ᠨᠤᠮ ᠬᠦᠷᠭᠡᠳᠡᠭ ᠰᠤᠯᠢᠶᠠᠷᠠᠯ ᠢᠶᠠᠨ ᠵᠠᠰᠠᠶᠠ | ᠤᠷᠠᠩᠭᠤᠸᠠ | ᠪᠢ ᠭᠤᠴᠢᠨ ᠲᠦᠷᠪᠠᠨ ᠨᠠᠰᠤᠨ ᠲᠡᠭᠡᠷᠡ ᠪᠠᠨ ᠠᠩᠬᠠᠨ ᠤ ᠨᠠᠶᠢᠷᠠᠭᠤᠯᠤᠯ ᠤᠨ ᠲᠡᠬᠦᠪᠦᠷᠢ ︽ᠬᠠᠶᠢᠷᠠ ᠶᠢᠨ | ᠲᠤᠷᠭᠠᠨ ᠰᠢᠪᠡᠨᠡᠭᠡ︾ ᠪᠠᠨ ᠭᠡᠪᠯᠡᠬᠦᠯᠦᠭᠰᠡᠨ ᠠᠴᠠ ᠠᠪᠤᠭᠠᠳ ᠦᠨᠦᠳᠤᠷ ︽ᠰᠠᠯᠬᠢᠨ ᠤ ᠲᠤᠷᠭᠠᠨ ᠤᠷᠤᠭᠤᠯ︾ | ᠢᠶᠠᠨ ᠭᠡᠪᠯᠡᠬᠦᠯᠦᠨ ᠭᠠᠷᠳᠠᠯᠠ ᠡᠨᠡᠬᠦ 21 ᠵᠢᠯ ᠳᠤ 16 ᠨᠤᠮ ᠤᠨ ᠢᠶᠠᠨ ᠵᠤᠯᠠᠢ ᠶᠢ ᠦᠨᠦᠰᠦᠯᠠ᠃ ᠡᠨᠡ ᠠᠷᠪᠠᠨ | ᠵᠢᠷᠭᠤᠭᠠᠨ ᠨᠤᠮ ᠤᠨ ᠢᠶᠠᠨ ᠭᠡᠳᠦᠢ ᠶᠢ ᠨᠢ ᠪᠤᠰᠤᠳ ᠲᠤ ᠵᠦᠭᠡᠷ ᠬᠦᠷᠭᠡᠴᠢᠭᠡᠭᠰᠡᠨ ᠶᠤᠮ ᠪᠤᠯ︖ ᠲᠤᠭᠠ ᠦᠭᠡᠢ᠃ | ᠦᠨᠦᠳᠤᠷ ᠲᠠᠳᠡᠭᠡᠷ ᠨᠤᠮ ᠤᠳ ᠤᠨ ᠵᠠᠷᠢᠮ ᠨᠢ ᠨᠠᠳᠠ ᠨᠢᠭᠡ ᠴᠦ ᠤᠯᠳᠠᠬᠤ ᠦᠭᠡᠢ ᠪᠤᠯᠵᠤ ᠭᠠᠴᠢᠭᠳᠠᠬᠤ ᠳᠠᠭᠠᠨ | ᠭᠠᠵᠠᠷ ᠪᠤᠯᠭᠠᠨ ᠠᠴᠠ ᠰᠤᠷᠠᠭᠯᠠᠪᠠᠯ ᠪᠠᠶᠢᠭᠰᠠᠨ ᠨᠢᠭᠡ ᠨᠢ ᠶᠡᠭᠡ ᠦᠨᠳᠤᠷ ᠦᠨᠠ ᠭᠡᠯᠡᠴᠢᠭᠡᠭᠰᠡᠨ ᠪᠠᠶᠢᠪᠠ᠃ ︽ | ᠲᠤᠬᠠᠢ ᠶᠢᠨ ᠦᠶᠡ ᠪᠢ ᠲᠠᠨ ᠳᠤ ᠵᠦᠭᠡᠷ ᠬᠦᠷᠭᠡᠭᠰᠡᠨ ᠶᠤᠮ ᠰᠢᠦ᠂ ᠦᠨᠦᠳᠤᠷ ᠲᠠ ᠨᠠᠳᠠ ᠤᠤᠯ ᠦᠨᠠ ᠪᠠᠷ | ᠦᠭᠴᠦ ᠪᠤᠯᠬᠤ ᠦᠭᠡᠢ ᠶᠠᠭᠠᠬᠢᠭᠰᠠᠨ ᠶᠤᠮ︖︾ ᠭᠡᠪᠡᠯ ︽ᠡᠨᠡ ᠪᠤᠯ ᠮᠢᠨᠤ ᠡᠳ᠋ ᠬᠤᠭᠰᠢᠯ᠂ ᠮᠢᠨᠤ ᠶᠠᠭᠤᠮᠠ | ᠰᠢᠦ︕︾ ᠭᠡᠴᠢᠭᠡᠬᠦ ᠶᠤᠮ ᠪᠢᠯᠠ᠃ ᠪᠤᠳᠤᠪᠠᠯ ᠬᠦᠮᠦᠨ ᠤ ᠭᠡᠯᠡᠬᠦ ᠪᠤᠷᠤᠭᠤ ᠦᠭᠡᠢ᠂ ᠬᠠᠷᠢᠨ ᠨᠤᠮ ᠢ ᠵᠦᠭᠡᠷ | ᠬᠦᠷᠭᠡᠭᠰᠡᠨ ᠪᠢ ᠯᠠ ᠪᠤᠷᠤᠭᠤ ᠲᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠤᠩᠭᠤᠯ ᠴᠢᠷᠠᠢ ᠲᠠᠢ ᠬᠦᠮᠦᠨ ᠢ | ᠬᠠᠷᠠᠭᠰᠠᠭᠠᠷ ᠯᠠ ︽ᠬᠦᠶ᠋ᠢ᠂ ᠮᠢᠨᠤ ᠨᠤᠮ ᠢ ᠤᠩᠰᠢ ᠡ︕︾ ᠭᠡᠵᠤ ᠬᠠᠰᠬᠢᠷᠤᠮᠠᠷ ᠪᠤᠯᠵᠤ ᠪᠠᠶᠢᠭᠰᠠᠨ᠂ | ᠭᠡᠳᠦᠷᠡᠬᠦᠯᠵᠤ ᠭᠡᠯᠡᠪᠡᠯ ᠤᠷᠭᠤᠭᠠ ᠮᠤᠳᠤᠨ ᠤ ᠨᠠᠪᠴᠢᠰ ᠲᠤ ᠴᠦ ︽ᠮᠢᠨᠤ ᠨᠤᠮ ᠢ ᠤᠩᠰᠢᠬᠤ ᠦᠭᠡᠢ ᠤᠤ︖ ᠪᠢ | ᠴᠢᠮᠠᠢᠢ ᠪᠢᠴᠢᠭᠰᠡᠨ ᠰᠢᠦ︕︾ ᠭᠡᠴᠢᠭᠡᠮᠠᠷ ᠯᠠ ᠪᠠᠶᠢᠭᠰᠠᠨ᠃ ᠲᠡᠭᠡᠭᠡᠳ ᠯᠠ ︽ᠬᠦᠮᠦᠨ ᠨᠢ ᠮᠤᠳᠤᠨ ᠠᠴᠠ ᠪᠠᠨ | ᠨᠡᠩ ᠢᠯᠡᠬᠦᠦ ᠦᠭᠡ ᠭᠡᠯᠡ ᠮᠡᠳᠡᠨᠠ᠂ ᠤᠳᠬᠠ ᠰᠤᠶᠤᠯ ᠢᠶᠠᠨ ᠪᠠᠭ᠋ᠠᠷᠬᠠᠨᠠ ᠪᠠᠶᠢᠬᠠ︾ ᠭᠡᠵᠤ ᠪᠤᠳᠤᠭᠠᠳ᠂ | ᠪᠤᠯᠤᠮᠠᠷ ᠰᠠᠨᠠᠭᠳᠠᠭᠰᠠᠨ ᠬᠦᠮᠦᠨ ᠪᠤᠯᠭᠠᠨ ᠳᠤ ᠨᠤᠮ ᠢᠶᠠᠨ ᠬᠦᠷᠭᠡᠳᠡᠭ᠃ ᠨᠢᠭᠡ ᠪᠤᠳᠤᠪᠠᠯ ᠪᠢ ᠭᠡᠵᠤ ᠰᠠᠶᠢᠬᠠᠨ | ᠶᠠᠭᠤᠮᠠ ᠪᠠᠨ ᠪᠠᠷᠳᠠᠮᠨᠠᠭᠤᠯᠬᠤ ᠲᠤᠷᠠ ᠲᠠᠢ ᠶᠡᠭᠡ ᠪᠠᠷᠳᠠᠮᠴᠢ ᠬᠦᠮᠦᠨ ᠶᠤᠮ ᠪᠠᠶᠢᠨᠠ᠃ ᠬᠡᠦᠭᠡᠳ ᠲᠦᠷᠦᠬᠦ ᠶᠢᠨ | ᠪᠤᠯᠭᠠᠨ ︽ᠡᠶᠢᠮᠤ ᠰᠠᠶᠢᠬᠠᠨ ᠲᠠᠭᠠᠯᠤᠤᠷ ᠬᠡᠦᠭᠡᠳ ᠢ ᠭᠡᠨ ᠬᠠᠷᠠᠪᠠᠯ ᠭᠡᠨ ᠪᠠᠭ᠋ᠠᠷᠬᠠᠨ ᠬᠠᠶᠢᠷᠠᠯᠠᠬᠤ ᠤᠴᠢᠷᠳᠠᠢ︾ | ᠭᠡᠵᠤ ᠪᠠᠳᠤᠳᠠᠢ ᠪᠤᠳᠤᠳᠠᠭ᠃ ᠲᠡᠭᠡᠭᠡᠳ ᠰᠦ ᠬᠠᠩᠬᠤᠯᠤᠭᠰᠠᠨ ᠦᠨᠦᠷ ᠲᠠᠢ ᠬᠡᠦᠭᠡᠳ ᠢᠶᠠᠨ ᠲᠡᠪᠡᠷᠢᠭᠡᠳ ᠭᠠᠳᠠᠨᠠ | ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠬᠠᠶᠠ ᠵᠠᠷᠢᠮ ᠬᠦᠮᠦᠨ ᠤᠶᠢᠰᠢᠶᠠᠬᠤ ᠴᠦ ᠦᠭᠡᠢ ᠦᠩᠭᠡᠷᠡᠪᠡᠯ ᠪᠠᠷᠤᠭ ᠠᠷᠤ ᠠᠴᠠ ᠨᠢ | ᠬᠦᠭᠡᠭᠡᠵᠤ ᠬᠦᠷᠦᠭᠡᠳ ︽ᠡᠶᠢᠮᠤ ᠬᠦᠭᠡᠷᠦᠬᠦᠨ ᠬᠡᠦᠭᠡᠳ ᠢ ᠬᠠᠶᠢᠷᠠᠯᠠᠬᠤ ᠦᠭᠡᠢ ᠮᠦᠷᠳᠡᠭᠡᠨ ᠬᠠᠷᠠᠬᠤ ᠴᠦ ᠦᠭᠡᠢ | ᠦᠩᠭᠡᠷᠡᠬᠦ ᠴᠢᠨᠢ ᠶᠠᠭᠤᠨ︖︾ ᠭᠡᠵᠤ ᠤᠰᠤᠯ ᠲᠤᠯᠭᠠᠮᠠᠷ ᠰᠠᠨᠠᠭᠳᠠᠳᠠᠭ᠃ ᠨᠤᠮ ᠢᠶᠠᠨ ᠪᠤᠰᠤᠳ ᠲᠤ ᠵᠦᠭᠡᠷ | ᠬᠦᠷᠭᠡᠳᠡᠭ ᠨᠢ ᠡᠬᠦᠨ ᠲᠠᠢ ᠠᠳᠠᠯᠢᠬᠠᠨ᠃ ᠬᠦᠮᠦᠨ ᠪᠤᠯᠭᠠᠨ ᠢ ᠡᠩᠭᠡᠷ ᠠᠴᠠ ᠪᠠᠨ ᠡᠯᠪᠡᠭ ᠰᠦ ᠢᠪᠢᠯᠬᠦᠯᠳᠡᠭ | ᠪᠠᠶᠢᠬᠤ ᠭᠡᠵᠤ ᠪᠤᠳᠤᠳᠠᠭ ᠮᠢᠨᠤ ᠠᠷᠠᠨᠰᠢᠨ ᠲᠠᠷᠠ᠃ ᠬᠡᠦᠭᠡᠳ ᠤᠳ ᠮᠢᠨᠢ ᠨᠢᠭᠡ ᠨᠢᠭᠡ ᠪᠠᠷ ᠦᠰᠦᠯᠠ᠃ ᠵᠤᠯᠠᠢ | ᠠᠴᠠ ᠨᠢ ᠲᠦᠷᠦᠯᠬᠢ ᠰᠦᠨ ᠤ ᠦᠨᠦᠷ ᠤᠨ ᠲᠡᠭᠡᠷᠡ ᠨᠡᠶᠢᠭᠡᠮ ᠦᠨᠦᠷᠳᠦᠳᠡᠭ ᠪᠤᠯᠤᠯᠠ᠃ ᠲᠦᠷᠦᠬᠦ ᠨᠢ ᠪᠢ ᠴᠦ | ᠠᠮᠢᠳᠤᠷᠠᠬᠤ ᠨᠢ ᠠᠯᠠᠭ ᠬᠤᠷᠸᠠ ᠲᠡᠭᠡᠷᠡ ᠶᠤᠮ ᠪᠤᠯᠬᠤᠷ ᠠᠶᠠ ᠪᠠᠷ ᠢᠶᠠᠨ ᠪᠤᠯᠤᠭ᠃ 16 ᠨᠤᠮ ᠢᠶᠠᠨ ᠴᠦ | ᠬᠦᠷᠭᠡᠳᠡᠭ ᠢ ᠨᠢ ᠬᠦᠷᠭᠡᠵᠤ ᠬᠤᠳᠠᠯᠳᠤᠳᠠᠭ ᠢ ᠨᠢ ᠬᠤᠳᠠᠯᠳᠤᠭᠠᠳ ᠵᠠᠷᠢᠮ ᠨᠢ ᠪᠠᠰᠠ ᠯᠠ ᠤᠯᠳᠠᠬᠤ ᠦᠭᠡᠢ ᠪᠤᠯᠤᠯᠠ | ᠃ ᠭᠠᠳᠠᠨᠠ ᠠᠴᠠ ᠬᠤᠳᠠᠯᠳᠤᠨ ᠠᠪᠴᠢᠷᠠᠭᠰᠠᠨ ᠢᠶᠠᠨ ᠪᠤᠴᠠᠭᠠᠨ ᠬᠤᠳᠠᠯᠳᠤᠬᠤ ᠲᠤᠷᠠ ᠦᠭᠡᠢ ᠬᠠᠷᠮᠠᠨᠠᠳᠠᠭ ᠴᠦ | ᠪᠤᠯᠤᠯᠠ᠃ ᠨᠤᠮ ᠪᠢᠴᠢᠳᠡᠭ ᠮᠢᠨᠢ ᠬᠦᠮᠦᠨ ᠳᠤ ᠤᠩᠰᠢᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠪᠢᠰᠢ ᠤᠤ︖ ᠭᠡᠵᠤ ᠪᠤᠳᠤᠬᠤ ᠪᠠᠷ | ᠭᠠᠷ ᠰᠤᠯᠠᠷᠠᠬᠤ ᠶᠤᠮ᠃ ᠬᠠᠷᠢᠨ ᠶᠠᠭᠠᠬᠢᠭᠠᠳ ᠢ ᠮᠡᠳᠡᠬᠦ ᠦᠭᠡᠢ᠂ ᠠᠷᠪᠠᠨ ᠲᠤᠯᠤᠭᠠ᠂ ᠨᠠᠢᠮᠠᠳᠤᠭᠠᠷ ᠨᠤᠮ— | ᠦᠭᠡᠷᠡ ᠪᠠᠷ ᠭᠡᠯᠡᠪᠡᠯ ︽ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠠᠬᠢ ᠴᠠᠬᠠᠷᠴᠤᠳ︾ ᠪᠠ ︽ᠴᠠᠭᠠᠨ ᠲᠤᠭ ᠤᠨ ᠴᠠᠬᠠᠷᠴᠤᠳ︾ | ᠭᠡᠬᠦ ᠬᠤᠶᠠᠷ ᠨᠤᠮ ᠢ ᠪᠢᠴᠢᠵᠤ ᠪᠠᠶᠢᠬᠤ ᠦᠶᠡ ︽ᠲᠤᠰ ᠬᠤᠶᠠᠷ ᠨᠤᠮ ᠢ ᠪᠤᠯ ᠭᠠᠭᠴᠠ ᠬᠦᠮᠦᠨ ᠳᠤ ᠴᠦ ᠬᠦᠷᠭᠡᠵᠤ | ᠪᠤᠯᠬᠤ ᠦᠭᠡᠢ ᠡ︕ ᠡᠨᠡ ᠨᠤᠮ ᠢ ᠵᠦᠭᠡᠷ ᠬᠦᠷᠭᠡᠬᠦ ᠠᠴᠠ ᠴᠡᠭᠡᠷᠯᠡᠬᠦ ᠭᠡᠷᠡᠭᠳᠡᠢ︕︾ ᠭᠡᠬᠦ ᠪᠤᠳᠤᠯ ᠬᠦᠴᠦᠳᠠᠢ | ᠪᠠᠭᠤᠵᠤ ᠢᠷᠡᠪᠡ᠃ ᠪᠤᠰᠤᠳ ᠲᠤ ᠨᠤᠮ ᠢᠶᠠᠨ ᠬᠦᠷᠭᠡᠬᠦ ᠲᠤᠷᠠᠳᠠᠢ ᠪᠠᠶᠢᠳᠠᠭ ᠪᠢ ᠶᠠᠭᠠᠬᠢᠭᠠᠳ ᠭᠡᠨᠡᠳᠳᠡ ᠯᠠ ︽ | ᠡᠨᠡ ᠨᠤᠮ ᠢ ᠭᠠᠭᠴᠠ ᠬᠦᠮᠦᠨ ᠳᠤ ᠴᠦ ᠬᠦᠷᠭᠡᠵᠤ ᠪᠤᠯᠬᠤ ᠦᠭᠡᠢ︕︾ ᠭᠡᠵᠤ ᠪᠤᠳᠤᠭᠠᠳ ᠪᠠᠶᠢᠳᠠᠭ ᠶᠤᠮ︖ | ᠭᠡᠵᠤ ᠦᠪᠡᠷ ᠢ ᠪᠠᠨ ᠭᠠᠶᠢᠬᠠᠪᠠ᠃ ᠭᠠᠶᠢᠬᠠᠭᠰᠠᠨ ᠴᠦ ᠪᠤᠳᠤᠯ ᠢᠶᠠᠨ ᠦᠭᠡᠷᠡᠴᠢᠯᠡᠵᠤ ᠴᠢᠳᠠᠭᠠ ᠦᠭᠡᠢ᠃ ᠬᠠᠮᠤᠭ | ᠰᠡᠬᠦᠯ ᠳᠤ ᠦᠪᠡᠷ ᠤᠨ ᠢᠶᠠᠨ ᠪᠤᠳᠤᠯ ᠤᠷᠤᠭᠤ ᠪᠠᠨ ᠬᠠᠨᠳᠤᠵᠤ ︽ᠪᠤᠷᠬᠠᠨ ᠪᠤᠯᠤᠭᠰᠠᠨ ᠠᠪᠤ ᠶᠢᠨ ᠢᠶᠠᠨ ᠴᠠᠬᠠᠷ | ᠶᠠᠰᠤᠨ ᠡᠮᠦᠨᠠ ᠨᠢᠭᠡ ᠲᠠᠪᠳᠠᠷ ᠢ ᠬᠦᠷᠭᠡᠵᠤ ᠲᠠᠯᠪᠢᠶᠠ᠂ ᠭᠡᠳᠦᠢ ᠴᠦ ᠤᠯᠠᠨ ᠬᠦᠮᠦᠨ ᠢᠶᠠᠷ ︿ᠮᠠᠭᠤ ᠴᠠᠬᠠᠷ﹀ | ᠭᠡᠵᠤ ᠬᠠᠷᠢᠶᠠᠯᠭᠠᠭᠰᠠᠨ ᠦᠭᠡᠢ ᠪᠤᠢ︕ ᠶᠠᠳᠠᠬᠤ ᠳᠤ ᠭᠡᠳᠦᠨ ᠠᠷᠪᠠᠨ ᠵᠢᠯ ᠬᠠᠮᠳᠤ ᠠᠮᠢᠳᠤᠷᠠᠵᠤ ᠠᠷᠪᠠᠭᠠᠳ | ᠬᠡᠦᠭᠡᠳ ᠢ ᠬᠠᠮᠳᠤ ᠳᠠᠭᠠᠨ ᠲᠦᠷᠦᠬᠦᠯᠦᠭᠰᠡᠨ ᠡᠭᠡᠨᠡᠷ ᠢᠶᠠᠷ ᠢᠶᠠᠨ ᠴᠦ ︿ᠬᠠᠳᠠᠭᠤ ᠴᠠᠬᠠᠷ﹀ ᠢᠶᠠᠨ ᠲᠤᠷᠠᠳᠤᠭᠤᠯᠬᠤ | ᠳᠠᠭᠠᠨ ᠲᠠᠭᠤᠨ ᠦᠭᠡᠢ ᠶᠠᠪᠤᠭᠰᠠᠨ ᠠᠪᠤ ᠶᠢᠨ ᠮᠢᠨᠢ ᠰᠦᠨᠡᠰᠦ ᠨᠢ ᠨᠢᠭᠡ ᠲᠠᠶᠢᠳᠬᠤᠷᠠᠭ︕ ᠪᠤᠯᠬᠤ ᠶᠤᠮ ᠪᠢᠵᠠ︖ | ᠠᠮᠢᠳᠤ ᠪᠤᠷᠬᠠᠨ ᠡᠵᠢ ᠳᠡᠭᠡᠨ ᠪᠠᠰᠠ ᠨᠢᠭᠡ ᠲᠠᠪᠳᠠᠷ ᠢ ᠬᠦᠷᠭᠡᠶᠡ᠂ ᠮᠥᠨ ᠡᠶᠢᠮᠤ ᠬᠤᠶᠠᠷᠬᠠᠨ ᠨᠤᠮ ᠢ ᠬᠦᠷᠭᠡᠬᠦ | ᠡᠷᠭᠡ ᠶᠢ ᠨᠠᠳᠠ ᠦᠭᠴᠢᠭᠡ᠂ ᠦᠭᠡᠷᠡ ᠶᠠᠮᠠᠷ ᠬᠦᠮᠦᠨ ᠳᠤ ᠴᠦ ᠬᠦᠷᠭᠡᠬᠦ ᠶᠢ ᠴᠡᠭᠡᠷᠯᠡᠶᠡ︕︾ ᠭᠡᠵᠤ ᠦᠪᠡᠷ ᠤᠨ | ᠴᠢᠩᠭᠠ ᠪᠤᠳᠤᠯ ᠤᠷᠤᠭᠤ ᠪᠠᠨ ᠬᠠᠨᠳᠤᠵᠤ ᠭᠤᠶᠤᠪᠠ᠃ ᠨᠤᠮ ᠢᠶᠠᠨ ᠪᠢᠴᠢᠵᠤ ᠪᠠᠷᠠᠭᠠᠭᠠᠳ ᠭᠡᠪᠯᠡᠯ ᠳᠤ ᠦᠭᠬᠦ | ᠦᠶᠡ ᠮᠢᠨᠤ ᠡᠨᠡ ᠪᠤᠳᠤᠯ ᠨᠢᠭᠡᠨᠳᠡ ᠢᠩᠬᠢᠵᠤ ᠲᠤᠭᠳᠠᠰᠢᠭᠰᠠᠨ ᠪᠠᠶᠢᠯᠠ᠃ ᠴᠠᠬᠠᠷ ᠤᠨ ᠦᠬᠢᠨ ᠴᠢᠩᠭᠠ ᠳᠠᠭᠠᠨ | ᠶᠤᠮ ᠪᠢᠵᠠ︖ ᠡᠨᠡ ᠪᠤᠳᠤᠯ ᠢᠶᠠᠨ ᠦᠭᠡᠷᠡᠴᠢᠯᠡᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠨᠠ︕ ᠦᠭᠡᠷᠡᠴᠢᠯᠡᠶᠡ ᠭᠡᠵᠤ ᠴᠦ | ᠤᠷᠤᠯᠳᠤᠬᠤ ᠦᠭᠡᠢ ᠪᠠᠨ ᠭᠡᠯᠡᠶᠡ︕ ᠪᠢ ᠦᠪᠡᠷ ᠤᠨ ᠢᠶᠠᠨ ᠬᠦᠳᠡᠯᠮᠤᠷᠢ ᠶᠢ ᠬᠦᠨᠳᠦᠯᠡᠭᠡᠳ ᠢᠩᠬᠢᠵᠤ | ᠪᠤᠳᠤᠭᠰᠠᠨ ᠪᠢᠰᠢ ᠡ᠂ ᠬᠦᠮᠦᠨ ᠭᠡᠵᠤ ᠲᠠᠷᠠ ᠲᠠᠢ ᠲᠠᠷᠠ ᠦᠭᠡᠢ ᠡᠨᠡ ᠬᠤᠷᠸᠠ ᠲᠡᠭᠡᠷᠡ ᠬᠦᠳᠡᠯᠮᠤᠷᠢᠯᠡᠬᠦ ᠪᠠᠷ | ᠢᠷᠡᠭᠰᠡᠨ ᠶᠤᠮ ᠬᠤᠶᠢᠨᠠ ᠲᠤᠷᠠ ᠲᠤᠷᠠ ᠪᠠᠨ ᠬᠦᠭᠡᠭᠡᠳ ᠬᠦᠳᠡᠯᠮᠤᠷᠢᠯᠠᠵᠤ ᠯᠠ ᠪᠠᠶᠢᠪᠠᠯ ᠪᠤᠯᠴᠢᠬᠤ ᠨᠢ ᠲᠠᠷᠠ᠃ | ᠶᠠᠳᠠᠭᠤᠷᠠᠭᠠᠳ ᠦᠯᠪᠡᠷᠡᠬᠦ ᠭᠡᠮᠵᠢᠶᠡ ᠬᠦᠷᠬᠦ ᠦᠭᠡᠢ ᠶᠤᠮ ᠪᠤᠯ ᠬᠦᠷᠭᠡᠵᠤ ᠯᠠ ᠪᠠᠶᠢᠶᠠ᠂ ᠪᠤᠶᠠᠨ ᠪᠤᠯᠤᠭ ᠳ᠋ᠠ᠃ | ᠬᠠᠷᠢᠨ ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠢᠶᠠᠨ ᠬᠠᠯᠠᠭᠤᠨ ᠴᠢᠰᠤ ᠪᠦᠯᠢᠶᠡᠨ ᠬᠦᠯᠦᠰᠦ ᠪᠠᠷ ᠢᠶᠠᠨ ᠪᠦᠳᠦᠭᠡᠭᠰᠡᠨ ᠲᠡᠦᠭᠡ ᠶᠢᠨ | ᠤᠯᠠ ᠮᠦᠷ ᠢ ᠮᠦᠷᠳᠡᠵᠤ ᠶᠠᠪᠤᠬᠤ ᠳᠠᠭᠠᠨ ᠠᠶᠤᠵᠤ ᠪᠢᠰᠢᠷᠡᠵᠤ ᠰᠦᠰᠦᠭᠯᠡᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠰᠡᠬᠦᠯᠠᠷ ᠨᠢ ᠲᠠᠷᠠ | ᠪᠦᠬᠦᠢ ᠶᠢ ᠦᠰᠦᠭ ᠪᠢᠴᠢᠭ ᠪᠤᠯᠭᠠᠨ ᠪᠢᠴᠢᠬᠦ ᠳᠡᠭᠡᠨ ᠵᠠᠯᠪᠠᠷᠢᠵᠤ ᠬᠢᠴᠢᠶᠡᠵᠤ ᠪᠢᠴᠢᠭᠰᠡᠨ ᠶᠤᠮ᠃ ᠲᠠᠷᠠ ᠦᠶᠡ | ᠨᠠᠳᠠ ︽ᠡᠨᠡ ᠦᠶᠡ ᠶᠢᠨ ᠬᠦᠮᠦᠰ ᠪᠢᠳᠠ ᠲᠡᠭᠡᠷᠡ ᠦᠶᠡ ᠶᠢᠨ ᠬᠦᠮᠦᠰ ᠤᠨ ᠢᠶᠠᠨ ᠮᠤᠩᠭᠤᠯ ᠳᠠᠭᠠᠨ ᠦᠨᠡᠨᠴᠢ | ᠰᠢᠳᠤᠷᠭᠤ᠂ ᠬᠠᠳᠠᠭᠤ ᠵᠠᠭᠤᠯᠠᠪᠤᠷᠢᠳᠠᠢ ᠪᠠᠶᠢᠳᠠᠭ ᠲᠠᠷᠠ ᠵᠤᠷᠢᠭ ᠰᠦᠰᠦ᠂ ᠬᠤᠯᠠ ᠶᠢᠨ ᠪᠤᠳᠤᠯ ᠳᠤᠨᠢ ᠬᠠᠮᠤᠭ ᠤᠨ | ᠲᠡᠭᠡᠳᠦ ᠬᠦᠨᠳᠦᠳᠭᠡᠯ ᠲᠡᠪᠰᠢᠬᠦᠯᠵᠤ᠂ ᠦᠨᠡᠨ ᠬᠤᠳᠠᠯ ᠤᠨ ᠲᠤᠮᠳᠠ ᠬᠤᠳᠬᠤᠯᠳᠤᠵᠤ ᠢᠷᠡᠭᠰᠡᠨ ᠲᠠᠷᠠ ᠪᠦᠬᠦᠢ | ᠦᠯᠢᠭᠡᠷ ᠢ ᠨᠢ ᠲᠤᠳᠤᠯᠠᠵᠤ᠂ ᠲᠤᠳᠤᠯᠤᠭᠰᠠᠨ ᠤ ᠬᠤᠶᠢᠨᠠ ᠮᠦᠷᠬᠦᠵᠤ ᠰᠤᠨᠤᠰᠤᠨ᠂ ᠰᠦᠰᠦᠭᠯᠡᠵᠤ ᠦᠯᠡᠳᠡᠭᠡᠬᠦ | ᠭᠡᠷᠡᠭᠳᠡᠢ ᠶᠤᠮ ᠪᠠᠶᠢᠨᠠ︕︾ ᠭᠡᠵᠤ ᠪᠤᠳᠤᠭᠳᠠᠭᠰᠠᠨ᠃ ᠲᠠᠷᠠ ᠶᠡᠭᠡ ᠰᠦᠵᠢᠭ ᠪᠢᠰᠢᠷᠠᠯ ᠢᠶᠠᠨ ᠤᠳᠤ ᠦᠷᠭᠡᠨ | ᠤᠯᠠᠨ ᠮᠤᠩᠭᠤᠯᠴᠤᠳ ᠲᠠᠭᠠᠨ ᠲᠠᠮᠵᠢᠭᠤᠯᠬᠤ ᠪᠤᠯᠤᠯᠠ᠃ ᠪᠢ ᠲᠠᠨᠠᠷ ᠢ ᠪᠠᠰᠠ ᠨᠠᠳᠠ ᠲᠠᠢ ᠠᠳᠠᠯᠢ ᠲᠡᠭᠡᠳᠦᠰ ᠤᠨ | ᠢᠶᠠᠨ ᠪᠦᠳᠦᠭᠡᠭᠰᠡᠨ ᠲᠡᠦᠭᠡ ᠶᠢᠨ ᠡᠮᠦᠨᠠ ᠠᠶᠤᠵᠤ ᠪᠢᠰᠢᠷᠡᠵᠤ ᠰᠦᠰᠦᠭᠯᠡ ᠭᠡᠵᠤ ᠪᠠᠶᠢᠭᠠ ᠤᠭᠳᠤ ᠪᠢᠰᠢ᠂ ᠬᠠᠷᠢᠨ | ᠲᠡᠭᠡᠳᠦᠰ ᠮᠢᠨᠢ ᠬᠤᠭᠤᠰᠤᠨ ᠦᠭᠡ ᠭᠡᠯᠡᠭᠡᠳ ᠬᠤᠩᠬᠢᠯᠵᠠᠭᠤᠯᠤᠭᠠᠳ ᠢᠷᠡᠭᠰᠡᠨ ᠲᠡᠦᠭᠡ ᠲᠠᠢ ᠬᠦᠮᠦᠰ ᠪᠢᠰᠢ ᠶᠤᠮ | ᠪᠠᠶᠢᠨᠠ ᠭᠡᠳᠡᠭ ᠢ ᠭᠡᠯᠡᠶᠡ ᠭᠡᠰᠡᠨ ᠶᠤᠮ᠃ ᠶᠠᠭ ᠡᠶᠢᠮᠤ ᠶᠤᠮ ᠪᠤᠯᠬᠤᠷ ᠲᠡᠳᠡᠨ ᠤ ᠲᠡᠦᠭᠡ ᠶᠢ ᠬᠤᠭᠤᠰᠤᠨ ᠠᠯᠠᠭᠠ | ᠪᠠᠷ ᠢᠶᠠᠨ ᠲᠤᠰᠴᠦ ᠪᠤᠯᠬᠤ ᠦᠭᠡᠢ ᠶᠤᠮ ᠪᠠᠶᠢᠬᠠ︕ ᠨᠠᠩ ᠢᠯᠠᠩᠭᠤᠶᠠ ︽ᠪᠢ ᠮᠤᠩᠭᠤᠯ ᠳᠠᠭᠠᠨ ᠬᠠᠶᠢᠷᠠᠳᠠᠢ᠂ | ᠲᠡᠦᠭᠡᠨ ᠳᠡᠭᠡᠨ ᠬᠠᠶᠢᠷᠠᠳᠠᠢ᠂ ᠪᠢ ᠲᠡᠭᠡᠳᠦᠰ ᠢᠶᠠᠨ ᠬᠦᠨᠳᠦᠯᠡᠳᠡᠭ ᠁︾ ᠭᠡᠮᠡᠳᠡᠭ ᠡᠷᠬᠢᠮ ᠲᠡᠭᠡᠳᠦ ᠪᠤᠳᠤᠯ | ᠲᠠᠢ ᠬᠦᠮᠦᠰ ᠮᠢᠨᠢ ︽ᠨᠤᠮ ᠢᠶᠠᠨ ᠨᠢᠭᠡ ᠪᠡᠯᠡᠭᠯᠡᠴᠢᠭᠡᠬᠦ ᠦᠭᠡᠢ ᠤᠤ︖︾ ᠭᠡᠵᠤ ᠭᠡᠯᠡᠬᠦ ᠠᠴᠠ ᠪᠠᠨ | ᠲᠠᠳᠠᠭᠠᠯᠵᠠᠭᠠᠷᠡᠢ︕ ᠪᠢ ᠦᠪᠡᠷ ᠤᠨ ᠲᠦᠷᠦᠭᠳᠡᠯ᠂ ᠦᠪᠡᠷ ᠤᠨ ᠪᠤᠳᠤᠯ ᠰᠡᠳᠬᠢᠯ ᠳᠡᠭᠡᠨ ᠡᠵᠡᠨ ᠰᠠᠭᠤᠬᠤ | ᠶᠤᠮᠰᠠᠨ᠃ ᠲᠠᠶᠢᠮᠤ ᠤᠴᠢᠷ ᠠᠴᠠ ᠡᠨᠡ ᠬᠤᠶᠠᠷ ᠨᠤᠮ ᠢ ᠭᠠᠭᠴᠠ ᠴᠦ ᠬᠦᠮᠦᠨ ᠳᠤ ᠬᠦᠷᠭᠡᠬᠦ ᠦᠭᠡᠢ ᠮᠦᠷᠳᠡᠭᠡᠨ | ᠬᠢᠮᠳᠠᠷᠠᠭᠤᠯᠵᠤ ᠴᠦ ᠦᠭᠬᠦ ᠦᠭᠡᠢ︕ ᠤᠩᠰᠢᠬᠤ ᠦᠭᠡᠢ ᠭᠡᠰᠡᠨ ᠬᠦᠮᠦᠨ ᠳᠤ ᠬᠦᠷᠭᠡᠭᠡᠳ᠂ ᠲᠡᠷᠢᠬᠢ ᠤᠷᠤᠭᠤ ᠨᠢ | ᠴᠢᠬᠢᠯᠠ ᠭᠡᠳ ᠤᠩᠰᠢᠬᠤ ᠦᠭᠡᠢ᠃ ᠤᠩᠰᠢᠬᠤ ᠭᠡᠰᠡᠨ ᠬᠦᠮᠦᠨ ᠢ ᠬᠤᠷᠢᠭᠯᠠᠵᠤ ᠪᠠᠶᠢᠭᠰᠠᠨ ᠴᠦ ᠲᠡᠭᠡᠳᠦᠰ ᠤᠨ | ᠢᠶᠠᠨ ᠬᠦᠯᠦᠰᠦᠨ ᠳᠤ ᠮᠦᠷᠬᠦᠨ ᠪᠠᠶᠢᠵᠤ ᠤᠩᠰᠢᠨᠠ᠃ ᠪᠠᠰᠠ ᠨᠢᠭᠡ ᠨᠢ ᠪᠤᠯ ᠪᠢᠴᠢᠭᠰᠡᠨ ᠨᠤᠮ ᠢᠶᠠᠨ ᠪᠤᠰᠤᠳ | ᠲᠤ ᠬᠦᠷᠭᠡᠳᠡᠭ ᠬᠦᠩᠭᠡᠨ ᠬᠠᠭᠤᠳᠠᠮ ᠲᠠᠳᠬᠠᠯ ᠢ ᠦᠭᠡᠷᠡᠴᠢᠯᠡᠶᠡ ᠭᠡᠵᠤ ᠰᠢᠭᠤᠷᠬᠠᠢ ᠪᠤᠳᠤᠭᠰᠠᠨ ᠰᠢᠯᠳᠠᠭᠠᠨ ᠪᠤᠢ᠃ | ᠪᠠᠷᠢᠯᠭᠠᠴᠢᠳ ᠡᠭᠡ ᠭᠠᠵᠠᠷ ᠤᠨ ᠢᠶᠠᠨ ᠰᠢᠪᠠᠷ ᠰᠢᠷᠦᠢ ᠶᠢ ᠴᠢᠳᠬᠤᠵᠤ ᠲᠤᠭᠤᠰᠬᠠ ᠵᠦᠩ ᠪᠤᠯᠭᠠᠭᠠᠳ᠂ | ᠲᠡᠬᠦᠨ ᠢᠶᠠᠨ ᠦᠷᠦᠵᠤ ᠠᠰᠠᠷ ᠭᠡᠷ ᠪᠠᠷᠢᠴᠢᠬᠠᠪᠠᠯ ᠬᠦᠮᠦᠰ ᠪᠦᠷ ᠬᠤᠳᠠᠯᠳᠤᠨ ᠠᠪᠳᠠᠭ᠂ ᠨᠢᠭᠡ ᠬᠦᠮᠦᠨ ᠴᠦ ᠨᠠᠳᠠ | ᠬᠦᠷᠭᠡᠨᠠ ᠪᠠᠶᠢᠬᠠ ᠭᠡᠵᠤ ᠪᠤᠳᠤᠳᠠᠭ ᠦᠭᠡᠢ ᠪᠦᠭᠡᠳ ︽ᠠᠰᠠᠷ ᠢᠶᠠᠨ ᠨᠠᠳᠠ ᠨᠢᠭᠡ ᠪᠡᠯᠡᠭᠯᠡᠴᠢᠭᠡᠬᠦ ᠦᠭᠡᠢ ᠤᠤ︾ | ᠭᠡᠵᠤ ᠨᠡᠭᠡᠳᠡᠭ ᠦᠭᠡᠢ᠃ ᠨᠤᠪ ᠨᠤᠮᠤᠬᠠᠨ ᠮᠦᠩᠬᠦ ᠪᠠᠨ ᠪᠠᠷᠢᠵᠤ ᠬᠦᠷᠦᠭᠡᠳ ᠬᠤᠳᠠᠯᠳᠤᠨ ᠠᠪᠳᠠᠭ᠃ ᠭᠠᠵᠠᠷ | ᠲᠡᠭᠡᠷᠡᠬᠢ ᠰᠢᠪᠠᠷ ᠢ ᠭᠠᠵᠠᠷ ᠲᠡᠭᠡᠷᠡ ᠨᠢ ᠤᠪᠤᠭᠠᠯᠠᠴᠢᠬᠠᠭᠠᠳ ᠶᠡᠭᠡ ᠵᠤᠭᠤᠰ ᠢᠶᠠᠷ ᠬᠤᠳᠠᠯᠳᠤᠳᠠᠭ ᠪᠠᠶᠢᠬᠤ ᠳᠤ | ᠰᠡᠳᠬᠢᠯ ᠵᠢᠷᠦᠭᠡᠨ ᠠᠴᠠ ᠪᠠᠨ ᠤᠨᠠᠭᠠᠭᠰᠠᠨ ᠤᠷᠠᠨ ᠪᠦᠳᠦᠭᠡᠯ ᠢ ᠶᠠᠭᠠᠬᠢᠨ ᠵᠦᠭᠡᠷ ᠬᠦᠷᠭᠡᠵᠤ ᠦᠭᠳᠡᠭ ᠶᠤᠮ︖ | ᠪᠠᠶᠢᠰᠢᠩ ᠭᠡᠷ ᠭᠡᠵᠤ ᠶᠡᠭᠡ ᠶᠢ ᠭᠡᠯᠡᠬᠦ ᠪᠠᠨ ᠪᠤᠯᠢᠶᠠ᠂ ᠪᠤᠬᠤᠷ ᠠᠷᠴᠢᠳᠠᠭ ᠴᠠᠭᠠᠰᠤ ᠲᠤ ᠬᠦᠷᠳᠡᠯᠠ ᠦᠨᠠ | ᠲᠦᠯᠦᠪᠦᠷᠢ ᠦᠭᠳᠡᠭ ᠪᠠᠶᠢᠬᠤ ᠳᠤ ᠪᠤᠳᠤᠯ ᠰᠡᠳᠬᠢᠯ ᠤᠨ ᠰᠢᠮᠠ ᠲᠡᠵᠢᠬᠡᠯ ᠪᠤᠯᠬᠤ ᠨᠤᠮ ᠢ ᠶᠠᠭᠤ ᠭᠡᠵᠤ ᠵᠦᠭᠡᠷ | ᠠᠪᠬᠤ ᠨᠢ ᠪᠤᠢ︖ ᠬᠠᠷᠢᠭᠤᠯᠳᠠ ᠨᠢ︖ ᠭᠡᠷ ᠪᠠᠶᠢᠰᠢᠩ ᠪᠤᠯ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠳᠤ ᠭᠡᠷᠡᠭᠴᠢᠭᠡ | ᠲᠠᠢ᠂ ᠨᠤᠮ ᠪᠢᠴᠢᠭ ᠲᠡᠶᠢᠮᠤ ᠭᠡᠷᠡᠭᠴᠢᠭᠡ ᠲᠠᠢ ᠪᠢᠰᠢ᠂ ᠲᠡᠶᠢᠮᠤ ᠤᠤ︖ ᠭᠡᠷ ᠪᠠᠶᠢᠰᠢᠩ ᠢ ᠪᠠᠷᠢᠬᠤ ᠳᠤ | ᠬᠦᠯᠦᠰᠦ ᠬᠦᠴᠦ ᠭᠠᠷᠭᠠᠭᠰᠠᠨ᠂ ᠨᠤᠮ ᠪᠢᠴᠢᠭ ᠢ ᠲᠡᠭᠡᠵᠤ ᠬᠦᠴᠦ ᠬᠦᠯᠦᠰᠦ ᠭᠠᠷᠭᠠᠳᠠᠭ ᠦᠭᠡᠢ᠂ ᠲᠡᠶᠢᠮᠤ ᠤᠤ︖ | ᠭᠡᠷ ᠪᠠᠶᠢᠰᠢᠩ ᠪᠤᠯ ᠡᠴᠢᠭᠡ ᠡᠭᠡ ᠪᠤᠯᠤᠭᠰᠠᠳ ᠦᠷᠡ ᠬᠡᠦᠭᠡᠳ ᠲᠡᠭᠡᠨ ᠡᠷᠭᠡᠪᠰᠢ ᠦᠯᠡᠳᠡᠭᠡᠬᠦ ᠶᠤᠰᠤᠳᠠᠢ ᠦᠪ | ᠬᠦᠷᠦᠩᠭᠡ᠂ ᠨᠤᠮ ᠪᠢᠴᠢᠭ ᠦᠪ ᠬᠦᠷᠦᠩᠭᠡ ᠪᠤᠯᠵᠤ ᠴᠢᠳᠠᠬᠤ ᠦᠭᠡᠢ᠂ ᠲᠡᠶᠢᠮᠤ ᠤᠤ︖ ᠁ ᠪᠢ | ᠡᠨᠠ ᠠᠰᠠᠭᠤᠯᠳᠠ ᠶᠢ ᠨᠠᠰᠤ ᠪᠠᠷ ᠪᠤᠳᠤᠪᠠᠴᠦ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠡ᠃ ᠨᠤᠮ ᠬᠦᠷᠭᠡᠳᠡᠭ᠂ | ᠬᠦᠷᠭᠡᠬᠦᠯᠳᠡᠭ ᠬᠦᠮᠦᠰ ᠬᠠᠮᠤᠭ ᠤᠨ ᠵᠦᠪ ᠤᠨᠤᠪᠴᠢᠳᠠᠢ ᠬᠠᠷᠢᠭᠤᠯᠳᠠ ᠶᠢ ᠦᠭᠬᠦ ᠪᠠᠶᠢᠬᠠ᠃ ᠶᠠᠭᠤ ᠪᠤᠯᠤᠭᠰᠠᠨ | ᠴᠦ ᠪᠢ ᠭᠡᠯᠠ ᠡᠬᠦᠨ ᠠᠴᠠ ᠬᠤᠶᠢᠰᠢ ᠪᠢᠴᠢᠭᠰᠡᠨ ᠨᠤᠮ ᠢᠶᠠᠨ ᠭᠡᠨ ᠳᠤ ᠴᠦ ᠵᠦᠭᠡᠷ ᠬᠦᠷᠭᠡᠬᠦ ᠦᠭᠡᠢ ᠪᠠᠷ ᠰᠢᠢᠳᠪᠠ | ᠃ ᠭᠠᠶᠢᠬᠠᠯᠳᠠᠢ ᠰᠤᠶᠤᠯ᠂ ᠭᠠᠶᠢᠬᠠᠯᠳᠠᠢ ᠵᠤᠷᠢᠭ ᠰᠠᠨᠠᠭᠠ ᠶᠢ ᠪᠦᠳᠦᠭᠡᠴᠢᠭᠡᠭᠡᠳ ᠲᠡᠭᠷᠢ ᠪᠤᠯᠤᠭᠰᠠᠨ ᠲᠡᠭᠡᠳᠦᠰ ᠢᠶᠠᠨ | ᠨᠢᠭᠡᠳᠦᠭᠡᠷ ᠲᠤ ᠬᠦᠨᠳᠦᠯᠡᠵᠤ᠂ ᠪᠠᠰᠠ ᠲᠠᠷᠠ ᠰᠤᠶᠤᠯ᠂ ᠲᠠᠷᠠ ᠵᠤᠷᠢᠭ ᠰᠠᠨᠠᠭᠠ ᠶᠢ ᠨᠠᠳᠠ ᠶᠠᠷᠢᠵᠤ᠂ ᠨᠠᠳᠠ | ᠵᠠᠯᠭᠠᠮᠵᠢᠯᠠᠵᠤ ᠦᠭᠬᠦᠭᠰᠡᠨ ᠨᠠᠰᠤᠳᠠᠨ ᠪᠤᠭᠤᠷᠤᠯᠴᠤᠳ ᠢᠶᠠᠨ ᠬᠤᠶᠠᠳᠤᠭᠠᠷ ᠲᠤ ᠬᠦᠨᠳᠦᠯᠡᠭᠡᠳ ᠴᠦ ᠡᠨᠡ ᠨᠤᠮ ᠢ | ᠵᠦᠭᠡᠷ ᠬᠦᠷᠭᠡᠬᠦ ᠠᠴᠠ ᠴᠡᠭᠡᠷᠯᠡᠨᠠ᠃ ᠬᠡᠦᠭᠡᠳ ᠲᠦᠷᠦᠮᠡᠭᠴᠠ ︽ᠭᠡᠷ ᠲᠡᠷᠭᠡ ᠠᠪᠴᠦ ᠦᠭᠬᠦᠨᠠ︕︾ | ᠭᠡᠵᠤ ᠡᠴᠢᠭᠡ ᠡᠭᠡ ᠪᠤᠯᠤᠭᠰᠠᠳ ᠨᠢ ᠨᠠᠰᠤᠨ ᠲᠤᠷᠰᠢᠳᠠ ᠬᠦᠯᠦᠰᠦ ᠪᠠᠨ ᠭᠤᠭᠤᠵᠢᠭᠤᠯᠤᠨ ᠵᠢᠳᠬᠦᠳᠡᠭ᠃ ᠬᠠᠷᠢᠨ | ᠰᠤᠶᠤᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠵᠤ ᠦᠭᠬᠦᠶᠠ᠂ ᠵᠤᠷᠢᠭ ᠰᠠᠨᠠᠭᠠ ᠪᠠᠨ ᠦᠮᠴᠢᠯᠡᠬᠦᠯᠵᠤ ᠦᠭᠬᠦᠶᠠ︕ ᠲᠡᠯᠡᠭᠡᠢ ᠶᠢ | ᠤᠶᠢᠯᠠᠭᠠᠬᠤ ᠤᠬᠠᠭᠠᠨ ᠢ ᠪᠡᠯᠡᠳᠭᠡᠶᠡ ᠭᠡᠵᠤ ᠨᠠᠰᠤᠨ ᠲᠤᠷᠰᠢ ᠵᠢᠳᠬᠦᠬᠦ ᠠᠬᠠᠮᠠᠳ ᠴᠦᠭᠡᠨ ᠯᠠ ᠪᠠᠶᠢᠨᠠ᠂ ᠵᠦᠭ | ᠢᠶᠠᠨ ᠵᠦᠪ ᠰᠤᠩᠭᠤᠬᠤ ᠦᠭᠡᠢ ᠪᠤᠯ ᠵᠦᠳᠡᠷᠡᠭᠡᠳ ᠤᠨᠠᠪᠠᠴᠦ ᠵᠦᠭᠡᠷ ᠨᠢᠭᠡ ᠵᠦᠳᠡᠷᠡᠯ ᠲᠡᠳᠦᠢ᠃ ᠰᠤᠶᠤᠯ | ᠳᠠᠭᠠᠨ ᠮᠦᠷᠬᠦᠮᠦ︖ ᠨᠤᠮ ᠳᠤᠷ ᠮᠦᠷᠬᠦᠮᠦ︖ 2019 ᠤᠨ ᠤ 6 ᠰᠠᠷᠠ ᠶᠢᠨ10 ᠤ | ᠡᠳᠦᠷ᠃ | |