| | ᠭᠡᠷ ᠪᠦᠯᠢ ᠪᠤᠯ ᠨᠡᠶᠢᠭᠡᠮ ᠤᠨ ᠵᠢᠵᠢᠭ ᠬᠡᠰᠡᠭ ᠪᠦᠭᠡᠳ ᠡᠨᠡ ᠵᠢᠵᠢᠭ ᠬᠡᠰᠡᠭ ᠨᠢ ᠪᠠᠯᠴᠢᠷ ᠨᠠᠰᠤᠨ ᠤ | ᠬᠡᠦᠬᠡᠳ ᠤᠨ ᠬᠦᠮᠤᠵᠢᠯ ᠳᠤ ᠶᠡᠬᠡᠬᠡᠨ ᠨᠦᠯᠦᠭᠡ ᠦᠵᠡᠭᠦᠯᠳᠡᠭ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠪᠠᠭᠠ ᠨᠠᠰᠤᠨ ᠤ | ᠬᠡᠦᠬᠡᠳ ᠤᠨ ᠦᠰᠴᠦ ᠪᠤᠶᠢᠵᠢᠵᠦ ᠪᠤᠢ ᠤᠷᠴᠢᠨ ᠪᠤᠯ ᠭᠡᠷ ᠪᠦᠯᠢ ᠶᠤᠮ᠃ ᠮᠤᠩᠭᠤᠯ ᠤᠯᠠᠮᠵᠢᠯᠠᠯ ᠠᠴᠠ ᠬᠡᠦᠬᠡᠳ ᠢ | ᠬᠡᠷᠬᠢᠨ ᠪᠦᠬᠦ ᠲᠠᠯᠠ ᠪᠠᠷ ᠨᠢ ᠰᠠᠶᠢᠨ ᠦᠰᠭᠡᠵᠦ ᠬᠦᠮᠦᠵᠢᠭᠦᠯᠵᠦ ᠪᠠᠶᠢᠭᠰᠠᠨ ᠢ ᠬᠠᠷᠵᠠᠭᠠᠶᠠ᠃ ᠡᠪᠦᠭᠡ ᠲᠡᠭᠡᠳᠦᠰ ᠤᠨ | ᠮᠠᠨᠢ ᠦᠶᠡ ᠳᠤ ᠴᠤᠭᠴᠠ ᠬᠦᠭᠵᠢᠯ ᠭᠡᠰᠡᠨ ᠦᠭᠡ ᠬᠡᠯᠡᠯᠭᠡ ᠤᠶᠢᠯᠭᠠᠯᠲᠠ ᠪᠠᠶᠢᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠴᠦ ᠢᠯᠡ | ᠪᠤᠶᠤ ᠳᠠᠯᠳᠠ ᠤᠬᠠᠮᠰᠠᠷ ᠤᠨ ᠠᠷᠭᠠ ᠪᠠᠷ ᠬᠡᠦᠬᠡᠳ ᠪᠠᠭᠠᠴᠤᠳ ᠢᠶᠠᠨ ᠬᠦᠮᠦᠵᠢᠭᠦᠯᠵᠦ ᠢᠷᠡᠭᠰᠡᠨ᠃ ︽ᠬᠦᠮᠦᠵᠢᠯ | ᠭᠡᠳᠡᠭ ᠨᠢ ᠬᠦᠮᠦᠨᠵᠢᠭᠦᠯᠬᠦ᠂ ᠬᠦᠮᠦᠨ ᠢᠶᠠᠷ ᠬᠦᠮᠦᠨ ᠬᠢᠬᠦ᠂ ᠬᠦᠮᠦᠨ ᠰᠢᠭ ᠬᠦᠮᠦᠨ ᠪᠤᠯᠭᠠᠬᠤ᠂ ᠠᠮᠢᠳᠤᠷᠠᠬᠤ ᠤᠷᠠ | ᠲᠡᠮ ᠲᠠᠢ᠂ ᠤᠬᠠᠭᠠᠨ ᠲᠠᠢ ᠪᠤᠯᠭᠠᠬᠤ ᠭᠡᠰᠡᠨ ᠦᠭᠡ ᠶᠤᠮ︾᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠦᠷᠡ ᠬᠡᠦᠬᠡᠳ ᠢᠶᠠᠨ | ᠬᠦᠮᠦᠨ ᠰᠢᠭ ᠬᠦᠮᠦᠨ ᠪᠤᠯᠭᠠᠬᠤ ᠶᠢ ᠶᠡᠬᠡᠳᠡ ᠡᠷᠮᠡᠯᠵᠡᠯᠡᠨ ᠬᠦᠮᠦᠵᠢᠭᠦᠯᠵᠦ ᠢᠷᠡᠭᠰᠡᠨ ᠪᠢᠯᠡ᠃ | ᠪᠡᠶᠡ ᠮᠠᠬᠠᠪᠤᠳ ︽ᠬᠡᠦᠬᠡᠳ ᠢ ᠪᠠᠭᠠ ᠠᠴᠠ ᠨᠢ ᠬᠠᠳᠠᠭᠤ ᠬᠦᠲᠡᠬᠦ ᠠᠷᠠᠰᠤ᠂ ᠰᠢᠷᠢᠮᠡᠯ ᠰᠢᠷᠳᠡᠭ ᠳᠡᠭᠡᠷᠡ | ᠤᠨᠲᠠᠭᠤᠯᠵᠦ ᠪᠡᠶᠡ ᠶᠢ ᠨᠢ ᠴᠢᠩᠭᠠᠷᠠᠭᠤᠯᠵᠦ᠂ 2 — 3 ᠨᠠᠰᠤᠨ ᠠᠴᠠ ᠨᠢ ᠡᠬᠢᠯᠡᠵᠦ ᠬᠤᠷᠠᠭᠠ ᠢᠰᠢᠭᠡᠨ ᠤ ᠵᠢᠰᠦ | ᠨᠢᠳᠤᠯᠡᠭᠦᠯᠵᠦ᠂ ᠭᠠᠷ ᠬᠦᠯ ᠤᠨ ᠦᠵᠦᠭᠦᠷ ᠲᠤ ᠬᠦᠳᠡᠯᠬᠡᠨ᠂ ᠶᠠᠭᠤᠮᠠ ᠳᠦᠬᠦᠭᠦᠯᠬᠦ᠂ ᠤᠶᠢᠷᠠᠳᠤᠭᠤᠯᠬᠤ ᠵᠡᠷᠭᠡ | ᠬᠦᠴᠦ ᠴᠢᠳᠠᠯ ᠳᠤᠨᠢ ᠳᠤᠬᠢᠷᠠᠭᠰᠠᠨ ᠠᠵᠢᠯ ᠬᠢᠯᠭᠡᠳᠡᠭ ᠪᠠᠶᠢᠵᠡᠢ᠃ ᠬᠡᠦᠬᠡᠳ ᠬᠦᠳᠡᠯᠦᠨᠡ᠂ ᠶᠠᠪᠤᠨᠠ ᠭᠡᠳᠡᠭ ᠪᠤᠯ | ᠬᠦᠳᠡᠯᠮᠦᠷᠢᠯᠡᠬᠦ ᠦᠨᠳᠦᠰᠦ ᠡᠬᠢᠯᠡᠵᠦ ᠪᠠᠶᠢᠨᠠ ᠭᠡᠰᠡᠨ ᠦᠭᠡ︾ ᠭᠡᠵᠦ ᠲᠡ᠊᠂ ᠨᠠᠮᠵᠢᠯ ᠬᠡᠯᠡᠭᠰᠡᠨ᠃ ᠡᠪᠦᠭᠡ | ᠳᠡᠭᠡᠳᠦᠰ ᠮᠠᠨᠢ ︽ᠠᠵᠢᠯ ᠬᠢᠪᠡᠯ ᠳᠠᠭᠤᠰᠤᠲᠠᠯᠠ᠂ ᠳᠠᠪᠤᠰᠤ ᠬᠢᠪᠡᠯ ᠠᠭᠤᠰᠤᠲᠠᠯᠠ︾ ᠭᠡᠵᠦ ᠰᠤᠷᠭᠠᠵᠦ᠂ ᠠᠵᠢᠯ ᠢ | ᠳᠠᠭᠤᠰᠲᠠᠯᠠ ᠬᠢᠬᠦ ᠶᠢ ᠡᠷᠮᠡᠯᠵᠡᠯᠳᠡᠭ ᠪᠠᠶᠢᠵᠡᠢ᠃ ︽ᠠᠯᠢᠪᠠ ᠠᠵᠢᠯ ᠢ ᠪᠤᠷᠤᠭᠤ ᠬᠢᠪᠡᠯ ᠵᠤᠳᠤᠵᠦ ᠵᠠᠩᠨᠠᠬᠤ | ᠦᠭᠡᠢ ᠪᠠᠷ ᠤᠴᠢᠷ ᠢ ᠨᠢ ᠰᠠᠶᠢᠨ ᠣᠶᠢᠯᠠᠭᠠᠭᠤᠯᠵᠦ ᠲᠠᠶᠢᠯᠪᠤᠷᠢᠯᠠᠬᠤ᠂ ᠬᠦᠳᠡᠯᠮᠦᠷᠢ ᠶᠢᠨ ᠰᠠᠶᠢᠬᠠᠨ ᠢ | ᠮᠡᠳᠡᠷᠡᠬᠦᠯᠬᠦ ᠶᠢᠨ ᠳᠤᠯᠠᠳᠠ ᠬᠦᠳᠡᠯᠮᠦᠷᠢ ᠶᠢᠨ ᠠᠴᠢ ᠲᠤᠰᠠ ᠶᠢ ᠪᠤᠳᠠᠲᠠᠢ ᠪᠠᠷ ᠦᠵᠡᠭᠦᠯᠵᠦ ᠦᠭᠭᠦ ᠨᠢ ᠪᠠᠭᠠ | ᠨᠠᠰᠤᠨ ᠤ ᠬᠡᠦᠬᠡᠳ ᠲᠤ ᠴᠢᠬᠤᠯᠠ ᠪᠠᠶᠢᠳᠠᠭ ᠪᠠᠶᠢᠨᠠ᠂᠂᠂᠂︾ | ᠳᠤᠷᠤᠨᠠᠳᠠᠬᠢᠨ ᠤ ᠨᠢᠭᠡᠨ ᠴᠡᠴᠡᠨ ᠦᠭᠡ ᠪᠠᠶᠢᠳᠠᠭ᠄ ︽ᠦᠯᠦᠰᠦᠭᠰᠡᠨ ᠬᠦᠮᠦᠨ ᠳᠤ ᠵᠢᠭᠠᠰᠤ ᠪᠤᠤ ᠦᠭ᠃ | ᠡᠨᠡ ᠪᠤᠯ ᠨᠢᠭᠡ ᠡᠳᠦᠷ ᠤᠨ ᠬᠤᠭᠤᠯᠠ ᠪᠤᠯᠤᠨᠠ᠃ ᠬᠠᠷᠢᠨ ᠡᠶᠢᠮᠤ ᠬᠦᠮᠦᠨ ᠳᠤ ᠵᠢᠭᠠᠰᠤ ᠪᠠᠷᠢᠬᠤ ᠠᠷᠭᠠ ᠶᠢ | ᠵᠢᠭᠠᠭᠠᠳ ᠦᠭ᠂ ᠲᠡᠭᠡᠪᠡᠯ ᠲᠡᠷᠡ ᠨᠠᠰᠤᠨ ᠲᠤᠷᠰᠢ ᠶᠢᠨ ᠬᠤᠭᠤᠯᠠ ᠲᠠᠢ ᠪᠤᠯᠤᠨᠠ︾ ᠭᠡᠰᠡᠨ ᠪᠡᠶᠢᠳᠠᠭ᠃ ᠪᠢᠳᠡ | ᠬᠡᠦᠬᠡᠳ ᠢᠶᠠᠨ ᠪᠠᠭᠠ ᠪᠠᠶᠢᠬᠤ ᠳᠤᠨᠢ ᠪᠡᠯᠡᠨᠴᠢᠯᠡᠬᠦ ᠰᠡᠳᠬᠢᠯᠭᠡ ᠲᠠᠢ ᠪᠤᠯᠭᠠᠴᠢᠬᠠᠪᠡᠯ ᠲᠤᠮᠤ ᠪᠤᠯᠤᠭᠠᠳ ᠬᠦᠮᠦᠨ ᠤ | ᠭᠠᠷ ᠬᠠᠷᠠᠳᠠᠭ᠂ ᠪᠡᠯᠡᠨ ᠶᠠᠭᠤᠮᠠᠨ ᠳᠤ ᠳᠤᠷᠠᠲᠠᠢ᠂ ᠬᠦᠨᠳᠦ ᠬᠦᠴᠢᠷ ᠵᠦᠢᠯ ᠳᠤ ᠳᠤᠷᠠ ᠦᠭᠡᠢ᠂ ᠠᠵᠢᠯ ᠤᠨ | ᠠᠮᠤᠷ ᠶᠢ ᠪᠤᠳᠤᠳᠠᠭ ᠬᠦᠮᠦᠨ ᠪᠤᠯᠬᠤ ᠪᠤᠯᠤᠨᠠ᠃ ᠡᠨᠡ ᠨᠢ ᠦᠷᠡ ᠬᠡᠦᠬᠡᠳ ᠢᠶᠠᠨ ᠪᠠᠭᠠ ᠨᠠᠰᠤᠨ ᠳᠤᠨᠢ ᠬᠦᠨᠳᠦ | ᠬᠦᠴᠢᠷ ᠠᠵᠢᠯ ᠬᠢᠯᠭᠡᠬᠦ ᠬᠡᠷᠡᠭᠳᠡᠢ ᠬᠡᠰᠡᠨ ᠦᠭᠡ ᠪᠢᠰᠢ᠂ ᠬᠠᠷᠢᠨ ᠠᠵᠢᠯ ᠤᠨ ᠠᠷᠭᠠ ᠤᠬᠠᠭᠠᠨ ᠢ ᠰᠤᠷᠭᠠᠵᠦ᠂ | ᠬᠦᠳᠡᠯᠮᠦᠷᠢ ᠶᠢᠨ ᠠᠮᠲᠠ ᠶᠢ ᠮᠠᠳᠡᠭᠦᠯᠬᠦ ᠬᠡᠷᠡᠭᠳᠡᠢ ᠶᠤᠮ᠃ ᠬᠦᠳᠡᠯᠮᠦᠷᠢ ᠶᠢᠨ ᠬᠦᠮᠦᠵᠢᠯ ᠨᠢ ᠬᠡᠦᠬᠡᠳ ᠠᠬᠤᠢ | ᠨᠠᠰᠤᠨ ᠠᠴᠠ ᠡᠬᠢᠯᠡᠨ ᠲᠦᠯᠦᠪᠰᠢᠲᠡᠭ᠃ ᠡᠴᠢᠭᠡ ᠡᠬᠡ ᠬᠡᠦᠬᠡᠳ ᠲᠠᠢ ᠪᠠᠨ ᠬᠠᠷᠢᠴᠠᠬᠤ ᠨᠢ ᠡᠴᠤᠰ ᠲᠡᠭᠡᠨ | ᠬᠦᠮᠦᠵᠢᠯ ᠤᠯᠭᠤᠬᠤ ᠦᠢᠯᠡ ᠶᠠᠪᠤᠴᠠ ᠶᠤᠮ᠃ ᠬᠡᠦᠬᠡᠳ ᠵᠠᠷᠢᠮ ᠨᠢᠭᠡ ᠦᠢᠯᠡᠳᠦᠯ ᠢ ᠡᠵᠡᠮᠰᠢᠵᠦ ᠡᠬᠢᠯᠡᠭᠰᠡᠨ ᠢᠶᠠᠷ | ᠵᠠᠷᠢᠮ ᠦᠢᠯᠡᠳᠦᠯ ᠢᠶᠠᠨ ᠳᠤᠮᠤᠴᠤᠳ ᠲᠠᠢ ᠬᠠᠮᠲᠤᠷᠠᠵᠦ ᠬᠦᠢᠴᠡᠳᠬᠡᠬᠦ ᠪᠤᠯᠤᠮᠵᠢᠲᠠᠢ ᠪᠤᠯᠳᠠᠭ᠃ 1.5 — 2 | ᠨᠠᠰᠤᠲᠠᠢ ᠬᠡᠦᠭᠡᠳ ᠢ ᠡᠬᠡ ᠨᠢ ᠲᠤᠭᠯᠠᠭᠠᠮ ᠬᠤᠷᠢᠶᠠᠬᠤ ᠦᠢᠯᠡᠳᠦᠯ ᠳᠤ ᠰᠤᠷᠭᠠᠬᠤ ᠳᠠᠭᠠᠨ ᠦᠢᠯᠡᠳᠦᠯ ᠤᠨ ᠢᠶᠠᠨ | ᠤᠳᠬᠠ᠂ ᠳᠠᠷᠠᠭᠠᠯᠠᠯ ᠢ ᠲᠠᠶᠢᠯᠪᠤᠷᠢᠯᠡᠵᠦ᠂ ᠭᠤᠤᠯ ᠠᠵᠢᠯ ᠢ ᠨᠢ ᠦᠪᠡᠷ ᠢᠶᠠᠨ ᠬᠢᠵᠦ ᠪᠠᠶᠢᠭᠰᠠᠨ ᠪᠤᠯ 2.5 — 3 | ᠨᠠᠰᠤᠨ ᠤ ᠬᠡᠦᠬᠡᠳ ᠲᠤᠭᠯᠠᠭᠠᠮ ᠢᠶᠠᠨ ᠦᠪᠡᠷ ᠢᠶᠠᠨ ᠬᠤᠷᠢᠶᠠᠵᠦ ᠴᠢᠳᠠᠳᠠᠭ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ | ᠶᠠᠮᠠᠷ ᠨᠢᠭᠡ ᠦᠢᠯᠠᠳᠦᠯ ᠢ ᠪᠡᠶᠡ ᠳᠠᠭᠠᠭᠠᠵᠦ ᠬᠢᠵᠦ ᠴᠢᠳᠠᠳᠠᠭ ᠪᠤᠯᠬᠤ ᠶᠢᠨ ᠬᠢᠷᠢ ᠪᠠᠷ ᠬᠡᠦᠬᠡᠳ ᠤᠷᠠᠮᠰᠢᠵᠦ᠂ | ᠲᠤᠮᠤᠴᠤᠳ ᠠᠴᠠ ᠲᠤᠰᠠᠯᠠᠯᠴᠠᠭᠠ ᠠᠪᠬᠤ ᠨᠢ ᠪᠠᠭᠠᠰᠴᠦ ᠡᠬᠢᠯᠡᠳᠡᠭ᠃ ᠠᠶᠢᠯ ᠭᠡᠷ ᠤᠨ ᠡᠵᠡᠭᠳᠡᠢ ᠬᠦᠮᠦᠨ ᠦᠬᠢᠨ | ᠬᠡᠦᠭᠡᠳ ᠢᠶᠠᠨ ᠪᠠᠭᠠ ᠪᠠᠯᠴᠢᠷ ᠠᠴᠠ ᠨᠢ ᠡᠮᠡᠭᠲᠡᠢ ᠬᠦᠮᠦᠨ ᠤ ᠠᠵᠢᠯ ᠦᠢᠯᠡᠰ ᠲᠤ ᠰᠤᠷᠭᠠᠵᠦ᠂ ᠰᠠᠶᠢᠨ ᠡᠮᠡᠭᠲᠠᠢ ᠶᠢᠨ | ᠰᠢᠨᠵᠢ ᠶᠢ ᠪᠠᠭᠠ ᠠᠴᠠ ᠨᠢ ᠪᠦᠷᠢᠯᠳᠦᠭᠦᠯᠳᠡᠭ ᠪᠠᠶᠢᠭᠰᠠᠨ ᠪᠠ ᠬᠠᠷᠢᠨ ᠠᠶᠢᠯ ᠭᠡᠷ ᠤᠨ ᠲᠦᠷᠦᠭᠦᠦ ᠨᠢ ᠬᠡᠦᠬᠡᠳ ᠢᠶᠠᠨ | ︽ᠡᠷᠡ ᠬᠦᠮᠦᠨ︾ ᠶᠠᠮᠠᠷ ᠪᠠᠶᠢᠬᠤ ᠶᠤᠰᠤ ᠶᠢ ᠰᠤᠷᠭᠠᠵᠦ᠂ ᠰᠠᠶᠢᠨ ᠡᠷᠡ ᠬᠦᠮᠦᠨ ᠤ ᠰᠢᠨᠵᠢ ᠶᠢ ᠪᠠᠭᠠ ᠠᠴᠠ ᠨᠢ | ᠵᠢᠭᠠᠵᠦ ᠢᠷᠡᠭᠰᠡᠨ ᠰᠠᠶᠢᠬᠠᠨ ᠤᠯᠠᠮᠵᠢᠯᠠᠯ ᠲᠠᠢ᠃ ᠮᠦᠨ ᠬᠡᠦᠬᠡᠳ ᠤᠳ ᠢᠶᠠᠨ ᠦᠷᠯᠦᠭᠡ ᠡᠷᠲᠡ ᠬᠦᠯ ᠨᠢᠴᠦᠬᠦᠨ | ᠰᠢᠭᠦᠳᠡᠷᠢ ᠲᠡᠭᠡᠷᠡ ᠠᠯᠬᠤᠯᠠᠭᠤᠯᠵᠦ᠂ ᠭᠤᠤᠯ ᠤᠨ ᠤᠷᠤᠰᠬᠠᠯ ᠬᠠᠷᠠᠭᠤᠯᠵᠦ᠂ ᠭᠤᠤᠯ ᠭᠤᠷᠤᠬᠠ ᠶᠢᠨ ᠳᠠᠭᠤ | ᠴᠢᠮᠡᠭᠡ ᠰᠤᠨᠤᠰᠬᠠᠳᠠᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠡᠨᠡ ᠨᠢ ᠬᠡᠦᠭᠡᠳ ᠤᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠶᠡᠬᠡᠬᠡᠨ ᠲᠤᠰᠠᠲᠠᠢ | ᠪᠠᠶᠢᠭᠰᠠᠨ᠃ ᠡᠨᠡ ᠮᠡᠳᠦᠴᠢᠯᠡᠨ ᠡᠪᠦᠭᠡ ᠲᠡᠭᠡᠳᠦᠰ ᠮᠠᠨᠢ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ ᠪᠡᠶᠡ ᠮᠠᠬᠠᠪᠤᠳ ᠲᠤ | ᠠᠩᠬᠠᠷᠤᠯ ᠢᠶᠠᠨ ᠬᠠᠨᠳᠤᠭᠤᠯᠠᠳᠠᠭ ᠪᠠᠶᠢᠵᠡᠢ᠃ | ᠤᠶᠤᠨ ᠤᠬᠠᠭᠠᠨ | ᠦᠷᠡ ᠬᠡᠦᠬᠡᠳ ᠤᠨ ᠬᠢᠷᠢ ᠵᠡᠷᠭᠡ ᠬᠦᠮᠦᠨ ᠪᠤᠯᠬᠤ ᠨᠢ ᠨᠡᠶᠢᠭᠡᠮ᠂ ᠤᠷᠴᠢᠨ ᠠᠴᠠ ᠭᠠᠳᠠᠨᠠ ᠡᠴᠢᠭᠡ | ᠡᠬᠡ ᠠᠴᠠ ᠶᠡᠬᠡᠬᠡᠨ ᠰᠢᠯᠲᠠᠭᠠᠯᠠᠳᠠᠭ᠃ ᠤᠷᠤᠰ ᠤᠨ ᠶᠡᠭᠡ ᠰᠤᠷᠭᠠᠨ ᠬᠦᠮᠦᠵᠢᠭᠦᠯᠦᠭᠴᠢ ᠪᠡ᠊᠂ ᠠ᠊᠂ ᠰᠤᠬᠤᠮᠯᠢᠨᠰᠺᠢ | ︽ᠴᠢ ᠬᠦᠮᠦᠨ ᠪᠤᠯᠵᠦ ᠲᠦᠷᠦᠭᠰᠡᠨ᠂ ᠬᠡᠪᠡᠴᠦ ᠬᠦᠮᠦᠨ ᠰᠢᠭ ᠬᠦᠮᠦᠨ ᠪᠤᠯᠬᠤ ᠶᠤᠰᠤᠲᠠᠢ︾ ᠬᠡᠵᠦ ᠬᠡᠯᠡᠭᠰᠡᠨ ᠨᠢ | ᠮᠤᠩᠭᠤᠯ ᠬᠦᠮᠦᠨ ᠤ ᠰᠤᠷᠭᠠᠨ ᠬᠦᠮᠦᠵᠢᠭᠦᠯᠬᠦ ᠵᠠᠷᠴᠢᠮ ᠲᠠᠢ ᠲᠤᠬᠢᠷᠠᠵᠦ ᠪᠠᠶᠢᠨᠠ᠃ ᠡᠪᠦᠭᠡ ᠲᠡᠭᠡᠳᠦᠰ ᠮᠠᠨᠢ ᠭᠡᠷ | ᠪᠦᠯᠢ ᠶᠢᠨ ᠤᠷᠴᠢᠨ ᠳᠤ ᠬᠡᠦᠬᠡᠳ ᠢ ᠰᠤᠷᠭᠠᠬᠤ ᠳᠠᠭᠠᠨ ᠶᠠᠩᠵᠦ ᠪᠦᠷᠢ ᠶᠢᠨ ᠵᠦᠢᠷ ᠦᠭᠡ ᠬᠡᠯᠡᠵᠦ ᠬᠡᠦᠬᠡᠳ ᠤᠨ | ᠤᠶᠤᠨ ᠤᠬᠠᠭᠠᠨ ᠳᠤ ᠳᠠᠯᠳᠠ ᠤᠬᠠᠮᠰᠠᠷ ᠢ ᠪᠤᠢ ᠪᠤᠯᠭᠠᠳᠠᠭ ᠪᠠᠶᠢᠭᠰᠠᠨ᠃ ᠭᠡᠷ ᠪᠦᠯᠢ ᠶᠢᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ | ᠠᠭᠤᠷ ᠠᠮᠢᠰᠬᠤᠯ ᠬᠡᠦᠬᠡᠳ ᠤᠨ ᠮᠡᠳᠡᠷᠡᠮᠵᠢ᠂ ᠵᠠᠩ ᠦᠢᠯᠡ ᠶᠢᠨ ᠬᠦᠭᠵᠢᠯ ᠳᠤ ᠵᠡᠷᠭᠡ ᠨᠦᠯᠦᠭᠡ ᠦᠵᠡᠭᠦᠯᠲᠡᠭ᠃ | ᠲᠡᠶᠢᠮᠤ ᠠᠴᠠ ᠠᠬᠠᠮᠠᠳ ᠨᠠᠰᠤᠲᠠᠶᠢᠴᠤᠳ ᠮᠠᠨᠢ ᠬᠡᠦᠬᠡᠳ ᠪᠠᠭᠠᠴᠤᠳ ᠶᠢᠨ ᠢᠶᠠᠨ ᠬᠠᠵᠠᠭᠤ ᠳᠤ ᠬᠠᠷᠢᠶᠠᠯ ᠤᠨ ᠦᠭᠡ | ᠬᠡᠯᠡᠬᠦ᠂ ᠬᠡᠷᠡᠯᠳᠦᠵᠦ ᠮᠠᠭᠤᠲᠠᠯᠴᠠᠬᠤ᠂ ᠲᠠᠭᠠ ᠦᠭᠡᠢ ᠠᠭᠤᠷ ᠠᠮᠢᠰᠬᠤᠯ ᠭᠠᠷᠭᠠᠬᠤ᠂ ᠡᠮᠬᠢ ᠵᠠᠮᠪᠠᠷᠠᠭᠠ ᠦᠭᠡᠢ | ᠶᠠᠪᠤᠲᠠᠯ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠳᠡᠭ ᠪᠠᠶᠢᠭᠰᠠᠨ᠃ ᠬᠠᠷᠢᠨ ᠦᠨᠦ ᠦᠶᠡ ᠳᠤ ᠡᠨᠡ ᠪᠠᠶᠢᠳᠠᠯ ᠡᠰᠡᠷᠭᠦ ᠪᠠᠷ ᠢᠶᠠᠨ | ᠬᠡᠷᠡᠭᠵᠢᠵᠦ᠂ ᠠᠬᠠᠮᠠᠳ ᠨᠠᠰᠤᠲᠠᠨ ᠤᠳ ᠪᠠᠭᠠ ᠨᠠᠰᠤᠨ ᠤ ᠬᠡᠦᠬᠡᠳ ᠤᠨ ᠬᠠᠵᠠᠭᠤ ᠳᠤ ᠬᠠᠷᠢᠶᠠᠯ ᠤᠨ ᠦᠭᠡ ᠬᠡᠯᠡᠵᠦ | ᠂ ᠲᠡᠷᠡ ᠶᠢ ᠪᠤᠤ ᠬᠡᠯᠡ᠂ ᠲᠡᠲᠡᠨ ᠳᠤ ᠶᠠᠩᠵᠦ ᠪᠦᠷᠢ ᠶᠢᠨ ᠬᠠᠷᠢᠶᠠᠯ ᠤᠨ ᠦᠭᠡ ᠵᠢᠭᠠᠵᠦ ᠦᠭᠴᠦ ᠬᠡᠦᠬᠡᠳ ᠤᠨ | ᠬᠦᠮᠦᠵᠢᠯ ᠳᠤ ᠰᠦᠷᠭᠦ ᠨᠦᠯᠦᠭᠡ ᠦᠵᠡᠭᠦᠯᠵᠦ ᠪᠠᠶᠢᠭᠠ ᠪᠢᠯᠡ᠃ ᠬᠡᠦᠬᠡᠳ᠂ ᠬᠢᠬᠡᠳ ᠰᠤᠷᠴᠢᠬᠠᠭᠰᠠᠨ ᠵᠦᠢᠯ ᠢᠶᠠᠨ | ᠬᠢᠵᠦ ᠪᠠᠶᠢᠬᠤ ᠳᠤ ᠡᠴᠢᠭᠡ ᠡᠬᠡ ᠡᠮᠤᠨᠠ ᠠᠴᠠ ᠨᠢ ᠬᠢᠬᠦ ᠬᠡᠷᠡᠭ ᠦᠭᠡᠢ ᠪᠦᠭᠡᠳ ᠬᠠᠷᠢᠨ ᠤᠷᠮᠠᠰᠢᠭᠤᠯᠵᠦ ᠦᠭᠭᠦ | ᠬᠡᠷᠡᠭᠲᠠᠢ ᠶᠤᠮ᠃ ︽ᠪᠤᠷᠮᠠ ᠪᠠᠷ ᠳᠡᠵᠢᠭᠡᠬᠦ ᠪᠠᠷ ᠤᠷᠮᠠ ᠪᠠᠷ ᠲᠡᠵᠢᠭᠡ︕︾ ᠭᠡᠳᠡᠭ ᠮᠤᠩᠭᠤᠯ ᠤᠨ ᠰᠠᠶᠢᠬᠠᠨ | ᠦᠭᠡ ᠪᠠᠶᠢᠳᠠᠭ᠃ ᠬᠠᠷᠢᠨ ᠬᠡᠦᠬᠡᠳ ᠪᠤᠷᠤᠭᠤ ᠵᠦᠢᠯ ᠬᠢᠪᠡᠯ ᠲᠡᠷᠡ ᠳᠤᠤᠷᠠ ᠨᠢ ᠰᠢᠳᠬᠡᠬᠦ ᠬᠡᠷᠡᠭᠲᠠᠢ᠃ | ᠰᠢᠳᠬᠡᠬᠦ ᠳᠡᠭᠡᠨ ᠶᠠᠭᠠᠬᠢᠭᠠᠳ᠂ ᠶᠠᠮᠠᠷ ᠤᠴᠢᠷ ᠠᠴᠠ ᠰᠢᠳᠬᠡᠵᠦ ᠪᠠᠶᠢᠭᠠ ᠪᠠᠨ ᠬᠡᠦᠬᠡᠳ ᠲᠤ ᠤᠶᠢᠯᠭᠠᠭᠤᠯᠬᠤ | ᠭᠡᠷᠡᠭᠲᠠᠢ᠃ ᠲᠡᠭᠡᠬᠦ ᠦᠭᠡᠢ ᠪᠤᠯ ᠬᠡᠦᠭᠡᠳ ᠡᠮᠤᠨᠠ ᠨᠢ ᠭᠠᠷᠭᠠᠭᠰᠠᠨ ᠠᠯᠳᠠᠭᠠ ᠪᠠᠨ ᠳᠠᠬᠢᠨ ᠲᠠᠬᠢᠨ ᠭᠠᠷᠭᠠᠬᠤ ᠪᠠ | ᠰᠢᠳᠬᠡᠭᠰᠡᠨ ᠰᠢᠳᠭᠡᠯ ᠴᠢᠨᠢ ᠦᠷᠡ ᠳ᠋ᠦᠩ ᠦᠭᠡᠢ ᠪᠤᠯᠬᠤ ᠪᠤᠯᠤᠨᠠ᠃ | ᠮᠤᠩᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠮᠠᠨᠢ᠄ ︽ᠠᠪᠤ ᠶᠢᠨ ᠰᠤᠷᠭᠠᠯ ᠠᠯᠲᠠ᠂ ᠡᠵᠢ ᠶᠢᠨ ᠰᠤᠷᠭᠠᠯ ᠡᠷᠲᠡᠮ︾᠂ | ︽ᠠᠬᠠ ᠨᠢ ᠰᠤᠷᠭᠠᠵᠦ ᠳᠡᠭᠦᠦ ᠨᠢ ᠰᠤᠨᠤᠰᠳᠠᠭ︾ ᠵᠠᠷᠴᠢᠮ ᠢᠶᠠᠷ ᠬᠡᠦᠬᠡᠳ ᠪᠠᠭᠠᠴᠤᠳ ᠢᠶᠠᠨ ᠰᠤᠷᠭᠠᠵᠦ ᠢᠷᠡᠭᠰᠡᠨ᠂ | ︽ᠬᠦᠮᠦᠨ ᠪᠤᠯᠬᠤ ᠤᠨᠠᠭᠠᠨ ᠠᠴᠠ ᠪᠠᠨ︾ ᠬᠡᠵᠦ ᠦᠵᠡᠨ ᠪᠠᠭᠠ ᠪᠠᠯᠴᠢᠷ ᠠᠴᠠ ᠨᠢ ᠲᠡᠳᠡᠨ ᠳᠤ ᠦᠯᠢᠭᠡᠷ | ᠳᠠᠭᠤᠷᠢᠶᠠᠯ ᠦᠵᠡᠭᠦᠯᠦᠨ ᠬᠦᠮᠦᠵᠢᠬᠦᠯᠵᠦ ᠢᠷᠡᠭᠰᠡᠨ ᠪᠢᠯᠡ᠃ ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠡᠨᠡ ᠮᠡᠳᠦᠴᠢᠯᠡᠨ ᠤᠯᠠᠨ | ᠵᠦᠢᠷ ᠦᠭᠡ ᠬᠡᠯᠡᠵᠦ ᠳᠠᠯᠳᠠ ᠤᠬᠠᠮᠰᠠᠷ ᠢᠶᠠᠷ ᠬᠦᠮᠦᠵᠢᠬᠦᠯᠵᠦ᠂ ᠲᠡᠳᠡᠨ ᠤ ᠤᠶᠤᠨ ᠤᠬᠠᠭᠠᠨ ᠢ ᠬᠦᠭᠵᠢᠬᠦᠯᠳᠡᠭ | ᠪᠠᠶᠢᠭᠰᠠᠨ᠃ ᠮᠦᠨ ︽ᠡᠬᠡᠴᠢ ᠶᠢ ᠪᠠᠨ ᠡᠵᠢ ᠠᠴᠠ ᠪᠠᠨ ᠢᠯᠭᠠᠭᠠ ᠴᠦ ᠦᠭᠡᠢ ᠬᠠᠶᠢᠷᠠᠯᠠ᠃ ᠠᠬᠠ ᠶᠢ ᠪᠠᠨ | ᠠᠪᠤ ᠠᠴᠠ ᠪᠠᠨ ᠢᠯᠭᠠᠭᠠ ᠴᠦ ᠦᠭᠡᠢ ᠬᠦᠨᠳᠦᠯᠡ︕︾ ᠭᠡᠵᠦ ᠬᠡᠦᠬᠡᠳ ᠢ ᠪᠠᠭᠠ ᠪᠠᠯᠴᠢᠷ ᠠᠴᠠ ᠨᠢ ᠡᠪᠦᠭᠡ | ᠳᠡᠬᠡᠳᠦᠰ ᠢᠶᠠᠨ ᠬᠦᠨᠳᠦᠯᠡᠬᠦ ᠶᠤᠰᠤᠨ ᠳᠤ᠂ ᠪᠤᠰᠤᠳ ᠲᠠᠢ ᠬᠠᠷᠢᠴᠠᠬᠤ ᠬᠠᠷᠢᠴᠠᠭᠠᠨ ᠳᠤ ᠰᠤᠷᠭᠠᠵᠦ ᠢᠷᠡᠭᠰᠡᠨ | ᠪᠦᠭᠡᠳ 3 ᠨᠠᠰᠤᠨ ᠠᠴᠠ ᠨᠢ ᠬᠤᠨᠢ ᠮᠠᠯ ᠤᠨ ᠵᠢᠰᠤ ᠨᠢᠳᠦᠯᠡᠭᠦᠯᠵᠦ ᠲᠡᠳᠡᠨ ᠤ ᠤᠶᠤᠨ ᠤᠬᠠᠭᠠᠨ ᠢ ᠨᠢ ᠲᠡᠯᠡᠳᠡᠭ | ᠪᠠᠶᠢᠭᠰᠠᠨ᠃ ᠡᠨᠡ ᠮᠡᠳᠦ ᠠᠮᠢᠳᠤᠷᠠᠯ ᠤᠨ ᠡᠩ ᠤᠨ ᠠᠵᠢᠯ ᠦᠢᠯᠡᠰ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ | ᠪᠡᠶᠡ ᠶᠢ ᠨᠢ ᠡᠷᠡᠭᠦᠯ ᠴᠢᠬᠢᠷᠠᠭ᠂ ᠦᠭᠡᠨ ᠳᠤ ᠴᠡᠴᠡᠨ᠂ ᠤᠬᠠᠭᠠᠨ ᠳᠤ ᠮᠡᠷᠭᠡᠨ ᠦᠰᠭᠡᠵᠦ ᠢᠷᠡᠭᠰᠡᠨ ᠪᠠᠶᠢᠨᠠ᠃ ︽ | ᠬᠤᠪᠴᠠᠰᠤ ᠪᠠᠷ ᠨᠢ ᠤᠭᠳᠤᠵᠦ᠂ ᠤᠬᠠᠭᠠᠨ ᠢᠶᠠᠷ ᠨᠢ ᠦᠳᠡᠳᠡᠭ︾ ᠡᠨᠡ ᠵᠦᠢᠷ ᠦᠭᠡ ᠠᠴᠠ ᠮᠤᠩᠭᠤᠯᠴᠤᠳ | ᠤᠬᠠᠭᠠᠨ ᠢ ᠶᠠᠮᠠᠷ ᠶᠡᠭᠡ ᠴᠢᠬᠤᠯᠠ ᠳᠤ ᠦᠵᠡᠳᠡᠭ ᠭᠡᠳᠡᠭ ᠢ ᠬᠠᠷᠠᠵᠦ ᠪᠤᠯᠬ᠊ ᠶᠤᠮ᠃ ᠲᠡᠶᠢᠮᠤ ᠠᠴᠠ ᠵᠦᠢᠷ ᠴᠡᠴᠡᠨ | ᠦᠭᠡ ᠴᠡᠭᠡᠵᠢᠯᠡᠭᠦᠯᠵᠦ᠂ ᠤᠨᠢᠰᠤᠭᠠ ᠲᠠᠭᠠᠪᠤᠷᠢ ᠲᠠᠭᠠᠯᠭᠠᠵᠦ᠂ ᠲᠦᠷᠭᠡᠨ ᠬᠡᠯᠡᠯᠭᠡ ᠬᠡᠯᠡᠭᠦᠯᠵᠦ᠂ ᠰᠢᠯᠦᠭ ᠲᠠᠭᠤᠣ | ᠵᠢᠭᠠᠨ ᠦᠭᠴᠦ᠂ ᠦᠯᠢᠭᠡᠷ ᠲᠤᠭᠤᠵᠢ᠂ ᠠᠮᠠᠨ ᠵᠤᠬᠢᠶᠠᠯ ᠶᠠᠷᠢᠵᠦ ᠦᠭᠴᠦ᠂ ᠬᠡᠦᠬᠡᠳ ᠤᠨ ᠢᠶᠠᠨ ᠤᠶᠤᠨ ᠤᠬᠠᠭᠠᠨ | ᠂ ᠬᠡᠯᠡᠨ ᠤ ᠴᠢᠳᠡᠪᠤᠷᠢ ᠶᠢ ᠳᠡᠬᠡᠭᠰᠢᠯᠡᠭᠦᠯᠳᠡᠭ ᠪᠠᠶᠢᠭᠰᠠᠨ᠃ ᠰᠡᠳᠬᠢᠯ ᠵᠦᠢ ᠬᠡᠦᠬᠡᠳ ᠤᠨ ᠢᠶᠠᠨ ᠰᠡᠳᠬᠢᠯ ᠵᠦᠢ ᠳᠤ | ᠠᠩᠬᠠᠷᠬᠤ ᠬᠡᠷᠡᠭᠲᠡᠢ ᠭᠡᠳ ᠶᠠᠳᠠᠮᠠᠷ ᠨᠢᠭᠡ ᠨᠢ ᠰᠤᠷᠭᠠᠯᠲᠠ ᠬᠢᠬᠦ᠂ ᠢᠯᠡ ᠳᠤᠳᠤ ᠵᠦᠢᠯ ᠬᠢᠳᠡᠭ ᠦᠭᠡᠢ ᠪᠠᠶᠢᠭᠰᠠᠨ | ᠴᠦ ᠲᠡᠳᠡᠨ ᠤ ᠬᠢᠵᠦ ᠦᠢᠯᠡᠳᠦᠵᠦ ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠬᠠᠨᠳᠤᠵᠦ ᠪᠠᠶᠢᠭᠠ ᠪᠠᠶᠢᠳᠠᠯ ᠨᠢ ᠬᠡᠦᠬᠡᠳ | ᠪᠠᠭᠠᠴᠤᠳ ᠲᠤ ᠶᠡᠬᠡᠬᠡᠨ ᠨᠦᠯᠦᠭᠡᠯᠡᠳᠡᠭ ᠪᠠᠶᠢᠭᠰᠠᠨ᠃ ᠬᠡᠦᠬᠡᠳ ᠢᠶᠠᠨ ︽ᠤᠬᠠᠭᠠᠯᠢᠭ᠂ ᠲᠦᠯᠦᠪ ᠳᠠᠷᠤᠤ᠂ | ᠡᠨᠡᠷᠢᠩᠭᠦᠢ ᠰᠡᠳᠬᠢᠯ ᠲᠠᠢ᠂ ᠵᠤᠷᠢᠭᠲᠡᠢ᠂ ᠦᠨᠡᠨᠴᠢ ᠰᠢᠳᠤᠷᠭᠤ ᠬᠦᠮᠦᠵᠢᠬᠦᠯᠬᠦ ᠶᠢᠨ ᠳᠤᠯᠠᠳᠠ ᠲᠡᠳᠡᠨ ᠤ ᠤᠶᠤᠨ | ᠰᠡᠳᠬᠢᠬᠦᠢ ᠶᠢᠨ ᠤᠨᠴᠠᠯᠢᠭ ᠢ ᠰᠠᠶᠢᠨ ᠮᠠᠳᠡᠬᠦ ᠬᠡᠷᠡᠭᠲᠡᠢ᠃ ᠪᠢᠴᠢᠬᠠᠨ ᠬᠡᠦᠬᠡᠳ ᠤᠳ ᠬᠤᠭᠤᠷᠤᠨᠳᠦ ᠪᠠᠨ ᠢᠵᠢᠯᠬᠡᠨ | ᠶᠤᠮ ᠰᠢᠭ᠋ ᠪᠤᠯᠪᠠᠴᠦ ᠦᠨᠡᠨᠳᠡᠭᠡᠨ ᠲᠡᠲᠡᠨ ᠤ ᠬᠦᠯᠢᠶᠡᠨ ᠠᠪᠬᠤ ᠴᠢᠳᠠᠪᠤᠷᠢ᠂ ᠰᠡᠳᠬᠢᠬᠦᠢ ᠶᠢᠨ ᠤᠶᠢᠯᠡᠳᠦᠯ ᠤᠳ | ᠰᠡᠳᠬᠢᠯ ᠵᠦᠢ ᠶᠢᠨ ᠤᠨᠴᠠᠯᠢᠭ ᠶᠡᠭᠡ ᠢᠯᠭᠠᠭᠠᠲᠠᠢ ᠪᠠᠶᠢᠳᠠᠭ︾᠃ ᠬᠡᠦᠬᠡᠳ ᠪᠦᠷᠢ ᠶᠢᠨ ᠬᠦᠯᠢᠶᠡᠨ ᠠᠪᠬᠤ | ᠴᠢᠳᠠᠪᠤᠷᠢ᠂ ᠦᠪᠡᠷ ᠤᠨ ᠮᠡᠳᠡᠷᠡᠮᠵᠢ ᠪᠠᠨ ᠢᠯᠡᠷᠬᠡᠶᠢᠯᠡᠬᠦ ᠨᠢ ᠴᠦ ᠦᠭᠡᠷᠡ ᠦᠭᠡᠷᠡ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠤᠨ | ᠠᠷᠠᠳ ᠲᠦᠮᠡᠨ ᠡᠷᠳᠡ ᠳᠡᠭᠡᠷᠡ ᠦᠶᠡ ᠠᠴᠠ ᠬᠡᠦᠬᠡᠳ ᠪᠠᠭᠠᠴᠤᠳ ᠢᠶᠠᠨ ᠶᠤᠰᠤ ᠰᠤᠷᠲᠠᠬᠤᠨ ᠲᠠᠢ ᠪᠠᠷ | ᠬᠦᠮᠦᠵᠢᠭᠦᠯᠵᠦ ᠢᠷᠡᠭᠰᠡᠨ ᠪᠢᠯᠡ᠃ ᠭᠡᠷ ᠪᠦᠯᠢ ᠶᠢᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠠᠭᠤᠷ ᠠᠮᠢᠰᠬᠤᠯ᠂ ᠬᠡᠷᠡᠭᠦᠯ | ᠮᠠᠷᠭᠤᠭᠠᠨ ᠲᠠᠢ ᠤᠷᠴᠢᠨ ᠬᠡᠭᠦ ᠮᠡᠳᠦ ᠬᠡᠦᠬᠡᠳ ᠤᠨ ᠦᠰᠴᠦ ᠪᠤᠢ ᠤᠷᠴᠢᠨ ᠬᠡᠦᠬᠡᠳ ᠤᠨ ᠰᠡᠳᠬᠢᠯ ᠵᠦᠢ ᠳᠤ | ᠶᠡᠬᠡᠬᠡᠨ ᠨᠦᠯᠦᠭᠡᠯᠡᠳᠡᠭ᠃ ᠬᠡᠦᠬᠡᠳ ᠤᠨ ᠰᠡᠳᠬᠢᠯ ᠵᠦᠢ ᠶᠢᠨ ᠬᠦᠭᠵᠢᠯ ᠳᠤ ᠭᠡᠷ ᠪᠦᠯᠢ ᠶᠢᠨ ᠲᠡᠦᠬᠡ ᠤᠨᠴᠠᠭᠠᠢ | ᠡᠭᠦᠷᠭᠡ ᠲᠠᠢ ᠪᠠᠶᠢᠳᠠᠭ ᠢ ᠰᠡᠳᠬᠢᠯ ᠵᠦᠢᠴᠢᠳ ᠵᠤᠷᠢᠭᠤᠳᠠ ᠠᠩᠬᠠᠷᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠬᠡᠦᠬᠡᠳ | ᠨᠠᠰᠤᠨ ᠳᠠᠭᠠᠨ ᠡᠴᠢᠬᠡ ᠡᠬᠡ᠂ ᠡᠪᠦᠭᠡ ᠡᠮᠡᠭᠡ ᠨᠠᠷ ᠠᠴᠠ ᠪᠠᠨ ᠭᠡᠷ ᠪᠦᠯᠢ ᠶᠢᠨ ᠢᠶᠠᠨ ᠲᠤᠬᠠᠢ ᠰᠤᠨᠤᠰᠴᠦ ᠪᠠᠶᠢᠭᠰᠠᠨ | ᠬᠡᠦᠬᠡᠳ ᠤᠷᠴᠢᠨ ᠳᠠᠭᠠᠨ ᠰᠡᠳᠬᠢᠯ ᠵᠦᠢ ᠶᠢᠨ ᠬᠠᠷᠢᠯᠴᠠᠭᠠ ᠲᠤᠭᠲᠠᠭᠠᠬᠤ ᠳᠠᠭᠠᠨ ᠰᠠᠶᠢᠨ᠂ ᠬᠦᠨᠳᠦ ᠨᠦᠬᠦᠴᠡᠯ ᠳᠤ | ᠠᠮᠠᠷᠬᠠᠨ ᠵᠦᠭ ᠴᠢᠭ ᠢᠶᠠᠨ ᠤᠯᠳᠠᠭ ᠪᠠᠶᠢᠨᠠ᠃ ᠦᠩᠭᠡᠷᠡᠭᠰᠡᠨ ᠠᠮᠢᠳᠤᠷᠠᠯ ᠢᠶᠠᠨ ᠬᠡᠦᠬᠡᠳ ᠠᠴᠢ ᠭᠤᠴᠢ ᠳᠤ ᠪᠠᠨ | ᠶᠠᠷᠢᠬᠤ ᠨᠢ ᠰᠠᠶᠢᠨ ᠨᠦᠯᠦᠭᠡ ᠲᠠᠢ ᠪᠠᠶᠢᠳᠠᠭ᠃ ᠡᠷᠬᠢᠵᠦ ᠰᠠᠨᠠᠬᠤ ᠨᠢ ᠰᠡᠳᠬᠢᠯ ᠵᠦᠢ ᠶᠢ ᠲᠡᠩᠴᠡᠪᠦᠷᠢᠵᠢᠭᠦᠯᠵᠦ᠂᠂᠂ | ᠂ ᠰᠠᠨᠠᠭᠠᠨ ᠤ ᠵᠡᠷᠭᠡ ᠲᠦᠯᠦᠪ ᠢ ᠪᠤᠢ ᠪᠤᠯᠭᠠᠨᠠ᠃ ᠰᠡᠳᠬᠢᠯ ᠵᠦᠢᠴᠢᠳ ᠤᠨ ᠦᠵᠡᠵᠦ ᠪᠠᠶᠢᠭᠠ ᠪᠠᠷ ᠠᠬᠠᠮᠠᠳ | ᠦᠶᠡ ᠶᠢᠨ ᠬᠢᠨ ᠤ ᠶᠠᠮᠠᠷ ᠨᠢᠭᠡᠨ ᠪᠦᠲᠦᠯ ᠦᠭᠡᠢ ᠳᠤᠷᠠᠰᠤᠮᠵᠢ ᠬᠡᠦᠬᠡᠳ ᠤᠨ ᠬᠦᠭᠵᠢᠯ ᠳᠤ ᠨᠦᠯᠦᠭᠡᠯᠡᠬᠦ ᠨᠢ | ᠢᠯᠡᠭᠦᠦᠲᠠᠢ ᠪᠠᠶᠢᠳᠠᠭ ᠪᠠᠶᠢᠨᠠ᠃ ᠡᠨᠡ ᠨᠢ ᠬᠡᠦᠬᠡᠳ ᠲᠤ ᠦᠪᠡᠷ ᠤᠨ ᠬᠦᠴᠦᠨ ᠳᠤ ᠢᠳᠡᠭᠡᠬᠦ ᠢᠲᠡᠭᠡᠯ | ᠲᠦᠷᠦᠭᠦᠯᠳᠡᠭ᠃ ᠮᠦᠨ ᠡᠭᠦᠪᠡᠷ ᠵᠤᠭᠰᠤᠬᠤ ᠦᠭᠡᠢ ᠬᠡᠦᠬᠡᠳ ᠦᠪᠡᠷᠲᠡᠭᠡᠨ ᠢᠳᠡᠭᠡᠬᠦ ᠢᠳᠡᠭᠡᠯ ᠲᠠᠢ᠂ ᠦᠪᠡᠷ ᠤᠨ | ᠦᠨᠡ ᠴᠠᠨᠠ ᠶᠢ ᠮᠡᠳᠡᠷᠡᠳᠡᠭ ᠪᠤᠯᠳᠠᠭ ᠪᠠ ᠠᠬᠠᠮᠠᠳ ᠦᠶᠡ ᠶᠢᠨ ᠢᠶᠠᠨ ᠠᠯᠳᠠᠭᠠ ᠠᠴᠠ ᠰᠤᠷᠤᠯᠴᠠᠵᠦ ᠳᠠᠳᠠᠯᠭᠠ | ᠲᠤᠷᠰᠢᠯᠭᠠ ᠲᠠᠢ ᠪᠤᠯᠳᠠᠭ᠃ | ᠨᠡᠶᠢᠭᠡᠮ ᠪᠠ ᠨᠡᠶᠢᠭᠡᠮᠰᠢᠬᠦ | ᠬᠡᠦᠬᠡᠳ ᠤᠨ ᠬᠦᠭᠵᠢᠯ ᠤᠨ ᠨᠡᠶᠢᠬᠡᠮ ᠤᠨ ᠲᠠᠯᠠ ᠳᠤ ᠨᠦᠯᠦᠭᠡᠯᠡᠳᠡᠭ ᠬᠦᠴᠦᠨ ᠵᠦᠢᠯ ᠤᠨ ᠨᠢᠭᠡ ᠪᠤᠯ ᠭᠡᠷ | ᠪᠦᠯᠢ ᠶᠤᠮ᠃ ︽ᠭᠡᠷ ᠪᠦᠯᠢ ᠶᠢᠨ ᠨᠦᠬᠦᠴᠡᠯ ᠳᠤ ᠬᠡᠦᠬᠡᠳ ᠲᠤ ᠦᠵᠡᠭᠦᠯᠵᠦ ᠪᠡᠶᠢᠭᠠ ᠵᠠᠩ ᠦᠢᠯᠡ ᠶᠢᠨ ᠦᠯᠢᠭᠡᠷ | ᠳᠠᠭᠤᠷᠢᠶᠠᠯ ᠨᠢ ᠬᠡᠦᠬᠡᠳ ᠲᠤ ᠦᠪᠡᠷ ᠤᠨ ᠭᠡᠰᠡᠨ ᠨᠡᠶᠢᠭᠡᠮ ᠤᠨ ᠲᠤᠷᠰᠢᠯᠭᠠ ᠬᠤᠷᠠᠮᠳᠠᠭᠤᠯᠬᠤ ᠳᠤ ᠨᠦᠯᠦᠭᠡᠯᠡᠵᠦ | ᠪᠠᠶᠢᠳᠠᠭ ᠪᠠ ᠬᠡᠦᠬᠡᠳ ᠤᠨ ᠶᠢᠷᠲᠢᠨᠴᠦ ᠶᠢ ᠦᠵᠡᠬᠦ ᠦᠵᠡᠯ ᠤᠨ ᠠᠩᠬᠠᠨ ᠤ ᠤᠶᠢᠯᠭᠠᠯᠳᠠ ᠪᠦᠷᠢᠯᠳᠦᠨ ᠲᠤᠭᠳᠠᠳᠠᠭ︾ | ᠃ ᠬᠡᠦᠬᠡᠳ ᠢ ᠪᠠᠭᠠ ᠪᠠᠯᠴᠢᠷ ᠭᠡᠵᠦ ᠭᠤᠯᠤᠬᠤ ᠦᠭᠡᠢ ᠬᠤᠷᠠᠭᠠ ᠢᠰᠢᠭᠡᠨ ᠤ ᠵᠢᠰᠤ ᠨᠢᠳᠦᠯᠡᠬᠦᠯᠵᠦ᠂ ᠪᠡᠶᠡ ᠳᠤᠨᠢ | ᠲᠤᠬᠢᠷᠠᠭᠰᠠᠨ ᠰᠠᠪᠠ ᠪᠠᠷ ᠤᠰᠤᠠ ᠳᠤ ᠶᠠᠪᠤᠭᠤᠯᠵᠦ᠂ ᠮᠤᠳᠤᠨ ᠮᠤᠷᠢ ᠬᠢᠵᠦ ᠦᠭᠴᠦ ᠰᠠᠬᠠᠯᠳᠠ ᠠᠶᠢᠯ ᠤᠨ | ᠬᠡᠦᠬᠡᠳ ᠤᠳ ᠲᠠᠢ ᠲᠤᠭᠯᠠᠭᠤᠯᠵᠦ ᠨᠡᠶᠢᠭᠡᠮ ᠲᠠᠢ ᠨᠢ ᠬᠠᠷᠢᠴᠠᠭᠤᠯᠳᠠᠭ ᠪᠠᠶᠢᠭᠰᠠᠨ᠃ ︽ᠭᠡᠷ ᠪᠦᠯᠢ ᠬᠡᠦᠬᠡᠳ ᠤᠨ | ᠬᠦᠭᠵᠢᠯ᠂ ᠶᠤᠰᠤ ᠰᠤᠷᠲᠠᠬᠤᠨ᠂ ᠠᠮᠢᠳᠤᠷᠠᠯ ᠤᠨ ᠤᠯᠠᠨ ᠬᠡᠪᠰᠢᠯ᠂ ᠴᠢᠭ ᠬᠠᠨᠳᠤᠯᠭᠠ ᠶᠢᠨ ᠵᠤᠬᠢᠶᠠᠨ | ᠪᠠᠶᠢᠭᠤᠯᠤᠭᠴᠢ ᠨᠢ ᠪᠤᠯᠳᠠᠭ᠃ ᠬᠦᠷᠢᠶᠡᠯᠡᠨ ᠪᠤᠢ ᠶᠢᠷᠲᠢᠨᠴᠦ ᠲᠠᠢ ᠬᠠᠷᠢᠯᠴᠠᠬᠤ ᠬᠡᠦᠬᠡᠳ ᠤᠨ ᠬᠠᠷᠢᠯᠴᠠᠭᠠ ᠶᠢ | ᠡᠴᠢᠭᠡ ᠡᠬᠡ ᠪᠤᠯᠤᠨ ᠪᠤᠰᠤᠳ ᠬᠠᠮᠢᠶᠠᠳᠠᠨ ᠰᠠᠳᠤᠨ ᠨᠢ ᠪᠦᠷᠢᠳᠦᠬᠦᠯᠳᠡᠭ᠃ ᠡᠬᠢᠯᠡᠭᠡᠳ ᠲᠤᠮᠤᠴᠤᠤᠯ ᠬᠡᠦᠬᠡᠳ ᠢ | ᠤᠷᠮᠠᠰᠢᠭᠤᠯᠤᠨ ᠢᠳᠡᠪᠬᠢᠵᠢᠯ ᠢ ᠨᠢ ᠳᠡᠮᠵᠢᠵᠦ ᠬᠠᠮᠳᠤᠷᠠᠵᠦ ᠠᠵᠢᠯᠯᠠᠳᠠᠭ︾᠃ ᠬᠡᠦᠬᠡᠳ ᠡᠬᠢᠯᠡᠭᠡᠳ ᠠᠪᠤ ᠡᠵᠢ᠂ | ᠠᠬᠠ ᠡᠬᠡᠴᠢ᠂ ᠭᠡᠷ ᠪᠦᠯᠢ ᠶᠢᠨ ᠭᠡᠰᠢᠭᠦᠳ ᠲᠠᠢ ᠪᠠᠨ ᠬᠠᠷᠢᠯᠴᠠᠳᠠᠭ ᠪᠠ ᠳᠠᠷᠠᠭᠠ ᠨᠢ ᠠᠶᠢᠯ ᠰᠠᠬᠠᠯᠲᠠ ᠶᠢᠨ | ᠬᠦᠮᠦᠰ ᠲᠠᠢ ᠪᠠᠨ ᠬᠠᠷᠢᠯᠴᠠᠳᠠᠭ᠃ ᠮᠤᠩᠭᠤᠯᠴᠤᠳ ᠬᠡᠦᠬᠡᠳ ᠢᠶᠠᠨ ᠪᠠᠭᠠ ᠪᠠᠯᠴᠢᠷ ᠠᠴᠠ ᠨᠢ ᠠᠬᠠᠮᠠᠳ | ᠨᠠᠰᠤᠲᠠᠨ ᠢᠶᠠᠨ ᠬᠦᠨᠳᠦᠳᠬᠡᠬᠦ ᠶᠤᠰᠤᠨ ᠳᠤ ᠰᠤᠷᠭᠠᠵᠦ ᠢᠷᠡᠭᠰᠡᠨ ᠪᠦᠭᠡᠳ ᠡᠴᠢᠭᠡ ᠡᠬᠡ ᠨᠢ ᠦᠷᠡ ᠬᠡᠦᠬᠡᠳ ᠢᠶᠠᠨ | ᠬᠦᠨᠳᠦᠳᠬᠡᠨ ᠬᠠᠶᠢᠷᠠᠯᠠᠵᠦ᠂ ︽ᠭᠠᠷ ᠢ ᠨᠢ ᠭᠠᠨᠵᠤᠭᠠᠨ ᠳᠤ᠂ ᠬᠦᠯ ᠢ ᠨᠢ ᠲᠦᠷᠦᠭᠡᠨ ᠳᠤ ᠬᠦᠷᠭᠡᠵᠦ︾᠂ ᠬᠦᠮᠦᠨ | ᠰᠢᠭ ᠬᠦᠮᠦᠨ ᠪᠤᠯᠭᠠᠨ ᠢᠷᠡᠭᠰᠡᠨ ᠪᠢᠯᠡ᠃ ᠮᠤᠩᠭᠤᠯᠴᠤᠳ ᠦᠷᠡ ᠬᠡᠦᠬᠡᠳ ᠢᠶᠠᠨ ᠬᠦᠨᠳᠦᠳᠬᠡᠬᠦ ᠶᠤᠰᠤᠨ ᠳᠤ᠄ | ᠬᠡᠦᠬᠡᠳ ᠤᠨ ᠢᠶᠠᠨ ᠰᠠᠨᠠᠯ ᠪᠤᠳᠤᠯ ᠢ ᠰᠤᠨᠤᠰᠬᠤ ᠰᠤᠷᠴᠦ ᠪᠤᠯᠪᠠᠰᠤᠷᠠᠬᠤ ᠳᠤᠨᠢ ᠪᠦᠬᠦ ᠲᠠᠯᠠ ᠪᠠᠷ ᠳᠡᠮᠵᠢᠬᠦ ᠦᠷᠡ | ᠬᠡᠦᠬᠡᠳ ᠤᠨ ᠢᠶᠠᠨ ᠳᠡᠷᠭᠡᠳᠡ ᠬᠡᠷᠡᠯᠳᠦᠬᠦ ᠦᠭᠡᠢ ᠪᠠᠶᠢᠬᠤ ᠳᠡᠷᠭᠡᠳᠡ ᠨᠢ ᠠᠷᠢᠬᠢ ᠳᠠᠷᠠᠰᠤ ᠤᠤᠭᠤᠬᠤ ᠦᠭᠡᠢ ᠪᠠᠶᠢᠬᠤ | ᠨᠠᠶᠢᠵᠠ ᠨᠦᠬᠦᠳ ᠤᠨ ᠬᠢᠨᠢ ᠳᠡᠷᠭᠡᠳᠡ ᠵᠢᠮᠡᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠭᠡᠳ ᠤᠯᠠᠨ ᠶᠤᠰᠤ ᠪᠠᠶᠢᠳᠠᠭ᠃ ᠪᠠᠯᠴᠢᠷ | ᠨᠠᠰᠤᠨ ᠤ ᠬᠡᠦᠬᠡᠳ ᠡᠨᠡ ᠮᠠᠳᠦᠴᠢᠯᠡᠨ ᠭᠡᠷ ᠪᠦᠯᠢ ᠶᠢᠨ ᠤᠷᠴᠢᠨ ᠳᠤ ᠪᠡᠶᠡ ᠮᠠᠬᠠᠪᠤᠳ᠂ ᠤᠶᠤᠨ ᠤᠬᠠᠭᠠᠨ᠂ | ᠰᠡᠳᠬᠢᠯ ᠵᠦᠢ᠂ ᠨᠡᠶᠢᠭᠡᠮ ᠤᠨ ᠭᠡᠬᠦ ᠮᠡᠲᠦ ᠪᠦᠬᠦ ᠲᠠᠯᠠ ᠪᠠᠷ ᠢᠶᠠᠨ ᠦᠰᠴᠦ ᠪᠠᠶᠢᠳᠠᠭ᠃ | ︵ᠲᠤᠰ ᠵᠤᠬᠢᠶᠠᠯ ᠢ ᠬᠤᠯᠪᠤᠭᠠ ᠰᠦᠯᠵᠢᠶᠡ ᠶᠢᠨ ᠤᠷᠶᠠᠩᠬᠠᠨ ᠵᠠᠯᠮᠠ᠂ ᠦ᠊᠂ ᠵᠢᠪᠬᠤᠯᠠᠩᠲᠦ ᠶᠢᠨ ᠪᠦᠷᠭᠡ ᠠᠴᠠ | ᠪᠠᠭᠤᠯᠭᠠᠪᠠ︶ | |