| ᠨᠠᠢᠮᠠᠳᠤᠭᠠᠷ ᠪᠦᠯᠦᠭ | ᠴᠠᠭᠠᠵᠠᠩ ᠬᠠᠳᠤᠨ | | ᠦᠨᠡᠨᠴᠢ ᠬᠠᠨᠢ ᠲᠦᠷᠦᠪᠤᠯᠤᠳ ᠠᠴᠠ ᠬᠠᠭᠠᠴᠠᠭᠠᠳ ᠦᠷᠦᠭᠡᠰᠦᠨ ᠵᠢᠭᠦᠷ ᠮᠢᠨᠢ ᠬᠤᠭᠤᠷᠠᠬᠰᠠᠨ | ᠦᠨᠦᠴᠢᠨ ᠭᠦᠪᠡᠭᠦᠨ ᠪᠤᠳᠢ ᠠᠯᠠᠭ ᠢ ᠬᠠᠭᠠᠨ ᠤᠬᠠᠭᠠᠨ ᠳᠤ ᠳᠠᠰᠬᠠᠨ ᠰᠤᠷᠭᠠᠭᠰᠠᠨ | ᠡᠭᠡ ᠶᠢᠨ ᠬᠠᠶᠢᠷᠠ ᠡᠴᠢᠬᠡ ᠶᠢᠨ ᠬᠠᠷᠢᠭᠤᠴᠠᠯᠭᠠ ᠶᠢ ᠨᠢᠭᠡᠨᠡ ᠬᠠᠮᠳᠦ ᠭᠦᠢᠴᠡᠳᠭᠡᠨ | ᠡᠷᠳᠡᠨ ᠤ ᠦᠢᠯᠡ ᠶᠢ ᠡᠳᠦᠬᠡ ᠳᠤᠷ ᠲᠤᠯᠢᠯᠠᠭᠤᠯᠤᠨ ᠡᠪ ᠨᠢᠭᠡᠳᠦᠯ ᠢ ᠡᠷᠬᠢᠮᠯᠡᠪᠡᠢ | ᠦᠪᠡᠷ ᠵᠠᠭᠤᠷᠠ ᠶᠢᠨ ᠪᠦᠯᠭᠦᠮᠳᠡᠯ ᠢ ᠦᠭᠦᠯᠡᠭᠰᠡᠨ ᠡᠴᠢᠨᠡ ᠳᠠᠯᠳᠠ ᠶᠢᠨ ᠤᠬᠠᠭᠠᠷᠠᠯ | ᠡᠭᠡᠨᠡᠭᠳᠡ ᠡᠷᠳᠡᠨ ᠡᠳᠦᠭᠡ ᠶᠢᠨ ᠲᠤᠮᠤᠭ ᠪᠤᠯᠵᠤ ᠲᠡᠤᠭᠡ ᠱᠠᠰᠳᠢᠷ ᠲᠤ ᠮᠥᠩᠬᠡᠷᠡᠮᠦᠢ | ᠮᠤᠩᠭᠤᠯ ᠤᠨ ᠲᠦᠷᠦ ᠶᠢ ᠲᠡᠳᠭᠦᠵᠦ | ᠮᠠᠨᠳᠤᠯ ᠭᠦᠭᠵᠢᠯ ᠳᠤ ᠬᠦᠲᠦᠯᠦᠭᠰᠡᠨ | ᠴᠠᠭᠠᠵᠠᠩ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | | ᠵᠡᠭᠦᠯᠳᠡ᠄ ᠴᠠᠭᠠᠵᠠᠩ ᠬᠠᠳᠤᠨ ᠪᠤᠯ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠶᠡᠭᠡ ᠭᠦᠪᠡᠬᠦᠨ ᠲᠦᠷᠦᠪᠤᠯᠤᠳ ᠤᠨ ᠭᠤᠤᠯ | ᠬᠠᠳᠤᠨ᠃ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤᠨ ᠳᠠᠭᠠᠨ ᠡᠷᠡ ᠨᠦᠭᠦᠷ ᠠᠴᠠ ᠪᠠᠨ ᠬᠠᠭᠠᠴᠠᠬᠰᠠᠨ ᠴᠠᠭᠠᠵᠠᠩ ᠬᠠᠳᠤᠨ᠂ | ᠦᠨᠦᠴᠢᠨ ᠦᠷᠡ ᠪᠤᠳᠢ ᠠᠯᠠᠭ ᠲᠠᠭᠠᠨ ᠡᠭᠡ ᠶᠢᠨ ᠬᠠᠶᠢᠷᠠ ᠡᠴᠢᠬᠡ ᠶᠢᠨ ᠬᠠᠷᠢᠭᠤᠴᠠᠯᠭᠠ ᠶᠢ ᠬᠠᠮᠳᠤᠳᠠ | ᠭᠦᠢᠴᠡᠳᠬᠡᠨ ᠰᠢᠯᠢᠳᠡᠭ ᠭᠦᠮᠦᠵᠢᠭᠦᠯᠪᠡ᠃ ᠲᠡᠷᠡ ᠪᠠᠷ ᠲᠦᠷᠦ ᠵᠠᠰᠠᠭ ᠲᠤᠷ ᠲᠤᠰᠠᠯᠠᠨ᠂ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ | ᠤᠷᠤᠯᠴᠠᠨ᠂ ᠬᠠᠨ ᠭᠦᠪᠡᠬᠦᠨ ᠢᠶᠠᠨ ᠭᠠᠷᠮᠠᠭᠠᠢ ᠰᠤᠷᠭᠠᠵᠤ᠂ ᠦᠪᠡᠷ ᠬᠤᠭᠤᠷᠤᠨᠳᠦ ᠶᠢᠨ ᠪᠦᠯᠭᠦᠮᠳᠡᠯ ᠨᠢᠬᠳᠠᠷᠠᠯ ᠳᠤ | ᠪᠠᠯᠠᠷᠠᠰᠢ ᠦᠬᠡᠢ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ ᠠᠯᠳᠠᠨ ᠬᠠᠰ ᠤᠨ ︽ᠨᠢᠬᠡᠨ ᠠᠩᠬᠢ ᠰᠢᠭᠦᠮᠵᠢᠯᠡᠯ︾ | ᠢᠶᠠᠷ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠢ ᠲᠠᠭᠠᠷᠢᠨ ᠲᠤᠪᠳᠤᠯᠬᠤ ᠭᠡᠰᠡᠨ ᠬᠠᠭᠠᠨ ᠭᠦᠪᠡᠬᠦᠨ ᠢ ᠰᠤᠷᠭᠠᠵᠤ | ᠭᠡᠭᠡᠷᠡᠭᠦᠯᠦᠭᠰᠡᠨ ᠨᠢᠬᠡᠨ ᠬᠠᠭᠤᠳᠠᠰᠦ ᠲᠡᠤᠭᠡ ᠪᠤᠢ᠃ ᠮᠤᠩᠭᠤᠯ ᠤᠨ ᠭᠤᠴᠢᠨ ᠨᠢᠭᠡᠳᠦᠭᠡᠷ ᠦᠶᠡ ᠶᠢᠨ ᠬᠠᠭᠠᠨ ᠪᠤᠳᠢ | ᠠᠯᠠᠭ ᠬᠠᠭᠠᠨ ︵1504 — 1547 ᠤᠨ︶ ᠨᠡᠶᠢᠳᠡ ᠬᠤᠷᠢᠨ ᠨᠠᠢᠮᠠᠨ ᠵᠢᠯ ᠬᠠᠭᠠᠨ ᠤᠷᠤ ᠰᠠᠭᠤᠬᠤ | ᠬᠤᠭᠤᠴᠠᠭᠠᠨᠠ ᠡᠭᠡ ᠬᠠᠳᠤᠨ ᠤ ᠰᠤᠷᠭᠠᠯ ᠵᠠᠬᠢᠶᠠ ᠶᠢ ᠰᠠᠶᠢᠳᠤᠷ ᠮᠦᠷᠳᠡᠨ ᠲᠠᠭᠠᠵᠤ᠂ ᠮᠤᠩᠭᠤᠯ ᠤᠨ ᠨᠡᠶᠢᠬᠡᠮ ᠢ | ᠲᠦᠪᠰᠢᠷᠡᠬᠦᠯᠦᠨ᠂ ᠮᠠᠯ ᠠᠵᠤ ᠠᠬᠤᠢ ᠦᠨᠢᠷ ᠪᠠᠶᠠᠯᠢᠭ ᠦᠰᠴᠦ ᠨᠡᠮᠡᠭᠳᠡᠨ ᠬᠦᠮᠦᠨ ᠵᠤᠨ ᠵᠤᠯ ᠵᠢᠷᠭᠠᠯᠳᠠᠢ ᠪᠠᠶᠢᠪᠠ᠃ | | | | ᠪᠠᠭᠠ ᠪᠡᠶᠢᠵᠢ ᠬᠠᠳᠤᠨ | ᠤᠮᠠᠷᠠᠳᠦ ᠶᠤᠸᠠᠨ ᠤ ᠲᠦᠮᠡᠳ ᠲᠦᠮᠡᠨ ᠤ ᠶᠡᠭᠡ ᠪᠠᠶᠢᠰᠢᠩ ᠤᠨ ᠡᠵᠡᠨ ᠪᠠᠶᠢᠯᠤᠭᠠ | ᠦᠨᠦᠴᠢᠨ ᠪᠡᠯᠪᠡᠰᠦᠨ ᠡᠭᠡ ᠭᠦᠪᠡᠭᠦᠨ ᠦᠭᠰᠦᠵᠦ ᠤᠷᠤᠭᠤᠳᠠᠨ ᠵᠦᠩᠳᠡᠭᠡᠨ ᠵᠤᠪᠠᠯᠤᠭᠠ | ᠤᠳᠠᠭᠠ ᠲᠠᠷᠠᠭᠠᠯᠠᠨ ᠤᠷᠤᠭ ᠬᠤᠯᠪᠤᠯᠳᠠ ᠪᠠᠷ ᠪᠠᠷᠠᠭᠠᠨ ᠵᠤᠪᠠᠯᠠᠩ ᠠᠴᠠ ᠭᠡᠳᠦᠯᠵᠦ | ᠤᠮᠪᠤ ᠬᠤᠩ ᠲᠠᠶᠢᠵᠢ ᠭᠦᠪᠡᠭᠦᠨ ᠤ ᠪᠠᠨ ᠲᠦᠯᠦᠬᠡᠨᠡ ᠦᠨᠦᠴᠢᠨ ᠡᠯᠢᠬᠡ ᠦᠨᠳᠡᠯᠵᠡᠮᠤᠢ | ᠣᠨ ᠴᠠᠭ ᠤᠨ ᠤᠷᠪᠠᠭᠠᠨ ᠭᠦᠷᠪᠡᠭᠡᠨ ᠳᠤ ᠤᠬᠠᠭᠠᠨ ᠤ ᠴᠠᠷᠠᠭᠠ ᠪᠠᠨ ᠭᠠᠶᠢᠬᠠᠭᠤᠯᠵᠤ | ᠦᠭᠡᠳᠡᠯᠡᠯ ᠪᠠᠭᠤᠷᠠᠯ ᠤᠨ ᠡᠭᠡᠳᠡᠷᠡᠭᠡᠨᠳᠦ ᠡᠷᠬᠢᠯᠬᠡᠨ ᠳᠤ ᠪᠢᠯᠢᠭ ᠤᠨ ᠭᠡᠭᠡ ᠪᠠᠨ ᠭᠡᠷᠡᠯᠳᠦᠬᠦᠯᠪᠡᠢ | ᠲᠦᠮᠡᠳ ᠤᠨ ᠲᠠᠯᠠ ᠶᠢᠨ ᠪᠠᠳᠠᠷᠠᠯ ᠳᠡᠭᠵᠢᠷᠡᠯ ᠳᠤ ᠦᠵᠡᠰᠭᠦᠯᠡᠩ ᠲᠦᠷᠢ ᠮᠢᠨᠢ ᠰᠤᠳᠤᠨ | ᠲᠤᠭᠤᠰᠤᠷᠠᠵᠤ ᠠᠯᠤᠰᠷᠠᠬᠤ ᠲᠡᠤᠬᠡ ᠶᠢᠨ ᠤᠷᠤᠰᠬᠠᠯ ᠳᠤ ᠠᠷᠤᠤᠬᠠᠨ ᠠᠯᠳᠠᠷ ᠮᠢᠨᠢ ᠮᠦᠩᠬᠡ | ᠪᠠᠭᠠ ᠪᠡᠶᠢᠵᠢ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | ᠵᠡᠭᠦᠯᠳᠡ᠄ ᠪᠠᠭᠠ ᠪᠡᠶᠢᠵᠢ ᠬᠠᠳᠤᠨ ︵1546 — 1626 ᠤᠨ︶ ᠪᠤᠯ ᠤᠮᠠᠷᠠᠳᠦ ᠶᠤᠸᠠᠨ ᠤᠯᠤᠰ ᠤᠨ | ᠦᠶᠡ ᠶᠢᠨ ᠮᠤᠩᠭᠤᠯ ᠤᠨ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠤ ᠦᠤᠰᠢᠨ ᠠᠶᠢᠮᠠᠭ ᠤᠨ ᠢᠵᠠᠭᠤᠷᠳᠠᠨ ᠭᠠᠷᠤᠯᠳᠠᠢ | ᠲᠠᠶᠢᠴᠢᠨ ᠤ ᠦᠬᠢᠨ᠃ ᠤᠮᠠᠷᠠᠳᠦ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠪᠠᠷᠠᠭᠤᠨ ᠭᠠᠷ ᠤᠨ ᠭᠤᠷᠪᠠᠨ ᠲᠦᠮᠡᠨ ᠤ | ᠨᠢᠭᠡ ᠪᠤᠯᠬᠤ ᠲᠦᠮᠡᠳ ᠲᠦᠮᠡᠨ ᠤ ᠡᠵᠡᠨ ᠠᠯᠳᠠᠨ ᠬᠠᠨ ᠤ ᠠᠴᠢ ᠪᠡᠷᠢ᠂ ᠲᠦᠪᠡᠳ ᠲᠠᠶᠢᠵᠢ ᠶᠢᠨ ᠠᠬᠠᠮᠠᠳ | ᠭᠦᠪᠡᠬᠦᠨ ᠪᠠᠭᠠ ᠠᠴᠢ ᠲᠠᠶᠢᠵᠢ ᠶᠢᠨ ᠬᠠᠳᠤᠨ᠃ ᠪᠠᠭᠠ ᠠᠴᠢ ᠲᠠᠶᠢᠵᠢ ᠪᠤᠯᠤᠨ ᠪᠠᠭᠠ ᠪᠡᠶᠢᠵᠢ ᠬᠠᠳᠤᠨ ᠠᠴᠠ | ᠴᠤᠮᠤ ᠲᠠᠶᠢᠵᠢ᠂ ᠯᠢᠩᠬᠡᠮ ᠲᠠᠶᠢᠵᠢ᠂ ᠪᠤᠰᠤᠪ ᠲᠠᠶᠢᠵᠢ ᠬᠡᠮᠡᠬᠦ ᠭᠤᠷᠪᠠᠨ ᠭᠦᠪᠡᠭᠦᠨ ᠲᠠᠢ᠃ ᠪᠠᠭᠠ ᠠᠴᠢ ᠲᠠᠶᠢᠵᠢ | ᠨᠠᠰᠦ ᠨᠦᠭᠴᠢᠭᠰᠡᠨ ᠠᠴᠠ ᠰᠡᠭᠦᠯᠡᠷ ᠪᠠᠭᠠ ᠪᠡᠶᠢᠵᠢ ᠬᠠᠳᠤᠨ ᠭᠡᠳᠦ ᠤᠳᠠᠭᠠ ᠤᠷᠤᠭ ᠬᠤᠯᠪᠤᠯᠳᠠ ᠬᠢᠵᠦ᠂ ᠤᠯᠤᠰ | ᠲᠦᠷᠦ ᠶᠢᠨ ᠤᠷᠪᠠᠭᠠᠨ ᠭᠦᠷᠪᠡᠭᠡᠨ ᠤ ᠲᠤᠮᠳᠠ ᠲᠠᠪᠳᠠᠬᠳᠠᠨ ᠴᠠᠭᠠᠷᠠᠬᠰᠠᠨ ᠭᠠᠶᠢᠬᠠᠯᠳᠠᠢ ᠨᠢᠬᠡᠨ ᠮᠤᠩᠭᠤᠯ ᠪᠦᠰᠡᠭᠦᠢ | ᠪᠦᠯᠦᠬᠡ᠃ | | | | | |