| ︵ᠭᠠᠳᠠᠨᠠ ᠬᠤᠶᠠᠷ︶ | ᠡᠵᠢ ᠶᠢᠨ ᠬᠡᠳᠡᠰᠤᠨ ᠠᠴᠠ ᠤᠨᠠᠬᠤ ᠳᠤ | ᠡᠯᠢᠬᠡ ᠪᠠᠷ ᠢᠶᠠᠨ ᠨᠠᠮᠠ ᠶᠢ ᠳᠤᠰᠤᠭᠰᠠᠨ | ᠡᠬᠡᠷ ᠳᠠᠳᠠᠨ ᠤᠬᠢᠯᠠᠬᠤ ᠳᠤ | ᠡᠩᠬᠡᠷ ᠢ ᠮᠢᠨᠢ ᠠᠷᠴᠢᠵᠤ ᠦᠭᠬᠦᠭᠰᠡᠨ | | | ᠤᠨᠠᠨ ᠪᠤᠰᠤᠨ ᠠᠯᠬᠤᠯᠠᠬᠤ ᠳᠤ | ᠤᠷᠤᠭᠤᠯ ᠢ ᠮᠢᠨᠢ ᠦᠨᠦᠰᠴᠤ ᠪᠠᠶᠢᠭᠰᠠᠨ | ᠡᠳᠤᠷ ᠠᠴᠠ ᠡᠳᠤᠷ ᠦᠰᠬᠦ ᠳᠤ | ᠦᠰᠦᠬᠡᠢ ᠶᠢ ᠮᠢᠨᠢ ᠡᠷᠬᠦᠵᠤ ᠪᠠᠶᠢᠭᠰᠠᠨ | | | ᠡᠷᠳᠡᠮ ᠤᠨ ᠰᠢᠳᠡᠢ ᠶᠢ ᠡᠪᠤᠷᠯᠡᠬᠦ ᠳᠤ | ᠡᠷᠬᠢᠮ ᠨᠠᠨᠳᠢᠨ ᠵᠠᠬᠢᠶᠠ ᠪᠠᠶᠢᠭᠰᠠᠨ | ᠡᠷᠡ ᠶᠢᠨ ᠮᠤᠩ ᠲᠠᠢ ᠶᠠᠪᠤᠬᠤ ᠳᠤ | ᠡᠨᠡᠷᠢᠯ ᠤᠨ ᠬᠠᠯᠠᠭᠤᠨ ᠬᠠᠶᠢᠷᠠ ᠪᠠᠶᠢᠭᠰᠠᠨ | | | ᠡᠷᠢᠯ ᠰᠤᠷᠠᠭ ᠤᠨ ᠮᠦᠷ ᠬᠦᠬᠡᠬᠡᠬᠦ ᠳᠤ | ᠢᠳᠡᠬᠡᠯ ᠤᠨ ᠮᠦᠩᠬᠦᠨ ᠳᠠᠶᠠᠭ ᠪᠠᠶᠢᠭᠰᠠᠨ | ᠦᠢᠯᠡᠰ ᠤᠨ ᠰᠠᠶᠢᠬᠠᠨ ᠢ ᠳᠤᠰᠬᠤ ᠳᠤ | ᠢᠷᠦᠬᠡᠯ ᠤᠨ ᠴᠠᠭᠠᠨ ᠬᠠᠳᠠᠭ ᠪᠠᠶᠢᠭᠰᠠᠨ | | | ᠠᠳᠬᠤᠵᠤ ᠦᠵᠡᠪᠡᠯ ᠠᠯᠳᠠ ᠬᠠᠷᠠᠭᠳᠠᠨᠠ | ᠠᠮᠳᠠᠯᠠᠵᠤ ᠰᠢᠮᠡᠪᠡᠯ ᠰᠦ ᠤᠨᠳᠤᠷᠤᠨᠠ | ᠠᠮᠢᠨᠴᠢᠷᠬᠠᠨ ᠬᠠᠶᠢᠷᠠᠯᠠᠪᠠᠯ ᠠᠮᠠᠷᠠᠭ ᠰᠠᠨᠠᠭᠳᠠᠨᠠ | ᠠᠯᠢ ᠨᠢ ᠴᠤ ᠪᠦᠷ ᠨᠤᠳᠤᠭ ᠤᠨ ᠮᠢᠨᠢ ᠰᠢᠷᠤᠢ | | | ᠤᠨᠠᠭᠠᠨ ᠳᠤᠷᠠᠰᠤᠯ | | | ᠠᠳᠤᠭᠤ ᠦᠤᠷᠰᠡᠭᠰᠡᠨ ᠳᠠᠯᠠ ᠳᠤ ᠪᠠᠨ | ᠠᠬᠢ ᠰᠢᠤᠬᠠᠨ ᠨᠢᠳᠦᠯᠡᠭᠰᠡᠨ ᠶᠤᠮ | ᠠᠷᠴᠠ ᠶᠠᠰᠢᠯ ᠲᠠᠢ ᠮᠦᠴᠡᠬᠡᠷᠬᠡᠨ | ᠠᠮᠢᠨ ᠰᠠᠬᠢᠶᠠ ᠲᠠᠢ ᠵᠠᠶᠠᠭᠠᠭᠳᠠᠭᠰᠠᠨ ᠶᠤᠮ | | | ᠢᠨᠵᠠᠭᠠ ᠳᠡᠪᠡᠷᠢᠭᠰᠡᠨ ᠬᠦᠳᠡᠭᠡ ᠳᠤ ᠪᠠᠨ | ᠢᠰᠢᠬᠡ ᠰᠢᠤᠬᠠᠨ ᠦᠰᠦᠭᠰᠡᠨ ᠶᠤᠮ | ᠬᠤᠷᠠᠭᠠ ᠳᠤᠭᠤᠯ ᠲᠠᠢ ᠪᠠᠨ ᠬᠠᠨᠢᠰᠤᠭᠠᠳ | ᠬᠤᠷᠭᠤᠯ ᠠᠷᠭᠠᠯ ᠢᠶᠠᠷ ᠨᠠᠭᠠᠳᠤᠭᠰᠠᠨ ᠶᠤᠮ | | | ᠪᠤᠭᠤ ᠤᠷᠤᠩᠨᠠᠭᠰᠠᠨ ᠨᠤᠳᠤᠭ ᠲᠤ ᠪᠠᠨ | ᠪᠤᠳᠤᠭᠤ ᠰᠢᠤᠬᠠᠨ ᠡᠷᠬᠡᠯᠡᠭᠰᠡᠨ ᠶᠤᠮ | ᠪᠤᠳᠠ ᠰᠦᠬᠡᠭ ᠤᠨ ᠳᠤᠮᠳᠠᠭᠤᠷ | ᠪᠤᠷᠭᠠᠰᠤᠨ ᠳᠠᠭᠠ ᠬᠦᠯᠦᠭᠯᠡᠭᠰᠡᠨ ᠶᠤᠮ | | | ᠬᠠᠷᠭᠠᠨᠠ ᠴᠡᠴᠡᠭᠯᠡᠭᠰᠡᠨ ᠰᠢᠯᠢ ᠳᠤ ᠪᠠᠨ | ᠬᠠᠰᠠᠭ ᠰᠢᠤᠬᠠᠨ ᠬᠢᠬᠤᠨᠠᠭᠰᠠᠨ ᠶᠤᠮ | ᠬᠠᠯᠠ ᠵᠤᠪᠠᠯᠠᠩ ᠢ ᠠᠮᠳᠠᠯᠠᠭᠠᠳ | ᠬᠠᠳᠠᠨ ᠰᠢᠷᠪᠦᠰᠦ ᠪᠠᠨ ᠵᠠᠩᠬᠢᠷᠠᠭᠤᠯᠤᠭᠰᠠᠨ ᠶᠤᠮ | | | ᠬᠤᠯᠤᠰᠤ ᠨᠠᠶᠢᠭᠤᠭᠰᠠᠨ ᠨᠠᠭᠤᠷ ᠲᠤ ᠪᠠᠨ | ᠬᠤᠨᠴᠢᠨ ᠰᠢᠤᠬᠠᠨ ᠳᠡᠷᠪᠡᠭᠰᠡᠨ ᠶᠤᠮ | ᠬᠤᠯᠠ ᠶᠢᠨ ᠬᠦᠰᠡᠯ ᠢᠶᠠᠨ ᠵᠢᠬᠦᠷᠯᠡᠬᠡᠳ | ᠬᠤᠷᠢᠨ ᠨᠠᠰᠤ ᠪᠠᠨ ᠬᠦᠯᠢᠶᠡᠭᠰᠡᠨ ᠶᠤᠮ | | | ᠡᠷᠢᠶᠡᠨ ᠬᠤᠷᠸᠠ ᠳᠤ | | | ᠳᠤᠷᠠᠯᠠᠯ ᠤᠨ ᠭᠠᠯ ᠢ ᠤᠨᠳᠠᠷᠠᠭᠠᠳᠠᠭ | ᠬᠦᠢᠳᠡᠨ ᠤᠰᠤ ᠪᠠᠶᠢᠳᠠᠭ ᠤᠤ | ᠳᠤᠭᠳᠤᠯᠤᠭᠰᠠᠨ ᠰᠡᠳᠬᠢᠯ ᠢ ᠪᠠᠵᠠᠳᠠᠭ | ᠬᠠᠷᠠ ᠰᠠᠪᠠᠷ ᠪᠠᠶᠢᠳᠠᠭ ᠤᠤ | | | ᠡᠮᠵᠡᠭᠬᠡᠨ ᠰᠢᠷᠬᠠ ᠶᠢ ᠠᠨᠠᠭᠠᠳᠠᠭ | ᠰᠡᠳᠬᠢᠯ ᠤᠨ ᠰᠠᠷᠠ ᠭᠠᠷᠪᠠ ᠤᠤ | ᠡᠮᠳᠡᠷᠬᠡᠢ ᠪᠤᠳᠤᠯ ᠢ ᠭᠠᠩᠨᠠᠳᠠᠭ | ᠰᠠᠨᠠᠭᠠᠨ ᠤ ᠨᠠᠷᠠ ᠮᠠᠨᠳᠤᠪᠠ ᠤᠤ | | | ᠡᠳᠤᠷ ᠰᠦᠨᠢ ᠶᠢᠨ ᠵᠠᠢ ᠳᠤ | ᠰᠠᠷᠠ ᠨᠠᠷᠠ ᠪᠠᠨ ᠬᠦᠯᠢᠶᠡᠨᠡ | ᠡᠪᠤᠷ ᠬᠤᠭᠤᠰᠤᠨ ᠬᠦᠨᠳᠡᠢ ᠳᠤ | ᠰᠠᠨᠴᠢᠭ ᠴᠠᠶᠢᠳᠠᠯᠠ ᠵᠡᠬᠦᠳᠦᠯᠡᠨᠡ | | | ᠳᠤᠭᠴᠢ ᠯᠤᠪᠰᠠᠩ ︵鲁布森︶᠂ ᠬᠠᠷᠢᠯᠴᠠᠬᠤ ᠤᠳᠠᠰᠤ᠄ 136 1487 6979᠂ | ᠬᠠᠶ᠋ᠢᠭ᠄ ᠦᠪᠦᠷ ᠮᠤᠩᠭᠤᠯ ᠤᠨ ᠤᠷᠳᠤᠰ ᠬᠤᠳᠠ ᠶᠢᠨ ᠦᠤᠰᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠳᠤᠷᠰᠢᠯᠳᠠ | ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ︵内蒙古鄂尔多斯市乌审旗蒙古族实验小 | 学︶ | | | |