| ᠪᠣᠷᠵᠢᠭᠢᠨ ᠰᠠᠴᠤᠷᠠᠯ ᠵᠤᠬᠢᠶᠠᠪᠠ | | | ᠬᠠᠪᠣᠷ ᠢ ᠵᠢᠷᠤᠬᠤ ᠳ᠋ᠥᠰᠡᠳᠭᠢᠯ ᠲᠣᠯᠠᠭᠠᠷᠠᠨᠠ | ᠬᠠᠩᠭᠠᠢ ᠶᠢᠨ ᠪᠣᠷᠣ ᠲᠣᠯᠣᠭᠠᠳ ᠦᠷᠦ ᠦᠮᠦᠯᠵᠡᠵᠦ | ᠬᠠᠶᠢᠯᠭᠠᠨ ᠨᠡᠮᠡᠭᠦᠨ ᠡᠩᠭᠡᠷ ᠲᠤ ᠨᠢ | ᠬᠠᠪᠣᠷ ᠡᠷᠬᠡᠯᠡᠬᠦ ᠳᠤ | ᠮᠦᠷᠦᠭᠡᠳᠦᠯ ᠬᠦᠪᠦᠷᠡᠨᠡᠮ | ᠬᠠᠷᠢᠶᠠᠴᠠᠢ ᠶᠢᠨ ᠲᠠᠯᠠᠪᠴᠢᠨ ᠳᠤ ᠣᠷᠢᠨ ᠠᠮᠢᠰᠬᠤᠯ ᠲᠡᠪᠢᠯᠬᠢᠯᠡᠵᠦ | ᠬᠠᠯᠢᠶᠠ ᠶᠢᠨ ᠭᠦᠶᠦᠳᠡᠯ ᠳᠤ ᠤᠯᠠᠷᠢᠯ ᠤᠨ ᠰᠤᠳᠠᠯ ᠯᠣᠭᠰᠢᠨ | ᠬᠠᠰᠢᠶᠠ ᠲᠡᠪᠵᠢᠭᠦᠯᠬᠦ ᠬᠤᠷᠠᠭᠠ ᠢᠰᠢᠭᠡ ᠶᠢᠨ ᠮᠠᠶᠢᠯᠠᠭᠠᠨ ᠳᠤ | ᠡᠭᠦᠯᠡᠰ ᠢᠪᠢᠯᠡᠨᠡᠮ | ᠬᠠᠪᠣᠷ ᠢ ᠵᠢᠷᠤᠬᠤ ᠳᠤ ᠪᠤᠳᠤᠯ ᠤᠶᠠᠰᠤᠨᠠ | ᠭᠠᠵᠠᠷ ᠤᠨ ᠡᠯᠢᠭᠡ ᠦᠨᠳᠡᠯᠵᠡᠨ | ᠣᠰᠤᠨ ᠤ ᠨᠢᠳᠦ ᠮᠡᠯᠮᠡᠷᠡᠬᠦ ᠳᠤ | ᠬᠠᠪᠣᠷ ᠤᠶᠠᠬᠠᠨ ᠲᠦᠯᠭᠡᠷᠡᠵᠦ | ᠬᠠᠩᠰᠢ ᠪᠤᠯᠤᠨᠠᠮ | ᠣᠷᠢᠳᠠ ᠶᠢᠨ ᠬᠦᠮᠦᠰ ᠲᠤ ᠲᠤᠷᠠᠰᠤᠯ ᠬᠦᠨᠳᠡᠷᠢᠭᠦᠯᠵᠦ | ᠠᠷᠢᠭᠤᠨ ᠬᠠᠶᠢᠷᠠ ᠠᠭᠤᠤ ᠰᠤᠷᠭᠠᠯ ᠨᠢ ᠡᠷᠢᠭᠳᠡᠨ | ᠬᠦᠵᠢ ᠶᠢᠨ ᠤᠳᠤᠭᠠ ᠵᠢᠷᠦᠬᠡ ᠰᠢᠮᠰᠢᠷᠡᠭᠦᠯᠵᠦ | ᠠᠭᠤᠯᠠ ᠶᠢᠨ ᠴᠠᠰᠤ ᠮᠡᠭᠰᠢᠨᠡᠮ | ᠬᠠᠪᠤᠷ ᠢ ᠵᠢᠷᠤᠬᠤ ᠳᠤ ᠬᠦᠰᠡᠯ ᠤᠶᠠᠩᠭᠠᠷᠠᠨᠠ | ᠵᠡᠭᠡᠷᠭᠡᠨᠳᠦ ᠶᠢᠨ ᠬᠦᠨᠳᠡᠢ ᠰᠦ ᠶᠢᠨ ᠦᠨᠦᠷ ᠠᠩᠭᠢᠯᠵᠦ | ᠵᠡᠭᠡᠰᠦᠳᠦ ᠨᠠᠭᠤᠷ ᠲᠤ ᠰᠢᠪᠠᠭᠤᠳ ᠤᠨ ᠡᠭᠡᠰᠢᠭ ᠭᠠᠩᠭᠠᠷᠠᠬᠤ ᠳᠤ | ᠵᠡᠷᠭᠡᠯᠭᠡᠨ ᠵᠦᠰᠦᠭᠰᠡᠨ | ᠵᠡᠭᠡᠷᠲᠦ ᠮᠣᠷᠢᠲᠠᠢ ᠬᠦᠮᠦᠨ | ᠵᠢᠭᠦᠷ ᠣᠷᠭᠤᠨᠠᠮ | ᠵᠢᠷᠦᠬᠡᠨ ᠤ ᠬᠡ ᠲᠠᠢ ᠰᠢᠨᠡᠬᠡᠨ ᠨᠤᠭᠤᠭᠠᠨ ᠨᠠᠪᠴᠢ | ᠵᠢᠭᠠᠯ ᠬᠡᠤᠬᠡᠳ ᠤᠨ ᠰᠡᠷᠭᠦᠯᠡᠩ ᠨᠢᠳᠦ ᠰᠢᠭ ᠲᠣᠷᠮᠣᠯᠵᠠᠬᠤ ᠳᠤ | ᠵᠦᠩ ᠪᠢᠯᠢᠭ ᠤᠨ ᠲᠠᠭᠰᠢᠨ ᠣᠷᠤᠨ | ᠨᠣᠳᠤᠭ ᠭᠡᠷᠡᠯᠳᠦᠨᠡᠮ︕ | | | | ᠰᠡᠳᠭᠢᠯ ᠬᠡᠬᠡᠯᠡᠬᠦ ᠭᠤᠷᠪᠠᠨ ᠰᠠᠷᠠ | ᠪᠣᠷᠵᠢᠭᠢᠨ ᠰᠠᠴᠣᠷᠠᠯ ᠵᠤᠬᠢᠶᠠᠪᠠ | ᠣᠷᠢᠨ ᠡᠶᠡᠪᠡᠷᠭᠦᠦ ᠨᠠᠷᠠᠨ ᠲᠡᠷᠯᠢᠭ ᠤᠨ ᠡᠩᠭᠡᠷ ᠲᠤ ᠲᠤᠨᠤᠷᠠᠭᠠᠳ | ᠤᠷᠢᠬᠠᠨ ᠵᠦᠭᠡᠯᠡᠨ ᠰᠠᠯᠬᠢ ᠬᠠᠴᠠᠷ ᠢ ᠲᠠᠭᠠᠯᠠᠨ ᠢᠯᠪᠢᠭᠡᠳ | ᠤᠷᠠᠨ ᠬᠡ ᠲᠠᠢ ᠵᠡᠷᠭᠡᠯᠭᠡᠨ ᠭᠤᠪᠢ ᠶᠢᠨ ᠬᠦᠨᠳᠡᠢ ᠳᠤ ᠪᠦᠵᠢᠭᠯᠡᠭᠡᠳ | ᠤᠶᠠᠩᠭᠠ ᠶᠢᠨ ᠴᠡᠩᠬᠡᠷ ᠠᠶᠠᠯᠭᠤ ᠣᠰᠤᠨ ᠤ ᠰᠢᠪᠠᠭᠤᠳ ᠡᠭᠡᠰᠢᠭᠯᠡᠭᠡᠳ | ᠤᠰᠬᠠᠯ ᠲᠦᠯᠭᠡᠨ ᠪᠦᠷᠢᠳᠦ ᠨᠢᠳᠦ ᠨᠢ ᠭᠡᠷᠡᠯᠳᠦᠨ ᠲᠤᠷᠮᠤᠯᠵᠠᠭᠠᠳ | ᠤᠷᠤᠭᠠ ᠬᠤᠩᠭᠤᠷ ᠮᠤᠷᠢ ᠲᠡᠯ ᠪᠤᠰᠬᠠᠨ ᠰᠡᠷᠲᠡᠯᠵᠡᠭᠡᠳ | ᠤᠬᠠᠭᠠᠯᠢᠭ ᠪᠤᠯᠪᠠᠷᠠᠢ ᠬᠡᠤᠬᠡᠨ ᠳᠤ ᠪᠤᠳᠤᠯ ᠲᠡᠮᠡᠤᠯᠦᠨ ᠬᠡᠶᠢᠷᠬᠡᠭᠡᠳ | ᠤᠶᠠᠰᠤᠮᠠ ᠬᠠᠶᠢᠯᠤᠮᠠ ᠭᠤᠷᠪᠠᠨ ᠰᠠᠷᠠ ᠤᠶᠠᠬᠠᠨ ᠰᠡᠳᠭᠢᠯ ᠢ ᠬᠡᠬᠡᠯᠡᠭᠡᠳ… | | | ᠤᠷᠭᠢᠯ ᠪᠤᠯᠠᠭ ᠤᠨ ᠤᠰᠤᠨ ᠡᠪᠡᠰᠦᠨ ᠤ ᠰᠤᠳᠠᠯ ᠳᠤ ᠯᠤᠰᠢᠭᠠᠳ | ᠤᠭ᠍ᠶᠤᠨ ᠨᠣᠭᠤᠭᠠᠨ ᠬᠦᠪᠦᠷᠡᠯ ᠬᠦᠷᠦᠰᠦ ᠰᠦᠪᠡᠯᠡᠨ ᠰᠡᠷᠪᠡᠯᠵᠡᠭᠡᠳ | ᠤᠷᠤᠭᠤᠯ ᠶᠠᠭᠠᠨ ᠢᠷᠭᠤᠢ ᠮᠠᠯ ᠤᠨ ᠮᠦᠷ ᠲᠡᠭᠷᠡ ᠲᠤᠬᠢᠯᠵᠠᠭᠠᠳ | ᠤᠯᠠᠷᠢᠯ ᠤᠨ ᠴᠡᠩᠬᠡᠭᠦᠨ ᠬᠦᠭ ᠲᠦᠯ ᠤᠨ ᠲᠠᠭᠤᠨ ᠳᠤ ᠢᠷᠠᠭᠤᠰᠤᠭᠠᠳ | ᠤᠷᠭᠠ ᠶᠢᠨ ᠲᠣᠷᠭᠠᠨ ᠬᠤᠶᠢᠪᠢ ᠡᠭᠦᠯᠡᠨ ᠰᠡᠵᠢᠭᠦᠷ ᠰᠤᠭᠰᠤᠯᠵᠠᠭᠠᠳ | ᠤᠩᠭᠤᠨ ᠰᠢᠲᠦᠭᠡᠨᠳᠦ ᠠᠭᠤᠯᠠᠰ ᠬᠡᠶᠢᠮᠤᠷᠢ ᠲᠠᠯᠠᠯᠤᠨ ᠰᠦᠮᠪᠦᠷᠯᠡᠭᠡᠳ | ᠤᠷᠤᠢ ᠬᠦᠬᠡ ᠲᠡᠭᠷᠢ ᠬᠦᠰᠡᠯ ᠢ ᠢᠪᠡᠭᠡᠨ ᠴᠡᠩᠬᠡᠷᠯᠡᠭᠡᠳ | ᠤᠷᠴᠢᠯᠠᠩ ᠤᠨ ᠭᠤᠷᠪᠠᠨ ᠰᠠᠷᠠ ᠰᠤᠯᠤᠩᠭᠠᠨ ᠵᠡᠭᠦᠳᠦ ᠶᠢ ᠬᠡᠬᠡᠯᠡᠭᠡᠳ… | | | ᠬᠠᠪᠣᠷ ᠤᠨ ᠪᠣᠷᠤᠭᠠ | | ᠪᠤᠷᠵᠢᠭᠢᠨ ᠰᠠᠴᠣᠷᠠᠯ ᠵᠣᠬᠢᠶᠠᠪᠠ | ᠠᠯᠣᠰ ᠲᠡᠭᠷᠢ ᠶᠢᠨ ᠬᠤᠷᠠ ᠶᠢᠨ ᠡᠭᠦᠯᠡ ᠰᠣᠷᠮᠣᠣᠰᠣᠨ ᠦᠵᠦᠭᠦᠷ ᠬᠦᠪᠴᠦ | ᠠᠬᠢ ᠶᠢᠨ ᠦᠨᠦᠷ ᠲᠠᠢ ᠨᠣᠳᠤᠭ ᠤᠨ ᠰᠠᠯᠬᠢ ᠵᠢᠷᠦᠬᠡᠨ ᠲᠡᠭᠡᠭᠦᠷ ᠵᠢᠷᠪᠢᠭᠡᠨᠡᠨ | ᠠᠵᠠᠢ ᠪᠣᠭᠤᠷᠣᠯ ᠠᠭᠤᠯᠠᠰ ᠤᠨ ᠲᠡᠷᠢᠭᠦᠨ ᠰᠠᠨᠠᠭᠠᠨ ᠤ ᠦᠵᠦᠭᠦᠷ ᠰᠡᠭᠦᠳᠡᠶᠢᠵᠦ | ᠠᠷᠢᠭᠤᠨ ᠮᠦᠩᠭᠦᠨ ᠪᠣᠷᠣᠭᠠᠨ ᠤ ᠳᠣᠰᠣᠯ ᠳᠤ ᠪᠣᠳᠣᠯ ᠨᠣᠷᠬᠤ ᠰᠠᠶᠢᠬᠠᠨ | | | ᠬᠠᠩᠰᠢ ᠶᠢᠨ ᠲᠠᠷᠠᠭᠠᠬᠢ ᠬᠡᠭᠡᠷᠡ ᠬᠦᠳᠡᠭᠡ ᠴᠢᠬᠢᠭ ᠤᠨ ᠦᠨᠦᠷ ᠲᠤ ᠰᠣᠭᠳᠣᠭᠤᠷᠠᠵᠦ | ᠬᠠᠩᠬᠤᠯᠣᠭᠤᠨ ᠰᠢᠷᠣᠢ ᠲᠠᠢ ᠬᠤᠸᠠ ᠲᠣᠯᠣᠭᠠᠳ ᠬᠦᠬᠡ ᠰᠣᠳᠠᠯ ᠭᠦᠷᠪᠡᠯᠵᠡᠨ | ᠬᠠᠯᠠᠭᠤᠨ ᠬᠤᠰᠢᠭᠤᠳᠣ ᠮᠠᠯ ᠰᠦᠷᠦᠭ ᠲᠡᠨᠢᠭᠡᠷ ᠵᠣ ᠲᠡᠨᠢᠢᠵᠦ | ᠬᠠᠩᠭᠠᠢ ᠭᠤᠪᠢ ᠶᠢᠨ ᠬᠦᠮᠦᠨ ᠵᠣᠨ ᠬᠠᠨᠠᠭᠠᠷ ᠬᠦᠰᠡᠯ ᠬᠠᠨᠠᠶᠢᠨᠠ | | ᠨᠠᠮᠠᠭᠠ ᠰᠦᠯᠵᠢᠯᠳᠦᠬᠦ ᠬᠡᠭᠡᠷᠡ ᠶᠢᠨ ᠰᠢᠪᠠᠭᠤᠳ ᠣᠷᠠᠨ ᠬᠤᠭᠤᠯᠠᠢ ᠢᠷᠠᠭᠤᠰᠴᠣ | ᠨᠠᠮᠤᠭ ᠲᠠᠯᠠ ᠶᠢᠨ ᠴᠠᠭᠠᠨ ᠣᠨᠢᠶᠠᠷ ᠣᠶᠠᠩᠭᠠ ᠲᠦᠷᠦᠭᠦᠯᠵᠦ ᠲᠣᠨᠣᠷᠠᠨ | ᠨᠠᠮᠢᠷᠠᠨ ᠣᠷᠣᠬᠤ ᠦᠭᠭᠢᠶᠡᠮᠦᠷ ᠬᠤᠷᠠ ᠬᠦᠰᠡᠯ ᠪᠣᠳᠣᠯ ᠢ ᠲᠡᠵᠢᠭᠡᠵᠦ | ᠨᠠᠭᠠᠰᠢᠯᠠᠵᠦ ᠢᠷᠡᠬᠦ ᠴᠠᠭ ᠤᠨ ᠠᠨᠢᠷ ᠰᠦ ᠶᠢᠨ ᠦᠨᠦᠷ ᠲᠠᠢ ᠰᠡᠩᠭᠢᠨᠡᠨᠡ | | ᠲᠣᠯᠬᠢᠶᠠᠯᠠᠨ ᠣᠷᠣᠰᠬᠤ ᠭᠤᠣᠯ ᠤᠨ ᠬᠡᠪᠡᠯᠢ ᠲᠠᠭᠤᠣ ᠶᠢᠨ ᠨᠣᠲ ᠰᠢᠭ᠋ ᠦᠶᠡᠯᠵᠡᠵᠦ | ᠲᠣᠭᠳᠣᠯᠣᠨ ᠪᠠᠭᠤᠬᠤ ᠪᠣᠷᠣᠭᠠᠨ ᠤ ᠳᠣᠰᠣᠯ ᠴᠡᠴᠡᠭ ᠤᠨ ᠲᠡᠯᠪᠢ ᠰᠢᠭ ᠲᠡᠯᠭᠡᠷᠡᠨᠡ | ᠲᠣᠷᠣᠨᠠ ᠲᠡᠭᠷᠢ ᠶᠢᠨ ᠣᠰᠣᠮᠠᠭ ᠬᠠᠶᠠᠭᠠ ᠲᠣᠷᠠᠯᠠᠯ ᠤᠨ ᠨᠢᠳᠦ ᠰᠢᠭ ᠲᠦᠯᠭᠡᠷᠡᠵᠦ | ᠲᠦᠷᠪᠡᠨ ᠵᠦᠭ ᠤᠨ ᠨᠣᠶᠢᠳᠠᠨ ᠰᠠᠯᠬᠢ ᠲᠦᠷᠦᠭᠡᠨ ᠰᠣᠷ ᠢ ᠦᠨᠦᠰᠦᠨᠡ | | | ᠠᠭᠤᠳᠠᠮ ᠲᠠᠯᠠ ᠶᠢᠨ ᠬᠦᠷᠦᠰᠦᠨ ᠳᠤ ᠰᠢᠮᠡᠳᠦᠨ ᠦᠨᠳᠦᠰᠦ ᠪᠦᠬᠦᠨ ᠢ ᠭᠡᠳᠡᠭᠡᠯᠡᠵᠦ | ᠣᠶᠠᠬᠠᠨ ᠨᠣᠭᠤᠭᠠᠨ ᠦᠵᠡᠰᠭᠦᠯᠡᠩ ᠪᠣᠯᠵᠦ ᠮᠦᠴᠢᠷ ᠪᠦᠬᠦᠨ ᠳᠤ ᠲᠤᠷᠮᠤᠯᠵᠠᠨ | ᠣᠶᠠᠩᠭᠠ ᠶᠢᠨ ᠴᠠᠭᠠᠨ ᠱᠠᠳ ᠰᠢᠭ᠋ ᠰᠢᠯᠦᠭ ᠤᠨ ᠮᠦᠷ ᠲᠤ ᠰᠢᠪᠡᠷᠡᠵᠦ | ᠣᠬᠠᠭᠠᠨ ᠤ ᠬᠦᠬᠡ ᠰᠣᠪᠢᠨ ᠲᠠᠳᠠᠵᠦ ᠠᠭᠤᠰᠬᠢ ᠵᠢᠷᠦᠬᠡᠨ ᠳᠤ ᠨᠡᠪᠳᠡᠷᠡᠨᠡ | | ᠦᠩ ᠦᠷᠭᠡᠨ ᠨᠣᠳᠤᠭ ᠤᠨ ᠮᠢᠨᠢ ᠦᠨᠵᠢᠭᠡᠯ ᠲᠤᠭᠤᠰᠤ ᠤᠬᠢᠶᠠᠭᠳᠠᠵᠦ | ᠦᠭᠡᠳᠡᠯᠡᠬᠦ ᠡᠷᠡᠨ ᠤ ᠬᠦᠭᠵᠢᠮ ᠪᠣᠯᠵᠦ ᠦᠰᠪᠣᠷᠢ ᠶᠢᠨ ᠬᠡᠣᠬᠡᠳ ᠬᠦᠭᠡᠷᠦᠯᠳᠦᠨ | ᠦᠨᠳᠦᠷ ᠲᠡᠭᠷᠢ ᠠᠴᠠ ᠱᠠᠭᠢᠨ ᠢᠷᠡᠵᠦ ᠮᠠᠷᠭᠠᠰᠢ ᠶᠢᠨ ᠰᠣᠷᠠᠭ ᠢ ᠲᠠᠮᠵᠢᠭᠤᠯᠵᠦ | ᠦᠯᠡᠮᠵᠢ ᠶᠡᠭᠡ ᠢᠳᠡᠭᠡᠯ ᠬᠠᠶᠢᠷᠠ ᠪᠠᠷ ᠡᠨᠡ ᠲᠡᠯᠡᠬᠡᠢ ᠶᠢ ᠴᠢᠪᠬᠠᠳᠠᠨᠠ | | | | | 地址；通辽市科左中旗舍伯吐中心校 | 笔名：孛儿只斤，萨楚日啦 | 实名；包锁柱 | 电话；15947447898 | | | |