| ︵ᠬᠡᠯᠬᠢᠶᠡ ᠮᠦᠴᠡᠯᠭᠡ ᠭᠤᠷᠪᠠᠨ ᠪᠠᠳᠠᠭ︶ | — ᠪ᠊᠂ ᠪᠢᠯᠢᠭ | | ᠬᠠᠩᠰᠢ ᠶᠢᠨ ᠡᠳᠦᠷ | ᠲᠡᠭᠷᠢ ᠶᠢᠨ ᠰᠠᠯᠬᠢ ᠡᠭᠦᠷᠴᠦ | ᠲᠡᠭᠡᠷᠡ ᠨᠠᠮᠤᠷ ᠤᠨ ᠰᠢᠪᠠᠭᠤᠳ ᠴᠦᠷᠭᠦᠯᠡᠨᠡ | ᠲᠠᠯᠠ ᠶᠢᠨ ᠡᠯᠢᠭᠡ ᠶᠢ ᠪᠦᠯᠢᠶᠠᠰᠭᠡᠵᠦ | ᠲᠡᠨᠵᠢᠨ ᠠᠴᠠ ᠡᠪᠡᠰᠦᠨ ᠨᠢᠳᠦ ᠴᠡᠩᠭᠡᠷᠯᠡᠨᠡ | ᠬᠤᠷᠸᠠ ᠶᠢᠨ ᠶᠠᠭᠤ ᠪᠦᠬᠦᠨ | ᠬᠤᠳᠤᠭ ᠦᠯᠵᠡᠢ ᠲᠡᠭᠦᠰ ᠨᠡᠶᠢᠯᠡᠭᠰᠡᠨ ᠬᠡᠮᠡᠷ | ᠬᠤᠨᠢᠨ ᠤ ᠬᠤᠳᠠᠨ ᠠᠴᠠ ᠬᠡᠰᠢᠭ ᠤᠷᠭᠤᠵᠤ | ᠬᠤᠨᠤᠭ ᠤᠨ ᠵᠠᠢ ᠳᠤ ᠠᠶᠢᠯ ᠨᠡᠭᠦᠳᠡᠯᠯᠡᠭᠰᠡᠨ ᠬᠡᠮᠡᠷ | ᠨᠣᠳᠤᠭ ᠤᠨ ᠮᠠᠨᠢ ᠬᠠᠪᠤᠷ | ᠨᠠᠷᠠ ᠪᠠᠨ ᠲᠠᠭᠠᠵᠤ ᠨᠠᠳᠠᠳᠤ ᠤᠶᠢᠷᠠᠳᠣᠳᠠᠭ ᠰᠠᠨ | ᠨᠤᠭᠤᠭᠠᠨ ᠭᠡᠷᠡᠯ ᠠᠴᠠ ᠨᠢ ᠢᠯᠴᠢ ᠵᠠᠯᠭᠠᠨ | ᠨᠠᠭᠤᠷ ᠪᠦᠷᠢᠳᠦ ᠮᠢᠨᠢ ᠠᠮᠢᠯᠠᠳᠠᠭ ᠶᠤᠮᠰᠠᠨ | | ᠬᠠᠩᠰᠢ᠂ ᠬᠠᠶᠢᠷᠠ ᠬᠤᠶᠠᠷ ᠮᠢᠨᠢ | ᠦᠴᠦᠭᠡᠳᠦᠷ ᠵᠦᠭ ᠪᠤᠴᠠᠬᠤ ᠲᠤᠷᠠᠳᠠᠢ ᠨᠢ ᠪᠢ | ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠢᠶᠠᠨ | ᠡᠭᠦᠯᠡᠨ ᠰᠡᠭᠦᠳᠡᠷ ᠲᠤ | ᠦᠨᠦᠳᠦᠷ ᠶᠢ ᠵᠢᠷᠤᠬᠤ ᠲᠤᠷᠠᠳᠠᠢ | ᠦᠨᠦᠳᠦᠷ ᠠᠴᠠ ᠪᠤᠴᠠᠬᠤ ᠲᠣᠷᠠ ᠦᠭᠡᠢ ᠨᠢ ᠪᠢ | ᠦᠯᠦᠭᠡᠢ ᠨᠣᠳᠤᠭ ᠤᠨ ᠢᠶᠠᠨ | ᠡᠪᠡᠰᠦᠨ ᠰᠢᠭᠦᠳᠡᠷᠢ ᠳᠤ | ᠦᠪᠡᠷ ᠶᠢ ᠪᠠᠨ ᠦᠰᠭᠡᠬᠦ ᠲᠤᠷᠠᠳᠠᠢ | ᠦᠪᠡᠷ ᠵᠦᠭ ᠢᠶᠠᠨ ᠪᠤᠴᠠᠬᠤ ᠲᠤᠷᠠᠳᠠᠢ ᠨᠢ ᠪᠢ | ᠦᠭᠡ ᠬᠡᠯᠡᠨ ᠤ ᠪᠠᠨ | ᠦᠷᠠ ᠬᠠᠶᠢᠷᠠ ᠲᠡᠭᠡᠷᠡ | ᠦᠨᠢᠳᠡ ᠪᠠᠷ ᠦᠷᠭᠦᠯᠵᠢᠯᠡᠬᠦ ᠲᠤᠷᠠᠳᠠᠢ | | ᠡᠳᠦᠷ ᠤᠳ ᠠᠴᠠ ᠪᠤᠴᠠᠬᠤ ᠲᠣᠷᠠ ᠦᠭᠡᠢ ᠨᠢ ᠪᠢ | ᠡᠷᠬᠡ ᠴᠢᠯᠦᠭᠡᠨ ᠤ ᠪᠠᠨ | ᠡᠵᠡᠨ ᠮᠡᠳᠡᠯ ᠲᠤᠲᠤᠷᠠ | ᠡᠭᠦᠷᠢᠳᠡ ᠪᠠᠷ ᠵᠢᠷᠭᠠᠬᠤ ᠲᠤᠷᠠᠳᠠᠢ | ᠬᠠᠩᠰᠢ ᠶᠢᠨ ᠲᠠᠶᠢᠯᠭᠠ | ᠶᠢᠰᠦᠨ ᠲᠡᠭᠷᠢ ᠶᠢᠨ ᠲᠤᠤᠷᠠ ᠡᠷᠡᠯᠬᠡᠭ ᠨᠠᠮᠢᠷᠠᠭᠰᠠᠨ | ᠶᠢᠰᠦᠨ ᠬᠦᠬᠦᠯᠳᠦ ᠲᠤᠭ ᠲᠤ ᠪᠠᠨ ᠦᠨᠦᠳᠦᠷ ᠮᠦᠷᠭᠦᠭᠡᠶᠦ | ᠶᠢᠰᠦᠭᠡᠢ ᠡᠪᠦᠭᠡ ᠶᠢᠨ ᠢᠶᠠᠨ ᠢᠷᠡᠭᠡᠳᠦᠢ ᠶᠢ ᠵᠢᠭᠠᠭᠰᠠᠨ | ᠶᠢᠰᠦᠨ ᠵᠦᠭ ᠤᠨ ᠰᠦᠨᠡᠰᠦᠨ ᠳᠤ ᠦᠨᠦᠳᠦᠷ ᠮᠦᠷᠭᠦᠭᠡᠶᠦ | ᠪᠤᠷᠵᠢᠬᠢᠨ ᠤ ᠨᠢᠭᠡᠨ ᠲᠠᠰᠤᠷᠬᠠᠢ ᠪᠠᠶᠢᠭᠰᠠᠨ ᠶᠤᠮ | ᠪᠤᠰᠤᠭᠠ ᠲᠡᠪᠢᠭᠰᠡᠨ ᠪᠦᠬᠡ ᠡᠪᠦᠭᠡ ᠳᠡᠭᠡᠨ ᠮᠦᠷᠭᠦᠭᠡᠶᠦ | ᠪᠤᠭᠤᠷᠤᠯ ᠤᠨ ᠮᠠᠨᠢ ᠨᠢᠭᠡᠨ ᠰᠢᠷᠤᠩᠬᠠᠢ ᠶᠠᠪᠤᠭᠰᠠᠨ ᠶᠤᠮ | ᠪᠤᠱᠤᠭᠠ ᠲᠡᠯᠭᠡᠷᠡᠭᠦᠯᠦᠭᠰᠡᠨ ᠪᠤᠶᠠᠨᠳᠣ ᠡᠮᠡᠭᠡ ᠳᠡᠭᠡᠨ ᠮᠦᠷᠭᠦᠭᠡᠶᠦ | ᠮᠠᠨᠳᠤᠵᠤ ᠪᠠᠶᠢᠭᠠ ᠨᠠᠷᠠᠨ ᠤ ᠬᠡᠶᠢᠮᠦᠷᠢ ᠶᠢ ᠰᠡᠷᠬᠦᠭᠡᠵᠦ | ᠮᠢᠩᠭᠠ ᠲᠦᠮᠡᠨ ᠮᠤᠩᠭᠤᠯ ᠲᠡᠭᠡᠳᠦᠰ ᠲᠡᠭᠡᠨ ᠮᠦᠷᠭᠦᠭᠡᠶᠦ | ᠮᠠᠨᠽᠤᠰᠢᠷᠢ ᠪᠤᠷᠬᠠᠨ ᠤ ᠪᠤᠳᠢ ᠶᠢᠨ ᠮᠦᠷ ᠢ ᠠᠮᠢᠯᠠᠭᠤᠯᠵᠤ | ᠮᠠᠨ ᠶᠢ ᠲᠦᠷᠦᠭᠦᠯᠦᠭᠰᠡᠨ ᠰᠠᠶᠠ ᠪᠤᠮᠠᠨ ᠬᠦᠮᠦᠰ ᠲᠡᠭᠡᠨ ᠮᠦᠷᠭᠦᠭᠡᠶᠦ | ᠲᠡᠭᠷᠢᠯᠢᠭ ᠬᠦᠪᠡᠭᠦᠨ ᠤ ᠲᠡᠷᠭᠡᠯ ᠰᠦᠨᠡᠰᠦᠨ ᠳᠤ ᠮᠦᠷᠭᠦᠭᠡᠶᠦ | ᠲᠢᠪ ᠲᠡᠯᠡᠬᠡᠢ ᠳᠡᠭᠡᠨ ᠲᠠᠬᠢᠭᠠᠳ ᠢᠷᠡᠭᠡᠰᠡᠢ ᠬᠡᠮᠡᠨ ᠮᠦᠷᠭᠦᠭᠡᠶᠦ | ᠳᠡᠯᠭᠡᠷ ᠲᠠᠯᠠ ᠶᠢᠨ ᠲᠡᠨᠵᠢᠨ ᠠᠴᠠ ᠲᠠᠬᠢᠨ ᠲᠠᠬᠢᠨ ᠮᠦᠷᠭᠦᠭᠡᠶᠦ | ᠲᠡᠮᠪᠡᠷᠢᠯᠡᠵᠦ ᠢᠷᠡᠬᠦ ᠬᠠᠩᠰᠢ ᠬᠠᠩᠰᠢᠨ ᠳᠤ ᠰᠢᠳᠦᠨ ᠰᠢᠳᠦᠨ ᠮᠦᠷᠭᠦᠭᠡᠶᠦ | ᠬᠠᠶ᠋ᠢᠭ᠄ 赤峰市残联：毕 力 格 | ᠤᠳᠠᠰᠤ᠄ 0476 — 8822913 | ᠰᠢᠦᠳᠠᠨ᠄ 024000 | | |