| ᠨᠤ᠂ ᠴᠢᠯᠠᠭᠤᠨᠪᠠᠭᠠᠨᠠ | ᠮᠤᠷᠢᠳᠠᠢ ᠬᠦᠮᠤᠨ ᠤ ᠮᠦᠷᠳᠠᠢ ᠵᠤᠭᠤᠭ | ( ᠨᠢᠭᠡ︶ | ᠬᠦᠮᠤᠨ ᠭᠡᠭᠴᠢ ᠬᠦᠯ ᠭᠠᠷ᠂ ᠬᠦᠯᠤᠭ᠌ ᠤᠨᠤᠭᠠ ᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠬᠠᠮᠢᠭᠠ ᠴᠤ ᠬᠦᠷᠴᠤ᠂ ᠬᠡᠨ ᠲᠠᠢ | ᠴᠤ ᠠᠭᠤᠯᠵᠠᠵᠤ ᠪᠤᠯᠳᠠᠭ ᠶᠤᠮ ᠪᠠᠶᠢᠵᠡᠢ᠃ ᠡᠮᠤᠨᠡᠬᠡᠨ ᠪᠢ ︽ᠰᠤᠷᠤᠯᠴᠠᠬᠤ︾ ᠲᠤᠬᠢᠶᠡᠯ ᠬᠠᠷᠭᠤᠨ ᠭᠤᠸᠠᠩᠰᠢ | ᠭᠦᠢᠯᠢᠨ ᠤ ᠠᠭᠤᠯᠠ ᠤᠰᠤ ᠪᠠᠷ ᠨᠢᠳᠤ ᠨᠡᠭᠡᠭᠡᠵᠤ ᠶᠠᠪᠤᠭᠰᠠᠨ ᠪᠢᠯᠡ᠃ | ᠤᠩᠭᠤᠴᠠᠨ ᠳᠤ ᠰᠠᠭᠤᠵᠤ ᠯᠢᠵᠢᠶᠠᠩ ᠮᠦᠷᠡᠨ ᠢ ᠦᠭᠰᠤᠨ ᠠᠶᠠᠯᠠᠬᠤᠶᠠ ᠨᠤᠯᠮᠤᠨ ᠨᠤᠭᠤᠭᠠᠨ ᠡᠷᠭᠢ ᠬᠦᠪᠡᠭᠡᠳ | ᠨᠢ ᠨᠤᠳᠤᠭ ᠤᠨ ᠵᠢᠰᠤ ᠪᠠᠷ ᠨᠠᠮᠠ ᠶᠢ ᠨᠢᠯᠬᠠᠷᠭᠠᠵᠤ ᠰᠡᠷᠡᠯ ᠬᠦᠨᠳᠡᠨ᠂ ᠰᠡᠳᠬᠢᠯ ᠰᠤᠭᠳᠤᠭᠠᠨᠠ᠃ | ᠴᠡᠯᠭᠡᠮᠡ ᠨᠤᠭᠤᠭᠠᠨ ᠠᠭᠤᠯᠠᠰ — ᠴᠡᠩᠬᠡᠯ ᠠᠷᠭᠠᠳᠠᠨ᠂ ᠨᠠᠮᠠ ᠶᠢ ᠵᠢᠷᠭᠠᠨᠠ᠃ ᠨᠤᠭᠤᠭᠠᠨ ᠨᠢ ᠴᠤ ᠶᠠᠭᠠᠬᠢᠬᠤ | ᠪᠤᠢ︖ ᠤᠯᠠᠷᠢᠯ ᠶᠤᠮ ᠴᠢᠨᠢ᠃ ᠠᠭᠤᠯᠠ ᠴᠤ ᠶᠠᠭᠤ ᠪᠠᠶᠢᠬᠤ ᠪᠤᠢ︖ ᠤᠮᠠᠷᠠᠳᠤ ᠶᠢᠨ ᠦᠨᠳᠦᠷᠯᠢᠭ — ᠮᠢᠨᠤ | ᠨᠤᠳᠤᠭ ᠲᠤ ᠪᠠᠰᠠ ᠪᠠᠶᠢᠬᠤ ᠯᠠ ᠳ᠋ᠠ᠃ ᠡᠶᠢᠮᠤ ᠲᠤᠰᠤᠷᠠᠩᠭᠤᠢ᠂ ᠤᠰᠤᠷᠠᠩᠭᠤᠢ ᠲᠤᠷᠭᠠ ᠲᠤᠷᠳᠠᠩ ᠰᠢᠭ᠋ | ᠤᠶᠠᠬᠠᠨ ᠵᠦᠭᠡᠯᠡᠨ ᠨᠤᠭᠤᠭᠠᠨ ᠪᠠᠶᠢᠳᠠᠭ ᠨᠢ ᠭᠤᠶᠤᠬᠠᠨ᠃ ᠪᠤᠳᠤᠬᠤ ᠳᠤ ᠤᠮᠠᠷᠠᠳᠤ ᠶᠢᠨ ᠦᠨᠳᠦᠷᠯᠢᠭ ᠪᠠᠰᠠ | ᠤᠤᠯ ᠳᠠᠭᠠᠨ ᠡᠶᠢᠮᠤ ᠪᠠᠶᠢᠭᠰᠠᠨ ᠠᠵᠤᠭᠤ︕ | ᠴᠡᠯ ᠨᠤᠭᠤᠭᠠᠨ ᠤᠰᠤᠨ — ᠴᠠᠯᠬᠢᠶᠠ ᠦᠭᠡᠢ ᠮᠡᠯᠮᠡᠯᠵᠡᠨ᠂ ᠴᠠᠬᠢᠰ ᠬᠢᠯᠠᠰ ᠶᠠᠭᠠᠷᠠᠬᠤ᠂ ᠰᠡᠭᠦᠳᠡᠷ ᠤᠨ ᠮᠠᠰᠢᠨ ᠤ | ᠮᠢᠨᠢ ᠭᠡᠭᠡᠪᠴᠢ ᠪᠠᠷ ᠤᠷᠤᠰᠤᠮᠠ ᠵᠢᠷᠤᠭᠠ ᠲᠠᠢ ᠢᠷᠡᠨᠡ᠃ | ᠬᠦᠢ︕ ᠮᠤᠷᠢ ᠪᠠᠶᠢᠨᠠ᠂ ᠮᠤᠷᠢᠳᠠᠢ ᠬᠦᠮᠤᠨ ᠪᠠᠶᠢᠨᠠ᠃ ᠮᠤᠩᠭᠤᠯ ᠠᠳᠤᠭᠤᠨ ᠤ ᠰᠠᠯᠬᠢ ᠪᠠᠶᠢᠨᠠ᠃ | ᠬᠠᠮᠢᠭᠠ ᠠᠴᠠ ᠢᠷᠡᠵᠤ︖ ᠬᠠᠮᠢᠭᠠ ᠤᠴᠢᠳᠠᠭ ᠪᠢᠯᠡ︖ ᠭᠡᠳᠡᠭ ᠠᠰᠠᠭᠤᠯᠳᠠ ᠶᠢ ᠤᠯᠡᠨ ᠡᠳᠤᠷ᠂ | ᠵᠤᠵᠠᠭᠠᠨ ᠬᠤᠨᠤᠭ ᠢᠶᠠᠷ ᠰᠡᠳᠬᠢᠵᠤ ᠶᠠᠪᠤᠭᠰᠠᠨ ᠮᠢᠨᠤ ᠪᠤᠳᠤᠯ ᠳᠤ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ᠂ ᠠᠳᠤᠭᠤᠨ | ᠲᠤᠭᠤᠰᠤ ᠲᠠᠢ ᠢᠶᠠᠨ ᠢᠷᠡᠨᠡ᠃ | ᠮᠢᠨᠤ ᠮᠤᠩᠭᠤᠯ ᠤᠨ ᠠᠭᠤᠯᠠ ᠤᠰᠤᠨ ᠮᠦᠩᠭᠡ ᠨᠤᠭᠤᠭᠠᠨ ᠢᠶᠠᠷ ᠢᠶᠠᠨ᠃ | ︵ᠬᠤᠶᠡᠷ︶ | | ᠮᠤᠷᠢ ᠨᠠᠮᠠ ᠳᠤ ᠠᠷᠭᠠ ᠦᠭᠡᠢ ᠡᠯᠢᠬᠡᠰᠡᠭ᠂ ᠮᠤᠷᠢ ᠳᠠᠭᠠᠨ ᠪᠢ ᠭᠡᠴᠡᠭᠦᠤ ᠯᠠ ᠬᠠᠶᠢᠷᠠᠳᠠᠢ᠃ ᠨᠠᠰᠤ ᠵᠢᠯ ᠪᠤᠶᠤ | ᠤᠷᠭᠤᠵᠤ ᠲᠦᠷᠤᠭ᠍ᠰᠡᠨ ᠤ ᠡᠷᠬᠡ ᠪᠠᠷ ᠰᠡᠭᠦᠳᠡᠷ ᠵᠢᠷᠤᠭ ᠠᠴᠠ ᠪᠠᠨ ᠬᠠᠯᠢᠷᠠᠬᠤ ᠪᠤᠯᠤᠭᠰᠡᠨ ᠴᠤ ᠮᠤᠷᠢ ᠲᠠᠢ ᠪᠠᠨ | ᠰᠡᠭᠦᠳᠡᠷᠯᠡᠬᠦ ᠤᠷᠮᠠ ᠳᠠᠭᠠᠨ ᠨᠢᠯᠬᠠᠷᠠᠨᠠ᠃ | ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠰᠠᠷ ᠤᠨ ᠡᠮᠤᠨᠡ ᠮᠤᠷᠢ ᠪᠠᠨ ᠬᠦᠳᠤᠯᠵᠤ ᠰᠡᠭᠦᠳᠡᠷᠯᠡᠬᠦ ᠶᠢ ᠰᠠᠨᠠᠨᠠ᠂ ᠵᠠᠮ ᠤᠨ | ᠵᠠᠬᠠ ᠶᠢᠨ ᠦᠵᠡᠮᠵᠢ ᠶᠢᠨ ᠲᠤᠮᠳᠠ ᠬᠦᠭᠰᠢᠨ ᠢᠶᠠᠨ ᠰᠤᠭᠤᠳᠠᠵᠤ ᠮᠤᠷᠢᠳᠠᠢ ᠰᠡᠭᠦᠳᠡᠷᠯᠡᠬᠦ ᠶᠢ ᠪᠤᠳᠤᠨᠠ᠂ ᠵᠠᠮᠠᠭ ᠤᠨ | ᠨᠤᠭᠤᠭᠠᠨ ᠪᠡᠯᠴᠢᠭᠡᠷ ᠤᠨ ᠲᠤᠮᠳᠠ᠂ ᠮᠤᠷᠢᠨ ᠲᠡᠭᠡᠷᠡ ᠢᠶᠠᠨ ᠭᠡᠯᠳᠡᠭᠡᠢ ᠰᠠᠭᠤᠴᠢᠬᠠᠭᠰᠠᠨ ᠵᠠᠯᠠᠭᠤ ᠪᠠᠭᠠ ᠶᠢᠨ ᠢᠨᠠᠭ | ᠢᠶᠠᠨ ᠰᠠᠷᠠᠪᠴᠢᠯᠠᠵᠤ ᠰᠡᠭᠦᠳᠡᠷᠯᠡᠬᠦ ᠶᠢ ᠬᠦᠰᠡᠨᠡ᠂ ᠲᠢᠶᠡᠨ ᠠᠨ ᠮᠧᠨ ᠲᠠᠯᠠᠪᠤᠷ ᠲᠤ ᠮᠤᠷᠢ ᠢᠶᠠᠷ ᠵᠤᠭᠠᠴᠠᠨ᠂ | ᠲᠠᠨᠢᠯᠴᠠᠭᠰᠠᠨ ᠨᠠᠶᠢᠵᠢᠰ ᠲᠠᠭᠠᠨ ᠮᠤᠷᠢ ᠪᠠᠷ ᠢᠶᠠᠨ ᠰᠠᠭᠤᠭᠳᠠᠵᠤ᠂ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡᠨ ᠠᠴᠠ ᠬᠤᠬᠡᠳ ᠢᠶᠠᠨ | ᠮᠤᠷᠢ ᠪᠠᠷ ᠢᠶᠠᠨ ᠲᠤᠰᠤᠨ᠂ ᠰᠤᠷᠤᠯᠴᠠᠬᠤ ᠶᠢᠨ ᠠᠶᠠᠨ ᠳᠤ ︽ᠬᠤᠪᠢᠯᠭᠠᠨ ᠶᠢᠰᠤᠳᠤᠭᠡᠷ︾ ᠤᠨ ᠬᠤᠶᠢᠨᠠ ᠠᠴᠠ | ᠮᠤᠷᠢ ᠪᠠᠷ ᠢᠶᠠᠨ ᠲᠠᠪᠬᠢᠵᠤ ᠪᠠᠶᠢᠨᠠ ᠭᠡᠵᠤ ᠰᠡᠳᠬᠢᠨᠡ ᠁ | ᠮᠤᠷᠢ — ᠮᠢᠨᠤ ᠬᠡᠶᠢᠮᠤᠷᠢ᠂ ᠮᠤᠷᠢᠨ ᠲᠡᠭᠡᠷᠡ ᠠᠴᠠ ᠨᠠᠷᠠ ᠤᠶᠢᠷᠡᠬᠠᠨ ᠪᠠᠶᠢᠳᠠᠭ ᠶᠤᠮ᠃ | ︵ᠭᠤᠷᠪᠠ︶ | | ᠨᠠᠷᠠ ᠮᠠᠨᠳᠤᠬᠤ ᠪᠠᠷ ᠮᠤᠷᠢᠳᠠᠢ ᠬᠦᠮᠤᠨ᠂ ᠭᠡᠷ ᠤᠨ ᠡᠭᠦᠳᠡᠨ ᠠᠴᠠ ᠮᠤᠷᠳᠠᠵᠤ ᠭᠠᠷᠤᠨᠠ᠃ ᠠᠳᠤᠭᠤᠨ ᠰᠤᠷᠠᠭ᠂ | ᠨᠠᠷᠡᠨ ᠤ ᠰᠠᠴᠤᠷᠠᠭ ᠲᠠᠮᠤᠵᠤ᠂ ᠠᠯᠤᠰ ᠲᠤ ᠰᠤᠨᠤᠭᠰᠡᠨ ᠵᠠᠮ ᠢᠶᠠᠷ ᠰᠠᠯᠬᠢ ᠢᠰᠬᠢᠷᠴᠤ ᠲᠠᠪᠬᠢᠬᠤ ᠳᠤ ᠰᠡᠳᠬᠢᠯ | ᠳᠤ ᠲᠠᠭᠠᠳᠠᠢ ᠨᠢ ᠠᠷᠭᠠ ᠦᠭᠡᠢ᠃ | ᠮᠤᠷᠢᠳᠠᠢ ᠬᠦᠮᠤᠨ᠂ ᠮᠤᠷᠢᠳᠠᠢ ᠬᠦᠮᠤᠨ ᠲᠠᠢ ᠠᠭᠤᠯᠵᠠᠪᠠ᠃ ᠠᠮᠤᠷ ᠮᠠᠨᠳᠤ ᠮᠡᠳᠡᠯᠴᠡᠨ᠂ ᠠᠯᠳᠠᠭᠤᠯ ᠤᠨ ᠰᠤᠷᠠᠭ | ᠴᠢᠩᠨᠠᠬᠤ ᠳᠤ ᠪᠠᠳᠤᠳᠠᠢ ᠬᠠᠷᠢᠭᠤᠯᠳᠠ ᠤᠯᠤᠭᠠ ᠦᠭᠡᠢ ᠴᠤ ᠬᠠᠷᠠᠭᠠᠨ ᠳᠤ ᠲᠠᠯᠠ ᠨᠤᠭᠤᠭᠠᠨ᠂ ᠬᠠᠮᠠᠷ ᠲᠤ ᠠᠭᠠᠷ | ᠰᠤᠷᠭᠤᠭ᠃ ᠡᠷᠢᠯ ᠰᠤᠷᠠᠭ ᠦᠷᠭᠦᠯᠵᠢᠯᠡᠵᠤ᠂ ᠡᠮᠡᠭᠡᠯᠳᠤ ᠬᠦᠯᠤᠭ᠌ ᠬᠦᠯᠤᠷᠴᠢᠬᠡᠭᠰᠡᠨ ᠰᠠᠵᠢᠯᠠᠭᠤᠯᠤᠨᠠ᠃ | ᠮᠤᠷᠢᠳᠠᠢ ᠬᠦᠮᠤᠨ᠂ ᠡᠯᠵᠢᠭᠡ ᠬᠦᠳᠤᠯᠤᠭ᠍ᠰᠡᠨ ᠬᠦᠮᠤᠨ ᠲᠠᠢ ᠬᠠᠷᠭᠤᠪᠠ᠃ ︽ᠰᠠᠶᠢᠨᠤ︖︾ ᠭᠡᠵᠤ ᠮᠡᠨᠳᠤᠴᠢᠯᠡᠬᠦ | ᠳᠤ ᠰᠡᠷᠡᠮᠵᠢ ᠤᠯᠤᠭᠰᠡᠨ ᠴᠦ ᠦᠭᠡᠢ ᠵᠦᠷᠢᠵᠤ ᠭᠠᠷᠬᠤ ᠲᠡᠭᠦᠨ ᠤ ᠠᠷᠤ ᠠᠴᠠ ᠤᠳᠠᠳᠠᠯᠠ ᠬᠠᠷᠠᠵᠤ ᠵᠤᠭᠰᠤᠬᠤ ᠳᠤ | ᠠᠭᠤᠯᠠ ᠲᠠᠯᠠ ᠤᠯᠠᠭᠠᠨ ᠮᠠᠨᠠᠨ ᠤ ᠲᠤᠮᠳᠠ ᠪᠦᠷᠤᠯᠵᠢᠨᠡ᠃ ᠰᠤᠪᠢᠩ᠂ ᠰᠡᠷᠡᠯ ᠤᠨ ᠠᠯᠢᠨ ᠪᠤᠯᠬᠤ ᠶᠢ ᠡᠰᠡ | ᠢᠯᠭᠠᠭᠠᠵᠤ ᠴᠢᠳᠠᠨᠠ᠃ | ᠮᠤᠷᠢᠳᠠᠢ ᠬᠦᠮᠤᠨ᠂ ᠮᠤᠲ᠋ᠤᠷ ᠲᠠᠢ ᠬᠦᠮᠤᠨ ᠦᠭᠡᠳᠡ ᠠᠴᠠ ᠨᠢ ᠵᠢᠷᠢᠯᠵᠡᠭᠦᠯᠵᠤ ᠢᠷᠡᠬᠦ ᠶᠢ ᠤᠯᠵᠤ ᠬᠠᠷᠠᠪᠠ᠃ | ᠤᠳᠠᠵᠤ ᠲᠦᠳᠡᠯ ᠦᠭᠡᠢ᠂ ᠲᠤᠯᠪᠤ ᠲᠠᠳᠤᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠲᠤᠮᠤᠷᠠᠵᠤ᠂ ᠵᠠᠪᠵᠢᠨ ᠰᠢᠷᠠ ᠨᠢ ᠭᠠᠷᠤᠭᠠ | ᠦᠭᠡᠢ ᠵᠠᠯᠠᠭᠤ ᠪᠠᠭᠠ ᠲᠡᠭᠦᠤᠨᠠᠷ ᠪᠠᠶᠢᠭᠠ ᠨᠢ ᠲᠤᠳᠤᠷᠠᠨᠠ᠃ ᠤᠨᠤᠭᠠ ᠠᠴᠠ ᠪᠠᠨ ᠪᠠᠭᠤᠵᠤ ᠠᠮᠤᠷ ᠠᠰᠠᠭᠤᠳᠠᠭ | ᠪᠤᠯᠪᠠᠤ︖ ᠬᠡᠮᠡᠨ ᠬᠦᠯᠢᠭᠡᠯᠵᠢᠨ ᠠᠳᠠᠯᠠ ᠲᠠᠭᠠᠷᠢᠬᠤ ᠵᠠᠪᠳᠠᠭᠤ ᠲᠠᠯᠠ ᠪᠠᠷ ᠨᠢ ᠫᠠᠷᠴᠢᠭᠢᠨᠠᠭᠤᠯᠵᠤ ᠭᠠᠷᠪᠠ᠃ | ᠮᠤᠷᠢᠳᠠᠢ ᠬᠦᠮᠤᠨ ᠲᠡᠭᠦᠨ ᠤ ᠬᠤᠶᠢᠨᠠ ᠠᠴᠠ ︽ᠤᠨᠤᠭᠠ ᠨᠢ ᠬᠤᠷᠳᠤᠨ ᠪᠠᠶᠢᠨᠠ᠂ ᠡᠵᠡᠨ ᠨᠢ ᠬᠠᠷᠢᠨ ᠁︾ | ᠭᠡᠰᠡᠨ ᠪᠠᠶᠢᠷᠢᠳᠠᠢ ᠲᠤᠯᠤᠭᠠᠢ ᠰᠠᠵᠠᠬᠤᠶᠢᠴᠠ ᠪᠤᠯᠤᠨᠠ᠃ | ᠮᠤᠷᠢᠳᠠᠢ ᠬᠦᠮᠤᠨ ᠠᠯᠳᠠᠭᠤᠯ ᠢᠶᠠᠨ ᠤᠯᠤᠭᠠ ᠦᠭᠡᠢ ᠪᠤᠯᠬᠤᠷ ᠮᠦᠨ ᠴᠢᠨᠠᠭᠰᠢ ᠲᠠᠪᠬᠢᠨᠠ᠃ ᠬᠦᠮᠤᠨ ᠤ ᠪᠠᠷᠠ | ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠬᠦᠩᠭᠢᠨᠡᠬᠦ ᠲᠠᠭᠤᠨ ᠤᠶᠢᠷᠡᠳᠤᠵᠤ ᠢᠷᠡᠨᠡ᠃ ᠠᠢ︕ ᠬᠠᠯᠠᠭ᠃ ᠮᠠᠰᠢᠨ ᠲᠠᠢ ᠲᠠᠪᠬᠢᠭᠠ | ᠬᠦᠮᠤᠨ ᠶᠤᠮ ᠪᠠᠶᠢᠨᠠ᠃ ᠬᠤᠷᠳᠤᠨ ᠮᠠᠰᠢᠨ ᠳᠤᠨᠢ ᠲᠠᠭᠠᠷᠢᠭᠳᠠᠭᠤᠵᠡᠢ ᠬᠡᠮᠡᠨ᠂ ᠵᠠᠶᠢᠯᠠᠭᠰᠠᠨ ᠪᠤᠯᠵᠤ ᠵᠠᠮ ᠤᠨ | ᠵᠠᠬᠠ ᠪᠠᠷ ᠲᠡᠯᠮᠡᠭᠦᠯᠵᠤ ᠶᠠᠪᠤᠬᠤ ᠳᠤ ᠮᠠᠰᠢᠨ ᠲᠠᠢ ᠬᠦᠮᠤᠨ ᠬᠤᠷᠳᠤᠴᠠ ᠪᠠᠨ ᠬᠠᠰᠤᠭᠰᠡᠨ ᠪᠤᠯᠵᠤ ᠲᠡᠷᠭᠡᠨ ᠴᠤᠩᠬᠤ | ᠪᠠᠷ ᠢᠶᠠᠨ ᠬᠢᠯᠠᠰ ᠲᠤᠸᠠᠯᠠᠰ ᠭᠡᠷᠡᠯ ᠢᠶᠠᠷ ᠤᠨᠢᠯᠠᠵᠤ ᠯᠠ ᠪᠠᠶᠢᠯᠠ᠃ | ᠡᠭᠦᠯᠡ ᠮᠠᠨᠠᠨ ᠲᠠᠢ ᠡᠵᠡᠭᠦᠢ ᠬᠡᠭᠡᠷᠡ ᠨᠠᠰᠤ ᠪᠠᠷ ᠢᠶᠠᠨ ᠲᠠᠪᠬᠢᠭᠠᠳ ᠠᠶᠤᠵᠤ ᠰᠤᠴᠢᠬᠤ ᠶᠢ ᠮᠡᠳᠡᠬᠦ ᠦᠭᠡᠢ | ᠶᠠᠪᠤᠭᠰᠠᠨ ᠮᠤᠷᠢᠳᠠᠢ ᠬᠦᠮᠤᠨ ᠠᠶᠤᠩᠭᠤᠷᠢ ᠲᠦᠷᠤᠵᠤ ᠬᠤᠶᠢᠬᠠ ᠶᠢᠨ ᠦᠰᠤ ᠨᠢ ᠪᠤᠰᠴᠠᠢ᠃ | | ︵ᠲᠦᠷᠪᠡ︶ | ᠮᠤᠷᠢᠳᠠᠢ ᠬᠦᠮᠤᠨ ᠬᠦᠳᠤᠯ ᠦᠭᠰᠤᠵᠤ ᠶᠠᠪᠤᠨᠠ᠃ ᠬᠦᠯᠤᠭ᠌ ᠨᠢ ᠬᠦᠯᠤᠷᠡᠵᠤ ᠬᠦᠮᠤᠨ ᠨᠢ ᠶᠠᠳᠠᠷᠠᠵᠡᠢ᠃ ᠭᠡᠶᠡ | ᠬᠦᠳᠤᠯ ᠲᠡᠭᠡᠷᠡᠬᠢ ᠤᠩᠭᠤᠨ ᠤᠪᠤᠭᠠ ᠠᠴᠠ ᠵᠠᠭᠤᠨ ᠠᠯᠴᠢᠮ ᠤᠨ ᠵᠠᠢ ᠲᠠᠢ ᠲᠡᠷᠡ ᠮᠤᠷᠢ ᠠᠴᠠ ᠪᠠᠭᠤᠵᠤ ᠵᠠᠮ | ᠮᠦᠷ ᠲᠤ ᠨᠢ ᠰᠠᠭᠠᠳ ᠪᠤᠯᠤᠮᠠᠷ ᠴᠢᠯᠠᠭᠤᠳ ᠠᠴᠠ ᠭᠡᠳᠤ ᠶᠢ ᠲᠡᠭᠦᠨ ᠬᠤᠷᠮᠤᠶᠢᠯᠵᠤ ᠤᠪᠤᠭᠠᠨ ᠳᠤ ᠠᠪᠠᠴᠢᠨ | ᠨᠡᠮᠡᠴᠢᠬᠡᠭᠡᠳ ︽ᠤᠩᠭᠤᠨ ᠤᠪᠤᠭᠠᠨ ᠤ ᠰᠠᠬᠢᠭᠤᠰᠤ ᠦᠷᠤᠰᠢᠶᠡ︕︾ ᠬᠡᠮᠡᠨ ᠨᠠᠮᠠᠴᠢᠯᠡᠨ ᠵᠠᠯᠪᠢᠷᠠᠵᠤ ᠮᠦᠷᠭᠦᠪᠡ᠃ | | ᠮᠤᠷᠢᠳᠠᠢ ᠬᠦᠮᠤᠨ ᠤ ᠨᠢᠳᠤᠨ ᠳᠤ ᠨᠠᠪᠴᠢᠳᠤ ᠨᠤᠭᠤᠭᠠᠨ ᠲᠠᠯᠠ᠂ ᠵᠢᠷᠭᠠᠯ ᠤᠨ ᠦᠩᠭᠡᠳᠤ ᠰᠤᠯᠤᠩᠭᠠ ᠲᠠᠢ ᠤᠪ | ᠤᠶᠢᠷᠠᠬᠠᠨ᠂ ᠲᠤᠪ ᠲᠤᠯᠠᠭᠠᠬᠠᠨ ᠬᠠᠷᠠᠭᠳᠠᠨᠠ᠃ | ᠮᠤᠲ᠋ᠤᠷ ᠲᠠᠢ ᠬᠦᠮᠤᠨ ᠬᠦᠳᠤᠯ ᠦᠭᠰᠤᠨ᠂ ᠪᠠᠯᠪᠠᠷᠬᠠᠢ ᠮᠤᠲ᠋ᠤᠷ ᠢᠶᠠᠨ ᠭᠤᠤᠯ ᠤᠨ ᠲᠠᠭᠤ ᠪᠠᠷ ᠨᠢ | ᠤᠤᠭᠢᠯᠠᠭᠤᠯᠤᠨᠠ᠃ ᠮᠤᠲ᠋ᠤᠷ ᠨᠢ ᠲᠤᠶᠢᠯᠳᠠᠵᠤ᠂ ᠡᠵᠡᠨ ᠨᠢ ᠰᠠᠨᠳᠤᠷᠠᠵᠡᠢ᠃ ᠶᠠᠭᠤ ᠴᠤ ᠭᠡᠰᠡᠨ ᠲᠡᠷᠡ ᠬᠦᠳᠤᠯ | ᠲᠡᠭᠡᠷᠡ ᠭᠠᠷᠴᠤ ᠤᠴᠢᠬᠤᠶᠢᠴᠠ ᠯᠠ ︽ᠫᠡᠰ︾ ᠬᠡᠬᠦ ᠲᠠᠭᠤᠨ ᠢᠶᠠᠷ ᠮᠤᠲ᠋ᠤᠷ ᠨᠢ ᠤᠤᠭᠢᠯᠠᠬᠤ ᠠᠴᠠ ᠤᠨᠳᠤᠤ | ᠤᠷᠤᠭᠰᠢ ᠶᠠᠪᠤᠵᠤ ᠦᠭᠬᠦ ᠦᠭᠡᠢ ᠪᠤᠯᠵᠡᠢ᠃ ᠮᠤᠲ᠋ᠤᠷ ᠲᠠᠢ ᠬᠦᠮᠤᠨ ᠵᠠᠯᠬᠠᠭᠤᠳᠠᠶᠢᠬᠠᠨ ᠭᠡᠭᠴᠢ ᠪᠠᠭᠤᠵᠤ ᠢᠷᠡᠭᠡᠳ | ᠤᠳᠠᠳᠠᠯᠠ ᠰᠢᠨᠵᠢᠭᠰᠡᠨ ᠢᠶᠠᠨ ᠤᠪᠤᠭᠠᠨ ᠤ ᠲᠠᠯᠠ ᠳᠤ ᠰᠢᠩᠭᠡᠨ ᠮᠦᠷ ᠦᠵᠡᠭᠰᠡᠨ ᠪᠤᠯᠵᠤ᠂ ᠤᠪᠤᠭᠠᠨ ᠲᠡᠭᠡᠷᠡ | ᠠᠴᠠ ᠨᠢᠳᠤᠷᠭᠠᠨ ᠴᠢᠨᠡᠭᠡᠨ ᠬᠤᠶᠡᠷ ᠴᠢᠯᠠᠭᠤ ᠠᠪᠴᠤ ᠭᠡᠮᠳᠤᠭ᠍ᠰᠡᠨ ᠮᠤᠲ᠋ᠤᠷ ᠤᠨ ᠢᠶᠠᠨ ᠭᠡᠨᠵᠢ ᠶᠢ ᠬᠠᠵᠠᠵᠤ ᠬᠡᠮᠡᠯᠢᠨ᠂ | ᠪᠠᠯᠪᠠᠵᠤ ᠨᠢᠳᠤᠷᠭᠠᠳᠤᠭᠰᠠᠭᠠᠷ ᠪᠠᠶᠢᠵᠤ ᠵᠠᠯᠭᠠᠭᠤᠯᠵᠤ ᠠᠪᠤᠭᠠᠳ ᠴᠢᠨᠠᠭᠰᠢ ᠮᠤᠷᠳᠠᠬᠤ ᠳᠤ ᠭᠤᠤ ᠭᠠᠩᠭᠠ᠂ | ᠭᠤᠯᠳᠤᠯᠳᠤᠨ ᠬᠡᠪᠳᠡᠭᠰᠡᠨ ᠦᠬᠡᠷ ᠴᠢᠯᠠᠭᠤᠳ ᠮᠤᠲ᠋ᠤᠷ ᠲᠠᠢ ᠬᠦᠮᠤᠨ ᠤ ᠵᠠᠮ ᠢ ᠬᠠᠰᠢᠨ ᠬᠠᠷᠠᠭᠳᠠᠨᠠ᠃ | ᠬᠡᠳᠤᠢ ᠬᠤᠶᠢᠨᠠ ᠨᠢ ᠭᠤᠤ ᠶᠢᠨ ᠭᠤᠤᠯ ᠳᠠᠬᠢ ᠦᠭᠡᠷ ᠴᠢᠯᠠᠭᠤᠨ ᠲᠡᠭᠡᠷᠡ ᠴᠢᠰᠤ ᠨᠢᠰᠤ ᠶᠢᠨ ᠠᠯᠢᠨ ᠨᠢ | ᠢᠯᠭᠠᠭᠠᠭᠳᠠᠬᠤ ᠦᠭᠡᠢ ᠢᠮ ᠲᠡᠮᠳᠡᠭ ᠰᠢᠭ ᠯᠠ ᠶᠠᠭᠤᠮᠠ ᠪᠠᠶᠢᠭᠰᠠᠨ ᠢ ᠬᠦᠮᠤᠰ ᠤᠯᠵᠤ ᠬᠠᠷᠠᠯᠠ ᠭᠡᠬᠦ ᠶᠤᠮ᠃ | | ︵ᠲᠠᠪᠤ︶ | | ᠮᠤᠷᠢᠳᠠᠢ ᠬᠦᠮᠤᠨ ᠵᠠᠮ ᠤᠨ ᠵᠠᠬᠠ ᠪᠠᠷ ᠲᠠᠪᠬᠢᠭᠤᠯᠵᠤ ᠶᠠᠪᠤᠨᠠ᠃ ᠮᠤᠲ᠋ᠤᠷ ᠲᠠᠢ ᠬᠦᠮᠤᠨ ᠲᠤᠭᠤᠰᠤ | ᠮᠠᠨᠠᠷᠠᠭᠤᠯᠤᠨ ᠭᠦᠢᠴᠡᠵᠤ ᠢᠷᠡᠪᠡ᠃ ᠮᠤᠷᠢᠳᠠᠢ ᠬᠦᠮᠤᠨ ᠵᠢᠯᠤᠭᠤ ᠪᠤᠭᠤᠨᠢᠰᠬᠠᠨ ᠲᠦᠷᠤᠭᠡ ᠬᠠᠪᠢᠷᠠᠪᠠ᠃ ᠲᠠᠷ | ᠰᠢᠯᠭᠠᠨ᠂ ᠬᠤᠷᠳᠤᠴᠠ ᠮᠡᠳᠬᠡᠯᠴᠡᠵᠤ ᠨᠠᠯᠢᠶᠡᠳ ᠲᠠᠪᠬᠢᠭᠰᠡᠨ ᠢᠶᠠᠨ ᠵᠦᠷᠢᠶᠠ ᠵᠠᠢ ᠭᠠᠷᠴᠤ ᠦᠭᠬᠦ ᠦᠭᠡᠢ ᠳᠤᠨᠢ | ᠮᠤᠷᠢᠳᠠᠢ ᠬᠦᠮᠤᠨ ᠵᠢᠯᠤᠭᠤ ᠬᠤᠷᠢᠶᠠᠪᠠ᠃ ᠭᠡᠶᠡ ᠲᠡᠭᠦᠨ ᠤ ᠪᠤᠳᠤᠯ ᠰᠡᠳᠬᠢᠬᠦᠢ ᠬᠤᠷᠢᠶᠠᠭᠳᠠᠭᠰᠠᠨ ᠦᠭᠡᠢ᠃ | | — ᠶᠤᠷᠤ ᠶᠢᠨ ᠤᠨᠤᠭᠠ ᠪᠠᠶᠢᠨᠠ ᠠ︕ ᠶᠤᠷᠳᠠᠭᠤᠯᠤᠯ ᠦᠭᠡᠢ ᠲᠠᠪᠬᠢᠭᠠᠳ ᠪᠠᠶᠢᠨᠠ᠂ ᠲᠡᠰᠪᠤᠷᠢ ᠲᠠᠭᠠᠴᠠ ᠪᠠᠷ | ᠬᠠᠷᠢᠯ ᠦᠭᠡᠢ ᠁ ᠬᠡᠯᠡᠯᠴᠡᠭᠡᠳ ᠲᠤᠬᠢᠷᠠᠳᠠᠭ ᠲᠤ ᠬᠦᠷᠪᠡᠯ ᠮᠤᠷᠢ ᠪᠠᠷ ᠢᠶᠠᠨ ᠠᠷᠠᠯᠵᠢᠶᠠᠯᠠᠵᠤ ᠦᠵᠡᠬᠦ ᠴᠤ | ᠪᠢᠯᠢᠤ︖ ᠲᠡᠩᠰᠡᠨ ᠲᠠᠰᠢᠭᠤᠷ ᠮᠤᠷᠢᠨ ᠤ ᠲᠠᠰᠢᠶᠠᠨ ᠲᠡᠭᠡᠷᠡ ᠪᠠᠭᠤᠨᠠ᠂ ᠲᠠᠭᠦᠨ ᠤ ᠰᠠᠨᠠᠭᠠ ᠮᠤᠲ᠋ᠤᠷ ᠲᠠᠢ | ᠬᠦᠮᠤᠨ ᠢ ᠲᠠᠭᠤᠨᠠ᠃ ᠲᠤᠭᠤᠰᠤ ᠨᠢ ᠤᠶᠢᠷᠠᠬᠠᠨ ᠮᠠᠨᠠᠷᠠᠵᠤ᠂ ᠬᠦᠮᠤᠨ ᠨᠢ ᠬᠤᠯᠠᠬᠠᠨ ᠪᠦᠷᠤᠯᠵᠢᠨᠡ᠃ | | ᠮᠤᠷᠢ ᠨᠢ ᠬᠦᠯᠤᠷᠡᠵᠡᠢ᠃ | ᠮᠤᠷᠢᠳᠠᠢ ᠬᠦᠮᠤᠨ ᠪᠤᠳᠤᠯ ᠤᠨ ᠠᠴᠢᠶᠠ ᠲᠠᠢ ᠰᠠᠵᠢᠯᠠᠭᠤᠯᠤᠨᠠ᠃ ᠲᠤᠳ ᠲᠤᠳ ᠮᠠᠰᠢᠨ ᠲᠠᠢ ᠬᠦᠮᠤᠨ ᠪᠦᠷᠢᠶᠠ | ᠲᠤᠤᠭᠠᠷᠭᠠᠭᠰᠠᠭᠠᠷ ᠨᠡᠬᠡᠵᠤ ᠢᠷᠡᠨᠡ᠃ | — ᠦᠨᠤᠳᠤᠷ ᠴᠢᠨᠢ ᠶᠠᠭᠠᠬᠢᠯᠠ︖ ᠵᠤᠤᠵᠡᠢ ᠬᠤᠯᠪᠤᠳᠠᠭ ᠨᠢ ᠪᠠᠶᠢᠬᠤ ᠦᠭᠡᠢ᠂ ᠵᠦᠷᠢᠵᠤ ᠲᠠᠪᠠᠭᠠᠳ ᠭᠠᠷᠳᠠᠭ | ᠨᠢ ᠡᠶᠢᠮᠤ ᠴᠤ ᠤᠯᠡᠨ︖ ᠮᠤᠷᠢᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠬᠡᠶᠢᠮᠤᠷᠢ ᠲᠦᠷᠡᠯᠵᠢᠳᠡᠭ ᠤᠴᠢᠷ᠂ ᠲᠡᠷᠡ | ᠦᠨᠳᠡᠶᠢᠰᠬᠢᠭᠰᠡᠨ ᠪᠤᠯᠵᠤ᠂ ᠮᠤᠷᠢ ᠨᠢ ᠡᠵᠡᠨ ᠤ ᠪᠠᠨ ᠰᠠᠨᠠᠭᠠ ᠪᠠᠷ ᠱᠤᠩᠭᠤᠰᠬᠢᠭ᠍ᠰᠡᠨ ᠪᠠᠶᠢᠵᠤ᠂ ᠮᠠᠰᠢᠨ ᠲᠠᠢ | ᠬᠦᠮᠤᠨ᠂ ᠮᠤᠷᠢᠳᠠᠢ ᠬᠦᠮᠤᠨ ᠮᠠᠨᠠᠨ ᠲᠤᠭᠤᠰᠤ ᠲᠠᠳᠠᠭᠤᠯᠤᠨ ᠵᠡᠷᠭᠡᠴᠡᠨ ᠲᠠᠪᠬᠢᠭᠤᠯᠤᠨᠠ᠃ ᠮᠤᠷᠢᠳᠠᠢ ᠬᠦᠮᠤᠨ ᠤ | ᠬᠠᠷᠠᠭᠠᠨ ᠳᠤ ᠲᠠᠨᠢᠯ ᠨᠢᠭᠡᠨ ᠪᠠᠷᠠ ᠪᠦᠷᠳᠤᠶᠢᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠲᠤᠳᠤ ᠪᠤᠯᠵᠤ ᠢᠷᠡᠪᠡ᠃ ᠠᠢ ᠬᠠᠷᠠᠯᠠ︕ | ᠮᠠᠨᠠᠷᠠᠭᠤᠯᠵᠤ ᠲᠠᠪᠬᠢᠭᠰᠡᠨ ᠮᠤᠲ᠋ᠤᠷᠳᠡᠨ ᠪᠠᠶᠢᠬᠤ ᠦᠭᠡᠢ ᠤᠤ︖ ᠤᠨᠤᠭᠠ ᠳᠤᠨᠢ ᠭᠡᠮᠳᠤᠯ ᠪᠠᠭᠤᠴᠢᠬᠠᠭᠠᠳ | ᠵᠢᠳᠬᠦᠵᠤ ᠶᠠᠪᠤᠨᠠ ᠬᠦᠭᠡᠷᠤᠬᠦᠢ︕ | — ᠶᠠᠭᠠᠬᠢᠪᠠ︖ ᠲᠤᠰᠠ ᠲᠡᠮᠵᠢᠯᠭᠡ ᠪᠤᠯᠤᠮᠠᠷ ᠶᠠᠭᠤ ᠪᠠᠶᠢᠨᠠ︖ ᠭᠡᠵᠤ ᠮᠤᠷᠢᠳᠠᠢ ᠬᠦᠮᠤᠨ ᠮᠤᠷᠢᠨ ᠠᠴᠠ | ᠪᠠᠭᠤᠵᠤ ᠮᠠᠯᠴᠢᠨ ᠮᠤᠩᠭᠤᠯ ᠵᠠᠩᠰᠢᠯ ᠢᠶᠠᠷ ᠪᠤᠯᠭᠤᠭᠠᠨ ᠠᠰᠠᠭᠤᠬᠤ ᠳᠤ ᠲᠤᠰᠤ ᠨᠢ ᠪᠠᠷᠠᠭᠳᠠᠭᠠᠳ᠂ ᠬᠠᠶᠠᠵᠤ | ᠪᠠᠶᠢᠵᠤ ᠶᠠᠳᠠᠬᠤ ᠶᠢᠨ ᠬᠠᠪᠴᠢᠯ ᠳᠤ ᠭᠠᠴᠢᠭᠳᠠᠭᠰᠠᠨ ᠴᠢᠷᠠᠢ ᠭᠠᠩᠳᠠᠭᠰᠠᠨ ᠨᠠᠪᠴᠢ ᠰᠢᠭ᠋ ᠭᠡᠭᠡ ᠮᠠᠭᠤᠳᠠᠢ | ᠬᠠᠷᠠᠭᠳᠠᠵᠡᠢ᠃ | ᠮᠤᠷᠢᠳᠠᠢ ᠬᠦᠮᠤᠨ᠂ ᠮᠤᠷᠢᠨ ᠤ ᠪᠠᠨ ᠡᠭᠡᠮ ᠬᠦᠵᠤᠭᠦᠤ ᠶᠢ ᠢᠯᠪᠢᠩᠬᠡᠨ ᠪᠠᠶᠢᠵᠤ ᠮᠤᠷᠳᠠᠭᠠᠳ ᠰᠠᠯᠬᠢ ᠢᠰᠬᠢᠷᠤᠨ | ᠰᠠᠵᠢᠯᠠᠭᠤᠯᠪᠠ᠃ | 赤峰市巴林左旗草原传统文化协会 | 朝伦巴根：13804766874 | |