| | ᠮᠤᠩᠭᠤᠯᠴᠤᠳ ᠡᠷᠳᠡ ᠲᠡᠭᠡᠳᠦᠰ ᠠᠴᠠ ᠪᠠᠨ ᠠᠪᠤᠭᠠᠳ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠠᠮᠢᠳᠤᠷᠠᠯ ᠤᠨ ᠶᠠᠪᠤᠴᠠ | ᠳᠤ ᠪᠠᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠮᠠᠯᠵᠢᠵᠤ ᠲᠠᠪᠤᠨ ᠬᠠᠨᠠ ᠲᠠᠢ ᠮᠤᠩᠭᠤᠯ ᠭᠡᠷ ᠲᠤ ᠪᠠᠨ ᠠᠮᠢᠳᠤᠷᠠᠨ | ᠤᠷᠤᠰᠢᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ | ᠡᠶᠢᠮᠤ ᠠᠴᠠ ᠮᠤᠨᠭᠤᠯ ᠭᠡᠷ ᠲᠤ ᠤᠷᠤᠬᠤ ᠠᠴᠠ ᠡᠬᠢᠯᠡᠨ ᠮᠤᠩᠭᠤᠯ ᠭᠡᠷ ᠲᠤ ᠰᠠᠭᠤᠬᠤ᠂ ᠤᠨᠳᠠᠵᠤ | ᠬᠡᠪᠳᠡᠬᠦ ᠬᠦᠷᠳᠡᠯᠡ ᠪᠠᠨ ᠪᠦᠷ ᠨᠠᠷᠢᠨ ᠨᠢᠮᠪᠠᠢ ᠶᠤᠰᠤ ᠵᠠᠩᠰᠢᠯ ᠲᠠᠢ ᠪᠦᠭᠡᠳ ᠡᠮᠬᠢ ᠲᠢᠭᠯᠢᠮ ᠲᠠᠢ ᠪᠠᠶᠢᠳᠠᠭ᠃ ᠠᠶᠢᠯ | ᠳᠤ ᠤᠷᠤᠬᠤ ᠪᠤᠶᠤ ᠭᠡᠷ ᠲᠤ ᠪᠠᠨ ᠤᠷᠤᠬᠤ ᠳᠤ ᠮᠤᠩᠭᠤᠯ ᠭᠡᠷ ᠤᠨ ᠡᠭᠦᠳᠡ ᠶᠢ ︵ᠢᠰᠡᠭᠡᠢ ᠡᠭᠦᠳᠡ︶ ᠵᠡᠭᠦᠨ | ᠲᠠᠯᠠ ᠠᠴᠠ ᠨᠢ ᠰᠡᠭᠦᠵᠤ ᠤᠷᠤᠳᠠᠭ ᠵᠠᠩᠰᠢᠯ ᠲᠠᠢ᠃ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠨᠢ ᠤᠷᠤᠬᠤ ᠶᠢ ᠴᠡᠭᠡᠷᠯᠡᠨᠠ᠃ | ᠮᠤᠨᠭᠤᠯ ᠭᠡᠷ ᠲᠤ ᠤᠷᠤᠬᠤ ᠳᠤ ᠭᠠᠷ ᠲᠤ ᠪᠠᠨ ᠴᠢᠳᠤᠷ᠂ ᠨᠤᠭᠳᠤ᠂ ᠲᠠᠰᠢᠭᠤᠷ ᠁ ᠭᠡᠬᠦ ᠮᠡᠳᠦ ᠶᠢᠨ | ᠵᠦᠢᠯᠡᠰ ᠢ ᠪᠠᠷᠢᠵᠤ ᠤᠷᠤᠬᠤ ᠶᠢ ᠴᠡᠭᠡᠷᠯᠡᠨᠠ᠃ | ᠬᠤᠷᠮᠤᠢ ᠪᠠᠨ ᠰᠢᠭᠤᠵᠤ ᠤᠷᠤᠵᠤ ᠪᠤᠯᠬᠤ ᠦᠭᠡᠢ᠃ ᠡᠩᠭᠡᠷ ᠵᠠᠳᠠᠭᠠᠢ᠂ ᠦᠰᠦ ᠭᠡᠵᠢᠭᠡ ᠪᠠᠨ | ᠰᠡᠭᠰᠡᠶᠢᠯᠭᠡᠵᠤ ᠤᠷᠤᠵᠤ ᠭᠠᠷᠬᠤ ᠶᠢ ᠴᠤ ᠴᠡᠭᠡᠷᠯᠡᠨᠠ᠃ ᠮᠤᠩᠭᠤᠯ ᠭᠡᠷ ᠲᠤ ᠰᠠᠭᠤᠬᠤ ᠳᠤ ᠴᠤ ᠲᠤᠰᠬᠠᠢ ᠤᠷᠤ | ᠪᠠᠶᠢᠳᠠᠭ᠃ ᠬᠤᠶᠢᠮᠤᠷ ᠤᠨ ᠤᠷᠤ ᠪᠤᠯ ᠬᠦᠨᠳᠦᠳᠦ ᠭᠦᠮᠦᠨ᠂ ᠭᠡᠷ ᠤᠨ ᠡᠵᠡᠨ ᠢ ᠰᠠᠭᠤᠯᠭᠠᠳᠠᠭ ᠶᠤᠮ᠃ ᠭᠡᠷ ᠤᠨ | ᠪᠠᠷᠠᠭᠤᠨ ᠬᠤᠶᠢᠨᠠ ᠲᠠᠯᠠ ᠪᠠᠷ ᠬᠦᠩᠭᠠᠷᠠᠪᠠ ᠲᠠᠯᠪᠢᠵᠤ ᠪᠤᠷᠬᠠᠨ ᠲᠠᠬᠢᠳᠠᠭ᠃ ᠪᠠᠷᠠᠭᠤᠨ ᠡᠮᠦᠨᠡᠭᠦᠷ ᠪᠦᠰᠡᠳᠡᠢ | ᠬᠦᠮᠦᠨ ᠤ ᠡᠮᠡᠭᠡᠯ ᠵᠡᠷᠭᠡ ᠡᠳ᠋ᠯᠡᠯ ᠢ ᠲᠠᠯᠪᠢᠳᠠᠭ ᠵᠠᠩᠰᠢᠯ ᠲᠠᠢ᠃ ᠡᠶᠢᠮᠤ ᠠᠴᠠ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠡᠷᠡᠭᠳᠡᠢ ᠬᠦᠮᠦᠨ | ᠭᠤᠤᠯᠯᠠᠵᠤ ᠰᠠᠭᠤᠬᠤ ᠪᠦᠭᠡᠳ ᠵᠤᠴᠢᠨ ᠭᠤᠤᠯᠳᠠᠵᠤ ᠰᠠᠭᠤᠨᠠ᠃ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠢ ᠪᠠᠷᠠᠭᠤᠨ ᠬᠤᠶᠢᠰᠢ | ᠰᠠᠭᠤᠯᠭᠠᠳᠠᠭ᠃ ᠪᠦᠰᠡᠳᠡᠢ ᠬᠦᠮᠦᠨ ᠵᠠᠪᠠᠯ ᠵᠠᠪᠢᠯᠠᠵᠤ ᠰᠠᠭᠤᠨᠠ᠃ ᠭᠡᠷ ᠤᠨ ᠵᠡᠭᠦᠨ ᠲᠠᠯᠠ ᠪᠠᠷ ᠪᠦᠰᠡᠭᠦᠢ ᠬᠦᠮᠦᠨ | ᠰᠠᠭᠤᠳᠠᠭ᠂ ᠰᠦ ᠰᠠᠭᠠᠯᠢ ᠶᠢᠨ ᠵᠦᠢᠯᠡᠰ ᠪᠤᠶᠤ ᠲᠤᠭᠤᠭᠠ ᠰᠢᠨᠠᠭᠠᠨ ᠤ ᠡᠳ᠋ᠯᠡᠯ ᠢ ᠪᠦᠷ ᠵᠡᠭᠦᠨ ᠲᠠᠯᠠ ᠪᠤᠶᠤ ᠵᠡᠭᠦᠨ | ᠡᠮᠦᠨᠠ ᠲᠠᠯᠪᠢᠳᠠᠭ᠃ ᠡᠶᠢᠮᠤ ᠠᠴᠠ ᠪᠦᠰᠡᠭᠦᠢ ᠬᠦᠮᠦᠨ ᠵᠡᠭᠦᠨ ᠲᠠᠯᠠ ᠳᠤ ᠴᠤᠮᠴᠦ᠋ᠢᠵᠤ ᠰᠠᠭᠤᠨᠠ᠃ ᠬᠡᠦᠭᠡᠳ | ᠬᠦᠮᠦᠨ ᠴᠤ ᠬᠦᠯ ᠢᠶᠠᠨ ᠵᠢᠬᠢᠵᠤ ᠪᠤᠯᠬᠤ ᠦᠭᠡᠢ᠃ ᠬᠡᠦᠭᠡᠳ ᠬᠦᠮᠦᠨ ᠢ ᠪᠠᠭᠠ ᠠᠴᠠ ᠨᠢ ᠴᠤᠮᠴᠦ᠋ᠢᠵᠤ | ᠰᠠᠭᠤᠯᠭᠠᠳᠠᠭ᠃ ᠬᠢᠶᠡᠭᠡᠯᠳᠡᠬᠦ ᠪᠤᠶᠤ ᠲᠦᠰᠢᠵᠤ ᠲᠤᠯᠬᠤ᠂ ᠬᠠᠶᠢᠵᠠᠶᠢᠵᠤ ᠮᠠᠶᠢᠵᠢᠵᠤ ᠰᠠᠭᠤᠬᠤ᠂ ᠠᠯᠴᠠᠶᠢᠵᠤ | ᠰᠠᠭᠤᠬᠤ ᠶᠢ ᠴᠡᠭᠡᠷᠯᠡᠭᠦᠯᠦᠨᠠ᠃ | ᠮᠤᠩᠭᠤᠯ ᠭᠡᠷ ᠲᠤ ᠤᠨᠳᠠᠬᠤ ᠳᠤ ᠴᠤ ᠶᠡᠭᠡ ᠲᠢᠭᠯᠢᠮ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠬᠦᠨᠳᠦᠳᠦ ᠵᠤᠴᠢᠨ | ᠢᠷᠡᠭᠰᠡᠨ ᠪᠤᠯ ᠭᠡᠷ ᠤᠨ ᠬᠤᠶᠢᠮᠤᠷ ᠤᠨᠳᠠᠭᠤᠯᠤᠨᠠ᠃ ᠶᠡᠷᠦ ᠠᠴᠠ ᠪᠠᠷᠠᠭᠤᠨ ᠲᠠᠯᠠ ᠳᠤ ᠵᠤᠴᠢᠨ ᠢᠶᠠᠨ | ᠤᠨᠳᠠᠭᠤᠯᠬᠤ ᠵᠠᠩᠰᠢᠯ ᠲᠠᠢ᠃ ᠪᠦᠰᠡᠭᠦᠢ ᠬᠦᠮᠦᠨ ᠭᠡᠷ ᠤᠨ ᠵᠡᠭᠦᠨ ᠲᠠᠯᠠ ᠳᠤ ᠤᠨᠳᠠᠨᠠ᠃ ᠮᠤᠩᠭᠤᠯ ᠭᠡᠷ ᠲᠤ | ᠤᠨᠳᠠᠬᠤ ᠳᠤ ᠭᠠᠯ ᠲᠤᠯᠭᠠ ᠪᠠ ᠪᠤᠷᠬᠠᠨ ᠤ ᠦᠭᠡᠳᠡ ᠬᠦᠯ ᠢᠶᠠᠨ ᠵᠢᠬᠢᠵᠤ ᠤᠨᠳᠠᠬᠤ ᠶᠢ ᠴᠡᠭᠡᠷᠯᠡᠵᠤ᠂ ᠬᠠᠷᠢᠨ | ᠲᠤᠯᠤᠭᠠᠢ ᠪᠠᠨ ᠬᠠᠨᠳᠤᠭᠤᠯᠵᠤ ᠤᠨᠳᠠᠬᠤ ᠭᠡᠷᠡᠭᠳᠡᠢ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠭᠡᠷ ᠤᠨ ᠬᠠᠳᠠᠪᠴᠢ ᠶᠢ ᠵᠠᠶᠢᠳᠠᠯᠠᠵᠤ | ᠰᠠᠭᠤᠬᠤ ᠪᠤᠶᠤ ᠲᠤᠳᠤᠭᠤ ᠪᠠᠷ ᠱᠠᠭᠠᠢᠢᠬᠤ ᠶᠢ ᠴᠡᠭᠡᠷᠯᠡᠨᠠ᠃ ᠮᠤᠩᠭᠤᠯ ᠭᠡᠷ ᠤᠨ ᠡᠭᠦᠳᠡ ᠶᠢ ᠠᠯᠳᠠᠯᠠᠬᠤ ᠶᠢ | ᠴᠡᠭᠡᠷᠯᠡᠨᠠ᠃ ᠡᠨᠡ ᠪᠦᠬᠦᠨ ᠨᠢ ᠮᠤᠩᠭᠤᠯᠴᠤᠳ ᠤᠨ ᠮᠤᠩᠭᠤᠯ ᠭᠡᠷ ᠲᠠᠬᠢ ᠬᠠᠮᠤᠭ ᠤᠨ ᠶᠡᠷᠦᠮᠳᠡᠭ ᠶᠤᠰᠤ ᠵᠠᠩᠰᠢᠯ | ᠪᠤᠯᠬᠤ ᠪᠦᠭᠡᠳ ᠨᠡᠩ ᠴᠤ ᠬᠠᠮᠤᠭ ᠤᠨ ᠪᠤᠯᠪᠠᠰᠤᠨ ᠰᠠᠶᠢᠬᠠᠨ ᠭᠡᠷ ᠤᠨ ᠰᠤᠷᠭᠠᠯ ᠪᠤᠯᠬᠤ ᠶᠤᠮ᠃ | | ︽ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠭᠡᠷ ᠤᠨ ᠰᠤᠷᠭᠠᠯ︾ ᠭᠡᠬᠦ ᠨᠤᠮ ᠠᠴᠠ | |