| ᠨᠠᠨᠳᠢᠨ | ᠤᠷᠠᠩᠬᠠᠢ ᠲᠡᠪᠡᠯ ᠲᠠᠢ ᠡᠵᠢ ᠮᠢᠨᠢ | ᠤᠷᠠᠩᠬᠠᠢ ᠲᠡᠪᠡᠯ ᠲᠠᠢ ᠡᠵᠢ ᠲᠠᠢ ᠪᠠᠨ | ᠠᠭᠤᠯᠵᠠᠵᠦ ᠤᠴᠠᠷᠠᠬᠤ ᠠᠴᠠ ᠵᠤᠪᠠᠳᠠᠭ ᠴᠦ ᠪᠠᠶᠢᠯᠠ | ᠤᠯᠠᠶᠢᠯᠭᠠᠵᠦ ᠨᠢᠭᠤᠷ ᠢ ᠪᠠᠷᠠᠴᠢᠬᠠᠬᠤ ᠠᠴᠠ | ᠤᠷᠤᠭᠤ ᠴᠢᠷᠠᠶᠢᠯᠠᠨ ᠵᠤᠭᠰᠤᠳᠠᠭ ᠯᠡ ᠪᠠᠶᠢᠯᠠ᠃ | ᠨᠢᠮᠪᠠᠶᠢᠯᠠᠨ ᠬᠠᠳᠠᠭᠠᠯᠠᠭᠰᠠᠨ ᠵᠤᠭᠤᠰ ᠢ ᠨᠢ ᠯᠡ | ᠨᠢᠳᠦ ᠰᠠᠯᠭᠠᠯ ᠦᠭᠡᠢ ᠬᠠᠷᠠᠳᠠᠭ ᠪᠠᠶᠢᠯᠠ | ᠨᠢᠭᠡ ᠨᠢᠭᠡ ᠮᠦᠩᠭᠦ ᠶᠢᠨ ᠠᠷᠪᠢᠯᠠᠯ ᠭᠡᠵᠦ | ᠨᠢᠭᠡ ᠯᠡ ᠮᠡᠳᠡᠭᠡ ᠦᠭᠡᠢ ᠪᠦᠷᠢᠯᠭᠡᠳᠡᠭ ᠯᠡ ᠪᠠᠶᠢᠯᠠ᠃ | ᠠᠩᠬᠢ ᠶᠢᠨ ᠨᠦᠬᠦᠳ ᠤᠨ ᠨᠢᠳᠦᠨ ᠠᠴᠠ ᠲᠠᠯᠳᠠᠬᠠᠨ | ᠡᠵᠢ ᠪᠠᠨ ᠶᠠᠪᠤᠬᠤ ᠶᠢ ᠬᠦᠰᠡᠳᠡᠭ ᠯᠡ ᠪᠠᠶᠢᠯᠠ | ᠤᠷᠠᠩᠬᠠᠢ ᠨᠠᠪᠳᠠᠷᠬᠠᠢ ᠲᠡᠪᠡᠯ ᠠᠴᠠ ᠨᠢ | ᠤᠴᠢᠷ ᠦᠭᠡᠢ ᠶᠡᠭᠡ ᠢᠴᠢᠳᠡᠭ ᠪᠠᠶᠢᠯᠠ᠃ | ᠬᠤᠪᠢᠳᠠᠵᠦ ᠤᠯᠤᠭᠰᠠᠨ ᠮᠦᠩᠭᠦ ᠪᠠᠨ ᠲᠡᠭᠡᠭᠡᠳ | ᠬᠤᠭᠤᠯᠠᠨ ᠭᠡᠷ ᠲᠤ ᠦᠷᠦᠳᠡᠭ ᠪᠠᠶᠢᠯᠠ | ᠬᠦᠭᠡᠷᠦᠬᠦᠢ ᠡᠵᠢ ᠶᠢᠨ ᠮᠢᠨᠢ ᠤᠷᠠᠩᠬᠠᠢ ᠲᠡᠪᠡᠯ | ᠬᠤᠨᠤᠭ ᠤᠨ ᠵᠡᠭᠦᠳᠦᠨ ᠳᠤ ᠴᠦ ᠤᠷᠤᠳᠠᠭ ᠦᠭᠡᠢ ᠪᠠᠶᠢᠯᠠ᠃ | ᠬᠤᠳᠠ ᠵᠡᠭᠡᠯᠢ ᠶᠢᠨ ᠨᠠᠷᠬᠢᠶᠠᠨᠳᠦ ᠠᠮᠢᠳᠤᠷᠠᠯ ᠳᠤ | ᠮᠦᠩᠭᠦ ᠴᠦ ᠬᠤᠷᠳᠤᠬᠠᠨ ᠲᠠᠭᠤᠰᠳᠠᠭ ᠪᠠᠶᠢᠯᠠ | ᠲᠤᠷᠤᠶᠢᠬᠠᠨ ᠲᠤᠤᠭᠠᠷᠳᠠᠭ ᠲᠠᠭᠤᠨ ᠤ ᠦᠩᠭᠡ ᠠᠴᠠ | ᠲᠠᠭᠤᠰᠤᠭᠰᠠᠨ ᠮᠦᠩᠭᠦ ᠶᠢ ᠮᠢᠨᠢ ᠭᠠᠳᠠᠷᠯᠠᠳᠠᠭ ᠪᠠᠶᠢᠯᠠ | ᠡᠵᠢ ᠮᠢᠨᠢ︕ | ᠤᠷᠠᠩᠬᠠᠢ ᠲᠡᠪᠡᠯ ᠢᠶᠠᠨ ᠨᠠᠪᠳᠠᠯᠵᠠᠭᠤᠯᠤᠭᠰᠠᠭᠠᠷ | ᠠᠭᠤᠯᠵᠠᠬᠤ ᠪᠠᠷ ᠡᠵᠢ ᠮᠢᠨᠢ ᠢᠷᠡᠳᠡᠭ ᠪᠠᠶᠢᠯᠠ | ᠮᠡᠨᠳᠦ ᠶᠢᠨ ᠵᠠᠬᠢᠶᠠ ᠦᠭᠡᠢ ᠡᠵᠢ ᠳᠤ ᠪᠠᠨ | ᠮᠦᠩᠭᠦ ᠶᠢ ᠨᠢ ᠠᠪᠤᠨᠠ ᠭᠡᠵᠦ ᠯᠡ ᠶᠠᠭᠠᠷᠠᠳᠠᠭ ᠴᠦ ᠪᠠᠶᠢᠯᠠ᠃ | ᠠᠳᠬᠤᠨ ᠳᠠᠬᠢ ᠮᠦᠩᠭᠦ ᠪᠠᠨ ᠴᠢᠮᠠᠯᠠᠩᠬᠠᠨ | ᠠᠭᠠᠰᠢ ᠤᠨᠳᠤᠭᠠᠨ ᠴᠦ ᠬᠦᠷᠳᠡᠭ ᠪᠠᠶᠢᠯᠠ | ᠠᠬᠢᠭᠠᠳ ᠤᠳᠠᠬᠤ ᠦᠭᠡᠢ ᠢᠷᠡᠨᠡ ᠭᠡᠵᠦ | ᠠᠮᠠᠯᠠᠩᠬᠠᠨ ᠠᠮᠠᠯᠠᠩᠬᠠᠨ ᠪᠤᠴᠠᠳᠠᠭ ᠪᠠᠶᠢᠯᠠ | ᠡᠵᠢ ᠮᠢᠨᠢ︕ | ᠤᠷᠠᠩᠬᠠᠢ ᠲᠡᠪᠡᠯ ᠲᠠᠢ ᠡᠵᠢ ᠮᠢᠨᠢ ᠲᠡᠭᠡᠭᠡᠳ | ᠤᠰᠤᠯᠳᠠᠭᠰᠠᠨ ᠬᠡᠥᠬᠡᠳ ᠰᠢᠭ ᠠᠶᠠᠷᠯᠠᠳᠠᠭ ᠪᠠᠶᠢᠯᠠ | ᠮᠦᠩᠭᠦ ᠶᠢ ᠯᠡ ᠬᠠᠷᠠᠭᠰᠠᠨ ᠮᠢᠨᠤ ᠨᠢᠳᠦ | ᠮᠡᠯᠳᠡᠭᠡᠨᠡᠭᠰᠡᠨ ᠨᠢᠯᠪᠤᠰᠤ ᠶᠢ ᠨᠢ ᠤᠪᠠᠶᠢᠯᠠᠭᠠ ᠦᠭᠡᠢ ᠯᠡ ᠪᠠᠶᠢᠯᠠ᠃ | ᠰᠢᠨᠡᠭᠡᠨ ᠲᠡᠪᠡᠯ ᠤᠨ ᠮᠦᠩᠭᠦ ᠪᠠᠨ ︽ᠬᠠᠷᠠᠮᠨᠠᠨ︾ | ᠦᠷᠡ ᠳᠤ ᠪᠠᠨ ᠭᠡᠵᠦ ᠯᠡ ᠢᠯᠡᠭᠡᠳᠡᠭ ᠪᠠᠶᠢᠯᠠ | ᠰᠢᠳᠡᠵᠦ ᠠᠮᠵᠢᠭᠠ ᠦᠭᠡᠢ ᠤᠷᠠᠩᠬᠠᠢ ᠲᠡᠪᠡᠯ ᠢᠶᠠᠨ | ᠦᠪᠡᠷ ᠢᠶᠠᠨ ᠡᠵᠢ ᠮᠢᠨᠢ ᠡᠮᠦᠰᠳᠡᠭ ᠯᠡ ᠪᠠᠶᠢᠯᠠ᠃ | ᠠᠮᠳᠠᠳᠠᠨ ᠪᠦᠬᠦᠨ ᠢ ᠬᠤᠷᠤᠭᠠᠵᠦ ᠴᠢᠳᠠᠯ ᠦᠭᠡᠢ | ᠠᠯᠳᠠᠷᠠᠢ ᠦᠷᠡ ᠳᠤ ᠪᠠᠨ ᠨᠦᠭᠡᠴᠡᠯᠡᠳᠡᠭ ᠴᠦ ᠪᠠᠶᠢᠯᠠ | ᠤᠶᠤᠵᠦ ᠴᠢᠳᠠᠭᠠ ᠦᠭᠡᠢ ᠤᠷᠠᠩᠬᠠᠢ ᠲᠡᠪᠡᠯ ᠢᠶᠠᠨ | ᠡᠵᠢ ᠮᠢᠨᠢ ᠡᠮᠦᠰᠦᠭᠡᠳ ᠶᠠᠭᠠᠷᠠᠳᠠᠭ ᠯᠡ ᠪᠠᠶᠢᠯᠠ᠃ | ᠤᠬᠠᠭᠠ ᠦᠭᠡᠢ ᠶᠠᠪᠤᠭᠰᠠᠨ ᠤᠨ ᠰᠠᠷᠠ ᠤᠳ | ᠤᠷᠠᠩᠬᠠᠢ ᠲᠡᠪᠡᠯ ᠳᠤ ᠨᠢ ᠪᠦᠪᠡᠶᠢᠯᠡᠭᠳᠡᠵᠦ ᠯᠡ ᠪᠠᠶᠢᠯᠠ | ᠤᠷᠠᠭᠳᠠᠵᠦ ᠨᠡᠪᠳᠠᠷᠠᠭᠰᠠᠨ ᠲᠠᠪᠡᠯ ᠢᠶᠠᠨ ᠰᠢᠭ ᠯᠡ | ᠤᠬᠠᠭᠠᠨᠳᠦ ᠡᠵᠢ ᠮᠢᠨᠢ ᠦᠳᠡᠯᠡᠵᠦ ᠯᠡ ᠪᠠᠶᠢᠯᠠ᠃ | ᠡᠮᠵᠡᠭᠯᠡᠬᠦᠯᠵᠦ ᠶᠠᠪᠤᠭᠰᠠᠨ ᠲᠡᠷᠡ ᠬᠦ ᠨᠠᠰᠤ ᠮᠢᠨᠢ | ᠡᠩᠭᠡᠷ ᠬᠤᠷᠮᠤᠢ ᠳᠤ ᠨᠢ ᠰᠢᠩᠭᠡᠭᠡᠰᠦᠳᠡᠢ ᠯᠡ ᠪᠠᠶᠢᠯᠠ | ᠡᠯᠡᠭᠳᠡᠵᠦ ᠬᠠᠭᠤᠴᠢᠷᠠᠭᠰᠠᠨ ᠤᠷᠠᠩᠬᠠᠢ ᠲᠡᠪᠡᠯ ᠠᠴᠠ ᠨᠢ | ᠡᠵᠢ ᠶᠢᠨ ᠮᠢᠨᠢ ᠬᠠᠶᠢᠷᠠ ᠪᠢᠯᠬᠠᠯᠠᠭᠠᠳ ᠯᠡ ᠪᠠᠶᠢᠯᠠ ᠂᠂᠂ ᠂᠂᠂ ᠂᠂᠂ | | | ᠬᠠᠶ᠋ᠢᠭ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠪᠤᠷᠤᠡᠤᠰᠤ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ | | |