| | ᠠᠷᠭᠠᠳᠠᠭᠠᠳ ᠣᠶᠢᠷᠠᠲᠤᠭᠤᠯᠪᠠᠴᠤ ᠠᠬᠢᠭᠠᠳ ᠪᠠᠰᠠ ᠬᠤᠯᠠᠳᠠᠴᠢᠬᠠᠳᠠᠭ | ᠠᠶᠠᠷᠬᠠᠨ ᠲᠦᠷᠦᠭᠰᠡᠨ ᠬᠥᠮᠥᠨ ᠤ ᠦᠷᠡ ᠴᠢ ᠮᠢᠨᠤ ᠳ᠋ᠠ | ᠠᠷᠪᠠᠨ ᠲᠠᠪᠤᠨ ᠤ ᠰᠠᠷᠠ ᠰᠢᠭ᠋ ᠮᠡᠯᠲᠡᠭᠡᠷ ᠨᠢᠳᠦ ᠲᠠᠢ | ᠠᠭᠠᠰᠢ ᠵᠠᠩ ᠨᠢ ᠨᠢᠯᠬᠠᠷᠠᠭ ᠰᠡᠳᠬᠢᠯ ᠤᠨ ᠠᠷᠭᠠᠮᠵᠢᠶᠠ ᠮᠢᠨᠤ᠃ | ᠲᠠᠩᠬᠢᠰ ᠭᠡᠰᠡᠨ ᠨᠠᠰᠤ ᠮᠢᠨᠢ ᠲᠠᠪᠢ ᠶᠢᠨ ᠳᠠᠪᠠᠭᠠ ᠶᠢ ᠳᠠᠪᠠᠵᠤ | ᠲᠠᠩᠬᠢᠯ ᠭᠡᠰᠡᠨ ᠴᠢᠨᠤ ᠳᠦᠷᠢ ᠨᠢᠳᠦᠨᠡ ᠲᠣᠳᠣᠷᠠᠬᠤ ᠶᠢ ᠶᠠᠭᠠᠬᠢᠬᠤ ᠪᠣᠢ︖ | ᠲᠡᠭᠷᠢ ᠶᠢᠨ ᠴᠠᠭᠠᠨᠠ ᠠᠴᠠ ᠪᠢᠳᠡᠨ ᠬᠤᠶᠠᠷ ᠬᠤᠯᠪᠣᠭᠠ ᠲᠠᠢ ᠢᠷᠡᠭᠰᠡᠨ ᠨᠢ ᠦᠭᠡᠢ ᠦᠦ | ᠲᠠᠯᠪᠢᠵᠤ ᠪᠠᠷᠢᠬᠤ ᠶᠢᠨ ᠬᠤᠭᠤᠷᠣᠨᠳᠤ ᠪᠣᠳᠣᠭᠳᠠᠭᠠᠳ ᠪᠠᠶᠢᠬᠤ ᠴᠢᠨᠢ ᠶᠠᠭᠤ ᠪᠣᠢ᠃ | ᠤᠶᠠᠨ ᠵᠦᠭᠡᠯᠡᠨ ᠠᠭᠠᠰᠢᠨ ᠳᠤ ᠴᠢᠨᠢ ᠤᠰᠤᠨ ᠤ ᠯᠢᠶᠠᠩᠬᠤᠸᠠ ᠭᠤᠩᠬᠠᠯᠵᠠᠮᠠ | ᠤᠷᠲᠤ ᠴᠠᠭ ᠤᠨ ᠶᠠᠳᠠᠷᠠᠭᠠ ᠶᠢ ᠳᠠᠪᠠᠵᠤ ᠨᠢᠭᠤᠷ ᠲᠤ ᠴᠢᠨᠢ ᠦᠷᠴᠢᠯᠡᠭᠡ ᠰᠠᠭᠤᠵᠠᠢ | ᠠᠭᠤᠯᠵᠠᠵᠤ ᠨᠢᠭᠡ ᠶᠠᠷᠢᠯᠴᠠᠵᠤ ᠰᠡᠳᠬᠢᠯ ᠤᠨ ᠶᠠᠳᠠᠷᠠᠭᠠ ᠪᠠᠨ ᠵᠢᠷᠭᠠᠭᠠᠬᠤ ᠶᠤᠮᠰᠠᠨ | ᠤᠷᠢᠳᠤ ᠶᠢᠨ ᠵᠠᠯᠠᠭᠤ ᠨᠠᠰᠤ ᠪᠠᠨ ᠴᠡᠭᠡᠵᠢᠯᠡᠵᠦ ᠪᠠᠶᠢᠳᠠᠭ ᠦᠦ᠂ ᠦᠭᠡᠢ ᠦᠦ᠃ | ᠲᠠᠪᠤᠨ ᠤᠲᠠᠰᠤᠨ ᠤ ᠴᠢᠪᠬᠠᠳᠠᠯ ᠳᠤ ᠲᠠᠯᠠ ᠶᠢᠨ ᠬᠤᠨ ᠳᠣᠩᠭᠤᠳᠤᠨᠠ | ᠲᠠᠨᠠ ᠰᠣᠪᠤᠳ ᠤᠨ ᠬᠡᠮᠬᠡᠳᠡᠭ ᠬᠠᠰ ᠤᠨ ᠳᠠᠪᠰᠢ ᠳᠤ ᠦᠰᠦᠷᠬᠡᠶᠢᠯᠡᠨᠡ | ᠲᠠᠯᠪᠢᠭᠤᠷᠠᠵᠤ ᠪᠡᠶᠡ ᠮᠢᠨᠦ ᠠᠮᠢᠰᠬᠤᠳᠠᠭ ᠲᠡᠷᠡ ᠯᠠ ᠨᠢᠭᠡᠨ ᠬᠤᠩᠭᠤᠷᠠᠢ | ᠲᠠᠨ ᠤ ᠰᠠᠶᠢᠬᠠᠨ ᠪᠡᠶᠡ ᠶᠢ ᠬᠠᠷᠠᠵᠤ ᠦᠵᠡᠭᠡᠳ ᠯᠠ ᠠᠭᠤᠵᠢᠷᠠᠨᠠ | ᠦᠩᠭᠡᠷᠡᠬᠦ ᠨᠢᠭᠡᠨ ᠴᠠᠭ ᠲᠤ ᠴᠢᠨᠤ ᠮᠢᠨᠣ ᠢᠯᠭᠠᠷᠠᠬᠤ ᠦᠭᠡᠢ | ᠦᠭᠰᠦᠨ ᠤᠷᠤᠭᠤᠳᠠᠭᠰᠠᠨ ᠲᠠᠪᠢᠯᠠᠩ ᠶᠢ ᠳ᠋ᠧᠪᠡᠵᠠᠨ ᠤ ᠡᠯᠴᠢ ᠯᠠ ᠰᠢᠯᠭᠠᠨᠠ | ᠦᠪᠡᠷ ᠤᠨ ᠲᠡᠷᠡ ᠠᠮᠠᠷᠠᠭ ᠮᠢᠨᠢ ᠤᠬᠢᠯᠠᠵᠤ ᠯᠠ ᠬᠤᠴᠤᠷᠠᠬᠤ ᠪᠣᠯᠪᠠ ᠦᠦ | ᠣᠲᠤᠭᠠᠲᠤ ᠣᠷᠴᠢᠯᠠᠩ ᠤᠨ ᠴᠡᠭᠡᠯ ᠠᠴᠠ ᠪᠠᠷᠠᠯᠠᠵᠤ ᠰᠠᠭᠤᠬᠤ ᠪᠣᠯᠪᠠ ᠦᠦ᠃ | ᠬᠠᠭᠤᠴᠢᠨ ᠵᠢᠯ ᠤᠨ ᠲᠣᠭᠤᠰᠣ ᠪᠠᠨ ᠭᠦᠪᠢᠭᠡᠳ ᠬᠦᠮᠦᠨ ᠪᠦᠬᠦᠨ ᠶᠠᠭᠠᠷᠠᠨᠠ | ᠬᠤᠷᠤᠭᠠ ᠬᠠᠰᠢᠶᠠ ᠪᠠᠨ ᠴᠡᠪᠡᠷᠯᠡᠭᠡᠳ ᠶᠠᠭᠠᠬᠢᠵᠣ ᠪᠠᠶᠢᠳᠠᠭ ᠪᠣᠯ᠂ ᠴᠢ ᠮᠢᠨᠢ | ᠬᠤᠭᠤᠯᠠ ᠤᠮᠳᠠ ᠪᠠᠵᠠᠭᠠᠬᠤ ᠭᠡᠵᠦ ᠡᠳᠦᠷ ᠢᠶᠠᠨ ᠪᠠᠷᠠᠵᠤ ᠪᠠᠶᠢᠳᠠᠭ ᠦᠦ | ᠬᠡᠦᠬᠡᠳ ᠱᠤᠤᠬᠠᠳ ᠤᠨ ᠳᠦᠷᠭᠢᠶᠡᠨ ᠳᠤ ᠬᠥᠯ ᠤᠨ ᠠᠯᠬᠤᠭᠠ ᠴᠤ ᠬᠦᠩᠭᠡᠷᠡᠨᠡ | ᠪᠠᠷᠠᠭᠤᠨ ᠵᠦᠭ ᠤᠨ ᠨᠠᠷᠠ᠂ ᠵᠡᠭᠦᠨ ᠵᠦᠭ ᠤᠨ ᠰᠠᠯᠬᠢ | ᠪᠠᠷᠠᠯᠠᠭᠠᠳ ᠬᠦᠯᠢᠶᠡᠬᠦ ᠨᠦᠬᠦᠷ ᠨᠢ ᠦᠳᠡ ᠦᠩᠭᠡᠷᠡᠲᠡᠯᠡ ᠬᠦᠯᠢᠶᠡᠯᠭᠡᠨᠡ | ᠪᠠᠭ᠋ᠠᠷᠤᠮᠠ ᠰᠠᠶᠢᠬᠠᠨ ᠨᠠᠰᠤᠨ ᠳᠤ ᠬᠡᠴᠦᠨᠡᠨ ᠴᠤ ᠬᠦᠯᠢᠶᠡᠵᠦ ᠪᠠᠶᠢᠪᠠ ᠳ᠋ᠠ | ᠪᠠᠯᠴᠢᠷᠬᠠᠨ ᠨᠠᠰᠤ ᠪᠠᠨ ᠪᠣᠳᠣᠬᠤ ᠳᠤ ᠨᠢᠳᠦᠨ ᠳᠤ ᠨᠢᠯᠪᠤᠰᠤ ᠬᠤᠷᠠᠨᠠ᠃ | |