| ᠤ · ᠷᠢᠨᠴᠢᠨᠸᠠᠩᠵᠢᠯ | ︽ᠭᠠᠯ ᠠᠶᠠᠨ ᠤ ᠬᠢᠨ︾ ᠭᠡᠮᠡᠬᠦᠢ ᠮᠦᠴᠢᠯᠭᠡ | — ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠳᠠᠯᠠ ᠰᠤᠮᠤ ᠶᠢᠨ | ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠠᠴᠠ 1978 ᠤᠨ ᠳᠤ ᠠᠩᠬᠠ | ᠲᠤᠮᠳᠠᠳᠤ ᠪᠠᠨ ᠲᠡᠬᠦᠰᠦᠭᠰᠠᠨ ᠰᠤᠷᠤᠭᠴᠢᠳ ᠤᠨ 40 ᠵᠢᠯ ᠤᠨ | ᠤᠢ ᠪᠠᠨ ᠲᠠᠮᠳᠡᠭᠯᠡᠬᠦ ᠴᠤᠭᠯᠠᠭᠠᠨ ᠳᠤ ᠲᠠᠳᠠᠯᠠᠭᠰᠠᠨ ᠤᠶᠡᠩᠭᠠ | ᠭᠠᠯ ᠠᠶᠠᠨ ᠤ ᠬᠢᠨ | — ᠬᠠᠶᠢᠷᠠᠳᠤ ᠰᠤᠷᠤᠯᠭᠠ ᠶᠢᠨ ᠬᠠᠨᠢᠳᠡᠳ ᠲᠠᠭᠠᠨ ᠵᠤᠷᠢᠭᠤᠯᠪᠠ | ᠭᠠᠴᠢᠭ ᠵᠢᠯ ᠤᠨ ᠲᠤᠭᠤᠰᠤ ᠶᠢ ᠬᠦᠳᠡᠯᠭᠡᠵᠤ | ᠭᠠᠯ ᠠᠶᠠᠨ ᠤ ᠬᠦᠰᠭᠡ ᠬᠦᠳᠡᠯᠪᠡ | ᠭᠠᠨᠵᠤᠭᠠ ᠰᠢᠬᠦᠷᠠᠨ ᠲᠦᠷᠦᠭᠡ ᠵᠢᠬᠢᠵᠤ | ᠭᠠᠯᠳᠠᠢ ᠰᠤᠷᠤᠯᠭᠠ ᠶᠢᠨ ᠠᠶᠠᠨ ᠳᠤ ᠮᠤᠷᠳᠠᠪᠠ᠃ | ᠬᠤᠯᠠ ᠶᠢᠨ ᠵᠠᠮ ᠤᠨ ᠡᠬᠢᠨ ᠤ ᠦᠷᠳᠡᠭᠡᠨ ᠳᠤ | ᠬᠠᠴᠡᠷ ᠲᠠᠭᠠᠨ ᠨᠢᠰᠤ ᠲᠠᠢ ᠪᠠᠭᠠᠳᠤᠳ ᠪᠠᠶᠢᠭᠰᠠᠨ ᠶᠤᠮ | ᠬᠤᠷᠭᠤᠯ ᠤᠨ ᠤᠳᠤᠭᠠ ᠲᠠᠢ ᠭᠡᠷ ᠠᠴᠠ ᠪᠠᠨ ᠵᠠᠶᠢᠳᠠᠵᠤ | ᠬᠤᠪᠢ ᠬᠤᠪᠢᠨ ᠳᠠᠭᠠᠨ ᠡᠷᠡ ᠪᠤᠯᠤᠭᠰᠠᠨ ᠶᠤᠮ᠃ | ᠢᠰᠡᠬᠡᠢ ᠨᠢ ᠪᠤᠯᠳᠠᠶᠢᠭ᠍ᠰᠠᠨ ᠮᠠᠬᠠᠢ ᠭᠤᠳᠤᠯ ᠲᠠᠢ | ᠢᠯᠴᠢ ᠨᠢ ᠪᠠᠭᠤᠷᠠᠭᠰᠠᠨ ᠬᠦᠳᠦᠰᠤᠨ ᠲᠠᠪᠠᠯ ᠲᠠᠢ | ︽ᠴᠢᠨᠠᠭᠰᠠᠨ︾ ᠤᠰᠤᠨ ᠳᠠᠭᠠᠨ ᠰᠢᠰᠢᠨ ᠪᠤᠤᠪᠤ ᠲᠠᠢ | ᠴᠠᠳᠴᠤ ᠪᠤᠯᠬᠤ ᠦᠭᠡᠢ ᠲᠤᠨᠳᠠᠭᠤᠷ ᠭᠡᠭᠡᠯ ᠲᠠᠢ ···· | ᠭᠡᠷᠡᠭ ᠤᠨ ᠭᠡᠷᠡᠭ ᠤᠨ ᠪᠠᠭᠰᠢᠨᠠᠷ ᠮᠢᠨᠢ | ᠬᠢᠴᠢᠶᠠᠯ ᠰᠤᠷᠤᠯᠭᠠ ᠢ ᠠᠮᠵᠢᠭᠤᠯᠳᠠᠭ ᠪᠠᠶᠢᠭᠰᠠᠨ ᠶᠤᠮ | ︽ᠭᠡᠷᠡᠭ ᠲᠠᠳᠠᠭᠰᠠᠨ︾ ᠲᠤᠮᠤᠴᠤᠤᠯ ᠢ ᠪᠠᠰᠠ | ᠬᠦᠮᠦᠰ ᠢ ᠲᠠᠭᠤᠷᠢᠶᠠᠵᠤ ᠵᠢᠮᠡᠯᠡᠳᠡᠭ ①ᠪᠠᠶᠢᠭᠰᠠᠨ ᠶᠤᠮ᠃ | ᠰᠤᠷᠬᠤ ᠶᠢᠨ ᠲᠠᠭᠠᠤ ᠬᠦᠳᠡᠯᠮᠤᠷᠢᠯᠠᠨᠠ ᠭᠡᠳᠡᠭ | ︽ᠱᠤᠭᠤᠮ︾②᠂ ︽ᠬᠦᠳᠦᠯᠪᠤᠷᠢ︾③ ᠤᠨ ᠶᠤᠰᠤ ᠪᠠᠶᠢᠯᠠ᠃ | ᠬᠦᠳᠡᠯᠮᠤᠷᠢᠯᠠᠬᠦ ᠶᠢᠨ ᠲᠠᠭᠠᠤ ᠰᠤᠷᠴᠤ ᠶᠠᠪᠤᠭᠰᠠᠨ ᠨᠢ | ᠭᠡᠤᠭᠡᠳ ᠪᠢᠳᠠᠨ ᠤ ᠠᠵᠠ ᠪᠠᠶᠢᠯᠠ᠃ | ᠢᠨᠢᠶᠠᠵᠤ ᠤᠬᠢᠯᠠᠵᠤ ᠲᠠᠭᠤᠯᠠᠵᠤ ᠶᠠᠪᠤᠭᠰᠠᠨ ᠢ | ᠠᠩᠬᠢ ᠶᠢᠨ ᠭᠡᠷ ᠮᠢᠨᠢ ᠴᠤᠤᠷᠢᠶᠠᠨ ᠳᠠᠭᠠᠨ ᠰᠢᠩᠭᠡᠭᠰᠠᠨ ᠶᠤᠮ᠂ | ᠢᠳᠡᠭᠡᠵᠤ ᠵᠢᠳᠬᠦᠵᠤ ᠨᠦᠬᠦᠷᠯᠠᠵᠤ ᠢᠷᠡᠭᠰᠠᠨ ᠢ | ᠢᠷᠡᠭᠡᠳᠤᠢ ᠬᠤᠵᠢᠮ ᠮᠠᠨᠢ ᠬᠠᠭᠤᠳᠠᠰᠤᠨ ᠳᠠᠭᠠᠨ ᠪᠢᠴᠢᠬᠦ ᠶᠤᠮ᠃ | ᠭᠤᠯᠤᠮᠳᠠ ᠲᠤᠯᠭᠠ ᠴᠤᠭ ᠲᠠᠭᠠᠨ ᠪᠠᠳᠠᠷᠠᠭᠠᠵᠤ | ᠭᠠᠨᠭ᠌ ᠲᠦᠷᠦᠭᠡ ᠬᠠᠷᠰᠢᠭᠤᠯᠵᠤ ᠶᠠᠪᠤᠭᠰᠠᠨ | ᠭᠤᠷᠪᠠᠨ ᠵᠢᠯ ᠢ ᠬᠠᠮᠳᠤ ᠳᠠᠭᠠᠨ ᠲᠤᠭᠤᠯᠵᠤ | ᠭᠤᠳᠤᠯ ᠤᠨ ᠤᠯᠠ ᠪᠠᠨ ᠡᠯᠡᠭᠡᠵᠤ ᠢᠷᠡᠭᠰᠠᠨ | ᠰᠤᠷᠤᠯᠭᠠ ᠶᠢᠨ ᠠᠶᠠᠨ ᠢᠶᠠᠨ ᠡᠷᠬᠢᠵᠤ ᠬᠠᠷᠠᠬᠤ ᠳᠤ | ᠰᠤᠪᠤᠷᠠᠭᠰᠠᠨ ᠲᠤᠭᠤᠰᠤ ᠨᠢ ᠵᠢᠷᠦᠭᠡᠨ ᠳᠤ ᠲᠤᠨᠤᠬᠤ ᠶᠤᠮ | ᠰᠤᠷᠤᠯᠭᠠᠳᠠᠨ ᠬᠠᠨᠢᠳᠡᠳ ᠢᠶᠠᠨ ᠨᠠᠷᠠᠯᠠᠨ ᠲᠠᠭᠤᠳᠠᠬᠤ ᠳᠤ | ᠰᠠᠳᠤᠨ ᠲᠦᠷᠦᠯ ᠠᠴᠠ ᠲᠤᠳᠤᠨᠤ ᠰᠠᠨᠠᠭᠳᠠᠬᠤ ᠶᠤᠮ᠃ | ᠮᠠᠨ ᠤ ᠭᠠᠯ ᠤᠨ ᠬᠢᠨ ᠤ ᠠᠶᠠᠨ ᠲᠠᠭᠤᠰᠤᠭᠠ ᠦᠭᠡᠢ | ᠮᠠᠰᠢ ᠬᠤᠯᠠ ᠶᠢ ᠴᠢᠭᠯᠡᠭᠰᠠᠨ ᠪᠠᠶᠢᠭᠠ ᠶᠤᠮ | ᠮᠠᠨᠳᠤᠬᠤ ᠨᠠᠷᠠᠨ ᠢᠶᠠᠨ ᠤᠭᠳᠤᠭᠰᠠᠨ ᠪᠠᠶᠢᠭᠠ ᠶᠤᠮ | ᠮᠠᠩᠨᠤᠭ ᠠᠮᠢᠳᠤᠷᠠᠯ ᠢᠶᠠᠨ ᠲᠠᠭᠤᠯᠠᠭᠰᠠᠨ ᠪᠠᠶᠢᠭᠠ ᠶᠤᠮ᠃ | ᠲᠠᠶᠢᠯᠪᠤᠷᠢ᠄ | ① ᠯᠢᠨ ᠪᠢᠶᠤᠤ᠂ ᠺᠦᠡᠭᠽᠢ ᠢ ᠪᠤᠷᠤᠭᠤᠰᠢᠶᠠᠬᠤ ᠶᠡᠭᠡ ᠦᠰᠦᠭᠳᠤ ᠰᠤᠨᠢᠨ ᠪᠢᠴᠢᠳᠡᠭ ᠢ ᠵᠢᠭᠠᠪᠠ᠃ | ②③ ᠲᠤᠬᠠᠢ ᠶᠢᠨ ᠦᠶᠠ ᠶᠢᠨ ᠤᠯᠤᠰ ᠲᠦᠷᠦ ᠶᠢᠨ ᠨᠠᠷᠠ ᠲᠤᠮᠢᠶᠠ | ᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠢᠶᠠᠨ ᠪᠠᠭᠤᠷᠢ ᠲᠡᠭᠡᠷᠠ ᠠᠴᠠ ᠲᠡᠬᠦᠭᠰᠠᠨ ᠰᠢᠯᠦᠭ | — ᠪᠠᠶᠠᠨᠳᠠᠯᠠ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠮᠢᠨᠢ ᠴᠠᠭ ᠤᠨ | ᠤᠷᠤᠰᠬᠠᠯ ᠳᠤ ᠠᠯᠠᠭᠠ ᠪᠤᠯᠵᠤ ᠤᠷᠤᠨ ᠭᠡᠷ ᠨᠢ ᠪᠠᠭᠤᠷᠢ ᠪᠤᠯᠵᠠᠢ | ᠪᠠᠶᠠᠨ ᠰᠤᠶᠤᠯ ᠤᠨ ᠦᠯᠦᠬᠡᠢ ᠮᠢᠨᠢ | ᠪᠢᠯᠢᠭ ᠤᠨ ᠠᠶᠠᠨ ᠤ ᠤᠯᠠᠭᠠ ᠮᠢᠨᠢ | ᠪᠤᠭᠤᠷᠤᠯ ᠲᠡᠤᠭᠡ ᠶᠢᠨ ᠨᠦᠬᠦᠭᠡᠰᠤ ᠮᠢᠨᠢ | ᠪᠤᠳᠤᠯ ᠤᠨ ᠦᠨᠳᠤᠷ ᠰᠠᠬᠢᠭᠤᠰᠤ ᠮᠢᠨᠢ — | ᠲᠠᠨ ᠢ ᠬᠠᠮᠢᠭᠠ ᠪᠤᠢ︖ ᠭᠡᠵᠤ ᠰᠤᠷᠠᠬᠤ ᠳᠤ | ᠲᠠᠷᠢᠭᠰᠠᠨ ᠤᠯᠢᠶᠠᠰᠤ ᠮᠢᠨᠢ ᠮᠦᠷ ᠢᠶᠠᠨ ᠠᠯᠳᠠᠵᠤ ᠠᠪᠠᠷ ᠲᠠᠪᠡᠷ | ᠲᠠᠨ ᠢ ᠬᠠᠮᠢᠭᠠ ᠪᠤᠢ︖ ᠭᠡᠵᠤ ᠡᠷᠢᠬᠦ ᠳᠤ | ᠲᠠᠮᠢᠷ ᠤᠨ ᠲᠠᠯᠠᠪᠠᠢ ᠮᠢᠨᠢ ᠡᠪᠡᠰᠤᠨ ᠲᠤᠮᠳᠠ ᠡᠯᠤᠢ ᠬᠤᠯᠤᠢ ···· | ᠲᠦᠴᠢᠨ ᠵᠢᠯ ᠤᠨ ᠲᠠᠷᠠᠭᠠ ᠲᠠᠨ ᠢ ᠪᠠᠨ ᠠᠯᠠᠭᠠ ᠪᠤᠯᠤᠨᠠ ᠭᠡᠵᠤ ᠪᠤᠳᠤᠭᠠ ᠦᠭᠡᠢ | ᠲᠦᠷᠦᠭᠡᠨ ᠲᠡᠭᠡᠷᠠ ᠴᠢᠨᠢ ᠦᠨᠳᠡᠶᠢᠭᠰᠠᠨ ᠭᠡᠤᠭᠡᠳ ᠤᠳ ᠦᠨᠦᠴᠢᠷᠠᠨᠠ ᠭᠡᠵᠤ ᠰᠡᠳᠬᠢᠭᠡ ᠦᠭᠡᠢ | ᠲᠦᠷᠢᠮᠡᠬᠡᠢ ᠬᠦᠯᠦᠭ ᠵᠢᠯᠦᠭᠤ ᠪᠠᠨ ᠲᠠᠳᠠᠵᠤ ᠨᠤᠮᠤᠬᠠᠷᠠᠭᠰᠠᠨ ᠪᠤᠯᠪᠡ ᠤᠤ⁈ | ᠲᠦᠷᠠᠯᠵᠠᠭᠰᠠᠨ ᠭᠠᠯ ᠨᠦᠯᠦ ᠪᠠᠨ ᠮᠠᠨᠠᠵᠤ ᠴᠤᠭᠰᠢᠭᠰᠠᠨ ᠪᠠᠶᠢᠪᠠ ᠤᠤ⁈ | ᠡᠯᠤᠢ ᠬᠤᠯᠤᠢ ᠶᠢᠨ ᠲᠤᠮᠳᠠ ᠡᠭᠡ ᠰᠤᠷᠭᠠᠭᠤᠯᠢ ᠢ ᠪᠠᠨ ᠲᠠᠭᠤᠳᠠᠶᠠ | ᠡᠯᠴᠢᠯ ᠦᠭᠡᠢ ᠤᠷᠴᠢᠯᠠᠩ ᠳᠤ ᠲᠠᠨ ᠤ ᠪᠠᠨ ᠠᠯᠳᠠᠷ ᠢ ᠮᠦᠡᠭᠭᠡᠯᠡᠶᠡ︕ | ᠡᠯᠳᠡᠩ ᠨᠤᠭᠤᠭᠠᠨ ᠲᠠᠯᠠ ᠢ ︽ᠲᠦᠢᠮᠠᠷ ᠬᠤᠶᠢᠬᠠᠯᠠᠨ ᠲᠠᠭᠤᠰᠬᠤ ᠦᠭᠡᠢ︾ | ᠡᠰᠡᠷᠡᠬᠦᠨ ᠴᠠᠭ ᠢᠷᠡᠬᠦᠢ ᠳᠤ ᠮᠢᠨᠤ ᠰᠤᠷᠭᠠᠭᠤᠯᠢ ᠮᠠᠨᠳᠤᠨᠠ︕ | | ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠳᠡᠭᠡᠨ ᠡᠷᠬᠦᠬᠦ ᠤᠶᠠᠩᠭᠠ | — ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠬᠦᠨᠳᠤᠳᠤ ᠶᠤᠰᠤᠳᠤ ᠪᠠᠭᠰᠢ ᠶᠢᠨ | ᠲᠠᠯᠠᠨ ᠭᠤᠷᠪᠠᠨ ᠨᠠᠰᠤᠨ ᠤ ᠵᠢᠯ ᠤᠨ ᠪᠠᠶᠠᠷ ᠲᠤ ᠨᠠᠶᠢᠯᠠᠬᠦᠯᠪᠠᠢ | ᠲᠦᠴᠢᠨ ᠵᠢᠯ ᠤᠨ ᠲᠡᠷᠳᠡᠭᠡ ᠳᠤ ᠬᠠᠷᠠᠬᠠᠨ ᠵᠠᠯᠠᠭᠤ ᠪᠠᠭᠰᠢ | ᠲᠦᠷᠦᠭᠡᠨ ᠲᠡᠭᠡᠷᠠ ᠪᠠᠨ ᠦᠨᠳᠡᠶᠢᠭᠰᠠᠨ ᠬᠠᠷᠢᠭᠤᠴᠠᠯᠭᠠ ᠦᠨᠳᠤᠷ ᠰᠡᠳᠬᠢᠯ | ᠲᠦᠷᠠᠯᠵᠢᠮᠠ ᠬᠠᠶᠢᠷᠠ ᠪᠠᠷ ᠵᠢᠡᠨᠠᠰᠠᠭᠰᠠᠨ ᠰᠤᠶᠤᠯ ᠤᠨ ᠭᠠᠯ ᠪᠠᠮᠪᠠᠷ | ᠲᠦᠴᠢᠨ ᠶᠢᠰᠦᠬᠦᠯᠠ① ᠢ ᠨᠤᠮᠯᠠᠭᠰᠠᠨ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠰᠤᠳᠤᠷ | ᠦᠭᠰᠤᠵᠤ ᠢᠷᠡᠭᠰᠠᠨ ᠡᠷᠡᠨ ᠤ ᠦᠨᠳᠤᠷ ᠲᠤ ᠵᠤᠭᠰᠤᠬᠤᠢ ᠦᠳᠡᠬᠦᠰ | ᠦᠯᠮᠠᠢ ᠲᠤᠭᠤᠤᠷ ᠨᠢ ᠱᠤᠤᠬᠢᠬᠤᠢ ᠤᠷᠤᠰᠬᠠᠯ ᠢ ᠦᠳᠡᠭᠡᠷᠢᠯᠡᠵᠤ ᠱᠠᠯᠠᠭᠰᠠᠨ ᠲᠤᠤᠯᠢᠰ | ᠦᠯᠠᠮᠵᠢ ᠤᠯᠠᠨ ᠱᠠᠪᠢ ᠪᠠᠨ ᠰᠡᠳᠬᠢᠯ ᠳᠡᠭᠡᠨ ᠲᠠᠩᠴᠠᠬᠦᠯᠦᠭᠰᠠᠨ ᠲᠠᠩᠰᠠ ︵Tengs︶ | ᠦᠯ ᠪᠤᠭᠤᠷᠤᠯ ᠲᠠᠷᠢᠬᠦᠨ ᠳᠡᠭᠡᠨ ᠪᠤᠶᠠᠨ ᠬᠤᠷᠭᠠᠭᠰᠠᠨ ᠠᠭᠤᠯᠠᠰ | ᠲᠠᠶᠢᠯᠪᠤᠷᠢ᠄ | ① ᠠᠩᠬᠠ ᠡᠬᠢᠯᠠᠨ ᠨᠠᠷᠠ ᠪᠦᠷᠢᠳᠬᠦᠯᠦᠨ ᠰᠤᠷᠤᠯᠴᠠᠬᠤ ᠳᠤ ᠮᠠᠨ ᠤ ᠠᠩᠬᠢ ᠶᠢᠨ ᠬᠢᠨ ᠲᠦᠴᠢᠨ ᠶᠢᠰᠦᠨ | ᠰᠤᠷᠤᠭᠴᠢ ᠪᠠᠶᠢᠭᠰᠠᠨ ᠪᠦᠯᠦᠭᠡ᠃ ᠰᠠᠬᠦᠯᠠᠷ ᠨᠢ ᠨᠡᠮᠡᠭᠳᠡᠵᠤ ᠲᠠᠪᠢ ᠭᠠᠷᠴᠤᠬᠤᠢ᠃ | ᠭᠡᠯᠠ ᠪᠢᠴᠢᠭ ᠤᠨ ᠪᠠᠭᠰᠢ | — ᠬᠦᠨᠳᠤᠳᠤ ᠬᠦᠤᠳᠠᠭᠠᠭᠤᠯ ᠪᠠᠭᠰᠢ ᠳᠠᠭᠠᠨ ᠵᠤᠷᠢᠭᠤᠯᠪᠠ | ᠬᠡᠯᠠ ᠪᠢᠴᠢᠭ ᠴᠢᠨᠢ ᠰᠢᠨᠡᠭᠡᠨ ᠬᠡᠪ ᠢᠶᠠᠷ ᠢᠶᠠᠨ | ᠬᠡᠨ ᠳᠤ ᠴᠤ ᠲᠠ ᠨᠢᠭᠡᠯᠠ ᠵᠠᠩ ᠢᠶᠠᠷ ᠢᠶᠠᠨ | ᠬᠡᠵᠢᠶᠠᠳᠠ ᠪᠠᠭᠰᠢ ᠮᠢᠨᠢ ᠰᠡᠳᠬᠢᠯ ᠳᠤ ᠪᠠᠶᠢᠷᠢ ᠲᠠᠢ | ᠬᠢᠴᠢᠶᠠᠯ ᠰᠤᠷᠭᠠᠯ ᠴᠢᠨᠢ ᠵᠢᠷᠦᠭᠡᠨ ᠳᠤ ᠰᠠᠶᠢᠯᠦᠭᠡᠰᠤ ᠲᠠᠢ ···· | ᠴᠤᠭᠯᠠᠭᠠᠨ ᠪᠤᠯᠭᠠᠨ ᠳᠤ ᠲᠠᠨ ᠢ ᠪᠠᠨ ᠤᠷᠢᠬᠤ ᠰᠠᠨ | ᠴᠠᠢ ᠶᠢᠨ ᠲᠡᠭᠡᠵᠢ ᠪᠠᠨ ᠶᠤᠰᠤᠯᠠᠨ ᠪᠠᠷᠢᠬᠤ ᠰᠠᠨ | ᠬᠦᠤᠳᠠᠭᠠᠭᠤᠯ ᠪᠠᠭᠰᠢ ᠮᠢᠨᠢ ᠭᠡᠳᠡᠭ | ᠲᠡᠬᠦᠦ ᠨᠠᠷ ᠢᠶᠠᠨ ᠲᠤᠳᠤᠮᠳᠠᠭᠰᠠᠨ ᠡᠭᠡᠴᠢᠮᠡᠳ ᠪᠠᠶᠢᠳᠠᠭ ᠰᠠᠨ ···· | ᠨᠠᠰᠤᠨᠳᠡᠯᠭᠡᠷ ᠤᠨ ᠨᠤᠳᠤᠭ | — ᠰᠢᠪᠠᠷᠳᠠᠢ ᠨᠤᠳᠤᠭ ᠢᠶᠠᠷ ᠵᠤᠭᠠᠯᠠᠵᠤ ᠵᠠᠮ ᠤᠨ ᠭᠤᠳᠤᠰ | ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠨᠠᠰᠤᠨᠳᠡᠯᠭᠡᠷ ᠤᠨ ᠳᠡᠭᠡᠨ ᠦᠳᠡᠯᠡᠪᠡᠢ | ᠤᠢ ᠶᠢᠨ ᠨᠠᠪᠴᠢᠰ ᠢᠶᠠᠷ ᠢᠶᠠᠨ ᠬᠦᠤᠷᠨᠢᠯᠳᠦᠭᠰᠠᠨ | ᠠᠰᠬᠠᠨ᠂ ᠲᠠᠷᠬᠠᠨ ᠠᠭᠤᠯᠠᠰ | ᠤᠬᠠᠭᠠᠨ ᠳᠤ ᠨᠢᠭᠡ ᠶᠢ ᠦᠬᠦᠯᠡᠭᠰᠠᠨ | ᠸᠠᠩ ᠤᠨ ᠰᠢᠪᠠᠷᠳᠠᠢ ᠨᠤᠳᠤᠭ | ᠭᠡᠮ᠂ ᠭᠬᠢᠷ ᠢ ᠠᠷᠢᠭᠤᠯᠤᠭᠰᠠᠨ | ᠭᠡᠰᠡᠷ① ᠬᠦᠡᠭᠵᠤ② ᠶᠢᠨ ᠰᠢᠳᠦᠭᠡᠨ | ᠬᠡᠨᠡᠨ ᠦᠨᠠᠨ ᠢ ᠮᠦᠷᠳᠡᠬᠦᠯᠦᠭᠰᠠᠨ | ᠭᠡᠷᠡᠯᠳᠤ ᠪᠠᠭᠠᠷᠢᠨ ᠤ ᠮᠢᠨᠢ ᠴᠠᠳᠢᠭ | ᠨᠠᠮᠤᠷ ᠤᠨ ᠲᠠᠯᠠ ᠳᠠᠭᠠᠨ ᠵᠡᠷᠭᠡᠯᠡᠳᠦᠬᠦ | ᠨᠠᠰᠤᠨᠳᠡᠯᠭᠡᠷ ᠤᠨ ᠠᠶᠢᠯ | ᠨᠠᠰᠤᠨ ᠪᠠᠭᠠ ᠳᠠᠭᠠᠨ ᠤᠴᠠᠷᠠᠭᠰᠠᠨ | ᠨᠠᠶᠢᠵᠠ ᠨᠦᠬᠦᠳ ᠤᠨ ᠬᠠᠶᠢᠷᠠ | ᠤᠴᠤᠭ ᠲᠡᠭᠡᠷᠠ ᠪᠠᠨ ᠲᠡᠷᠬᠢᠯᠦᠡᠡᠰᠠᠨ | ᠦᠷᠦᠮᠠ ᠤᠨ ᠠᠭᠠᠭ ᠲᠠᠢ ᠴᠠᠢ | ᠡᠷᠬᠢᠭᠡᠳ ᠢᠷᠠᠶᠤ ᠰᠠᠨᠠᠭᠳᠠᠬᠤ | ᠡᠯᠢᠭᠡᠨ ᠲᠤᠳᠤᠨᠤ ᠪᠠᠷᠢᠯᠳᠤᠯᠭᠠ︕ · | | ᠲᠠᠶᠢᠯᠪᠤᠷᠢ᠄ ①② ᠭᠡᠰᠡᠷ ᠪᠤᠭᠳᠠ ᠶᠢᠨ ᠰᠦᠮᠠ ᠪᠤᠯᠤᠨ ᠬᠦᠡᠭᠵᠤ ᠶᠢᠨ ᠭᠡᠭᠡᠨ ᠤ ᠲᠠᠬᠢᠯᠭᠠ ᠶᠢᠨ | ᠰᠦᠮᠠ ᠢ ᠵᠢᠭᠠᠪᠠ | | 2018. 10. 19 — 10.22 ᠨᠠ ᠲᠦᠬᠦᠷᠭᠡᠨ ᠨᠤᠤᠷᠠᠭᠯᠠᠪᠠᠢ᠃ | | ᠬᠠᠶ᠋ᠢᠭ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠳᠠᠯᠠ ᠰᠤᠮᠤ | ᠤᠳᠠᠰᠤ᠄ 136 8477 1743 | | |