| ᠬᠤᠶᠠᠷ᠃ ᠵᠠᠷᠢᠮ ᠾᠦᠩᠨᠣ ᠦᠭᠡ᠂ ᠾᠦᠩᠨᠣ ᠨᠡᠷᠡᠶᠢᠳᠦᠯ ᠪᠠ ᠮᠣᠩᠭᠤᠯ ᠦᠭᠡᠰ ᠤᠨ ᠬᠠᠷᠢᠴᠠᠭᠠ ᠶᠢᠨ | ᠲᠣᠬᠠᠢ | ︽ᠰᠣᠳᠣᠷ ᠲᠡᠮᠳᠡᠭᠯᠡᠯ︾ ᠵᠡᠷᠭᠡ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠾᠦᠩᠨᠣ ᠶᠢᠨ ᠪᠠᠶᠢᠳᠠᠯ ᠢ ᠲᠡᠮᠳᠡᠭᠯᠡᠭᠰᠡᠨ | ᠲᠡᠣᠬᠡ ᠪᠢᠴᠢᠯᠭᠡ ᠳᠤ ᠵᠠᠷᠢᠮ ᠾᠦᠩᠨᠣ ᠨᠡᠷᠡᠶᠢᠳᠦᠯ᠂ ᠨᠡᠷᠡ ᠦᠭᠡ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠵᠡᠷᠢᠮ | ᠡᠷᠳᠡᠮᠲᠡᠨ ᠡᠳᠡᠭᠡᠷ ᠦᠭᠡ ᠶᠢ ᠮᠣᠩᠭᠤᠯ ᠦᠭᠡ ᠲᠠᠢ ᠪᠠᠨ ᠣᠶᠢᠷᠠᠲᠣᠭᠤᠯᠣᠨ ᠰᠣᠳᠣᠯᠣᠭᠰᠠᠨ ᠪᠠᠶᠢᠳᠠᠭ᠃ ᠲᠣᠬᠠᠢ | ᠶᠢᠨ ᠦᠶᠡ ᠶᠢᠨ ᠬᠢᠲᠠᠳ ᠬᠡᠯᠡ ᠪᠠᠷ ᠠᠪᠢᠶᠠᠴᠢᠯᠠᠨ ᠲᠡᠮᠳᠡᠭᠯᠡᠭᠰᠡᠨ ᠡᠳᠡᠭᠡᠷ ᠦᠭᠡᠰ ᠨᠢ ᠲᠡᠭᠷᠢ ᠮᠡᠲᠣ ᠶᠢᠨ ᠠᠯᠲᠠᠢ | ᠬᠡᠯᠡᠨ ᠳᠤ ᠠᠳᠠᠯᠢᠬᠠᠨ ᠬᠡᠷᠡᠭᠯᠡᠭᠳᠡᠬᠦ ᠦᠭᠡᠰ ᠪᠠᠶᠢᠭᠰᠠᠨ ᠴᠣ᠋ ᠣᠯᠠᠩᠬᠢ ᠦᠭᠡ ᠨᠢ ᠮᠣᠩᠭᠤᠯ ᠦᠭᠡ ᠶᠢᠨ | ᠠᠪᠢᠶᠠᠯᠠᠯᠭᠠ ᠲᠠᠢ ᠦᠰᠦᠳ ᠣᠨᠳᠣᠣ᠂ ᠬᠷᠢᠨ ᠲᠦᠷᠦᠭ ᠳᠠᠭᠤᠳᠠᠯᠭᠠ ᠲᠠᠢ ᠵᠠᠷᠢᠮ ᠬᠡᠮᠵᠢᠶᠡᠨ ᠳᠤ ᠠᠳᠠᠯᠢ ᠪᠠᠶᠢᠳᠠᠭ | ᠭᠡᠳᠡᠭ᠃ ᠶᠠᠭ ᠮᠣᠩᠭᠤᠯ ᠦᠭᠡ ᠪᠣᠯᠣᠭᠰᠠᠨ ᠴᠣ᠋ ᠳᠣᠯᠣᠭᠠᠨ ᠵᠠᠭᠤᠨ ᠵᠢᠯ ᠤᠨ ᠡᠮᠦᠨᠡ ᠪᠢᠴᠢᠭᠳᠡᠭᠰᠡᠨ ︽ | ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠳᠣᠪᠴᠢᠶᠠᠨ︾ ᠢ ᠣᠳᠣᠬᠢ ᠣᠯᠠᠩᠬᠢ ᠮᠣᠩᠭᠤᠯ ᠬᠦᠮᠦᠰ ᠣᠶᠢᠯᠠᠭᠠᠬᠤ ᠳᠤ | ᠬᠦᠴᠢᠷᠳᠡᠵᠣ ᠪᠠᠶᠢᠲᠠᠯᠠ ᠬᠤᠶᠠᠷ ᠮᠢᠩᠭᠠᠨ ᠵᠢᠯ ᠤᠨ ᠡᠮᠦᠨᠡᠬᠢ ᠮᠣᠩᠭᠤᠯ ᠦᠭᠡ ᠪᠣᠯᠬᠤ ᠶᠢ ᠲᠡᠶᠢᠮᠣ ᠠᠮᠠᠷᠬᠠᠨ | ᠣᠶᠢᠯᠠᠭᠠᠴᠢᠬᠠᠨᠠ ᠭᠡᠵᠣ ᠪᠣᠯᠣᠰᠢ ᠦᠭᠡᠢ ᠶᠠᠪᠤᠳᠠᠯ ᠪᠠᠶᠢᠬᠤ ᠡ᠃ | ︽ᠰᠤᠳᠤᠷ ᠲᠡᠮᠳᠡᠭᠯᠡᠯ︾ ᠳᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠨᠢᠭᠡ ᠪᠦᠯᠦᠭ ᠬᠦᠮᠦᠨ ᠤ ᠨᠡᠷᠡ᠂ ᠣᠪᠣᠭ ᠤᠨ ᠨᠡᠷᠡ | ᠂ ᠵᠡᠷᠭᠡ ᠳᠤᠰᠢᠶᠠᠯ ᠤᠨ ᠳᠤ ᠨᠡᠷᠡᠰ ᠨᠢ ᠪᠦᠷ ᠬᠢᠲᠠᠳ ᠦᠰᠦᠭ ᠢᠶᠠᠷ ᠠᠪᠢᠶᠠᠯᠠᠨ ᠦᠯᠡᠳᠡᠵᠠᠢ᠃ | ᠲᠡᠭᠦᠨ ᠳᠡᠭᠡᠷᠡ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ᠄ ︽ᠴᠦᠨᠸᠧᠢ ᠠᠴᠠ ᠲᠦᠮᠡᠨ ᠬᠦᠷᠲᠡᠯᠬᠢ ᠮᠢᠩᠭᠠ ᠭᠠᠷᠤᠢ ᠵᠢᠯ | ᠤᠨ ᠬᠤᠭᠤᠴᠠᠭᠠᠨ ᠳᠤ᠂ ᠾᠦᠩᠨᠤ ᠶᠢᠨ ᠰᠦᠷ ᠬᠦᠴᠦ ᠨᠢ ᠬᠡᠰᠡᠭ ᠶᠡᠬᠡᠰᠦᠨ ᠬᠡᠰᠡᠭ ᠪᠠᠭᠠᠰᠴᠤ᠂ ᠬᠡᠰᠡᠭ ᠨᠡᠶᠢᠯᠡᠨ | ᠬᠡᠰᠡᠭ ᠰᠠᠯᠵᠤ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠲᠡᠳᠡᠨ ᠤ ᠦᠶᠡ ᠵᠠᠯᠭᠠᠮᠵᠢ ᠶᠢ ᠲᠤᠳᠤᠷᠬᠠᠢ ᠢᠯᠭᠠᠮᠵᠢᠯᠠᠨ ᠭᠠᠷᠭᠠᠬᠤ ᠶᠢᠨ | ᠠᠷᠭᠠ ᠦᠭᠡᠢ ᠪᠤᠯᠵᠠᠢ᠃ ᠭᠡᠪᠡᠴᠤ ᠮᠦᠳᠦ ᠴᠠᠨ ᠢᠣᠢ ᠶᠢᠨ ᠦᠶᠡ ᠪᠤᠯᠤᠭᠠᠳ ᠭᠦᠴᠦᠷᠬᠡᠭᠵᠢᠵᠤ᠂ ᠣᠮᠠᠷᠠ ᠶᠢᠨ | ᠣᠯᠠᠨ ᠣᠪᠣᠭ ᠠᠶᠢᠮᠠᠭ ᠢ ᠳᠠᠭᠠᠭᠤᠯᠤᠭᠠᠳ᠂ ᠡᠮᠦᠨᠡᠰᠢ ᠳᠤᠮᠳᠠᠳᠤ ᠣᠯᠤᠰ ᠯᠤᠭᠠ ᠳᠠᠶᠢᠰᠤᠨ ᠪᠤᠯᠤᠭᠰᠠᠨ ᠦᠶᠡ | ᠳᠤ ᠲᠡᠳᠡᠨ ᠤ ᠦᠶᠡ ᠵᠠᠯᠭᠠᠮᠵᠢ᠂ ᠣᠯᠤᠰ ᠤᠨ ᠨᠣᠶᠠᠳ ᠤᠨ ᠨᠡᠷᠡ ᠵᠢᠯ ᠨᠢ ᠰᠠᠶ᠋ᠢ ᠲᠡᠮᠳᠡᠭᠯᠡᠭᠳᠡᠨ ᠦᠯᠡᠳᠡᠪᠡ᠃︾ | | ︽ ᠾᠦᠩᠨᠤ ᠶᠢᠨ ᠨᠣᠶᠠᠳ ᠲᠤ ᠵᠡᠭᠦᠨ ᠪᠠᠷᠠᠭᠤᠨ ᠰᠢᠶᠠᠨ ᠸᠠᠩ᠂ ᠵᠡᠭᠦᠨ ᠪᠠᠷᠠᠭᠤᠨ ᠭᠦ᠋ ᠯᠢ ᠸᠠᠩ᠂ | ᠵᠡᠭᠦᠨ ᠪᠠᠷᠠᠭᠤᠨ ᠶᠡᠭᠡ ᠵᠠᠩᠵᠤᠨ᠂ ᠵᠡᠭᠦᠨ ᠪᠠᠷᠠᠭᠤᠨ ᠶᠡᠭᠡ ᠳ᠋ᠦ᠋ ᠸᠧᠢ᠂ ᠵᠡᠭᠦᠨ ᠪᠠᠷᠠᠭᠤᠨ ᠡᠷᠦᠬᠡ ᠶᠢᠨ ᠡᠵᠡᠨ ( | ᠳ᠋ᠠ ᠳ᠋ᠠᠩ ᠬᠦ᠋ )᠂ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠲᠤᠭ ( ᠭᠦ᠋ ᠲᠦ᠋ ᠬᠦ᠋ ) ᠳᠤᠬᠢᠷᠠᠭᠤᠯᠳᠠᠭ᠃ ᠾᠦᠩᠨᠤ ᠬᠦᠮᠦᠨ ᠡᠷᠬᠢᠮ | ᠴᠢᠳᠠᠪᠣᠷᠢᠲᠠᠨ ᠢᠶᠠᠨ ᠲᠦ᠋ ᠴᠢ (ᠲᠦᠷᠦᠭᠦᠴᠢ ) ᠭᠡᠳᠡᠭ ᠣᠴᠢᠷ ᠲᠠᠶᠢᠽᠢ ᠪᠠᠨ ᠵᠡᠭᠦᠨ ᠲᠦᠷᠦᠭᠦᠴᠢ ᠸᠠᠩ ( ᠵᠡᠭᠦᠨ | ᠲᠦ᠋ ᠴᠢ ᠸᠠᠩ ) ᠪᠤᠯᠭᠠᠳᠠᠭ᠃ ᠵᠡᠭᠦᠨ ᠪᠠᠷᠠᠭᠤᠨ ᠰᠢᠶᠠᠨ ᠸᠠᠩ ᠠᠴᠠ ᠡᠷᠦᠬᠡ ᠶᠢᠨ ᠡᠵᠡᠨ ᠬᠦᠷᠲᠡᠯᠡ᠂ ᠡᠷᠬᠡ | ᠵᠡᠷᠭᠡ ᠶᠡᠭᠡ ᠨᠢ ᠲᠦᠮᠡᠨ ᠮᠤᠷᠢᠲᠠᠨ ᠲᠠᠢ᠂ ᠪᠠᠭᠠ ᠨᠢ ᠬᠡᠳᠦᠨ ᠮᠢᠩᠭᠠᠨ ᠮᠤᠷᠢᠲᠠᠨ ᠲᠠᠢ᠂ ᠪᠦᠭᠦᠳᠡ ᠬᠤᠷᠢᠨ | ᠳᠦᠷᠪᠡᠨ ᠶᠡᠭᠡ ᠨᠣᠶᠠᠨ ᠲᠠᠢ᠂ ︽ᠲᠦᠮᠡᠨ ᠮᠤᠷᠢᠲᠠᠨ︾ ᠬᠡᠮᠡᠨ ᠨᠡᠷᠡᠶᠢᠳᠳᠡᠭ᠃︾ | ︽ᠶᠡᠭᠡ ᠰᠠᠶᠢᠳ ᠨᠠᠷ ᠨᠢ ᠪᠦᠷ ᠦᠶᠡ ᠵᠠᠯᠭᠠᠮᠵᠢᠯᠠᠭᠰᠠᠨ ᠨᠣᠶᠠᠳ ᠪᠤᠯᠤᠨᠠ᠃ ᠬᠦ᠋ ᠶᠠᠨ ᠣᠪᠣᠭ | (ᠬᠢᠶᠠᠨ ᠣᠪᠣᠭ︖ ) ᠯᠠᠨ ᠣᠪᠣᠭ (ᠷᠠᠨᠴᠢᠭᠤᠳ︖ ᠱᠠᠭᠢᠮᠤᠨᠢ ᠪᠤᠷᠬᠠᠨ ᠡᠶᠢᠮᠤ ᠣᠪᠣᠭ ᠲᠠᠢ )᠂ ᠬᠤᠵᠢᠮ ᠤᠨ | ᠰᠢᠣᠢ ᠪᠦ᠋ ᠣᠪᠣᠭ ( ᠰᠢᠪᠠᠭᠤ ᠣᠪᠣᠭ )᠂ ᠡᠨᠡ ᠭᠤᠷᠪᠠᠨ ᠣᠪᠣᠭ ᠨᠢ ᠬᠠᠮᠤᠭ ᠡᠷᠬᠢᠮ ᠣᠪᠣᠭ ᠪᠤᠯᠤᠨᠠ᠃︾ | ᠭᠡᠵᠤ ᠲᠡᠮᠳᠡᠭᠯᠡᠵᠠᠢ᠃ | ᠡᠭᠦᠨ ᠳᠤᠲᠤᠷᠠ ᠬᠤᠳᠤᠭ ᠬᠡᠮᠡᠬᠦ ᠵᠡᠷᠭᠡ ᠶᠢ ᠲᠦᠷᠦᠭᠴᠤᠳ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠲᠡᠳᠡᠭᠡᠷ | ᠣᠪᠣᠭ ᠤᠨ ᠳᠤᠲᠤᠷᠠ | ᠯᠦᠸᠠᠨ ᠣᠪᠣᠭ — ᠴᠠᠨ ᠢᠣᠢ ᠶᠢᠨ ᠣᠪᠣᠭ ( ᠬᠠᠨ ᠣᠯᠤᠰ ᠤᠨ ᠪᠢᠴᠢᠭ ᠠᠴᠠ ᠠᠪᠣᠪᠠ | ) | ᠡᠨᠡ ᠨᠢ ᠷᠠᠨᠴᠢᠭᠤᠳ ( ᠱᠠᠭᠢᠮᠤᠨᠢ ᠪᠤᠷᠬᠠᠨ ᠤ ᠣᠪᠣᠭ )᠂ ᠷᠦᠨ᠂ | ᠷᠦᠷᠠᠨ ( ᠨᠢᠷᠤᠭᠤᠨ ) | ᠭᠦ᠋ ᠶᠠᠨ ᠣᠪᠣᠭ — ᠬᠢᠶᠠᠨ ᠣᠪᠣᠭ | ᠯᠠᠨ ᠣᠪᠣᠭ — ᠨᠣᠨ᠂ ᠷᠠᠨᠴᠢᠭᠤᠳ᠂ ᠷᠦᠷᠠᠨ (ᠨᠢᠷᠤᠭᠤᠨ ) | ᠰᠢᠣᠢ ᠪᠦ᠋ ᠣᠪᠣᠭ — ᠰᠢᠪᠠᠭᠤ ᠣᠪᠣᠭ ᠭᠡᠬᠦ ᠮᠡᠲᠦ ᠪᠠᠷ ᠮᠤᠩᠭᠤᠯ ᠦᠭᠡ ᠲᠠᠢ ᠨᠡᠯᠢᠶᠡᠳ | ᠣᠶᠢᠷᠠᠳᠴᠤ ᠣᠴᠢᠵᠤ ᠪᠠᠶᠢᠭᠠ ᠪᠢᠰᠢᠣ︖ ᠪᠠᠰᠠ ᠨᠢᠭᠡ ᠰᠢᠣ ᠲᠦ᠋ ᠸᠠᠩ ᠭᠡᠰᠡᠨ ᠨᠡᠷᠡ ᠪᠠᠶᠢᠳᠠᠭ᠃ ᠮᠤᠩᠭᠤᠯ | ᠤᠨ ᠲᠡᠣᠬᠡᠨ ᠪᠢᠴᠢᠭ ᠲᠤ ᠠᠯᠲᠠᠨ ᠬᠠᠭᠠᠨ ᠠᠴᠠ ᠮᠤᠩᠭᠤᠯ ᠤᠨ ᠬᠠᠭᠠᠨ ᠠᠴᠠ ᠪᠠᠨ ︽ᠰᠢᠳᠠᠤ ᠬᠠᠨ ᠭᠡᠳᠡᠭ | ᠴᠤᠯᠠ ᠪᠠᠶᠢᠳᠠᠭ᠂ ᠨᠠᠳᠠ ᠳᠤ ᠬᠠᠶᠢᠷᠠᠯᠠ︾ ᠭᠡᠵᠤ ᠪᠠᠶᠢᠵᠤ ᠦᠪᠡᠷ ᠢᠶᠠᠨ ᠰᠢᠳᠠᠤ ᠬᠠᠨ ᠬᠡᠮᠡᠬᠦ ᠴᠤᠯᠠ ᠠᠪᠣᠭᠰᠠᠨ ᠢ | ᠲᠡᠮᠳᠡᠭᠯᠡᠵᠤ ᠪᠠᠶᠢᠳᠠᠭ᠃ | | ︽ᠰᠤᠳᠤᠷ ᠲᠡᠮᠳᠡᠭᠯᠡᠯ︾ ᠪᠡ ︽ᠬᠠᠨ ᠣᠯᠤᠰ ᠤᠨ ᠪᠢᠴᠢᠭ︾ ᠲᠤ ᠾᠦᠩᠨᠤ ᠶᠢᠨ ᠴᠠᠨ ᠢᠣᠢ ᠠᠴᠠ | ᠬᠠᠨ ᠣᠯᠤᠰ ᠤᠨ ᠬᠠᠭᠠᠨ ᠳᠤ ᠢᠯᠡᠭᠡᠭᠰᠡᠨ ᠵᠠᠬᠢᠲᠠᠯ ᠤᠨ ᠣᠷᠴᠢᠭᠤᠯᠭᠠ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠪᠢᠴᠢᠭ | ᠲᠡᠭᠡᠨ ᠡᠬᠢᠯᠡᠮᠡᠭᠴᠡ ︽ᠲᠡᠭᠷᠢ ᠶᠢᠨ ᠢᠪᠡᠭᠡᠯᠲᠤ ᠾᠦᠩᠨᠤ ᠶᠢᠨ ᠶᠡᠭᠡ ᠴᠠᠨ ᠢᠣᠢ ᠠᠴᠠ ᠬᠠᠨ ᠣᠯᠤᠰ ᠤᠨ ᠬᠠᠭᠠᠨ | ᠤ ᠠᠮᠤᠷ ᠢ ᠬᠢᠴᠢᠶᠡᠩᠭᠦᠶᠢᠯᠡᠨ ᠠᠰᠠᠭᠤᠮᠤᠢ︾ ᠭᠡᠵᠤ ᠡᠬᠢᠯᠡᠨ ᠪᠢᠴᠢᠳᠡᠭ᠃ ᠳᠤᠮᠳᠠ ᠨᠢ ︽ᠲᠡᠭᠷᠢ ᠶᠢᠨ ᠢᠪᠡᠭᠡᠯ | ᠢᠶᠠᠷ ᠶᠠᠮᠠᠷ ᠶᠠᠮᠠᠷ ᠣᠯᠤᠰ ᠢ ᠳᠠᠶᠢᠯᠠᠨ ᠳᠠᠭᠠᠭᠤᠯᠪᠠ︾ ᠭᠡᠳᠡᠭ᠃ ᠡᠳᠡᠭᠡᠷ ᠪᠢᠴᠢᠯᠭᠡ ᠨᠢ ᠮᠤᠩᠭᠤᠯ ᠤᠨ ᠬᠠᠭᠠᠳ | ᠤᠨ ᠵᠠᠬᠢᠲᠠᠯ ᠤᠨ ᠪᠢᠴᠢᠯᠭᠡ ᠲᠠᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠠᠳᠠᠯᠢ ᠰᠠᠨᠠᠭᠳᠠᠬᠤ ᠶᠤᠮ᠃ ᠬᠠᠨ ᠣᠯᠤᠰ ᠤᠨ | ᠴᠠᠨ ᠢᠣᠢ ᠳᠤ ᠶᠠᠪᠣᠭᠤᠯᠬᠤ ᠪᠢᠴᠢᠭ ᠢᠶᠠᠨ ᠨᠢᠭᠡ ᠲᠤᠬᠤᠢ ᠨᠢᠭᠡ ᠢᠮᠠᠬᠤ ᠶᠢᠨ ᠮᠤᠳᠤᠨ ᠬᠠᠪᠲᠠᠰᠤᠨ ᠳᠤ ᠪᠢᠴᠢᠵᠤ | ᠵᠡᠬᠢᠲᠡᠯ ᠤᠨ ᠡᠬᠢᠨ ᠳᠤ ︽ᠬᠠᠭᠠᠨ ᠠᠴᠠ ᠾᠦᠩᠨᠤ ᠶᠢᠨ ᠶᠡᠭᠡ ᠴᠠᠨ ᠢᠣᠢ ᠶᠢᠨ ᠠᠮᠤᠷ ᠢ ᠬᠢᠴᠢᠶᠡᠩᠭᠦᠶᠢᠯᠡᠨ | ᠠᠰᠠᠭᠤᠮᠤᠢ︾ ᠭᠡᠵᠤ ᠪᠢᠴᠢᠭᠡᠳ ᠪᠡᠯᠡᠭ ᠪᠠ ᠠᠭᠤᠯᠭᠠ ᠪᠠᠨ ᠪᠢᠴᠢᠳᠡᠭ ᠪᠠᠶᠢᠬᠤ ᠳᠤ᠂ ᠬᠤᠵᠢᠮ ᠨᠢ | ᠾᠦᠩᠨᠣᠴᠤᠳ ᠬᠠᠷᠢᠭᠤ ᠪᠢᠴᠢᠭ ᠢᠶᠠᠨ ᠨᠢᠭᠡ ᠲᠤᠬᠤᠢ ᠬᠤᠶᠠᠷ ᠢᠮᠠᠬᠤ ᠶᠢᠨ ᠮᠤᠳᠤᠨ ᠬᠠᠪᠲᠠᠰᠤᠨ ᠳᠤ᠂ ᠲᠠᠮᠠᠭᠠ | ᠪᠠ ᠨᠠᠭᠠᠯᠲᠠ ᠶᠢᠨ ᠬᠡᠮᠵᠢᠶᠡ ᠪᠠᠨ ᠴᠦ ᠬᠠᠨ ᠣᠯᠤᠰ ᠤᠨ ᠬᠢ ᠠᠴᠠ ᠦᠷᠭᠡᠨ ᠪᠤᠯᠭᠠᠵᠤ ᠵᠡᠬᠢᠲᠡᠯ ᠤᠨ ᠡᠬᠢᠨ ᠳᠤ ︽ | ᠲᠡᠭᠷᠢ ᠭᠠᠵᠠᠷ ᠠᠴᠠ ᠲᠦᠷᠦᠭᠦᠯᠦᠭᠰᠡᠨ᠂ ᠨᠠᠷᠠᠨ ᠰᠠᠷᠠᠨ ᠳᠤ ᠢᠪᠡᠭᠡᠭᠳᠡᠭᠰᠡᠨ ᠾᠦᠩᠨᠤ ᠶᠢᠨ ᠶᠡᠭᠡ ᠴᠠᠨ ᠢᠣᠢ | ᠠᠴᠠ ᠬᠠᠨ ᠣᠯᠤᠰ ᠤᠨ ᠬᠠᠭᠠᠨ ᠤ ᠠᠮᠤᠷ ᠢ ᠬᠢᠴᠢᠶᠡᠩᠭᠦᠶᠢᠯᠡᠨ ᠠᠰᠠᠭᠤᠮᠤᠢ︾ ᠭᠡᠵᠤ ᠡᠬᠢᠯᠡᠬᠦ ᠪᠤᠯᠵᠠᠢ᠃ ᠡᠳᠡᠭᠡᠷ | ᠨᠢ ᠮᠤᠩᠭᠤᠯ ᠤᠨ ᠬᠠᠭᠠᠨ ᠤ ᠲᠠᠮᠠᠭᠠ ᠳᠡᠭᠡᠷᠡᠬᠢ ︽ᠮᠦᠩᠬᠡ ᠲᠡᠭᠷᠢ ᠶᠢᠨ ᠬᠦᠴᠦᠨ ᠳᠤ ᠶᠡᠭᠡ ᠮᠤᠩᠭᠤᠯ ᠣᠯᠤᠰ | ᠤᠨ ᠳᠠᠯᠠᠢ ᠬᠠᠭᠠᠨ ᠤ ᠵᠠᠷᠯᠢᠭ ᠡᠯᠡ ᠪᠤᠯᠭᠠᠨ ᠣᠯᠤᠰ ᠲᠤᠷ ᠬᠦᠷᠪᠡᠰᠤ ᠪᠢᠰᠢᠷᠡᠲᠦᠭᠡᠢ ᠠᠶᠤᠲᠤᠭᠠᠢ︾ ᠭᠡᠰᠡᠨ ᠦᠭᠡ | ᠨᠢ ᠪᠤᠳᠤᠭᠳᠠᠭᠤᠯᠤᠮᠠ ᠪᠠᠶᠢᠨᠠ᠃ | ᠵᠠᠬᠢᠳᠠᠯ ᠳᠠᠭᠠᠨ ᠪᠠᠰᠠ ︽ᠳᠡᠭᠡᠳᠤ ᠲᠡᠭᠷᠢ ᠶᠢᠨ ᠢᠪᠡᠭᠡᠯ᠂ ᠳᠦᠰᠢᠮᠡᠳ ᠴᠡᠷᠢᠭ ᠤᠨ ᠰᠢᠯᠢᠳᠡᠭ᠂ | ᠠᠭᠲᠠ ᠬᠦᠯᠦᠭ ᠤᠨ ᠴᠢᠬᠢᠷᠠᠭ ᠢᠶᠠᠷ ᠰᠠᠷᠳᠠᠭᠤᠯ ᠣᠯᠤᠰ ᠢ ᠮᠦᠬᠦᠭᠡᠵᠤ᠂ ᠪᠦᠭᠦᠳᠡ ᠡᠰᠡᠷᠭᠦᠴᠡᠭᠴᠢᠳ ᠢ | ᠬᠢᠲᠤᠭᠠᠳ᠂ ᠪᠦᠬᠦᠨ ᠢ ᠣᠷᠤᠭᠤᠯᠵᠤ ᠠᠪᠣᠪᠠ᠃ ᠯᠧᠣᠯᠠᠨ᠂ ᠦᠰᠦᠨ᠂ ᠬᠦᠵᠧᠢ ᠪᠤᠯᠤᠨ ᠣᠶᠢᠷᠠᠯᠴᠠᠭᠠᠬᠢ ᠬᠤᠷᠢᠨ | ᠵᠢᠷᠭᠤᠭᠠᠨ ᠣᠯᠤᠰ ᠢ ᠳᠦᠪᠰᠢᠳᠬᠡᠵᠤ᠂ ᠾᠦᠩᠨᠤ ᠶᠢᠨ ᠬᠠᠷᠢᠶᠠᠨ ᠳᠤ ᠣᠷᠤᠭᠤᠯᠪᠠᠢ᠃ ᠠᠯᠢᠪᠠ ᠰᠠᠭᠠᠳᠠᠭ | ᠰᠤᠮᠤ ᠠᠭᠰᠠᠭᠴᠢᠳ ᠨᠢᠭᠡ ᠭᠡᠷ ᠲᠤ ᠨᠢᠭᠡᠳᠪᠡ᠃ ᠣᠳᠤ ᠠᠷᠤ ᠭᠠᠵᠠᠷ ᠳᠡᠭᠰᠢᠷᠡᠵᠤ ᠠᠮᠤᠷ ᠳᠦᠪᠰᠢᠨ ᠪᠤᠯᠪᠠ᠃ | ᠠᠶᠤᠯᠲᠤ ᠳᠠᠶᠢᠨ ᠠᠴᠠ ᠵᠠᠶᠢᠳᠠᠵᠤ᠂ ᠠᠭᠲᠠ ᠬᠦᠯᠦᠭ ᠢᠶᠠᠨ ᠪᠤᠷᠳᠤᠨ᠂ ᠠᠷᠠᠳ ᠴᠡᠷᠢᠭ ᠢᠶᠠᠨ ᠠᠮᠤᠷᠠᠭᠤᠯᠬᠤ ᠴᠠᠭ | ᠪᠤᠯᠪᠠ᠃ ᠡᠭᠦᠨᠴᠡ ᠣᠣᠯ ᠤᠨ ᠪᠤᠯᠵᠤᠭᠠ ᠪᠠᠨ ᠳᠤᠷᠠᠰᠴᠤ ᠬᠢᠵᠠᠭᠠᠷ ᠤᠨ ᠣᠯᠠᠨ ᠢᠶᠠᠨ ᠳᠤᠭᠲᠠᠭᠠᠰᠤᠭᠠᠢ᠃ | ᠦᠰᠪᠦᠷᠢ ᠶᠢᠨ ᠪᠠᠭᠠᠴᠤᠳ ᠦᠰᠲᠦᠭᠡᠢ᠂ ᠡᠪᠦᠭᠡᠨ ᠪᠤᠭᠤᠷᠤᠯᠴᠤᠳ ᠠᠮᠠᠷᠠᠲᠤᠭᠠᠢ᠂ ᠦᠶᠡ ᠶᠢᠨ ᠦᠶᠡ ᠳᠤ ᠡᠪ | ᠨᠠᠶᠢᠷᠠᠲᠠᠢ ᠪᠠᠶᠢᠰᠤᠭᠠᠢ︕︾ ᠭᠡᠵᠤ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ | ᠬᠠᠨ ᠣᠯᠤᠰ ᠳᠦᠰᠢᠮᠡᠳ ᠤᠨ ᠵᠦᠪᠯᠡᠯᠭᠡᠨ ᠳᠤ ᠪᠦᠭᠦᠳᠡ ᠳᠦᠰᠢᠮᠡᠳ ᠨᠢ ︽ᠴᠠᠨ ᠢᠣᠢ ᠰᠠᠷᠳᠠᠭᠤᠯ | ᠢ ᠳᠠᠷᠤᠭᠠᠳ᠂ ᠰᠦᠷ ᠬᠦᠴᠦᠨ ᠬᠤᠷᠢᠭᠯᠠᠭᠳᠠᠰᠢ ᠦᠭᠡᠢ ᠪᠠᠶᠢᠬᠤ ᠪᠤᠢ ᠢ ᠡ᠂ ᠪᠠᠶᠢᠯᠳᠤᠵᠤ ᠪᠤᠯᠬᠤ ᠦᠭᠡᠢ᠃ | ᠾᠦᠩᠨᠤ ᠶᠢᠨ ᠭᠠᠵᠠᠷ ᠢ ᠣᠯᠴᠢᠬᠠᠪᠠᠴᠤ ᠪᠦᠷ ᠬᠤᠵᠢᠷ ᠲᠠᠴᠢᠷ ᠭᠠᠵᠠᠷ᠂ ᠰᠠᠭᠤᠷᠢᠰᠢᠨ ᠲᠠᠷᠢᠶᠠᠯᠠᠵᠤ ᠪᠤᠯᠬᠤ ᠦᠭᠡᠢ | ᠃ ᠡᠶᠡᠯᠳᠦᠬᠦ ᠨᠢ ᠬᠠᠮᠤᠭ ᠠᠰᠢᠭᠲᠠᠢ︾ ᠭᠡᠵᠤ ᠠᠶᠢᠯᠠᠳᠬᠠᠭᠰᠠᠨ ᠳᠤ ᠬᠠᠭᠠᠨ ᠨᠢ ᠵᠦᠪᠰᠢᠶᠡᠷᠡᠵᠤ ᠡᠶᠡᠯᠳᠦᠭᠰᠡᠨ | ᠪᠠᠶᠢᠳᠠᠭ᠃ | ᠡᠭᠦᠨ ᠳᠤ ︽ᠨᠠᠶᠢᠷᠠᠮᠳᠠᠯ ᠢᠶᠠᠷ ᠵᠡᠷᠭᠡᠴᠡᠨ ᠣᠷᠤᠰᠢᠬᠤ︾ ᠦᠵᠡᠯ ᠰᠠᠨᠠᠭᠠ ᠵᠤᠷᠢᠯᠲᠠ ᠶᠢ ᠬᠤᠶᠠᠷ | ᠮᠢᠩᠭᠠᠨ ᠵᠢᠯ ᠤᠨ ᠡᠮᠦᠨᠡ ᠾᠦᠩᠨᠤ ᠶᠢᠨ ᠮᠦᠳᠦ᠋ ᠴᠠᠨ ᠢᠣᠢ ᠳᠤᠷᠠᠳᠤᠭᠰᠠᠨ ᠶᠤᠮ ᠪᠠᠶᠢᠨᠠ᠃ᠣᠳᠤ ᠶᠢᠨ | ᠬᠢᠲᠠᠳ ᠤᠨ ᠲᠦᠷᠦ ᠶᠢᠨ ᠭᠠᠶᠢᠬᠠᠭᠤᠯᠵᠤ ᠪᠠᠶᠢᠳᠠᠭ ︽ᠨᠠᠶᠢᠷᠠᠮᠳᠠᠯ ᠢᠶᠠᠷ ᠵᠡᠷᠭᠡᠴᠡᠨ ᠣᠷᠤᠰᠢᠬᠤ ᠲᠠᠪᠣᠨ ᠵᠠᠷᠴᠢᠮ︾ | ᠤᠨ ᠣᠬᠠᠭᠳᠠᠬᠤᠨ ᠨᠢ ᠲᠡᠷᠡ ᠦᠶᠡ ᠳᠤ ᠪᠦᠷ ᠪᠠᠶᠢᠭᠰᠠᠨ ᠪᠦᠭᠡᠳ ᠬᠠᠭᠠᠰ ᠵᠠᠭᠤᠨ ᠬᠢᠷᠢᠲᠠᠢ ᠦᠷᠭᠦᠯᠵᠢᠯᠡᠵᠠᠢ᠃ | ᠬᠤᠵᠢᠮ ᠡᠵᠡᠷᠬᠡᠭ ᠯᠢᠣ ᠴᠧ ᠡᠪᠳᠡᠭᠰᠡᠨ ᠦᠭᠡᠢ ᠶᠤᠮ ᠪᠤᠯ ᠰᠠᠶᠢᠬᠠᠨ ᠦᠯᠢᠭᠡᠷ ᠪᠠᠶᠢᠵᠤ ᠪᠤᠯᠬᠤ ᠶᠤᠮ᠃ ︽ | ᠨᠠᠶᠢᠷᠠᠮᠳᠠᠯ ᠢᠶᠠᠷ ᠵᠡᠷᠭᠡᠴᠡᠨ ᠣᠷᠤᠰᠢᠬᠤ ᠲᠠᠪᠣᠨ ᠵᠠᠷᠴᠢᠮ︾ ᠢ ᠬᠢᠲᠠᠳ ᠤᠨ ᠲᠦᠷᠦ ᠾᠦᠩᠨᠤ ᠠᠴᠠ ᠰᠤᠷᠤᠭᠰᠠᠨ | ᠭᠡᠵᠤ ᠪᠤᠯᠬᠤ ᠶᠤᠮ᠃ ᠢᠨᠢᠶᠡᠳᠦᠮᠲᠠᠢ ᠪᠢᠰᠢ ᠤᠤ︖ | ᠴᠠᠨ ᠢᠣᠢ ᠭᠡᠳᠡᠭ ᠦᠭᠡ ᠶᠢ ᠶᠠᠩᠵᠤ ᠶᠠᠩᠵᠤ ᠪᠠᠷ ᠲᠠᠶᠢᠯᠪᠣᠷᠢᠯᠠᠳᠠᠭ᠃ ᠬᠡᠪᠡᠴᠤ ᠣᠳᠬᠠ ᠶᠢᠨ ᠲᠠᠯᠠ | ᠪᠠᠷ ᠪᠤᠯ ᠬᠠᠭᠠᠨ ᠭᠡᠳᠡᠭ ᠲᠤᠬᠠᠢ ᠪᠦᠭᠦᠳᠡᠭᠡᠷ ᠨᠢᠭᠡᠲᠦᠵᠤ ᠪᠠᠶᠢᠨᠠ᠃ ᠬᠤᠵᠢᠮ ᠤᠨ ᠴᠢᠩᠭᠢᠰ ᠬᠠᠭᠠᠨ ᠭᠡᠳᠡᠭ | ᠦᠭᠡ ᠶᠢ ᠴᠦ ᠴᠠᠨ ᠢᠣᠢ ᠭᠡᠰᠡᠨ ᠦᠭᠡ ᠠᠴᠠ ᠢᠷᠡᠯᠡ ᠭᠡᠵᠤ ᠪᠢᠴᠢᠵᠤ ᠪᠠᠶᠢᠳᠠᠭ᠃ ︽ᠬᠠᠨ ᠣᠯᠤᠰ ᠤᠨ ᠪᠢᠴᠢᠭ | ︾ ᠲᠤ ︽ᠦᠷᠭᠡᠨ ᠶᠡᠭᠡ ᠵᠢᠰᠤ guang da zhi mao︾ ᠭᠡᠬᠦ ᠣᠳᠬᠠ ᠪᠠᠷ ᠲᠠᠶᠢᠯᠪᠣᠷᠢᠯᠠᠵᠤ ᠪᠠᠶᠢᠳᠠᠭ ᠨᠢ | ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠠᠯᠪᠠᠨ ᠶᠤᠰᠤᠨ ᠤ ᠲᠡᠶᠢᠯᠪᠣᠷᠢᠯᠠᠯᠲᠠ ᠪᠠᠶᠢᠵᠤ ᠮᠠᠭᠠᠳ ᠦᠭᠡᠢ᠃ ︽ᠴᠢᠩᠭᠢᠰ︾ ᠭᠡᠰᠡᠨ | ᠦᠭᠡ ᠶᠢ ︽ ᠦᠷᠭᠡᠨ ᠶᠡᠭᠡ︾ ᠭᠡᠵᠤ ᠲᠠᠶᠢᠯᠪᠣᠷᠢᠯᠠᠳᠠᠭ ᠪᠢᠰᠢᠣ︖ ︽ᠮᠤᠩᠭᠤᠯ ᠬᠡᠷ ᠬᠤᠯᠪᠣᠭᠠᠯᠠᠯ︾ ᠳᠤ ᠪᠢ | ︽ᠴᠢᠨᠣᠰ ᠬᠠᠭᠠᠨ︾ ︽ ᠴᠢᠨ᠋ᠸᠠ ᠶᠢᠨ ᠬᠠᠭᠠᠨ︾ ᠭᠡᠰᠡᠨ ᠣᠳᠬᠠ ᠲᠠᠢ ᠬᠡᠪᠡ᠃ ᠾᠦᠩᠨᠦᠴᠤᠳ ᠬᠦᠬᠡ | ᠴᠢᠨ᠋ᠸᠠ ᠶᠢ ᠰᠢᠲᠦᠵᠤ ᠴᠢᠨ᠋ᠸᠠ ᠶᠢᠨ ᠵᠢᠷᠤᠭ ᠲᠠᠢ ᠲᠤᠭ ᠡᠷᠭᠦᠳᠡᠭ ᠳᠠᠶᠢᠨ ᠬᠢᠳᠡᠭ ᠶᠤᠮ ᠴᠢᠨᠢ ᠳᠠᠶᠢᠨ ᠢ | ᠣᠳᠤᠷᠢᠳᠴᠤ ᠬᠢᠳᠡᠭ ᠬᠠᠮᠤᠭ ᠳᠡᠭᠡᠳᠤ ᠣᠳᠤᠷᠢᠳᠤᠭᠴᠢ ᠪᠠᠨ ︽ᠴᠢᠨᠣᠰ ᠬᠠᠭᠠᠨ︾ ( ᠴᠢᠨ᠋ᠸᠠ ᠶᠢᠨ ᠰᠦᠷᠦᠭ ᠤᠨ | ᠬᠠᠭᠠᠨ ) ᠭᠡᠵᠤ ᠨᠡᠷᠡᠯᠡᠵᠤ ᠪᠤᠯᠤᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ᠃ ᠬᠤᠵᠢᠮ ᠤᠨ ᠲᠦᠷᠭᠦᠳ ᠬᠠᠭᠠᠨᠲᠤ ᠣᠯᠤᠰ ᠲᠤ ᠴᠦ | ᠴᠢᠨᠣᠰ ᠬᠠᠭᠠᠨ ᠭᠡᠬᠦ ᠬᠠᠭᠠᠨ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠴᠢᠩᠭᠢᠰ ᠭᠡᠰᠡᠨ ᠨᠡᠷᠡ ᠴᠦ ᠡᠨᠡᠬᠦ ᠲᠡᠣᠬᠡ ᠶᠢᠨ ᠨᠡᠷᠡᠶᠢᠳᠦᠯ | ᠲᠠᠢ ᠶᠠᠭ ᠬᠤᠯᠪᠣᠭᠠ ᠦᠭᠡᠢ ᠭᠡᠵᠤ ᠦᠭᠡᠶᠢᠰᠬᠡᠵᠤ ᠪᠤᠯᠬᠤ ᠦᠭᠡᠢ ᠪᠢᠵᠠ᠃ ᠠᠷᠤ ᠭᠠᠵᠠᠷ ᠲᠡᠣᠬᠡ ᠶᠢᠨ ᠨᠡᠷᠡᠰ | ᠳᠠᠪᠲᠠᠭᠳᠠᠬᠤ ᠶᠠᠪᠣᠳᠠᠯ ᠨᠢᠭᠡ ᠪᠢᠰᠢ ᠪᠠᠶᠢᠳᠠᠭ᠃ ︽ᠳᠠᠶᠠᠨ ᠬᠠᠭᠠᠨ︾ ᠭᠡᠰᠡᠨ ᠢ ᠴᠦ ᠴᠠᠨ ᠢᠣᠢ ᠠᠴᠠ | ᠢᠷᠡᠯᠲᠡᠲᠠᠢ ᠭᠡᠵᠤ ᠰᠤᠳᠤᠯᠬᠤ ᠬᠦᠮᠦᠰ ᠪᠠᠶᠢᠳᠠᠭ ᠪᠠᠶᠢᠨᠠ᠃ ᠯᠢᠭᠳᠡᠨ ᠬᠤᠳᠤᠭᠲᠤ ᠬᠠᠭᠠᠨ ᠦᠪᠡᠷ ᠤᠨ ᠪᠡᠶᠡ ᠪᠠᠨ | ︽ᠳᠦᠴᠢᠨ ᠲᠦᠮᠡᠨ ᠮᠤᠩᠭᠤᠯ ᠢ ᠡᠵᠡᠯᠡᠭᠰᠡᠨ ᠪᠠᠭᠠᠲᠤᠷ ᠴᠢᠩᠭᠢᠰ ᠬᠠᠭᠠᠨ︾ ᠭᠡᠵᠤ ᠡᠷᠭᠦᠭᠰᠡᠨ ᠪᠢᠰᠢ ᠤᠤ︖ | ᠴᠠᠨ ᠢᠣᠢ ᠶᠢᠨ ᠬᠠᠲᠤᠨ ᠢ ︽ᠶᠠᠨ ᡁᠢ︾ ᠭᠡᠳᠡᠭ᠃ ᠡᠨᠡ ᠨᠢ ᠮᠤᠩᠭᠤᠯ ᠤᠨ ᠲᠦᠷᠦ ᠶᠢᠨ ︽ | ᠦᠭᠡᠯᠦᠨ ᠦᠵᠢᠨ︾ ︽ᠪᠦᠷᠢᠳᠡ ᠦᠵᠢᠨ︾ ᠭᠡᠰᠡᠨ ᠤ ᠦᠵᠢᠨ ᠭᠡᠰᠡᠨ ᠦᠭᠡ ᠲᠠᠢ ᠠᠳᠠᠯᠢ᠃ ᠶᠡᠭᠡ ᠯᠢᠶᠤᠣ | ᠣᠯᠤᠰ ᠤᠨ ︽ᠢᠨᠵᠢ ᠬᠠᠲᠤᠨ ᠵᠢᠨᠵᠢ ᠬᠠᠲᠤᠨ︾ ᠤ ᠳᠤᠮᠤᠭ ᠪᠠ ︽ᠵᠢᠨᠵᠢ ᠶᠢᠨ ᠴᠠᠭᠠᠨ ᠰᠤᠪᠣᠷᠭᠠ︾ ᠶᠢ ᠪᠦᠷ | ᠮᠡᠳᠡᠬᠦ ᠪᠠᠶᠢᠯᠭᠦᠢ᠃ ᠰᠡᠭᠦᠯ ᠤᠨ ᠦᠶᠡ ᠳᠤ ᠮᠤᠩᠭᠤᠯ ᠦᠭᠡᠨ ᠳᠤ ᠳᠠᠭᠠᠯᠲᠠ ᠬᠠᠲᠤᠨ ᠪᠠ ᠰᠢᠪᠡᠭᠴᠢᠨ ᠢ ᠵᠢᠭᠠᠬᠤ | ᠪᠤᠯᠵᠤ ᠣᠳᠬᠠ ᠰᠢᠯᠵᠢᠵᠠᠢ᠃ | ᠴᠠᠨ ᠢᠣᠢ ᠨᠢ ᠦᠪᠡᠷ ᠢ ᠪᠠᠨ ︽ᠲᠡᠭᠷᠢ ᠶᠢᠨ ᠬᠦᠣᠲᠤ ᠴᠠᠨ ᠢᠣᠢ︾ ᠭᠡᠵᠤ ᠡᠷᠭᠦᠳᠡᠭ᠃ | ᠦᠨᠡᠨᠳᠡᠭᠡᠨ ︽ᠲᠡᠭᠷᠢ ᠶᠢᠨ ᠬᠤᠳᠤᠭᠲᠤ ᠴᠠᠨ ᠢᠣᠢ︾ ᠭᠡᠰᠡᠨ ᠦᠭᠡ ᠪᠠᠶᠢᠵᠤ ᠮᠡᠳᠡᠬᠦ ᠶᠤᠮ᠃ ︽ᠬᠤᠳᠤᠭ᠂ | ᠪᠢᠯᠢᠭ︾ ᠭᠡᠰᠡᠨ ᠦᠭᠡ ᠨᠢ ᠲᠦᠷᠦᠭ ᠬᠡᠯᠡᠨ ᠠᠴᠠ ᠮᠤᠩᠭᠤᠯ ᠦᠭᠡᠨ ᠳᠤ ᠣᠷᠤᠵᠤ ᠢᠷᠡᠵᠠᠢ᠃ ᠣᠣᠯ ᠨᠢ | ᠾᠦᠩᠨᠤ ᠦᠭᠡ ᠪᠠᠶᠢᠵᠤ ᠲᠦᠷᠭᠦᠳ ᠤᠳ ᠵᠠᠯᠭᠠᠮᠵᠢᠯᠠᠵᠤ ᠠᠪᠣᠭᠰᠠᠨ ᠪᠠᠶᠢᠵᠤ ᠮᠡᠳᠡᠬᠦ ᠶᠤᠮ᠃ ᠬᠡᠷᠪᠡ ᠡᠮᠦᠨᠡ | ᠣᠳᠬᠠ ᠪᠠᠷ ᠠᠪᠴᠤ ᠬᠡᠯᠡᠪᠡᠯ ᠬᠦᠦ ᠨᠢ ᠲᠡᠭᠷᠢ ᠶᠢᠨ ᠬᠦᠦ ᠪᠤᠯᠪᠠᠯ ᠴᠠᠨ ᠢᠣᠢ ᠨᠢ ︽ᠲᠡᠭᠷᠢ ᠯᠤᠭᠠ ᠰᠠᠴᠠᠭᠤ | ᠶᠡᠭᠡ ᠪᠤᠭᠳᠠ︾ ᠪᠤᠯᠴᠢᠬᠠᠬᠤ ᠦᠭᠡᠢ ᠤᠤ︖ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ︽ᠲᠡᠭᠷᠢ ᠶᠢ ᠰᠢᠲᠦᠵᠤ᠂ ᠨᠠᠷᠠᠨ ᠰᠠᠷᠠᠨ | ᠳᠤ ᠮᠦᠷᠭᠦᠳᠡᠭ︾ ᠾᠦᠩᠨᠤ ᠶᠢᠨ ᠶᠡᠭᠡ ᠴᠠᠨ ᠢᠣᠢ ᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠲᠡᠭᠡᠵᠤ ᠲᠡᠭᠷᠢ ᠶᠢ ᠬᠦᠨᠳᠦᠳᠬᠡᠭᠦ | ᠦᠭᠡᠢ ᠪᠠᠶᠢᠳᠠᠯ ᠪᠤᠯ ᠪᠠᠶᠢᠵᠤ ᠪᠤᠯᠤᠰᠢ ᠦᠭᠡᠢ ᠶᠠᠪᠣᠳᠠᠯ ᠪᠤᠯᠬᠤ ᠶᠤᠮ᠃ | ᠬᠤᠵᠢᠮ ᠤᠨ ᠬᠠᠨ ᠣᠯᠤᠰ ᠲᠤ ᠪᠠᠭᠤᠵᠤ ᠦᠭᠭᠦᠭᠰᠡᠨ ︽ᠬᠦᠨ ᠰᠢᠶ᠋ᠸᠧ ᠸᠠᠩ︾ ︽ᠰᠢᠣ ᠲᠦ᠋ | ᠸᠠᠩ︾ ᠭᠡᠵᠤ ᠪᠠᠶᠢᠳᠠᠭ ᠨᠢ ᠠᠯᠲᠠᠨ ᠬᠠᠭᠠᠨ ᠵᠢᠭᠡᠯᠡᠵᠤ ᠦᠪᠡᠷ ᠢ ᠪᠠᠨ ︽ᠰᠢᠳᠠᠤ ᠬᠠᠨ︾᠂ ᠬᠦᠦ ᠪᠠᠨ ︽ | ᠬᠦᠨᠠᠰᠢᠷᠢ ᠬᠠᠨ︾ ᠭᠡᠵᠤ ᠡᠷᠭᠦᠭᠰᠡᠨ ᠪᠠᠶᠢᠨᠠ᠃ | | ᠭᠤᠷᠪᠠ᠃ ᠶᠡᠭᠡ ᠾᠦᠩᠨᠤ ᠬᠦᠷᠦᠨ ᠤ ᠨᠣᠲᠤᠭ ᠳᠡᠪᠢᠰᠭᠡᠷ ᠪᠤᠯᠤᠨ ᠮᠤᠩᠭᠤᠯ ᠬᠠᠭᠠᠨᠲᠤ ᠣᠯᠤᠰ | ᠤᠨ ᠨᠣᠲᠤᠭ ᠳᠡᠪᠢᠰᠭᠡᠷ | | ᠾᠦᠩᠨᠤ ᠶᠢᠨ ᠬᠠᠮᠤᠭ ᠬᠦᠴᠦᠷᠬᠡᠭ ᠪᠠᠶᠢᠭᠰᠠᠨ ᠦᠶᠡ ᠶᠢᠨ ᠨᠣᠲᠤᠭ ᠳᠡᠪᠢᠰᠭᠡᠷ ᠨᠢ ᠣᠮᠠᠷᠠᠲᠤ ᠶᠤᠸᠠᠨ | ᠣᠯᠤᠰ ᠤᠨ ᠨᠣᠲᠤᠭ ᠳᠡᠪᠢᠰᠭᠡᠷ ᠲᠠᠢ ᠪᠠᠷᠤᠭ ᠣᠴᠢᠨᠠ᠃ ᠪᠦᠲᠦᠮᠵᠢᠲᠠᠢ ᠨᠣᠶᠠᠷᠬᠠᠵᠤ ᠪᠠᠶᠢᠭᠰᠠᠨ ᠨᠣᠲᠤᠭ | ᠳᠡᠪᠢᠰᠭᠡᠷ ᠨᠢ ᠵᠡᠭᠦᠨᠰᠢ ᠬᠢᠩᠭᠠᠨ ᠳᠠᠪᠠᠭᠠ᠂ ᠪᠠᠷᠭᠤᠨᠰᠢ ᠲᠡᠭᠷᠢ ᠠᠭᠤᠯᠠ᠂ ᠡᠮᠦᠨᠡᠰᠢ ᠴᠢᠨ ᠤ ᠴᠠᠭᠠᠨ ᠬᠡᠷᠡᠮ᠂ | ᠣᠮᠠᠷᠠᠰᠢ ᠪᠠᠶᠢᠭᠠᠯ ᠳᠠᠯᠠᠢ ᠲᠤᠯᠤᠭᠰᠠᠨ ᠨᠣᠲᠤᠭ ᠳᠡᠪᠢᠰᠭᠡᠷ ᠪᠤᠯᠤᠨᠠ᠃ ᠡᠭᠦᠨ ᠳᠤ ᠣᠮᠠᠷᠠᠲᠤ ᠶᠤᠸᠠᠨ ᠤ ᠨᠣᠲᠤᠭ | ᠳᠡᠪᠢᠰᠭᠡᠷ ᠨᠢ ᠡᠮᠦᠨᠡᠰᠢ ᠴᠢᠨ ᠤ ᠴᠠᠭᠠᠨ ᠬᠡᠷᠡᠮ ᠠᠴᠠ ᠣᠷᠤᠭᠰᠢ ᠪᠠᠶᠢᠵᠤ᠂ ᠴᠢᠨ ᠤ ᠴᠠᠭᠠᠨ ᠬᠡᠷᠡᠮ ᠨᠢ | ᠣᠯᠠᠭᠠᠨᠬᠠᠳᠠ ᠶᠢᠨ ᠨᠢᠩᠴᠧᠩ ᠰᠢᠶᠡᠨ ᠤ ᠬᠠᠷᠢᠶᠠᠨ ᠳᠤ ᠪᠠᠶᠢᠳᠠᠭ᠃ ᠾᠦᠩᠨᠤ ᠶᠢᠨ ᠬᠦᠴᠦᠨ ᠨᠢ ᠲᠡᠭᠷᠢ | ᠠᠭᠤᠯᠠ ᠠᠴᠠ ᠪᠠᠭ᠋ᠠᠨ ᠪᠠᠷᠭᠤᠨᠰᠢ ᠴᠦ ᠪᠠᠶᠢᠵᠤ ᠮᠡᠳᠡᠨᠡ᠃ ᠶᠡᠷᠦᠩᠬᠢ ᠳᠤᠨᠢ ᠦᠵᠡᠪᠡᠯ ᠶᠡᠭᠡ ᠲᠦᠯᠦᠪ | ᠣᠶᠢᠷᠠᠯᠴᠠᠭᠠ᠃ | ᠮᠤᠩᠭᠤᠯ ᠬᠠᠭᠠᠨᠲᠤ ᠣᠯᠤᠰ ᠤᠨ ᠨᠣᠲᠤᠭ ᠳᠡᠪᠢᠰᠭᠡᠷ ᠨᠢ ᠬᠠᠷᠢᠨ ᠬᠠᠮᠤᠭ ᠶᠡᠭᠡ ᠪᠠᠶᠢᠭᠰᠠᠨ ᠦᠶᠡ | ᠳᠡᠭᠡᠨ ᠾᠦᠩᠨᠤ ᠶᠢᠨ ᠬᠤᠶᠠᠷ ᠳᠠᠬᠢᠨ ᠢᠯᠡᠭᠦᠦ ᠴᠦ ᠪᠠᠶᠢᠵᠤ ᠪᠠᠶᠢᠭᠰᠠᠨ᠃ ᠭᠡᠪᠡᠴᠤ ᠾᠦᠩᠨᠤ ᠶᠢᠨ ᠨᠣᠲᠤᠭ | ᠳᠡᠪᠢᠰᠭᠡᠷ ᠨᠢ ᠬᠠᠨ ᠣᠯᠤᠰ ᠤᠨ ᠬᠤᠶᠠᠷ ᠭᠤᠷᠪᠠᠨ ᠳᠠᠬᠢᠨ ᠪᠠᠶᠢᠨᠠ᠃ | ᠡᠳᠡᠭᠡᠷ ᠪᠠᠶᠢᠳᠠᠯ ᠠᠴᠠ ᠠᠪᠴᠤ ᠬᠡᠯᠡᠭᠰᠡᠨ ᠴᠦ ᠮᠠᠨ ᠤ ᠮᠤᠩᠭᠤᠯᠴᠤᠳ ᠪᠤᠯ ᠾᠦᠩᠨᠤ ᠶᠢᠨ ︽ | ᠦᠮᠴᠢᠨ ᠳᠡᠭᠡᠷᠡ ᠰᠠᠭᠤᠭᠰᠠᠨ︾ ᠦᠨᠳᠦᠰᠦᠲᠡᠨ ᠪᠦᠭᠡᠳ ᠡᠳᠡᠭᠡᠷ ᠨᠣᠲᠤᠭ ᠳᠡᠪᠢᠰᠭᠡᠷ ᠨᠢ ᠣᠮᠠᠷᠠᠲᠤ ᠶᠢᠨ | ᠦᠨᠳᠦᠰᠦᠲᠡᠨ ᠤ ᠦᠶᠡ ᠣᠯᠠᠷᠢᠨ ᠨᠡᠭᠦᠳᠡᠯᠯᠡᠨ ᠠᠮᠢᠳᠤᠷᠠᠵᠤ ᠢᠷᠡᠭᠰᠡᠨ ᠳᠠᠷᠬᠠᠨ ᠦᠯᠦᠭᠡᠢ ᠪᠤᠯᠤᠨᠠ᠃ | | ᠳᠦᠷᠪᠡ᠃ ᠾᠦᠩᠨᠤ ᠶᠢᠨ ᠪᠠᠶᠢᠭᠤᠯᠤᠯ ᠪᠠ ᠮᠤᠩᠭᠤᠯ ᠬᠠᠭᠠᠨᠲᠤ ᠣᠯᠤᠰ ᠤᠨ ᠪᠠᠶᠢᠭᠤᠯᠤᠯ | | ᠪᠦᠷ ᠨᠡᠭᠦᠳᠡᠯᠴᠢᠨ ᠣᠭᠰᠠᠭᠠᠲᠠᠨ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠾᠦᠩᠨᠤ ᠪᠠ ᠮᠣᠩᠭᠤᠯ ᠬᠠᠭᠠᠨᠲᠤ | ᠣᠯᠤᠰ ᠤᠨ ᠲᠦᠷᠤ ᠵᠠᠰᠠᠭ ᠴᠡᠷᠢᠭ ᠤᠨ ᠪᠠᠶᠢᠭᠤᠯᠤᠯ ᠤᠨ ᠲᠠᠯᠠ ᠪᠠᠷ ᠠᠳᠠᠯᠢ ᠲᠠᠯᠠ ᠣᠯᠠᠨ ᠪᠠᠶᠢᠨᠠ᠃ | ︽ᠰᠤᠳᠤᠷ ᠲᠡᠮᠳᠡᠭᠯᠡᠯ︾ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ᠄ | ᠴᠨ ᠢᠣᠢ ᠶᠢᠨ ᠳᠤᠣᠷᠠ ᠵᠡᠭᠦᠨ ᠪᠠᠷᠠᠭᠤᠨ ᠰᠢᠶᠠᠨ ᠸᠠᠩ᠂ ᠳᠤᠣᠷᠠ ᠨᠢ ᠳ᠋ᠠᠩ ᠬᠤ᠋ (ᠣᠲᠤᠭ ᠤᠨ | ᠡᠵᠡᠨ ᠪᠠᠶᠢᠳᠠᠯ ᠲᠠᠢ ) ᠴᠡᠷᠢᠭ ᠨᠢ ᠠᠷᠪᠢᠨ ᠳᠠᠭᠠᠨ ᠲᠦᠮᠡ ᠭᠠᠷᠤᠢ᠂ ᠪᠠᠭᠠ ᠨᠢ ᠬᠡᠳᠦᠨ ᠮᠢᠩᠭᠠ ᠪᠠᠶᠢᠳᠠᠭ᠃ | ᠪᠦᠬᠦ ᠣᠯᠤᠰ ᠲᠠᠭᠠᠨ ᠬᠤᠷᠢᠨ ᠳᠦᠷᠪᠡᠨ ᠳ᠋ᠠᠩ ᠬᠤ᠋ (ᠣᠲᠤᠭ ᠤᠨ ᠡᠵᠡᠨ ) ᠬᠤᠪᠢᠶᠠᠷᠢᠯᠠᠨᠠ᠃ | ᠵᠠᠰᠠᠭ ᠤᠨ ᠲᠠᠯᠠ ᠪᠠᠷ ᠴᠠᠭᠠᠨ ᠰᠠᠷᠠ ᠳᠤ ᠡᠯᠡ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠦ ᠴᠠᠨ ᠢᠣᠢ ᠶᠢᠨ ᠲᠠᠩᠬᠢᠮ | ᠳᠤ ᠴᠤᠭᠯᠠᠷᠠᠵᠤ ᠬᠡᠷᠡᠭ ᠵᠦᠪᠯᠡᠯᠳᠦᠵᠤ ᠳᠠᠬᠢᠯᠭᠠ ᠳᠠᠬᠢᠨᠠ᠃ ᠲᠠᠪᠣᠨ ᠰᠠᠷᠠ ᠳᠤ ᠯᠤᠣᠲᠤ ᠬᠤᠲᠠᠨᠠ ᠶᠡᠭᠡ | ᠴᠤᠭᠯᠠᠭᠠᠨ ᠪᠤᠯᠵᠤ᠂ ᠡᠪᠦᠭᠡ ᠳᠡᠭᠡᠳᠤ᠂ ᠲᠡᠭᠷᠢ ᠭᠠᠵᠠᠷ᠂ ᠴᠢᠳᠬᠦᠷ ᠰᠠᠬᠢᠭᠤᠯᠰᠤᠨ ᠢᠶᠠᠨ ᠳᠠᠬᠢᠨᠠ᠃ ᠨᠠᠮᠤᠷ ᠪᠠᠰᠠ | ᠶᠡᠭᠡ ᠴᠤᠭᠯᠠᠭᠠᠨ ᠪᠤᠯᠵᠤ ᠬᠦᠮᠦᠨ ᠪᠠ ᠮᠠᠯ ᠤᠨ ᠲᠤᠭᠠᠯᠠᠯᠭᠠ ᠬᠢᠳᠡᠭ ᠪᠠᠶᠢᠨᠠ᠃ | ᠬᠠᠤᠯᠢ ᠴᠠᠭᠠᠵᠠ ᠳᠤ ᠬᠦᠮᠦᠨ ᠢ ᠬᠤᠣᠷᠯᠠᠬᠤ ᠪᠠᠷ ᠬᠢᠲᠤᠭᠠ ᠪᠠᠨ ᠨᠢᠭᠡ ᠲᠤᠬᠤᠢ ᠰᠤᠭᠤᠯᠤᠭᠰᠠᠳ ᠢ | ᠠᠯᠠᠵᠤ᠂ ᠬᠤᠯᠠᠭᠠᠢ ᠳᠡᠭᠡᠷᠡᠮ ᠬᠢᠭᠴᠢᠳ ᠤᠨ ᠬᠡᠷ ᠡᠷᠦᠬᠡ᠂ ᠡᠳ᠋ ᠬᠦᠷᠦᠭᠭᠡ ᠶᠢ ᠬᠤᠷᠢᠶᠠᠮᠵᠢᠯᠠᠨᠠ᠃ ᠬᠦᠩᠭᠡᠨ | ᠶᠠᠯᠠ ᠬᠢᠭᠰᠡᠳ ᠤᠨ ᠭᠦᠯ ᠭᠠᠷ ᠢ ᠨᠢ ᠬᠤᠭᠤᠯᠵᠤ᠂ ᠬᠦᠨᠳᠦ ᠶᠠᠯᠠᠲᠠᠨ ᠢ ᠠᠯᠠᠳᠠᠭ᠃ ᠬᠢᠨᠳᠠᠨ ᠳᠤ ᠬᠤᠷᠢᠬᠤ | ᠬᠤᠭᠤᠴᠠᠭᠠ ᠠᠷᠪᠠ ᠬᠤᠨᠤᠭ ᠠᠴᠠ ᠬᠡᠲᠦᠷᠡᠬᠦ ᠦᠭᠡᠢ ᠪᠠᠶᠢᠵᠤ᠂ ᠪᠦᠬᠦ ᠣᠯᠤᠰ ᠤᠨ ᠬᠡᠷᠡᠭᠲᠡᠨ ᠬᠡᠳᠦᠨ ᠬᠦᠮᠦᠨ | ᠠᠴᠠ ᠬᠡᠲᠦᠷᠡᠬᠦ ᠦᠭᠡᠢ ᠪᠠᠶᠢᠳᠠᠭ᠃ | ᠴᠠᠨ ᠢᠣᠢ ᠦᠷᠯᠦᠭᠡ ᠡᠷᠲᠡ ᠦᠷᠭᠦᠭᠡ ᠠᠴᠠ ᠪᠠᠨ ᠭᠠᠷᠴᠤ ᠣᠷᠭᠤᠬᠤ ᠨᠡᠷᠡᠨ ᠳᠤ ᠮᠦᠷᠭᠦᠵᠤ᠂ | ᠣᠷᠤᠢ ᠰᠠᠷᠠᠨ ᠳᠤ ᠮᠦᠷᠭᠦᠳᠡᠭ᠃ ᠰᠠᠭᠤᠬᠤ ᠳᠠᠭᠠᠨ ᠨᠠᠰᠤ ᠶᠡᠭᠡ ᠨᠢ ᠵᠡᠭᠦᠨ ᠲᠠᠯᠠ ᠳᠤ ᠬᠤᠶᠢᠰᠢ ᠬᠠᠷᠠᠨ | ᠰᠠᠭᠤᠳᠠᠭ᠃ ᠰᠢᠷᠠ ᠰᠢᠷᠠᠭᠴᠢᠨ ᠡᠳᠦᠷ ᠢ ᠡᠷᠬᠢᠮᠨᠡᠳᠡᠭ᠃ ᠦᠭᠦᠭᠰᠡᠳ ᠢ ᠠᠪᠰᠠᠯᠠᠵᠤ ᠠᠯᠲᠠ ᠮᠦᠩᠭᠦ᠂ ᠡᠳ᠋ | ᠡᠷᠳᠡᠨᠢ᠂ ᠬᠤᠪᠴᠠᠰᠤ ᠬᠤᠨᠠᠷ ᠬᠢᠬᠦ ᠪᠤᠯᠪᠠᠴᠤ ᠲᠤᠭᠲᠠᠭᠰᠠᠨ ᠣᠩᠭᠤᠯᠠᠬᠤ ᠪᠠ ᠪᠡᠯᠪᠡᠰᠦᠷᠡᠬᠦ ᠳᠦᠷᠢᠮ ᠭᠡᠵᠤ | ᠪᠠᠶᠢᠳᠠᠭ ᠦᠭᠡᠢ᠃ ᠴᠠᠨ ᠢᠣᠢ ᠦᠬᠦᠪᠡᠯ᠂ ᠲᠡᠳᠡᠨ ᠤ ᠢᠨᠠᠭ ᠳᠦᠰᠢᠮᠡᠯ᠂ ᠳᠠᠲᠠᠪᠣᠷᠢ ᠬᠠᠲᠤᠳ ᠢ ᠳᠠᠭᠠᠭᠤᠯᠤᠨ | ᠣᠷᠤᠰᠢᠭᠤᠯᠵᠤ᠂ ᠠᠷᠪᠢᠨ ᠦᠶᠡ ᠳᠤ ᠬᠡᠳᠦᠨ ᠮᠢᠩᠭᠠ᠂ ᠬᠡᠳᠦᠨ ᠵᠠᠭᠤ ᠬᠦᠷᠳᠡᠭ᠃ | ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠬᠢᠬᠦ ᠳᠡᠭᠡᠨ ᠰᠠᠷᠠ ᠣᠳᠤᠳ ᠢ ᠠᠵᠢᠭᠯᠠᠵᠤ᠂ ᠰᠠᠷᠠ ᠲᠡᠷᠭᠡᠯᠰᠢᠪᠡᠯ ᠳᠠᠭᠠᠷᠢᠵᠤ᠂ | ᠬᠠᠪᠢᠷᠭᠠᠰᠢᠪᠠᠯ ᠣᠬᠤᠷᠢᠨᠠ᠃ ᠳᠠᠶᠢᠰᠤᠨ ᠢ ᠠᠯᠠᠬᠤ ᠪᠤᠶᠤ ᠪᠠᠷᠢᠪᠠᠯ᠂ ᠨᠢᠭᠡ ᠬᠤᠨᠳᠠᠭᠠ ᠠᠷᠢᠬᠢ ᠱᠠᠩᠨᠠᠵᠤ᠂ | ᠳᠠᠶᠢᠨ ᠤ ᠣᠯᠵᠠ ᠶᠢ ᠬᠡᠨ ᠣᠯᠵᠠᠯᠠᠭᠰᠠᠨ ᠪᠤᠯ ᠲᠡᠭᠦᠨ ᠳᠤ ᠦᠭᠳᠡᠭ᠃ ᠣᠯᠵᠠᠯᠠᠭᠰᠠᠨ ᠬᠦᠮᠦᠨ ᠢᠶᠠᠨ ᠪᠤᠭᠤᠯ | ᠪᠤᠯᠭᠠᠳᠠᠭ᠃ ᠬᠦᠮᠦᠨ ᠪᠦᠭᠦᠳᠡ ᠠᠰᠢᠭ ᠣᠯᠵᠠ ᠶᠢᠨ ᠲᠦᠯᠦᠭᠡ ᠪᠠᠶᠢᠯᠳᠤᠵᠤ᠂ ᠨᠢᠭᠤᠵᠤ ᠳᠠᠭᠠᠷᠢᠬᠤ ᠳᠤ | ᠴᠢᠳᠠᠮᠠᠭᠠᠢ᠃ ᠳᠠᠶᠢᠰᠤᠨ ᠢ ᠳᠠᠭᠠᠷᠢᠬᠤ ᠳᠠᠭᠠᠨ ᠰᠢᠪᠠᠭᠤ ᠱᠠᠭᠠᠵᠠᠭᠠᠢ ᠴᠤᠭᠯᠠᠬᠤ ᠮᠡᠲᠤ᠂ ᠢᠯᠠᠭᠳᠠᠪᠠᠯ ᠳᠤᠣᠷᠠ ᠪᠠᠨ | ᠪᠤᠲᠠᠷᠠᠨ ᠰᠠᠷᠨᠢᠨᠠ᠃ ᠪᠠᠶᠢᠯᠳᠤᠭᠠᠨ ᠳᠤ ᠦᠷᠡᠭᠳᠡᠭᠰᠡᠳ ᠢ ᠠᠪᠴᠤ ᠢᠷᠡᠭᠰᠡᠳ ᠨᠢ ᠨᠦᠭᠴᠢᠭᠰᠡᠳ ᠤᠨ ᠡᠳ᠋ | ᠬᠦᠷᠦᠩᠭᠡ ᠶᠢ ᠠᠪᠳᠠᠭ᠃ | ︽ᠰᠤᠳᠤᠷ ᠲᠡᠮᠳᠡᠭᠯᠡᠯ︾ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠵᠦᠢᠯᠡᠰ ᠨᠢ ᠬᠢᠲᠠᠳ ᠤᠨ ᠠᠯᠢ ᠲᠡᠣᠬᠡᠴᠢᠨ ᠤ | ᠪᠢᠴᠢᠭᠰᠡᠨ ᠠᠴᠠ ᠢᠯᠡᠭᠦᠦ ᠦᠨᠡᠮᠰᠢᠯᠲᠠᠢ ᠪᠠᠶᠢᠳᠠᠭ᠃ ᠣᠴᠢᠷ ᠨᠢ ᠰᠧ ᠮᠠ ᠴᠢᠶᠠᠨ ᠨᠢ ᠬᠠᠨ ᠣᠯᠤᠰ ᠤᠨ ᠡᠣ ᠳ᠋ᠢ | ᠬᠠᠭᠠᠨ ᠳᠤ ᠡᠷᠡᠭᠦᠦ ᠠᠮᠰᠠᠵᠤ ᠦᠩᠭᠡᠷᠡᠭᠰᠡᠨ ᠠᠴᠠ ᠯᠢᠣ ᠪᠠᠩ ᠪᠤᠯᠤᠨ ᠪᠤᠰᠤᠳ ᠬᠠᠭᠠᠳ ᠤᠨ ᠦᠨᠡᠨ ᠮᠠᠭᠤ | ᠣᠴᠢᠷ ᠢ ᠵᠤᠷᠢᠭᠲᠠᠢ ᠪᠢᠴᠢᠵᠤ ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠳᠠᠭ᠃ ᠢᠯᠠᠩᠭᠤᠶᠠ ᠳᠠᠶᠢᠰᠤᠨ ᠪᠤᠶᠤ ᠲᠠᠶᠢᠰᠤᠨ ᠣᠯᠤᠰ | ᠲᠠᠭᠠᠨ ᠢᠯᠠᠭᠳᠠᠭᠰᠠᠨ ᠪᠠᠶᠢᠳᠠᠯ ᠢ ᠦᠨᠡᠨ ᠮᠦᠨ ᠢᠶᠠᠷ ᠨᠢ ᠪᠢᠴᠢᠵᠤ ᠲᠠᠯᠪᠢᠭᠰᠠᠨ ᠪᠠᠶᠢᠳᠠᠭ ᠶᠤᠮ᠃ ᠯᠢᠣ ᠪᠠᠩ ᠤᠨ | ᠾᠦᠩᠨᠤ ᠳᠤ ᠢᠯᠠᠭᠳᠠᠭᠰᠠᠨ ᠪᠠᠶᠢᠳᠠᠯ ᠢ ᠪᠤᠯ ᠶᠡᠭᠡ ᠳᠡᠯᠭᠡᠷᠡᠩᠭᠦᠢ ᠪᠢᠴᠢᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠪᠠᠰᠠ | ᠲᠡᠣᠬᠡ ᠪᠢᠴᠢᠬᠦ ᠲᠠᠯᠠ ᠶᠢᠨ ᠬᠤᠷᠢᠭᠠ ᠨᠢ ᠰᠡᠭᠦᠯᠡᠷ ᠦᠶᠡ ᠲᠠᠢ ᠠᠳᠠᠯᠢ ᠲᠡᠶᠢᠮᠤ ᠴᠢᠩᠭᠠ ᠪᠢᠰᠢ ᠪᠠᠶᠢᠭᠰᠠᠨ | ᠲᠣᠯᠠ ᠾᠦᠩᠨᠤ ᠪᠠ ᠴᠠᠨ ᠢᠣᠢ ᠶᠢᠨ ᠲᠤᠬᠠᠢ ᠪᠢᠴᠢᠭᠰᠡᠨ ᠨᠢ ᠨᠡᠯᠢᠶᠡᠳ ᠦᠨᠡᠨ ᠪᠠᠶᠢᠵᠤ ᠪᠤᠯᠤᠨᠠ᠃ ᠣᠮᠠᠷᠠᠲᠤ | ᠶᠢᠨ ᠣᠯᠤᠰ ᠣᠣᠯ ᠠᠴᠠ ᠪᠠᠨ ᠡᠶᠢᠮᠤ ᠪᠠᠶᠢᠭᠰᠠᠨ ᠪᠠᠶᠢᠵᠤ ᠮᠡᠳᠡᠨᠡ᠃ ᠯᠢᠶᠤᠣ ᠣᠯᠤᠰ ᠤᠨ ᠡᠬᠢᠨ ᠤ ᠬᠠᠭᠠᠨ | ᠶᠢᠸ᠋ᠯᠦᠢ ᠠᠪᠣᠣᠵᠢ ᠦᠬᠦᠬᠦ ᠳᠤ ᠣᠯᠠᠨ ᠰᠠᠶᠢᠳ ᠢ ᠨᠢ ᠳᠠᠭᠠᠭᠤᠯᠤᠨ ᠠᠯᠠᠵᠠᠢ᠃ ᠴᠢᠩᠭᠢᠰ ᠬᠠᠭᠠᠨ ᠲᠠᠭᠠᠯᠠᠯ ᠪᠤᠯᠬᠤ | ᠳᠠᠭᠠᠨ ᠪᠠᠰᠠ ᠢᠨᠠᠭ ᠰᠠᠶᠢᠳ ᠢ ᠦᠬᠦᠬᠦᠯᠲᠦᠭᠡᠢ ᠭᠡᠵᠤ ᠬᠡᠷᠢᠶᠡᠰᠦᠯᠡᠭᠰᠡᠨ ᠭᠡᠵᠤ ᠵᠠᠷᠢᠮ ᠪᠢᠴᠢᠭ ᠲᠤ ᠪᠢᠴᠢᠵᠤ | ᠪᠠᠶᠢᠳᠠᠭ ᠪᠠᠶᠢᠨᠠ᠃ | | ᠳᠡᠭᠡᠷᠡᠬᠢ ᠪᠢᠴᠢᠭᠰᠡᠨ ᠪᠠᠶᠢᠳᠠᠯ ᠠᠴᠠ ᠾᠦᠩᠨᠤ ᠣᠯᠤᠰ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ᠂ ᠴᠡᠷᠢᠭ ᠤᠨ | ᠪᠠᠶᠢᠭᠤᠯᠤᠮᠵᠢ᠂ ᠬᠠᠤᠯᠢ᠂ ᠵᠠᠩ ᠵᠠᠩᠰᠢᠯ ᠢ ᠶᠡᠭᠡ ᠲᠦᠯᠦᠪ ᠣᠶᠢᠯᠠᠭᠠᠵᠤ ᠪᠤᠯᠤᠨᠠ᠃ ᠣᠯᠤᠰ ᠨᠢ ᠬᠤᠷᠢᠨ | ᠳᠦᠷᠪᠡᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠲᠠᠢ᠂ ᠴᠡᠷᠢᠭ ᠨᠢ ᠡᠳᠡᠨ ᠤ ᠳᠤᠮᠳᠠ ᠠᠴᠠ ᠢᠷᠡᠵᠤ ᠶᠡᠭᠡ | ᠪᠠᠶᠢᠭᠤᠯᠤᠮᠵᠢ ᠨᠢ ᠲᠦᠮᠡ ᠢᠯᠡᠭᠦᠦ᠂ ᠪᠠᠭᠠ ᠨᠢ ᠬᠡᠳᠦᠨ ᠮᠢᠩᠭᠠ᠃ ᠵᠡᠭᠦᠨ ᠪᠠᠷᠠᠭᠤᠨ ᠸᠠᠩ ᠨᠣᠶᠠᠨ᠂ ᠬᠤᠲᠤᠭ | ᠤᠳ ᠪᠠᠶᠢᠨᠠ᠃ ᠡᠨᠡ ᠲᠠᠯᠠ ᠪᠠᠷ ᠮᠣᠩᠭᠤᠯ ᠤᠨ ᠰᠡᠭᠦᠯᠴᠢ ᠶᠢᠨ ᠵᠡᠬᠦᠨᠭᠠᠷ ᠬᠠᠭᠠᠨᠲᠤ ᠣᠯᠤᠰ ᠤᠨ ᠪᠠᠶᠢᠭᠤᠯᠤᠮᠵᠢ | ᠲᠠᠢ ᠠᠳᠠᠯᠢ ᠪᠠᠶᠢᠨᠠ᠃ | ᠭᠠᠯᠲᠠᠨᠴᠡᠷᠢᠭ ᠵᠡᠭᠦᠨᠭᠠᠷ ᠤᠨ ᠬᠠᠭᠠᠨ ᠪᠤᠯᠤᠭᠰᠠᠨ ᠤ ᠰᠡᠭᠦᠯᠡᠷ ᠵᠡᠭᠦᠨᠭᠠᠷ ᠬᠠᠭᠠᠨᠲᠤ ᠣᠯᠤᠰ ᠢ ᠣᠣᠯ | ᠤᠨ ᠠᠷᠪᠠᠨ ᠬᠤᠶᠠᠷ ᠣᠲᠤᠭ ᠤᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠬᠤᠷᠢᠨ ᠳᠦᠷᠪᠡᠨ ᠣᠲᠤᠭ ᠪᠤᠯᠭᠠᠨ ᠬᠤᠪᠢᠶᠠᠷᠢᠯᠠᠵᠤ᠂ | ᠣᠲᠤᠰ ᠤᠨ ᠳᠤᠣᠷᠠ ᠨᠢ ᠴᠡᠷᠢᠭ ᠤᠨ ᠪᠠᠶᠢᠭᠤᠯᠤᠮᠵᠢ ᠪᠤᠯᠬᠤ ᠠᠩᠬᠢ ᠭᠡᠳᠡᠭ ᠪᠠᠶᠢᠭᠤᠯᠤᠮᠵᠢ ᠶᠢ ᠪᠠᠶᠢᠭᠤᠯᠵᠠᠢ᠃ | ᠣᠲᠤᠭ ᠢ ᠨᠢ ᠵᠠᠶᠢᠰᠠᠩ ᠭᠡᠳᠡᠭ ᠵᠠᠰᠠᠭ ᠨᠣᠶᠠᠨ ᠬᠠᠮᠢᠶᠠᠷᠴᠤ ᠨᠢᠭᠡ ᠠᠴᠠ ᠳᠦᠷᠪᠡᠨ ᠵᠠᠶᠢᠰᠠᠩ ᠲᠤᠮᠢᠯᠠᠳᠠᠭ᠃ ᠨᠢᠭᠡ | ᠠᠴᠠ ᠬᠤᠶᠠᠷ ᠵᠠᠭᠤᠨ ᠡᠷᠦᠬᠡ ᠪᠦᠷᠢ ᠳᠤ ᠳᠠᠮᠠᠴᠢ ᠭᠡᠳᠡᠭ ᠨᠣᠶᠠᠨ ᠲᠤᠮᠢᠯᠠᠵᠤ᠂ ᠬᠡᠳᠦᠨ ᠠᠷᠪᠠᠨ ᠡᠷᠦᠬᠡ ᠠᠴᠠ | ᠳᠡᠭᠡᠷᠡ ᠨᠢ ᠱᠦᠯᠡᠩᠭᠡ ᠬᠡᠮᠡᠬᠦ ᠳᠤᠰᠢᠶᠠᠯᠲᠠᠨ ᠢ ᠲᠠᠯᠪᠢᠳᠠᠭ᠃ ᠠᠩᠬᠢ ᠶᠢ ᠵᠡᠭᠦᠨᠭᠠᠷ ᠤᠨ ᠬᠠᠭᠠᠨ ᠠᠴᠠ ᠲᠤᠮᠢᠯᠠᠵᠤ | ᠬᠠᠭᠠᠨ ᠳᠠᠭᠠᠨ ᠰᠢᠭᠤᠳ ᠬᠠᠷᠢᠭᠤᠴᠠᠳᠠᠭ᠃ ᠨᠡᠶᠢᠲᠡ ᠬᠤᠷᠢᠨ ᠨᠢᠭᠡᠨ ᠠᠩᠬᠢ ᠴᠡᠷᠢᠭ ᠲᠠᠢ᠃ ᠲᠦᠷᠤ ᠶᠢᠨ ᠶᠡᠭᠡ | ᠬᠤᠷᠠᠯ ᠵᠦᠪᠯᠡᠯᠭᠡ ᠪᠠᠨ ︽ᠵᠠᠷᠭᠤ ᠶᠢᠨ ᠶᠡᠭᠡ ᠬᠤᠷᠠᠯ︾ ᠭᠡᠳᠡᠭ ᠪᠠᠶᠢᠵᠠᠢ᠃ ᠡᠳᠡᠭᠡᠷ ᠨᠢ ᠲᠦᠪ ᠠᠽᠢ ᠶᠢᠨ ᠲᠦᠷᠺ | ᠣᠭᠰᠠᠭᠠᠲᠠᠨ ᠤ ᠣᠯᠤᠰ ᠠᠴᠠ ᠰᠤᠷᠤᠭᠰᠠᠨ ᠵᠦᠢᠯ ᠪᠠᠶᠢᠬᠤ ᠪᠦᠭᠡᠳ ᠦᠪᠡᠷ ᠤᠨ ᠣᠨᠴᠠᠯᠢᠭ ᠲᠠᠢ ᠵᠦᠢᠯ ᠴᠦ | ᠪᠠᠶᠢᠨᠠ᠃ ᠵᠢᠱᠢᠶᠠᠯᠠᠪᠡᠯ᠄ ᠲᠤᠰᠬᠠᠢ ᠶᠢᠰᠦᠨ ᠵᠢᠰᠡ ᠲᠠᠢ ᠪᠠᠶᠢᠵᠤ᠂ ᠰᠦᠮᠡ ᠯᠠᠮᠠ ᠪᠠᠨ ᠡᠭᠡᠯᠵᠢᠯᠡᠨ ᠲᠡᠵᠢᠭᠡᠳᠡᠭ | ᠨᠢ ᠦᠪᠦᠷ ᠠᠷᠤ ᠮᠣᠩᠭᠤᠯ ᠤᠨ ᠯᠠᠮᠠ ᠶᠢᠨ ᠬᠤᠰᠢᠭᠤ ᠲᠠᠢ ᠠᠳᠠᠯᠢ ᠪᠠᠶᠢᠨᠠ᠃ ᠬᠤᠵᠢᠮ ᠤᠨ ᠬᠦᠮᠦᠨ ᠠᠮᠠ ᠶᠢᠨ | ᠬᠡᠮᠵᠢᠶᠠ ᠨᠢ ᠵᠢᠷᠠᠨ ᠬᠤᠶᠠᠷ ᠲᠦᠮᠡᠨ ᠬᠦᠮᠦᠨ ᠳᠤ ᠬᠦᠷᠴᠤ᠂ ᠬᠠᠭᠠᠨᠲᠤ ᠣᠯᠤᠰ ᠤᠨ ᠬᠢᠵᠠᠭᠠᠷ ᠳᠤᠲᠤᠷᠠᠬᠢ | ᠪᠤᠰᠤᠳ ᠣᠭᠰᠠᠭᠠᠨ ᠬᠦᠮᠦᠨ ᠢᠶᠠᠨ ᠨᠡᠮᠡᠪᠡᠯ ᠵᠠᠭᠤ ᠲᠠᠪᠢᠨ ᠲᠦᠮᠡ ᠣᠷᠴᠢᠮ ᠬᠦᠮᠦᠨ ᠠᠮᠠ ᠲᠠᠢ ᠪᠠᠶᠢᠵᠠᠢ᠃ | ᠡᠳᠡᠭᠡᠷ ᠪᠠᠶᠢᠳᠠᠯ ᠨᠢ ᠾᠦᠩᠨᠤ ᠣᠯᠤᠰ ᠤᠨ ᠪᠠᠶᠢᠳᠠᠯ ᠲᠠᠢ ᠶᠡᠭᠡ ᠲᠦᠯᠦᠪ ᠠᠳᠠᠯᠢ ᠪᠠᠶᠢᠨᠠ᠃ ᠠᠷᠪᠠᠨ ᠬᠤᠶᠠᠷ | ᠪᠤᠶᠤ ᠬᠤᠷᠢᠨ ᠳᠦᠷᠪᠡ ᠪᠠᠷ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠨᠢᠭᠡᠴᠢ ᠪᠤᠯᠭᠠᠨ ᠬᠤᠪᠢᠶᠠᠳᠠᠭ ᠨᠢ ᠣᠮᠠᠷᠠᠲᠤ ᠶᠢᠨ ᠮᠣᠩᠭᠤᠯ | ᠣᠭᠰᠠᠭᠠᠨ ᠤ ᠣᠯᠠᠮᠵᠢᠯᠠᠯ ᠪᠠᠶᠢᠵᠤ ᠴᠦ ᠮᠡᠳᠡᠬᠦ ᠶᠤᠮ᠃ ᠣᠮᠠᠷᠠᠲᠤ ᠶᠤᠸᠠᠨ ᠤ ᠦᠶᠡ ᠠᠴᠠ ᠡᠬᠢᠯᠡᠵᠤ ᠡᠯᠡ | ᠠᠶᠢᠮᠠᠭ ᠨᠢ ᠪᠦᠷ ᠠᠷᠪᠠᠨ ᠬᠤᠶᠠᠷ ᠣᠲᠤᠭ ᠢᠶᠠᠷ ᠬᠤᠪᠢᠶᠠᠷᠢᠯᠭᠰᠠᠨ ᠨᠢ᠄ ᠠᠷᠪᠠᠨ ᠬᠤᠶᠠᠷ ᠣᠲᠤᠭ ᠬᠠᠯᠠᠬᠠ᠂ | ᠠᠷᠪᠠᠨ ᠬᠤᠶᠠᠷ ᠣᠲᠤᠭ ᠴᠠᠬᠠᠷ᠂ ᠠᠷᠪᠠᠨ ᠬᠤᠶᠠᠷ ᠣᠲᠤᠭ ᠲᠦᠮᠡᠳ᠂ ᠠᠷᠪᠠᠨ ᠬᠤᠶᠠᠷ ᠣᠲᠤᠭ ᠬᠠᠷᠠᠴᠢᠨ ᠭᠡᠬᠦ | ᠮᠡᠲᠤ᠃ ᠡᠭᠦᠨ ᠤ ᠳᠤᠲᠤᠷᠠ ᠪᠠᠰᠠ ᠬᠤᠷᠢᠨ ᠲᠦᠮᠡᠨ ᠬᠤᠷᠴᠢᠨ ᠬᠡᠮᠡᠬᠦ ᠠᠰᠲᠠᠭᠠᠨ ᠣᠨᠴᠤᠭᠤᠢ ᠪᠠᠶᠢᠭᠤᠯᠤᠯ ᠴᠦ | ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠣᠯᠤᠰ ᠢᠶᠠᠨ ᠪᠠᠶᠢᠭᠤᠯᠵᠤ ᠬᠠᠭᠠᠨ ᠰᠠᠭᠤᠭᠰᠠᠨ ᠤ ᠳᠠᠷᠤᠢ ᠣᠯᠤᠰ ᠲᠤ | ᠪᠠᠨ ᠨᠠᠶᠠᠨ ᠨᠠᠢᠮᠠᠠ ᠭᠠᠪᠢᠶᠠᠲᠠᠨ ᠢ ᠴᠤᠯᠯᠠᠵᠤ᠂ ᠶᠢᠷᠡᠨ ᠲᠠᠪᠣᠨ ᠮᠢᠩᠭᠠᠨ ᠤ ᠨᠣᠶᠠᠨ ᠢ ᠡᠷᠭᠦᠮᠵᠢᠯᠡᠪᠡ᠃ ᠲᠤᠭᠠ | ᠨᠢ ᠠᠳᠠᠯᠢ ᠦᠭᠡᠢ ᠪᠤᠯᠤᠭᠰᠠᠨ ᠤ ᠰᠢᠯᠲᠠᠭᠠᠨ ᠨᠢ ᠭᠡᠪᠡᠯ ᠬᠤᠩᠬᠢᠷᠤᠳ ᠭᠤᠷᠪᠠᠨ ᠮᠢᠩᠭᠠ᠂ ᠢᠬᠢᠷᠡᠰ ᠬᠤᠶᠠᠷ | ᠮᠢᠩᠭᠠ᠂ ᠣᠩᠭᠤᠳ ᠲᠠᠪᠣᠨ ᠮᠢᠩᠭᠠ ᠪᠤᠯᠤᠭᠰᠠᠨ ᠤ ᠲᠣᠯᠠ ᠪᠤᠶᠤ᠃ ᠮᠢᠩᠭᠠᠯᠠᠬᠤ ᠪᠠᠶᠢᠭᠤᠯᠤᠮᠵᠢ ᠪᠠᠷ | ᠦᠨᠳᠦᠰᠦᠨ ᠪᠠᠶᠢᠭᠤᠯᠤᠮᠵᠢ ᠪᠤᠯᠭᠠᠵᠤ᠂ ᠳᠡᠭᠡᠷᠡ ᠨᠢ ᠲᠦᠮᠡᠨ ᠤ ᠨᠣᠶᠠᠨ᠂ ᠳᠤᠣᠷᠠ ᠨᠢ ᠵᠠᠭᠤᠲᠤ᠂ ᠠᠷᠪᠠᠲᠤ ᠶᠢ | ᠪᠠᠶᠢᠭᠤᠯᠵᠠᠢ᠃ ᠡᠨᠡ ᠨᠢ ᠴᠦᠮ ᠣᠯᠤᠰ ᠠᠴᠠ ᠲᠤᠮᠢᠯᠠᠭᠰᠠᠨ ᠴᠡᠷᠢᠭ ᠵᠠᠰᠠᠭ ᠨᠢᠭᠡᠳᠴᠤ᠂ ᠴᠡᠷᠢᠭ ᠢᠷᠭᠡᠨ | ᠨᠢᠭᠡᠳᠦᠭᠰᠡᠨ ᠪᠠᠶᠢᠭᠤᠯᠤᠮᠵᠢ ᠪᠤᠯᠵᠠᠢ᠃ | ᠪᠤᠭᠤᠷᠴᠤ ᠶᠢ ᠠᠯᠲᠠᠢ ᠶᠢ ᠳᠡᠷᠡᠯᠡᠭᠰᠡᠨ ᠪᠠᠷᠠᠭᠤᠨ ᠭᠠᠷ ᠤᠨ ᠲᠦᠮᠡᠨ ᠤ ᠨᠣᠶᠠᠨ ᠡᠷᠭᠦᠮᠵᠢᠯᠡᠵᠤ᠂ | ᠮᠤᠬᠤᠯᠠᠢ ᠶᠢ ᠬᠠᠷᠠᠭᠤᠨ ᠵᠢᠳᠤᠨ ᠢ ᠳᠡᠷᠡᠯᠡᠭᠰᠡᠨ ᠵᠡᠭᠦᠨ ᠭᠠᠷ ᠤᠨ ᠲᠦᠮᠡᠨ ᠤ ᠨᠣᠶᠠᠨ ᠲᠦᠮᠡᠨ ᠤ ᠨᠣᠶᠠᠨ | ᠡᠷᠭᠦᠮᠵᠢᠯᠡᠪᠡ᠃ ᠨᠠᠶᠠᠭᠠ ᠶᠢ ᠲᠦᠪ ᠤᠨ ᠲᠦᠮᠡᠨ ᠤ ᠨᠣᠶᠠᠨ ᠡᠷᠭᠦᠮᠵᠢᠯᠡᠪᠡ᠃ ᠬᠤᠷᠴᠢ ᠶᠢ ᠣᠢ ᠶᠢᠨ ᠢᠷᠭᠡᠨ ᠢ | ᠳᠠᠷᠤᠭᠠᠯᠠᠨ ᠲᠦᠮᠡᠨ ᠤ ᠨᠣᠶᠠᠨ ᠡᠷᠭᠦᠮᠵᠢᠯᠡᠪᠡ᠃ ᠬᠤᠨᠠᠨ ᠢ ᠵᠦᠴᠢ ᠶᠢᠨ ᠲᠦᠮᠡᠨ ᠤ ᠨᠣᠶᠠᠨ ᠡᠷᠭᠦᠮᠵᠢᠯᠡᠪᠡ᠃ | ᠰᠢᠬᠢᠬᠤᠳᠤᠬᠤ ᠶᠢ ᠬᠠᠮᠤᠭ ᠳᠡᠭᠡᠳᠦ ᠵᠠᠷᠭᠤᠴᠢ ᠨᠣᠶᠠᠨ ᠡᠷᠭᠦᠮᠵᠢᠯᠡᠪᠡ᠃ | ᠡᠳᠡᠭᠡᠷ ᠪᠠᠶᠢᠳᠠᠯ ᠠᠴᠠ ᠶᠡᠭᠡ ᠾᠦᠩᠨᠤ ᠬᠦᠷᠦᠨ ᠪᠤᠯᠤᠨ ᠮᠣᠩᠭᠤᠯ ᠬᠠᠭᠠᠨᠲᠤ ᠣᠯᠤᠰ ᠤᠨ | ᠪᠠᠶᠢᠭᠤᠯᠤᠯ ᠤᠨ ᠠᠳᠠᠯᠢ ᠲᠠᠯᠠ ᠶᠢ ᠦᠵᠡᠵᠤ ᠭᠠᠷᠤᠨᠠ᠃ ᠴᠡᠷᠢᠭ ᠤᠨ ᠲᠠᠯᠠ ᠳᠤ ᠴᠢᠩᠭᠢᠰ ᠤᠨ ᠡᠵᠡᠨᠲᠤ ᠬᠦᠷᠦᠨ | ᠨᠢ ᠲᠠᠪᠣᠨ ᠲᠦᠮᠡᠨ ᠤ ᠨᠣᠶᠠᠨ ᠲᠠᠢ ᠪᠠᠶᠢᠬᠤ ᠳᠤ ᠮᠦᠳᠦ᠋ ᠴᠠᠨ ᠢᠣᠢ ᠠᠴᠠ ᠬᠠᠨ ᠣᠯᠤᠰ ᠤᠨ ᠬᠠᠭᠠᠨ ᠯᠢᠣ ᠪᠠᠩ | ᠢ ᠪᠦᠰᠡᠯᠡᠨ ᠴᠤᠬᠢᠬᠤ ᠳᠠᠭᠠᠨ ᠴᠡᠷᠢᠭ ᠢᠶᠠᠨ ᠮᠤᠷᠢᠨ ᠤ ᠵᠢᠰᠦᠮ ᠢᠶᠠᠷ ᠳᠦᠷᠪᠡᠨ ᠲᠠᠯᠠ ᠬᠤᠪᠢᠶᠠᠨ᠂ ᠳᠦᠴᠢᠨ | ᠲᠦᠮᠡᠨ ᠴᠡᠷᠢᠭ ᠢᠶᠠᠷ ᠪᠦᠰᠡᠯᠡᠭᠰᠡᠨ ᠪᠢᠰᠢᠣ︖ ᠡᠭᠦᠨ ᠳᠤ ᠡᠮᠦᠨᠡ ᠲᠠᠯᠠ ᠳᠤᠨᠢ ᠵᠡᠭᠡᠷᠳᠡ (ᠣᠯᠠᠭᠠᠨ )ᠮᠤᠷᠢ᠂ | ᠬᠤᠶᠢᠨᠠ ᠲᠠᠯᠠ ᠲᠠᠯᠠ ᠳᠤᠨᠢ ᠬᠠᠷᠠ ᠮᠤᠷᠢ᠂ ᠪᠠᠷᠠᠭᠤᠨ ᠲᠠᠯᠠ ᠳᠤᠨᠢ ᠰᠠᠷᠠᠯ (ᠴᠠᠭᠠᠨ ) ᠮᠤᠷᠢ᠂ ᠵᠡᠭᠦᠨ ᠲᠠᠯᠠ | ᠳᠤᠨᠢ ᠰᠠᠭᠠᠷᠠᠯ (ᠬᠦᠬᠡ qing ma ?) ᠮᠤᠷᠢ ᠲᠠᠢ ᠳᠦᠴᠢᠨ ᠲᠦᠮᠡᠨ ᠴᠡᠷᠢᠭ ᠭᠡᠵᠤ ᠲᠡᠣᠬᠡᠨ ᠳᠤ ᠲᠡᠮᠳᠡᠭᠯᠡᠵᠤ | ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠴᠠᠨ ᠢᠣᠢ ᠶᠢᠨ ᠳᠠᠭᠠᠭᠤᠯᠤᠭᠰᠠᠨ ᠬᠦᠬᠡ ᠴᠢᠨ᠋ᠸ ᠡ ᠶᠢᠨ ᠵᠢᠷᠤᠭᠲᠤ ᠲᠤᠭ ᠡᠷᠭᠦᠭᠰᠡᠨ | ᠴᠡᠷᠢᠭ ᠢ ᠲᠡᠮᠳᠡᠭᠯᠡᠭᠰᠡᠨ ᠦᠭᠡᠢ᠂ ᠣᠴᠢᠷ ᠨᠢ ᠬᠦᠭᠡ ᠵᠢᠰᠦᠮ ᠤᠨ ᠮᠤᠷᠢ ᠦᠭᠡᠢ ᠪᠤᠯᠬᠤᠷ ᠲᠡᠮᠳᠡᠭᠯᠡᠭᠰᠡᠨ ᠦᠭᠡᠢ | ᠪᠤᠯᠪᠠᠤ︖ ᠳᠠᠬᠢᠪᠠᠯ ᠴᠠᠨ ᠢᠣᠢ ᠶᠢᠨ ᠪᠦᠰᠡᠯᠡᠭᠰᠡᠨ ᠴᠡᠷᠢᠭ ᠤᠨ ᠮᠤᠷᠢᠨ ᠤ ᠵᠢᠰᠦᠮ ᠨᠢ ᠬᠦᠯᠢᠯ ᠤᠨ ᠦᠩᠭᠡ | ᠲᠠᠢ ᠠᠳᠠᠯᠢᠬᠠᠨ ᠳᠤᠬᠢᠷᠠᠯᠴᠠᠬᠤ ᠶᠢ ᠠᠷᠠᠢ ᠰᠠᠨᠠᠭᠠᠨ ᠳᠤ ᠦᠭᠡᠢ ᠪᠠᠷ ᠳᠤᠬᠢᠷᠠᠭᠰᠠᠨ ᠭᠡᠵᠤ ᠦᠵᠡᠵᠤ ᠪᠤᠯᠬᠤ ᠦᠭᠡᠢ | ᠪᠢᠵᠠ︖ ᠮᠣᠩᠭᠤᠯ ᠲᠡᠣᠬᠡᠨ ᠳᠤ ᠪᠢᠴᠢᠳᠡᠭ ︽ᠲᠠᠪᠣᠨ ᠦᠩᠭᠡ ᠳᠦᠷᠪᠡᠨ ᠬᠠᠷᠢ︾ ᠶᠢᠨ ᠣᠨᠣᠯ ᠲᠠᠢ ᠴᠦ | ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠳᠤᠬᠢᠷᠠᠯᠴᠠᠵᠤ ᠪᠠᠶᠢᠳᠠᠭ ᠢ ᠶᠠᠭᠠᠬᠢᠮᠤᠢ︖ | | ᠡᠭᠦᠨ ᠠᠴᠠ ᠪᠠᠰᠠ ᠾᠦᠩᠨᠤ ᠣᠯᠤᠰ ᠤᠨ ᠠᠵᠤ ᠠᠬᠤᠢ ᠶᠢᠨ ᠬᠦᠴᠦᠨ ᠢ ᠦᠵᠡᠵᠤ ᠭᠠᠷᠤᠨᠠ᠃ | ᠲᠦᠷᠪᠡᠨ ᠵᠢᠰᠦᠮ ᠤᠨ ᠮᠤᠷᠢ ᠣᠨᠣᠭᠰᠠᠨ ᠲᠦᠴᠢᠨ ᠲᠦᠮᠡᠨ ᠴᠡᠷᠢᠭ ᠭᠡᠳᠡᠭ ᠴᠢᠨᠢ ᠮᠤᠨᠳᠠᠭ ᠲᠤᠭᠠ ᠰᠢᠣ ᠳ᠋ᠠ᠃ | ᠣᠳᠤ ᠮᠠᠨ ᠤ ᠦᠪᠦᠷ ᠮᠣᠩᠭᠤᠯ ᠤᠨ ᠪᠦᠬᠦ ᠮᠤᠷᠢᠨ ᠠᠴᠠ ᠢᠯᠭᠠᠵᠤ ᠲᠦᠷᠪᠡᠨ ᠵᠢᠰᠦᠮ ᠤᠨ ᠮᠤᠷᠢ ᠣᠨᠣᠭᠰᠠᠨ | ᠳᠦᠴᠢᠨ ᠲᠦᠮᠡᠨ ᠮᠤᠷᠢᠲᠠᠨ ᠢ ᠢᠯᠭᠠᠵᠤ ᠭᠠᠷᠭᠠᠨᠠ ᠭᠡᠭᠴᠢ ᠪᠤᠯᠤᠰᠢ ᠦᠭᠡᠢ ᠪᠤᠯᠤᠭᠰᠠᠨ᠃ ᠮᠣᠩᠭᠤᠯ ᠣᠯᠤᠰ ᠴᠦ | ᠭᠡᠰᠡᠨ ᠬᠦᠴᠢᠷᠳᠡᠬᠦ ᠪᠠᠶᠢᠬᠠ ᠳ᠋ᠠ᠃ ᠨᠡᠩ ᠴᠦ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠴᠡᠷᠢᠭ ᠤᠨ ᠶᠤᠰᠤ ᠪᠠᠷ ᠴᠡᠷᠢᠭ ᠪᠤᠯᠭᠠᠨ | ᠨᠢᠭᠡ ᠬᠤᠶᠠᠷ ᠪᠤᠶᠤ ᠬᠡᠳᠦᠨ ᠬᠦᠲᠦᠯᠦᠭᠡ ᠮᠤᠷᠢ ᠲᠠᠢ ᠶᠠᠪᠣᠳᠠᠭ ᠢ ᠨᠡᠮᠡᠪᠡᠯ ᠣᠯᠤᠰ ᠤᠨ ᠬᠦᠴᠦᠨ ᠨᠢ ᠬᠡᠳᠦᠢ | ᠴᠢᠬᠢᠷᠠᠭ ᠪᠠᠶᠢᠵᠠᠢ ᠭᠡᠰᠡᠨ ᠢ ᠳᠦᠰᠦᠭᠡᠯᠡᠵᠤ ᠪᠤᠯᠬᠤ ᠪᠢᠰᠢᠣ︖ | ᠮᠣᠩᠭᠤᠯ ᠬᠠᠭᠠᠨᠲᠤ ᠣᠯᠤᠰ ᠤᠨ ᠦᠶᠡ ᠳᠤ ᠲᠦᠮᠡᠨ ᠴᠠᠭᠠᠨ ᠭᠡᠭᠦᠦ ᠶᠢ ᠴᠤᠭᠯᠠᠭᠤᠯᠤᠨ ᠡᠰᠦᠭ ᠴᠡᠭᠡ | ᠨᠡᠷᠡᠵᠤ ᠬᠠᠭᠠᠨ ᠣᠭᠰᠠᠭᠠᠲᠠᠨ ᠳᠤ ᠣᠣᠭᠤᠯᠭᠠᠵᠤ ᠪᠠᠶᠢᠵᠠᠢ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠪᠠᠶᠢᠳᠠᠭ᠃ ᠪᠠᠰᠠ ᠡᠯᠡ ᠭᠠᠵᠠᠷ ᠤᠨ | ᠬᠢᠨ ᠴᠠᠭᠠᠨ ᠵᠢᠰᠦᠮ ᠤᠨ ᠮᠤᠷᠢ ᠪᠠᠷ ᠶᠢᠰᠤ ᠶᠢᠰᠤ ᠶᠢᠨ ᠠᠯᠪᠠ ᠪᠠᠷᠢᠳᠠᠭ ᠭᠡᠵᠤ ᠲᠡᠮᠳᠡᠭᠯᠡᠵᠤ ᠪᠠᠶᠢᠳᠠᠭ᠃ | | ᠮᠣᠩᠭᠤᠯ ᠬᠠᠭᠠᠨᠲᠤ ᠣᠯᠤᠰ ᠤᠨ ᠪᠠᠶᠢᠭᠤᠯᠤᠯ ᠳᠤᠲᠤᠷᠠᠬᠢ ᠵᠠᠷᠭᠤᠴᠢ ᠶᠢᠨ ᠳᠦᠷᠢᠮ ᠪᠠ ᠬᠤᠷᠠᠯᠳᠠᠢ | ᠶᠢᠨ ᠳᠦᠷᠢᠮ ᠪᠤᠯ ᠦᠪᠡᠷ ᠤᠨ ᠣᠨᠴᠠᠯᠢᠭ ᠲᠠᠢ ᠳᠦᠷᠢᠮ ᠮᠦᠨ᠃ ᠬᠤᠷᠠᠯᠳᠠᠢ ᠶᠢᠨ ᠳᠤᠲᠤᠭᠠᠳᠤ ᠳᠤ ᠪᠦᠷᠢᠮᠦᠰᠦᠨ | ᠡᠷᠬᠡ ᠳᠡᠭᠰᠢ ᠪᠠᠶᠢᠵᠤ᠂ ᠰᠠᠨᠠᠯ ᠵᠦᠪᠯᠡᠯᠭᠡ ᠪᠠᠨ ᠡᠷᠡᠭᠡ ᠵᠢᠷᠤᠭᠠ ᠦᠭᠡᠢ ᠬᠡᠯᠡᠵᠤ ᠪᠤᠯᠳᠠᠭ᠃ ᠲᠡᠭᠡᠭᠡᠳ ᠨᠢᠭᠤᠴᠠ | ᠪᠠᠨ ᠨᠢᠭᠲᠠ ᠬᠠᠮᠠᠭᠠᠯᠠᠵᠤ᠂ ᠬᠤᠷᠠᠯᠳᠠᠢ ᠶᠢᠨ ᠪᠠᠲᠤᠯᠠᠭᠰᠠᠨ ᠵᠦᠢᠯ ᠢ ᠬᠠᠭᠠᠨ ᠴᠦ ᠳᠤᠷᠠ ᠪᠠᠷ ᠬᠤᠪᠢᠷᠠᠭᠤᠯᠳᠠᠬ | ᠦᠭᠡᠢ᠃ ᠬᠤᠷᠠᠯᠳᠠᠢ ᠠᠴᠠ ᠪᠠᠲᠤᠯᠠᠭᠰᠠᠨ ᠶᠡᠭᠡ ᠵᠠᠰᠠᠭ ᠪᠠ ᠴᠠᠭᠠᠵᠠ ᠶᠢ ᠳᠤᠰᠬᠠᠢ ᠵᠠᠷᠭᠤᠴᠢ ᠭᠦᠢᠴᠢᠳᠬᠡᠳᠡᠭ ᠨᠢ | ᠣᠳᠤ ᠶᠢᠨ ᠠᠷᠠᠳᠴᠢᠯᠠᠭᠰᠠᠨ ᠨᠡᠶᠢᠭᠡᠮ ᠤᠨ ᠬᠡᠷᠡᠭᠯᠡᠵᠤ ᠪᠠᠶᠢᠳᠠᠭ ︽ᠭᠤᠷᠪᠠᠨ ᠡᠷᠬᠡ ᠶᠢ ᠬᠢᠵᠠᠭᠠᠷᠯᠠᠵᠤ ᠲᠡᠩᠴᠡᠭᠦᠯᠬᠦ | ︾ ᠭᠡᠳᠡᠭ ᠪᠤᠳᠤᠯᠭᠠ ᠲᠠᠢ ᠨᠢ ᠶᠡᠭᠡ ᠳᠦᠰᠦᠭᠡᠲᠠᠢ᠃ ᠡᠭᠦᠨ ᠢ ᠣᠷᠢᠳ ᠤᠨ ᠾᠦᠩᠨᠤ ᠲᠦᠷᠦᠭ ᠤᠨ ᠦᠶᠡ ᠳᠤ | ᠴᠦ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠪᠠᠶᠢᠳᠠᠯ ᠴᠦ ᠮᠡᠷ ᠰᠡᠷ ᠮᠡᠳᠡᠭᠳᠡᠵᠤ ᠪᠠᠶᠢᠨᠠ᠃ ᠮᠠᠨᠵᠤ ᠨᠠᠷ ᠴᠦ ᠪᠤᠭᠤᠮᠲᠠ ᠣᠷᠤᠬᠤ | ᠠᠴᠠ ᠡᠮᠦᠨᠡ ︽ᠬᠤᠣᠪᠢ ᠶᠢᠨ ᠰᠠᠶᠢᠳ ᠨᠠᠷ ᠤᠨ ᠬᠤᠷᠠᠯ︾ ᠭᠡᠵᠤ ᠵᠦᠪᠯᠡᠯᠭᠡᠨ ᠢ ᠬᠤᠷᠠᠯ ᠤᠨ ᠪᠠᠶᠢᠭᠤᠯᠤᠮᠵᠢ | ᠪᠠᠶᠢᠳᠠᠭ᠃ ᠡᠨᠡ ᠨᠢ ᠮᠠᠨᠵᠤ ᠵᠢᠨᠨᠠᠢᠮᠠᠠ ᠬᠤᠰᠢᠭᠤᠨ ᠤ ᠨᠢᠭᠡ ᠬᠤᠰᠢᠭᠤᠨ ᠠᠴᠠ ᠨᠢᠭᠡ ᠪᠤᠶᠤ ᠬᠡᠳᠦᠨ ᠰᠠᠶᠢᠳ | ᠲᠤᠮᠢᠯᠠᠵᠤ ᠬᠡᠷᠡᠭ ᠵᠦᠪᠯᠡᠳᠡᠭ ᠪᠠᠶᠢᠭᠤᠯᠤᠮᠵᠢ ᠪᠤᠯᠤᠨᠠ᠃ ᠲᠡᠳᠡᠨ ᠤ ᠵᠦᠪᠳᠡᠨ ᠳᠤᠭᠲᠠᠭᠠᠭᠰᠠᠨ ᠵᠦᠢᠯ ᠢ ᠬᠠᠭᠠᠨ | ᠨᠢ ᠴᠦ ᠵᠦᠷᠢᠴᠡᠵᠤ ᠳᠡᠶᠢᠯᠳᠡᠭ ᠦᠭᠡᠢ ᠪᠠᠶᠢᠭᠰᠠᠨ᠃ ᠨᠠᠶᠢᠷᠠᠯᠲᠤ ᠲᠦᠪ᠂ ᠲᠡᠭᠷᠢ ᠳᠡᠳᠬᠦᠭᠴᠢ ᠶᠢᠨ ᠦᠶᠡ ᠠᠴᠠ | ᠪᠠᠭᠤᠷᠠᠭᠤᠯᠵᠤ ᠦᠭᠡᠶᠢᠰᠭᠡᠭᠰᠡᠨ ᠠᠴᠠ ᠪᠤᠯᠵᠤ ᠮᠠᠨᠵᠤ ᠴᠢᠩ ᠳᠤᠷᠤᠶᠢᠲᠠᠯ ᠤᠨ ᠵᠠᠮ ᠢᠶᠠᠷ ᠶᠠᠪᠣᠭᠰᠠᠨ ᠪᠠᠶᠢᠨᠠ᠃ | ᠡᠨᠡᠬᠦ ᠬᠤᠷᠠᠯᠳᠠᠢ ᠶᠢᠨ ᠳᠦᠷᠢᠮ ᠨᠢ ᠬᠠᠤᠯᠢ ᠴᠠᠭᠠᠵᠠ ᠳᠤᠭᠲᠠᠭᠠᠬᠤ᠂ ᠳᠠᠶᠢᠨ ᠤ ᠠᠷᠭᠠ ᠪᠤᠳᠤᠯᠭᠠ | ᠵᠦᠪᠳᠡᠬᠦ ᠠᠴᠠ ᠡᠬᠢᠯᠡᠭᠡᠳ ᠬᠠᠭᠠᠨ ᠰᠤᠩᠭᠤᠬᠤ ᠬᠦᠷᠲᠡᠯᠡ ᠪᠦᠬᠦᠨ ᠢ ᠰᠡᠶᠢᠳᠴᠤ ᠪᠠᠶᠢᠳᠠᠭ ᠠᠴᠠ ᠠᠷᠠᠳᠴᠢᠯᠠᠯ | ᠤᠨ ᠰᠢᠨᠵᠢ ᠲᠠᠢ ᠪᠠᠶᠢᠵᠤ᠂ ᠳᠤᠲᠤᠭᠠᠳᠤ ᠶᠢᠨ ᠵᠢᠭᠤᠷᠠᠭᠠᠨ᠂ ᠬᠤᠭᠤᠷᠤᠨᠳᠤ ᠶᠢᠨ ᠣᠯᠠᠨ ᠣᠳᠠᠭᠠᠨ ᠤ ᠳᠠᠶᠢᠨ ᠪᠠ | ᠬᠢᠮᠤᠷᠠᠯ ᠠᠴᠠ ᠪᠦᠲᠦᠮᠵᠢᠲᠠᠢ ᠵᠠᠶᠢᠯᠠᠰᠬᠢᠵᠤ ᠴᠢᠳᠠᠭᠰᠠᠨ ᠶᠤᠮ᠃ ᠵᠢᠱᠢᠶᠠᠯᠠᠪᠠᠯ᠄ ᠴᠢᠩᠭᠢᠰ ᠬᠠᠭᠠᠨ ᠤ | ᠵᠠᠯᠭᠠᠮᠵᠢᠯᠠᠭᠴᠢ ᠳᠤᠭᠲᠠᠭᠠᠬᠤ ᠳᠤ ᠵᠦᠴᠢ ᠴᠠᠭᠠᠳᠠᠢ ᠶᠢᠨ ᠵᠦᠷᠢᠴᠡᠯ ᠠᠴᠠ ᠵᠠᠶᠢᠯᠠᠰᠬᠢᠵᠤ ᠦᠭᠡᠳᠠᠢ ᠶᠢ ᠬᠠᠭᠠᠨ | ᠰᠠᠭᠤᠷᠢᠨ ᠳᠤ ᠭᠠᠷᠭᠠᠭᠰᠠᠨ᠂ ᠦᠭᠡᠳᠠᠢ ᠬᠠᠭᠠᠨ ᠤ ᠬᠤᠶᠢᠨᠠ ᠠᠴᠠ ᠭᠦᠶᠦᠭ ᠤᠨ ᠳᠠᠷᠠᠭᠠ ᠮᠦᠩᠭᠡ ᠬᠠᠭᠠᠨ ᠢ | ᠰᠤᠩᠭᠤᠵᠤ ᠮᠣᠩᠭᠤᠯ ᠬᠠᠭᠠᠨᠲᠤ ᠣᠯᠤᠰ ᠤᠨ ᠳᠤᠲᠤᠭᠠᠳᠤ ᠶᠢᠨ ᠬᠢᠮᠤᠷᠠᠯ ᠠᠴᠠ ᠪᠦᠲᠦᠮᠵᠢᠲᠠᠢ ᠰᠠᠯᠤᠭᠰᠠᠨ ᠬᠡᠭᠦ | ᠮᠡᠲᠦ᠃ ᠬᠤᠵᠢᠮ ᠨᠢ ᠬᠤᠪᠢᠯᠠᠢ ᠶᠢᠨ ᠬᠢᠲᠠᠳ ᠣᠷᠤᠨ ᠲᠠᠢ ᠬᠠᠷᠢᠯᠴᠠᠵᠤ ᠬᠢᠲᠠᠳ ᠤᠨ ᠬᠠᠭᠠᠨᠲᠤ ᠪᠠᠶᠢᠭᠤᠯᠤᠯ | ᠠᠴᠠ ᠰᠤᠷᠤᠯᠴᠠᠵᠤ᠂ ᠬᠠᠭᠠᠨ ᠤ ᠡᠷᠬᠡ ᠶᠢ ᠲᠦᠪᠯᠡᠷᠡᠭᠦᠯᠬᠦ᠂ ᠦᠶᠡ ᠵᠠᠯᠭᠠᠬᠤ ᠮᠡᠲᠦ ᠶᠢᠨ ᠦᠵᠡᠯᠲᠠ ᠠᠪᠳᠠᠯ ᠢ | ᠠᠪᠣᠭᠰᠠᠨ ᠠᠴᠠ ᠦᠶᠡ ᠦᠶᠡ ᠪᠠᠨ ᠬᠦᠷᠬᠦ ᠦᠭᠡᠢ ᠪᠤᠯᠵᠤ ᠪᠠᠭᠤᠷᠠᠨ ᠳᠤᠷᠤᠶᠢᠲᠠᠯ ᠤᠨ ᠵᠠᠮ ᠳᠤ ᠣᠷᠤᠭᠰᠠᠨ ᠨᠢ | ᠠᠷᠠᠳᠴᠢᠯᠠᠯ ᠤᠨ ᠳᠤᠭᠲᠠᠮᠵᠢ ᠪᠠᠨ ᠠᠯᠳᠠᠭᠰᠠᠨ ᠲᠠᠢ ᠶᠠᠭ ᠬᠤᠯᠪᠣᠭᠠ ᠦᠭᠡᠢ ᠶᠠᠪᠣᠳᠠᠯ ᠪᠢᠰᠢ ᠪᠠᠶᠢᠬᠠ︖ ᠡᠷᠬᠡ | ᠶᠢᠨ ᠬᠡᠲᠦ ᠲᠦᠪᠯᠡᠷᠡᠯ ᠠᠴᠠ ᠠᠪᠯᠢᠭᠠᠯ ᠪᠠ ᠳᠤᠷᠤᠶᠢᠲᠠᠯ ᠡᠭᠦᠰᠳᠡᠭ᠃ ᠬᠢᠲᠠᠳ ᠤᠨ ᠲᠦᠷᠦ ᠨᠢ ᠪᠦᠷ ᠯᠠ ᠡᠶᠢᠮᠤ | ᠬᠡᠪ ᠳᠦᠷᠢᠮ ᠠᠴᠠ ᠨᠢᠭᠡᠴᠤ ᠰᠠᠯᠳᠠᠭ ᠦᠭᠡᠢ᠂ ᠣᠯᠤᠰ ᠪᠠᠶᠢᠭᠤᠯᠬᠤ ᠦᠶᠡ ᠳᠤ ᠨᠢᠭᠡ ᠬᠤᠶᠠᠷ ᠮᠡᠷᠭᠡᠨ ᠡᠵᠡᠨ | ᠪᠠᠶᠢᠳᠠᠭ ᠠᠴᠠ ᠭᠠᠳᠠᠨᠠ ᠦᠭᠡᠷᠡ ᠨᠢ ᠪᠦᠷ ᠯᠠ ᠮᠤᠩᠬᠠᠭ ᠪᠢᠰᠢ ᠪᠤᠯ ᠶᠡᠷᠤ ᠶᠢᠨ ᠪᠠᠶᠢᠵᠤ ᠦᠶᠡ ᠦᠶᠡ ᠠᠴᠠ | ᠪᠠᠨ ᠪᠠᠭᠤᠷᠠᠭᠰᠠᠭᠠᠷ ᠪᠠᠶᠢᠵᠤ ᠮᠦᠬᠦᠳᠡᠭ ᠪᠠᠶᠢᠨᠠ᠃ | (ᠦᠷᠭᠦᠯᠵᠢᠯᠡᠯ ᠪᠤᠢ ) | | | | | | |