ᠪᠠᠳᠤᠴᠠᠭᠠᠨ | ᠦᠷ ᠤᠨ ᠭᠡᠭᠡ ᠲᠠᠢ ᠤᠷᠤᠯᠳᠤᠨ ᠪᠤᠰᠤᠭᠰᠠᠨ ᠵᠢᠨᠰᠡᠷᠮᠠ ᠡᠵᠢ ᠭᠡᠷ ᠭᠠᠳᠠᠨᠠᠬᠢ ᠠᠵᠢᠯ ᠭᠡᠵᠤ | ᠮᠤᠩᠭᠠᠨᠢᠭᠰᠠᠭᠠᠷ ᠪᠠᠶᠢᠵᠤ᠂ ᠶᠠᠭᠤ ᠴᠤ ᠭᠡᠰᠡᠨ ᠡᠷᠳᠡ ᠶᠢᠨ ᠬᠤᠭᠤᠯᠠ ᠭᠡᠳᠡᠭ ᠢ ᠰᠢᠷᠡᠭᠡ ᠳᠦᠭᠦᠷᠡᠩ ᠦᠷᠤᠭᠡᠳ | ᠰᠠᠪᠬᠠ ᠪᠠᠨ ᠠᠳᠬᠤᠭᠰᠠᠭᠠᠷ ᠠᠮᠠᠨ ᠳᠤ ᠨᠢ ᠤᠷᠤᠮᠠᠷ ᠪᠡᠯᠡᠭᠡᠨ ᠪᠤᠯᠭᠠᠯᠠ᠃ ᠭᠡᠪᠡᠴᠤ ᠬᠠᠭᠠᠯᠭᠠ ᠡᠭᠦᠳᠡ ᠪᠠᠨ | ᠪᠠᠬᠢᠯᠡᠨ ᠳᠠᠷᠤᠵᠤ᠂ ᠬᠠᠮᠠᠷ ᠳᠠᠳᠠᠨ ᠮᠠᠩᠰᠢᠭᠤᠷᠠᠵᠤ ᠪᠠᠶᠢᠭᠠ ᠬᠦᠤ᠂ ᠬᠦᠤ ᠪᠡᠷᠢ ᠨᠢ ᠪᠤᠰᠴᠤ ᠢᠷᠡᠬᠦ ᠦᠭᠡᠢ ᠨᠢ | ᠡᠪᠤᠭᠡᠨ ᠬᠦᠭᠰᠢᠨ ᠬᠤᠶᠠᠭᠤᠯᠠ ᠢ ᠳᠡᠰᠭᠢ ᠠᠯᠳᠠᠷᠠᠭᠤᠯᠤᠨᠠ᠃ ᠬᠠᠰᠢᠶᠠ ᠬᠦᠷᠢᠶᠠ ᠪᠠᠨ ᠴᠡᠪᠡᠷᠯᠡᠨ ᠬᠠᠷᠠᠳᠡᠢ | ᠶᠠᠳᠠᠷᠠᠭᠰᠠᠨ ᠡᠪᠤᠭᠡᠨ ᠬᠠᠯᠠᠭᠤᠨ ᠬᠤᠭᠤᠯᠠ ᠢᠳᠡᠪᠡᠯ ᠶᠠᠳᠠᠷᠠᠭᠠ ᠪᠠᠨ ᠳᠠᠶᠢᠯᠬᠤ ᠪᠠᠶᠢᠯᠭᠦᠢ ᠭᠡᠵᠤ ᠬᠦᠯᠢᠶᠡᠵᠤ ᠳᠡᠰᠬᠦ | ᠦᠭᠡᠢ ᠪᠤᠯᠵᠤ ᠰᠠᠪᠬᠠ ᠠᠳᠬᠤᠵᠤ ᠫᠢᠯᠠ ᠲᠠᠢ ᠨᠤᠭᠤᠭᠠ ᠶᠢ ᠰᠠᠪᠬᠠᠯᠠᠬᠤ ᠭᠡᠬᠦ ᠳᠤ ᠬᠦᠭᠰᠢᠨ ᠨᠢ ᠭᠦᠩᠭᠡᠨ ᠳᠠᠭᠤ | ᠪᠠᠷ᠄ ︽ᠬᠦᠶ᠋ᠢ᠂ ᠡᠪᠤᠭᠡᠨ ᠡ︕ ᠬᠦᠯᠢᠶᠠᠵᠤ ᠪᠠᠢ︾ ᠭᠡᠪᠡ᠃ ᠠᠮᠠᠨ ᠳᠠᠭᠠᠨ ᠬᠢᠬᠦ ᠪᠠᠷ ᠪᠤᠯᠤᠭᠰᠠᠨ ᠠᠭᠰᠢᠷᠠᠭᠠ | ᠡᠪᠤᠭᠡᠨ ᠰᠠᠪᠬᠠ ᠪᠠᠨ ᠳᠠᠯᠪᠢᠨ ᠪᠤᠳᠤᠯ ᠪᠤᠯᠤᠨ ᠰᠠᠭᠤᠯᠠ᠃ | ᠬᠤᠷᠢᠨ ᠨᠠᠰᠤ ᠶᠢ ᠬᠦᠷᠬᠦ ᠭᠡᠳᠡᠯᠡ ᠬᠦᠤ᠂ ᠬᠡᠤᠬᠡᠨ ᠤ ᠪᠠᠨ ᠪᠡᠶᠡ ᠶᠢ ᠪᠦᠳᠤᠭᠡᠬᠦ ᠭᠡᠵᠤ ᠶᠠᠭᠠᠷᠠᠳᠠᠭ ᠨᠢ | ᠬᠦᠳᠡᠭᠡ ᠶᠢᠨ ᠬᠦᠮᠤᠰ ᠤᠨ ᠨᠡᠶᠢᠳᠡ ᠶᠢᠨ ᠵᠠᠩ ᠪᠤᠶᠤ︕ ᠬᠤᠷᠢᠨ ᠨᠠᠰᠤ ᠬᠦᠷᠥᠭᠰᠡᠨ ᠬᠦᠤ ᠳᠡᠭᠡᠨ ᠪᠡᠷᠢ | ᠭᠤᠶᠤᠵᠤ ᠪᠡᠶᠡ ᠶᠢ ᠨᠢ ᠪᠦᠳᠤᠭᠡᠬᠦ ᠭᠡᠵᠤ ᠡᠪᠤᠭᠡᠨ ᠬᠦᠭᠰᠢᠨ ᠬᠤᠶᠠᠷ ᠦᠨᠡᠭᠡᠷ ᠦᠰᠤ ᠪᠠᠨ ᠳᠡᠭᠦᠵᠤ ᠤᠶᠢᠯᠡ ᠪᠠᠨ | ᠪᠠᠷᠠᠵᠠᠢ᠃ ᠬᠤᠳᠠ ᠤᠰᠤ ᠶᠢᠨ ᠬᠦᠮᠤᠨ ᠤ ᠳᠡᠮᠵᠢᠯᠭᠡ᠂ ᠰᠠᠳᠤᠨ ᠳᠦᠷᠤᠯ ᠤᠨ ᠬᠠᠪᠰᠤᠷᠤᠯᠭᠠ ᠪᠠᠷ ᠠᠷᠤ ᠶᠢᠨ | ᠠᠶᠢᠯ ᠤᠨ ᠠᠰᠢᠮᠠ ᠶᠢᠨ ᠬᠡᠤᠬᠡᠨ ᠢ ᠠᠷᠪᠠᠨ ᠳᠠᠪᠤᠨ ᠳᠦᠮᠡᠨ ᠳᠦᠭᠦᠷᠢᠭ ᠤᠨ ᠪᠡᠯᠡᠭ ᠳᠠᠯᠪᠢᠵᠤ ᠪᠠᠶᠢᠭᠠᠳ ᠤᠷᠤᠭ | ᠳᠤᠭᠳᠠᠵᠤ᠂ ᠢᠮᠠᠭᠠᠨ ᠮᠢᠬᠠ ᠬᠠᠯᠠᠭᠤᠨ ᠳᠠᠭᠠᠨ ᠳᠡᠭᠡᠷᠡ ᠭᠡᠵᠤ ᠪᠠᠷᠢᠨ ᠳᠤᠤᠷᠠ ᠨᠢ ᠬᠤᠷᠢᠮ ᠬᠢᠵᠤ ᠬᠦᠷ ᠨᠠᠷᠭᠢᠶᠠᠨ | ᠪᠤᠯᠤᠭᠰᠠᠨ ᠨᠢ ᠳᠡᠷᠡ ᠡᠳᠤᠷ ᠤᠨ ᠤᠴᠢᠷ ᠪᠢᠯᠡ᠃ ︽ᠡᠯᠵᠢᠭᠡ ᠠᠪᠬᠤ ᠬᠦᠮᠤᠨ ᠳᠤᠭᠤᠷᠠᠢ ᠶᠢ ᠨᠢ ᠦᠵᠡ᠂ | ᠦᠬᠢᠨ ᠠᠪᠬᠤ ᠬᠦᠮᠤᠨ ᠡᠶ᠋ᠢ ᠶᠢ ᠨᠢ ᠦᠵᠡ︾ ᠭᠡᠵᠤ ᠠᠶᠢᠯ ᠰᠠᠭᠠᠬᠠᠯᠳᠠ ᠶᠢᠨ ᠰᠠᠨᠠᠭᠤᠯᠤᠭᠰᠠᠨ ᠳᠤ᠂ ᠬᠡᠤᠬᠡᠨ | ᠬᠦᠮᠤᠨ ᠭᠡᠰᠡᠨ ᠴᠢᠨᠢ ︽ᠮᠤᠳᠤ ᠲᠠᠢ ᠬᠤᠯᠪᠤᠪᠠᠯ ᠵᠤᠭᠰᠤᠵᠤ ᠮᠤᠷᠢ ᠲᠠᠢ ᠬᠤᠯᠪᠤᠪᠠᠯ ᠱᠤᠭᠰᠢᠨᠠ᠂ ᠶᠠᠭᠠᠬᠢᠵᠤ | ᠠᠪᠴᠤ ᠶᠠᠪᠤᠬᠤ ᠨᠢ ᠪᠢᠳᠡᠨ ᠤ ᠳᠤᠳᠤᠷᠠ ᠪᠠᠶᠢᠬᠤ ᠶᠤᠮ︾ ᠭᠡᠵᠤ ᠡᠷᠡᠬᠡᠢ ᠬᠤᠷᠤᠭᠤ ᠬᠠᠮᠠᠷ ᠳᠠᠭᠠᠨ ᠰᠢᠭᠠᠵᠤ | ᠪᠠᠶᠢᠭᠰᠠᠨ ᠪᠢᠯᠡ᠃ ︽ᠵᠢᠳᠠ ᠦᠭᠡᠢ ᠯᠠᠶᠢᠴᠢᠩ︾ ᠵᠢᠪᠡᠬᠦᠨ ᠠᠰᠢᠮᠠ ᠶᠢᠨ ᠬᠡᠤᠬᠡᠨ ᠪᠤᠯᠪᠠᠴᠤ ᠬᠠᠳᠠᠮ ᠤᠨ ᠭᠠᠵᠠᠷ | ᠤᠨ ᠬᠠᠳᠠᠭᠤ ᠶᠤᠰᠤ ᠶᠢ ᠳᠠᠭᠠᠬᠤ ᠯᠠ ᠪᠠᠶᠢᠯᠭᠦᠢ ᠭᠡᠵᠤ ᠢᠨᠢᠶᠡᠳᠤᠮ ᠱᠤᠭ ᠪᠤᠯᠭᠠᠨ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠨᠢ | ᠦᠨᠡᠨᠳᠡᠢ᠃ ᠶᠠᠭᠤ ᠴᠤ ᠭᠡᠰᠡᠨ ᠬᠦᠤ ᠶᠢᠨ ᠢᠶᠠᠨ ᠪᠡᠶᠡ ᠶᠢ ᠪᠦᠳᠤᠭᠡᠭᠰᠡᠨ ᠬᠤᠶᠠᠷ ᠬᠦᠭᠰᠢᠨ ᠬᠦᠯ ᠭᠠᠵᠠᠷ ᠬᠦᠷᠬᠦ | ᠦᠭᠡᠢ ᠪᠤᠯᠵᠤ ︽ᠶᠠᠪᠤᠭᠰᠠᠭᠠᠷ ᠪᠠᠶᠢᠪᠠᠯ ᠨᠠᠶᠢᠨᠠᠢ ᠰᠠᠭᠤᠬᠤ ᠴᠢᠨᠢ ᠠᠳᠡ︾ ᠭᠡᠵᠤ ᠪᠠᠶᠠᠷᠯᠠᠵᠤ ᠪᠠᠶᠢᠯᠠ᠃ | ᠰᠢᠨᠡᠬᠡᠨ ᠪᠠᠭᠤᠯᠭᠠᠭᠰᠠᠨ ᠪᠡᠷᠢ ᠨᠢ ᠰᠢᠨᠡ ᠶᠢᠨ ᠭᠤᠷᠪᠠᠨ ᠡᠳᠤᠷ ᠢᠶᠠᠨ ᠡᠶᠡᠯᠳᠡᠭ ᠵᠦᠭᠡᠯᠡᠨ ᠨᠢ ᠶᠠᠭᠠᠬᠢᠨᠠ᠂ ︽ | ᠠᠪᠤ ᠡ︕︾ ᠭᠡᠳᠡᠯᠡ ︽ᠮᠦᠮᠤ ᠡ︕︾ ᠭᠡᠳ ᠠᠶᠠ ᠶᠢ ᠨᠢ ᠳᠠᠭᠠᠷᠠᠭᠤᠯᠬᠤ ᠨᠢ ᠭᠠᠶᠢᠬᠠᠯᠳᠠᠢ᠃ ᠰᠠᠨᠠᠭᠰᠠᠨ | ᠳᠠᠭᠠᠨ ᠬᠦᠷᠥᠭᠰᠡᠨ ᠡᠪᠤᠭᠡᠨ ᠬᠦᠭᠰᠢᠨ ᠬᠤᠶᠠᠷ ︽ᠠᠢ︕ ᠵᠢᠷᠭᠠᠯ ᠭᠡᠳᠡᠭ ᠴᠢᠨᠢ ᠡᠶᠢᠮᠤ ᠯᠠ ᠰᠢ ᠳ᠋ᠧ︾ ᠭᠡᠵᠤ | ᠪᠠᠶᠠᠷᠯᠠᠵᠤ ᠪᠠᠶᠢᠭᠰᠠᠨ ᠢ ᠦᠭᠦᠯᠡᠬᠦ ᠦᠭᠡᠢ᠃ ︽ᠭᠠᠢ ᠭᠠᠵᠠᠷ ᠳᠤᠤᠷᠠ ᠠᠴᠠ ᠭᠠᠭ᠋ᠠᠢ ᠮᠤᠳᠤᠨ ᠳᠤᠤᠷᠠ ᠠᠴᠠ︾ | ᠭᠡᠳᠡᠭ ᠢᠶᠠᠷ ᠭᠠᠯᠵᠠᠭᠤ ᠬᠡᠷᠡᠭᠦᠯ ᠬᠠᠷᠢᠨ ᠨᠢᠭᠡᠨ ᠡᠷᠳᠡ ᠶᠢᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠠᠴᠠ ᠪᠤᠯᠤᠯᠠ᠃ ᠰᠢᠨᠡ ᠪᠡᠷᠢ | ᠬᠤᠷᠢᠮᠯᠠᠭᠰᠠᠨ ᠭᠤᠷᠪᠠᠨ ᠡᠳᠤᠷ ᠢᠶᠠᠨ ᠬᠤᠭᠤᠯᠠ ᠪᠤᠳᠠᠭᠠ ᠬᠦᠷᠭᠡᠬᠦᠯᠬᠦ ᠨᠢ ᠶᠤᠰᠤ ᠪᠠᠶᠢᠭᠰᠠᠨ ᠤᠴᠢᠷ ᠠᠴᠠ | ᠭᠤᠷᠪᠠᠨ ᠡᠳᠤᠷ ᠬᠤᠭᠤᠯᠠ ᠬᠦᠷᠭᠡᠵᠤ ᠦᠭᠭᠦᠭᠰᠡᠨ ᠬᠠᠳᠠᠮ ᠡᠵᠢ ᠨᠢ ᠳᠦᠷᠪᠡᠳᠤᠭᠡᠷ ᠡᠳᠤᠷ ᠠᠴᠠ ᠪᠡᠷᠢ ᠪᠤᠯᠤᠭᠰᠠᠨ | ᠬᠦᠮᠤᠨ ᠦᠪᠡᠷ ᠢᠶᠠᠨ ᠭᠠᠷᠴᠤ ᠢᠷᠡᠭᠡᠳ ᠢᠳᠡᠬᠦ ᠨᠢ ᠶᠤᠰᠤ ᠭᠡᠵᠤ ᠬᠦᠷᠭᠡᠭᠰᠡᠨ ᠦᠭᠡᠢ ᠮᠦᠷᠳᠡᠭᠡᠨ ᠪᠡᠯᠡᠭᠡᠨ | ᠪᠤᠯᠤᠭᠰᠠᠨ ᠬᠤᠭᠤᠯᠠ ᠪᠠᠨ ᠠᠵᠢᠯ ᠳᠤ ᠭᠠᠷᠬᠤ ᠪᠠᠷ ᠶᠠᠭᠠᠷᠠᠨ ᠡᠪᠤᠭᠡᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠢᠳᠡᠵᠤ ᠪᠠᠶᠢᠪᠠ᠃ | ᠬᠡᠳᠤ ᠡᠮᠬᠦᠬᠦ ᠠᠴᠠ ᠡᠮᠤᠨᠡ᠂ ᠨᠤᠶᠢᠷ ᠠᠴᠠ ᠪᠠᠨ ᠠᠷᠠᠢ ᠰᠡᠷᠡᠭᠰᠡᠨ ᠪᠡᠷᠢ ᠨᠢ ᠭᠠᠳᠠᠨᠠ ᠭᠠᠷᠬᠤ ᠶᠢᠨ ᠳᠠᠰᠢᠷᠠᠮ | ᠢᠶᠠᠷ ᠬᠠᠳᠠᠮ ᠡᠵᠢ ᠠᠪᠤ ᠶᠢᠨ ᠢᠶᠠᠨ ᠬᠤᠭᠤᠯᠠ ᠢᠳᠡᠵᠤ ᠪᠠᠶᠢᠬᠤ ᠶᠢ ᠨᠢ ᠦᠵᠡᠮᠡᠭᠴᠡ ᠬᠤᠶᠠᠷ ᠨᠢᠳᠤ ᠤᠳᠤ ᠪᠤᠯᠵᠤ | ᠂ ᠬᠤᠶᠠᠷ ᠬᠤᠷᠤᠭᠤ ᠵᠢᠳᠠ ᠪᠤᠯᠵᠤ᠄ ︽ᠰᠡᠷᠡᠭᠡᠭᠰᠡᠨ ᠦᠭᠡᠢ ᠪᠠᠷ ᠴᠠᠭ ᠤᠨ ᠬᠤᠭᠤᠯᠠ ᠪᠠᠨ ᠬᠤᠯᠠᠭᠠᠶᠢᠯᠠᠨ ᠢᠳᠡᠵᠤ | ᠦᠯᠡᠳᠡᠵᠤ ᠳᠤᠳᠠᠭᠰᠠᠨ ᠢᠶᠠᠨ ᠨᠠᠳᠠ ᠳᠤ ᠢᠳᠡᠬᠦᠯᠬᠦ ᠭᠡᠵᠤ᠂ ᠬᠦᠤ ᠳᠡᠭᠡᠨ ᠠᠪᠤᠭᠰᠠᠨ ᠪᠡᠷᠢ ᠪᠠᠨ ᠬᠠᠷᠢᠨ ᠬᠦᠪᠳᠤ | ᠪᠤᠭᠤᠯ ᠢᠶᠠᠷ ᠦᠵᠡᠬᠦ ᠰᠠᠨᠠᠭᠠ ᠲᠠᠢ ᠤᠤ︖︾ ᠭᠡᠵᠤ ᠬᠤᠭᠤᠯᠠᠢ ᠶᠢᠨ ᠴᠢᠨᠡᠭᠡ ᠪᠠᠷ ᠢᠶᠠᠨ ᠪᠠᠷᠬᠢᠷᠪᠠ᠃ ᠡᠭᠦᠨ ᠢ | ᠰᠤᠨᠤᠰᠤᠭᠠᠳ ᠬᠠᠳᠠᠮ ᠡᠵᠢ ᠶᠢᠨ ᠬᠠᠯᠠ ᠶᠢ ᠮᠡᠳᠡᠭᠦᠯᠬᠦ ᠭᠡᠰᠡᠨ ᠪᠤᠳᠤᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠵᠢᠨᠰᠡᠷᠮᠠ ᠬᠦᠭᠰᠢᠨ | ᠡᠪᠤᠭᠡᠨ ᠢᠶᠠᠨ ᠵᠠᠩᠨᠠᠵᠤ ᠪᠠᠶᠢᠭᠰᠠᠨ ᠵᠠᠩ ᠢᠶᠠᠷ ᠢᠶᠠᠨ᠄ ︽ᠠᠮᠠᠨ ᠳᠤ ᠤᠷᠤᠮᠠᠷ ᠪᠤᠯᠤᠭᠰᠠᠨ ᠪᠤᠳᠠᠭᠠ ᠶᠢ ᠦᠪᠡᠷ | ᠢᠶᠠᠨ ᠭᠠᠷᠴᠤ ᠢᠷᠡᠵᠤ ᠢᠳᠡᠬᠦ ᠦᠭᠡᠢ᠂ ᠠᠮᠠᠨ ᠳᠤ ᠪᠠᠨ ᠬᠢᠯᠭᠡᠬᠦ ᠰᠠᠨᠠᠭᠠ ᠲᠠᠢ ᠤᠤ︖︾ ᠭᠡᠪᠡ᠃ ᠰᠢᠳᠡᠵᠤ | ᠪᠠᠶᠢᠭᠰᠠᠨ ᠳᠠᠷᠢ ᠶᠢᠨ ᠰᠢᠵᠢᠮ ᠳᠡᠯᠪᠡᠷᠡᠬᠦ ᠳᠤ ᠪᠡᠯᠡᠭᠡᠨ ᠪᠤᠯᠪᠠ᠃ ᠬᠠᠷᠠ ᠡᠷᠳᠡ ᠶᠢᠨ ᠬᠠᠯᠠᠭᠤᠨ ᠪᠤᠳᠠᠭᠠ ᠤᠯᠵᠤ | ᠢᠳᠡᠭᠰᠡᠨ ᠦᠭᠡᠢ ᠶᠢᠨ ᠳᠡᠭᠡᠷᠡ ᠠᠴᠠ ᠬᠠᠳᠠᠮ ᠡᠵᠢ ᠶᠢᠨ ᠢᠶᠠᠨ ᠬᠡᠯᠡᠭᠰᠡᠨ ᠦᠭᠡᠨ ᠳᠤ ᠡᠪᠤᠭᠡᠨ ᠬᠦᠭᠰᠢᠨ ᠬᠦᠤ | ᠭᠤᠷᠪᠠᠭᠤᠯᠠ ᠶᠢ ᠬᠡᠤᠬᠡᠳ ᠢᠶᠠᠨ ᠭᠡᠮᠡᠷ ᠬᠠᠷᠢᠶᠠᠵᠤ ᠪᠠᠶᠢᠭᠰᠠᠨ ᠢ ᠬᠡᠯᠡᠬᠦ ᠦᠭᠡ ᠦᠭᠡᠢ᠃ ᠰᠢᠨᠡᠬᠡᠨ ᠬᠤᠷᠢᠮᠯᠠᠭᠰᠠᠨ | ᠪᠡᠷᠢ ᠢᠶᠠᠨ ᠢᠩᠭᠢᠵᠤ ᠠᠭᠠᠰᠢᠯᠠᠨᠠ ᠭᠡᠵᠤ ᠰᠠᠨᠠᠭᠠᠨ ᠳᠤ ᠦᠭᠡᠢ ᠪᠠᠶᠢᠭᠰᠠᠨ ᠬᠦᠤ ᠨᠢ ᠡᠷᠡ ᠶᠢᠨ ᠵᠤᠷᠢᠭ ᠭᠠᠷᠭᠠᠵᠤ | ᠦᠭᠡ ᠤᠷᠤᠬᠤ ᠦᠭᠡᠢ ᠳᠤ ᠬᠤᠶᠠᠷ ᠳᠦᠭᠦᠰᠢ ᠦᠭᠭᠦᠯᠡ᠃ ᠬᠡᠯᠡᠭᠳᠡᠭᠡᠳ ᠬᠦᠯᠢᠶᠡᠬᠦ ᠦᠭᠡᠢ ᠬᠦᠮᠤᠨ | ᠴᠤᠬᠢᠭᠳᠠᠭᠠᠳ ᠵᠤᠭᠰᠤᠬᠤ ᠶᠤᠰᠤ ᠪᠤᠢ ᠤᠤ︖ ᠬᠠᠷᠠᠮᠠᠨ ᠳᠠᠭᠠᠨ ᠭᠢᠵᠤ ᠪᠠᠶᠢᠭᠰᠠᠨ ᠠᠯᠮᠤᠷᠠᠳ 6 ᠶᠢ ᠠᠳᠬᠤᠵᠤ | ᠠᠪᠤᠨᠠᠷᠠᠨ ᠠᠪᠤ ᠡᠵᠢ ᠳᠤ ᠪᠠᠨ ᠤᠳᠠᠰᠤᠳᠠᠵᠤ᠄ ︽ᠬᠦᠮᠤᠨ ᠤ ᠭᠠᠵᠠᠷ ᠦᠭᠭᠦᠭᠡᠳ ᠨᠠᠮᠠ ᠶᠢ ᠤᠶᠢᠯᠡ ᠶᠢ ᠪᠠᠷᠠᠵᠤ᠂ | ᠬᠦᠮᠤᠨ ᠢᠶᠠᠷ ᠳᠠᠷᠤᠯᠠᠭᠤᠯᠤᠨ ᠴᠤᠬᠢᠭᠤᠯᠬᠤ ᠴᠢᠨᠢ ᠶᠠᠭᠤ ᠶᠤᠮ︖ ᠳᠠᠨᠤᠰ ᠠᠪᠬᠤ ᠪᠠᠷ ᠢᠷᠡᠬᠦ ᠦᠭᠡᠢ ᠪᠤᠯ ᠪᠢ | ᠦᠪᠡᠷ ᠢᠶᠠᠨ ᠶᠠᠪᠤᠨᠠ︾ ᠭᠡᠪᠡ᠃ ᠬᠡᠷᠡᠭ ᠨᠢᠭᠡᠮᠤᠰᠤᠨ ᠪᠢᠰᠢᠳᠡᠵᠤ ᠳᠡᠭᠷᠢ ᠳᠤᠯᠤᠭᠰᠠᠨ ᠢ ᠮᠡᠳᠡᠭᠰᠡᠨ ᠡᠪᠤᠭᠡᠨ | ᠬᠦᠭᠰᠢᠨ ᠬᠤᠶᠠᠷ ᠤᠨ ᠬᠤᠶᠠᠷ ᠨᠢᠳᠤ ᠨᠢ ᠤᠷᠤᠢ ᠳᠤ ᠪᠠᠨ ᠳᠤᠯᠵᠤ᠂ ᠶᠠᠭᠠᠬᠢᠬᠤ ᠪᠠᠨ ᠤᠯᠬᠤ ᠦᠭᠡᠢ ᠪᠠᠶᠢᠳᠠᠯᠠ᠂ | ᠬᠠᠷᠠ ᠦᠩᠭᠡ ᠲᠠᠢ ︽BYD︾ ᠳᠡᠮᠳᠡᠭᠳᠤ ᠮᠠᠰᠢᠨ ᠢᠶᠠᠷ ᠬᠡᠳᠤᠨ ᠬᠦᠮᠤᠨ ᠢᠷᠡᠵᠤ ᠭᠠᠳᠠᠨᠠ ᠠᠴᠠ ᠳᠤᠳᠤᠭᠰᠢ | ᠭᠠᠯᠵᠠᠭᠤᠷᠠᠨ ᠪᠡᠷᠬᠢᠷᠠᠭᠰᠠᠭᠠᠷ ᠤᠷᠤᠵᠤ ᠢᠷᠡᠯᠡ᠃ ᠡᠵᠡᠨ ᠲᠠᠢ ᠨᠤᠬᠠᠢ ᠶᠢᠨ ᠰᠡᠭᠦᠯ ᠨᠢ ᠡᠷᠳᠡᠭᠡᠷ ᠭᠡᠳᠡᠭ ᠢᠶᠠᠷ ᠭᠡᠷ | ᠤᠨ ᠬᠦᠮᠤᠨ ᠢᠶᠠᠨ ᠦᠵᠡᠭᠰᠡᠨ ᠪᠡᠷᠢ ᠨᠢ ᠤᠯᠠᠮ ᠳᠤᠭᠰᠢᠷᠠᠵᠤ᠂ ᠭᠦᠭᠰᠢᠨ ᠬᠤᠶᠠᠷ ᠬᠦᠤ ᠲᠠᠢ ᠨᠢ ᠭᠤᠷᠪᠠᠭᠤᠯᠠ ᠶᠢ | ᠨᠢᠳᠤᠨ ᠳᠤ ᠨᠢ ᠬᠤᠷᠤᠭᠤ ᠬᠢᠵᠤ᠂ ᠬᠠᠷᠢᠶᠠᠬᠤ ᠭᠡᠳᠡᠭ ᠭᠡᠴᠡᠭᠦᠤ᠃ ᠰᠡᠭᠦᠯᠳᠡᠵᠤ ᠢᠷᠡᠭᠡᠳ ᠬᠤᠶᠠᠷ ᠬᠦᠭᠰᠢᠨ ᠢ | ᠭᠡᠷ ᠠᠴᠠ ᠨᠢ ᠬᠦᠭᠡᠭᠡᠨ ᠭᠠᠷᠭᠠᠵᠤ᠂ ᠠᠰᠳᠠᠭᠠᠨ ᠰᠠᠭᠤᠬᠤ ᠪᠠᠷ ᠪᠤᠯᠪᠠ᠃ ︽ᠦᠬᠦᠳᠡᠯᠡ ᠠᠮᠢ ᠬᠠᠶᠢᠷᠠᠨ᠂ | ᠦᠭᠡᠶᠢᠷᠡᠳᠡᠯᠡ ᠡᠳ᠋ ᠬᠠᠶᠢᠷᠠᠨ︾ ᠭᠡᠳᠡᠭ ᠢᠶᠠᠷ ᠤᠯᠤᠭᠰᠠᠨ ᠡᠳ᠋ ᠤᠨ ᠢᠶᠠᠨ ᠬᠠᠭᠠᠰ ᠢ ᠴᠤ ᠤᠯᠬᠤ ᠭᠡᠰᠡᠨ ᠡᠪᠤᠭᠡᠨ | ᠰᠠᠨᠠᠭᠠ ᠪᠠᠨ ᠬᠡᠯᠡᠬᠦ ᠳᠤ ︽ᠪᠦᠭᠦᠳᠡ ᠶᠢ ᠦᠭᠬᠦ ᠦᠭᠡᠢ ᠪᠤᠯ ᠤᠷᠤᠭ ᠰᠠᠯᠤᠨᠠ︾ ᠭᠡᠨᠡ᠃ ᠶᠡᠭᠠᠬᠢᠬᠤ ᠪᠠᠨ | ᠤᠯᠬᠤ ᠦᠭᠡᠢ ᠪᠠᠶᠢᠳᠠᠯᠠ ᠰᠠᠳᠤᠨ ᠳᠦᠷᠤᠯ ᠪᠠ ᠭᠠᠴᠠᠭᠠᠨ ᠳᠠᠷᠤᠭᠠ ᠶᠢᠨ ᠢᠳᠬᠠᠯᠭᠠ ᠭᠤᠶᠤᠴᠢᠯᠠᠭᠠ ᠳᠤᠤᠷᠠ | ᠭᠡᠷ ᠠᠴᠠ ᠪᠠᠨ ᠭᠠᠷᠭᠠᠬᠤ ᠦᠭᠡᠢ ᠬᠠᠷᠢᠨ ᠳᠠᠩᠵᠢᠶᠠᠳ ᠢᠶᠠᠨ ᠳᠤᠰᠢᠶᠠᠬᠤ ᠪᠠᠷ ᠪᠤᠯᠪᠠ᠃ ᠭᠡᠳᠡᠯᠡ ᠡᠪᠤᠭᠡᠨ | ᠬᠦᠭᠰᠢᠨ ᠬᠤᠶᠠᠷ ᠨᠢᠭᠡᠮᠤᠰᠤᠨ ᠬᠦᠳᠡᠯᠥᠩᠭᠦᠢ ᠪᠤᠰᠤ ᠪᠠᠶᠢᠷᠠᠨ ᠳᠤ ᠤᠷᠤᠪᠠ᠃ ᠬᠠᠷᠢᠶᠠᠪᠠᠴᠤ ᠳᠤᠤᠭᠠᠷᠬᠤ ᠦᠭᠡᠢ | ᠢᠨᠢᠶᠡᠳᠤ ᠬᠦᠷᠬᠦ ᠦᠭᠡᠢ ᠪᠤᠯᠪᠠᠴᠤ ᠮᠠᠶ᠋ᠢᠭᠯᠠᠵᠤ ᠦᠭᠬᠦ ᠪᠤᠯᠪᠠ᠃ ︽ᠠᠢ︕︾ ᠠᠷᠭᠠ ᠴᠤ ᠦᠭᠡᠢ᠂ ᠠᠶᠠ ᠪᠠᠷ | ᠨᠢ ᠤᠷᠤᠬᠤ ᠦᠭᠡᠢ ᠪᠤᠯ ᠰᠠᠯᠬᠤ ᠪᠠᠷ ᠢᠶᠠᠨ ᠠᠶᠤᠯᠭᠠᠨᠠ᠃ ᠰᠠᠯᠬᠤ ᠶᠢᠨ ᠤᠷᠤᠨ ᠳᠤ ᠰᠠᠭᠤᠯᠭᠠᠵᠤ ᠪᠠᠶᠢᠶᠠ ᠬᠦᠤ | ᠳᠤ ᠮᠢᠨᠢ ᠬᠠᠨᠢ ᠪᠢᠰᠢ ᠤᠤ︖ ᠳᠠᠪᠢ ᠬᠦᠷᠴᠤ ᠳᠠᠬᠢᠶᠠ ᠨᠢ ᠳᠤᠤᠭᠠᠷᠤᠭᠰᠠᠨ ᠪᠢᠳᠡ ᠬᠤᠶᠠᠭᠤᠯᠠ ᠤᠳᠤ ᠬᠡᠳᠤᠢ | ᠯᠠ ᠶᠠᠪᠤᠨᠠ᠂ ᠠᠷᠭᠠᠯᠠᠵᠤ ᠪᠠᠶᠢᠶᠠ᠃ ︽ᠠᠢ︕︾ ᠭᠡᠵᠤ ᠤᠷᠳᠤ ᠰᠠᠨᠠᠭᠠ ᠠᠯᠳᠠᠬᠤ ᠳᠤ ︽ᠠᠪᠤ ᠡ︕ | ᠶᠠᠭᠤᠨ ᠤ ᠰᠠᠨᠠᠭᠠ ᠠᠯᠳᠠᠭᠠᠳ ᠪᠠᠶᠢᠬᠤ ᠶᠤᠮ᠂ ᠬᠤᠭᠤᠯᠠ ᠪᠠᠨ ᠢᠳᠡᠬᠦ ᠦᠭᠡᠢ ᠤᠤ︖︾ ᠭᠡᠮᠡᠨ ᠪᠡᠷᠢ ᠨᠢ ᠬᠡᠯᠡᠬᠦ | ᠳᠤ ︽ᠵᠢᠭ︕︾ ᠭᠡᠵᠤ ᠠᠶᠤᠩᠭᠤᠷᠢ ᠬᠦᠷᠥᠭᠰᠡᠨ ᠡᠪᠤᠭᠡᠨ ᠪᠡᠷᠢ ᠶᠢᠨ ᠢᠶᠠᠨ ᠢᠷᠡᠭᠡᠳ ᠬᠤᠭᠤᠯᠠ ᠢᠳᠡᠵᠤ | ᠪᠠᠶᠢᠭᠰᠠᠨ ᠢ ᠰᠠᠶ᠋ᠢ ᠮᠡᠳᠡᠯᠡ᠃ | |