| ⒈ ᠪᠠ ᠯᠢ ᠬᠠᠨ ︵八里罕︶ | ᠡᠳᠦᠭᠡ ᠶᠢᠨ ᠨᠤᠮ ᠪᠤᠶᠤ ᠡᠷᠳᠡᠮᠳᠡᠨ ᠤ ᠬᠡᠯᠡᠯᠭᠡᠨ ᠳᠤ ᠡᠨᠡᠬᠦ ᠭᠠᠵᠠᠷ ᠤᠨ ᠨᠡᠷᠡ ᠶᠢ ᠪᠤᠷᠬᠠᠨ ᠤᠬᠠᠵᠤ ᠭᠠᠷᠭᠠᠭᠰᠠᠨ | ᠤᠴᠢᠷ ᠠᠴᠠ ︽ᠪᠤᠷᠬᠠᠨᠳᠤ︾ ᠬᠡᠵᠦ ᠨᠡᠷᠡᠯᠡᠪᠡ ᠬᠡᠪᠡ᠃ ᠪᠠᠰᠠ ᠵᠠᠷᠢᠮ ᠮᠡᠷᠭᠡᠳ ︽ᠪᠠᠷᠠᠬᠠᠨ︾ ᠬᠡᠵᠦ ᠬᠡᠯᠡᠨᠡ᠃ | ᠪᠢᠳᠡ ᠤᠳᠬᠠ ᠶᠢ ᠨᠢ ᠤᠶᠢᠯᠠᠭᠠᠬᠤ ᠦᠭᠡᠢ᠃ ᠬᠡᠳᠡᠯᠡ ᠴᠢᠩ ᠬᠦᠷᠦᠨ ᠤ ᠭᠠᠵᠠᠷ ᠤᠨ ᠵᠢᠷᠤᠭ ᠲᠡᠭᠡᠷᠡ ︽ᠪᠠᠷᠰ | ᠲᠠᠪᠠᠭᠠ︾ ᠬᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠨᠠ᠃ ᠡᠷᠳᠡᠨ ᠡᠳᠦᠭᠡ ᠠᠯᠢ ᠨᠢ ᠵᠦᠪ ᠠᠯᠢ ᠨᠢ ᠪᠤᠷᠤᠭᠤ ᠶᠢ ᠲᠤᠳᠤᠯᠬᠤ ᠨᠢ | ᠴᠢᠬᠤᠯᠠ ᠦᠭᠡᠢ᠃ | ᠯᠠᠪᠯᠠᠬᠤ ᠮᠠᠲ᠋ᠧᠷᠢᠶᠠᠯ | ᠲᠠᠨ ᠴᠢ ᠰᠢᠶᠠᠩ ᠤᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠦᠭᠡ ᠶᠢᠨ ᠭᠠᠵᠠᠷ ᠤᠨ ᠲᠡᠭᠦᠪᠦᠷᠢ︾᠂ | ᠴᠢᠩ ᠬᠦᠷᠦᠨ ᠤ ᡁᠢ ᠯᠢ ᠭᠠᠵᠠᠷ ᠤᠨ ᠵᠢᠷᠤᠭ ︵ᠲᠤᠮᠳᠠᠳᠤ ᠤᠯᠤᠰ ᠤᠨ ᠭᠠᠵᠠᠷ ᠤᠨ ᠵᠢᠷᠤᠭ ᠤᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ᠂ 1987 ᠤᠨ ᠤ 4 ᠰᠠᠷᠠ ᠶᠢᠨ ᠬᠡᠪᠯᠡᠯ︶ | ⒉ ᠮᠤᠤ ᠵᠢᠩ ᠪᠠ ︵茅荆垻︶ | ᠡᠳᠦᠭᠡ ᠶᠢᠨ ᠨᠤᠮ ᠪᠤᠶᠤ ᠡᠷᠳᠡᠮᠳᠡᠨ ᠨᠠᠷ ᠪᠦᠷ ︽ᠮᠤᠵᠢ ᠶᠢᠨ ᠲᠠᠪᠠᠭᠠ︾ ᠪᠤᠶᠤ ︽ᠮᠤᠵᠠᠩ ᠤᠨ ᠲᠠᠪᠠᠭᠠ︾ | ᠬᠡᠵᠦ ᠪᠢᠴᠢᠵᠦ ᠪᠠᠶᠢᠨᠠ᠃ ᠮᠠᠨ ᠤ ᠤᠶᠢᠯᠠᠭᠠᠬᠤ ᠪᠠᠷ ᠡᠨᠡᠬᠦ ᠲᠠᠪᠠᠭᠠ ᠶᠢᠨ ᠨᠡᠷᠡ ᠮᠤᠩᠭᠤᠯ ᠨᠡᠷᠡ ᠪᠤᠰᠤ᠂ ᠬᠢᠳᠠᠨ | ᠦᠭᠡ ᠪᠤᠯᠤᠨᠠ᠃ ᠮᠤᠩᠭᠤᠯ ᠢᠶᠠᠷ ᠤᠷᠴᠢᠭᠤᠯᠪᠠᠯ ︽ᠮᠤᠷᠤᠢ ᠲᠠᠪᠠᠭᠠ︾ ᠬᠡᠰᠡᠨ ᠦᠭᠡ᠃ ᠡᠶᠢᠮᠦ ᠤᠴᠢᠷ ᠠᠴᠠ | ᠯᠤᠪᠰᠠᠩᠴᠤᠶᠢᠳᠠᠨ ᠤ ︽ᠮᠤᠷᠤᠢ ᠠᠪᠠᠨ ᠲᠠᠪᠠᠭᠠ︾ ᠬᠡᠵᠦ ᠲᠡᠮᠳᠡᠭᠯᠡᠪᠡ᠃ ᠡᠷᠳᠡᠨ ᠡᠳᠦᠭᠡ ᠶᠢᠨ ᠬᠡᠯᠡᠯᠭᠡ ᠠᠯᠢ ᠨᠢ | ᠵᠦᠪ ᠠᠯᠢ ᠨᠢ ᠪᠤᠷᠤᠭᠤ ᠶᠢ ᠨᠢ ᠲᠤᠳᠤᠯᠬᠤ ᠴᠢᠬᠤᠯᠠ ᠦᠭᠡᠢ᠃ | ᠯᠠᠪᠯᠠᠬᠤ ᠮᠠᠲ᠋ᠧᠷᠢᠶᠠᠯ | 清᠂顾祖禹撰 ︽读史方舆纪要︾北直九 840᠂ 853页 ︵中华 | 书局᠂ 2005年3月版︶ | ᠯᠤᠪᠰᠠᠩᠴᠤᠶᠢᠳᠠᠨ ᠤ ︽ᠮᠤᠩᠭᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ ᠦᠢᠯᠡᠪᠦᠷᠢ︾᠂ 293 ᠨᠢᠭᠤᠷ ︵1971 ᠤᠨ ᠤ | 9 ᠰᠠᠷᠠ ᠶᠢᠨ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠤ ᠬᠡᠪᠯᠡᠯ︶ | ⒊ ᠪᠤᠷᠤ ᠲᠤᠬᠤᠢ ︵紫蒙川︶ | ᠲᠡᠭᠡᠷᠡ ᠵᠠᠭᠤᠨ ᠤ 80 ᠤᠨ ᠤ ᠦᠶᠡ ᠳᠤ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠲᠤᠪᠴᠢᠶᠠ | ᠬᠡᠪᠯᠡᠭᠰᠡᠨ ︽ᠤᠯᠠᠭᠠᠨᠬᠠᠳᠠ ᠵᠠᠰᠠᠭ ᠵᠠᠬᠢᠷᠠᠭᠠ ᠶᠢᠨ ᠬᠤᠪᠢᠷᠠᠯᠳᠠ︾ ᠳᠤ ᠡᠨᠡ ᠤᠷᠤᠨ ᠢ ᠤᠯᠠᠭᠠᠨᠬᠠᠳᠠ ᠬᠤᠳᠠ | ᠶᠢᠨ ᠤᠷᠴᠢᠮ ᠤᠨ ᠯᠤᠤᠬᠠ ᠶᠢᠨ ᠭᠤᠤᠯ ᠤᠨ ᠲᠤᠬᠤᠢ ᠪᠤᠯᠤᠨᠠ ᠬᠡᠵᠦ ᠦᠨᠡᠮᠯᠡᠪᠡ᠃ ᠬᠡᠳᠡᠯᠡ ᠴᠢᠩ ᠬᠦᠷᠦᠨ ᠤ | ᠭᠦ᠋ ᠽᠦ᠋ ᠢᠦᠢ ᠶᠢᠨ ᠵᠤᠬᠢᠶᠠᠯ ︽读史方舆纪要︾ ᠳᠤ ᠴᠤᠤᠶᠠᠩ ᠰᠢᠶᠠᠨ ︵朝阳县︶ ᠤ | ᠪᠠᠷᠠᠭᠤᠨ ᠬᠤᠶᠢᠳᠤ ᠳᠤ ᠪᠠᠶᠢᠷᠢᠰᠢᠨᠡ ᠬᠡᠵᠦ ᠦᠨᠡᠮᠯᠡᠪᠡ᠃ ᠪᠢᠳᠡ ᠲᠠᠩ ᠤᠯᠤᠰ ᠤᠨ ᠭᠠᠵᠠᠷ ᠤᠨ ᠵᠢᠷᠤᠭ ᠢ | ᠦᠵᠡᠪᠡᠰᠦ ᠡᠨᠡ ᠪᠤᠷᠤ ᠲᠤᠬᠤᠢ ᠦᠨᠡᠭᠡᠷ ᠴᠤᠤ ᠶᠠᠩ ᠰᠢᠶᠠᠨ ᠤ ᠪᠠᠷᠠᠭᠤᠨ ᠬᠤᠶᠢᠳᠤ ᠭᠠᠵᠠᠷ ᠲᠤ ᠪᠠᠶᠢᠷᠢᠰᠢᠨᠠ᠃ | ᠡᠷᠳᠡᠨ ᠡᠳᠦᠭᠡ ᠶᠢᠨ ᠲᠡᠮᠳᠡᠭᠯᠡᠯ ᠨᠢ ᠠᠯᠢ ᠨᠢ ᠵᠦᠪ ᠠᠯᠢ ᠨᠢ ᠪᠤᠷᠤᠭᠤ ᠶᠢ ᠲᠤᠳᠤᠯᠬᠤ ᠴᠢᠬᠤᠯᠠ ᠦᠭᠡᠢ᠃ | ᠯᠠᠪᠯᠠᠬᠤ ᠮᠠᠲ᠋ᠧᠷᠢᠶᠠᠯ | 清᠂顾祖禹 ︽读史方舆纪要︾北直九 845页 ︵中华书局᠂ | 2005年3月版︶ | ︽ᠦᠭᠡᠰ ᠤᠨ ᠲᠠᠯᠠᠢ︾ 1758 ᠨᠢᠭᠤᠷ ︵ᠱᠠᠩᠬᠠᠢ ᠶᠢᠨ ᠦᠭᠡᠰ ᠤᠨ ᠨᠤᠮ ᠤᠨ 1980 ᠤᠨ ᠤ 8 ᠰᠠᠷᠠ | ᠶᠢᠨ ᠬᠡᠪᠯᠡᠯ︶ | ⒋ ᠮᠠ ᠢᠦᠢ ᠱᠠᠨ ︵马盂山︶ | ᠡᠳᠦᠭᠡ ᠶᠢᠨ ᠵᠠᠷᠢᠮ ᠡᠷᠳᠡᠮᠳᠡᠨ ᠬᠠᠷᠠᠴᠢᠨ ᠤ ᠡᠮᠡᠭᠡᠯᠡᠨ ᠠᠭᠤᠯᠠ ︵马鞍山︶ ᠶᠢ ᠮᠠ ᠢᠦᠢ ᠱᠠᠨ ᠬᠡᠵᠦ | ᠬᠡᠯᠡᠵᠦ ᠪᠤᠯᠤᠨᠠ᠃ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠵᠢᠷᠤᠭᠳᠤ ᠷᠠᠳᠢᠤ᠋ ︵ᠲᠧᠯᠸᠢᠰ︶ ᠲᠤ ᠪᠠᠰᠠ ᠬᠡᠳᠦᠨ ᠤᠳᠠᠭᠠ | ᠢᠩᠬᠢᠵᠦ ᠨᠡᠪᠳᠡᠷᠡᠭᠦᠯᠪᠡ᠃ ᠬᠡᠳᠡᠯᠡ ᠬᠦ᠋ ᠽᠦ ᠢᠦᠢ ᠶᠢᠨ ᠭᠠᠵᠠᠷ ᠤᠨ ᠵᠦᠢ ᠪᠠ ᠡᠷᠳᠡᠨ ᠡᠳᠦᠭᠡ ᠶᠢᠨ ᠭᠠᠵᠠᠷ ᠤᠨ | ᠨᠡᠷᠡᠰ ᠤᠨ ᠲᠤᠯᠢ ᠳᠤ ᠪᠦᠷ ᠡᠳᠦᠭᠡ ᠶᠢᠨ ᠨᠢᠩᠴᠧᠩ ᠰᠢᠶᠠᠨ ᠤ ᠾᠧ ᠯᠢ ᠾᠧ ᠭᠤᠤᠯ ︵ᠯᠤᠤᠬᠠ ᠭᠤᠤᠯ ᠤᠨ | ᠡᠬᠢ︶ ᠶᠡᠭᠡ ᠨᠢᠴᠦᠭᠦᠨ ᠠᠭᠤᠯᠠ ᠠᠴᠠ ᠵᠡᠭᠦᠨᠰᠢ ᠦᠷᠭᠦᠯᠵᠢᠯᠡᠭᠰᠡᠨ ᠠᠭᠤᠯᠠᠰ ᠤᠨ ᠨᠢᠭᠡᠨ ︿ᠮᠠ ᠢᠦᠢ﹀ ᠠᠳᠠᠯᠢ | ᠤᠷᠬᠢᠯ ᠢ ᠵᠢᠭᠠᠵᠤ ᠪᠠᠶᠢᠨᠠ᠃ ᠡᠷᠳᠡᠨ ᠡᠳᠦᠭᠡ ᠶᠢᠨ ᠠᠳᠠᠯᠢ ᠪᠤᠰᠤ ᠲᠡᠮᠳᠡᠭᠯᠡᠬᠦ ᠨᠢ ᠠᠯᠢ ᠨᠢ ᠵᠦᠪ ᠠᠯᠢ ᠨᠢ | ᠪᠤᠷᠤᠭᠤ ᠶᠢ ᠲᠤᠳᠤᠯᠬᠤ ᠴᠢᠬᠤᠯᠠ ᠦᠭᠡᠢ᠃ | ᠯᠠᠪᠯᠠᠬᠤ ᠮᠠᠲ᠋ᠧᠷᠢᠶᠠᠯ | 清᠂顾祖禹 ︽读史方舆纪要︾北直九 840页 ︵中华书局᠂ | 2005年3月版︶ | ᠱᠠᠩ ᠯᠢ ᠾᠧ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠷᠳᠡᠨ ᠡᠳᠦᠭᠡ ᠶᠢᠨ ᠭᠠᠵᠠᠷ ᠤᠨ ᠨᠡᠷᠡᠰ ᠤᠨ ᠲᠤᠯᠢ︾ 762 ᠨᠢᠭᠤᠷ | ︵ᠱᠠᠩ ᠦ᠋ ᠬᠡᠪᠯᠡᠯ ᠤᠨ ᠬᠡᠷ᠂ ᠰᠢᠶᠠᠩᠭᠠᠩ ᠤᠨ ᠬᠤᠪᠢᠶᠠᠷᠢ ᠬᠤᠷᠢᠶᠠ᠂ 1931 ᠤᠨ ᠤ 10 ᠰᠠᠷᠠ ᠶᠢᠨ ᠬᠡᠪᠯᠡᠯ | ︶ | ⒌ ᠡᠷᠢᠶᠠᠨ ︵二龙︶ | ᠡᠨᠡ ᠤᠷᠤᠨ ᠪᠤᠯ ᠨᠢᠩᠴᠧᠩ ᠰᠢᠶᠠᠨ ᠤ ᠨᠢᠭᠡ ᠵᠢᠵᠢᠭ ᠭᠠᠯ ᠲᠡᠷᠭᠡ ᠶᠢᠨ ᠦᠷᠳᠡᠭᠡ ᠪᠤᠯᠤᠨᠠ᠃ ︽ᠡᠷᠢᠶᠠᠨ︾ | ᠬᠡᠰᠡᠨ ᠦᠭᠡ ᠵᠠᠩ ᠮᠦ ᠶᠢᠨ ︽ᠮᠤᠩᠭᠤᠯ ᠤᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠲᠡᠮᠳᠡᠭᠯᠡᠯ︾ ᠳᠤ ︽ᠬᠤᠯᠠ ᠠᠴᠠ | ᠠᠵᠢᠭᠯᠠᠪᠠᠰᠤ ᠵᠡᠷᠯᠢᠭ ᠮᠤᠳᠤ ᠬᠦᠭᠡ ᠴᠠᠭᠠᠨ ᠦᠩᠭᠡᠯᠡᠵᠦ᠂ ᠡᠶᠢᠮᠦ ᠠᠴᠠ ᠠᠯᠠᠭ ︵ᠴᠤᠬᠤᠷ︶ ᠮᠤᠷᠢ ᠮᠡᠳᠦ ︵驳马 | ︶︾ ᠬᠡᠵᠦ ᠲᠡᠮᠳᠡᠭᠯᠡᠵᠠᠢ᠃ ᠰᠦᠩ ᠤᠯᠤᠰ ᠤᠨ ᠵᠦ ᠰᠢ ︽ᠪᠤᠷᠤ ᠬᠠᠶᠢᠯᠠᠰᠤ ᠶᠢᠨ ᠬᠠᠯᠢᠰᠤ ᠬᠦᠭᠡ ᠴᠠᠭᠠᠨ | ᠦᠩᠭᠡᠯᠡᠵᠦ᠂ ᠠᠯᠠᠭ ᠮᠤᠷᠢ ᠮᠡᠳᠦ ︵驳马︶︾ ᠬᠡᠵᠦ ᠲᠡᠮᠳᠡᠭᠯᠡᠪᠡ᠃ ᠬᠢᠳᠠᠳ ᠢᠶᠠᠷ ᠪᠠᠰᠠ ︿贺兰﹀᠂ ︿二 | 连﹀᠂ ︿阿拉善﹀ ᠬᠡᠵᠦ ᠬᠡᠳᠦᠨ ᠶᠠᠩᠵᠤ ᠪᠠᠷ ᠪᠢᠴᠢᠵᠦ ᠪᠠᠶᠢᠨᠠ᠃ ᠤᠶᠢᠷᠠ ᠶᠢᠨ ᠦᠶᠡ ᠶᠢᠨ ︿ | ᠡᠷᠳᠡᠮᠳᠡᠨ﹀ ᠨᠠᠷ ᠤᠭ ᠤᠳᠬᠠ ᠶᠢ ᠨᠢ ᠮᠡᠳᠡᠬᠦ ᠦᠭᠡᠢ ︿ᠬᠦᠯᠦᠭ ᠮᠤᠷᠢ ︵骏马︶﹀ ᠬᠡᠵᠦ ᠪᠤᠷᠤᠭᠤ | ᠲᠡᠮᠳᠡᠭᠯᠡᠵᠦ᠂ ᠮᠡᠳᠡᠬᠦ ᠦᠭᠡᠢ ᠬᠦᠮᠦᠰ ᠢ ᠪᠤᠷᠤᠭᠤ ᠵᠦᠭ ᠲᠤ ᠵᠢᠭᠠᠪᠤᠷᠢᠯᠠᠵᠤ ᠪᠠᠶᠢᠨᠠ᠃ | ᠯᠠᠪᠯᠠᠬᠤ ᠮᠠᠲ᠋ᠧᠷᠢᠶᠠᠯ | ᠵᠠᠩ ᠮᠦ ᠶᠢᠨ ︽ᠮᠤᠩᠭᠤᠯ ᠤᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠲᠡᠮᠳᠡᠭᠯᠡᠯ︾ ᠤᠨ ᠠᠯᠠᠱᠠ ᠠᠶᠢᠮᠠᠭ | 清᠂顾祖禹 ︽读史方舆纪要︾ 2471 — 2472页 ︵中华书局᠂ | 2005年3月版︶ | ᠱᠠᠩ ᠯᠢ ᠾᠧ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠷᠳᠡᠨ ᠡᠳᠦᠭᠡ ᠶᠢᠨ ᠭᠠᠵᠠᠷ ᠤᠨ ᠨᠡᠷᠡᠰ ᠤᠨ ᠲᠤᠯᠢ︾ 945 ᠨᠢᠭᠤᠷ | ︵ᠱᠠᠩ ᠦ᠋ ᠬᠡᠪᠯᠡᠯ ᠤᠨ ᠬᠡᠷ᠂ ᠰᠢᠶᠠᠩᠭᠠᠩ ᠤᠨ ᠬᠤᠪᠢᠶᠠᠷᠢ ᠬᠤᠷᠢᠶᠠ᠂ 1931 ᠤᠨ ᠤ 10 ᠰᠠᠷᠠ ᠶᠢᠨ ᠬᠡᠪᠯᠡᠯ | ︶ | |