| ᠪᠠ᠊ · ᠤᠳᠽᠠᠷ | ᠬᠠᠨ ᠲᠡᠭᠷᠢ ᠠᠴᠠ ᠬᠠᠶᠢᠷᠠᠯᠠᠭᠰᠠᠨ | ᠮᠤᠩᠭᠤᠯ ᠪᠤᠰᠤᠭᠠ ᠦᠰᠥᠭ ᠮᠢᠨᠢ | ᠬᠠᠨᠠᠭᠠᠷ ᠲᠡᠯᠡᠭᠡᠢ ᠳᠤ ᠲᠠᠨᠢᠭᠳᠠᠭᠰᠠᠨ | ᠮᠤᠩᠭᠤᠯ ᠬᠦᠰᠢᠶᠠ ᠦᠰᠥᠭ ᠮᠢᠨᠢ | ᠬᠠᠶᠢᠷᠠᠬᠠᠨ ᠠᠭᠤᠯᠠ ᠰᠢᠭ᠋ ᠲᠦᠩᠭᠡᠶᠢᠭᠰᠡᠨ | ᠮᠤᠩᠭᠤᠯ ᠰᠦᠷᠯᠢᠭ ᠦᠰᠥᠭ ᠮᠢᠨᠢ | ᠬᠠᠷᠭᠠᠢ ᠤᠢ ᠰᠢᠭ᠋ ᠶᠠᠷᠠᠶᠢᠯᠳᠤᠭᠰᠠᠨ | ᠮᠤᠩᠭᠤᠯ ᠭᠤᠶᠤᠯᠢᠭ ᠦᠰᠥᠭ ᠮᠢᠨᠢ | ᠠᠪᠢᠶᠠ ᠪᠦᠬᠦᠨ ᠢ ᠲᠡᠮᠳᠡᠭᠯᠡᠳᠡᠭ | ᠮᠤᠩᠭᠤᠯ ᠭᠠᠯᠢᠭ ᠦᠰᠥᠭ | ᠠᠰ ᠪᠤᠰᠤᠭᠠ ᠪᠢᠴᠢᠭᠳᠡᠭ | ᠮᠤᠩᠭᠤᠯ ᠲᠦᠪ ᠦᠰᠥᠭ | ᠠᠮᠠᠷᠬᠠᠨ ᠴᠡᠭᠡᠵᠢᠨ ᠳᠤ ᠬᠤᠨᠤᠭᠰᠢᠳᠠᠭ | ᠮᠤᠩᠭᠤᠯ ᠴᠠᠭᠠᠨ ᠲᠤᠯᠤᠭᠠᠢ | ᠠᠷᠠᠤᠨ ᠲᠦᠮᠡᠨ ᠳᠤ ᠮᠠᠭᠳᠠᠳᠠᠭ | ᠠᠬᠢᠭᠠᠤᠨ ᠰᠠᠶᠢᠬᠠᠨ ᠦᠰᠥᠭ | ᠡᠷᠳᠠᠮ ᠨᠤᠮ ᠢ ᠰᠤᠷᠬᠤ ᠳᠤ | ᠨᠢᠳᠤ ᠶᠢ ᠮᠢᠨᠢ ᠨᠡᠭᠡᠭᠡᠭᠰᠡᠨ ᠦᠰᠥᠭ | ᠡᠯᠪᠡᠭ ᠮᠡᠳᠡᠯᠭᠡ ᠡᠵᠡᠮᠰᠢᠬᠦ ᠳᠤ | ᠲᠠᠷᠢᠬᠢ ᠶᠢ ᠮᠢᠨᠢ ᠪᠠᠶᠠᠵᠢᠭᠤᠯᠤᠭᠰᠠᠨ ᠦᠰᠥᠭ | ᠡᠭᠡ ᠲᠡᠯᠡᠭᠡᠢ ᠶᠢ ᠲᠠᠨᠢᠬᠤ ᠳᠤ | ᠤᠬᠠᠭᠠ ᠶᠢ ᠮᠢᠨᠢ ᠰᠡᠭᠡᠭᠡᠷᠡᠬᠦᠯᠥᠭᠰᠡᠨ ᠦᠰᠥᠭ | ᠡᠷᠬᠢᠮ ᠦᠢᠯᠡᠰ ᠢ ᠪᠦᠳᠤᠭᠡᠬᠦ ᠳᠤ | ᠡᠷᠴᠢᠮ ᠢ ᠮᠢᠨᠢ ᠴᠢᠩᠭᠠᠯᠠᠭᠰᠠᠨ ᠦᠰᠥᠭ | ᠤᠳᠬᠠ ᠵᠤᠬᠢᠶᠠᠯ ᠤᠩᠰᠢᠬᠤ ᠳᠤ | ᠤᠶᠤᠨ ᠢ ᠮᠢᠨᠢ ᠬᠦᠳᠤᠯᠥᠭᠰᠡᠨ ᠦᠰᠥᠭ | ᠤᠷᠠᠨ ᠵᠤᠬᠢᠶᠠᠯ ᠤᠷᠤᠯᠳᠤᠬᠤ ᠳᠤ | ᠤᠷᠮᠠ ᠪᠠᠬᠠ ᠶᠢ ᠮᠢᠨᠢ ᠬᠦᠨᠳᠡᠭᠡᠭᠰᠠᠨ ᠦᠰᠥᠭ | ᠤᠶᠠᠩᠭᠠ ᠨᠠᠶᠢᠷᠠᠭ ᠰᠢᠬᠦᠮᠵᠢ ᠦᠬᠦᠯᠠᠯ ᠢᠶᠠᠨ ᠪᠢ | ᠤᠯᠠᠨ ᠠᠷᠪᠢᠨ ᠪᠢᠴᠢᠭᠰᠡᠨ ᠦᠰᠥᠭ | ᠤᠷᠤᠰᠤᠮᠠ ᠭᠡᠯᠡᠯᠭᠡ ᠲᠠᠢ ᠵᠤᠬᠢᠶᠠᠯ ᠢᠶᠠᠨ ᠪᠢ | ᠤᠯᠠᠨ ᠰᠡᠳᠬᠦᠯ ᠳᠤ ᠨᠠᠶᠢᠳᠡᠯᠡᠬᠦᠯᠥᠭᠰᠡᠨ ᠦᠰᠥᠭ ᠡ᠃ | ᠰᠢᠯᠢᠳᠡᠭ ᠰᠤᠶᠤᠯ ᠤᠨ ᠬᠦᠭᠵᠢᠯ ᠳᠤ | ᠭᠠᠷᠮᠠᠭᠠᠢ ᠦᠢᠯᠡᠳᠤᠯ ᠦᠵᠡᠬᠦᠯᠥᠭᠰᠡᠨ ᠦᠰᠥᠭ | ᠰᠢᠯᠭᠠᠯᠳᠠ ᠪᠦᠳᠤᠭᠡᠯ ᠤᠨ ᠡᠬᠦᠳᠤᠯ ᠳᠤ | ᠭᠠᠪᠰᠢᠭᠠᠢ ᠵᠢᠳᠬᠦᠯ ᠲᠠᠢ ᠦᠰᠥᠭ | ᠰᠢᠨᠠ ᠦᠶᠠ ᠶᠢᠨ ᠲᠤᠨᠤᠬᠯᠠᠯ ᠳᠤ | ᠭᠠᠶᠢᠬᠠᠮᠰᠢᠭ ᠲᠤᠬᠢᠷᠠᠮᠵᠢᠳᠠᠢ ᠦᠰᠥᠭ | ᠰᠢᠨᠵᠢᠯᠠᠬᠦ ᠤᠠᠬᠭᠠᠨ ᠤ ᠬᠦᠭᠵᠢᠯᠳᠠ ᠳᠤ | ᠭᠠᠪᠢᠶᠠ ᠦᠢᠯᠡᠰ ᠲᠠᠢ ᠦᠰᠥᠭ | ᠠᠷᠠᠤᠨ ᠤᠨ ᠠᠮᠠᠨ ᠵᠤᠬᠢᠶᠠᠯ ᠢ | ᠠᠪᠤᠷᠠᠵᠤ ᠬᠠᠳᠠᠭᠠᠯᠠᠭᠰᠠᠨ ᠦᠰᠥᠭ | ᠠᠷᠠᠤᠨ ᠤᠨ ᠲᠠᠭᠤᠤ ᠮᠢᠩᠭᠠᠨ ᠪᠠᠳᠠᠭ ᠢ | ᠠᠮᠢᠯᠠᠭᠤᠯᠵᠤ ᠬᠦᠭᠵᠢᠬᠦᠯᠥᠭᠰᠡᠨ ᠦᠰᠥᠭ | ᠠᠯᠢᠪᠠ ᠦᠨᠳᠤᠰᠤᠳᠠᠨ ᠤ ᠰᠤᠶᠤᠯ ᠢ | ᠤᠷᠴᠢᠭᠤᠯᠵᠤ ᠲᠠᠨᠢᠭᠤᠯᠤᠭᠰᠠᠨ ᠦᠰᠥᠭ | ᠠᠯᠳᠠᠷᠳᠤ ᠵᠤᠬᠢᠶᠠᠯ ᠪᠦᠳᠤᠭᠡᠯ ᠢ | ᠤᠬᠠᠭᠠᠷᠠᠭᠤᠯᠵᠤ ᠲᠡᠯᠭᠡᠷᠡᠬᠦᠯᠥᠭᠰᠡᠨ ᠦᠰᠥᠭ | ᠬᠤᠷᠳᠤᠨ ᠪᠢᠴᠢᠭ ᠤᠨ ᠤᠷᠤᠯᠳᠤᠭᠠᠨ ᠳᠤ | ᠲᠠᠷᠢᠬᠦᠯᠠᠵᠤ ᠪᠠᠶᠢᠭᠰᠠᠨ ᠦᠰᠥᠭ | ᠬᠤᠷᠢᠶᠠᠩᠭᠤᠶᠢᠯᠠᠨ ᠲᠡᠮᠳᠡᠭᠯᠡᠬᠦ ᠮᠠᠷᠭᠤᠭᠠᠨ ᠳᠤ | ᠲᠦᠷᠤᠬᠦᠯᠵᠤ ᠶᠠᠪᠤᠭᠰᠠᠨ ᠦᠰᠥᠭ | ᠬᠤᠷᠸᠠ ᠶᠢᠨ ᠰᠤᠶᠤᠯ ᠤᠨ ᠡᠩᠨᠡᠭᠡ ᠳᠤ | ᠮᠠᠭᠳᠠᠭᠳᠠᠵᠤ ᠢᠷᠡᠭᠰᠡᠨ ᠦᠰᠥᠭ | ᠬᠤᠳᠠᠯᠠ ᠤᠯᠠᠨ ᠤ ᠰᠡᠳᠬᠢᠯ ᠳᠤ | ᠮᠠᠨᠳᠤᠭᠤᠯᠵᠤ ᠬᠠᠶᠢᠷᠠᠯᠠᠭᠳᠠᠭᠰᠠᠨ ᠦᠰᠥᠭ ᠡ︕ | ᠮᠦᠩᠬᠦᠨ ᠴᠠᠭᠠᠨ ᠬᠠᠭᠤᠳᠠᠰᠤᠨ ᠳᠤ | ᠮᠦᠷᠯᠠᠨ ᠵᠢᠭᠳᠡᠷᠡᠭᠰᠡᠨ ᠪᠢᠴᠢᠮᠠᠯ ᠨᠢ | ᠮᠤᠷᠳᠠᠬᠤ ᠪᠠᠷ ᠪᠠᠯᠡᠭᠡᠨ ᠪᠤᠯᠤᠭᠰᠠᠨ | ᠮᠤᠷᠢᠳᠤ ᠴᠡᠷᠢᠭ ᠰᠢᠭ ᠬᠠᠷᠠᠭᠳᠠᠨᠠ | ᠮᠦᠷ ᠪᠦᠷᠢ ᠶᠢᠨ ᠦᠬᠦᠯᠠᠪᠤᠷᠢ ᠶᠢ ᠨᠢ | ᠠᠵᠢᠭᠯᠠᠨ ᠰᠢᠨᠵᠢᠨ ᠦᠵᠡᠪᠠᠯ | ᠮᠤᠩᠭᠤᠯ ᠪᠠᠭᠠᠳᠤᠷ ᠤᠨ ᠭᠠᠷ ᠲᠠᠬᠢ | ᠬᠤᠷᠴᠠ ᠰᠠᠯᠠᠮᠠ ᠰᠢᠭ ᠦᠵᠡᠭᠳᠡᠨᠠ | ᠠᠰᠠᠷ ᠪᠠᠷᠢᠯᠭᠠ ᠶᠢᠨ ᠤᠷᠤᠢ ᠳᠠᠬᠢ | ᠠᠰ ᠪᠤᠰᠤᠭᠠ ᠰᠠᠶᠢᠯᠤᠮᠠᠯ ᠨᠢ | ᠠᠪᠤᠷᠭᠤ ᠰᠢᠨᠵᠢᠯᠠᠬᠦ ᠤᠬᠠᠭᠠᠨ ᠤ | ᠠᠯᠳᠠᠨ ᠲᠦᠯᠬᠢᠬᠦᠷ ᠰᠢᠭ ᠰᠠᠨᠠᠭᠳᠠᠨᠠ | ᠠᠭᠠᠷ ᠲᠤᠮᠳᠠ ᠠᠴᠠ ᠲᠡᠬᠦᠵᠢᠯᠡᠭᠰᠡᠨ | ᠤᠷᠢᠶᠠ ᠯᠤᠽᠦ᠋ᠡᠭ ᠡᠯᠬᠦᠮᠠᠯ ᠨᠢ | ᠠᠪᠤᠷᠠᠯᠳᠤ ᠲᠡᠭᠡᠳᠤ ᠠᠴᠠ ᠢᠯᠡᠭᠡᠭᠡᠭᠰᠡᠨ | ᠠᠷᠢᠭᠤᠨ ᠬᠠᠳᠠᠭ ᠰᠢᠭ᠋ ᠪᠤᠳᠤᠭᠳᠠᠨᠠ ᠳ᠋ᠠ᠂ | ᠠᠭᠤᠤ ᠦᠨᠳᠤᠰᠤᠳᠠᠨ ᠤ ᠮᠢᠨᠢ ᠠᠶᠠᠯᠠᠯ | ᠰᠤᠳᠤᠷ ᠨᠤᠮ ᠠᠴᠠ ᠨᠢ ᠲᠤᠭᠠᠴᠢᠭᠳᠠᠨᠠ | ᠠᠷᠠᠤᠨ ᠲᠦᠮᠡᠨ ᠤ ᠮᠢᠨᠢ ᠮᠦᠷᠤᠭᠡᠳᠤᠯ | ᠰᠤᠷᠭᠠᠯ ᠦᠭᠡ ᠠᠴᠠ ᠨᠢ ᠰᠤᠨᠤᠰᠤᠭᠳᠠᠨᠠ | ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠ︾ | ᠠᠮᠢᠯᠠᠯ ᠬᠦᠭᠵᠢᠯ ᠠᠴᠠ ᠨᠢ ᠭᠡᠷᠡᠯᠳᠤᠨᠠ | ᠮᠦᠩᠭᠡ ᠶᠢᠨ ᠪᠠᠭᠠᠳᠤᠷ ︽ᠵᠠᠩᠭᠠᠷ︾ | ᠠᠮᠢᠳᠤᠷᠠᠯ ᠲᠠᠭᠤᠯᠠᠯ ᠠᠴᠠ ᠨᠢ ᠲᠤᠳᠤᠷᠠᠨᠠ ᠳ᠋ᠠ | ᠡᠪ ᠬᠠᠮᠳᠤ ᠨᠠᠮ ᠢᠶᠠᠨ ᠮᠠᠬᠳᠠᠭᠰᠠᠨ | ᠡᠭᠡᠰᠢᠭ ᠲᠠᠭᠤᠯᠠᠯ ᠴᠤᠤᠷᠢᠶᠠᠳᠤᠨᠠ | ᠡᠭᠡ ᠤᠷᠤᠨ ᠢᠶᠠᠨ ᠮᠠᠨᠳᠤᠭᠤᠯᠤᠭᠰᠠᠨ | ᠡᠯᠪᠡᠭ ᠠᠮᠵᠢᠯᠳᠠ ᠤᠶᠠᠩᠭᠠᠷᠠᠨᠠ | ᠡᠰᠠᠨᠢᠯ ᠮᠠᠨᠳᠤᠯ ᠢ ᠬᠦᠯᠥᠭᠡᠯᠡᠭᠰᠡᠨ | ᠡᠷᠳᠠᠮ ᠤᠨ ᠭᠡᠷᠡᠯ ᠰᠠᠴᠤᠷᠠᠨᠠ ᠳ᠋ᠠ | ᠪᠤᠭᠤᠷᠤᠯ ᠲᠡᠯᠡᠭᠡᠢ ᠳᠤ ᠰᠦᠨᠳᠠᠷᠯᠡᠭᠰᠡᠨ | ᠮᠤᠩᠭᠤᠯ ᠪᠤᠰᠤᠭᠠ ᠦᠰᠥᠭ ᠮᠢᠨᠢ ᠪᠤᠰᠤᠭᠠ ᠪᠠᠷ ᠢᠶᠠᠨ ᠪᠠᠶᠢᠭᠠᠰᠠᠢ︕ | ᠪᠤᠮᠪᠠ ᠶᠢᠨ ᠤᠷᠤᠨ ᠳᠤ ᠪᠤᠰᠬᠠᠭᠰᠠᠨ | ᠮᠤᠩᠭᠤᠯ ᠬᠦᠰᠢᠶᠠ ᠦᠰᠥᠭ ᠮᠦᠩᠭᠡ ᠢᠶᠠᠨ | ᠪᠦᠬᠦᠳᠠ ᠤᠯᠠᠨ ᠢᠶᠠᠷ ᠢᠶᠠᠨ ᠬᠠᠶᠢᠷᠠᠯᠠᠶᠠ | ᠪᠤᠯᠪᠠᠰᠤᠨ ᠰᠤᠶᠤᠯ ᠢ ᠴᠤᠭᠴᠠᠯᠠᠭᠰᠠᠨ | ᠪᠤᠶᠠᠨ ᠭᠡᠰᠢᠭ ᠲᠠᠢ ᠦᠰᠥᠭ ᠢᠶᠠᠨ | ᠪᠤᠳᠤᠯ ᠤᠨ ᠬᠦᠨ ᠳᠡᠭᠡᠨ ᠰᠢᠳᠤᠵᠤ ᠶᠠᠪᠤᠶᠠ᠃ | | ᠲᠦᠩᠯᠢᠶᠤᠤ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ᠶᠢᠨ ᠮᠤᠩᠭᠤᠯ ᠭᠡᠯᠡᠨ ᠤ ᠵᠢᠭᠠᠨ ᠰᠤᠳᠤᠯᠬᠤ ᠲᠤᠭᠤᠶᠢᠯᠡᠩ | 姓名： 敖斯尔 | 电话： 15950560906 | | |