| | ᠶᠡᠭᠡ ᠶᠤᠸᠠᠨ ᠤᠯᠤᠰ ᠤᠨ ᠳᠡᠭᠡᠲᠤ ᠨᠠᠶᠢᠰᠯᠠᠯ ᠱᠠᠩᠲᠤ ᠬᠤᠲᠠ ᠶᠢᠨ ᠪᠠᠭᠤᠷᠢ ᠳᠡᠯᠡᠭᠡᠢ ᠶᠢᠨ ᠰᠤᠶᠤᠯ ᠤᠨ | ᠦᠪ ᠢᠶᠠᠷ ᠪᠦᠷᠢᠳᠬᠡᠨ ᠲᠡᠮᠳᠡᠭᠯᠡᠭᠳᠡᠵᠤ ᠪᠠᠶᠠᠷᠯᠠᠨ ᠪᠡᠯᠬᠡᠯᠡᠬᠦ ᠦᠶᠡᠰ ᠪᠢᠳᠡ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠤᠰ ᠳᠡᠯᠡᠭᠡᠢ ᠶᠢᠨ | ᠬᠦᠭᠵᠢᠯ ᠢ ᠲᠦᠯᠬᠢᠨ ᠠᠬᠢᠭᠤᠯᠬᠤ ᠪᠤᠯᠪᠠᠰᠤᠨ ᠤ ᠤᠢᠢᠯᠡᠰ ᠲᠤ ᠶᠠᠮᠠᠷ ᠶᠠᠮᠠᠷ ᠨᠡᠮᠡᠷᠢ ᠬᠠᠨᠳᠢᠪ ᠡᠭᠦᠳᠤᠨ | ᠪᠦᠲᠦᠭᠡᠭᠰᠡᠨ ᠢ ᠠᠭᠤᠳᠠᠯᠯᠠᠨ ᠭᠠᠷᠭᠠᠵᠤ᠂ ᠪᠦᠷᠢᠳᠭᠡᠨ ᠵᠢᠭᠰᠠᠭᠠᠵᠤ᠂ ᠰᠤᠳᠤᠯᠤᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠬᠦᠨᠳᠤ | ᠡᠭᠦᠷᠬᠡ ᠲᠡᠤᠭᠡᠨ ᠲᠠᠪᠢᠯᠠᠩ ᠢᠶᠠᠷ ᠮᠠᠨ ᠤ ᠮᠦᠷᠤᠨ ᠳᠡᠭᠡᠷᠠ ᠲᠠᠯᠪᠢᠭᠳᠠᠭᠰᠠᠨ ᠶᠤᠮ᠃ | ︽ᠶᠤᠸᠠᠨ ᠤ ᠲᠡᠤᠭᠡ︾ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠤᠳᠤ ᠠᠴᠠ ᠨᠡᠢᠮᠡᠨ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠡᠮᠦᠨᠠ | ᠬᠤᠪᠢᠯᠠᠢ ᠬᠠᠭᠠᠨ ᠤ ᡁᠢ ᠶᠤᠸᠠᠨ ᠤ ᠨᠠᠢᠮᠠᠳᠤᠭᠠᠷ ᠤᠨ ︵1271 ᠤᠨ︶ ᠳᠤ ᠬᠠᠭᠠᠨ ᠵᠠᠷᠯᠢᠭ ᠪᠠᠭᠤᠯᠭᠠᠨ᠂ | ᠨᠠᠶᠢᠰᠯᠠᠯ ᠬᠤᠲᠠᠨᠠ ᠮᠤᠩᠭᠤᠯ ᠬᠦᠷᠦᠨ ᠤ ᠬᠦᠪᠡᠬᠦᠳ ᠤᠨ ᠰᠤᠷᠭᠠᠭᠤᠯᠢ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠪᠦᠭᠡᠳ ᠡᠯᠠ | ᠴᠦᠯᠭᠡ ᠳᠤ ᠪᠠᠰᠠ ᠠᠯᠪᠠᠨ ᠤ ᠰᠤᠷᠭᠠᠭᠤᠯᠢ ᠶᠢ ᠪᠠᠶᠢᠭᠤᠯᠵᠤ᠂ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ | ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠰᠢᠰᠲᠧᠮ ᠢ ᠪᠦᠷᠢᠯᠳᠤᠬᠦᠯᠵᠤ᠂ ᠦᠷᠠ ᠬᠡᠤᠭᠡᠳ ᠡᠷᠳᠡᠮᠳᠡᠨ | ᠴᠢᠳᠠᠪᠤᠷᠢᠲᠡᠨ ᠢ ᠬᠦᠮᠦᠵᠢᠬᠦᠯᠬᠦ ᠴᠤᠭᠴᠠ ᠶᠢ ᠪᠦᠷᠢᠯᠳᠤᠬᠦᠯᠪᠡ᠃ ᠨᠡᠩ ᠢᠯᠠᠩᠭᠤᠶᠠ ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠭᠡᠷ | ᠪᠦᠯᠢ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠵᠢᠭᠭᠡᠨ ᠬᠦᠷᠢᠶᠠᠨ ᠠᠴᠠ ᠴᠢᠯᠦᠭᠡᠯᠡᠵᠤ᠂ ᠠᠯᠪᠠᠨ ᠤ ᠰᠤᠷᠭᠠᠭᠤᠯᠢ ᠪᠤᠯᠭᠠᠨ | ᠦᠭᠡᠷᠡᠴᠢᠯᠠᠨ ᠡᠷᠬᠢᠯᠡᠭᠰᠡᠨ ᠨᠢ ᠳᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠤᠭᠡᠨ ᠳᠤ ᠠᠩᠬᠠᠳᠠᠭᠴᠢ ᠬᠡᠵᠤ ᠬᠡᠯᠡᠬᠦ ᠳᠤ ᠠᠬᠠᠳᠠᠬᠤ | ᠦᠭᠡᠢ ᠪᠠᠶᠢᠬᠠ᠃ ᠰᠤᠷᠭᠠᠭᠤᠯᠢ ᠡᠷᠬᠢᠯᠡᠭᠰᠡᠨ ᠬᠦᠷᠢᠶᠠ ᠬᠡᠪᠴᠢᠶᠠ᠂ ᠡᠯᠰᠡᠭᠰᠡᠨ ᠰᠤᠷᠤᠭᠴᠢ ᠶᠢᠨ ᠢᠷᠡᠯᠲᠡ᠂ | ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ ᠬᠢᠴᠢᠶᠠᠯ ᠤᠨ ᠠᠭᠤᠯᠭᠠ᠂ ᠵᠢᠭᠠᠭᠰᠠᠨ ᠶᠠᠰᠤ ᠴᠢᠨᠠᠷ ᠪᠦᠷ ᠲᠡᠤᠭᠡ ᠶᠢᠨ ᠰᠢᠨᠠ ᠡᠷᠡᠨ | ᠦᠶᠠ ᠳᠤ ᠲᠡᠪᠰᠢᠨ ᠤᠷᠤᠵᠤ᠂ ᠶᠤᠸᠠᠨ ᠤᠯᠤᠰ ᠤᠨ ᠪᠠᠳᠠᠷᠠᠯ ᠬᠦᠭᠵᠢᠯ ᠤᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠰᠠᠨ ᠪᠢᠯᠡ᠃ | ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠶᠠᠰᠤ ᠴᠢᠨᠠᠷ ᠤᠨ ᠵᠠᠩᠬᠢᠯᠠᠭᠠ ᠪᠤᠯ ᠪᠠᠭᠰᠢ ᠪᠤᠯᠤᠨᠠ᠃ ᠲᠤᠬᠠᠢ ᠶᠢᠨ ᠦᠶᠡᠰ ᠪᠠᠭᠰᠢᠯᠠᠬᠤ | ᠬᠦᠮᠦᠨ ᠵᠠᠪᠠᠯ ᠵᠢᠭᠠᠨ ᠰᠤᠷᠭᠠᠵᠤ ᠴᠢᠳᠠᠬᠤ ᠡᠷᠳᠡᠮ ᠰᠤᠶᠤᠯ ᠤᠨ ᠬᠢᠷᠢ ᠬᠡᠮ ᠲᠠᠢ ᠪᠠᠶᠢᠬᠤ᠂ ᠡᠷᠳᠡᠮᠳᠡᠨ | ᠴᠢᠳᠠᠪᠤᠷᠢᠲᠡᠨ ᠬᠦᠮᠦᠵᠢᠬᠦᠯᠵᠤ ᠴᠢᠳᠠᠬᠤ ᠶᠤᠰᠤ ᠮᠤᠷᠡᠯ ᠤᠨ ᠬᠢᠷᠢ ᠬᠡᠮ ᠲᠠᠢ ᠪᠠᠶᠢᠬᠤ ᠶᠢ ᠳᠤᠳᠤᠷᠬᠠᠢ | ᠲᠤᠭᠲᠠᠭᠠᠭᠰᠠᠨ ᠶᠠᠪᠤᠳᠠᠯ ᠨᠢ ᠤᠳ᠋᠊ ᠤ᠊ ᠦᠶᠠ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠰᠠᠭᠤᠷᠢ ᠶᠢ ᠠᠩᠬᠠ ᠲᠠᠯᠪᠢᠭᠰᠠᠨ | ᠪᠤᠶᠤ᠃ ᠲᠦᠷᠦ ᠬᠦᠷᠦᠨ ᠤ ᠰᠤᠯᠢᠭᠳᠠᠯ᠂ ᠲᠡᠤᠭᠡ ᠶᠢᠨ ᠨᠦᠬᠦᠴᠡᠯ ᠰᠢᠯᠲᠠᠭᠠᠨ ᠠᠴᠠ ᠪᠤᠯᠤᠭᠠᠳ ᠪᠠᠭᠰᠢ ᠶᠢᠨ ᠬᠢᠷᠢ | ᠬᠡᠮ ᠢ ᠲᠤᠭᠲᠠᠭᠠᠬᠤ ᠴᠤᠯᠠ ᠤᠯᠭᠤᠬᠤ ᠶᠠᠪᠤᠳᠠᠯ ᠤᠳᠤ ᠰᠠᠶ᠋ᠢ ᠦᠨᠡᠨ ᠪᠠᠶᠡᠯᠡᠭᠳᠡᠵᠤ ᠪᠠᠶᠢᠭᠠ᠃ ᠬᠡᠯᠡ᠂ ᠦᠰᠦᠭ | ᠪᠢᠴᠢᠭ ᠪᠤᠯ ᠰᠤᠷᠭᠠᠨ ᠬᠦᠮᠦᠵᠢᠯ ᠶᠠᠪᠤᠭᠤᠯᠬᠤ᠂ ᠡᠷᠳᠡᠮ ᠮᠡᠳᠡᠯᠭᠡ ᠲᠦᠭᠡᠮᠡᠯᠵᠢᠬᠦᠯᠬᠦ ᠵᠠᠭᠤᠴᠢ ᠶᠤᠮ᠃ ᠶᠤᠸᠠᠨ | ᠤᠯᠤᠰ ᠲᠦᠷᠪᠡᠯᠵᠢᠨ ᠦᠰᠦᠭ ︵ᠫᠠᠭᠪᠠ ᠦᠰᠦᠭ ︶ ᠢ ᠵᠤᠬᠢᠶᠠᠵᠤ᠂ ᠤᠯᠤᠰ ᠤᠨ ᠬᠠᠷᠢᠶᠠᠨ ᠳᠤ ᠪᠠᠭᠲᠠᠭᠰᠠᠨ ᠡᠯᠠ | ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ᠂ ᠤᠪᠤᠭ ᠤᠭᠰᠠᠭᠠᠲᠠᠨ ᠢ ᠨᠢᠭᠡ ᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠷ ᠰᠤᠷᠭᠠᠨ ᠬᠦᠮᠦᠵᠢᠬᠦᠯᠵᠤ᠂ | ᠬᠡᠯᠡ ᠨᠡᠪᠳᠡᠷᠡᠬᠦᠯᠬᠦ ᠪᠠᠷ ᠵᠤᠷᠢᠭᠰᠠᠨ ᠶᠠᠪᠤᠳᠠᠯ ᠪᠤᠯ ᠤᠷᠢᠲᠤ ᠭᠠᠷᠤᠭᠠᠲᠤᠢ ᠶᠡᠭᠡ ᠨᠢᠭᠡᠳᠤᠯ᠂ ᠶᠡᠭᠡ ᠲᠠᠪᠰᠢᠯᠲᠠ ᠶᠢ | ᠲᠤᠰᠬᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠳᠡᠯᠡᠭᠡᠶᠢᠵᠢᠬᠦ ᠤᠢᠢᠯᠡᠰ ᠤᠨ ᠡᠬᠢᠨ ᠤ ᠠᠯᠬᠤᠮ ᠢ ᠲᠤᠷᠰᠢᠨ ᠠᠯᠬᠤᠭᠰᠠᠨ | ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠲᠦᠷᠪᠡᠯᠵᠢᠨ ᠦᠰᠦᠭ ᠨᠢ ᠬᠡᠳᠦ᠋ᠢᠪᠡᠷ ᠲᠦᠭᠡᠮᠡᠯᠵᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠳᠤᠮᠳᠠᠳᠤ | ᠤᠯᠤᠰ ᠤᠨ ᠨᠤᠳᠤᠭ ᠳᠡᠪᠢᠰᠭᠡᠷ ᠳᠡᠭᠡᠷᠠ ᠤᠷᠤᠰᠢᠬᠤ ᠤᠷᠤᠨ ᠵᠠᠢ ᠪᠠᠨ ᠠᠯᠳᠠᠭᠰᠠᠨ ᠪᠤᠯᠪᠠᠴᠤ ᠳᠡᠯᠡᠭᠡᠢ ᠶᠢᠨ | ᠰᠤᠶᠤᠯ ᠤᠨ ᠳᠡᠪᠴᠡᠩ ᠠᠴᠠ ᠪᠦᠷᠢᠮᠦᠰᠤᠨ ᠠᠷᠢᠯᠵᠤ ᠤᠰᠠᠳᠤᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠰᠤᠯᠤᠩᠭᠤᠰ ᠦᠰᠦᠭ | ᠪᠢᠴᠢᠭ ᠲᠤ ᠨᠠᠮᠠᠷᠢᠯᠠᠨ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠪᠠᠶᠢᠭᠠ ᠶᠢ ᠰᠤᠯᠤᠩᠭᠤᠰ ᠤᠨ ᠡᠷᠳᠡᠮᠳᠡᠨ ᠬᠡᠯᠡᠭᠰᠡᠨ ᠪᠢᠯᠡ᠃ | ᠮᠤᠩᠭᠤᠯ ᠬᠠᠭᠠᠨ ᠲᠦᠷᠦ ᠶᠢᠨ ᠰᠢᠳᠡᠷ ᠴᠡᠷᠢᠭ ᠶᠠᠪᠤᠭᠰᠠᠨ ᠴᠠᠬᠠᠷᠴᠤᠤᠯ ᠠᠯᠢ ᠴᠤ ᠲᠦᠷᠦ ᠬᠦᠷᠦᠨ ᠤ | ᠦᠶᠠ ᠳᠤ ᠴᠠᠭ ᠲᠤᠬᠢᠶᠠᠯ ᠢ ᠵᠠᠪᠳᠤᠨ ᠠᠯᠪᠠᠨ ᠤ ᠰᠤᠷᠭᠠᠭᠤᠯᠢ ᠡᠷᠬᠢᠯᠡᠵᠤ ᠦᠷᠠ ᠬᠤᠶᠢᠴᠢᠰ ᠢᠶᠠᠨ ᠬᠦᠮᠦᠵᠢᠬᠦᠯᠵᠤ | ᠡᠷᠳᠡᠮᠳᠡᠨ ᠴᠢᠳᠠᠪᠤᠷᠢᠲᠡᠨ ᠪᠤᠯᠭᠠᠬᠤ ᠶᠢ ᠶᠠᠷᠤ ᠠᠴᠠ ᠤᠮᠳᠤᠭᠠᠢᠢᠯᠠᠭᠰᠠᠨ ᠦᠭᠡᠢ᠃ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ | ᠬᠤᠲᠠᠨ ᠳᠤ ᠮᠤᠩᠭᠤᠯ ᠲᠦᠪᠡᠳ ᠤᠨ ᠰᠤᠷᠭᠠᠭᠤᠯᠢ᠂ ᠭᠡᠷᠡᠯᠲᠤ ᠪᠢᠴᠢᠭ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ ᠬᠠᠷᠠ | ᠪᠠᠯᠭᠠᠰᠤ ᠳᠠᠬᠢ ᠮᠤᠩᠭᠤᠯ ᠢ ᠮᠠᠨᠳᠤᠭᠤᠯᠬᠤ ᠵᠠᠯᠠᠭᠤᠰ ᠤᠨ ᠰᠤᠷᠭᠠᠭᠤᠯᠢ᠂ ᠦᠬᠢᠳ ᠤᠨ ᠰᠤᠷᠭᠠᠭᠤᠯᠢ᠂ ᠴᠠᠬᠠᠷ | ᠮᠢᠩᠭᠠᠨ᠂ ᠲᠠᠶᠢᠹᠤᠰᠧ᠂ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠶᠠᠮᠤᠨ ᠨᠠᠭᠤᠷ ᠲᠠᠬᠢ ᠪᠦᠷᠢᠨ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢ ᠪᠠᠶᠢᠭᠤᠯᠵᠤ᠂ ᠮᠠᠩᠨᠤᠭ ᠲᠠᠯᠠ ᠳᠤ ᠰᠤᠶᠤᠯ ᠤᠨ ᠦᠶᠠ ᠶᠢ ᠰᠠᠴᠤᠵᠤ ᠮᠠᠯᠴᠢᠨ ᠤ | ᠭᠡᠤᠭᠡᠳ ᠲᠤ ᠪᠢᠯᠢᠭ ᠤᠨ ᠨᠢᠳᠤ ᠤᠯᠭᠤᠭᠰᠠᠨ ᠶᠤᠮ᠃ ᠲᠡᠤᠭᠡᠨ ᠳᠡᠭᠡᠷᠠ ᠭᠡᠳᠦᠭᠡᠨ ᠮᠢᠩᠭᠠᠨ ᠬᠦᠮᠦᠨ ᠠᠮᠨ ᠲᠠᠢ | ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠠᠴᠠ ᠭᠠᠵᠠᠷ ᠵᠦᠢ᠂ ᠰᠤᠷᠭᠠᠨ ᠬᠦᠮᠦᠵᠢᠯ᠂ ᠤᠳᠤᠨ ᠤᠷᠤᠨ ᠤ ᠤᠬᠠᠭᠠᠨᠳᠠᠨ᠂ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠰᠦᠩ ᠶᠦᠨ ᠵᠡᠷᠬᠡ ᠡᠷᠳᠡᠮᠳᠡᠨ ᠴᠤᠯᠭᠤᠷᠡᠨ ᠭᠠᠷᠴᠤ᠂ ᠲᠤᠬᠠᠢ ᠶᠢᠨ ᠵᠠᠰᠠᠭ ᠲᠦᠷᠦ ᠳᠤ | ᠤᠢᠢᠯᠡᠴᠢᠯᠡᠭᠰᠡᠨ ᠶᠤᠮ᠃ ᠳᠠᠭᠡᠷᠠ ᠵᠠᠭᠤᠨ ᠤ ᠭᠤᠴᠢ ᠲᠦᠴᠢᠭᠡᠳ ᠤᠨ᠋ ᠳᠤ ᠪᠢᠴᠢᠭ ᠤᠨ ᠶᠡᠭᠡ ᠬᠦᠮᠦᠨ᠂ | ᠦᠨᠳᠦᠰᠦᠲᠡᠨ ᠢᠶᠠᠨ ᠰᠡᠩᠭᠡᠷᠡᠬᠦᠯᠦᠭᠴᠢ ᠰᠤᠷᠭᠠᠨ ᠬᠦᠮᠦᠵᠢᠯᠲᠠᠨ᠂ ᠢᠷᠠᠭᠤ ᠨᠠᠢᠷᠠᠭᠴᠢ ᠨ᠊ · ᠰᠠᠶᠢᠨᠴᠤᠭᠲᠤ᠂ | ᠪᠠᠶᠠᠰᠬᠤᠯᠠᠩ᠂ ᠮᠠᠭᠠᠳᠪᠦ᠋ᠷᠢᠨ ᠨᠡᠷ ᠤᠯᠤᠰ ᠤᠨ ᠳᠤᠳᠤᠨᠠ ᠭᠠᠳᠠᠨᠠ ᠰᠤᠷᠤᠯᠴᠠᠵᠤ᠂ ᠨᠢᠳᠤ ᠨᠡᠭᠡᠭᠡᠭᠡᠳ ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠪᠠᠨ ︽ᠵᠠᠮᠪᠠᠭᠠ ᠳᠤ ᠳᠠᠷᠤᠭᠳᠠᠭᠰᠠᠨ ᠨᠢᠯᠬᠠ ᠨᠤᠭᠤᠭᠠ︾ ᠪᠤᠯᠤᠭᠰᠠᠨ ᠢ ᠤᠯᠵᠤ ᠲᠠᠨᠢᠵᠤ ︽ | ᠰᠠᠭᠠᠯᠢᠴᠢᠨ ᠬᠤᠶᠠᠷ ᠳᠡᠭᠦᠤ︾ ᠪᠠᠨ ᠪᠤᠰᠴᠤ ᠵᠤᠭᠰᠤᠨ ᠡᠵᠡᠨ ᠤ ᠪᠠᠶᠢᠷᠢ ᠤᠯᠬᠤ ᠶᠢ ᠤᠷᠢᠶᠠᠯᠠᠭᠰᠠᠨ ᠪᠦᠯᠦᠭᠡ︕ | ᠲᠡᠭᠡᠭᠡᠳ ︽ᠠᠯᠳᠠᠨ ᠰᠢᠷᠭᠠᠯ ᠡᠯᠡᠰᠤᠨ︾ ᠨᠤᠳᠤᠭ ᠲᠠᠭᠠᠨ ᠠᠳᠠᠭᠠᠲᠠᠨ ᠳᠠᠶᠢᠰᠤᠨ ᠤ ᠳᠠᠷᠤᠯᠠᠯ ᠢ ᠪᠠᠶᠢᠯᠭᠠᠬᠤ | ᠦᠭᠡᠢ ᠶᠢᠨ ᠲᠦᠯᠦᠭᠡ ᠪᠢᠷ ᠠᠳᠬᠤᠨ ᠪᠠᠶᠢᠯᠳᠤᠭᠰᠠᠨ ᠶᠤᠮ᠃ ᠮᠠᠯᠴᠢᠨ ᠭᠤᠮᠪᠤ ᠶᠢᠨ ᠵᠠᠮᠰᠦ᠋ᠷᠦᠩᠵᠠᠪ ᠠᠭᠳᠠ | ᠮᠤᠷᠢ ᠪᠠᠨ ᠤᠨᠤᠵᠤ ᠠᠷᠠᠳ ᠤᠨ ᠴᠡᠷᠢᠭ ᠲᠤ ᠮᠤᠷᠳᠡᠨ᠂ ᠡᠬᠡ ᠤᠷᠤᠨ ᠢᠶᠠᠨ ᠴᠢᠯᠦᠭᠡᠯᠡᠬᠦ ᠤᠢᠢᠯᠡᠰ ᠲᠤ ᠬᠦᠴᠤᠨ | ᠵᠢᠳᠬᠦᠯ ᠢᠶᠠᠨ ᠦᠵᠡᠬᠦᠯᠵᠤ᠂ ᠴᠡᠷᠢᠭ ᠤᠨ ᠡᠮᠦᠨᠠ ᠹᠷᠤᠨᠲ ᠶᠢᠨ ᠤᠬᠠᠭᠤᠯᠬᠤ ᠠᠩᠬᠢ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠬᠤ | ᠬᠤᠭᠤᠴᠠᠭᠠᠨ ᠳᠠᠭᠠᠨ ︽ᠮᠤᠷᠢ ᠮᠢᠨᠢ︾ ᠬᠡᠬᠦ ᠳᠠᠭᠤᠤ ᠶᠢᠨ ᠦᠭᠡ ᠠᠶᠠ ᠶᠢ ᠦᠪᠡᠷᠲᠡᠭᠡᠨ ᠵᠤᠬᠢᠶᠠᠭᠰᠠᠨ ᠶᠤᠮ᠃ | ᠲᠤᠰ ᠳᠠᠭᠤᠤ ᠨᠢ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠤᠯᠤᠰ ᠤᠷᠤᠨ ᠤ ᠬᠠᠮᠤᠭ ᠦᠨᠳᠦᠷ ᠱᠠᠩᠨᠠᠯ ᠢ ᠲᠤᠰᠤᠭᠰᠠᠨ ᠪᠦᠭᠡᠳ | ᠮᠤᠰᠺᠧᠨ ᠳᠤ ᠪᠤᠯᠤᠭᠰᠠᠨ ᠳᠡᠯᠡᠭᠡᠢ ᠶᠢᠨ ᠳᠠᠭᠤᠤ ᠬᠦᠭᠵᠢᠮ ᠤᠨ ᠦᠳᠡᠰᠢᠯᠡᠭᠡ ᠳᠤ ᠤᠷᠤᠯᠴᠠᠨ᠂ ᠬᠦᠷᠡᠯ ᠮᠧᠲᠡᠯ | ᠲᠤᠰᠤᠭᠰᠠᠨ ᠢᠷᠡᠭᠤ ᠠᠯᠳᠠᠷ ᠲᠠᠢ ᠪᠢᠯᠡ᠃ ᠡᠨᠡ ᠪᠤᠯ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠠᠴᠠ ᠳᠡᠯᠡᠭᠡᠢ ᠶᠢᠨ | ᠱᠠᠩᠨᠠᠯ ᠢ ᠳᠤᠰᠤᠭᠰᠠᠨ ᠠᠩᠬᠠᠨ ᠤ ᠬᠦᠮᠦᠨ ᠶᠤᠮ᠃ ᠲᠠᠬᠢᠪᠠᠯ ᠲᠤᠷᠵᠢᠶᠤᠩᠷᠤᠨ ᠤ ︽ᠬᠤᠨᠢ︾ ᠬᠡᠬᠦ ᠳᠠᠭᠤᠤ᠂ ᠳ᠋᠊ | · ᠵᠢᠭᠮᠢᠳᠰᠠᠷᠡᠩ ᠤᠨ ︽ᠦᠭᠡᠷ︾ ᠬᠡᠬᠦ ᠳᠠᠭᠤᠤ ᠴᠤ ᠤᠯᠤᠰ ᠤᠷᠤᠨ ᠤ ᠳᠡᠭᠡᠲᠤ ᠱᠠᠩᠨᠠᠯ ᠢ ᠲᠤᠰᠴᠤ᠂ ᠤᠯᠤᠰ | ᠳᠠᠶᠠᠭᠠᠷ ᠳᠠᠭᠤᠯᠠᠭᠳᠠᠭᠰᠠᠨ ᠪᠢᠯᠡ᠃ ᠱ᠊ · ᠵᠠᠮᠪᠠᠯᠵᠠᠪ ︽ᠱᠠᠩᠲᠤ ᠶᠢᠨ ᠰᠢᠷᠠ ᠲᠠᠯᠠ︾᠂ ︽ᠲᠠᠯᠠ ᠶᠢᠨ | ᠠᠭᠤᠳᠠᠮ︾᠂ ︽ᠪᠢᠯᠭᠡ ᠶᠢᠨ ᠤᠪᠤᠭᠠ︾᠂ ︽ᠬᠤᠯᠠᠨ ᠰᠢᠷᠭᠠ ᠳᠠᠭᠠ ᠶᠢᠨ ᠮᠠᠩᠬᠠ︾ ᠬᠡᠬᠦ ᠲᠦᠷᠪᠡᠨ ᠷᠤᠮᠠᠨ | ᠪᠢᠴᠢᠵᠤ᠂ ︽ᠱᠠᠩᠲᠤ ᠶᠢᠨ ᠰᠢᠷᠠ ᠲᠠᠯᠠ︾ ᠬᠡᠮᠡᠬᠦ ᠲᠡᠤᠭᠡᠨ ᠷᠤᠮᠠᠨ ᠢᠶᠠᠷ ᠢᠶᠠᠨ ᠲᠦᠷᠦ ᠶᠢᠨ ᠱᠠᠩᠨᠠᠯ ᠲᠤᠰᠤᠭᠰᠠᠨ | ᠶᠤᠮ᠃ ᠮᠦᠨ ᠸᠠᠩ · ᠲᠤᠶᠠᠭᠠ ︽ᠤᠭᠤᠷ︾ ᠬᠡᠮᠡᠬᠦ ᠪᠦᠵᠢᠭ ᠢᠶᠠᠷ ᠢᠶᠠᠨ ᠮᠤᠰᠺᠸᠠ ᠳᠤ ᠳᠡᠯᠡᠭᠡᠢ ᠶᠢᠨ ᠱᠠᠩᠨᠠᠯ | ᠲᠤᠰᠴᠤ᠂ ᠦᠷᠴᠠᠶᠢᠬᠤ ᠮᠤᠩᠭᠤᠯ ᠤᠯᠤᠰ ᠲᠤ ᠤᠷᠲᠤ ᠶᠢᠨ ᠳᠠᠭᠤᠤ ᠪᠠᠷ ᠢᠶᠠᠨ ᠳᠡᠯᠡᠭᠡᠢ ᠶᠢᠨ ᠱᠠᠩᠨᠠᠯ ᠢ ᠲᠤᠰᠴᠤ᠂ | ᠷᠢ᠊ · ᠰᠡᠴᠡᠨᠴᠤᠭᠲᠤ ︽ᠴᠢᠩᠬᠢᠰ ᠤᠨ ᠠᠯᠳᠠᠨ ᠡᠮᠡᠭᠡᠯ︾ ᠬᠡᠮᠡᠬᠦ ᠰᠢᠯᠦᠭ ᠢᠶᠠᠷ ᠢᠶᠠᠨ ᠳᠡᠯᠡᠭᠡᠢ ᠶᠢᠨ ᠢᠷᠠᠭᠤ | ᠨᠠᠶᠢᠷᠠᠭ ᠤᠨ ᠱᠠᠩᠨᠠᠯ ᠢ ᠲᠤᠰᠤᠭᠰᠠᠨ ᠠᠵᠢ᠃ ᠡᠳᠡᠭᠡᠷ ᠪᠤᠯ ᠰᠢᠨᠠ ᠦᠶᠠ ᠶᠢᠨ ᠬᠢᠨ᠃ ᠴᠠᠬᠠᠷ ᠤᠨ ᠲᠤᠷᠭᠠᠨ | ᠬᠦᠷᠦᠰᠦᠨ ᠳᠡᠭᠡᠷᠠ ᠬᠤᠯᠠᠨ ᠰᠢᠷᠭᠠ ᠲᠠᠬᠢ ᠶᠢᠨ ᠡᠯᠡᠰᠤ ᠮᠠᠩᠬᠠᠨ ᠤ ᠨᠤᠭᠤᠭᠠᠨ ᠴᠡᠴᠡᠷᠯᠢᠭ ᠲᠤ | ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠲᠤ ᠬᠦᠮᠦᠵᠢᠭᠳᠡᠨ ᠪᠤᠶᠢᠵᠢᠵᠤ᠂ ᠪᠢᠯᠢᠭ ᠤᠨ ᠨᠢᠳᠤ ᠨᠢ ᠨᠡᠭᠡᠭᠡᠭᠳᠡᠵᠤ᠂ | ᠪᠢᠷ ᠤᠨ ᠦᠵᠦᠬᠦᠷ ᠨᠢ ᠠᠮᠢᠯᠠᠭᠰᠠᠨ ᠡᠷᠳᠡᠮᠳᠡᠨ ᠴᠢᠳᠡᠪᠤᠷᠢᠲᠡᠨ ᠪᠦᠵᠢᠭᠴᠢᠨ ᠳᠠᠭᠤᠴᠢᠨ ᠪᠢᠯᠡ᠃ ᠮᠢᠨᠤ ᠡᠨᠡ ᠪᠤᠯ | ᠰᠠᠨᠠᠭᠠᠨ ᠳᠤ ᠤᠷᠤᠭᠰᠠᠨ ᠨᠠᠷᠠᠰ ᠢ ᠬᠡᠯᠡᠵᠤ᠂ ᠭᠠᠷ ᠲᠤ ᠦᠷᠲᠦᠭᠰᠡᠨ ᠮᠠᠲ᠋ᠧᠷᠢᠶᠡᠯ ᠢ ᠳᠡᠯᠭᠡᠵᠤ ᠪᠠᠶᠢᠨ ᠠ᠃ | ᠡᠪᠦᠭᠡ ᠳᠡᠭᠡᠳᠤᠰ ᠤᠨ ᠡᠭᠦᠳᠤᠨ ᠪᠦᠲᠦᠭᠡᠭᠰᠡᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠨᠡᠭᠡᠭᠡᠯᠲᠡ ᠬᠦᠭᠵᠢᠯᠲᠠ | ᠦᠷᠬᠦᠯᠵᠢᠯᠠᠨ ᠬᠦᠭᠵᠢᠵᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠪᠠ ᠳᠡᠯᠡᠭᠡᠢ ᠶᠢᠨ ᠪᠤᠯᠪᠠᠰᠤᠨ ᠳᠤ ᠰᠢᠨᠠ ᠬᠠᠭᠤᠳᠠᠰᠤ | ᠨᠡᠮᠡᠷᠢᠯᠡᠬᠦ ᠨᠢ ᠯᠠᠪᠲᠠᠢ᠃ （ ᠱ᠊᠂ ᠲᠦᠩᠰᠢᠭ） | | |