦᠭᠡᠢ | ᠭᠢᠯᠢ ᠦᠭᠡᠢ ᠰᠢᠪᠠᠭᠤᠳ ᠮᠢᠨᠦ ᠡᠷᠭᠡ ᠴᠢᠯᠦᠭᠡ ᠪᠠᠶᠢᠨᠠᠮ | ᠭᠢᠵᠠᠭᠠᠷ ᠦᠭᠡᠢ ᠤᠷᠤᠨ ᠵᠠᠢ ᠮᠢᠨᠦ ᠤᠷᠤᠰᠢᠬᠤᠢ ᠪᠠᠶᠢᠨᠠᠮ | | | ᠮᠢᠨᠦ ᠬᠠᠷᠠᠭᠠᠨ ᠳᠤ ᠮᠦᠬᠦᠯᠢᠭ ᠰᠢᠷᠤᠢ ᠮᠤᠨᠢ ᠠᠭᠤᠯᠠ ᠰᠢᠭ᠋ ᠦᠵᠡᠭᠳᠡᠨᠡ | ᠮᠦᠯᠬᠦᠵᠦ ᠦᠰᠦᠭᠰᠡᠨ ᠨᠤᠳᠤᠭ ᠮᠢᠨᠢ ᠠᠮᠢ ᠨᠠᠰᠤ ᠰᠢᠭ᠋ ᠬᠠᠶᠢᠷᠠᠯᠠᠭᠳᠠᠨᠠ | ᠮᠢᠨᠦ ᠰᠡᠳᠭᠢᠯ ᠳᠤ ᠤᠩᠭᠤᠨ ᠰᠦᠭ ᠲᠠᠢ ᠡᠪᠡᠰᠦ ᠨᠢ ᠡᠷᠳᠡᠨᠢ ᠪᠠᠶᠢᠨᠠᠮ | ᠮᠦᠭᠡᠷᠡᠵᠦ ᠲᠤᠭᠯᠠᠬᠤ ᠲᠤᠭᠤᠯ ᠨᠢ ᠦᠨᠢᠳᠡ ᠶᠢᠨ ᠪᠠᠶᠠᠷ ᠪᠠᠶᠠᠰᠤᠯ ᠪᠠᠶᠢᠨᠠᠮ | | | ᠲᠡᠭᠷᠢ ᠶᠢᠨ ᠪᠤᠳᠤᠭ ᠴᠢᠯᠠᠭᠤᠨ ᠳᠤ ᠨᠢ ᠰᠢᠩᠭᠡᠭᠰᠡᠨ ᠠᠭᠤᠯᠠᠰ ᠮᠢᠨᠢ ᠮᠦᠩᠭᠡᠷᠡᠨᠡ | ᠲᠤᠤᠯᠢ ᠶᠢᠨ ᠬᠠᠶᠢᠯᠠᠭᠠᠨ ᠲᠠᠢ ᠭᠡᠭᠡᠷᠡ ᠶᠢᠨ ᠵᠢᠪᠠᠷ ᠠᠴᠠ ᠲᠠᠭᠠᠨᠠ ᠶᠢᠨ ᠦᠨᠦᠷ ᠰᠡᠩᠭᠢᠨᠡᠨᠡ | ᠲᠡᠷᠡ ᠬᠤᠯᠠ ᠶᠢᠨ ᠲᠠᠩᠭᠢᠰ ᠤᠨ ᠲᠠᠪᠠᠯᠭᠠᠨ ᠪᠤᠳᠤᠯ ᠢ ᠲᠠᠭᠠᠵᠦ ᠤᠶᠢᠯᠰᠤᠨᠠ | ᠲᠡᠮᠦᠵᠢᠨ ᠴᠢᠩᠭᠢᠰ ᠤᠨ ᠮᠡᠷᠭᠡᠨ ᠰᠤᠷᠭᠠᠯ ᠭᠡᠦᠭᠡᠳ ᠤᠨ ᠤᠶᠤᠨ ᠢ ᠭᠡᠶᠢᠬᠦᠯᠦᠨᠡ | | | ᠰᠦᠨᠢ ᠶᠢᠨ ᠨᠤᠶᠢᠷ ᠢ ᠦᠤᠷ ᠤᠭᠢᠶᠠᠬᠤ ᠳᠤ ᠭᠡᠷᠡᠯ ᠤᠨ ᠰᠦ ᠠᠮᠳᠠᠯᠠᠭᠳᠠᠨᠠ | ᠰᠡᠳᠭᠢᠯ ᠢ ᠭᠡᠶᠢᠬᠦᠯᠵᠦ ᠨᠠᠷᠠ ᠤᠷᠭᠤᠬᠤ ᠪᠠᠷ ᠡᠵᠢ ᠶᠢᠨ ᠬᠠᠶᠢᠷᠠ ᠪᠤᠳᠤᠭᠳᠠᠨᠠ | ᠰᠠᠨᠰᠠᠷ ᠵᠦᠭ ᠰᠢᠪᠠᠭᠤᠳ ᠨᠢᠰᠦᠯᠴᠡᠬᠦ ᠳᠤ ᠦᠨᠳᠦᠰᠦ ᠤᠭᠰᠠᠭᠠ ᠦᠭᠡᠶᠢᠯᠡᠭᠳᠡᠨᠡ | ᠰᠡᠪᠡᠯᠵᠡᠭᠰᠡᠨ ᠰᠠᠯᠭᠢᠨ ᠠᠭᠠᠷ ᠰᠦᠯᠡᠬᠦ ᠪᠠᠷ ᠴᠡᠴᠡᠭ ᠤᠨ ᠦᠨᠦᠷ ᠬᠠᠩᠬᠤᠯᠤᠨᠠ | | | | | * ᠬᠠᠶ᠋ᠢᠭ᠄ ᠲᠤᠩᠯᠢᠶᠤᠤ ᠬᠤᠳᠠ ᠶᠢᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠭᠠᠨᠵᠤᠭᠠ | ᠨᠢᠭᠡᠳᠦᠭᠡᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠭ᠍ᠯᠢ ᠭᠡᠯᠡᠨ ᠤ ᠲᠠᠰᠤᠭ | ᠤᠳᠠᠰᠤ᠄ 15248335742 | ᠬᠠᠷᠢᠯᠴᠠᠬᠤ ᠬᠦᠮᠦᠨ᠄王学敏 | 通辽市科左后旗甘旗 卡一中英语组 | 邮编：028100 | | | |