ᠤᠭᠲᠣᠯᠲᠠ᠂ ᠦᠳᠡᠯᠲᠡ ᠬᠠᠶᠢᠷᠠ ᠶᠢᠨ ᠵᠢᠯ ᠤᠳ | ︵2020 ᠣᠨ ᠤ ᠴᠠᠭᠠᠨ ᠰᠠᠷᠠ ᠳᠤ ᠡᠷᠭᠦᠬᠦᠢ︶ | ᠦᠢᠯᠡᠰ | ᠨᠢᠭᠡ ᠵᠢᠯ ᠮᠠᠨᠢ ᠵᠢᠷᠭᠠᠵᠤ ᠪᠠᠶᠢᠨᠠ | ᠨᠢᠭᠡ ᠵᠢᠯ ᠮᠢᠨᠢ ᠵᠢᠷᠭᠢᠵᠦ ᠪᠠᠶᠢᠨᠠ | ᠬᠡᠯᠡᠶᠡ ᠭᠡᠰᠡᠨ ᠦᠭᠡ ᠪᠠᠨ ᠬᠡᠯᠡᠨᠡᠮ ᠬᠡᠮᠡᠨ ᠤᠮᠤᠭᠰᠢᠷᠠᠬᠤᠢ | ᠬᠦᠦᠷᠨᠢᠶᠡ ᠭᠡᠰᠡᠨ ᠬᠠᠶᠢᠷᠠ ᠪᠠᠨ ᠬᠦᠦᠷᠨᠢᠨᠡᠮ ᠬᠡᠮᠡᠨ ᠤᠪᠣᠯᠵᠠᠬᠤᠢ | | | ᠰᠢᠪᠲᠤᠷᠴᠦ ᠶᠠᠪᠤᠭᠠ ᠬᠠᠭᠤᠴᠢᠨ ᠵᠢᠯ ᠭᠡᠨᠡᠮ | ᠰᠢᠷᠣᠩᠬᠠᠢ ᠬᠠᠶᠢᠯᠣᠩᠬᠠᠢ ᠨᠢ ᠲᠠᠩᠲᠠ ᠦᠭᠡᠶᠢᠯᠡᠭᠳᠡᠨᠡ | ᠰᠠᠷᠠ ᠡᠳᠦᠷ ᠤᠳ ᠤᠨ ᠭᠤᠨᠢᠭ ᠵᠢᠷᠭᠠᠯ ᠳᠤ ᠲᠠᠰᠴᠣ | ᠰᠠᠨᠠᠭᠠᠨ ᠤ ᠭᠦᠨᠵᠡᠭᠡᠢ ᠳᠡᠭᠡᠨ ᠳᠦᠭᠦᠷᠴᠦ ᠲᠤᠨᠲᠠᠷᠠᠵᠤ ᠶᠠᠪᠤᠯᠠ | ᠰᠢᠯᠦᠭ ᠰᠢᠭ ᠣᠷᠭᠤᠵᠤ ᠪᠦᠳᠦᠭᠰᠡᠨ ᠲᠡᠯᠡᠬᠡᠢ ᠳᠡᠭᠡᠨ | ᠰᠡᠳᠬᠢᠯ ᠢᠲᠡᠭᠡᠯ ᠢᠶᠠᠷ ᠢᠶᠠᠨ ᠦᠶᠦᠭ ᠴᠠᠳᠬᠤᠯᠠᠩ ᠶᠠᠪᠤᠯᠠ | | | ᠡᠬᠢᠯᠡᠵᠦ ᠪᠤᠢ ᠰᠢᠨᠡ ᠵᠢᠯ ᠭᠡᠨᠡᠮ | ᠡᠯᠡᠩᠬᠡᠢ ᠬᠠᠯᠠᠩᠬᠠᠢ ᠨᠢ ᠲᠠᠩᠲᠠ ᠤᠴᠢᠷᠯᠠᠭᠳᠠᠨᠠ | ᠡᠳᠦᠷ ᠰᠠᠷᠠ ᠤᠳ ᠤᠨ ᠵᠡᠭᠦᠳᠦ ᠵᠡᠷᠭᠡᠯᠭᠡᠨ ᠳᠤ ᠲᠠᠪᠲᠠᠵᠤ | ᠡᠪᠦᠭᠡ ᠶᠢᠨ ᠬᠡᠯᠪᠡᠷᠢ ᠳᠡᠭᠡᠨ ᠡᠭᠡᠵᠦ ᠪᠤᠴᠠᠵᠤ ᠶᠠᠪᠤᠨᠠ | ᠡᠮᠨᠢᠭ ᠰᠢᠭ ᠦᠰᠦᠷᠴᠦ ᠪᠦᠵᠢᠭᠰᠡᠨ ᠲᠠᠯᠠ ᠳᠠᠭᠠᠨ | ᠡᠩ ᠢᠷᠦᠭᠡᠯ ᠢᠶᠠᠷ ᠢᠶᠠᠨ ᠡᠩᠬᠡ ᠠᠮᠤᠭᠤᠯᠠᠩ ᠶᠠᠪᠤᠨᠠ | | | ᠠᠶᠠᠷᠯᠠᠨ ᠪᠤᠢ ᠵᠢᠯ ᠮᠢᠨᠢ ᠪᠠᠶᠠᠷᠳᠠᠢ | ᠠᠭᠤᠯᠵᠠᠨ ᠪᠤᠢ ᠵᠢᠯ ᠮᠠᠨᠢ ᠬᠠᠶᠢᠷᠠᠳᠠᠢ | ᠪᠢᠴᠢᠶᠡ ᠭᠡᠰᠡᠨ ᠦᠰᠦᠭ ᠢᠶᠠᠨ ᠪᠢᠴᠢᠨᠡᠮ ᠬᠡᠮᠡᠨ ᠰᠠᠨᠠᠬᠤᠢ | ᠪᠠᠷᠢᠶᠠ ᠭᠡᠰᠡᠨ ᠬᠠᠳᠠᠭ ᠢᠶᠠᠨ ᠪᠠᠷᠢᠨᠠᠮ ᠬᠡᠮᠡᠨ ᠰᠠᠵᠢᠯᠠᠬᠤᠢ | | | ᠲᠠᠯᠠ ᠶᠢᠨ ᠢᠶᠠᠨ ᠲᠠᠯᠪᠢᠭᠤᠨ ᠰᠠᠯᠬᠢ ᠶᠢ ᠬᠤᠷᠮᠤᠶᠢᠯᠠᠭᠠᠳ | ᠲᠡᠭᠷᠢ ᠶᠢᠨ ᠥᠨᠳᠦᠷ ᠲᠤ ᠬᠠᠷᠴᠠᠭᠠᠢ ᠪᠣᠯᠵᠤ ᠳᠡᠭᠦᠯᠢᠬᠦ ᠦᠦ | ᠳᠡᠭᠡᠳᠦᠰ ᠤᠨ ᠤᠬᠠᠭᠠᠨ ᠠᠴᠠ ᠬᠦᠬᠡ ᠭᠡᠷᠡᠯ ᠰᠠᠴᠤᠷᠠᠨᠠ | ᠠᠳᠣᠭᠤᠳ ᠤᠨ ᠢᠶᠠᠨ ᠲᠡᠭᠰᠢᠭᠡᠨ ᠳᠡᠯ ᠢ ᠬᠤᠷᠤᠶᠢᠯᠠᠭᠠᠳ | ᠠᠭᠤᠯᠠᠰ ᠤᠨ ᠰᠦᠮᠪᠦᠷ ᠲᠤ ᠬᠠᠨᠳᠠᠭᠠᠢ ᠪᠣᠯᠵᠤ ᠲᠣᠭᠯᠠᠬᠤ ᠦᠦ | ᠠᠷᠭᠠᠯ ᠤᠨ ᠤᠳᠤᠭᠠᠨ ᠠᠴᠠ ᠨᠤᠭᠤᠭᠠᠨ ᠮᠦᠴᠢᠷ ᠴᠡᠴᠡᠭᠯᠡᠨᠡ | | | ᠮᠣᠩᠭᠤᠯ ᠮᠢᠨᠢ᠂ ᠮᠣᠩᠭᠤᠯ ᠢᠶᠠᠷ ᠢᠶᠠᠨ ᠪᠠᠶᠢᠭᠠᠰᠠᠢ ᠭᠡᠳ | ᠮᠣᠩᠭᠤᠯ ᠤᠨ ᠡᠭᠡᠯᠵᠢ ᠤᠯᠪᠠᠭᠠ ᠲᠠᠢ ᠪᠠᠨ ᠢᠵᠢᠯᠢᠰᠢᠬᠦ ᠦᠦ | ᠮᠦᠩᠭᠡ ᠶᠢᠨ ᠣᠨ ᠵᠢᠯ ᠠᠴᠠ ᠴᠢᠯᠠᠭᠤᠨ ᠪᠢᠴᠢᠭ ᠤᠷᠭᠤᠨᠠ | ᠴᠠᠰᠤ ᠴᠠᠭᠠᠨ ᠪᠠᠷᠢᠯᠳᠣᠯᠭᠠ ᠰᠦᠨ ᠴᠠᠭᠠᠨ ᠪᠤᠯᠤᠭᠠᠰᠠᠢ ᠭᠡᠳ | ᠴᠢᠨᠠᠳᠣ ᠶᠢᠨ ᠮᠠᠷᠭᠠᠰᠢ ᠪᠠᠷ ᠮᠣᠷᠢ ᠲᠠᠢ ᠪᠠᠨ ᠮᠦᠩᠬᠡᠷᠡᠬᠦ ᠦᠦ | ᠴᠢᠩᠭᠢᠰ ᠤᠨ ᠠᠶᠢᠯ ᠤᠳ ᠠᠴᠠ ᠠᠶᠠᠨ ᠨᠡᠭᠦᠳᠡᠯ ᠴᠦᠷᠭᠦᠯᠡᠨᠡ | | ᠬᠠᠶ᠋ᠢᠭ᠄ 赤峰市《追梦草原》阳光文化人 :伟丽嗣 | (赤峰市新城区亲水湾小区6号楼三单元401室 2 — | 9信箱) | ᠤᠳᠠᠰᠤ᠄ 158 4899 9841 | ᠰᠢᠦᠳᠠᠨ᠄ 024000 | |