| ᠶ᠋᠊᠂ ᠬᠠᠶᠢᠷᠠ | ᠳᠤᠷᠠᠯᠠᠯ ᠤᠨ ᠤᠴᠢᠭ ᠢᠶᠠᠨ ᠨᠠᠷᠠᠨ ᠠᠴᠠ ᠰᠢᠵᠢᠮᠯᠠᠵᠤ | ᠲᠤᠭᠤᠨᠤᠨ ᠤ ᠴᠢᠨᠢ ᠳᠤᠩᠭᠤᠯᠠᠢ ᠪᠠᠷ ᠭᠡᠭᠡ ᠪᠡᠯᠡᠭᠯᠡᠵᠤ | ᠲᠤᠭᠤᠷᠭᠠᠨ ᠤ ᠴᠢᠨᠢ ᠪᠦᠰᠡᠯᠡᠭᠦᠷ ᠢ ᠤᠭᠤᠷᠠᠭ ᠢᠶᠠᠷ ᠮᠢᠯᠢᠶᠠᠵᠤ | ᠲᠤᠭᠤᠯ ᠤᠨ ᠪᠡᠯᠴᠢᠭᠡᠷ ᠲᠤ ᠴᠢᠨᠢ ᠢᠷᠭᠤᠢ ᠨᠢᠳᠦᠯᠡᠭᠦᠯᠦᠭᠡᠳ | ᠬᠠᠪᠤᠷ ᠪᠢ ᠬᠠᠶᠢᠷᠠ ᠪᠠᠨ ᠬᠡᠯᠡᠨᠡ | ᠲᠤᠯᠤᠭᠠᠳ ᠤᠨ ᠤᠷᠤᠢ ᠠᠴᠠ ᠠᠶᠠᠯᠭᠤ ᠵᠢᠮᠪᠤᠷᠳᠡᠭᠦᠯᠵᠤ | ᠲᠤᠷᠤᠮ ᠤᠨ ᠨᠢᠯᠪᠤᠰᠣ ᠶᠢ ᠳᠠᠭᠤᠣ ᠪᠠᠷ ᠢᠶᠠᠨ ᠠᠷᠴᠢᠵᠤ | ᠲᠤᠯᠭᠠ ᠶᠢᠨ ᠭᠠᠯ ᠢ ᠴᠢᠨᠢ ᠨᠠᠶᠢᠷᠠᠭ ᠢᠶᠠᠷ ᠢᠶᠠᠨ ᠬᠦᠭᠵᠢᠭᠡᠵᠤ | ᠳᠤᠮᠪᠤ ᠲᠠᠢ ᠴᠠᠶᠢᠨ ᠳᠤ ᠴᠢᠨᠢ ᠰᠡᠳᠭᠢᠯ ᠢᠶᠠᠨ ᠰᠦᠯᠡᠭᠡᠳ | ᠬᠠᠪᠤᠷ ᠪᠢ ᠬᠠᠶᠢᠷᠠ ᠪᠠᠨ ᠬᠡᠯᠡᠨᠡ | ᠭᠠᠯᠪᠡ ᠶᠢᠨ ᠰᠠᠯᠬᠢᠨ ᠠᠴᠠ ᠮᠦᠷ ᠢ ᠴᠢᠨᠢ ᠬᠠᠶᠢᠵᠤ | ᠭᠠᠵᠡᠷ ᠤᠨ ᠵᠢᠷᠦᠭᠡᠨ ᠠᠴᠠ ᠰᠦᠵᠢᠭ ᠬᠦᠪᠤᠷᠡᠭᠦᠯᠵᠤ | ᠭᠠᠳᠠᠰᠤ ᠤᠳᠤᠨ ᠠᠴᠠ ᠤᠬᠠᠭᠠᠨ ᠢ ᠴᠢᠨᠢ ᠬᠡᠮᠨᠡᠵᠤ | ᠭᠠᠯᠠᠭᠤᠳ ᠤᠨ ᠳᠠᠭᠤᠨ ᠢᠶᠠᠷ ᠪᠤᠳᠤᠯ ᠢᠶᠠᠨ ᠠᠷᠭᠠᠳᠠᠭᠠᠳ | ᠬᠠᠪᠤᠷ ᠪᠢ ᠬᠠᠶᠢᠷᠠ ᠪᠠᠨ ᠬᠡᠯᠡᠨᠡ | ᠬᠠᠶᠢᠯ ᠤᠨ ᠤᠰᠤᠨ ᠳᠤ ᠰᠡᠭᠦᠳᠡᠷ ᠢᠶᠠᠨ ᠠᠷᠢᠭᠤᠯᠠᠵᠤ | ᠬᠠᠭᠳᠠᠨ ᠤ ᠦᠡᠭᠭᠡᠨ ᠳᠤ ᠬᠠᠷᠠᠭᠠ ᠪᠠᠨ ᠤᠨᠠᠭᠠᠵᠤ | ᠨᠠᠭᠤᠷ ᠤᠨ ᠮᠡᠯᠮᠡᠢ ᠳᠤ ᠳᠤᠤᠯᠢᠶᠠᠨ ᠪᠢᠳᠡᠷᠯᠠᠭᠤᠯᠵᠤ | ᠨᠢᠭᠤᠴᠠᠬᠠᠨ ᠬᠦᠰᠡᠯ ᠢᠶᠠᠨ ᠵᠢᠷᠦᠭᠡᠨ ᠳᠤ ᠪᠠᠨ ᠰᠢᠪᠡᠨᠠᠭᠡᠳ | ᠬᠠᠪᠤᠷ ᠪᠢ ᠬᠠᠶᠢᠷᠠ ᠪᠠᠨ ᠬᠡᠯᠡᠨᠡ | ᠠᠩᠬᠠᠨ ᠤ ᠪᠤᠷᠤᠭᠠᠨ ᠢᠶᠠᠷ ᠵᠤᠯᠠᠢ ᠪᠠᠨ ᠦᠨᠦᠰᠦᠭᠦᠯᠵᠤ | ᠠᠭᠳᠠ ᠶᠢᠨ ᠵᠢᠯᠤᠭᠤ ᠪᠠᠨ ᠴᠢᠮᠠ ᠵᠦᠭ ᠢᠶᠠᠨ ᠵᠠᠯᠠᠵᠤ | ᠦᠯᠢ ᠶᠢᠨ ᠤᠪᠤᠭᠠᠨ ᠳᠤ ᠪᠠᠨ ᠬᠡᠶᠢᠮᠦᠷᠢ ᠪᠠᠨ ᠰᠢᠪᠰᠢᠵᠤ | ᠠᠨᠳᠠᠭᠠᠢ ᠲᠠᠩᠭᠠᠷᠢᠭ ᠢᠶᠠᠨ ᠦᠷᠦᠴᠡᠨ ᠳᠤ ᠪᠠᠨ ᠶᠡᠭᠦᠯᠡᠭᠡᠳ | ᠬᠠᠪᠤᠷ ᠪᠢ ᠬᠠᠶᠢᠷᠠ ᠪᠠᠨ ᠬᠡᠯᠡᠨᠡ | | |