2᠂ | ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠠᠯᠳᠠᠷᠳᠤ ᠲᠡᠦᠬᠡᠴᠢ᠂ | ᠪᠤᠳᠤᠯᠭᠠᠳᠡᠨ᠂ ᠰᠢᠭᠦᠮᠵᠢᠯᠡᠭᠴᠢ ᠪᠠᠭᠠᠷᠢᠨ ᠷᠠᠰᠢᠫᠣᠩᠰᠤᠭ⑥ ᠤᠨ 1774 —1775 ᠤᠨ ᠳᠤ ᠪᠢᠴᠢᠵᠤ | ᠲᠡᠭᠦᠰᠬᠡᠭᠰᠡᠨ ︽ᠳ᠋ᠡᠢ ᠶᠤᠸᠠᠨ ᠤᠯᠤᠰ ᠤᠨ ᠪᠤᠯᠤᠷ ᠡᠷᠢᠬᠡ︾ ᠬᠡᠮᠡᠬᠦ ᠮᠤᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠲᠤᠯᠭᠤᠷ | ᠪᠢᠴᠢᠭ ᠤᠨ ᠭᠤᠤᠯ ᠠᠭᠤᠯᠭᠠ ᠨᠢ ᠮᠤᠩᠭᠤᠯ ᠤᠨ ᠡᠬᠦᠰᠦᠯ᠂ ᠬᠠᠳ ᠤᠨ ᠦᠨᠳᠦᠰᠦᠨ᠂ ᠶᠤᠸᠠᠨ ᠤ ᠲᠡᠦᠬᠡ᠂ | ᠶᠤᠸᠠᠨ ᠤ ᠳᠠᠷᠠᠭᠠᠬᠢ ᠮᠤᠩᠭᠤᠯ ᠤᠨ ᠡᠯᠠ ᠬᠠᠭᠠᠳ ᠤᠨ ᠲᠡᠦᠬᠡ᠂ ᠨᠤᠶᠠᠳ ᠲᠦᠰᠢᠮᠡᠳ ᠤᠨ ᠲᠡᠦᠬᠡ ᠵᠡᠷᠭᠡ ᠨᠡᠶᠢᠳᠠ | ᠲᠠᠪᠤᠨ ᠪᠦᠯᠦᠭ ᠠᠷᠪᠠᠨ ᠲᠡᠪᠳᠡᠷ ᠢᠶᠠᠷ ᠪᠦᠷᠢᠯᠳᠤᠵᠡᠢ᠃ ᠠᠷᠪᠠᠳᠤᠭᠠᠷ ᠳᠡᠪᠳᠡᠷ⑦ ᠲᠤ ︽ᠪᠠᠭᠠᠷᠢᠨ ᠤ ᠨᠤᠶᠠᠳ ᠤᠨ | ᠤᠭ︾ ᠢ ᠠᠷᠢᠭᠤᠳᠬᠠᠨ ᠲᠡᠮᠳᠡᠭᠯᠡᠬᠦ ᠳᠡᠭᠡᠨ ︽ᠰᠠᠶᠢᠨ ᠳ᠋ᠠᠢ ᠶᠤᠸᠠᠨ ᠬᠠᠭᠠᠨ ᠤ ᠲᠠᠪᠤᠳᠤᠭᠠᠷ ᠬᠦᠪᠡᠬᠦᠨ ᠴᠢᠨ ᠸᠠᠩ | ᠠᠯᠴᠤ ᠪᠤᠯᠤᠳ ᠪᠠᠷ ᠠᠭᠯᠠᠭ ᠤᠨ ᠠᠷᠪᠠᠨ ᠬᠤᠶᠠᠷ ᠬᠦᠷᠢᠶᠡ ᠬᠡᠮᠡᠬᠦ ᠬᠠᠯᠠᠬᠠ ᠠᠴᠠ ︵ᠰᠠᠯᠠᠵᠤ︶ ﹇ᠰᠠᠯᠵᠤ﹈ | ᠪᠠᠭᠠᠷᠢᠨ᠂ ᠵᠠᠷᠤᠳ᠂ ᠬᠤᠨᠭ᠍ᠬᠢᠷᠠᠳ᠂ ᠪᠠᠶᠤᠳ᠂ ᠦᠴᠢᠶᠡᠳ ᠬᠡᠮᠡᠬᠦ ᠲᠠᠪᠤᠨ ᠤᠳᠤᠭ ᠬᠠᠯᠬᠠ ᠶᠢ ᠡᠵᠡᠯᠡᠯᠤᠭᠡ᠃ | ᠸᠠᠩ ᠠᠯᠴᠤ ᠪᠤᠯᠤᠳ ᠠᠴᠠ ᠭᠠᠭᠴᠠ ᠬᠦᠪᠡᠬᠦᠨ ᠬᠤᠷᠠᠭᠴᠢ ᠬᠠᠰᠠᠷ ᠨᠤᠶᠠᠨ᠂ ᠬᠤᠷᠠᠭᠴᠢ ᠬᠠᠰᠠᠷ ᠠᠴᠠ ᠤᠪᠠᠰᠢ | ᠤᠶᠢᠵᠢᠩ᠂ ᠰᠤᠪᠠᠭ᠋ᠠᠢ ᠳᠠᠷᠬᠠᠨ᠂ ᠤᠪᠠᠨ ᠪᠠᠶᠢᠮᠤ ᠳᠤᠭᠰᠢᠨ᠂ ᠰᠤᠨᠢᠨ ᠲᠠᠶᠢᠴᠢᠩ᠂ ᠱᠤᠬᠠᠭ ᠵᠤᠷᠢᠭᠳᠤ ᠬᠤᠨᠭ᠌ | ᠪᠠᠭᠠᠳᠤᠷ ᠲᠠᠪᠤᠨ ᠬᠦᠪᠡᠬᠦᠨ ᠪᠠᠷ ᠲᠠᠪᠤᠨ ᠤᠳᠤᠭ ᠶᠢ ᠨᠢᠵᠢᠭᠡᠳ〈 ᠡᠵᠡᠯᠡᠵᠤ ᠪᠦᠷᠤᠨ 〉 ᠲᠡᠬᠦᠨᠴᠡ ᠡᠪᠦᠷ ᠤᠨ | ᠲᠠᠪᠤᠨ ᠤᠳᠤᠭ ᠬᠠᠯᠬᠠ ᠶᠢᠨ ᠨᠤᠶᠠᠨ ᠬᠡᠮᠡᠨ ᠠᠯᠳᠠᠷᠰᠢᠯᠤᠭᠠ᠃ | ᠰᠤᠪᠠᠭ᠋ᠠᠢ ᠳᠠᠷᠬᠠᠨ ᠨᠤᠶᠠᠨ ᠬᠤᠷᠠᠭᠴᠢ ᠬᠠᠰᠠᠷ ᠨᠤᠶᠠᠨ ᠤ ᠬᠤᠶᠠᠳᠤᠭᠠᠷ ᠬᠦᠪᠡᠬᠦᠨ ᠪᠠᠷ ᠪᠠᠭᠠᠷᠢᠨ | ᠨᠤᠳᠤᠭ ᠢ ᠡᠵᠢᠯᠡᠯᠤᠭᠡ᠃ ᠰᠤᠪᠠᠭ᠋ᠠᠢ ᠳᠠᠷᠬᠠᠨ ᠨᠤᠶᠠᠨ ᠤ ᠭᠠᠭᠴᠠ ᠬᠦᠪᠡᠬᠦᠨ ᠪᠠᠭᠠ ᠪᠠᠭᠠᠳᠤᠷ ᠨᠤᠶᠠᠨ᠂ ᠪᠠᠭᠠ | ᠪᠠᠭᠠᠳᠤᠷ ᠨᠤᠶᠠᠨ ᠠᠴᠠ ᠦᠪᠦᠭᠡᠳᠦᠢ ︵ᠦᠪᠦᠭᠡᠳᠡᠢ︶ ᠬᠤᠨᠭ᠌ ᠲᠠᠶᠢᠵᠢ᠂ ᠪᠠᠭᠠᠷᠢᠨ ᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠵᠠᠰᠠᠭ ᠤᠨ ᠭᠦᠡᠭ ᠱᠢᠳᠠᠷ ︵ᠰᠠᠲᠠᠷ︶᠂ ᠬᠤᠳᠤᠭᠤᠷ ᠠᠰᠬᠠ ︵ᠠᠩᠭᠠ︶᠂ ᠪᠦᠭᠦᠳᠡᠭᠡᠷ ︵ᠪᠦᠭᠡᠳᠡᠷ︶ ᠠᠩᠬᠠ᠂ | ᠨᠡᠶᠢᠴᠢ ᠬᠤᠨᠭ᠌ ᠲᠠᠶᠢᠵᠢ ᠲᠠᠪᠤᠭᠤᠯᠠ ᠪᠤᠶᠤ᠃ | ᠰᠧᠪᠳᠡᠨ ᠵᠢᠶᠦ᠋ᠨ ᠸᠠᠩ —— ᠪᠠᠭᠠ ᠪᠠᠭᠠᠳᠤᠷ ᠨᠤᠶᠠᠨ ᠤ ᠬᠤᠶᠠᠳᠤᠭᠠᠷ ᠬᠦᠪᠡᠬᠦᠨ ᠰᠧᠳᠡᠷ | ᠭᠦᠡᠭ ᠤᠨ ᠬᠦᠪᠡᠬᠦᠨ᠂ 1648—1667 ᠤᠨ ᠪᠤᠯᠳᠠᠯᠠ ᠬᠤᠷᠢᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠰᠧᠪᠳᠡᠨ ᠵᠢᠶᠦ᠋ᠨ ᠸᠠᠩ ᠠᠴᠠ ᠳᠡᠳ᠋ ᠵᠡᠷᠭᠡ ᠲᠠᠶᠢᠵᠢ ᠴᠤᠰᠭᠡᠢ᠂ ᠵᠠᠰᠠᠭ ᠲᠦᠷᠤ ᠶᠢᠨ ᠵᠢᠶᠦ᠋ᠨ ᠸᠠᠩ | ᠸᠴᠢᠷ᠂ ᠭᠦᠡᠭ ᠭᠡᠷᠡᠯᠳᠤ᠂ ᠭᠦᠡᠭ ᠨᠠᠮᠵᠠ᠂ ᠰᠢᠳᠠᠷ ᠲᠤᠷ ᠶᠠᠪᠤᠬᠤ ᠲᠦᠷᠤ ᠶᠢᠨ ᠡᠹᠦ᠋ ᠲᠤᠰᠠᠯᠠᠭᠴᠢ ᠲᠡᠷᠢᠬᠦᠨ | ᠵᠡᠷᠭᠡ ᠲᠠᠶᠢᠵᠢ ᠠᠷᠠᠪᠳᠠᠨ ᠲᠠᠪᠤᠭᠤᠯᠠ᠃⑧ | ᠸᠴᠢᠷ ᠵᠢᠶᠦ᠋ᠨ ᠸᠠᠩ —— ᠰᠧᠪᠳᠡᠨ ᠸᠠᠩ ᠤᠨ ᠬᠤᠶᠠᠳᠤᠭᠠᠷ ᠬᠦᠪᠡᠬᠦᠨ᠂ 1668 | —1684 ᠤᠨ ᠪᠤᠯᠳᠠᠯᠠ ᠠᠷᠪᠠᠨ ᠲᠠᠪᠤᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠨᠠᠮᠳᠠᠭ ᠵᠢᠶᠦ᠋ᠨ ᠸᠠᠩ —— ᠸᠴᠢᠷ ᠸᠠᠩ ᠤᠨ ᠶᠡᠭᠡ ᠬᠦᠪᠡᠬᠦᠨ᠂ 1684 —1703 ᠤᠨ | ᠪᠤᠯᠳᠠᠯᠠ ᠠᠷᠪᠠ ᠶᠢᠰᠦᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠦᠷᠬᠦᠨ ᠵᠠᠩᠵᠤᠨ ᠵᠢᠶᠦ᠋ᠨ ᠸᠠᠩ —— ᠸᠴᠢᠷ ᠸᠠᠩ ᠤᠨ ᠳᠡᠳ᠋ ᠬᠦᠪᠡᠬᠦᠨ᠂ 1704 | —1721 ᠤᠨ ᠪᠤᠯᠳᠠᠯᠠ ᠠᠷᠪᠠᠨ ᠳᠤᠯᠤᠭᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠷᠢᠮᠪᠤ ᠵᠢᠶᠦ᠋ᠨ ᠸᠠᠩ —— ᠦᠷᠬᠦᠨ ᠸᠠᠩ ᠤᠨ ᠬᠦᠪᠡᠬᠦᠨ᠂ 1722 —1730 ᠤᠨ | ᠪᠤᠯᠳᠠᠯᠠ ᠨᠠᠢᠮᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠰᠠᠩᠷᠢᠳᠠ ᠵᠠᠩᠵᠤᠨ ᠳᠡᠳ᠋ ᠳ᠋ᠠ ᠸᠠᠩ —— ᠸᠴᠢᠷ ᠸᠠᠩ ᠤᠨ ᠭᠤᠳᠠᠭᠠᠷ ᠬᠦᠪᠡᠬᠦᠨ᠂ 1730 | —1748 ᠤᠨ ᠪᠤᠯᠳᠠᠯᠠ ᠠᠷᠪᠠᠨ ᠨᠠᠢᠮᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠷᠢᠨᠴᠢᠨ ᠴᠢᠨ ᠸᠠᠩ —— ᠰᠠᠩᠷᠢᠳᠠ ᠸᠠᠩ ᠤᠨ ᠬᠦᠪᠡᠬᠦᠨ᠂ 1748 —1755 ᠤᠨ | ᠪᠤᠯᠳᠠᠯᠠ ᠳᠤᠯᠤᠭᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠪᠠᠳᠤ ᠵᠠᠩᠵᠤᠨ ᠴᠢᠨ ᠸᠠᠩ —— ᠷᠢᠨᠴᠢᠨ ᠸᠠᠩ ᠤᠨ ᠳᠡᠳ᠋ ᠬᠦᠪᠡᠬᠦᠨ᠂ 1756 | —1799 ᠤᠨ ᠪᠤᠯᠳᠠᠯᠠ ᠳᠦᠴᠢᠨ ᠭᠤᠷᠪᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠭᠦᠡᠭ ᠰᠢᠳᠠᠷ ︵ᠰᠡᠳᠡᠷ︶ ᠤᠨ ᠦᠷᠡ ᠡᠳᠡᠭᠡᠷ ᠪᠠᠷ ᠪᠠᠭᠠᠷᠢᠨ ᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠨᠤᠶᠠᠳ ᠠᠮᠤᠢ | ᠃ ᠶᠡᠭᠡ ᠶᠤᠸᠠᠨ ᠲᠠᠶᠢᠽᠤ ᠪᠤᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠲᠡᠷᠢᠬᠦᠯᠡᠵᠤ ᠰᠢᠳᠠᠷ ᠲᠤᠷ ᠶᠠᠪᠤᠬᠤ ᠬᠢᠵᠠᠭᠠᠷ ᠢ | ᠲᠤᠭᠳᠠᠭᠠᠭᠴᠢ ᠵᠡᠬᠦᠨ ᠡᠳᠡᠭᠡᠳ ᠤᠨ ᠲᠤᠰᠠᠯᠠᠭᠴᠢ ᠵᠠᠩᠵᠤᠨ ᠵᠤᠤ ᠤᠳᠠ ᠶᠢᠨ ᠴᠢᠭᠤᠯᠭᠠᠨ ᠤ ᠳᠡᠳ᠋ ᠲᠡᠷᠢᠬᠦᠨ᠂ | ᠪᠠᠭᠠᠷᠢᠨ ᠤ ᠵᠠᠰᠠᠭ ᠲᠦᠷᠤ ᠶᠢᠨ ᠵᠢᠶᠦ᠋ᠨ ᠸᠠᠩ ᠭᠤᠷᠪᠠᠨ ᠵᠡᠷᠭᠡ ᠲᠡᠮᠳᠡᠭᠯᠡᠭᠰᠡᠨ ᠪᠠᠳᠤ ᠪᠠᠷ ᠬᠤᠷᠢᠨ ᠲᠠᠪᠤᠳᠤᠭᠠᠷ | ᠦᠶᠡ⑨ ᠲᠤᠷ ᠮᠦᠨ ᠠᠮᠤᠢ᠃ ᠡᠨᠡ ᠪᠤᠯ ᠳᠠᠷᠤᠢ ᠶᠡᠭᠡ ᠲᠡᠦᠬᠡᠴᠢ ᠷᠠᠰᠢᠫᠣᠩᠰᠤᠭ ᠤᠨ ︽ᠳ᠋ᠡᠢ ᠶᠤᠸᠠᠨ | ᠤᠯᠤᠰ ᠤᠨ ᠪᠤᠯᠤᠷ ᠡᠷᠢᠬᠡ︾ ᠶᠢᠨ ᠠᠷᠪᠠᠳᠤᠭᠠᠷ ᠳᠡᠪᠳᠡᠷ ᠲᠤ ᠪᠢᠴᠢᠭᠳᠡᠭᠰᠡᠨ ︽ᠪᠠᠭᠠᠷᠢᠨ ᠨᠤᠶᠠᠳ ᠤᠨ ᠤᠭ︾ | ᠪᠤᠯᠤᠨᠠ᠃ | ︽ᠳ᠋ᠡᠢ ᠶᠤᠸᠠᠨ ᠤᠯᠤᠰ ᠤᠨ ᠪᠤᠯᠤᠷ ᠡᠷᠢᠬᠡ︾ ᠶᠢ ᠬᠠᠭᠠᠨ ᠴᠢᠩᠬᠢᠰ ᠤᠨ ᠬᠤᠷᠢᠨ ᠲᠠᠪᠤᠳᠤᠭᠠᠷ ᠦᠶᠡ ᠶᠢᠨ | ᠰᠢᠭᠤᠳ ᠤᠳᠤᠮ ᠤᠨ ᠬᠤᠶᠢᠴᠢᠰ᠂ ᠪᠠᠭᠠᠷᠢᠨ ᠵᠠᠰᠠᠭ ᠤᠨ ᠨᠠᠢᠮᠠᠳᠤᠭᠠᠷ ᠦᠶᠡ ᠶᠢᠨ ᠵᠢᠶᠦ᠋ᠨ ᠸᠠᠩ ᠪᠠᠳᠤ ᠶᠢ | ᠲᠤᠰᠢᠶᠠᠯ ᠳᠤ ᠠᠭᠰᠠᠨ ᠴᠠᠭ ᠲᠤ ᠪᠢᠴᠢᠵᠤ ᠲᠡᠬᠦᠰᠦᠭᠰᠡᠨ ᠤᠴᠢᠷ ᠠᠴᠠ ︽ᠪᠠᠭᠠᠷᠢᠨ ᠨᠤᠶᠠᠳ ᠤᠨ ᠤᠭ︾ ᠤᠨ | ᠲᠤᠬᠠᠢ ᠲᠡᠮᠳᠡᠭᠯᠡᠯ ᠲᠤᠰ ᠪᠢᠴᠢᠭ ᠲᠤ ᠡᠶᠢᠨᠬᠦ ᠦᠨᠳᠤᠷᠯᠡᠵᠡᠢ᠃ ᠡᠬᠦᠨ ᠠᠴᠠ ᠵᠠᠯᠭᠠᠵᠤ ᠳᠤᠤᠷᠠᠳᠤ ᠪᠢᠴᠢᠭᠳᠡᠨ | ᠪᠢ ᠪᠠᠷ ᠪᠠᠭᠠᠷᠢᠨ ᠨᠤᠶᠠᠳ ᠤᠨ ᠬᠡᠷᠬᠢᠮ ᠢ ᠵᠠᠯᠭᠠᠮᠵᠢᠯᠠᠭᠰᠡᠳ ᠢ ᠲᠡᠦᠬᠡ ᠶᠢᠨ ᠪᠢᠴᠢᠭ ᠢᠶᠠᠷ ᠢᠯᠭᠠᠨ | ᠳᠤᠳᠤᠷᠠᠭᠤᠯᠪᠠᠰᠤ᠄ | ᠰᠤᠳᠨᠠᠮᠳᠤᠷᠵᠢ ᠵᠢᠶᠦ᠋ᠨ ᠸᠠᠩ —— ᠪᠠᠳᠤ ᠴᠢᠨ ᠸᠠᠩ ᠤᠨ ᠬᠤᠶᠠᠳᠤᠭᠠᠷ ᠬᠦᠪᠡᠬᠦᠨ᠂ ᠴᠢᠭᠤᠯᠭᠠᠨ ᠤ | ᠰᠢᠳᠬᠡᠭᠴᠢ ᠬᠤᠰᠢᠭᠤᠨ ᠵᠠᠰᠠᠭ 1799 — 1827 ᠤᠨ ᠪᠤᠯᠳᠠᠯᠠ ᠬᠤᠷᠢᠨ ᠨᠠᠢᠮᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠨᠠᠮᠵᠢᠯᠸᠠᠩᠴᠤᠭ ᠵᠢᠶᠦ᠋ᠨ ᠸᠠᠩ ——1827 —1869 ᠤᠨ ᠪᠤᠯᠳᠠᠯᠠ ᠳᠦᠴᠢᠨ ᠬᠤᠶᠠᠷ ᠵᠢᠯ | ᠵᠠᠰᠠᠭ ᠪᠠᠷᠢᠪᠠ᠃ | ᠠᠯᠮᠠᠰᠪᠠᠭᠠᠳᠤᠷ ᠵᠢᠶᠦ᠋ᠨ ᠸᠠᠩ —— ᠨᠠᠮᠵᠢᠯᠸᠠᠩᠴᠤᠭ ᠵᠢᠶᠦ᠋ᠨ ᠸᠠᠩ ᠤᠨ ᠬᠦᠤ᠂ 1870 | —1873 ᠤᠨ ᠪᠤᠯᠳᠠᠯᠠ ᠭᠤᠷᠪᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠡᠷᠬᠢᠮᠪᠠᠶᠠᠷ ᠵᠢᠶᠦ᠋ᠨ ᠸᠠᠩ —— ᠠᠯᠮᠠᠰᠪᠠᠭᠠᠳᠤᠷ ᠵᠢᠶᠦ᠋ᠨ ᠸᠠᠩ ᠤᠨ ᠳᠡᠬᠦᠤ᠂ 1874 | —1890 ᠤᠨ ᠪᠤᠯᠳᠠᠯᠠ ᠠᠷᠪᠠᠨ ᠵᠢᠷᠭᠤᠭᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | ᠵᠠᠭᠠᠷ ᠳ᠋ᠠ ᠸᠠᠩ ᠵᠤᠤ ᠤᠳᠠ ᠴᠢᠭᠤᠯᠭᠠᠨ ᠤ ᠲᠡᠷᠢᠬᠦᠨ —— ᠡᠷᠬᠢᠮᠪᠠᠶᠠᠷ ᠵᠢᠶᠦ᠋ᠨ ᠸᠠᠩ ᠤᠨ ᠬᠦᠤ᠂ | 1896 — 1933 ᠤᠨ ᠪᠤᠯᠳᠠᠯᠠ ᠭᠤᠴᠢᠨ ᠲᠤᠯᠤᠭᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠪᠠ᠃ | | ᠰᠡᠴᠡᠨᠪᠢᠯᠢᠭ ︵ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠷᠴᠢᠭᠤᠯᠭᠠ ᠶᠢᠨ ᠨᠡᠶᠢᠭᠡᠮᠯᠢᠭ ᠤᠨ | ᠳᠠᠷᠤᠭᠠ︶ | | |