| | ᠪᠠᠶᠢᠯᠢᠩᠭᠠ᠂ ᠡᠷᠡᠭᠲᠡᠶ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠠᠤᠬᠠᠨ ᠬᠤᠰᠢᠭᠤᠨ ᠤ ᠪᠠᠶᠢᠰᠡ ᠶᠢᠨ ᠬᠦᠷᠢᠶᠡ ︵ | ᠣᠳᠣ ᠶᠢᠨ ᠬᠡᠷᠢᠶᠡᠲᠦ ᠰᠢᠶᠠᠩ ᠤᠨ ᠬᠠᠪᠴᠢᠯ ᠭᠠᠴᠠᠭᠠ︶ ᠶᠢᠨ ᠬᠥᠮᠦᠨ᠃ ᠪᠣᠭᠤᠯ ᠭᠠᠷᠤᠯ ᠲᠠᠢ᠂ ᠡᠴᠢᠭᠡ ᠡᠬᠡ ᠨᠢ | ᠡᠷᠲᠡ ᠨᠠᠰᠤ ᠪᠠᠷᠠᠵᠤ ᠥᠮᠥᠭ ᠲᠦᠰᠢᠭ ᠦᠭᠡᠢ ᠥᠰᠴᠡᠢ᠂ ᠪᠠᠭᠠ ᠨᠠᠰᠤᠨ ᠳᠤ ᠪᠠᠨ ᠠᠮᠢᠳᠤᠷᠠᠯ ᠤᠨ ᠭᠠᠴᠢᠭ | ᠵᠦᠳᠡᠭᠦᠷᠢ ᠶᠢ ᠶᠡᠭᠡ ᠠᠮᠰᠠᠵᠤ᠂ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠬᠤᠶᠢᠨᠠ ᠴᠦ ᠠᠵᠢᠯ ᠬᠢᠳᠡᠯ ᠣᠯᠳᠠᠭᠰᠠᠨ ᠦᠭᠡᠢ᠂ ᠨᠢᠭᠡ | ᠨᠠᠰᠤᠨ ᠳᠤ ᠪᠠᠨ ᠭᠤᠣᠨᠢ ᠶᠠᠪᠤᠵᠠᠢ᠃ ᠲᠡᠭᠦᠨ ᠤ ᠵᠠᠩ ᠴᠢᠨᠠᠷ ᠢ ᠵᠣᠷᠢᠮᠠᠭ ᠵᠥᠷᠢᠭᠦᠳ᠂ ᠣᠮᠣᠭᠤᠯᠠᠩ ᠰᠢᠭᠤᠷᠬᠠᠢ᠂ | ᠸᠠᠩ ᠤᠨ ᠬᠦᠷᠢᠶᠡ ᠳᠤ ᠠᠯᠪᠠ ᠬᠠᠭᠠᠬᠤ ᠳᠤᠷᠠ ᠦᠭᠡᠢ᠂ ᠶᠢᠷᠲᠢᠨᠴᠦ ᠶᠢ ᠬᠡᠰᠦᠨ᠂ ᠯᠠᠭᠤᠰᠠ ᠮᠣᠷᠢ ᠫᠠᠨᠽᠠᠯᠠᠨ ᠠᠮᠢ | ᠵᠠᠭᠤᠵᠤ ᠣᠯᠠᠨ ᠬᠦᠮᠦᠨ ᠲᠠᠢ ᠲᠠᠨᠢᠯᠴᠠᠵᠤ ᠨᠠᠶᠢᠵᠠᠯᠠᠵᠠᠢ᠃ ᠡᠵᠡᠨ ᠨᠣᠶᠠᠨ᠂ ᠠᠯᠪᠠᠨ ᠶᠠᠮᠤᠨ ᠲᠡᠭᠦᠨ ᠢ ︽ | ᠣᠯᠢᠭᠲᠠᠢ ᠠᠵᠢᠯ ᠬᠢᠬᠦ ᠦᠭᠡᠢ︾ ᠭᠡᠵᠦ ᠵᠢᠮᠡᠯᠡᠳᠡᠭ ᠪᠠᠶᠢᠵᠠᠢ᠃ ᠴᠢᠩ ᠤᠯᠤᠰ ᠤᠨ ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ | ᠳᠣᠯᠣᠳᠤᠭᠠᠷ ᠣᠨ ︵1857 ᠣᠨ︶ ᠳᠤ ᠪᠠᠶᠢᠯᠢᠩᠭᠠ ᠬᠦᠷᠢᠶᠡ ᠬᠤᠰᠢᠭᠤᠨ ᠳᠤ ᠠᠳᠤᠭᠤ ᠫᠠᠨᠽᠠᠯᠠᠵᠤ | ᠪᠠᠶᠢᠬᠤ ᠳᠤ ᠪᠠᠨ ᠲᠤᠬᠠᠶ ᠶᠢᠨ ᠭᠠᠵᠠᠷ ᠤᠨ ᠲᠠᠷᠢᠶᠠᠴᠢᠨ ᠤ ᠪᠣᠰᠣᠯᠭᠠ ᠶᠢᠨ ᠲᠦᠷᠦᠭᠦᠦ ᠸᠠᠩ ᠯᠣᠣ ᠴᠢ ᠲᠠᠢ | ᠲᠠᠨᠢᠯᠴᠠᠵᠤ ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠶᠢᠰᠦᠳᠦᠭᠡᠷ ᠣᠨ ᠳᠤ ᠲᠡᠳᠡᠨ ᠤ ᠡᠩᠨᠡᠭᠡ ᠳᠤ ᠣᠷᠣᠵᠤ ᠲᠦᠷᠦᠭᠦᠦ ᠪᠣᠯᠵᠠᠢ᠃ | ᠦᠷᠭᠦᠯᠵᠢ 200 ᠭᠠᠷᠤᠶ ᠬᠥᠮᠦᠨ ᠳᠠᠭᠠᠭᠤᠯᠵᠤ ᠱᠠᠨᠠᠭᠠ ᠪᠣᠭᠤᠮᠲᠠ ᠶᠢᠨ ᠳᠣᠲᠣᠷᠠ ᠭᠠᠳᠠᠨᠠ ᠬᠤᠪᠳᠤᠬ | ᠨᠣᠶᠠᠨ ᠢ ᠵᠠᠯᠬᠠᠭᠠᠨ ᠰᠢᠳᠬᠡᠵᠦ᠂ ᠬᠠᠷᠭᠢᠰᠴᠤᠳ ᠢ ᠠᠷᠢᠯᠭᠠᠵᠤ ᠬᠠᠷᠠᠴᠤᠳ ᠢ ᠠᠮᠤᠷᠵᠢᠭᠤᠯᠵᠤ᠂ ᠡᠩᠨᠡᠭᠡ ᠨᠢ | ᠲᠠᠰᠤᠷᠠᠯᠳᠡ ᠦᠭᠡᠢ ᠪᠤᠵᠠᠭᠠᠶᠢᠷᠠᠵᠠᠢ᠃ ᠲᠣᠰ ᠵᠢᠯ ᠤᠨ ᠠᠷᠪᠠᠳᠤᠭᠠᠷ ᠰᠠᠷᠠ ᠳᠤ᠂ ᠦᠭᠡᠭᠦᠦ ᠶᠠᠳᠠᠭᠤ ᠮᠠᠯᠴᠢᠨ | ᠮᠢᠯᠢᠰᠧᠩᠭᠡ᠂ ᠠᠤᠬᠠᠨ ᠤ ᠶᠢᠨ ᠴᠠᠩ ᠭᠧᠤ ᠯᠢᠶᠠᠩ ᠠᠯᠲᠠᠨ ᠤ ᠠᠭᠤᠷᠬᠠᠶ ᠶᠢᠨ ᠠᠵᠢᠯᠴᠢᠨ ᠯᠢ ᠹᠧᠩ ᠺᠦᠢ᠂ ᠼᠠᠢ | ᠪᠣᠣ ᠱᠠᠨ ᠵᠡᠷᠭᠡ ᠬᠥᠮᠥᠰ ᠤᠷᠢᠳ ᠬᠤᠵᠢᠳ ᠴᠡᠷᠢᠭ ᠮᠣᠷᠢ ᠪᠠᠨ ᠳᠠᠭᠠᠭᠤᠯᠵᠤ ᠲᠡᠳᠡᠨ ᠤ ᠡᠩᠨᠡᠭᠡ ᠳᠤ ᠣᠷᠣᠵᠠᠢ᠃ | ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠠᠷᠪᠠᠳᠤᠭᠠᠷ ᠣᠨ ᠤ ᠬᠤᠶᠠᠳᠤᠭᠠᠷ ᠰᠠᠷᠠ ᠠᠴᠠ ᠠᠷᠪᠠᠳᠤᠭᠠᠷ ᠰᠠᠷᠠ ᠬᠦᠷᠲᠡᠯᠡ ︽ | ᠬᠠᠭᠠᠨ ᠤ ᠲᠡᠷᠭᠡᠨ ᠠᠩᠭᠢ︾ ︵ᠬᠠᠭᠠᠨ ᠤ ᠮᠥᠩᠭᠦ ᠴᠠᠯᠢᠩ ᠡᠳ᠋ ᠪᠣᠳᠠᠰ ᠢ ᠲᠡᠭᠡᠭᠡᠪᠦᠷᠢᠯᠡᠨ ᠬᠦᠷᠭᠡᠳᠡᠭ ᠲᠡᠷᠭᠡᠨ | ᠠᠩᠭᠢ︶ ᠶᠢ ᠬᠤᠶᠠᠷ ᠤᠳᠠᠭᠠ ᠪᠤᠯᠢᠶᠠᠵᠠᠢ᠃ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠰᠠᠷᠠ ᠳᠤ ᠲᠤᠬᠠᠶ ᠶᠢᠨ ᠭᠠᠵᠠᠷ ᠤᠨ ᠠᠮᠤ | ᠪᠤᠳᠠᠭᠠ ᠪᠤᠯᠢᠶᠠᠳᠠᠭ ᠲᠦᠷᠦᠭᠦᠦ ᠲᠠᠷᠢᠶᠠᠴᠢᠨ ᠤ ᠸᠠᠩ ᠳ᠋ᠠ᠂ ᠸᠠᠩ ᠵᠦ ᠲᠠᠢ ᠬᠠᠮᠲᠤᠷᠠᠨ 800 ᠭᠠᠷᠤᠶ ᠬᠥᠮᠦᠨ | ᠳᠠᠭᠠᠭᠤᠯᠵᠤ᠂ ᠨᠢᠭᠡ ᠦᠶᠡ ᠢᠵᠧᠤ ᠬᠤᠲᠠ ︵ᠣᠳᠣ ᠶᠢᠨ ᠢ ᠰᠢᠶᠠᠨ︶ ᠶᠢ ᠳᠠᠭᠠᠷᠢᠨ ᠡᠵᠡᠯᠡᠭᠰᠡᠨ ᠪᠠᠶᠢᠨᠠ᠃ | ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ ᠤ ᠴᠠᠭᠠᠨ ᠰᠠᠷᠠ ᠳᠤ ᠸᠠᠩ ᠯᠣᠣ ᠴᠢ ᠶᠢᠨ ᠬᠥᠪᠡᠭᠦᠨ ᠴᠤᠤᠶᠠᠩ | ᠰᠢᠶᠠᠨ ᠳᠤ ᠠᠯᠪᠠᠨ ᠶᠠᠮᠤᠨ ᠳᠤ ᠪᠠᠷᠢᠪᠴᠢᠯᠠᠭᠳᠠᠵᠠᠢ᠃ ᠬᠤᠶᠠᠷ ᠰᠠᠷᠠ ᠶᠢᠨ ᠲᠦᠷᠪᠡᠨ ᠤ ᠰᠥᠨᠢ ᠸᠠᠩ ᠯᠣᠣ ᠴᠢ᠂ | ᠪᠠᠶᠢᠯᠢᠩᠭᠠ᠂ ᠮᠢᠯᠢᠰᠧᠩᠭᠡ ᠨᠠᠷ 500 ᠭᠠᠷᠤᠶ ᠬᠥᠮᠦᠨ ᠢ ᠳᠠᠭᠠᠭᠤᠯᠤᠨ ᠴᠤᠤᠶᠠᠩ ᠰᠢᠶᠠᠨ ᠤ ᠶᠠᠮᠤᠨ ᠳᠤ ᠳᠠᠭᠠᠷᠢᠨ | ᠣᠷᠣᠵᠤ ᠭᠢᠨᠳᠠᠨ ᠤ ᠡᠭᠦᠳᠡ ᠶᠢ ᠡᠪᠳᠡᠵᠦ᠂ ᠸᠠᠩ ᠯᠣᠣ ᠴᠢ ᠶᠢᠨ ᠬᠥᠪᠡᠭᠦᠨ ᠪᠠ ᠪᠤᠰᠤᠳ ᠬᠤᠷᠢᠭᠳᠠᠵᠤ ᠪᠠᠶᠢᠭᠰᠠᠨ | 500 ᠭᠠᠷᠤᠢ ᠬᠥᠮᠥᠨ ᠢ ᠰᠤᠯᠠᠯᠠᠵᠤ᠂ ᠶᠠᠮᠤᠨ ᠵᠠᠬᠢᠷᠭᠠ ᠪᠠ ᠭᠠᠶᠢᠯᠢ ᠶᠢᠨ ᠲᠣᠪᠴᠢᠶᠠ ᠶᠢ ᠭᠠᠯᠳᠠᠵᠠᠢ᠃ ᠭᠠᠷᠤᠳᠢ | ᠠᠭᠤᠯᠠ ᠵᠦᠭ ᠪᠤᠴᠠᠬᠤ ᠦᠶᠡᠰ ᠵᠡᠭᠦᠨ ᠬᠥᠯ ᠨᠢ ᠰᠢᠷᠬᠠᠲᠤᠵᠤ ᠮᠢᠯᠢᠰᠧᠩᠭᠡ ᠪᠠᠷ ᠴᠡᠷᠢᠭ ᠤᠨ ᠭᠤᠣᠯ | ᠬᠦᠴᠦᠨ ᠢᠶᠠᠨ ᠳᠠᠭᠠᠭᠤᠯᠤᠨ ᠶᠠᠪᠤᠭᠤᠯᠵᠤ᠂ ᠲᠡᠷᠡ ᠦᠯᠡᠳᠡᠭᠰᠡᠨ ᠴᠡᠷᠢᠭ ᠢᠶᠠᠨ ᠬᠡᠳᠦᠨ ᠪᠦᠯᠦᠭ ᠬᠤᠪᠢᠶᠠᠵᠤ | ᠶᠠᠪᠤᠭᠤᠯ ᠪᠠᠶᠢᠯᠳᠤᠭᠠᠨ ᠬᠢᠵᠦ ᠰᠡᠭᠦᠯᠡᠷ ᠨᠢ ᠬᠦᠷᠢᠶᠡ ᠣᠷᠴᠢᠮ ᠳᠠᠯᠳᠠᠯᠠᠨ ᠣᠴᠢᠵᠠᠢ᠃ ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ | ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ ᠤ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠳᠤ᠂ ᠲᠡᠭᠦᠨ ᠤ ᠴᠡᠷᠢᠭ ᠪᠠᠰᠠ ᠤᠯᠠᠭᠠᠨᠬᠠᠳᠠ ᠰᠢᠶᠠᠨ ᠢ ᠳᠠᠭᠠᠷᠢᠨ | ᠡᠵᠡᠯᠡᠵᠦ᠂ ᠠᠯᠪᠠᠨ ᠶᠠᠮᠤᠨ ᠢ ᠭᠠᠯᠳᠠᠵᠤ᠂ ᠭᠢᠨᠳᠠᠨ ᠳᠠᠬᠢ ᠬᠤᠷᠢᠭᠳᠠᠭᠰᠠᠳ ᠢ ᠰᠤᠯᠠᠯᠠᠵᠤ᠂ ᠬᠥᠮᠥᠷᠭᠡ ᠶᠢᠨ | ᠮᠥᠩᠭᠦ ᠶᠢ ᠪᠤᠯᠢᠶᠠᠵᠠᠢ᠃ ᠳᠥᠷᠪᠡᠳᠦᠭᠡᠷ ᠰᠠᠷᠠ ᠳᠤ ᠯᠢ ᠹᠧᠩ ᠺᠦᠢ ᠪᠠᠷᠢᠭᠳᠠᠨ ᠠᠯᠠᠭᠳᠠᠵᠤ᠂ ᠪᠠᠶᠢᠯᠢᠩᠭᠠ᠂ ᠼᠠᠢ | ᠪᠣᠣ ᠱᠠᠨ ᠦᠷᠭᠦᠯᠵᠢᠯᠡᠨ ᠴᠡᠷᠢᠭ ᠳᠠᠭᠠᠭᠤᠯᠤᠨ ᠠᠤᠬᠠᠨ᠂ ᠵᠢᠶᠠᠨᠴᠠᠩ᠂ ᠴᠠᠩᠲᠤ ᠵᠢᠴᠢ ᠬᠤᠷᠴᠢᠨ ᠢᠶᠠᠷ ᠡᠷᠭᠢᠴᠡᠨ | ᠪᠠᠶᠢᠯᠳᠤᠵᠤ᠂ ᠡᠩᠨᠡᠭᠡ ᠨᠢ ᠬᠥᠭᠵᠢᠭᠡᠳ ᠭᠤᠷᠪᠠ ᠲᠦᠷᠪᠡᠨ ᠮᠢᠩᠭᠠᠨ ᠬᠥᠮᠦᠨ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠪᠦᠷᠢᠨ | ᠵᠠᠰᠠᠭᠴᠢ ᠶᠢᠨ ᠲᠡᠷᠢᠭᠦᠨ ᠣᠨ ︵862 ᠣᠨ︶ ᠳᠤ ᠪᠣᠰᠣᠯᠭᠠ ᠶᠢᠨ ᠴᠡᠷᠢᠭ ᠢᠯᠠᠭᠳᠠᠵᠤ᠂ ᠪᠠᠶᠢᠯᠢᠩᠭᠠ ᠮᠣᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠤᠯᠠᠨ ᠲᠦᠮᠡᠨ ᠤ ᠬᠠᠮᠠᠭᠠᠯᠠᠯᠲᠠ ᠳᠣᠣᠷᠠ ᠳᠠᠯᠳᠠᠯᠠᠵᠤ ᠪᠠᠶᠢᠵᠠᠢ᠃ ᠪᠦᠷᠢᠨ ᠵᠠᠰᠠᠭᠴᠢ ᠶᠢᠨ | ᠬᠤᠶᠠᠳᠤᠭᠠᠷ ᠣᠨ ᠤ ᠨᠠᠮᠤᠷ᠂ ᠪᠠᠶᠢᠯᠢᠩᠭᠠ᠂ ᠼᠠᠢ ᠪᠣᠣ ᠱᠠᠨ᠂ ᠸᠠᠩ ᠦ᠋᠂ ᠮᠢᠯᠢᠰᠧᠩᠭᠡ ᠨᠠᠷ ᠳᠠᠬᠢᠨ ᠴᠠᠩᠲᠤ᠂ | ᠭᠢᠷᠢᠨ ᠵᠡᠷᠭᠡ ᠭᠠᠵᠠᠷ ᠢ ᠳᠣᠪᠲᠣᠯᠣᠨ ᠡᠵᠡᠯᠡᠵᠡᠢ᠃ ᠸᠠᠩ ᠦ᠋ ᠪᠠᠷᠢᠪᠴᠢᠯᠠᠭᠳᠠᠭᠰᠠᠨ ᠤ ᠳᠠᠷᠠᠭᠠ ᠪᠣᠰᠣᠯᠭᠠ ᠶᠢᠨ | ᠴᠡᠷᠢᠭ ᠵᠣᠰᠣᠲᠤ᠂ ᠵᠣᠣ ᠤᠳᠠ ᠬᠤᠶᠠᠷ ᠠᠶᠢᠮᠠᠭ ᠢᠶᠠᠷ ᠦᠷᠭᠦᠯᠵᠢᠯᠡᠨ ᠪᠠᠶᠢᠯᠳᠤᠵᠤ ᠪᠠᠶᠢᠪᠠ᠃ ᠪᠦᠷᠢᠨ | ᠵᠠᠰᠠᠭᠴᠢ ᠶᠢᠨ ᠳᠥᠷᠪᠡᠳᠦᠭᠡᠷ ᠣᠨ ᠤ ᠵᠤᠨ᠂ ᠪᠠᠶᠢᠯᠢᠩᠭᠠ ᠶᠢᠨ ᠴᠡᠷᠢᠭ ᠠᠩᠬᠢ ᠵᠡᠭᠦᠨ ᠬᠤᠶᠢᠲᠤ ᠣᠷᠣᠨ ᠪᠣᠯᠤᠨ | ᠥᠪᠥᠷ ᠮᠣᠩᠭᠤᠯ ᠤᠨ ᠵᠡᠭᠦᠨ ᠬᠡᠰᠡᠭ ᠲᠤ ᠪᠣᠰᠣᠯᠭᠠ ᠶᠢᠨ ᠭᠠᠯ ᠢ ᠳᠦᠷᠡᠯᠵᠡᠭᠦᠯᠪᠡ᠂ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ | ᠭᠠᠵᠠᠷ ᠰᠣᠴᠢᠨ ᠬᠡᠯᠡᠮᠡᠭᠳᠡᠵᠦ᠂ ᠪᠣᠭᠤᠮᠲᠠ ᠶᠢᠨ ᠳᠣᠲᠣᠷᠠ ᠨᠢᠶᠠᠨ ᠵᠢᠶᠦ᠋ᠨ ᠢ ᠳᠠᠷᠤᠩᠭᠤᠶᠢᠯᠠᠭᠰᠠᠨ ᠴᠡᠷᠢᠭ ᠠᠩᠭᠢ᠂ | ᠨᠡᠶᠢᠰᠯᠡᠯ ᠤᠨ ᠲᠡᠬᠦᠷᠭᠡ ᠶᠢᠨ ᠲᠣᠷᠭᠠᠨ ᠴᠡᠷᠢᠭ᠂ ᠮᠣᠩᠭᠤᠯ ᠬᠤᠰᠢᠭᠤᠨ ᠤ ᠮᠣᠷᠢᠲᠤ ᠴᠡᠷᠢᠭ ᠢ ᠪᠠᠴᠢᠮ ᠲᠣᠮᠢᠯᠠᠵᠤ | ᠬᠦᠴᠦ ᠬᠠᠮᠲᠤᠳᠬᠠᠨ ᠪᠦᠰᠡᠯᠡᠨ ᠳᠠᠭᠠᠷᠢᠵᠠᠢ᠃ ᠪᠠᠶᠢᠯᠢᠩᠭᠠ᠂ ᠮᠢᠯᠢᠰᠡᠩᠭᠡ ᠨᠠᠷ ᠤᠯᠠᠨ ᠲᠦᠮᠡᠨ ᠤ ᠬᠠᠮᠠᠭᠠᠯᠠᠯᠲᠠ | ᠳᠡᠮᠵᠢᠯᠭᠡ ᠪᠠᠷ ᠦᠷᠭᠦᠯᠵᠢᠯᠡᠨ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠤ᠂ ᠪᠦᠷᠢᠨ ᠵᠠᠰᠠᠭᠴᠢ ᠶᠢᠨ ᠳᠣᠯᠣᠳᠤᠭᠠᠷ ᠣᠨ ︵1868 ᠣᠨ | ︶ ᠪᠣᠯᠬᠤ ᠳᠤ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠠᠴᠠ ᠲᠠᠢ ᠫᠢᠩ ᠵᠢᠶᠦ᠋ᠨ᠂ ᠨᠢᠶᠠᠨ ᠵᠢᠶᠦ᠋ᠨ ᠢ ᠳᠠᠷᠤᠩᠭᠤᠶᠢᠯᠠᠭᠰᠠᠨ ᠵᠢᠷᠢᠮ | ᠠᠶᠢᠮᠠᠭ ᠤᠨ ᠮᠣᠩᠭᠤᠯ ᠮᠣᠷᠢᠲᠤ ᠴᠡᠷᠢᠭ᠂ ᠶᠡᠭᠡ ᠫᠤᠤᠲᠤ ᠴᠡᠷᠢᠭ᠂ ᠬᠠᠷᠢ ᠶᠢᠨ ᠫᠤᠤᠲᠤ ᠴᠡᠷᠢᠭ ᠪᠠ ᠴᠠᠬᠠᠷ᠂ | ᠬᠥᠬᠡᠬᠤᠲᠠ ᠶᠢᠨ ᠥᠪᠥᠷ ᠮᠣᠩᠭᠤᠯ ᠤᠨ ᠮᠣᠷᠢᠲᠤ ᠴᠡᠷᠢᠭ ᠢ ᠪᠦᠬᠦᠨ ᠢ ᠳᠠᠶᠢᠴᠢᠯᠠᠵᠤ ᠳᠠᠷᠤᠩᠭᠤᠶᠢᠯᠠᠭᠰᠠᠨ ᠪᠠᠶᠢᠨᠠ᠃ | ᠲᠤᠰ ᠵᠢᠯ ᠤᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠳᠤ ᠬᠢᠷᠢᠨ ᠤ ᠭᠥᠩ ᠫᠧᠩ ᠽᠢ ᠳᠤ | ᠪᠠᠶᠢᠯᠢᠩᠭᠠ ᠪᠠᠷᠢᠭᠳᠠᠨ ᠪᠡᠶᠡ ᠦᠷᠡᠭᠳᠡᠪᠡ᠂ ᠳᠠᠷᠠᠭᠠ ᠵᠢᠯ ᠤᠨ ᠬᠢᠨᠢ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠮᠢᠯᠢᠰᠧᠩᠭᠡ | ᠪᠠᠷᠢᠪᠴᠢᠯᠠᠭᠳᠠᠪᠠ᠃ ᠢᠢᠨ ᠬᠦ ᠠᠷᠪᠠᠨ ᠨᠢᠭᠡᠨ ᠵᠢᠯ ᠪᠠᠶᠢᠯᠳᠤᠵᠤ᠂ ᠴᠢᠩ ᠤᠯᠤᠰ ᠤᠨ ᠲᠥᠷᠥ ᠶᠢᠨ ᠰᠠᠭᠤᠷᠢ ᠶᠢ | ᠳᠣᠩᠰᠣᠯᠭᠠᠭᠰᠠᠨ ᠮᠣᠩᠭᠤᠯ ᠬᠢᠲᠠᠳ ᠠᠷᠠᠳ ᠲᠦᠮᠡᠨ ᠤ ᠴᠢᠩ ᠤᠨ ᠲᠦᠷᠦ ᠶᠢ ᠡᠰᠡᠷᠭᠦᠴᠡᠭᠰᠡᠨ ᠶᠡᠭᠡ ᠪᠣᠰᠣᠯᠭᠠ | ᠳᠠᠷᠤᠩᠭᠤᠶᠢᠯᠠᠭᠳᠠᠭᠰᠠᠨ ᠪᠠᠶᠢᠨᠠ᠃ | ᠢᠷᠡᠯᠲᠡ᠄ ᠤᠯᠠᠭᠠᠨᠬᠠᠲᠠ ᠬᠤᠲᠠ ᠶᠢᠨ ᠵᠠᠰᠠᠭ ᠤᠨ ᠣᠷᠳᠤᠨ ᠤ ᠮᠣᠩᠭᠤᠯ ᠰᠦᠯᠵᠢᠶᠡ | |