| ᠯᠢᠨᠰᠢ ᠰᠢᠶᠠᠨ ᠤ ᠲᠠᠪᠢᠨᠭᠡᠷ ᠪᠠᠯᠭᠠᠰᠤᠨ ᠶᠢᠨ ᠲᠤᠷᠠᠳᠤᠮᠠᠭᠴᠨ ᠤᠯᠠᠩᠬᠢ ᠬᠦᠮᠦᠰ ᠡᠨᠡᠬᠦ ᠤᠷᠤᠨ ᠢ | ᠤᠤᠯ ᠳᠠᠭᠠᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠬᠦᠭᠵᠢᠯᠳᠤᠵᠤ ᠵᠡᠭᠡᠯᠢ ᠭᠤᠳᠤᠮᠵᠢ ᠲᠦᠭᠦᠷᠡᠩ ᠲᠡᠯᠭᠡᠭᠦᠷ ᠬᠤᠳᠠᠯᠳᠤᠭᠠ | ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠡᠨᠡᠬᠦ ᠨᠡᠷᠡ ᠶᠢ ᠤᠯᠵᠠᠢ ᠭᠡᠵᠦ ᠪᠤᠳᠤᠳᠠᠭ᠂ ᠡᠨᠡ ᠪᠤᠯᠪᠠᠯ ᠨᠢᠭᠡ ᠵᠦᠢᠯ ᠤᠨ ᠲᠠᠭᠠᠮᠠᠭ | ᠪᠤᠳᠤᠯ ᠲᠡᠳᠦᠢ᠃ ᠦᠨᠡᠨ ᠳᠡᠭᠡᠨ ᠲᠠᠪᠢᠨᠭᠡᠷ ᠪᠠᠯᠭᠠᠰᠤ ᠪᠤᠯᠪᠠᠯ ᠴᠢᠩ ᠤᠯᠤᠰ ᠤᠨ ᠡᠬᠢᠨ ᠤ ᠦᠶᠡ ᠳᠤ | ᠲᠠᠪᠢᠨ ᠮᠤᠩᠭᠤᠯ ᠠᠶᠢᠯ ᠢ ᠴᠤᠭᠯᠠᠭᠤᠯᠵᠤ ᠠᠯᠪᠠᠨ ᠤᠯᠠᠭᠠ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠤᠯᠤᠭᠰᠠᠨ ᠨᠡᠷᠡ ᠮᠦᠨ᠃ | ᠴᠢᠩ ᠤᠯᠤᠰ ᠤᠨ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠴᠠᠭᠠᠨ ᠤᠷᠤᠰ ᠤᠨ ᠺᠤᠯᠦᠨᠢ ᠬᠦᠴᠦᠨ ᠡᠮᠦᠨᠡᠰᠢ | ᠲᠦᠷᠢᠮᠬᠡᠶᠢᠯᠡᠬᠦ ᠶᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠦᠯᠦᠭᠡ ᠂ ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠠᠷᠪᠠᠨ ᠶᠢᠰᠦᠨ ᠤᠨ ︵1680) | ᠳᠤ ᠴᠢᠩ ᠤᠨ ᠲᠦᠷᠦ ᠠᠴᠠ ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ ᠲᠦᠷᠦ ᠶᠢ ᠵᠠᠰᠠᠬᠤ ᠶᠠᠮᠤᠨ ᠳᠤ ᠵᠢᠭᠠᠪᠤᠷᠢᠯᠠᠵᠤ᠂ ᠠᠷᠤ | ᠬᠤᠷᠴᠢᠨ ᠬᠤᠰᠢᠭᠤᠨ ᠠᠴᠠ 38 ᠮᠤᠩᠭᠤᠯ ᠠᠶᠢᠯ ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠠᠴᠠ 12 ᠮᠤᠩᠭᠤᠯ | ᠠᠶᠢᠯ ᠲᠤᠰ ᠲᠤᠰ ᠨᠡᠭᠦᠯᠭᠡᠵᠦ ᠂ ᠨᠡᠶᠢᠳᠡ50 ᠠᠶᠢᠯ ᠪᠤᠯᠭᠠᠨ ᠤᠯᠠᠭᠠ ᠵᠠᠮ ᠡᠷᠬᠢᠯᠡᠭᠰᠡᠨ ᠳᠤ | ᠮᠤᠩᠭᠤᠯᠴᠤᠳ ᠲᠡᠭᠦᠨ ᠢ ︽ᠲᠠᠪᠢᠨ ᠭᠡᠷ︾ ᠭᠡᠵᠦ ᠬᠢᠳᠠᠳᠴᠤᠳ ᠲᠡᠭᠦᠨ ᠢ ︽ᠡᠦ ᠱᠢ ᠵᠢᠶᠠ ᠽᠢ ︾ | ᠭᠡᠮᠡᠭᠰᠡᠨ ᠨᠢ ᠤᠳᠤᠬᠠᠨ ᠤ ᠲᠠᠪᠢᠨᠭᠡᠷ ᠤᠨ ᠢᠷᠡᠯᠳᠡ ᠪᠤᠶᠤ ᠃ ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠬᠤᠷᠢᠨ ᠨᠢᠭᠡᠨ ᠤᠨ | ︵1682︶ ᠤᠨ ᠳᠤ ᠤᠯᠠᠭᠠ ᠵᠠᠮ ᠢ ᠪᠠᠶᠢᠭᠤᠯᠤᠭᠰᠠᠨ ᠤ ᠡᠬᠢᠨ ᠤ ᠬᠤᠭᠤᠴᠠᠭᠠ ᠳᠤ ᠭᠤᠤᠯ ᠡᠭᠦᠷᠭᠡ ᠨᠢ | ᠰᠤᠨᠢᠨ ᠂ ᠠᠯᠪᠠᠨ ᠪᠢᠴᠢᠭ ᠵᠡᠷᠭᠡ ᠲᠠᠮᠵᠢᠭᠤᠯᠵᠤ᠂ ᠦᠭᠡᠷ ᠬᠤᠨᠢ ᠪᠠᠷ ᠲᠡᠳᠭᠦᠵᠤ᠂ ᠠᠮᠤ ᠡᠪᠡᠰᠦ ᠲᠡᠭᠡᠪᠦᠷᠢᠯᠡᠬᠦ | ᠪᠠ ᠴᠡᠷᠢᠭ ᠤᠨ ᠬᠡᠷᠡᠭᠰᠡᠯ ᠲᠠᠮᠵᠢᠭᠤᠯᠤᠨ ᠬᠦᠷᠭᠡᠵᠦ ᠪᠠᠶᠢᠵᠠᠢ᠃ ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠭᠤᠴᠢᠨ ᠤᠨ | ︵1691) ᠤᠨ ᠳᠤ ᠲᠤᠯᠤᠨ ᠨᠠᠭᠤᠷ ᠤᠨ ᠴᠢᠭᠤᠯᠭᠠᠨ ᠤ ᠲᠠᠷᠠᠭᠠ ᠂ ᠵᠦᠩᠭᠠᠷ ᠤᠨ ᠲᠠᠶᠢᠨ ᠤ ᠭᠡᠷᠡᠭᠴᠡᠭᠡ | ᠶᠢ ᠦᠨᠳᠤᠰᠤᠯᠡᠵᠦ᠂ ᠴᠢᠩ ᠤᠯᠤᠰ ᠠᠴᠠ ᠡᠯᠡ ᠠᠶᠢᠮᠠᠭ ᠴᠢᠭᠤᠯᠭᠠᠨ ᠬᠤᠰᠢᠭᠤᠨ ᠤ ᠸᠠᠩ ᠭᠦᠩ ᠵᠠᠰᠠᠭ ᠨᠠᠷ | ᠲᠠᠢ ᠵᠦᠪᠯᠡᠨ᠂ ᠮᠤᠩᠭᠤᠯ ᠤᠨ ᠡᠯᠡ ᠭᠠᠵᠠᠷ ᠠᠴᠠ ᠪᠡᠭᠡᠵᠢᠩ ᠬᠦᠷᠬᠦ ᠲᠠᠪᠤᠨ ᠵᠠᠮ ᠤᠨ ᠲᠤᠭᠳᠠᠩᠭᠤᠢ | ᠤᠯᠠᠭᠠ ᠵᠠᠮ ᠪᠠᠶᠢᠭᠤᠯᠬᠤ ᠪᠤᠯᠵᠠᠢ᠃ ᠨᠢᠭᠡ ᠨᠢ ᠪᠠᠶᠠᠰᠬᠤᠯᠠᠩ ᠬᠠᠳᠠᠳᠤ ᠬᠠᠭᠠᠯᠭᠠ ᠂ ᠬᠤᠶᠠᠷ ᠨᠢ | ᠮᠤᠯᠳᠤᠰᠢ ᠬᠠᠭᠠᠯᠭᠠ ᠂ ᠭᠤᠷᠪᠠ ᠨᠢ ᠲᠦᠰᠢ ᠠᠮᠠ ᠂ ᠲᠦᠷᠪᠡ ᠨᠢ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠂ ᠲᠠᠪᠤ ᠨᠢ | ᠱᠦᠷᠭᠡᠢ ᠬᠠᠭᠠᠯᠭᠠ ᠃ ᠤᠳᠤᠬᠠᠨ ᠤ ᠯᠢᠨᠰᠢ ᠰᠢᠶᠠᠨ ᠤ ᠲᠠᠪᠢᠨᠭᠡᠷ ᠤᠯᠠᠭᠠ ᠵᠠᠮ ᠨᠢ ᠮᠤᠯᠳᠤᠰᠢ ᠬᠠᠭᠠᠯᠭᠠ | ᠤᠯᠠᠭᠠ ᠵᠠᠮ ᠤᠨ ᠠᠯᠪᠠᠨ ᠶᠠᠮᠤᠨ ᠤ ᠤᠯᠠᠭᠠ ᠦᠷᠳᠡᠭᠡ ᠶᠢᠨ ᠨᠢᠭᠡ ᠨᠢ ᠮᠦᠨ᠃ ᠡᠨᠡᠬᠦ ᠤᠯᠠᠭᠠ ᠵᠠᠮ ᠨᠢ | ᠪᠡᠭᠡᠵᠢᠩ ᠠᠴᠠ ᠭᠠᠷᠴᠦ ᠂ ᠱᠦᠨ ᠢ ᠂ ᠮᠢ ᠶᠦᠨ᠂ ᠮᠤᠯᠳᠤᠰᠢ ᠬᠠᠭᠠᠯᠭᠠ ᠶᠢ ᠦᠩᠭᠡᠷᠡᠵᠤ᠂ ᠵᠠᠮ ᠲᠤᠮᠳᠠ | ᠪᠠᠨ ᠵᠤᠰᠤᠳᠤ ᠂ ᠵᠤᠤ ᠤᠳᠠ᠂ ᠰᠢᠯᠢᠨ ᠭᠤᠤᠯ ᠭᠤᠷᠪᠠᠨ ᠠᠶᠢᠮᠠᠭ ᠤᠨ ᠶᠢᠰᠦᠨ ᠬᠤᠰᠢᠭᠤ ᠶᠢ ᠲᠤᠭᠤᠯᠵᠤ ᠂ | ᠬᠠᠮᠤᠭ ᠡᠴᠦᠰ ᠲᠡᠭᠡᠨ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠯᠠᠮᠠ ᠶᠢᠨ ᠬᠦᠷᠢᠶᠡ ᠬᠦᠷᠦᠨᠡ ︵ᠡᠳᠦᠭᠡ ᠶᠢᠨ | ᠤᠯᠢᠶᠠᠰᠤᠳᠠᠢ ᠪᠠᠯᠭᠠᠰᠤ︶ ᠂ ᠪᠦᠬᠦ ᠤᠷᠳᠤ ᠨᠢ1160 ᠺᠢᠯᠦᠮᠧᠲᠷ ︵ᠲᠤᠰ ᠨᠢᠭᠡᠴᠢ ᠲᠤᠳᠤᠯᠠᠭᠤᠰᠢᠳᠠᠢ ︶ | ᠃ ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠸᠠᠩ ︵ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ | —— ᠪᠠᠭᠠ ᠪᠠᠭᠠᠷᠢᠨ︶ ᠲᠤᠭᠠᠴᠠᠭᠰᠠᠨ ᠮᠠᠲ᠋ᠧᠷᠢᠶᠠᠯ ᠠᠴᠠ ᠦᠵᠡᠪᠡᠯ ᠲᠡᠷᠡ ᠲᠤᠬᠠᠢ ᠶᠢᠨ ᠦᠶᠡ ᠳᠤ | ᠪᠡᠭᠡᠵᠢᠩ ᠤᠷᠤᠬᠤ ᠳᠤ ᠬᠤᠨᠤᠭ ᠪᠤᠯᠬᠤ ᠡᠯᠡ ᠤᠯᠠᠭᠠ ᠪᠤᠯᠭᠠᠨ ᠢ ᠯᠠᠪᠯᠠᠵᠤ ᠠᠩᠬᠠᠷᠤᠪᠠ᠃ ᠡᠭᠦᠨ ᠳᠤ | ᠲᠠᠪᠢᠨᠭᠡᠷ᠂ ᠲᠠᠪᠢᠨ ᠤᠪᠤᠭᠠ᠂ ᠪᠤᠷᠤᠬᠤᠳᠠ ᠂ ᠰᠧ ᠳ᠋ᠤᠤ ᠭᠧᠦ ᠯᠢᠶᠠᠩ᠂ ᠱᠢ ᠽᠠ᠂ ᠨᠢᠦ ᠯᠠ ᠱᠠᠨ᠂ | ᠪᠡᠭᠡᠵᠢᠩ᠂ ᠃ ᠬᠡᠷᠪᠡ ᠲᠠᠪᠢᠨᠭᠡᠷ ᠠᠴᠠ ᠯᠠᠮᠠ ᠶᠢᠨ ᠬᠦᠷᠢᠶᠡ ᠬᠦᠷᠪᠡᠯ ᠵᠠᠮ ᠲᠤᠮᠳᠠ ᠪᠠᠨ ᠠᠷᠤ ᠲᠠᠪᠢᠨ ᠰᠦᠮᠡ | ᠂ ᠤᠯᠠᠭᠠᠨ ᠬᠠᠭᠠᠯᠭᠠ ᠬᠤᠶᠠᠷ ᠤᠯᠠᠭᠠ ᠵᠠᠮ ᠢ ᠦᠩᠭᠡᠷᠡᠨᠡ᠃ ᠡᠭᠦᠨ ᠳᠤ ᠮᠤᠩᠭᠤᠯ ᠨᠤᠶᠠᠳ ᠤᠨ | ᠡᠷᠬᠢᠯᠡᠭᠰᠡᠨ ᠤᠯᠠᠭᠠ ᠵᠠᠮ 10 ᠪᠠᠶᠢᠵᠤ᠂ ᠲᠠᠪᠢᠨᠭᠡᠷ ᠪᠤᠯᠪᠠᠯ ᠲᠡᠭᠦᠨ ᠤ ᠲᠤᠮᠳᠠ ᠨᠡᠯᠢᠶᠡᠳ ᠲᠤᠮᠤ ᠨᠢᠭᠡᠨ | ᠤᠯᠠᠭᠠ ᠵᠠᠮ ᠮᠦᠨ ᠃ ᠴᠢᠩ ᠤᠯᠤᠰ ᠤᠨ ᠮᠠᠲ᠋ᠧᠷᠢᠶᠠᠯ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ᠤᠯᠠᠭᠠ ᠵᠠᠮ ᠳᠤ ᠤᠯᠠᠭᠠᠴᠢ | ᠶᠢᠨ ᠲᠠᠷᠤᠭᠠ᠂ ᠤᠯᠠᠭᠠᠴᠢ ᠂ ᠤᠯᠠᠭᠠ ᠮᠤᠷᠢ ᠵᠡᠷᠭᠡ ᠪᠦᠬᠦᠨ ᠢᠶᠠᠷ ᠢᠶᠠᠨ ᠡᠨᠡᠬᠦ ᠲᠠᠪᠢᠨ ᠡᠷᠦᠭᠡ ᠠᠴᠠ | ᠭᠠᠷᠴᠦ ᠂ ᠤᠯᠠᠭᠠᠴᠢ ᠶᠢᠨ ᠨᠤᠶᠠᠨ ᠳᠤ ᠮᠤᠩᠭᠤᠯ ᠶᠤᠸᠠᠨᠸᠠᠢ ︵ᠨᠤᠶᠠᠳ ᠰᠠᠭᠤᠭᠰᠠᠨ ᠦᠭᠡᠢ | ᠢᠵᠠᠠᠭᠤᠷᠳᠠᠨ ︶ 1 ᠬᠦᠮᠦᠨ᠂ ᠪᠢᠴᠢᠭᠡᠴᠢ 2 ᠬᠦᠮᠦᠨ᠂ ᠬᠢᠶᠠ 1 ᠬᠦᠮᠦᠨ ᠃ ᠤᠯᠠᠭᠠᠴᠢ ᠠᠶᠢᠯ ᠪᠦᠬᠦᠨ | ᠠᠴᠠ ᠲᠤᠰᠪᠤᠷᠢ ᠨᠢᠭᠡ ᠬᠦᠮᠦᠨ ᠭᠠᠷᠭᠠᠨᠠ᠃ ᠤᠯᠠᠭᠠ ᠵᠠᠮ ᠪᠦᠬᠦᠨ ᠳᠤ 5 ᠦᠨᠢᠶᠡ᠂ 30 ᠬᠤᠨᠢ᠂ ᠤᠯᠠᠭᠠ | ᠮᠤᠷᠢ 1 ᠶᠢ ᠦᠭᠴᠦ ᠂ ᠤᠯᠠᠭᠠ ᠮᠤᠷᠢ ᠪᠦᠬᠦᠨ ᠳᠤ 125 ᠯᠠᠩ ᠮᠦᠩᠬᠦ ᠦᠭᠭᠦᠨᠡ ᠃ ᠴᠢᠩ ᠤᠨ | ᠵᠠᠰᠠᠭ ᠠᠴᠠ ᠠᠯᠪᠠᠨ ᠤᠯᠠᠭᠠ ᠳᠤ ᠲᠤᠳᠤᠷᠠᠬᠠᠢ ᠡᠭᠦᠷᠭᠡ ᠲᠤᠭᠳᠠᠭᠠᠵᠤ ᠦᠭᠴᠠᠢ᠃ 1᠂ ᠨᠢᠭᠡ ᠴᠡᠷᠢᠭ ᠤᠨ | ᠶᠠᠪᠤᠳᠠᠯ ᠤᠨ ᠲᠤᠬᠢᠷᠠᠭᠤᠯᠤᠯᠳᠠ ᠳᠤ ᠦᠢᠯᠡᠴᠢᠯᠡᠵᠦ ᠂ ᠶᠠᠯᠠᠳᠠᠨ ᠬᠢᠭᠡᠳ ᠲᠡᠭᠦᠨ ᠢ ᠬᠦᠷᠭᠡᠵᠦ ᠶᠠᠪᠤᠭᠠ | ᠬᠦᠮᠦᠨ ᠳᠤ ᠬᠤᠨᠤᠭ ᠂ ᠬᠦᠨᠡᠰᠦ ᠬᠠᠩᠭᠠᠨᠠ ᠃2᠂ ᠠᠷᠠᠯᠵᠢᠶᠠᠴᠢᠨ ᠤ ᠪᠦᠯᠭᠦᠮ ᠢ ᠬᠦᠯᠢᠶᠡᠵᠦ ᠵᠤᠴᠢᠯᠠᠨᠠ᠃ | 3᠂ ᠮᠤᠩᠭᠤᠯ ᠸᠠᠩ ᠭᠦᠩ ᠨᠠᠷ ᠤᠨ ᠪᠡᠭᠡᠵᠢᠩ ᠤᠷᠤᠵᠤ ᠡᠵᠡᠨ ᠬᠠᠭᠠᠨ ᠲᠠᠢ ᠵᠤᠯᠭᠠᠬᠤ ᠶᠢᠨ ᠶᠠᠪᠤᠵᠤ | ᠰᠠᠭᠤᠬᠤ ᠪᠤᠴᠠᠵᠤ ᠬᠠᠷᠢᠬᠤ ᠳᠤ ᠨᠢ ᠬᠦᠯᠢᠶᠡᠵᠤ ᠵᠤᠴᠢᠯᠠᠬᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠶᠢ ᠬᠦᠢᠴᠡᠭᠡᠨᠡ᠃ | ᠴᠢᠩ ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶᠡ ᠪᠤᠯᠬᠤ ᠳᠤ ᠤᠯᠠᠭᠠ ᠵᠠᠮ ᠤᠨ ᠦᠢᠯᠡ ᠭᠡᠷᠡᠭ ᠠᠭᠠᠵᠢᠮ ᠢᠶᠠᠷ | ᠲᠤᠷᠤᠶᠢᠳᠠᠵᠤ ᠂ ᠲᠦᠭᠡᠮᠡᠯ ᠡᠯᠪᠡᠭᠳᠦ ᠶᠢᠨ ᠨᠠᠢᠮᠠᠨ ᠤᠨ ︵1858) ᠳᠤ ᠬᠠᠭᠠᠨᠳᠤ ᠤᠷᠤᠰ ᠲᠦᠷᠢᠮᠭᠡᠶᠢᠯᠡᠨ | ᠤᠷᠤᠵᠤ ᠢᠷᠡᠵᠤ᠂ ᠵᠠᠷᠢᠮ ᠭᠡᠰᠡᠭ ᠤᠷᠤᠨ ᠢ ᠡᠷᠭᠡᠰᠢᠶᠡᠵᠦ ᠂ ᠤᠷᠤᠰ ᠤᠨ ᠨᠤᠶᠠᠨ ᠤᠯᠠᠭᠠ ᠬᠡᠷᠡᠭ ᠢ | ᠬᠠᠮᠢᠶᠠᠷᠠᠴᠦ ᠂ ᠬᠤᠳᠠᠯᠳᠤᠭᠠ ᠨᠡᠪᠳᠡᠷᠡᠬᠦ ᠡᠷᠭᠡ ᠶᠢ ᠶᠡᠭᠡᠰᠭᠡᠵᠤ ᠂ ᠪᠡᠭᠡᠵᠢᠩ ᠠᠴᠠ ᠮᠤᠩᠭᠤᠯ ᠵᠦᠭ ᠭᠠᠷᠴᠦ | ᠤᠷᠤᠬᠤ ᠶᠢ ᠡᠷᠭᠡᠰᠢᠶᠡᠪᠡ᠃ ᠪᠠᠳᠠᠷᠠᠭᠤᠯᠳᠤ ᠲᠦᠷᠦ ᠶᠢᠨ ᠠᠷᠪᠠᠨ ᠨᠠᠢᠮᠠᠨ ᠤᠨ ︵1892) ᠤᠨ ᠳᠤ ᠴᠢᠩ | ᠤᠯᠤᠰ ᠬᠢᠭᠡᠳ ᠤᠷᠤᠰ ︽ᠰᠢᠤᠳᠠᠨ ᠤ ᠭᠡᠷᠡ ︾ ᠶᠢ ᠲᠤᠭᠳᠠᠭᠠᠵᠤ ᠂ ᠴᠢᠩ ᠤᠨ ᠵᠠᠰᠠᠭ ᠢ ᠠᠯᠪᠠᠳᠠᠨ | ᠮᠦᠩᠬᠦ ᠤᠷᠤᠭᠤᠯᠤᠨ ᠴᠠᠬᠢᠯᠭᠠᠨ ᠤᠳᠠᠰᠤ ᠲᠠᠳᠠᠵᠤ ᠂ ᠤᠷᠤᠰ ᠤᠨ ᠬᠤᠳᠠᠯᠳᠤᠭᠠᠴᠢᠨ ᠳᠤ ᠲᠤᠤᠷᠠ ᠦᠨᠡ | ᠪᠠᠷ ᠰᠤᠨᠢᠨ ᠶᠠᠪᠤᠭᠤᠯᠬᠤ ᠡᠷᠭᠡ ᠤᠯᠭᠤᠪᠠ᠃ ᠪᠦᠷᠢᠨᠳᠤ ᠵᠠᠰᠠᠭᠴᠢ ᠶᠢᠨ ᠲᠡᠷᠢᠭᠦᠨ ᠤᠨ ︵1909) ᠳᠤ | ᠵᠢᠩ ᠵᠠᠩ ᠲᠡᠮᠦᠷ ᠵᠠᠮ ᠨᠡᠪᠳᠡᠷᠡᠵᠦ ᠮᠤᠩᠭᠤᠯ ᠤᠨ ᠤᠯᠠᠭᠠ ᠵᠠᠮ ᠡᠬᠢᠯᠡᠵᠦ ᠤᠷᠬᠢᠭᠳᠠᠨ ᠡᠪᠳᠡᠷᠡᠵᠠᠢ᠃ | ᠲᠠᠪᠢᠨ ᠭᠡᠷ ᠤᠯᠠᠭᠠ ᠵᠠᠮ ᠳᠤ ᠬᠤᠳᠠᠯᠳᠤᠭᠠ ᠲᠡᠯᠭᠡᠭᠦᠷ ᠤᠯᠠᠰᠢᠷᠠᠵᠤ᠂ ᠮᠤᠩᠭᠤᠯ ᠠᠶᠢᠯ ᠵᠠᠯᠭᠠᠪᠡᠷ ᠨᠡᠭᠦᠨ | ᠵᠠᠶᠢᠯᠠᠵᠤ ᠂ ᠤᠤᠯ ᠤᠨ ᠦᠵᠦᠮᠦᠴᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠴᠠ ᠢᠷᠡᠭᠰᠡᠨ 12 ᠡᠷᠦᠭᠡ ᠵᠢᠴᠢ ᠦᠷᠡ | ᠬᠤᠶᠢᠴᠢᠰ ᠨᠢ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠭᠰᠠᠨ ᠤ ᠲᠠᠷᠠᠭᠠ ᠤᠤᠯ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠤ ᠂ ᠨᠢᠭᠡᠯᠭᠡᠨ ᠡᠷᠦᠭᠡ | ᠪᠤᠴᠠᠵᠤ ᠬᠠᠷᠢᠭᠰᠠᠨ ᠦᠭᠡᠢ᠃ ᠠᠷᠤ ᠬᠤᠷᠴᠢᠨ ᠠᠴᠠ ᠢᠷᠡᠭᠰᠡᠨ 38 ᠡᠷᠦᠭᠡ ᠵᠢᠴᠢ ᠦᠷᠡ ᠬᠤᠶᠢᠴᠢᠰ | ᠬᠢᠭᠡᠳ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠳᠡᠭᠡᠨ ᠪᠤᠴᠠᠭᠰᠠᠨ ᠦᠭᠡᠢ ᠨᠢᠭᠡ ᠡᠷᠦᠭᠡ ᠲᠠᠢ ᠬᠠᠮᠳᠤᠪᠡᠷ ᠪᠠᠭᠠᠷᠢᠨ ᠵᠡᠭᠦᠨ | ᠬᠤᠰᠢᠭᠤᠨ ᠤ ᠬᠢᠯᠢ ᠳᠤ ᠤᠷᠤᠵᠤ ︵ᠤᠳᠤᠬᠠᠨ ᠤ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠬᠢᠵᠠᠭᠠᠷ ︶᠂ | ᠲᠠᠪᠢᠨᠭᠡᠷ ᠨᠢ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠯᠳᠠ ᠪᠠ ᠬᠢᠳᠡᠳ ᠦᠨᠳᠤᠰᠤᠳᠡᠨ ᠤ ᠨᠡᠮᠡᠭᠳᠡᠬᠦ ᠶᠢ ᠲᠠᠭᠠᠯᠳᠤᠨ ᠂ | ᠮᠤᠩᠭᠤᠯ ᠳᠤ ᠢᠷᠡᠭᠰᠡᠨ ᠬᠤᠳᠠᠯᠳᠤᠭᠠᠴᠢᠨ ᠠᠭᠠᠵᠢᠮ ᠢᠶᠠᠷ ᠨᠡᠮᠡᠭᠳᠡᠵᠦ ᠡᠴᠦᠰ ᠲᠡᠭᠡᠨ ᠬᠤᠳᠠᠯᠳᠤᠭᠠ ᠪᠠᠷ | ᠭᠤᠤᠯ ᠪᠤᠯᠭᠠᠭᠰᠠᠨ ᠲᠠᠪᠢᠨ ᠭᠡᠷ ᠪᠠᠯᠭᠠᠰᠤ ᠪᠤᠯᠵᠠᠢ᠃ | | |