---- ᠦᠢᠯᠡᠰ | | ᠬᠠᠩᠰᠢ ᠢᠷᠡᠨᠡ | ᠬᠠᠪᠤᠷ ᠲᠠᠢ ᠬᠠᠨᠢᠰᠴᠦ ᠲᠠᠯᠠ ᠳᠤ ᠢᠷᠡᠨᠡ | ᠬᠠᠷᠠᠵᠠ ᠶᠢ ᠬᠠᠩᠵᠠᠷᠠᠭᠤᠯᠵᠤ ᠬᠦᠷᠦᠰᠦᠨ ᠳᠤ ᠢᠷᠡᠨᠡ | ᠬᠤᠳᠠ ᠶᠢ ᠲᠦᠭᠦᠷᠭᠡᠵᠦ ᠠᠶᠢᠯ ᠳᠤ ᠢᠷᠡᠨᠡ | ᠬᠤᠷᠮᠣᠢ ᠶᠢ ᠲᠡᠷᠪᠡᠭᠦᠯᠵᠦ ᠬᠤᠶᠢᠮᠦᠷ ᠲᠤ ᠢᠷᠡᠨᠡ | ᠮᠦᠷᠦᠭᠡᠰᠣᠯ ᠨᠡᠮᠡᠵᠦ ᠨᠠᠮᠵᠢᠭᠤᠨ ᠰᠠᠯᠬᠢᠷᠠᠵᠤ ᠢᠷᠡᠨᠡ | ᠮᠡᠴᠢᠳ ᠶᠢ ᠤᠶᠠᠰᠬᠠᠵᠤ ᠵᠢᠷᠤᠭᠡᠨ ᠳᠤ ᠡᠷᠢᠭᠳᠡᠵᠦ ᠢᠷᠡᠨᠡ | ᠮᠦᠩᠭᠦᠨ ᠵᠢᠭᠦᠷᠳᠠᠢ ᠬᠠᠷᠢᠶᠠᠴᠠᠢ ᠶᠢ ᠳᠠᠭᠠᠭᠤᠯᠵᠤ ᠢᠷᠡᠨᠡ | ᠮᠦᠮᠦ ᠶᠢᠨ ᠬᠠᠶᠢᠷᠠᠳᠠᠢ ᠭᠠᠯᠠᠭᠤᠳ ᠶᠢ ᠳᠠᠭᠤᠯᠠᠭᠤᠯᠵᠤ ᠢᠷᠡᠨᠡ | ᠵᠡᠷᠭᠡᠯᠭᠡᠨ ᠲᠠᠲᠠᠷᠠᠵᠤ ᠴᠢᠬᠢᠭ ᠲᠦᠯᠬᠢᠭᠰᠡᠭᠡᠷ ᠢᠷᠡᠨᠡ | ᠵᠡᠭᠡᠷᠡ ᠤᠷᠤᠮᠲᠠᠨ ᠬᠡᠭᠡᠷᠡ ᠬᠦᠬᠡᠷᠡᠭᠰᠡᠭᠡᠷ ᠢᠷᠡᠨᠡ | ᠵᠡᠭᠦᠳᠦᠨ ᠲᠡᠯᠡᠬᠡᠢ ᠪᠤᠷᠤᠭᠠᠨ ᠦᠵᠡᠵᠦ ᠪᠤᠰᠴᠤ ᠢᠷᠡᠨᠡ | ᠵᠡᠭᠡᠰᠦᠨ ᠦᠨᠳᠦᠰᠦ ᠨᠠᠷᠠᠨ ᠳᠤ ᠦᠰᠴᠦ ᠴᠡᠯᠭᠡᠷᠡᠵᠦ ᠢᠷᠡᠨᠡ | ᠡᠨᠡ ᠡᠳᠦᠷ ᠡᠪᠦᠭᠡ ᠮᠢᠨᠢ ᠡᠷᠢᠭᠳᠡᠬᠦ ᠶᠤᠮ | ᠡᠨᠡ ᠡᠳᠦᠷ ᠡᠪᠦᠭᠡ ᠮᠢᠨᠢ ᠡᠷᠢᠭᠳᠡᠬᠦ ᠶᠤᠮ | ᠡᠩᠬᠡ ᠶᠢᠨ ᠴᠠᠭᠠᠨ ᠢᠨᠢᠶᠡᠳᠦ ᠨᠢ ᠡᠷᠢᠭᠳᠡᠬᠦ ᠶᠤᠮ | ᠡᠷᠡᠦ ᠪᠢᠲᠡᠭᠦᠦ ᠮᠦᠩᠭᠦᠨ ᠰᠠᠬᠠᠯ ᠢᠶᠠᠨ ᠢᠮᠡᠷᠦᠭᠰᠡᠭᠡᠷ | ᠡᠩ ᠪᠦᠳᠦᠨ ᠦᠷᠯᠦᠭᠡ ᠶᠢᠨ ᠴᠠᠢ ᠪᠠᠨ | ᠡᠷᠡᠭᠦᠯ ᠰᠠᠷᠠᠭᠤᠯ ᠠᠮᠰᠠᠳᠠᠭ ᠨᠢ ᠡᠷᠢᠭᠳᠡᠬᠦ ᠶᠤᠮ | ᠡᠷᠡᠬᠡᠢ ᠪᠠᠨ ᠭᠤᠵᠤᠶᠢᠯᠭᠠᠨ ᠬᠦᠦᠷᠨᠢᠳᠡᠭ | ᠡᠵᠡᠨ ᠲᠡᠭᠡᠳᠦ ᠲᠤᠪᠴᠢᠶᠠᠨ ᠤ ᠬᠢᠨ | ᠡᠷᠡ ᠪᠤᠰᠤᠭᠠ ᠪᠠᠭᠠᠲᠤᠷᠴᠤᠳ ᠨᠢ ᠡᠷᠢᠭᠳᠡᠬᠦ ᠶᠤᠮ | ᠡᠩᠭᠡᠷ ᠪᠠᠭᠲᠠᠮᠠ ᠦᠭᠡᠢ ᠲᠦᠯᠵᠢᠳᠡᠭ | ᠡᠷᠡᠮᠡᠭ ᠵᠤᠭᠰᠤᠭᠠ ᠠᠳᠤᠭᠤᠳ ᠨᠢ ᠡᠷᠢᠭᠳᠡᠬᠦ ᠶᠤᠮ | ᠡᠪᠦᠭᠡ ᠮᠢᠨᠢ ᠡᠯᠢᠭᠡ ᠡᠮᠲᠡᠷᠡᠲᠡᠯᠡ ᠡᠷᠢᠭᠳᠡᠬᠦ ᠶᠤᠮ | ᠡᠮᠡᠭᠡᠯ ᠤᠨ ᠬᠢᠨ ᠬᠤᠶᠠᠷ ᠪᠦᠭᠦᠷᠭᠡ ᠡᠷᠢᠭᠳᠡᠬᠦ ᠶᠤᠮ | ᠤᠯᠤᠩ ᠢᠶᠠᠨ ᠴᠢᠩᠭᠠᠷᠠᠭᠤᠯᠵᠤ ᠮᠤᠷᠳᠠᠳᠠᠭ | ᠤᠷᠤᠭ ᠬᠡᠭᠡᠷ ᠮᠤᠷᠢᠨ ᠤ ᠬᠢᠨ | ᠤᠰᠤᠨ ᠵᠢᠷᠤᠭᠠ ᠭᠦᠶᠦᠳᠡᠯ ᠨᠢ ᠡᠷᠢᠭᠳᠡᠬᠦ ᠶᠤᠮ | ᠤᠷᠭᠠ ᠪᠠᠨ ᠴᠢᠷᠴᠦ ᠮᠡᠯᠮᠡᠯᠵᠡᠳᠡᠭ | ᠤᠭᠠᠯᠵᠠᠨ ᠬᠤᠶᠠᠷ ᠲᠦᠷᠦᠭᠡᠨ ᠤ ᠬᠢᠨ | ᠤᠶᠠᠩᠭᠠᠨ ᠤᠷᠤᠭᠠ ᠬᠡᠮᠨᠡᠯ ᠨᠢ ᠡᠷᠢᠭᠳᠡᠬᠦ ᠶᠤᠮ | ᠤᠮᠤᠭ ᠰᠡᠷᠭᠦᠨ ᠠᠶᠠᠯᠠᠭᠤᠯᠳᠠᠭ ᠤᠷᠳᠦ ᠲᠠᠭᠤᠨ ᠤ ᠬᠢᠨ | ᠤᠭᠤᠷᠠᠭ ᠴᠠᠭᠠᠨ ᠡᠭᠡᠰᠢᠭ ᠨᠢ ᠡᠷᠢᠭᠳᠡᠬᠦ ᠶᠤᠮ | ᠡᠪᠦᠭᠡ ᠶᠢᠨ ᠮᠠᠨᠢ ᠡᠪᠦᠭᠡᠳ ᠡᠷᠬᠢᠨ ᠡᠷᠭᠢᠨ ᠡᠷᠢᠭᠳᠡᠬᠦ ᠶᠤᠮ | ᠡᠷᠲᠡ ᠤᠷᠢᠳᠦ ᠶᠢᠨ ᠦᠯᠢᠭᠡᠷ ᠲᠣᠮᠤᠭ ᠨᠢ | ᠡᠭᠦᠳᠡᠨ ᠳᠤ ᠪᠠᠨ ᠵᠢᠷᠤᠭᠰᠠᠨ ᠲᠤᠲ᠋ᠧᠮ ᠶᠤᠮᠰᠢᠭ | ᠡᠶᠡ ᠪᠠᠨ ᠲᠠᠭᠠᠵᠤ ᠡᠷᠢᠭᠳᠡᠬᠦ ᠶᠤᠮ | ᠡᠨᠡ ᠶᠢᠷᠳᠢᠨᠴᠦ ᠳᠤ ᠰᠠᠯᠬᠢ ᠰᠢᠭ᠋ ᠢᠰᠭᠢᠷᠴᠦ | ᠡᠴᠢᠨᠡ ᠵᠠᠭᠤᠨ ᠶᠢ ᠡᠩᠭᠦᠷᠡᠶᠢᠯᠡᠵᠤ ᠠᠪᠴᠢᠷᠠᠭᠰᠠᠨ | ᠡᠮᠵᠢᠭ ᠬᠠᠶᠢᠷᠠ ᠶᠢᠨ ᠣᠨ ᠵᠢᠯ ᠨᠢ ᠡᠷᠢᠭᠳᠡᠬᠦ ᠶᠤᠮ | ᠡᠯᠢᠭᠡᠨ ᠬᠠᠯᠠᠭᠤᠨ ᠭᠠᠵᠠᠷ ᠰᠢᠷᠦᠢ | ᠡᠷᠬᠢᠮᠰᠦᠭ ᠲᠤ ᠪᠠᠨ ᠰᠢᠯᠦᠭ ᠰᠢᠭ ᠲᠠᠩᠰᠤᠭ | ᠡᠪᠦᠭᠡ ᠶᠢᠨ ᠮᠠᠨᠢ ᠤᠯᠠᠨ ᠡᠪᠦᠭᠡ ᠨᠦᠭᠦᠳ ᠡᠷᠢᠭᠳᠡᠬᠦ ᠶᠤᠮ | | | ᠬᠠᠶ᠋ᠢᠭ᠄ 赤峰市图书馆 ︔ 伟丽嗣 | 赤峰学院环境与资源科学学院: | 金 翠 叶 ︵ ᠳᠤ ᠲᠠᠮᠵᠢᠭᠤᠯᠤᠨᠠ︶ | ᠰᠢᠦᠳᠠᠨ᠄ 024000 | ᠤᠳᠠᠰᠤ᠄ 15848999841 | | |