| | ᠪᠤᠯᠤᠲᠡᠮᠡᠦᠷ ᠠᠨᠤ ᠶᠤᠸᠠᠨ ᠤᠯᠤᠰ ᠤᠨ ᠡᠴᠦᠰ ᠤᠨ ᠦᠶᠡ ᠶᠢᠨ ᠲᠠᠷᠢᠶᠠᠴᠢᠨ ᠤ ᠪᠤᠰᠤᠯᠭᠠ ᠶᠢ | ᠲᠠᠷᠤᠩᠭᠤᠶᠢᠯᠠᠭᠰᠠᠨ ᠶᠡᠭᠡ ᠵᠠᠩᠵᠤᠨ ᠲᠠᠰᠪᠠᠭᠠᠳᠤᠷ ᠤᠨ ᠬᠦᠪᠡᠭᠦᠨ᠃ 1355 ᠣᠨ ᠳᠤ ᠡᠴᠢᠭᠡ ᠪᠠᠨ ᠲᠠᠭᠠᠵᠤ | ᠾᠧᠨᠠᠨ ᠳᠤ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ ᠬᠦᠴᠦᠳᠠᠢ ᠲᠠᠷᠤᠩᠭᠤᠶᠢᠯᠠᠵᠠᠢ᠃ | 1358 ᠤᠨ ᠳᠤ ᠲᠡᠭᠦᠨ ᠤ ᠡᠴᠢᠭᠡ ᠲᠠᠰᠪᠠᠭᠠᠳᠤᠷ ᠲᠠᠶᠢᠰᠤᠨ ᠤ ᠵᠠᠪᠰᠠᠷᠳᠠᠭᠤᠯᠬᠤ ᠠᠷᠭᠠᠨ ᠳᠤ | ᠤᠨᠠᠵᠤ ᠯᠢᠦ ᠹᠦ᠋ ᠲᠦᠩ ᠳᠤ ᠢᠯᠠᠭᠳᠠᠭᠠᠳ ᠭᠡᠶᠦᠷᠡᠯ ᠡᠪᠦᠷᠯᠡᠭᠰᠡᠭᠡᠷ ᠬᠠᠯᠢᠭᠰᠠᠨ ᠤ ᠲᠠᠷᠠᠭᠠ ᠪᠤᠯᠤᠳᠡᠮᠦᠷ | ᠡᠴᠢᠭᠡ ᠪᠠᠨ ᠵᠠᠯᠭᠠᠮᠵᠢᠯᠠᠨᠲ᠋ᠤᠰ ᠠᠩᠬᠢ ᠴᠡᠷᠢᠭ ᠢ ᠵᠠᠬᠢᠷᠴᠠᠢ᠃ 1358 ᠤᠨ ᠳᠤ ᠯᠢᠦ ᠹᠦ᠋ ᠲᠦᠩ ᠤᠨ | ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠾᠧᠨᠠᠨ ᠳᠤ ᠴᠦᠮᠦᠷᠡᠨ ᠤᠷᠤᠵᠤ ᠭᠤᠷᠪᠠᠨ ᠵᠠᠮ ᠬᠤᠪᠢᠶᠠᠨ ᠤᠮᠠᠷᠠᠰᠢ ᠲᠠᠭᠠᠷᠢᠨ᠂ | ᠮᠢᠩ ᠢᠦᠢ ᠵᠧᠨ ᠴᠦᠩᠴᠢᠩ ᠢ ᠡᠵᠡᠯᠡᠨ᠂ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠤ ᠮᠠᠤ ᠭᠦᠢ ᠪᠠᠷᠤᠭ ᠪᠦᠭᠦᠶᠢᠯᠡ | ᠱᠠᠨᠳᠦ᠋ᠩ ᠢ ᠡᠷᠭᠡᠰᠢᠶᠡᠵᠦ ᠲᠠᠶᠢᠳᠤ ᠶᠢ ᠰᠦᠷᠳᠡᠭᠦᠯᠵᠤ ᠶᠤᠸᠠᠨ ᠤ ᠲᠦᠷᠦ ᠲᠦᠭᠰᠢᠭᠦᠷᠢᠳᠠᠢ ᠪᠤᠯᠵᠠᠢ᠃ | ᠲᠡᠷᠡ ᠲᠤᠬᠠᠢ ᠭᠤᠸᠠᠨ ᠵᠦᠩ ᠤᠷᠤᠨ ᠳᠤ ᠴᠠᠭᠠᠨᠳᠡᠮᠦᠷ ᠂ ᠯᠢ ᠰᠧ ᠴᠢ ᠂ ᠵᠠᠩ ᠯᠢᠶᠠᠩ ᠪᠢ ᠵᠡᠷᠭᠡ ᠤᠨ | ᠴᠡᠷᠢᠭ ᠠᠩᠬᠢ ᠲᠠᠶᠢᠰᠤᠨ ᠲᠠᠢ ᠲᠤᠯᠤᠯᠳᠠᠵᠤ᠂ ᠵᠦᠩᠶᠤᠸᠠᠨ ᠤᠷᠤᠨ ᠳᠤ ᠵᠦᠪᠭᠡᠨ ᠪᠤᠯᠦᠳᠡᠮᠦᠷ ᠤᠨ ᠴᠡᠷᠢᠭ | ᠠᠩᠬᠢ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ ᠡᠰᠡᠷᠭᠦᠴᠡᠵᠦ ᠪᠠᠶᠢᠵᠠᠢ᠃ | 1358 ᠤᠨ ᠤ 3 ᠰᠠᠷᠠ ᠳᠤ ᠪᠤᠯᠤᠳᠡᠮᠦᠷ ᠸᠧᠢ ᠾᠦᠢ ᠳᠤ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ ᠢᠯᠠᠵᠤ | ᠫᠦ᠋ ᠵᠧᠦ ᠶᠢ ᠡᠵᠡᠯᠡᠵᠦ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠾᠧᠨᠠᠨ ᠠᠴᠠ ᠤᠮᠠᠷᠠᠰᠢᠯᠠᠨ ᠮᠠᠦ ᠬᠦᠢ ᠶᠢᠨ ᠪᠦᠯᠦᠭ ᠶᠢ | ᠬᠠᠮᠵᠢᠨ ᠲᠠᠶᠢᠳᠤ ᠶᠢ ᠲᠠᠭᠠᠷᠢᠬᠤ ᠲᠦᠯᠦᠪᠡᠯᠭᠡ ᠶᠢ ᠨᠢ ᠰᠠᠭᠠᠳᠠᠵᠠᠢ ᠃ 4 ᠰᠠᠷᠠ ᠳᠤ ᠪᠤᠯᠤᠳᠡᠮᠦᠷ ᠵᠧᠨ ᠳ᠋ᠢᠩ | ᠳᠤ ᠲᠤᠰᠬᠤᠨᠴᠢᠯᠠᠨ ᠲᠠᠷᠢᠶᠠᠯᠠᠵᠤ ᠮᠠᠤ ᠭᠦᠢ ᠶᠢ ᠰᠢᠬᠠᠮᠳᠠᠭᠤᠯᠤᠨ ᠱᠠᠨᠳᠦ᠋ᠩ ᠵᠦᠭ ᠤᠬᠤᠷᠢᠭᠤᠯᠵᠠᠢ᠃ 5 | ᠰᠠᠷᠠ ᠳᠤ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠪᠢᠶᠠᠨ ᠯᠢᠶᠠᠩ ᠢ ᠡᠵᠡᠯᠡᠭᠰᠡᠨ ᠪᠤᠯᠪᠠᠴᠦ ᠲᠤᠮᠳᠠ ᠵᠠᠮ ᠨᠢ ᠾᠧᠨᠠᠨ | ᠳᠤ ᠬᠤᠷᠢᠭᠯᠠᠯᠳᠠ ᠳᠤ ᠤᠴᠠᠷᠠᠭᠰᠠᠨ ᠠᠴᠠ ᠱᠠᠨ ᠰᠢ ᠵᠦᠭ ᠮᠤᠷᠤᠶᠢᠵᠠᠢ᠃ ᠲᠡᠷᠡ ᠲᠤᠬᠠᠢ ᠴᠠᠭᠠᠨᠳᠡᠮᠦᠷ | ᠦᠪᠡᠷ ᠢ ᠪᠠᠨ ᠵᠢᠢ ᠨᠢᠩ ᠯᠤ᠋ ᠶᠢᠨ ᠶᠡᠷᠦᠩᠬᠢ ᠬᠠᠮᠢᠶᠠᠷᠤᠭᠴᠢ ᠡᠷᠭᠦᠮᠵᠢᠯᠡᠵᠠᠢ᠃ 6 ᠰᠠᠷᠠ ᠳᠤ ᠤᠯᠠᠭᠠᠨ | ᠠᠯᠴᠢᠭᠤᠷᠳᠠᠨ ᠵᠢᠢ ᠨᠢᠩ ᠯᠤ᠋ ︵ᠲᠠᠶᠢᠶᠤᠸᠠᠨ︶ ᠢ ᠡᠵᠡᠯᠡᠵᠠᠢ᠃ ᠶᠤᠸᠠᠨ ᠤᠯᠤᠰ ᠭᠤᠸᠠᠨ ᠵᠦᠩ ᠠᠴᠠ | ᠴᠠᠭᠠᠨᠳᠡᠮᠦᠷ ᠢ ᠰᠢᠯᠵᠢᠭᠦᠯᠦᠨ ᠱᠠᠨ ᠰᠢ ᠶᠢᠨ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ ᠴᠤᠬᠢᠭᠤᠯᠵᠤ ᠂ ᠪᠤᠯᠦᠲᠡᠮᠦᠷ ᠢ | ᠠᠪᠴᠢᠷᠠᠵᠤ ᠵᠡᠭᠦᠨ ᠹᠷᠦᠨᠲ ᠶᠢᠨ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ ᠲᠠᠭᠠᠷᠢᠭᠤᠯᠤᠭᠰᠠᠨ ᠳᠤ ᠲᠡᠷᠡᠪᠡᠷ ᠰᠢᠭᠤᠳ | ᠡᠮᠦᠨᠡᠰᠢ ᠲᠠᠭᠠᠷᠢᠯᠬᠢᠯᠠᠨ ᠫᠧᠩ ᠴᠧᠩ ᠳᠤ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠤ ᠱᠠ ᠯᠢᠦ ᠶᠢᠨ ᠪᠦᠯᠦᠭ ᠢ | ᠢᠯᠠᠵᠤ ᠂ ᠬᠤᠸᠠᠶᠢᠨᠠᠨ᠂ ᠬᠤᠸᠠᠶᠢᠪᠧᠢ ᠶᠢᠨ ᠬᠠᠷᠢᠯᠴᠠᠭᠠ ᠶᠢ ᠰᠡᠷᠭᠦᠭᠡᠵᠠᠢ᠃ 9 ᠰᠠᠷᠠ ᠳᠤ ᠼᠤᠤ ᠵᠧᠦ ᠶᠢ | ᠲᠠᠭᠠᠷᠢᠬᠤ ᠲᠠᠶᠢᠨ ᠢ ᠵᠢᠯᠤᠭᠤᠳᠴᠠᠢ᠃ ᠽᠤᠤ ᠵᠧᠦ ᠪᠤᠯᠪᠠᠯ ᠪᠢᠶᠠᠨ ᠯᠢᠶᠠᠩ ᠪᠠ ᠱᠠᠨᠳᠦ᠋ᠩ ᠤᠨ ᠴᠡᠷᠢᠭ | ᠲᠠᠶᠢᠨ ᠤ ᠴᠢᠬᠤᠯᠠ ᠭᠠᠵᠠᠷ ᠮᠦᠨ ᠃ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠤ ᠬᠢᠨᠢ ᠽᠠᠶᠢᠰᠢᠶᠠᠩ ᠬᠢᠭᠡᠳ ᡁᠢ ᠱᠦ ᠮᠢ | ᠶᠤᠸᠠᠨ ᠵᠡᠷᠭᠡ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠬᠦᠨᠳᠤ ᠵᠠᠩᠵᠤᠨ ᠨᠠᠷ ᠢ ᠲᠤᠮᠢᠯᠠᠨ ᠰᠡᠷᠭᠡᠶᠢᠯᠡᠨ ᠬᠠᠮᠠᠭᠠᠯᠠᠭᠤᠯᠤᠭᠰᠠᠨ | ᠴᠦ 10 ᠰᠠᠷᠠ ᠳᠤ ᠪᠤᠯᠤᠳᠡᠮᠦᠷ ᠲᠤ ᠡᠪᠳᠡᠭᠳᠡᠵᠦ ᠾᠧᠨᠠᠨ ᠤ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠪᠠ ᠱᠠᠨᠳᠦ᠋ᠩ ᠤᠨ | ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠤ ᠬᠠᠷᠢᠴᠠᠭᠠ ᠲᠠᠰᠤᠷᠠᠵᠠᠢ᠃ | 1358 ᠤᠨ ᠳᠤ ᠶᠤᠸᠠᠨ ᠤᠯᠤᠰ ᠬᠡᠳᠦᠶᠢᠪᠡᠷ ᠲᠠᠶᠢᠶᠤᠸᠠᠨ ᠢ ᠡᠭᠡᠭᠦᠯᠦᠭᠰᠡᠨᠴᠦ ᠤᠯᠠᠭᠠᠨ | ᠠᠯᠴᠢᠭᠤᠷᠳᠠᠨ ᠤᠮᠠᠷᠠᠳᠤ ᠳᠤ ᠳ᠋ᠠ ᠲᠦᠩ ᠢ ᠡᠵᠡᠯᠡᠨ᠂ 12 ᠰᠠᠷᠠ ᠳᠤ ᠱᠠᠩᠳᠦ ᠶᠢ ᠪᠤᠯᠢᠶᠠᠵᠤ ᠲᠠᠶᠢᠳᠦ | ᠬᠤᠳᠠ ᠶᠢ ᠬᠤᠶᠢᠳᠤ ᠲᠠᠯᠠ ᠠᠴᠠ ᠨᠢ ᠰᠦᠷᠳᠡᠭᠦᠯᠦᠭᠰᠡᠨ ᠳᠤ ᠶᠤᠸᠠᠨ ᠤᠯᠤᠰ ᠪᠤᠯᠦᠳᠡᠮᠦᠷ ᠢ ᠵᠠᠷᠯᠢᠭᠳᠠᠨ | ᠤᠮᠠᠷᠠᠰᠢ ᠲᠠᠶᠢᠯᠠᠭᠤᠯᠪᠠ ᠃ 1359 ᠤᠨ ᠤ 2 ᠰᠠᠷᠠ ᠳᠤ ᠪᠤᠯᠦᠳᠡᠮᠦᠷ ᠳ᠋ᠠᠶᠢᠵᠧᠦ ᠳᠤ ᠬᠦᠷᠴᠦ ᠂ 3 | ᠰᠠᠷᠠ ᠳᠤ ᠲᠦᠷᠦ ᠵᠠᠰᠠᠭ ᠠᠴᠠ ᠳ᠋ᠠ ᠲᠦᠩ ᠳᠤ ᠰᠠᠭᠤᠬᠤ ᠶᠡᠭᠡ ᠳᠤ ᠳ᠋ᠦ᠋ ᠡᠷᠭᠦᠮᠵᠢᠯᠡᠭᠳᠡᠨ ᠂ ᠲᠤᠰ ᠰᠠᠷᠠ | ᠳᠠᠭᠠᠨ ᠳ᠋ᠠ ᠲᠦᠩ ᠬᠦᠷᠦᠮᠡᠭᠴᠨ ᠶᠦᠨ ᠨᠧᠢ ᠂ ᠹᠧᠩ ᠵᠧᠦ ᠶᠢ ᠲᠠᠭᠠᠷᠢᠨ ᠂ ᠭᠤᠸᠠᠨ ᠰᠢᠶᠠᠨ ᠱᠧᠩ ᠢ | ᠢᠯᠠᠵᠤ ᠲᠡᠭᠦᠨ ᠢ ᠯᠢᠶᠤᠤᠳᠦ᠋ᠩ ᠠᠴᠠ ᠤᠬᠤᠷᠢᠭᠤᠯᠤᠨ ᠭᠠᠷᠭᠠᠵᠤ ᠳ᠋ᠠ ᠲᠦᠩ ᠯᠤ᠋ ᠶᠢ ᠠᠯᠭᠤᠷ | ᠡᠭᠡᠭᠦᠯᠪᠡ ᠃ | 1359 ᠤᠨ ᠤ 5 ᠰᠠᠷᠠ ᠳᠤ ᠴᠠᠭᠠᠨᠳᠡᠮᠦᠷ ᠭᠤᠸᠠᠨ ᠵᠦᠩ ᠠᠴᠠ ᠭᠠᠷᠴᠦ ᠪᠢᠶᠠᠨ ᠯᠢᠶᠠᠩ ᠢ | ᠵᠠᠭᠤᠨ ᠡᠳᠦᠷ ᠪᠦᠰᠡᠯᠡᠨ ᠬᠤᠳᠠ ᠶᠢ ᠡᠪᠳᠡᠵᠦ ᠾᠧᠨᠠᠨ ᠳᠤ ᠰᠠᠭᠤᠵᠤ ᠬᠠᠮᠠᠭᠠᠯᠠᠵᠠᠢ᠃ ᠪᠤᠯᠤᠳᠡᠮᠦᠷ ᠸᠧᠢ | ᠵᠧᠦ ᠶᠢ ᠲᠠᠭᠠᠷᠢᠨ ᠶᠠᠩ ᠴᠧᠩ ᠂ ᠹᠧᠢ ᠬᠡᠦ ᠰᠢᠶᠠᠨ ᠬᠦᠷᠴᠦ ᠲᠤᠰ ᠠᠩᠬᠢ ᠶᠢ ᠪᠠᠭᠤᠯᠭᠠᠨ ᠠᠪᠴᠠᠢ᠃ | 11 ᠰᠠᠷᠠ ᠳᠤ ᠶᠤᠸᠠᠨ ᠤ ᠲᠦᠷᠦ ᠪᠤᠯᠤᠮᠳᠡᠮᠦᠷ ᠲᠤ ᠲᠠᠬᠢᠨᠳᠠ ᠬᠤᠯᠠᠭᠠᠢ ᠶᠢ ᠪᠦᠰᠡᠯᠡᠨ ᠠᠷᠢᠯᠭᠠᠬᠤ | ᠡᠭᠦᠷᠭᠡ ᠲᠤᠯᠭᠠᠵᠠᠢ᠃ 1360 ᠤᠨ ᠤ 2 ᠰᠠᠷᠠ ᠳᠤ ᠪᠤᠯᠦᠳᠡᠮᠦᠷ ᠫᠢᠩ ᠵᠠᠩ ᠵᠧᠩ ᠰᠢ ᠡᠷᠭᠦᠮᠵᠢᠯᠡᠭᠳᠡᠵᠦ | ᠱᠠᠩᠳᠦ᠂ ᠳ᠋ᠠ ᠨᠢᠩ ᠢ ᠡᠵᠡᠯᠡᠭᠰᠡᠨ ᠭᠤᠸᠠᠨ ᠰᠢᠶᠠᠨ ᠱᠧᠩ ᠤᠨ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ ᠴᠤᠬᠢᠵᠤ | ᠱᠠᠩᠳᠦ ᠶᠢ ᠡᠭᠡᠭᠦᠯᠦᠨ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ ᠭᠤᠤ ᠯᠢ ᠪᠠ ᠯᠢᠶᠤᠤ ᠳ᠋ᠦᠩ ᠵᠦᠭ ᠤᠬᠤᠷᠢᠭᠤᠯᠵᠠᠢ᠃ 7 | ᠰᠠᠷᠠ ᠳᠤ ᠸᠠᠩ ᠰᠢ ᠴᠧᠩ ᠤᠨ ᠱᠠᠨ ᠰᠢ ᠂ ᠾᠧᠪᠧᠢ ᠳᠠᠬᠢ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ ᠢᠯᠠᠵᠤ | ᠂ ᠪᠤᠤ ᠳ᠋ᠢᠩ ᠯᠤ᠋ ᠂ ᠵᠢᠢ ᠨᠢᠩ ᠯᠤ᠋ ᠶᠢ ᠡᠵᠡᠯᠡᠭᠰᠡᠨ ᠲᠢᠶᠠᠨ ᠹᠧᠩ ᠤᠨ ᠴᠡᠷᠢᠭ ᠢ ᠰᠢᠬᠠᠨᠮᠳᠠᠭᠤᠯᠤᠨ | ᠳ᠋ᠦᠩ ᠫᠢᠩ ᠯᠤ᠋ ᠵᠦᠭ ᠤᠬᠤᠷᠢᠭᠤᠯᠵᠤ ᠂ ᠤᠳᠠᠯ ᠦᠭᠡᠢ ᠮᠤᠩᠭᠤᠯ ᠂ ᠬᠢᠳᠠᠳ ᠴᠡᠷᠢᠭ ᠶᠢᠨ | ᠶᠡᠷᠦᠩᠭᠡᠶᠢᠯᠡᠨ ᠵᠠᠬᠢᠷᠤᠭᠴᠢ ᠡᠷᠭᠦᠮᠵᠢᠯᠡᠭᠳᠡᠨ᠂ ᠬᠡᠷᠡᠭ ᠶᠠᠪᠤᠳᠠᠯ ᠢ ᠲᠦᠭᠦᠮᠴᠢᠯᠡᠬᠦ ᠭᠡᠷᠭᠡᠮ ᠬᠦᠷᠳᠡᠵᠠᠢ᠃ 8 | ᠰᠠᠷᠠ ᠳᠤ ᠶᠤᠸᠠᠨ ᠤᠯᠤᠰ ᠪᠤᠯᠤᠳᠡᠮᠦᠷ ᠢᠶᠠᠷ ᠰᠢ ᠯᠢᠩ ᠭᠤᠸᠠᠨ ᠠᠴᠠ ᠤᠮᠠᠷᠠᠰᠢᠬᠢ ᠤᠷᠤᠨ ᠢ | ᠲᠠᠷᠤᠩᠭᠤᠶᠢᠯᠠᠨ ᠰᠠᠬᠢᠭᠤᠯᠵᠤ ᠂ ᠴᠠᠭᠠᠨᠳᠡᠮᠦᠷ ᠢᠶᠠᠷ ᠰᠢ ᠯᠢᠩ ᠭᠤᠸᠠᠨ ᠠᠴᠠ ᠡᠮᠦᠨᠡᠰᠢᠬᠢ ᠤᠷᠤᠨ ᠢ | ᠲᠠᠷᠤᠩᠭᠤᠶᠢᠯᠠᠨ ᠰᠠᠬᠢᠭᠤᠯᠵᠠᠢ᠃ 9 ᠰᠠᠷᠠ ᠳᠤ ᠪᠤᠯᠤᠳᠡᠮᠦᠷ ᠵᠢᠢ ᠨᠢᠩ ︵冀） ᠢ ᠪᠠᠶᠢᠯᠳᠤᠨ ᠠᠪᠬᠤ ᠶᠢ | ᠪᠤᠳᠤᠯᠬᠢᠯᠠᠨ ᠴᠡᠷᠢᠭ ᠲᠤᠮᠢᠯᠠᠨ ᠵᠢᠢ ᠨᠢᠩ ᠢ ᠭᠤᠷᠪᠠᠨ ᠡᠳᠦᠷ ᠪᠦᠰᠡᠯᠡᠭᠰᠡᠨ ᠤ ᠲᠠᠷᠠᠭᠠ ᠴᠡᠷᠢᠭ ᠪᠤᠴᠠᠭᠠᠨ | ᠠᠪᠴᠢᠷᠠᠵᠤ ᠵᠢᠶᠤᠤ ᠴᠧᠩ ᠳᠤ ᠲᠤᠰᠬᠤᠨᠴᠢᠯᠠᠨ ᠰᠠᠭᠤᠵᠠᠢ᠃ 10 ᠰᠠᠷᠠ ᠳᠤ ᠶᠤᠸᠠᠨ ᠤᠯᠤᠰ ᠵᠠᠷᠯᠢᠭ ᠢᠶᠠᠷ | ᠪᠤᠯᠦᠳᠡᠮᠦᠷ ᠢᠶᠠᠷ ᠵᠢᠢ ᠨᠢᠩ ᠢ ᠲᠠᠷᠤᠩᠭᠤᠶᠢᠯᠠᠨ ᠰᠠᠬᠢᠭᠤᠯᠤᠭᠰᠠᠨ ᠳᠤ ᠬᠦᠭᠡᠳᠡᠮᠦᠷ᠂ ᠳ᠋ᠤᠸᠠᠨ ᠰᠢᠩ ᠽᠦ ᠂ | ᠭᠤᠤ ᠲᠦᠸᠧ ᠨᠠᠷ ᠢ ᠲᠤᠮᠢᠯᠠᠨ ᠡᠰᠡᠷᠭᠦᠦ ᠲᠠᠯᠠ ᠠᠴᠠ ᠨᠢ ᠲᠤᠰ ᠬᠤᠳᠠᠨ ᠵᠦᠭ ᠢᠷᠡᠭᠰᠡᠨ ᠳᠤ ᠬᠤᠳᠠ | ᠰᠠᠬᠢᠭᠰᠠᠨ ᠴᠡᠷᠢᠭ ᠠᠷᠠᠳ ᠲᠡᠳᠡᠨᠡᠷ ᠢ ᠤᠷᠤᠭᠤᠯᠤᠭᠰᠠᠨ ᠦᠭᠡᠢ᠃ ᠡᠨᠡᠬᠦ ᠴᠢᠮᠡᠭᠡ ᠶᠢ ᠴᠠᠭᠠᠨᠳᠡᠮᠦᠷ | ᠰᠤᠨᠤᠰᠤᠭᠠᠳ ᠰᠦᠸᠧ ᠵᠦ ᠂ ᠴᠧᠩ ᠪᠢᠩ ᡁᠢ ᠨᠠᠷ ᠢ ᠴᠡᠷᠢᠭ ᠲᠠᠭᠠᠭᠤᠯᠤᠨ ᠢᠷᠡᠵᠦ ᠪᠤᠯᠢᠶᠠᠯᠳᠤᠭᠠᠳ | ᠪᠤᠯᠤᠳᠡᠮᠦᠷ ᠤᠨ ᠲᠤᠤᠷᠠᠬᠢ ᠲᠤᠯᠪᠠᠢ ᠳᠤ ᠢᠯᠠᠭᠳᠠᠵᠠᠢ᠃ | 1361 ᠤᠨ ᠤ ᠴᠠᠭᠠᠨ ᠰᠠᠷᠠ ᠳᠤ ᠶᠤᠸᠠᠨ ᠤ ᠲᠦᠷᠦ ᠠᠴᠠ ᠫᠢᠩ ᠵᠠᠩ ᠲᠠᠰᠳᠡᠮᠦᠷ ᠢ | ᠲᠤᠮᠢᠯᠠᠨ᠂ ᠴᠡᠷᠢᠭ ᠤᠨ ᠡᠷᠭᠡ ᠶᠢ ᠰᠤᠯᠠᠯᠠᠭᠰᠠᠨ ᠢ ᠲᠤᠩᠬᠠᠭᠯᠠᠭᠰᠠᠨ ᠳᠤ ᠪᠤᠯᠤᠳᠡᠮᠦᠷ ᠵᠠᠷᠯᠢᠭ ᠬᠦᠯᠢᠶᠡᠨ | ᠪᠤᠴᠠᠵᠠᠢ᠃ ᠤᠳᠠᠯ ᠦᠭᠡᠢ ᠵᠤᠨ ᠤ ᠤᠯᠠᠷᠢᠯ ᠳᠤ ᠪᠤᠯᠤᠳᠡᠮᠦᠷ ᠲᠠᠬᠢᠨᠳᠠ ᠪᠤᠤ ᠳ᠋ᠢᠩ᠂ ᠾᠧ ᠵᠢᠶᠠᠨ ᠢᠶᠠᠷ | ᠲᠤᠰᠬᠤᠨᠴᠢᠯᠠᠨ ᠲᠠᠷᠢᠶᠠᠯᠠᠵᠠᠢ᠃ | 1362 ᠤᠨ ᠳᠤ ᠤᠮᠠᠷᠠᠳᠤ ᠤᠷᠤᠨ ᠳᠤ ᠵᠠᠩ ᠯᠢᠶᠠᠩ ᠪᠢ ᠪᠤᠯᠤᠳᠡᠮᠦᠷ ᠲᠠᠢ ᠨᠦᠬᠦᠷᠰᠡᠵᠦ ᠂ | ᠯᠢ ᠰᠧ ᠴᠢ ᠨᠢ ᠴᠠᠭᠠᠨᠳᠡᠮᠦᠷ ᠲᠠᠢ ᠬᠤᠯᠪᠤᠭᠠᠯᠠᠨ ᠬᠠᠷᠢᠯᠴᠠᠨ ᠶᠡᠭᠡᠳᠡ ᠲᠡᠮᠡᠴᠡᠯ ᠪᠤᠯᠤᠭᠰᠠᠨ ᠲᠤᠬᠢᠶᠠᠯ ᠢᠶᠠᠷ | ᠮᠢᠩ ᠢᠦᠢ ᠵᠧᠨ ᠴᠧᠩᠳᠦ᠋ ᠶᠢ ᠡᠵᠡᠯᠡᠨ ᠸᠠᠩ ᠰᠠᠭᠤᠵᠠᠢ᠃ ᠶᠠᠭ ᠡᠨᠡ ᠲᠤᠬᠠᠢ ᠴᠠᠭᠠᠨᠳᠡᠮᠦᠷ ᠲᠤᠤᠷᠠᠬᠢ | ᠬᠦᠮᠦᠨ ᠳᠡᠭᠡᠨ ᠬᠤᠤᠷᠯᠠᠭᠳᠠᠭᠰᠠᠨ ᠳᠤ ᠲᠡᠵᠢᠭᠡᠭᠰᠡᠨ ᠭᠦᠭᠡᠭᠦᠨ ᠬᠦᠭᠡᠳᠡᠮᠦᠷ ᠨᠢ ᠡᠴᠢᠭᠡ ᠤᠨ ᠢᠶᠠᠨ | ᠬᠠᠷᠢᠶᠠᠳᠤ ᠶᠢ ᠲᠠᠭᠠᠭᠤᠯᠤᠨ ᠪᠤᠯᠦᠳᠡᠮᠦᠷ ᠯᠤᠭᠠ ᠦᠷᠭᠦᠯᠵᠢᠯᠡᠨ ᠲᠡᠮᠡᠴᠡᠵᠠᠢ᠃ ᠡᠮᠦᠨᠡᠳᠤ ᠤᠷᠤᠨ ᠳᠤ ᠵᠤ᠋ | ᠶᠤᠸᠠᠨ ᠵᠠᠩ ᠬᠢᠭᠡᠳ ᠴᠧᠨ ᠶᠢᠦ ᠯᠢᠶᠠᠩ ᠤᠨ ᠲᠠᠶᠢᠨ ᠡᠬᠢᠯᠡᠵᠦ ᠂ ᠪᠦᠬᠦ ᠤᠯᠤᠰ ᠭᠡᠰᠡᠭᠯᠡᠨ ᠡᠵᠡᠮᠰᠢᠭᠰᠡᠨ | ᠲᠠᠶᠢᠨ ᠤ ᠪᠠᠶᠢᠳᠠᠯ ᠳᠤ ᠤᠷᠤᠵᠠᠢ᠃ ᠵᠠᠩ ᠰᠢ ᠴᠧᠩ ᠨᠠᠷᠠ ᠲᠡᠭᠡᠷᠡ ᠪᠠᠨ ᠶᠤᠸᠠᠨ ᠤᠯᠤᠰ ᠲᠤ ᠲᠠᠭᠠᠭᠰᠠᠨ | ᠠᠴᠠ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠤᠸᠠᠶᠢᠨᠠᠨ ᠬᠢᠭᠡᠳ ᠬᠦᠭᠡᠮᠦ᠋ᠷᠡᠨ ᠤ ᠲᠤᠮᠳᠠᠳᠤ ᠲᠤᠤᠷᠠᠳᠤ ᠤᠷᠤᠰᠬᠠᠯ | ᠲᠠᠭᠤ ᠤᠷᠤᠨ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠡᠵᠡᠮᠰᠢᠭᠳᠡᠵᠦ ᠤᠮᠠᠷᠠᠳᠤ ᠤᠷᠤᠨ ᠳᠤ ᠤᠯᠠᠨ ᠢᠳᠡᠷᠭᠡᠭ ᠬᠡᠰᠡᠭᠯᠡᠨ | ᠡᠵᠡᠮᠰᠢᠵᠤ ᠬᠠᠷᠢᠯᠴᠠᠨ ᠲᠠᠶᠢᠳᠤᠭᠰᠠᠨ ᠪᠠᠶᠢᠳᠠᠯ ᠳᠤ ᠤᠷᠤᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠪᠤᠯᠤᠳᠡᠮᠦᠷ ᠴᠡᠷᠢᠭ | ᠲᠠᠭᠠᠭᠤᠯᠤᠨ ᠡᠮᠦᠨᠡ ᠶᠢ ᠲᠠᠶᠢᠯᠠᠬᠤ ᠶᠢ ᠭᠤᠶᠤᠴᠢᠯᠠᠭᠰᠠᠨ ᠴᠦ ᠴᠤᠤᠷᠢᠶᠠᠳᠤᠨ ᠲᠠᠭᠠᠬᠤ ᠬᠦᠮᠦᠨ ᠦᠭᠡᠢ | ᠪᠤᠯᠵᠠᠢ᠃ | 1363 ᠤᠨ ᠤ ᠬᠠᠪᠤᠷ ᠂ ᠭᠤᠸᠠᠨ ᠰᠢᠶᠠᠨ ᠱᠧᠩ ᠤᠨ ᠦᠯᠡᠳᠡᠭᠳᠡᠯ ᠬᠦᠴᠦᠨ ᠳ᠋ᠠ ᠨᠢᠩ ᠢ | ᠲᠠᠭᠠᠷᠢᠨ ᠡᠵᠡᠯᠡᠵᠦ ᠲᠠᠶᠢᠳᠤ ᠶᠢ ᠰᠦᠷᠳᠡᠭᠦᠯᠦᠭᠰᠡᠨ ᠳᠤ ᠪᠤᠯᠤᠳᠡᠮᠦᠷ ᠪᠠᠶᠢᠯᠳᠤᠨ ᠢᠯᠠᠵᠤ ᠪᠠᠭᠤᠯᠭᠠᠨ ᠠᠪᠴᠠᠢ᠃ | 3 ᠰᠠᠷᠠ ᠳᠤ ᠶᠤᠸᠠᠨ ᠤᠯᠤᠰ ᠵᠢᠢ ᠨᠢᠩ ᠯᠤ᠋ ᠳᠤ ᠮᠤᠵᠢ ᠪᠠᠶᠢᠭᠤᠯᠵᠠᠢ᠃ 5 ᠰᠠᠷᠠ ᠳᠤ ᠵᠠᠩ ᠰᠢ ᠴᠧᠩ | 30 ᠲᠦᠮᠡᠨ ᠴᠡᠷᠢᠭ ᠲᠠᠭᠠᠭᠤᠯᠤᠨ ᠵᠢᠩ ᠪᠠᠯᠭᠠᠰᠤᠨ ᠳᠤ ᠦᠢᠷᠳᠤᠵᠤ᠂ 6 ᠰᠠᠷᠠ ᠳᠤ ᠪᠤᠯᠤᠳᠡᠮᠦᠷ ᠵᠤᠤ | ᠪᠢᠴᠢᠭ ᠤᠨ ᠵᠠᠷᠯᠢᠭ ᠢᠶᠠᠷ ᠡᠮᠦᠨᠡᠰᠢ ᠲᠠᠶᠢᠯᠠᠬᠤ ᠪᠤᠯᠵᠤ ᠱᠠᠨᠰᠢ ᠶᠢ ᠦᠩᠭᠡᠷᠡᠵᠦ ᠡᠮᠦᠨᠡᠰᠢ ᠲᠠᠶᠢᠯᠠᠵᠤ ᠰᠢᠶᠠᠩ | ᠶᠠᠩ᠂ ᠬᠠᠨ ᠶᠠᠩ ᠤᠨ ᠭᠠᠵᠠᠷ ᠲᠤ ᠬᠠᠷᠰᠢ ᠰᠠᠭᠠᠳ ᠲᠤ ᠤᠴᠠᠷᠠᠬᠤ ᠶᠢᠨ ᠬᠠᠮᠳᠤ ᠂ ᠬᠦᠭᠡᠳᠡᠮᠦᠷ ᠤᠨ | ᠲᠤᠤᠷᠠᠬᠢ ᠵᠠᠩᠵᠤᠨ ᠲᠠᠯᠤ ᠯᠠᠨ ᠲᠢᠶᠠᠨ ᠳᠤ ᠲᠡᠭᠦᠨ ᠢ ᠰᠠᠭᠠᠳᠠᠭᠤᠯᠤᠭᠰᠠᠨ ᠳᠤ ᠲᠡᠷᠡᠪᠡᠷ ᠡᠵᠡᠨ | ᠲᠦᠷᠦ ᠳᠤ ᠲᠠᠯᠦ ᠨᠠᠷ ᠢ ᠲᠦᠩ ᠭᠤᠸᠠᠨ ᠠᠴᠠ ᠵᠡᠭᠦᠨᠰᠢ ᠰᠢᠯᠵᠢᠬᠦᠯᠬᠦ ᠶᠢ ᠱᠠᠭᠠᠷᠳᠠᠵᠠᠢ᠃ ᠡᠭᠦᠨ ᠤ | ᠵᠡᠷᠭᠡᠪᠡᠷ ᠪᠤᠯᠤᠳᠡᠮᠦᠷ ᠤᠨ ᠲᠤᠮᠢᠯᠠᠭᠰᠠᠨ ᠵᠤ᠋ ᠵᠧᠨ ᠲᠤᠬᠠᠢ ᠶᠢᠨ ᠤᠷᠤᠨ ᠤ ᠨᠤᠶᠠᠳ ᠲᠠᠢ ᠬᠤᠯᠪᠤᠭᠠᠯᠠᠨ | ᠮᠤᠵᠢ ᠶᠢᠨ ᠬᠤᠳᠠ ᠶᠢ ᠡᠵᠡᠮᠰᠢᠭᠰᠡᠨ ᠳᠤ ᠬᠦᠭᠡᠳᠡᠮᠦᠷ ᠴᠡᠷᠢᠭ ᠲᠤᠮᠢᠯᠠᠨ ᠵᠤ᠋ ᠵᠧᠨ ᠲᠠᠢ ᠪᠠᠶᠢᠯᠳᠤᠭᠤᠯᠤᠨ | ᠲᠡᠭᠦᠨ ᠢ ᠤᠷᠤᠭᠤᠯᠵᠤ ᠠᠪᠴᠠᠢ᠃ 7 ᠰᠠᠷᠠ ᠳᠤ ᠪᠤᠯᠤᠳᠡᠮᠦᠷ ᠰᠢᠶᠠᠩ ᠬᠠᠨ ᠢ ᠲᠠᠭᠠᠷᠢᠭᠰᠠᠨ ᠲᠠᠶᠢᠨ ᠢ | ᠲᠡᠭᠦᠰᠦᠮᠡᠭᠴᠨ ᠬᠦᠭᠡᠳᠡᠮᠦᠷ ᠂ ᠪᠤᠯᠤᠳᠡᠮᠦᠷ ᠢ ᠲᠠᠭᠠᠷᠢᠵᠠᠢ᠃ ᠡᠭᠦᠨ ᠳᠤ ᠪᠤᠯᠤᠳᠡᠮᠦᠷ ᠪᠢᠴᠢᠭ ᠡᠷᠭᠦᠵᠦ | ᠬᠦᠭᠡᠳᠡᠮᠦᠷ ᠤᠨ ᠲᠦᠰᠢᠮᠡᠯ ᠤᠨ ᠶᠤᠰᠤᠨ ᠢ ᠦᠯᠦ ᠲᠠᠭᠠᠭᠰᠠᠨ ᠢ ᠶᠠᠯᠯᠠᠬᠤ ᠶᠢ ᠱᠠᠭᠠᠷᠳᠠᠵᠠᠢ᠃ ᠭᠡᠳᠡᠯᠡ | ᠲᠠᠶᠢᠽᠢ ᠶᠢᠨ ᠲᠡᠮᠵᠢᠯᠭᠡ ᠶᠢ ᠤᠯᠤᠭᠰᠠᠨ ᠬᠦᠭᠡᠳᠡᠮᠦᠷ ᠤᠨ ᠬᠦᠴᠦᠨ ᠡᠳᠦᠷ ᠢᠷᠡᠬᠦᠶᠡ ᠪᠠᠳᠠᠷᠠᠵᠤ ᠂ ᠬᠠᠷᠢᠨ | ᠶᠤᠸᠠᠨ ᠤᠯᠤᠰ ᠡᠳᠦᠷ ᠢᠷᠡᠬᠦᠶᠡ ᠲᠤᠷᠤᠶᠢᠳᠠᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠡᠷᠭᠡ ᠠᠳᠬᠤᠭᠰᠠᠨ ᠨᠤᠶᠠᠳ ᠤᠨ | ᠤᠯᠠᠨᠩᠬᠢ ᠨᠢ ᠬᠢᠳᠠᠳ ᠨᠤᠶᠠᠳ ᠪᠤᠯᠵᠤ᠂ ᠵᠦᠪᠭᠡᠨ ᠪᠤᠯᠤᠳᠡᠮᠦᠷ ᠯᠡ ᠮᠤᠩᠭᠤᠯ ᠨᠤᠶᠠᠨ ᠮᠦᠷᠳᠡᠭᠡᠨ ᠬᠠᠮᠤᠭ | ᠤᠨ ᠭᠠᠷᠮᠠᠭᠠᠢ ᠴᠡᠷᠢᠭ ᠲᠠᠶᠢᠨ ᠤ ᠤᠳᠤᠷᠢᠳᠤᠭᠴᠢ ᠪᠠᠶᠢᠵᠠᠢ᠃ | 1364 ᠤᠨ ᠳᠤ ᠵᠤ᠋ ᠶᠤᠸᠠᠨ ᠵᠠᠩ ᠂ ᠴᠧᠨ ᠬᠠᠨ ᠢ ᠮᠦᠬᠦᠭᠡᠵᠦ ᠬᠦᠭᠡᠮᠦ᠋ᠷᠡᠨ ᠤ ᠲᠤᠮᠳᠠᠳᠤ | ᠤᠷᠤᠰᠬᠠᠯ ᠲᠠᠭᠠᠤ ᠤᠷᠤᠨ ᠢ ᠡᠷᠭᠡᠰᠢᠶᠡᠭᠰᠡᠨ ᠪᠠᠶᠢᠳᠠᠯᠠ ᠶᠤᠸᠠᠨ ᠤᠯᠤᠰ ᠤᠨ ᠬᠠᠭᠠᠨ ᠤ ᠨᠠᠮᠳᠠᠨ ᠬᠢᠭᠡᠳ | ᠲᠠᠶᠢᠽᠢ ᠶᠢᠨ ᠨᠠᠮᠳᠠᠨ ᠤ ᠲᠡᠮᠡᠴᠡᠯ ᠬᠠᠷᠢᠨ ᠰᠢᠷᠦᠭᠦᠰᠴᠠᠢ᠃ 3 ᠰᠠᠷᠠ ᠳᠤ ᠬᠤᠸᠠᠩ ᠲᠠᠶᠢᠽᠢ | ᠠᠶᠤᠰᠢᠷᠢᠳᠠᠷᠠ ᠲᠤᠭᠤᠭᠠᠨᠳᠡᠮᠦᠷ ᠬᠠᠭᠠᠨ ᠢ ᠠᠯᠪᠠᠳᠠᠨ ᠪᠤᠯᠤᠳᠡᠮᠦᠷ ᠤᠨ ᠴᠡᠷᠢᠭ ᠤᠨ ᠵᠡᠷᠭᠡ ᠭᠡᠷᠭᠡᠮ ᠢ | ᠠᠨᠤ ᠤᠭᠴᠠᠷᠠᠭᠤᠯᠵᠠᠢ᠃ 4 ᠰᠠᠷᠠ ᠳᠤ ᠶᠤᠸᠠᠨ ᠤ ᠲᠦᠷᠦ ᠪᠤᠯᠤᠳᠡᠮᠦᠷ ᠲᠤ ︽ᠵᠠᠷᠯᠢᠭ ᠲᠠᠭᠠᠭᠰᠠᠨ | ᠦᠭᠡᠢ︾ ᠬᠡᠮᠡᠬᠦ ᠶᠠᠯᠠ ᠲᠤᠯᠭᠠᠵᠤ ᠬᠤᠸᠠᠩ ᠲᠠᠶᠢᠽᠢ ᠠᠶᠤᠰᠢᠷᠢᠳᠠᠷᠠ ᠪᠡᠶᠡ ᠪᠠᠷ ᠢᠶᠠᠨ ᠲᠠᠶᠢᠯᠠᠬᠤ ᠶᠢᠨ | ᠬᠠᠮᠳᠤ ᠬᠦᠭᠡᠳᠡᠮᠦᠷ ᠢ ᠵᠠᠷᠯᠢᠭᠳᠠᠨ ᠴᠡᠷᠢᠭ ᠭᠠᠷᠭᠠᠭᠤᠯᠵᠠᠢ᠃ 5 ᠰᠠᠷᠠ ᠳᠤ ᠬᠦᠭᠡᠳᠡᠮᠦᠷ ᠭᠤᠷᠪᠠᠨ ᠵᠠᠮ ᠤᠨ | ᠬᠤᠷᠢᠨ ᠲᠦᠮᠡᠨ ᠴᠡᠷᠢᠭ ᠲᠤᠮᠢᠯᠠᠨ ᠪᠤᠯᠤᠳᠡᠮᠦᠷ ᠢ ᠲᠠᠭᠠᠷᠢᠭᠤᠯᠵᠤ ᠂ ᠬᠤᠸᠠᠩ ᠲᠠᠶᠢᠽᠢ ᠲᠠᠶᠢᠳᠤ ᠬᠤᠳᠠᠨᠠ | ᠡᠭᠡᠵᠠᠢ᠃ | 7 ᠰᠠᠷᠠ ᠳᠤ ᠬᠦᠭᠡᠳᠡᠮᠦᠷ ᠬᠢᠭᠡᠳ ᠪᠤᠯᠤᠳᠡᠮᠦᠷ ᠲᠠᠶᠢᠳᠤ ᠬᠤᠳᠠ ᠤᠷᠴᠢᠮ ᠶᠡᠭᠡᠯᠡ ᠪᠠᠶᠢᠯᠳᠤᠵᠤ | ᠶᠢᠰᠦ ᠪᠤᠯᠤᠳᠡᠮᠦᠷ ᠲᠤ ᠲᠠᠭᠠᠵᠤ ᠬᠦᠭᠡᠳᠡᠮᠦᠷ ᠬᠢᠭᠡᠳ ᠲᠠᠶᠢᠽᠢ ᠶᠢᠨ ᠴᠡᠷᠢᠭ ᠠᠰᠢᠭ ᠠᠯᠳᠠᠵᠤ ᠵᠢᠢ ᠨᠢᠩ | ᠵᠦᠭ ᠤᠬᠤᠷᠢᠨ ᠂ ᠪᠤᠯᠤᠳᠡᠮᠦᠷ ᠵᠢᠩ ᠬᠤᠳᠠᠨᠠ ᠤᠷᠤᠵᠠᠢ᠃ | 8 ᠰᠠᠷᠠ ᠳᠤ ᠶᠤᠸᠠᠨ ᠤ ᠲᠦᠷᠦ ᠠᠴᠠ ᠪᠤᠯᠤᠳᠡᠮᠦᠷ ᠢ ᠪᠠᠷᠠᠭᠤᠨ ᠭᠠᠷᠤᠨ ᠴᠧᠩᠰᠢᠶᠠᠩ | ᠡᠷᠭᠦᠮᠵᠢᠯᠡᠵᠦ ᠪᠤᠯᠤᠳᠡᠮᠦᠷ ᠵᠠᠰᠠᠭ ᠠᠳᠬᠤᠵᠠᠢ᠃ ᠪᠤᠯᠤᠳᠡᠮᠦᠷ ᠵᠠᠰᠠᠭ ᠠᠳᠬᠤᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ | ᠨᠢᠭᠡ ᠪᠦᠯᠦᠭ ᠠᠷᠠᠳ ᠲᠦᠮᠡᠨ ᠳᠤ ᠠᠰᠢᠭᠳᠠᠢ ᠮᠦᠷᠳᠡᠭᠡᠨ ᠨᠤᠶᠠᠷᠬᠠᠯ ᠤᠨ ᠲᠢᠭᠯᠢᠮ ᠢᠶᠠᠨ ᠰᠡᠷᠭᠦᠭᠡᠬᠦ ᠳᠤ | ᠠᠰᠢᠭᠳᠠᠢ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠲᠤᠭᠳᠠᠭᠠᠵᠠᠢ᠃ ᠭᠡᠳᠡᠯᠡ ᠠᠷᠠᠶᠢᠬᠠᠨ ᠨᠢᠭᠡᠨ ᠤᠨ ᠪᠤᠯᠤᠭᠰᠠᠨ ᠦᠭᠡᠢ | ᠵᠠᠰᠠᠭ ᠠᠳᠬᠤᠭᠰᠠᠨ ᠬᠤᠭᠤᠴᠠᠭᠠ ᠨᠢ ᠶᠤᠸᠠᠨ ᠤᠯᠤᠰ ᠤᠨ ᠬᠤᠪᠢ ᠵᠢᠶᠠᠭᠠ ᠶᠢ ᠭᠡᠷᠬᠢᠨ ᠬᠤᠪᠢᠷᠭᠠᠵᠤ ᠴᠢᠳᠠᠬᠤ | ᠪᠢᠯᠡ ᠃ | 1365 ᠤᠨ ᠤ ᠡᠬᠢ ᠪᠠᠷ ᠬᠤᠸᠠᠩ ᠲᠠᠶᠢᠽᠢ ᠠᠶᠤᠰᠢᠷᠢᠳᠠᠷᠠ ᠬᠢᠭᠡᠳ ᠭᠦᠭᠡᠳᠡᠮᠦᠷ ᠨᠠᠷ ᠲᠠᠬᠢᠨᠳᠠ | ᠪᠤᠯᠤᠳᠡᠮᠦᠷ ᠢ ᠲᠠᠭᠠᠷᠢᠵᠤ᠂ 4 ᠰᠠᠷᠠ ᠳᠤ ᠳ᠋ᠠ ᠲᠦᠩ ᠢ ᠲᠠᠭᠠᠷᠢᠨ ᠡᠵᠡᠯᠡᠭᠰᠡᠨ ᠳᠤ ᠪᠤᠯᠤᠳᠡᠮᠦᠷ ᠶᠢᠰᠦ ᠶᠢ | ᠲᠤᠮᠢᠯᠠᠨ ᠤᠭᠳᠤᠨ ᠪᠠᠶᠢᠯᠳᠤᠭᠤᠯᠤᠭᠰᠠᠨ ᠳᠤ ᠶᠢᠰᠦ ᠭᠡᠳᠡᠷᠭᠦᠦ ᠲᠡᠭᠡᠨ ᠬᠤᠸᠠᠩ ᠲᠠᠶᠢᠽᠢ ᠳᠤ ᠲᠠᠭᠠᠵᠠᠢ᠃ | 7 ᠰᠠᠷᠠ ᠳᠤ ᠶᠤᠸᠠᠨ ᠱᠦᠨ ᠳ᠋ᠢ ᠬᠠᠭᠠᠨ ᠬᠦᠮᠦᠨ ᠲᠤᠮᠢᠯᠠᠨ ᠪᠤᠯᠤᠳᠡᠮᠦᠷ ᠢ ᠬᠤᠤᠷᠯᠠᠵᠠᠢ᠃ |