ᠫ᠊ · ᠣᠶᠦᠨᠪᠢᠯᠢᠭ | | | ᠬᠤᠶᠠᠳᠠᠬᠢ ᠤᠳᠠᠭᠠ ᠮᠠᠴᠠᠭ ᠪᠠᠷᠢᠬᠰᠠᠨ ᠲᠡᠷᠡ ᠦᠶᠡ ᠳᠤ ᠯᠡ ᠪᠠᠶᠢᠬᠰᠠᠨ ᠶᠤᠮ ᠳ᠋ᠠ᠃ ᠪᠢᠯᠢᠭ ᠤᠨ ᠤᠯᠠᠷᠢᠯ | ᠤᠨ ᠰᠢᠨᠡ ᠶᠢᠨ ᠨᠢᠬᠡᠨ ᠂ ᠠᠷᠪᠠᠨ ᠲᠠᠪᠤᠨ ᠪᠤᠶᠤ ᠪᠦᠳᠦᠨ ᠰᠠᠶᠢᠨ ᠡᠳᠦᠷ ᠲᠤ ᠲᠤᠬᠢᠶᠠᠯᠳᠤᠭᠤᠯᠬᠤ ᠬᠤᠷᠢᠨ | ᠲᠦᠷᠪᠡᠨ ᠴᠠᠭ ᠤᠨ ᠵᠢᠩᠬᠢᠨᠢ ᠤᠳᠬᠠ ᠶᠢᠨ ᠤᠰᠤᠨ ᠮᠠᠴᠠᠭ᠃ ᠦᠷᠯᠦᠬᠡ ᠨᠢᠬᠡ ᠠᠶᠠᠭᠠ ᠵᠦᠬᠡᠬᠡᠢ ᠲᠠᠢ | ᠬᠤᠳᠬᠤᠬᠰᠠᠨ ᠬᠠᠭᠤᠷᠠᠢ ᠪᠤᠳᠠᠭᠠ ᠢᠳᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠪᠦᠳᠦᠨ ᠬᠤᠷᠢᠨ ᠲᠦᠷᠪᠡᠨ ᠴᠠᠭ ᠬᠡᠯᠡ ᠲᠡᠭᠡᠷᠡ | ᠪᠠᠨ ᠶᠠᠭᠤᠮᠠ ᠲᠠᠯᠪᠢᠬᠰᠠᠨ ᠦᠬᠡᠢ᠂ ᠵᠦᠭᠡᠷ ᠯᠡ ᠪᠠᠯ ᠢᠶᠠᠷ ᠠᠮᠳᠠᠯᠠᠬᠰᠠᠨ ᠡᠷᠦᠳᠡᠰᠦ ᠲᠠᠢ ᠤᠰᠤ ᠤᠤᠭᠤᠭᠠᠳ | ᠨᠤᠮ ᠤᠩᠰᠢᠨ ᠪᠢᠰᠢᠯᠭᠠᠯ ᠳᠤ ᠰᠠᠭᠤᠯᠠ᠃ | ᠲᠤᠩᠭᠠᠯᠠᠭ ᠲᠤᠬᠳᠠᠭᠤᠬᠠᠨ ᠭᠦᠨ ᠨᠠᠮᠤᠷ ᠤᠨ ᠡᠳᠦᠷ᠂ ᠡᠳᠦᠷᠵᠢᠨ ᠢᠶᠠᠨ ᠰᠤᠷᠬᠠᠬᠳᠠᠨᠢ ᠪᠠᠬᠢ ᠬᠠᠳᠤᠨ ᠲᠠᠢ | ᠶᠠᠷᠢᠯᠴᠠᠵᠤ᠂ ᠪᠤᠰᠤᠭᠠ ᠦᠰᠦᠭ ᠲᠤ ᠠᠮᠢᠯᠠᠬᠰᠠᠨ ᠠᠤᠭᠠ ᠲᠡᠷᠡ ᠬᠠᠳᠤᠨ ᠢ ᠵᠢᠷᠦᠬᠡ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠲᠠᠨᠢᠵᠤ | ᠡᠬᠢᠯᠡᠬᠦ ᠳᠤ᠂ ᠬᠠᠭᠠᠰ ᠡᠳᠦᠷ ᠤᠨ ᠬᠤᠭᠤᠷᠤᠨᠳᠦ ᠭᠡᠳᠦ ᠴᠦ ᠤᠳᠠᠭᠠ ᠨᠢᠯᠪᠤᠰᠦ ᠠᠰᠬᠠᠷᠠᠭᠤᠯᠤᠨ ᠤᠶᠠᠷᠠᠨ | ᠲᠤᠬᠳᠤᠯᠵᠠᠢ᠃ ᠦᠳᠡ ᠶᠢᠨ ᠬᠤᠭᠤᠯᠠᠨ ᠤ ᠦᠶᠡ ᠪᠠᠷ ᠪᠠᠭ᠋ᠠᠨ ᠦᠯᠦᠰᠬᠦ ᠮᠠᠶ᠋ᠢᠬᠳᠠᠢ ᠪᠤᠯᠤᠬᠰᠠᠨ ᠴᠦ ᠤᠶᠤᠨ | ᠰᠠᠨᠠᠭᠠ ᠪᠠᠷ ᠢᠶᠠᠨ ᠦᠪᠡᠷ ᠢ ᠪᠠᠨ ᠴᠡᠭᠴᠡᠯᠡᠨ ᠰᠤᠨᠢᠷᠬᠠᠯᠳᠠᠢ ᠨᠤᠮ ᠢᠶᠠᠨ ᠤᠩᠰᠢᠬᠰᠠᠭᠠᠷ ᠬᠤᠭᠤᠯᠠᠨ ᠤ ᠴᠠᠭ ᠢ | ᠦᠩᠭᠡᠷᠡᠭᠦᠯᠪᠡ᠃ ᠤᠷᠤᠢ ᠨᠢ ᠮᠦᠨ ᠴᠦ ᠪᠡᠶᠡ ᠪᠠᠨ ᠴᠢᠩᠭᠠ ᠪᠠᠷᠢᠭᠠᠳ ᠬᠤᠭᠤᠯᠠ ᠢᠳᠡᠭᠰᠡᠨ ᠦᠬᠡᠢ᠃ ᠪᠦᠳᠦᠨ | ᠡᠳᠦᠷ ᠤᠨ ᠲᠤᠷᠰᠢᠳᠠ ᠪᠠᠷᠤᠭ ᠠᠷᠪᠠᠭᠠᠳ ᠵᠢᠩ ᠤᠰᠤ ᠤᠭᠤᠬᠰᠠᠨ ᠪᠤᠯᠤᠯᠳᠠᠢ᠃ | ᠤᠨᠳᠠᠬᠤ ᠠᠴᠠ ᠡᠮᠦᠨᠡ ᠮᠤᠩᠭᠤᠯ ᠤᠯᠤᠰ ᠤᠨ ᠪᠦᠰᠡᠭᠦᠢ ᠤᠷᠠᠨ ᠪᠦᠳᠦᠭᠡᠯᠴᠢ ᠪᠢᠮᠪᠠ ᠶᠢᠨ ᠰᠠᠷᠠᠨᠳᠤᠶᠠᠭᠠ ᠶᠢᠨ | ᠲᠤᠭᠤᠷᠪᠢᠬᠰᠠᠨ ︽ᠰᠤᠷᠬᠠᠨᠳᠠᠨᠢ ᠪᠠᠬᠢ ᠬᠠᠳᠤᠨ︾ ᠭᠡᠭᠦ ᠡᠨᠡ ᠭᠦ ᠷᠤᠮᠠᠨ ᠢ ᠤᠩᠰᠢᠵᠤ ᠲᠠᠭᠤᠰᠬᠠᠪᠠ᠃ ᠬᠤᠷᠢ | ᠭᠠᠷᠤᠢ ᠬᠤᠨᠤᠭ ᠤᠨ ᠲᠤᠷᠰᠢᠳᠠ ᠨᠠᠷᠢᠯᠢᠭ ᠴᠦ ᠤᠩᠰᠢᠵᠤ ᠰᠢᠮᠡᠳᠡᠢ ᠰᠢᠩᠭᠡᠭᠡᠭᠡᠰᠡᠨ ᠡᠨᠡ ᠭᠦ ᠲᠡᠤᠭᠡᠨ ᠷᠤᠮᠠᠨ ᠪᠤᠯ | ᠮᠢᠨᠦ ᠦᠪᠡᠷ ᠤᠨ ᠬᠤᠪᠢ ᠳᠤ ᠤᠩᠰᠢᠵᠤ ᠰᠤᠨᠢᠷᠬᠠᠬᠰᠠᠨ ᠬᠠᠮᠤᠭ ᠤᠨ ᠰᠤᠨᠢᠷᠬᠠᠯᠳᠠᠢ ᠮᠦᠷᠳᠡᠭᠡᠨ ᠬᠠᠮᠤᠭ ᠤᠨ | ᠤᠳᠬᠠ ᠠᠭᠤᠯᠭᠠ ᠲᠠᠢ ᠨᠤᠮ ᠤᠨ ᠨᠢᠬᠡᠨ ᠪᠠᠶᠢᠪᠠ᠃ | ᠤᠯᠠᠨ ᠦᠶᠡ ᠶᠢᠨ ᠤᠬᠠᠭᠠᠨᠳᠦ ᠪᠦᠰᠡᠭᠦᠶᠢᠴᠤᠳ ᠤᠨ ᠭᠠᠶᠢᠬᠠᠮᠰᠢᠭ ᠢ ᠰᠢᠩᠭᠡᠭᠡᠭᠰᠡᠨ ᠡᠨᠡ ᠦᠨᠡᠳᠦ ᠨᠤᠮ ᠳᠤ᠂ | ᠮᠤᠩᠭᠤᠯ ᠤᠨ ᠲᠦᠷᠪᠡᠨ ᠬᠠᠭᠠᠨ ᠢ ᠭᠦᠮᠦᠵᠢᠭᠦᠯᠦᠭᠰᠡᠨ ᠠᠭᠤᠤ ᠡᠭᠡ ᠰᠤᠷᠬᠠᠬᠳᠠᠨᠢ ᠪᠠᠬᠢ ᠬᠠᠳᠤᠨ ᠤ ᠨᠢᠬᠡ ᠨᠠᠰᠤᠨ | ᠤ ᠦᠢᠯᠡ ᠶᠠᠪᠤᠳᠠᠯ ᠢ ᠤᠷᠠᠯᠠᠨ ᠪᠢᠴᠢᠵᠠᠢ᠃ ᠨᠢᠬᠡ ᠡᠮᠡᠭᠳᠡᠢ ᠭᠦᠮᠦᠨ᠂ ᠨᠢᠬᠡ ᠡᠭᠡ ᠭᠦᠮᠦᠨ ᠡᠨᠡ ᠬᠤᠷᠸᠠ ᠳᠤ | ᠢᠷᠡᠭᠰᠡᠨ ᠤ ᠵᠢᠩᠬᠢᠨᠢ ᠤᠳᠬᠠ ᠤᠴᠢᠷ ᠢ ᠦᠬᠦᠯᠡᠭᠰᠡᠨ ᠲᠤᠰ ᠷᠤᠮᠠᠨ ᠳᠤ ᠮᠤᠩᠭᠤᠯ ᠪᠦᠰᠡᠭᠦᠶᠢᠴᠤᠳ ᠤᠨ ᠬᠠᠳᠤᠨ | ᠤᠬᠠᠭᠠᠨ ᠤ ᠦᠨᠡᠳᠦ ᠲᠠᠯᠠᠰ ᠪᠦᠭᠦᠨ ᠭᠤᠶᠢᠳᠠ ᠰᠢᠩᠭᠡᠭᠡᠰᠦᠳᠡᠢ ᠪᠢᠯᠡ᠃ ᠬᠤᠵᠢᠮ ᠠᠯᠢ ᠨᠢᠬᠡᠨ ᠪᠤᠯᠤᠮᠵᠢᠳᠠᠢ ᠴᠠᠭ | ᠲᠤ ᠲᠠᠭᠢᠭᠠᠳ ᠤᠩᠰᠢᠬᠤ ᠰᠠᠨ ᠭᠡᠵᠦ ᠪᠤᠳᠤᠬᠰᠠᠭᠠᠷ ᠤᠨᠳᠠᠵᠤ ᠤᠷᠬᠢᠯᠠ᠃ ᠲᠠᠷᠠᠭᠠ ᠦᠷᠯᠦᠬᠡ ᠨᠢ ᠮᠠᠰᠢ | ᠡᠷᠳᠡᠯᠡᠨ ᠪᠤᠰᠤᠭᠠᠳ ᠬᠡᠷ ᠲᠡᠷᠭᠡ ᠪᠠᠨ ᠰᠢᠷᠭᠡᠭ ᠲᠤᠭᠤᠰᠦ ᠴᠦ ᠦᠯᠡᠳᠡᠭᠡᠯ ᠦᠬᠡᠢ ᠠᠷᠴᠢᠵᠦ ᠴᠡᠪᠡᠷᠯᠡᠭᠰᠡᠨ ᠴᠦ | ᠶᠠᠳᠠᠷᠠᠵᠤ ᠵᠦᠳᠡᠷᠡᠬᠦ ᠦᠬᠡᠢ ᠮᠦᠷᠳᠡᠭᠡᠨ ᠨᠡᠩ ᠴᠦ ᠰᠦᠯᠳᠡ ᠲᠠᠮᠢᠷ ᠭᠦᠢᠴᠡᠳ ᠪᠤᠯᠤᠭᠠ ᠶᠤᠮ ᠰᠢᠭ᠋᠃ | ᠲᠠᠭᠤᠯᠠᠭᠠᠳ ᠯᠡ ᠰᠠᠭᠤᠮᠠᠷ᠂ ᠪᠠᠰᠠ ᠴᠦ ᠲᠤᠬᠳᠤᠯᠤᠨ ᠤᠬᠢᠯᠠᠮᠠᠷ ᠪᠤᠯᠵᠤ ᠤᠷᠢᠳᠦ ᠰᠦᠨᠢ ᠶᠢᠨ ᠤᠴᠢᠷᠳᠠᠢ | ᠰᠠᠶᠢᠬᠠᠨ ᠵᠡᠬᠦᠳᠦ ᠠᠬᠢᠨ ᠲᠠᠬᠢᠨ ᠪᠤᠳᠤᠬᠳᠠᠵᠤ ᠪᠢᠯᠡ᠃ | ᠦᠤᠷ ᠴᠠᠶᠢᠬᠤ ᠠᠴᠠ ᠡᠮᠦᠨᠡᠭᠡᠨ᠂ ᠤᠩᠭᠤᠳ ᠵᠠᠷᠯᠠᠭᠠᠳ ᠪᠠᠭᠤᠯᠠ︕ | ᠁ ᠦᠯᠦ ᠬᠠᠷᠠᠬᠳᠠᠬᠤ ᠪᠦᠳᠡᠬᠢ ᠪᠠᠳᠠᠬᠢ ᠤᠷᠤᠰᠢᠬᠤᠢ ᠶᠢᠨ ᠲᠤᠮᠳᠠ ᠠᠴᠠ ᠨᠢᠬᠡᠨ ᠵᠢᠷᠤᠭ ᠤᠯᠠᠮ ᠠᠴᠠ | ᠤᠯᠠᠮ ᠲᠤᠳᠤᠷᠠᠨ ᠢᠯᠡᠷᠡᠨᠡ᠃ ᠨᠡᠭᠦᠳᠡᠯ ᠤᠨ ᠭᠦᠰᠭᠡ ᠶᠢᠨ ᠵᠢᠭᠳᠡᠷᠡᠨ ᠤᠶᠠᠩᠭᠠᠷᠠᠬᠤ ᠲᠤᠤᠨᠢᠯ ᠤᠨ ᠲᠤᠮᠳᠠ | ᠠᠪᠤᠷᠭᠤ ᠲᠤᠮᠤ ᠭᠠᠨᠳᠢᠭ ᠴᠢᠯᠠᠭᠤᠨ ᠰᠡᠶᠢᠯᠦᠮᠡᠯᠳᠦ ᠡᠮᠡᠭᠡ ᠶᠢᠨ ᠮᠢᠨᠢ ᠱᠤᠭᠤᠮᠠᠯ ᠭᠦᠷᠦᠭ᠂ ᠡᠭᠡᠭᠡ ᠯᠡ ᠠᠭᠤᠯᠠ | ᠬᠠᠶᠢᠷᠬᠠᠨ ᠮᠡᠳᠦ ᠠᠤᠭᠠ ᠰᠦᠷᠯᠢᠭ ᠬᠠᠷᠠᠬᠳᠠᠨᠠ᠃ ᠭᠦᠷᠦᠭ ᠤᠨ ᠲᠡᠷᠡ ᠪᠦᠰᠡᠭᠦᠢ ᠲᠡᠶᠢᠮᠦ ᠯᠡ ᠠᠮᠤᠭᠤᠯᠠᠩᠬᠠᠨ᠂ | ᠲᠡᠶᠢᠮᠦ ᠯᠡ ᠨᠢᠭᠤᠴᠠᠬᠠᠨ᠂ ᠪᠠᠰᠠ ᠲᠡᠶᠢᠮᠦ ᠯᠡ ᠭᠤᠶᠤᠮᠰᠤᠭ ᠠᠵᠢ︕ ᠪᠤᠷᠬᠠᠨ ᠰᠠᠭᠤᠳᠠᠯᠳᠦ ᠲᠡᠷᠡ ᠭᠦᠷᠦᠭ ᠤᠨ | ᠴᠡᠭᠡᠵᠢᠨ ᠪᠡᠶᠡ ᠳᠠᠬᠢ ᠢᠬᠢᠷᠡ ᠲᠤᠪᠤ ᠮᠡᠳᠦ ᠡᠭᠴᠡ ᠪᠤᠰᠤᠭᠠ ᠬᠤᠶᠠᠷ ᠭᠦᠭᠦ ᠨᠢ ᠶᠠᠭᠠᠬᠢᠬᠰᠠᠨ ᠲᠠᠩᠰᠤᠭ ᠰᠠᠶᠢᠬᠠᠨ | ᠪᠤᠢ᠂ ᠲᠡᠷᠡ ᠭᠦᠭᠦᠨ ᠠᠴᠠ ᠴᠠᠭᠠᠨ ᠰᠦ ᠲᠠᠰᠤᠷᠠᠯ ᠦᠬᠡᠢ ᠰᠠᠳᠠᠭᠠᠨᠠᠨ ᠢᠪᠢᠯᠦᠨᠡ᠃ ᠲᠤᠪᠤᠭᠤᠷ ᠬᠤᠶᠠᠷ ᠭᠦᠭᠦ | ᠶᠢᠨ ᠲᠤᠮᠳᠠ ᠪᠢ ᠲᠡᠶᠢᠮᠦ ᠯᠡ ᠨᠢᠬᠡᠨ ᠦᠪ ᠦᠴᠦᠬᠡᠨ᠂ ᠵᠢᠪ ᠵᠢᠭᠠᠬᠠᠨ ᠠᠮᠢᠳᠠᠨ ᠪᠠᠶᠢᠪᠠ᠃ ᠬᠢᠮᠤᠰᠤᠨ ᠲᠤᠯᠢᠨ ᠤ | ᠬᠢᠷᠢ᠂ ᠡᠰᠡᠬᠦᠯᠡ ᠨᠢᠬᠡᠨ ᠲᠤᠰᠤᠯ ᠤᠰᠤ ᠪᠤᠶᠤ ᠤᠰᠤᠨ ᠤ ᠮᠤᠯᠧᠺᠦ᠋ᠯ ᠰᠢᠭ᠋ ᠲᠡᠶᠢᠮᠦ ᠵᠢᠪ ᠵᠢᠵᠢᠭᠭᠡᠨ᠂ ᠠᠯᠢ | ᠡᠰᠡᠭᠦᠯᠡ ᠨᠢᠬᠡᠨ ᠦᠯᠦ ᠦᠵᠡᠭᠳᠡᠭᠰᠢ ᠤᠷᠤᠰᠢᠬᠤᠢ ᠮᠡᠳᠦ ᠪᠢ᠂ ᠡᠮᠡᠭᠡ ᠶᠢᠨ ᠢᠶᠠᠨ ᠭᠦᠭᠦᠨ ᠠᠴᠠ ᠢᠪᠢᠯᠦᠨ | ᠤᠷᠤᠰᠬᠤ ᠠᠷᠢᠭᠤᠨ ᠴᠠᠭᠠᠨ ᠰᠦ ᠶᠢ ᠠᠮᠳᠠᠷᠬᠠᠨ ᠠᠮᠳᠠᠷᠬᠠᠨ ᠭᠦᠭᠦᠨᠡ᠃ ᠦᠵᠡᠵᠦ ᠬᠠᠷᠠᠬᠤ ᠶᠢᠨ ᠠᠮᠵᠢᠯ ᠦᠬᠡᠢ | ᠡᠮᠡᠭᠡ ᠶᠢᠨ ᠭᠦᠭᠦᠨ ᠰᠦ ᠤᠷᠤᠰᠤᠨ ᠤᠷᠤᠰᠤᠬᠰᠠᠭᠠᠷ ᠴᠠᠪ ᠴᠠᠭᠠᠨ ᠰᠦᠨ ᠭᠤᠤᠯ ᠪᠤᠯᠤᠨ ᠦᠶᠡᠷᠯᠡᠵᠦ᠂ ᠰᠦᠨ | ᠭᠤᠤᠯ ᠤᠨ ᠬᠤᠶᠠᠷ ᠬᠠᠵᠠᠭᠤ ᠪᠠᠷ ᠬᠢ ᠡᠪᠡᠰᠦ ᠨᠤᠭᠤᠭᠠ ᠲᠠᠰᠤᠷᠠᠯ ᠦᠬᠡᠢ ᠭᠦᠪᠦᠷᠡᠨ ᠲᠦᠯᠵᠢᠵᠦ᠂ ᠲᠡᠷᠡ ᠭᠤᠤᠯ | ᠬᠢᠵᠠᠭᠠᠷ ᠦᠬᠡᠢ ᠨᠡᠯᠦᠬᠡᠷ ᠶᠡᠭᠡ ᠰᠦᠨ ᠲᠠᠯᠠᠢ ᠤᠷᠤᠭᠤ ᠰᠦᠷ ᠭᠦᠴᠦᠳᠦ ᠴᠢᠳᠬᠤᠯᠠᠩ ᠪᠤᠯᠤᠨ ᠤᠷᠤᠰᠤᠨᠠ ᠁ | ᠡᠮᠡᠭᠡ ᠮᠢᠨᠢ ᠠᠮᠤᠷᠯᠢᠩᠭᠤᠢ ᠲᠠᠶᠢᠪᠤᠭᠤᠨ ᠢᠶᠠᠷ ᠲᠡᠨᠳᠡ ᠪᠠᠨ ᠨᠠᠯᠠᠶᠢᠨ ᠭᠡᠪᠳᠡᠭᠡᠳ ᠶᠠᠭᠤ ᠴᠦ ᠦᠯᠦ ᠦᠭᠦᠯᠡᠨᠡ᠃ | ᠡᠬᠡᠬᠡ ᠯᠡ ᠭᠠᠵᠠᠷ ᠡᠬᠡ ᠮᠡᠳᠦ ᠨᠠᠮ ᠭᠦᠮᠬᠡᠨ ᠁ | ᠰᠡᠷᠡᠪᠡ᠃ | ᠲᠤᠯᠢ ᠡᠰᠡᠷᠬᠦᠯᠡᠨ ᠦᠰᠦ ᠵᠢᠰᠦ ᠪᠠᠨ ᠤᠬᠢᠶᠠᠨ ᠴᠢᠮᠡᠵᠦ ᠪᠠᠶᠢᠳᠠᠯᠠ ︽ᠪᠢ ᠬᠠᠳᠤᠨ ᠰᠦᠨᠡᠰᠦ︾ ᠭᠡᠵᠦ ᠰᠡᠷ | ᠬᠢᠳᠡᠯᠡ ᠤᠩᠭᠤᠳ ᠪᠠᠭᠤᠨ᠂ ︽ᠲᠡᠭᠷᠢ ᠡᠰᠢ ᠲᠠᠢ ᠲᠤᠷᠭᠠᠨ ᠬᠡᠪᠡᠯᠢ ᠳᠤ ᠮᠢᠨᠢ ᠨᠠᠷᠠᠨ ᠰᠠᠷᠠᠨ ᠰᠢᠩᠬᠡᠵᠦ᠂ ᠲᠡᠮᠦᠷ | ᠭᠦᠢᠰᠦᠳᠦ ᠲᠠᠰᠤᠷᠬᠠᠢ ᠪᠠᠭᠠᠳᠤᠷᠴᠤᠳ ᠲᠦᠷᠦᠯ ᠠᠷᠠᠯᠵᠢᠨ ᠮᠡᠨᠳᠦᠯᠡᠪᠡ ᠁︾ ᠬᠡᠮᠡᠭᠦ ᠬᠤᠶᠠᠷ ᠮᠦᠷᠳᠦ | ᠲᠠᠷᠢᠬᠢᠨ ᠳᠤ ᠬᠢᠯᠠᠰᠬᠢᠨ ᠪᠠᠭᠤᠵᠤ᠂ ᠲᠠᠷᠠᠭᠠ ᠲᠠᠷᠠᠭᠠᠯᠠᠨ ᠵᠤᠬᠰᠤᠭᠠ ᠵᠢᠯᠤᠭᠤ ᠦᠬᠡᠢ ᠤᠯᠠᠨ ᠮᠦᠷ ᠪᠠᠳᠠᠭ ᠤᠳ | ᠪᠤᠯᠠᠭ ᠤᠨ ᠤᠰᠤᠨ ᠮᠡᠳᠦ ᠬᠤᠷᠢᠬᠯᠠᠬᠳᠠᠰᠢ ᠦᠬᠡᠢ ᠪᠠᠷ ᠤᠷᠬᠢᠯᠤᠨ ᠤᠨᠳᠤᠷᠪᠠ᠃ ᠪᠢ ᠶᠠᠭᠠᠷᠠᠨ ᠪᠢᠷ ᠴᠠᠭᠠᠰᠦ | ᠨᠡᠶᠢᠯᠡᠭᠦᠯᠦᠨ ᠲᠡᠳᠡᠭᠡᠷ ᠡᠬᠢ ᠵᠠᠬᠠ ᠨᠢ ᠤᠯᠳᠠᠬᠳᠠᠬᠤ ᠦᠬᠡᠢ ᠤᠯᠠᠨ ᠮᠦᠷ ᠪᠠᠳᠠᠭ ᠢ ᠠᠯᠢ ᠪᠤᠯᠤᠮᠵᠢᠳᠠᠢ ᠪᠠᠷ ᠨᠢ | ᠴᠢᠳᠠᠨ ᠶᠠᠳᠠᠨ ᠪᠠᠭᠤᠯᠭᠠᠬᠰᠠᠭᠠᠷ᠂ ᠬᠠᠭᠠᠰ ᠡᠳᠦᠷ ᠲᠤ ᠨᠡᠶᠢᠳᠡ ᠲᠤᠯᠤᠭᠠᠨ ᠪᠠᠳᠠᠭ ︽ᠬᠠᠳᠤᠨ ᠰᠢᠯᠦᠭ︾ | ᠤᠷᠭᠤᠭᠤᠯᠪᠠ᠃ ᠰᠤᠨᠢᠨ ᠶᠤᠮ ᠳ᠋ᠠ᠂ ᠶᠠᠭᠤᠨ ᠤ ᠤᠴᠢᠷ ᠠᠴᠠ ᠡᠳᠡᠭᠡᠷ ᠬᠠᠳᠤᠨ ᠲᠡᠭᠡᠳᠦ ᠡᠭᠡᠴᠤᠤᠯ ᠪᠦᠷ | ᠲᠤᠯᠤᠭᠠᠨ ᠮᠦᠷ ᠢᠶᠠᠷ ᠱᠠᠳᠯᠠᠨ ᠡᠩᠨᠡᠷᠡᠭᠦ ᠶᠤᠮ︖ ᠡᠨᠡ ᠭᠦ ᠱᠠᠳ ᠮᠦᠷ ᠢ ᠪᠢ ᠦᠭᠡᠷᠡᠴᠢᠯᠡᠵᠦ ᠡᠰᠡ ᠴᠢᠳᠠᠨᠠᠮ᠃ | ᠦᠳᠡ ᠶᠢᠨ ᠬᠤᠶᠢᠨᠠ ᠨᠢ ᠪᠠᠰᠠ ᠲᠤᠯᠤᠭᠠᠨ ᠪᠠᠳᠠᠭ ︽ᠬᠠᠳᠤᠨ ᠰᠢᠯᠦᠭ︾ ᠨᠡᠮᠡᠭᠳᠡᠯᠡ᠃ | ᠲᠡᠭᠦᠨ ᠤ ᠲᠠᠷᠠᠭᠠᠴᠢ ᠶᠢᠨ ᠡᠳᠦᠷ ᠤᠳ ᠲᠤ ︽ᠬᠠᠳᠤᠨ ᠰᠢᠯᠦᠭ︾ ᠲᠦᠷᠦᠨ ᠲᠦᠷᠦᠵᠦ ᠠᠮᠢᠯᠠᠨ ᠠᠮᠢᠯᠠᠬᠰᠠᠭᠠᠷ | ᠪᠠᠶᠢᠪᠠ᠃ ᠮᠠᠨ ᠤ ᠮᠤᠩᠭᠤᠯ ᠤᠨ ᠬᠠᠭᠠᠳ ᠭᠤᠴᠢᠨ ᠲᠤᠯᠤᠭᠠᠨ ᠦᠶᠡ ᠲᠦᠷᠦ ᠪᠠᠷᠢᠬᠰᠠᠨ ᠶᠤᠮ᠂ ᠪᠢ ᠭᠤᠴᠢᠨ | ᠲᠤᠯᠤᠭᠠᠨ ᠬᠠᠳᠤᠨ ᠢ ᠠᠮᠢᠯᠠᠭᠤᠯᠪᠠᠯ ᠪᠤᠯᠴᠢᠬᠠᠨᠠ ᠬᠡᠵᠦ ᠲᠤᠳᠤᠷᠠ ᠪᠠᠨ ᠪᠤᠳᠤᠵᠤ ᠪᠠᠶᠢᠬᠰᠠᠨ ᠮᠠᠨᠢ ᠬᠡᠨ ᠮᠡᠳᠡᠵᠢᠮ᠂ | ᠡᠳᠡᠭᠡᠷ ᠬᠠᠳᠤᠳ ᠭᠤᠴᠢᠨ ᠲᠤᠯᠤᠭᠠ ᠪᠠᠷ ᠯᠡ ᠲᠡᠭᠦᠰᠭᠦ ᠪᠢᠰᠢ᠃ ︽ᠪᠢ ᠬᠠᠳᠤᠨ ᠰᠦᠨᠡᠰᠦ︾ ᠬᠡᠮᠡᠭᠦ ᠭᠠᠷᠴᠠᠭ | ᠤᠨ ᠲᠤᠤᠷᠠ ᠲᠡᠳᠡᠭᠡᠷ ᠲᠤᠤᠯᠢ ᠶᠢᠨ ᠬᠠᠳᠤᠳ᠂ ᠲᠤᠮᠤᠭ ᠤᠨ ᠬᠠᠳᠤᠳ᠂ ᠲᠡᠤᠭᠡ ᠶᠢᠨ ᠬᠠᠳᠤᠳ ᠮᠠᠨᠢ ᠲᠤᠯᠤᠭᠠᠨ | ᠮᠦᠷᠳᠦ ᠶᠢᠨ ᠬᠡᠯᠪᠡᠷᠢ ᠪᠠᠷ ᠠᠮᠢᠯᠠᠵᠤ ᠪᠠᠶᠢᠬᠰᠠᠨ ᠡᠳᠦᠷ ᠤᠳ ᠲᠤ ᠪᠢ ᠪᠠᠷᠤᠭ ᠭᠠᠯᠵᠠᠭᠤᠷᠠᠵᠤ ᠰᠤᠯᠢᠶᠠᠷᠠᠬᠤ ᠶᠢᠨ | ᠨᠠᠭᠠᠭᠤᠷ ᠪᠤᠯᠵᠤ᠂ ᠡᠳᠦᠷ ᠴᠦ ᠰᠦᠨᠢ ᠴᠦ ᠨᠤᠶᠢᠷ ᠬᠤᠭᠤᠯᠠ ᠪᠠᠨ ᠤᠮᠳᠤᠭᠠᠶᠢᠯᠠᠨ᠂ ᠬᠠᠶᠠ ᠨᠢᠬᠡ ᠨᠢᠳᠦ | ᠲᠤᠬᠬᠢᠭᠠᠳ ᠠᠪᠬᠤ ᠶᠢᠨ ᠬᠤᠭᠤᠷᠤᠨᠳᠦ ᠮᠠᠰᠢ ᠰᠤᠨᠢᠷᠬᠠᠯᠳᠠᠢ ᠵᠡᠭᠦᠳᠦ ᠰᠤᠪᠢᠩ ᠪᠠᠭᠤᠬᠤ ᠶᠤᠮ ᠪᠢᠯᠡ᠃ | ᠠᠷᠪᠠᠭᠠᠳ ᠬᠠᠳ᠋ᠳ ᠢ ᠠᠮᠢᠯᠠᠭᠤᠯᠤᠬᠰᠠᠨ ᠠᠩᠬᠠᠨ ᠤ ᠲᠡᠷᠡ ᠨᠢᠬᠡᠨ ᠰᠦᠨᠢ᠂ ᠪᠤᠳᠤᠩ ᠤᠨ ᠠᠮᠠᠰᠠᠷ ᠠᠴᠠ ᠮᠤᠩᠭᠤᠯ | ᠬᠠᠳᠤᠳ ᠦᠰᠦᠷᠦᠭᠡᠳ ᠦᠰᠦᠷᠦᠭᠡᠳ ᠭᠠᠷᠴᠦ ᠪᠠᠶᠢᠨᠠ ᠬᠡᠮᠡᠨ ᠵᠡᠭᠦᠳᠦᠯᠡᠪᠡ᠃ ᠵᠢᠵᠢᠭ ᠵᠢᠵᠢᠭᠭᠡᠨ ᠮᠦᠩᠬᠦᠨ | ᠦᠩᠭᠡᠳᠡᠢ ᠭᠦᠢᠯᠡᠰᠦᠨ ᠬᠤᠸᠠᠷ ᠰᠢᠬᠢᠳᠭᠡᠭᠳᠡᠭᠰᠡᠨ ᠲᠤᠮᠤᠬᠠᠨ ᠭᠡᠭᠴᠢ ᠶᠢᠨ ᠭᠦᠭᠡ ᠱᠠᠭᠠᠵᠠᠩ ᠪᠤᠳᠤᠩ᠂ ᠡᠨᠡ | ᠪᠤᠳᠤᠩ ᠮᠢᠨᠦ ᠵᠡᠭᠦᠳᠦᠨ ᠳᠤ ᠮᠠᠰᠢ ᠤᠯᠠᠨ ᠤᠳᠠᠭᠠ ᠢᠯᠡᠷᠡᠭᠰᠡᠨ ᠯᠡ ᠳ᠋ᠠ᠃ ᠬᠠᠮᠢᠭᠠ ᠠᠴᠠ ᠴᠦ ᠪᠤᠢ᠂ ᠨᠢᠬᠡᠨ | ᠵᠡᠷᠭᠡ ᠰᠠᠯᠬᠢ ᠰᠡᠪᠡᠯᠵᠡᠭᠰᠡᠨ ᠢᠶᠠᠨ ᠠᠯᠤᠰ ᠤᠬᠳᠠᠷᠭᠤᠢ ᠠᠴᠠ ᠴᠠᠪ ᠴᠠᠭᠠᠬᠠᠨ ᠰᠠᠬᠠᠯ ᠬᠤᠤᠰᠠ ᠲᠠᠢ᠂ ᠴᠠᠪ | ᠴᠠᠭᠠᠬᠠᠨ ᠤᠷᠳᠦ ᠤᠷᠬᠢᠮᠵᠢ ᠨᠠᠮᠢᠷᠠᠭᠤᠯᠤᠬᠰᠠᠨ ᠦᠳᠡᠭᠦᠰ ᠪᠤᠭᠤᠷᠤᠯ ᠨᠠᠮᠢᠯᠵᠠᠬᠰᠠᠭᠠᠷ ᠭᠦᠷᠴᠦ ᠢᠷᠡᠭᠡᠳ ᠮᠢᠨᠦ | ᠪᠠᠷᠠᠭᠤᠨ ᠠᠯᠠᠭᠠᠨ ᠲᠡᠭᠡᠷᠡ ᠤᠷᠳᠦ ᠲᠦᠷᠪᠡᠯᠵᠢᠨ ᠭᠡᠯᠪᠡᠷᠢᠳᠡᠢ ᠪᠤᠷᠤ ᠦᠩᠬᠡ ᠶᠢᠨ ᠦᠷᠢᠯ ᠢ ᠲᠠᠯᠪᠢᠵᠦ | ᠦᠭᠭᠦᠮᠡᠭᠴᠡ ᠠᠯᠠᠭᠠ ᠪᠤᠯᠵᠠᠢ᠃ ᠶᠠᠭᠤ ᠪᠤᠯᠪᠠ᠂ ᠡᠨᠡ ᠴᠢᠨᠢ ᠤᠳᠤ ᠶᠠᠭᠤᠨ ᠤ ᠦᠨᠦᠷ ᠪᠤᠢ︖ ᠠᠷᠴᠠ ᠽᠠᠨᠳᠠᠨ | ᠤ ᠦᠨᠦᠷ ᠶᠤᠮ ᠦᠦ ᠬᠡᠬᠦ ᠳᠤ ᠠᠷᠠᠢ ᠪᠢᠰᠢ ᠰᠢᠭ᠂ ᠭᠦᠳᠡᠷᠢ ᠵᠠᠭᠠᠷ ᠤᠨ ᠦᠨᠦᠷ ᠶᠤᠮ ᠦᠦ ᠭᠡᠭᠦ ᠳᠤ ᠪᠠᠰᠠ ᠴᠦ | ᠠᠳᠠᠯᠢ ᠦᠬᠡᠢ᠂ ᠠᠯᠢ ᠡᠰᠡᠬᠦᠯᠡ ᠤᠯᠠᠨ ᠵᠢᠯ ᠤᠨ ᠭᠦᠷᠦᠩᠬᠡ ᠶᠢᠨ ᠦᠨᠦᠷ ᠴᠦ ᠶᠤᠮ ᠦᠦ ᠭᠡᠮᠡᠨ ᠮᠡᠭᠡᠶᠢᠷᠡᠵᠦ | ᠠᠳᠠᠯᠠ ᠮᠠᠰᠢᠳᠠ ᠲᠠᠨᠢᠯᠬᠠᠨ ᠡᠨᠡ ᠪᠤᠳᠤᠩ ᠤᠨ ᠠᠮᠠᠰᠠᠷ ᠨᠢ ᠬᠡᠨᠡᠳᠳᠡ ᠰᠤᠯᠠᠷᠠᠨ ᠨᠡᠭᠡᠭᠡᠭᠳᠡᠵᠡᠢ᠃ ᠪᠤᠳᠤᠩ ᠤᠨ | ᠠᠮᠠᠰᠠᠷ ᠠᠴᠠ ︽ᠠᠯᠤᠩᠭᠤᠸᠠ︾᠂ ︽ᠪᠦᠷᠳᠠ︾᠂ ︽ᠠᠭᠠᠢ︾᠂ ︽ᠠᠶᠠᠷᠤᠭ︾ ᠭᠡᠳ ᠠᠮᠢᠯᠠᠬᠰᠠᠨ ᠬᠠᠳᠤᠳ | ᠤᠨ ᠨᠡᠷᠡ ᠦᠰᠦᠷᠦᠭᠡᠳ ᠦᠰᠦᠷᠦᠭᠡᠳ ᠭᠠᠷᠤᠨᠠ᠃ ᠨᠢᠬᠡ ᠬᠠᠳᠤᠨ ᠦᠰᠦᠷᠦᠭᠡᠳ ᠭᠠᠷᠬᠤ ᠶᠢᠨ ᠪᠦᠷᠢ ᠪᠤᠳᠤᠩ | ᠤᠨ ᠠᠮᠠᠰᠠᠷ ᠤᠪᠤᠰ ᠤᠪᠤᠰᠬᠢᠨ ᠭᠦᠳᠡᠯᠦᠨᠡ᠃ ᠲᠡᠳᠡᠭᠡᠷ ᠬᠠᠳᠤᠳ ᠤᠨ ᠨᠡᠷᠡ ᠪᠤᠳᠤᠩ ᠤᠨ ᠠᠮᠠᠰᠠᠷ ᠠᠴᠠ | ᠦᠰᠦᠷᠦᠨ ᠭᠠᠷᠤᠩᠭᠤᠳᠠ ᠪᠠᠨ ︽ᠪᠢ ᠬᠠᠳᠤᠨ ᠰᠦᠨᠡᠰᠦ︾ ᠬᠡᠮᠡᠬᠦ ᠤᠷᠠᠯᠢᠭ ᠦᠰᠦᠭ ᠤᠨ ᠭᠡᠯᠪᠡᠷᠢ ᠳᠤ | ᠬᠤᠪᠢᠯᠤᠨ᠂ ︽ᠪᠢ︾ ᠭᠡᠳᠡᠭ ᠨᠢ ᠪᠤᠬᠳᠤᠭᠤ ᠮᠠᠯᠠᠭᠠᠢ ᠰᠢᠭ᠋᠂ ︽ᠬᠠᠳᠤᠨ︾ ᠦᠰᠦᠭ ᠨᠢ ᠭᠤᠤᠯ ᠪᠡᠶᠡ᠂ ︽ | ᠰᠦᠨᠡᠰᠦ︾ ᠦᠰᠦᠭ ᠨᠢ ᠤᠷᠳᠤ ᠬᠤᠷᠮᠤᠶᠢᠳᠦ ᠭᠤᠶᠤ ᠲᠡᠷᠯᠢᠭ ᠰᠢᠤᠬᠠᠨ ᠪᠤᠯᠤᠭᠠᠳ ᠡᠭᠡᠭᠡ ᠯᠡ ᠦᠨᠳᠦᠷ | ᠪᠤᠬᠳᠤᠭᠤ ᠮᠠᠯᠠᠭᠠᠢ ᠲᠠᠢ᠂ ᠡᠷᠬᠢᠮᠰᠦᠭ ᠰᠠᠶᠢᠬᠠᠨ ᠲᠡᠷᠯᠢᠭᠳᠦ ᠡᠷᠳᠡᠨ ᠤ ᠮᠤᠩᠭᠤᠯ ᠬᠠᠳᠤᠳ᠂ ᠬᠤᠶᠠᠷ ᠭᠠᠷ ᠢᠶᠠᠨ | ᠡᠮᠦᠨᠡ ᠪᠠᠨ ᠰᠤᠯᠢᠪᠴᠢᠭᠤᠯᠤᠨ ᠲᠠᠯᠪᠢᠭᠠᠳ ᠶᠡᠭᠡᠮᠰᠦᠭ᠂ ᠭᠤᠶᠤᠮᠰᠤᠭ᠂ ᠨᠠᠮᠪᠠᠯᠢᠭ ᠢᠶᠠᠷ ᠨᠠᠮᠤᠰ ᠨᠠᠮᠤᠰᠬᠢᠨ | ᠠᠯᠬᠤᠯᠠᠵᠤ ᠪᠠᠶᠢᠭᠠ ᠨᠢ ᠬᠤᠤᠰ ᠦᠬᠡᠢ ᠦᠵᠡᠰᠭᠦᠯᠡᠩ ᠬᠠᠷᠠᠬᠳᠠᠨᠠ᠃ ᠴᠤᠬᠤᠮ ᠭᠦ ᠪᠤᠳᠤᠩ ᠲᠤᠳᠤᠷᠠ ᠠᠴᠠ | ᠦᠰᠦᠷᠦᠭᠡᠳ ᠭᠠᠷᠤᠭᠰᠠᠨ ᠲᠡᠳᠡᠭᠡᠷ ᠦᠰᠦᠭ ᠤᠳ ᠠᠮᠢᠯᠠᠭᠠᠳ ᠪᠠᠶᠢᠭᠠ ᠶᠤᠮ ᠦᠦ᠂ ᠤᠳᠤ ᠪᠤᠯᠵᠤ ᠬᠢᠯᠠᠯᠵᠠᠬᠰᠠᠨ | ᠲᠡᠤᠭᠡᠨ ᠮᠤᠩᠭᠤᠯ ᠬᠠᠳᠤᠳ ᠠᠮᠢᠯᠠᠨ ᠰᠡᠷᠡᠴᠢᠬᠡᠭᠡᠳ ᠠᠯᠬᠤᠭᠠᠳ ᠢᠷᠡᠭᠡ ᠴᠦ ᠶᠤᠮ ᠦᠦ ᠭᠡᠳᠡᠭ ᠨᠢ ᠦᠯᠦ | ᠮᠡᠳᠡᠭᠳᠡᠨᠡ᠃ ᠦᠬᠡᠢ ᠶᠡᠷᠦ ᠨᠢ ᠡᠨᠡ ᠬᠠᠷᠢᠨ ᠶᠠᠮᠠᠷ ᠰᠢᠤᠬᠠᠨ ᠪᠤᠳᠤᠩ ᠪᠤᠯᠴᠢᠬᠠᠭᠠᠳ ᠡᠶᠢᠨ ᠭᠦ ᠶᠡᠭᠡ ᠷᠢᠳᠢ ᠰᠢᠳᠢ | ᠲᠠᠢ ᠪᠤᠯ ᠭᠡᠳ ᠪᠤᠳᠤᠩ ᠤᠷᠤᠭᠤ ᠦᠩᠭᠡᠶᠢᠭᠰᠡᠨ ᠴᠢᠨᠢ ᠁ ᠲᠡᠭᠡᠭᠡᠳ ᠶᠠᠭᠤ ᠬᠠᠷᠠᠬᠳᠠᠬᠰᠠᠨ ᠭᠡᠵᠦ ᠰᠠᠨᠠᠨᠠ︖ | ᠦᠬᠢᠨ ᠲᠡᠭᠷᠢ ᠮᠢᠨᠢ ᠡ︕ ᠪᠤᠳᠤᠩ ᠤᠨ ᠢᠷᠤᠭᠠᠷ ᠲᠤ ᠨᠤᠪ ᠨᠤᠭᠤᠭᠠᠨ ᠦᠩᠭᠡᠳᠡᠢ ᠤᠰᠤᠨ ᠲᠤᠳᠤᠷᠠ ᠬᠠᠷᠠ | ᠴᠠᠭᠠᠨ ᠦᠩᠭᠡᠳᠡᠢ ᠬᠤᠶᠠᠷ ᠵᠢᠵᠢᠭᠭᠡᠨ ᠵᠢᠭᠠᠰᠦ ᠲᠤᠯᠤᠭᠠᠢ ᠰᠡᠭᠦᠯ ᠢᠶᠠᠨ ᠰᠤᠯᠢᠪᠴᠢᠭᠤᠯᠤᠨ ᠴᠡᠩᠭᠡᠯᠳᠦᠨ ᠢᠷᠭᠠᠯᠠᠵᠤ | ᠪᠠᠶᠢᠯᠠ ᠁ | ᠡᠨᠡ ᠭᠦ ᠵᠡᠭᠦᠳᠦᠨ ᠤ ᠲᠠᠷᠠᠭᠠ ︽ᠤᠳᠠᠭᠠᠨ ᠪᠦᠷᠢᠭᠰᠡᠨ ᠰᠡᠳᠬᠢᠯ ᠤᠨ ᠪᠤᠳᠤᠩ ᠤᠨ ᠪᠢᠳᠡᠬᠦᠦ ᠬᠤᠶᠠᠭ ᠢ | ᠢᠷᠠᠭᠠᠳ᠂ ᠤᠳᠤᠯᠭᠠ ᠰᠠᠩ ᠠᠷᠢᠭᠤᠨ ᠭᠦᠵᠢᠰ ᠢ ᠦᠷᠦᠬᠡ ᠲᠦᠭᠦᠡᠩ ᠬᠠᠩᠬᠤᠯᠠᠭᠤᠯᠵᠤ᠂ ᠪᠡᠭᠡᠰ ᠤᠨ ᠦᠨᠦᠷ | ᠲᠠᠢ ᠪᠢᠰᠢᠯᠭᠠᠯ ᠤᠨ ᠰᠦᠷᠴᠢᠭ ᠢᠶᠠᠷ ᠠᠷᠢᠭᠤᠯᠤᠨ ᠠᠷᠢᠭᠤᠯᠤᠨ ᠰᠢᠪᠰᠢᠭᠦᠶᠡ᠂ ᠪᠤᠷᠬᠠᠨ ᠤ ᠠᠮᠢᠰᠬᠤᠯᠳᠦ ᠪᠤᠳᠢ | ᠬᠠᠯᠳᠤᠨ ᠤ ᠨᠠᠮᠠᠭᠠᠨᠠ ᠰᠢᠨᠡᠬᠡᠨ ᠨᠠᠬᠢᠶᠠ ᠴᠤᠬᠤᠶᠢᠨᠠᠮ ᠁︾ ᠭᠡᠭᠦ ᠮᠡᠳᠦ ᠶᠢᠨ ᠮᠦᠷ ᠪᠠᠳᠠᠭ ᠤᠳ | ᠠᠶᠠᠨᠳᠠᠭᠠᠨ ᠤᠷᠭᠤᠭᠠᠳ ᠭᠠᠷᠤᠬᠰᠠᠨ ᠶᠤᠮ᠃ | ᠮᠤᠩᠭᠤᠯ ᠬᠠᠳᠤᠳ ᠨᠠᠶᠢᠷᠠᠭ ᠤᠨ ᠭᠡᠯᠪᠡᠷᠢ ᠪᠠᠷ ᠠᠮᠢᠯᠠᠵᠤ ᠪᠠᠶᠢᠬᠰᠠᠨ ᠠᠩᠬᠠᠨ ᠤ ᠡᠳᠦᠷ ᠤᠳ ᠲᠤ ᠪᠢ ᠭᠤᠷᠪᠠ | ᠤᠳᠠᠭᠠ ᠮᠠᠴᠠᠭ ᠪᠠᠷᠢᠵᠠᠢ᠃ ᠭᠤᠷᠪᠠᠳᠠᠬᠢ ᠤᠳᠠᠭᠠᠨ ᠤ ᠮᠠᠴᠠᠭ ᠤᠨ ᠰᠦᠨᠢ ᠪᠢ ᠨᠢᠬᠡᠨ ᠴᠤᠮᠤ ᠨᠢᠮᠪᠡᠭᠡ ᠶᠢᠨ | ᠰᠢᠭᠦᠰᠦ ᠲᠠᠢ ᠤᠮᠳᠠᠭᠠ ᠤᠤᠭᠤᠭᠠᠳ ᠤᠨᠳᠠᠯᠠ᠃ ᠮᠠᠴᠠᠭ ᠪᠠᠷᠢᠨᠠ ᠭᠡᠭᠴᠢ ᠶᠠᠭᠤᠳᠠᠢ ᠰᠠᠶᠢᠬᠠᠨ ᠪᠤᠢ᠂ ᠲᠠᠷᠢᠬᠢ | ᠲᠤᠯᠤᠭᠠᠢ ᠰᠡᠷᠭᠡᠭᠵᠢᠬᠡᠳ ᠦᠬᠡᠷᠡ ᠨᠢᠬᠡᠨ ᠰᠢᠨᠡ ᠠᠮᠢ ᠨᠠᠰᠦ ᠶᠢ ᠡᠬᠢᠯᠡᠬᠦᠯᠵᠦ᠂ ᠤᠬᠠᠭᠠᠨ ᠰᠠᠨᠠᠭᠠ ᠪᠤᠯᠤᠨ ᠵᠤᠷᠢᠭ | ᠭᠦᠴᠦᠨ ᠢᠶᠠᠷ ᠢᠶᠠᠨ ᠦᠪᠡᠷ ᠢ ᠪᠠᠨ ᠲᠠᠶᠢᠴᠢᠯᠠᠨ ᠴᠡᠭᠴᠡᠯᠡᠬᠦ ᠭᠡᠭᠴᠢ ᠶᠠᠮᠠᠷᠬᠠᠨ ᠭᠤᠶᠤ ᠮᠡᠳᠡᠷᠡᠮᠵᠢ ᠰᠠᠨ ᠪᠢᠯᠡ︕ | 2018 ᠤᠨ ᠤ 11 ᠰᠠᠷᠠ ᠶᠢᠨ 1 ᠤ ᠡᠳᠦᠷ ᠠᠴᠠ ᠡᠬᠢᠯᠡᠭᠦᠯᠦᠭᠰᠡᠨ ᠬᠠᠳᠤᠨ ᠰᠢᠯᠦᠭ ᠤᠳ ᠮᠠᠨᠢ᠂ 11 ᠰᠠᠷᠠ | ᠶᠢᠨ 21 ᠤ ᠡᠳᠦᠷ ᠪᠤᠯᠬᠤᠶᠠ᠂ ᠬᠤᠷᠢᠨ ᠨᠢᠬᠡᠨ ᠡᠳᠦᠷ ᠤᠨ ᠲᠤᠳᠤᠷᠠ ᠨᠡᠶᠢᠳᠡ ᠲᠦᠴᠢ ᠶᠢᠰᠦᠨ ᠪᠠᠳᠠᠭ ︽ | ᠬᠠᠳᠤᠨ ᠰᠢᠯᠦᠭ︾ ᠤᠷᠭᠤᠪᠠ᠃ ᠲᠦᠴᠢ ᠶᠢᠰᠦᠳᠦᠬᠡᠷ ᠬᠠᠳᠤᠨ ᠢ ᠠᠮᠢᠯᠠᠭᠤᠯᠵᠤ ᠪᠠᠷᠠᠬᠰᠠᠨ ᠤ ᠲᠠᠷᠠᠭᠠ ᠪᠢ | ᠨᠢᠬᠡᠨᠳᠡ ᠪᠡᠶᠡ ᠰᠡᠳᠬᠢᠯ ᠲᠦᠢᠯ ᠢᠶᠠᠷ ᠶᠠᠳᠠᠷᠠᠬᠰᠠᠨ ᠢᠶᠠᠨ ᠭᠡᠨᠡᠳᠳᠡ ᠤᠬᠠᠮᠰᠠᠷᠯᠠᠪᠠᠢ ᠃ ᠪᠦᠬᠦ ᠪᠡᠶᠡ ᠶᠢᠨ ᠠᠷᠠᠭ | ᠶᠠᠰᠦ ᠰᠠᠯᠵᠤ ᠪᠡᠷᠳᠡᠭᠦ ᠰᠢᠤᠬᠠᠨ ᠡᠮᠵᠡᠭᠯᠡᠨ ᠡᠪᠡᠳᠴᠦ᠂ ᠰᠦᠨᠢᠵᠢᠨ ᠤᠨᠳᠠᠵᠤ ᠲᠡᠶᠢᠯᠬᠦ ᠦᠬᠡᠢ ᠰᠤᠴᠢᠭᠠᠳ | ᠰᠤᠴᠢᠭᠠᠳ ᠰᠡᠷᠡᠨᠡ᠃ ᠨᠤᠶᠢᠷ ᠦᠬᠡᠢ ᠲᠡᠷᠡ ᠨᠢᠬᠡᠨ ᠰᠦᠨᠢ ᠪᠢ ᠠᠰᠠᠷ ᠤᠨ ᠴᠤᠩᠬᠤ ᠪᠠᠷ ᠭᠠᠳᠠᠬᠰᠢ ᠤᠳᠠᠭᠠᠨ | ᠪᠠᠷᠠᠯᠠᠵᠤ᠂ ᠲᠤᠯᠤᠭᠠᠨ ᠪᠤᠷᠬᠠᠨ ᠤᠳᠤᠨ ᠳᠤ ᠴᠢᠩ ᠵᠢᠷᠦᠬᠡᠨ ᠠᠴᠠ ᠪᠠᠨ ᠰᠢᠪᠰᠢᠯᠬᠡ ᠰᠢᠪᠰᠢᠨ ᠲᠠᠭᠠᠳᠬᠠᠯ | ᠲᠠᠭᠠᠳᠬᠠᠬᠰᠠᠨ ᠤ ᠲᠠᠷᠠᠭᠠ᠂ ᠪᠢᠴᠢᠭ ᠤᠨ ᠰᠢᠷᠡᠭᠡᠨᠡ ᠰᠠᠭᠤᠭᠠᠳ ︽ᠬᠠᠳᠤᠨ ᠰᠢᠯᠦᠭ︾ ᠤᠨ ᠢᠶᠠᠨ ᠲᠤᠯᠤᠭᠠᠨ | ᠮᠦᠷᠳᠦ ᠨᠦᠭᠦᠳ ᠢ ᠦᠪᠡᠷ ᠤᠨ ᠤᠶᠤᠨ ᠪᠤᠳᠤᠯ ᠢᠶᠠᠷ ᠲᠠᠬᠢᠨᠳᠠ ᠴᠡᠭᠴᠡᠯᠡᠭᠡᠳ ᠶᠢᠰᠦᠨ ᠮᠦᠷᠳᠦ ᠨᠦᠭᠦᠳ ᠪᠤᠯᠭᠠᠨ | ᠬᠤᠪᠢᠷᠭᠠᠵᠤ᠂ ᠶᠢᠰᠦᠨ ᠪᠠᠳᠠᠭ ᠪᠦᠷᠢ ᠶᠢ ᠨᠢᠬᠡᠨ ᠠᠩᠬᠢ ᠬᠤᠪᠢᠶᠠᠨ ᠵᠢᠬᠰᠠᠭᠠᠵᠤ᠂ ᠶᠢᠰᠦᠨ ᠶᠢᠰᠦ ᠨᠠᠶᠠᠨ ᠨᠢᠬᠡᠨ | ᠪᠠᠳᠠᠭ ᠬᠠᠳᠤᠨ ᠰᠢᠯᠦᠭ ᠪᠢᠴᠢᠬᠦ ᠪᠠᠷ ᠲᠤᠳᠤᠷᠠ ᠪᠠᠨ ᠲᠦᠰᠦᠪᠯᠡᠨ ᠰᠢᠢᠳᠴᠦ᠂ ︽ᠬᠠᠳᠤᠨ ᠰᠦᠨᠡᠰᠦ︾ ᠭᠡᠮᠡᠨ | ᠭᠠᠷᠴᠠᠬᠯᠠᠭᠠᠳ ᠦᠤᠷ ᠬᠠᠶᠠᠭᠠᠷᠠᠬᠤ ᠶᠢᠨ ᠬᠢᠷᠢ ᠰᠠᠶ᠋ᠢ ᠰᠡᠳᠬᠢᠯ ᠠᠮᠤᠷᠬᠠᠨ ᠨᠤᠶᠢᠷᠰᠤᠪᠠ᠃ ᠨᠢᠳᠦ ᠲᠠᠷᠤᠮᠠᠬᠴᠠ | ᠵᠡᠭᠦᠳᠦᠯᠡᠴᠢᠬᠡᠵᠡᠢ᠃ ᠰᠦᠨᠢᠵᠢᠨ ᠢᠶᠠᠨ ᠲᠡᠭᠷᠢ ᠶᠢᠨ ᠬᠡᠤᠭᠡᠳ ᠲᠠᠢ ᠨᠠᠷᠬᠢᠯᠳᠤᠵᠤ ᠬᠤᠨᠤᠯᠠ ᠬᠡᠮᠡᠨ ᠵᠡᠭᠦᠳᠦᠯᠡᠭᠰᠡᠨ | ᠶᠤᠮ᠃ ᠬᠤᠷᠮᠤᠰᠳᠠ ᠲᠡᠭᠷᠢ ᠶᠢᠨ ᠮᠠᠰᠢ ᠤᠯᠠᠨ ᠭᠦᠪᠡᠭᠦᠳ ᠦᠬᠢᠳ ᠨᠢᠬᠡᠨ ᠬᠠᠮᠳᠤᠪᠠᠷ ᠨᠠᠮᠠᠢᠢ ᠦᠵᠡᠬᠦ ᠪᠠᠷ | ᠢᠷᠡᠭᠰᠡᠨ ᠠᠵᠢ᠃ ᠲᠡᠳᠡᠨᠦᠰ ᠤᠨ ᠲᠤᠳᠤᠷᠠ ᠠᠴᠠ ᠨᠡᠷᠡᠯᠡᠵᠦ ᠴᠢᠳᠠᠬᠤᠶᠢᠴᠠ ᠭᠡᠳᠦ ᠶᠢ ᠲᠤᠷᠠᠳᠪᠠᠯ ᠬᠤᠷᠮᠤᠰᠳᠠ | ᠲᠡᠭᠷᠢ ᠶᠢᠨ ᠬᠤᠪᠢᠯᠭᠠᠨ ᠭᠤᠷᠪᠠᠨ ᠭᠦᠪᠡᠭᠦᠨ ᠲᠡᠭᠦᠰᠴᠤᠬᠳᠦ᠂ ᠠᠮᠢᠨ ᠰᠠᠬᠢᠬᠴᠢ᠂ ᠦᠢᠯᠡ ᠪᠦᠳᠦᠭᠡᠭᠴᠢ ᠨᠠᠷ | ᠵᠢᠴᠢ ᠭᠡᠰᠡᠷ ᠪᠤᠬᠳᠠ ᠶᠢᠨ ᠢᠯᠠᠭᠤᠬᠰᠠᠨ ᠭᠤᠷᠪᠠᠨ ᠦᠬᠦᠢ ᠨᠠᠷ ᠪᠠᠶᠢᠯᠴᠠᠪᠠ᠃ ᠮᠠᠰᠢᠳᠠ ᠭᠡᠭᠡᠮᠰᠦᠭ ᠲᠤᠮᠤ ᠤᠷᠳᠤ | ᠦᠷᠭᠦᠭᠡᠨᠡ ᠲᠡᠳᠡᠨᠦᠰ ᠪᠠᠭᠳᠠ ᠶᠠᠳᠠᠨ ᠴᠢᠬᠢᠯᠳᠦᠵᠦ᠂ ᠦᠷᠭᠦᠭᠡᠨ ᠤ ᠭᠠᠳᠠᠭᠤᠷ ᠠᠭᠤᠯᠠ ᠤᠰᠤᠨ ᠤ ᠡᠵᠡᠳ | ᠰᠠᠬᠢᠭᠤᠰᠦ ᠨᠠᠷ ᠪᠠᠶᠢᠯᠴᠠᠨᠠ᠃ ᠪᠦᠳᠦᠨ ᠰᠦᠨᠢᠵᠢᠨ ᠢᠶᠠᠨ ᠨᠠᠶᠢᠷᠯᠠᠵᠤ᠂ ᠲᠡᠳᠡᠨᠦᠰ ᠨᠠᠳᠠ ᠳᠤ ᠴᠤᠬᠤᠮ ᠶᠠᠭᠤ | ᠶᠠᠭᠤ ᠬᠡᠮᠡᠨ ᠶᠠᠷᠢᠬᠰᠠᠨ ᠢ ᠪᠤᠤ ᠮᠡᠳᠡ︕ ᠦᠤᠷ ᠭᠡᠭᠡᠷᠡᠬᠦ ᠠᠴᠠ ᠡᠮᠦᠨᠡ ᠲᠡᠳᠡ ᠪᠤᠴᠠᠪᠠ᠃ ᠲᠡᠭᠷᠢ ᠶᠢᠨ ᠭᠡᠤᠭᠡᠳ | ᠢ ᠮᠤᠷᠳᠠᠭᠤᠯᠵᠤ ᠪᠠᠶᠢᠬᠤ ᠳᠤ ᠬᠠᠵᠠᠭᠤᠳᠠ ᠮᠢᠨᠢ ᠬᠠᠳᠠᠮ ᠡᠵᠢ ᠪᠤᠯᠤᠨ ᠬᠤᠶᠠᠳᠤᠭᠠᠷ ᠠᠪᠠᠭᠠ ᠡᠬᠡᠴᠢ ᠨᠠᠮᠠᠢᠢ | ᠪᠠᠷᠠᠳᠠᠨ ᠬᠠᠮᠳᠦ ᠪᠠᠶᠢᠬᠰᠠᠨ ᠪᠢᠯᠡ ᠁ ︽ᠠᠯᠢᠪᠠ ᠶᠢ ᠡᠭᠦᠳᠦᠭᠴᠢ ᠬᠠᠨ ᠬᠤᠷᠮᠤᠰᠳᠠ ᠶᠢᠨ ᠵᠠᠷᠯᠢᠭ ᠢᠶᠠᠷ᠂ | ᠠᠷᠪᠠᠨ ᠵᠦᠭ ᠤᠨ ᠡᠵᠡᠨ ᠭᠡᠰᠡᠷ ᠮᠡᠷᠭᠡᠨ ᠬᠠᠭᠠᠨ ᠢ ᠲᠦᠷᠦᠭᠦᠯᠦᠭᠰᠡᠨ᠂ ᠠᠮᠤᠷᠵᠢᠯᠠ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ ᠁ | ︾ ᠭᠡᠮᠡᠬᠦ ᠮᠦᠷ ᠪᠠᠳᠠᠭ ᠤᠳ ᠮᠦᠨ ᠲᠡᠷᠡᠤᠬᠡᠨ ᠬᠤᠷᠤᠮ ᠳᠤ ᠤᠷᠭᠤᠬᠰᠠᠨ ᠶᠤᠮ ᠳ᠋ᠠ᠃ | ᠶᠡᠷᠦ ᠨᠢ ᠢᠯᠡ ᠤᠷᠤᠰᠢᠬᠴᠢ ᠪᠦᠬᠦᠨ ᠢ ᠲᠠᠯᠳᠠ ᠠᠴᠠ ᠢᠪᠡᠭᠡᠭᠴᠢ ᠭᠦᠴᠦᠨ ᠪᠤᠢ ᠭᠡᠳᠡᠭ ᠢ ᠪᠢ ᠢᠳᠡᠬᠡᠳᠡᠭ | ᠶᠤᠮ ᠡ︕ | ︽ᠬᠠᠳᠤᠨ ᠰᠢᠯᠦᠭ︾ ᠤᠳ ᠮᠠᠨᠢ ᠶᠢᠰᠦᠨ ᠮᠦᠷᠳᠦ ᠤᠳ ᠪᠤᠯᠤᠨ ᠬᠤᠪᠢᠷᠠᠬᠰᠠᠨ ᠤ ᠲᠠᠷᠠᠭᠠ᠂ ᠪᠢ ᠡᠭᠡᠭᠡ ᠯᠡ | ᠨᠢᠬᠡᠨ ᠶᠠᠰᠦ ᠰᠠᠯᠵᠤ ᠠᠮᠤᠷᠵᠢᠬᠰᠠᠨ ᠡᠬᠡ ᠭᠦᠮᠦᠨ ᠰᠢᠭ ᠠᠮᠤᠭᠤᠯᠠᠩ ᠲᠠᠶᠢᠪᠤᠭᠤᠬᠠᠨ ᠪᠤᠯᠵᠤ᠂ ᠤᠤᠯ ᠤᠨ ᠬᠢ | ᠪᠠᠨ ᠰᠢᠭ᠋ ᠡᠳᠦᠷ ᠰᠦᠨᠢ ᠢᠯᠭᠠᠯ ᠦᠬᠡᠢ ᠲᠡᠤᠭᠡᠳᠦ ᠬᠠᠳᠤᠳ ᠯᠤᠭᠠ ᠨᠤᠤᠷᠠᠯᠳᠤᠬᠤ ᠪᠠᠨ ᠪᠤᠯᠢᠵᠦ᠂ ᠬᠡᠵᠢᠶᠡ ᠠᠯᠢ | ᠨᠢᠬᠡᠨ ᠬᠠᠮᠤᠭ ᠤᠨ ᠪᠤᠯᠤᠮᠵᠢᠳᠠᠢ ᠴᠠᠭ ᠦᠶᠡ ᠳᠤ ᠬᠠᠶᠠ ᠨᠢᠬᠡᠨ ᠬᠠᠳᠤᠨ ᠬᠢᠯᠠᠰ ᠬᠢᠯᠠᠰᠬᠢᠨ ᠮᠡᠨᠳᠦᠯᠡᠳᠡᠭ ᠪᠤᠯᠵᠠᠢ᠃ | ᠡᠨᠡ ᠬᠤᠭᠤᠷᠤᠨᠳᠦ ᠪᠢ ᠲᠡᠤᠭᠡ ᠰᠤᠶᠤᠯ᠂ ᠤᠷᠠᠨ ᠵᠤᠬᠢᠶᠠᠯ᠂ ᠱᠠᠰᠢᠨ ᠰᠢᠳᠦᠯᠬᠡ ᠶᠢᠨ᠂ ᠭᠦᠨ ᠤᠬᠠᠭᠠᠨ ᠤ᠂ | ᠵᠢᠷᠤᠬᠠᠢ ᠶᠢᠨ ᠭᠡᠳ ᠠᠯᠢ ᠤᠯᠠᠨ ᠨᠤᠮ ᠵᠤᠬᠢᠶᠠᠯ ᠢ ᠤᠶᠤᠨ ᠤ ᠴᠦᠯ ᠢ ᠲᠤᠭᠤᠯᠬᠤ ᠮᠡᠳᠦ ᠪᠠᠷ ᠴᠦᠯᠪᠡᠨ | ᠤᠩᠰᠢᠯᠠ᠃ | ᠦᠪᠡᠷ ᠤᠨ ᠢᠶᠠᠨ ᠲᠡᠤᠭᠡ ᠶᠢ ᠦᠪᠡᠷ ᠤᠨ ᠨᠢᠳᠦ ᠪᠠᠷ ᠬᠠᠷᠠᠵᠤ᠂ ᠤᠩᠰᠢᠵᠤ᠂ ᠤᠶᠢᠯᠠᠭᠠᠵᠤ᠂ ᠪᠢᠴᠢᠬᠦ ᠳᠤ ᠡᠵᠡᠨ | ᠴᠢᠩᠬᠢᠰ ᠤᠨ ᠪᠠᠭᠠᠳᠤᠷᠯᠢᠭ ᠠᠷᠭᠠ ᠪᠤᠳᠤᠯᠭᠠ᠂ ᠪᠠᠭ᠋ᠠᠷᠤᠮᠠ ᠤᠬᠠᠭᠠᠨ ᠲᠠᠮᠢᠷ᠂ ᠲᠡᠯᠡᠬᠡᠢ ᠶᠢ ᠪᠠᠭᠳᠠᠭᠠᠭᠰᠠᠨ | ᠲᠡᠭᠷᠢᠯᠢᠭ ᠰᠡᠳᠬᠢᠬᠦᠢ᠂ ᠭᠠᠵᠠᠷ ᠨᠤᠳᠤᠭ ᠢᠶᠠᠨ ᠦᠷᠭᠡᠳᠭᠡᠭᠦ ᠤᠬᠠᠮᠰᠠᠷ᠂ ᠭᠤᠤᠯ ᠤᠰᠤᠨ ᠢᠶᠠᠨ ᠬᠠᠶᠢᠷᠠᠯᠠᠬᠤ | ᠤᠬᠠᠮᠰᠠᠷ᠂ ᠱᠠᠰᠢᠨ ᠪᠦᠬᠦᠨ ᠳᠤ ᠠᠳᠠᠯᠢᠬᠠᠨ ᠬᠠᠨᠳᠤᠬᠤ ᠤᠬᠠᠮᠰᠠᠷ᠂ ᠪᠢᠴᠢᠭ ᠰᠤᠶᠤᠯ ᠢ ᠲᠡᠭᠡᠳᠦᠯᠡᠬᠦ ᠰᠤᠷᠳᠠᠯ᠂ | ᠡᠷᠳᠡᠮᠳᠡᠨ ᠮᠡᠷᠭᠡᠳ ᠢ ᠭᠦᠨᠳᠦᠯᠡᠬᠦ ᠠᠪᠤᠷᠢ᠂ ᠡᠭᠡᠴᠤᠤᠯ ᠢ ᠭᠦᠨᠳᠦᠳᠭᠡᠭᠦ ᠠᠷᠠᠨᠰᠢᠨ᠂ ᠢᠷᠭᠡᠳ ᠢ ᠠᠮᠤᠭᠤᠯᠬᠤ | ᠶᠤᠰᠤᠨ ᠭᠡᠳ ᠰᠤᠷᠬᠤ ᠶᠤᠰᠤᠳᠠᠢ᠂ ᠰᠢᠨᠵᠢᠯᠡᠬᠦ ᠴᠢᠬᠤᠯᠠᠳᠠᠢ ᠵᠦᠢᠯ ᠵᠠᠬᠠ ᠠᠴᠠ ᠪᠠᠨ ᠠᠪᠤᠭᠠᠳ ᠪᠠᠶᠢᠬᠤ ᠯᠡ᠃ | ᠭᠡᠭᠦ ᠳᠡᠭᠡᠨ ᠠᠭᠤᠤ ᠦᠢᠯᠡᠰ ᠢ ᠪᠦᠳᠦᠭᠡᠭᠰᠡᠨ ᠲᠡᠷᠡ ᠶᠡᠭᠡ ᠬᠠᠭᠠᠨ ᠤᠬᠠᠭᠠᠨ ᠲᠠᠢ ᠬᠤᠤᠰᠯᠠᠬᠰᠠᠨ ᠬᠠᠳᠤᠨ | ᠪᠢᠯᠢᠭᠳᠦ ᠰᠤᠤ ᠤᠬᠠᠭᠠᠨ ᠭᠡᠳᠡᠭ ᠵᠦᠭᠡᠷ ᠯᠡ ᠨᠢᠬᠡ ᠶᠡᠭᠡᠰ ᠲᠡᠭᠡᠳᠦᠰ ᠤᠨ ᠡᠬᠡᠨᠡᠷ ᠬᠡᠤᠭᠡᠳ ᠤᠨ ᠤᠴᠢᠷ ᠪᠢᠰᠢ | ᠭᠡᠳᠡᠭ ᠢ ᠨᠡᠩ ᠲᠤᠳᠤᠬᠠᠨ ᠲᠠᠨᠢᠵᠤ ᠤᠯᠤᠬᠰᠠᠨ ᠪᠢᠯᠡ᠃ ︽ᠡᠮᠡ ᠭᠦᠮᠦᠨ ᠡᠷᠡ ᠳᠤ ᠭᠦᠷᠴᠦ ᠵᠢᠰᠦ ᠪᠠᠨ | ᠤᠯᠳᠠᠭ᠂ ᠡᠷᠡ ᠭᠦᠮᠦᠨ ᠡᠮᠡ ᠳᠤ ᠭᠦᠷᠴᠦ ᠵᠦᠭ ᠢᠶᠠᠨ ᠤᠯᠳᠠᠭ︾ ᠭᠡᠳᠡᠭᠴᠢᠯᠡᠨ᠂ ᠮᠤᠩᠭᠤᠯ ᠲᠦᠷᠦ ᠳᠤ᠂ | ᠨᠡᠭᠦᠳᠡᠯᠴᠢᠨ ᠤ ᠲᠦᠷᠦ ᠳᠤ ᠬᠠᠳᠤᠨ ᠤᠬᠠᠭᠠᠨ ᠤ ᠭᠦᠢᠴᠡᠳᠭᠡᠭᠰᠡᠨ ᠡᠭᠦᠷᠭᠡ ᠴᠢᠳᠠᠮᠵᠢ ᠠᠨᠤ ᠦᠬᠡ ᠬᠡᠯᠡ ᠪᠠᠷ | ᠭᠦᠢᠴᠡᠭᠡᠮᠡ ᠦᠬᠡᠢ ᠠᠭᠤᠤ ᠮᠦᠷᠳᠡᠭᠡᠨ ᠨᠢᠭᠤᠴᠠᠯᠢᠭ᠃ ᠶᠠᠭ ᠦᠨᠡᠨ ᠳᠡᠭᠡᠨ ᠬᠠᠳᠤᠨ ᠤᠬᠠᠭᠠᠨ ᠤ ᠴᠢᠳᠠᠮᠵᠢᠨ | ᠲᠡᠭᠡᠷᠡ ᠰᠠᠶ᠋ᠢ ᠬᠠᠭᠠᠨ ᠤᠬᠠᠭᠠᠨ ᠤᠷᠭᠤᠳᠠᠭ ᠪᠠᠶᠢᠵᠠᠢ᠃ ᠡᠭᠦᠨ ᠢ ᠮᠤᠩᠭᠤᠯ ᠤᠨ ᠰᠤᠤ ᠤᠬᠠᠭᠠᠨ ᠬᠡᠮᠡᠳᠡᠭ ᠠᠵᠢ︕ | | 2019 ᠤᠨ ᠤ 8 ᠰᠠᠷᠠ ᠶᠢᠨ 21 ᠪᠤᠯᠳᠠᠯᠠ ︽ᠬᠠᠳᠤᠨ ᠰᠦᠨᠡᠰᠦ︾ ᠰᠢᠯᠦᠭ ᠨᠡᠶᠢᠳᠡ 73 ᠪᠠᠳᠠᠭ | ᠮᠡᠨᠳᠦᠯᠡᠵᠡᠢ᠃ ᠮᠢᠨᠦ ᠰᠡᠳᠬᠢᠯ ᠤᠨ ᠲᠤᠳᠤᠷᠠᠬᠢ ᠲᠡᠷᠡ ᠭᠦ ᠲᠤᠭᠠ ᠳᠤ ᠲᠦᠭᠦᠭᠡᠳ ᠢᠷᠡᠭᠦᠶᠡ᠂ ᠨᠤᠮ ᠪᠤᠯᠭᠠᠨ | ᠭᠡᠪᠯᠡᠬᠦᠯᠬᠦ ᠰᠠᠨᠠᠭᠠ ᠴᠦ ᠤᠷᠭᠤᠯᠠ᠃ ᠲᠡᠭᠡᠭᠡᠳ ᠪᠠᠳᠠᠭ ᠪᠦᠷᠢ ᠶᠢᠨ ᠠᠷᠦ ᠳᠤ ᠲᠤᠬᠠᠢ ᠶᠢᠨ ᠬᠠᠳᠤᠨ ᠤ ᠲᠤᠬᠠᠢ | ᠬᠡᠳᠦᠨ ᠵᠠᠭ᠋ᠳ ᠦᠰᠦᠭ ᠤᠨ ᠲᠤᠪᠴᠢᠬᠠᠨ ᠲᠠᠨᠢᠯᠴᠠᠭᠤᠯᠭᠠ ᠲᠠᠭᠠᠯᠳᠤᠭᠤᠯᠬᠤ ᠪᠠᠷ ᠰᠢᠢᠳᠪᠡ᠃ ᠡᠭᠦᠨ ᠤ ᠲᠠᠷᠠᠭᠠ | ᠶᠢᠰᠦᠨ ᠮᠦᠷᠳᠦ᠂ ᠶᠢᠰᠦᠨ ᠪᠠᠳᠠᠭ ᠢᠶᠠᠷ ᠶᠢᠰᠦᠨ ᠶᠢᠰᠦ ᠨᠠᠶᠠᠨ ᠨᠢᠭᠡ ᠪᠠᠷ ᠪᠠᠳᠠᠬᠯᠠᠬᠰᠠᠨ ᠬᠠᠳᠤᠳ ᠤᠨ ᠠᠷᠦ ᠳᠤ | ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠴᠢᠨᠠᠷᠳᠠᠢ ᠲᠡᠭᠦᠰᠭᠡᠯ ᠨᠠᠶᠢᠷᠠᠬᠯᠠᠯ ᠪᠢᠴᠢᠵᠦ ᠡᠬᠢᠯᠡᠭᠰᠡᠨ ᠮᠠᠨᠢ ︽ᠤᠷᠠᠬᠳᠠᠬᠰᠠᠨ ᠲᠡᠤᠭᠡ ᠶᠢᠨ | ᠪᠠᠯᠠᠷᠬᠠᠢ ᠮᠦᠷ ᠢᠶᠠᠷ ᠁︾ ᠭᠡᠬᠦ ᠭᠠᠷᠴᠠᠭ ᠤᠨ ᠲᠤᠭᠤᠷᠢᠨ ᠳᠤ ᠪᠢᠷ ᠪᠡᠭᠡᠰ ᠮᠢᠷᠠᠯᠵᠠᠨ ᠤᠷᠤᠰᠤᠬᠰᠠᠭᠠᠷ ᠶᠠᠭ | ᠰᠠᠶᠢᠬᠠᠨ ᠲᠤᠯᠤᠭᠠᠨ ᠲᠤᠯᠤᠭᠠ ᠲᠦᠴᠢ ᠶᠢᠰᠦᠨ ᠪᠠᠳᠠᠭ ᠲᠤ ︽ᠠᠮᠤᠷ ᠰᠠᠶᠢᠬᠠᠨ ᠳᠠᠭᠠᠨ ᠵᠢᠷᠭᠠᠪᠠᠢ︾᠃ ᠡᠨᠡ ᠭᠦ | ᠲᠡᠭᠦᠰᠭᠡᠯ ᠨᠠᠶᠢᠷᠠᠬᠯᠠᠯ ᠲᠤᠯᠤᠭᠠᠨ ᠡᠳᠦᠷ ᠲᠡᠭᠡᠷᠡ ᠪᠠᠨ ᠪᠦᠳᠦᠪᠡ᠃ 8 ᠰᠠᠷᠠ ᠶᠢᠨ 27 ᠤ ᠡᠳᠦᠷ᠂ ︽ᠬᠠᠳᠤᠨ | ᠰᠦᠨᠡᠰᠦ︾ ᠨᠠᠶᠢᠷᠠᠬᠯᠠᠯ ᠢᠶᠠᠨ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠤᠳᠠᠭᠠ ᠵᠠᠰᠠᠵᠤ ᠪᠠᠷᠠᠭᠠᠳ ᠴᠠᠭᠠᠰᠦᠨ ᠳᠤ ᠪᠠᠭᠤᠯᠭᠠᠵᠤ | ᠬᠠᠳᠠᠭᠠᠯᠠᠪᠠ᠃ ᠲᠡᠷᠡ ᠨᠢ ᠶᠠᠭ ᠦᠳᠡ ᠶᠢᠨ ᠬᠤᠶᠢᠨᠠᠬᠢ 4 ᠴᠠᠭ ᠤᠨ ᠦᠶᠡ ᠪᠠᠶᠢᠵᠠᠢ᠃ ᠨᠠᠳᠠ ᠳᠤ ᠠᠪᠴᠦ | ᠬᠡᠯᠡᠪᠡᠯ ᠶᠡᠷᠦ ᠪᠤᠰᠦ ᠶᠢᠨ ᠤᠳᠬᠠ ᠠᠭᠤᠯᠭᠠ ᠲᠠᠢ ᠡᠨᠡ ᠭᠦ ᠲᠤᠮᠤ ᠢᠨᠵᠧᠨᠧᠷᠢᠩ ᠳᠡᠭᠡᠨ ᠲᠠᠪᠬᠤᠷ ᠴᠡᠭ | ᠲᠠᠯᠪᠢᠬᠰᠠᠨ ᠨᠢ ᠤᠯᠠᠨ ᠵᠢᠯ ᠤᠨ ᠭᠦᠰᠡᠯ ᠮᠦᠷᠦᠭᠡᠳᠦᠯ ᠪᠡᠶᠡᠯᠡᠭᠰᠡᠨ ᠮᠡᠳᠦ ᠲᠤᠳᠤᠷᠠ ᠠᠭᠤᠵᠢᠷᠠᠯᠠ᠃ ᠬᠠᠳᠤᠨ | ᠰᠦᠨᠡᠰᠦ ᠶᠢ ᠠᠮᠢᠯᠠᠭᠤᠯᠬᠤ ᠶᠢᠨ ᠲᠦᠯᠦᠬᠡ ᠪᠢ ᠤᠯᠠᠨ ᠵᠢᠯ ᠤᠨ ᠲᠤᠷᠰᠢᠳᠠ ᠤᠷᠳᠦ ᠤᠳᠠᠭᠠᠨ ᠡᠷᠢᠯᠳᠡ ᠬᠠᠶᠢᠯᠳᠠ | ᠬᠢᠵᠦ᠂ ᠮᠠᠰᠢ ᠤᠯᠠᠨ ᠪᠡᠷᠭᠡ ᠪᠠᠷᠳᠠᠭᠠᠨᠳᠦ ᠪᠠᠯᠠᠷ ᠵᠦᠷᠢᠭ ᠢᠶᠠᠷ ᠠᠶᠠᠯᠠᠨ᠂ ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠳᠠᠢ ᠭᠦᠳᠡᠯᠮᠦᠷᠢ | ᠪᠤᠯᠤᠨ ᠤᠶᠢᠭᠠ ᠦᠬᠡᠢ ᠭᠦᠭᠡᠭᠡᠴᠡᠯᠳᠦᠯ ᠤᠷᠤᠯᠳᠤᠯᠭᠠ ᠪᠠᠷ ᠲᠠᠮᠵᠢᠨ ᠰᠠᠶ᠋ᠢ ᠦᠨᠦᠳᠦᠷ ᠲᠤ ᠭᠦᠷᠴᠦ ᠢᠷᠡᠭᠰᠡᠨ | ᠶᠤᠮ᠃ | ᠵᠢᠷᠦᠬᠡᠨ ᠠᠴᠠ ᠤᠨᠳᠤᠷᠬᠤ ᠤᠶᠠᠩᠭᠠ ᠲᠠᠭᠤᠤ ᠠᠶᠠᠯᠤᠭᠤᠯᠤᠬᠰᠠᠭᠠᠷ ᠦᠳᠦ ᠰᠢᠭ ᠭᠦᠩᠬᠡᠨ ᠱᠦᠩᠬᠡᠨ ᠢᠶᠠᠷ | ᠠᠰᠠᠷ ᠤᠨ ᠭᠤᠳᠤᠮᠵᠢ ᠪᠠᠷ ᠭᠡᠳᠦ ᠡᠷᠬᠢᠨ ᠪᠤᠴᠠᠵᠤ ᠢᠷᠡᠭᠡᠳ ᠪᠢᠴᠢᠭ ᠤᠨ ᠰᠢᠷᠡᠭᠡᠨᠡ ᠲᠦᠷ ᠰᠠᠭᠠᠳᠠᠬᠤ ᠳᠠᠭᠠᠨ | ᠴᠤᠬᠤᠮ ᠶᠠᠭᠤ ᠬᠢᠵᠦ ᠶᠠᠭᠠᠬᠢᠬᠤ ᠶᠤᠰᠤᠳᠠᠢ ᠪᠠᠨ ᠮᠡᠳᠡᠯ ᠦᠬᠡᠢ ᠮᠡᠯᠡᠷᠡᠰᠭᠢᠭᠰᠡᠨ ᠢᠶᠠᠨ ᠴᠠᠭ ᠢᠶᠠᠨ ᠬᠠᠷᠠᠪᠠᠯ | ᠬᠤᠭᠤᠯᠠ ᠪᠡᠯᠡᠳᠭᠡᠭᠦ ᠴᠠᠭ ᠠᠷᠠᠢ ᠪᠤᠯᠤᠭᠠ ᠦᠬᠡᠢ᠃ ᠡᠶᠢᠮᠦ ᠦᠶᠡ ᠳᠤ ᠦᠨᠡᠨ ᠳᠡᠭᠡᠨ ᠶᠠᠭᠤ ᠴᠦ ᠬᠢᠯ ᠦᠬᠡᠢ | ᠴᠠᠢ ᠤᠰᠦ ᠤᠤᠭᠤᠬᠤ ᠪᠤᠶᠤ ᠭᠠᠷ ᠤᠳᠠᠰᠦ ᠲᠤᠶ᠋ᠢᠯᠬᠢᠯᠠᠨ ᠬᠡᠨ ᠨᠢᠬᠡᠨ ᠲᠠᠢ ᠲᠡᠯ ᠰᠤᠯᠠ ᠶᠠᠭᠤᠮᠠ ᠶᠠᠷᠢᠯᠴᠠᠭᠠᠳ | ᠦᠩᠭᠡᠷᠡᠵᠦ ᠪᠤᠯᠬᠤ ᠴᠦ ᠲᠡᠭᠡᠭᠰᠡᠨ ᠦᠬᠡᠢ᠂ ᠭᠠᠷ ᠤᠨ ᠠᠶᠠᠪᠡᠷ ᠨᠢᠬᠡᠨ ᠨᠤᠮ ᠢ ᠠᠪᠴᠦ ᠲᠤᠷᠠ ᠶᠢᠨ ᠭᠡᠯᠪᠡᠷᠢ ᠪᠠᠷ | ᠤᠷᠪᠠᠭᠤᠯᠤᠨ ᠨᠢᠳᠦ ᠭᠦᠶᠦᠯᠬᠡᠨ ᠤᠩᠰᠢᠯᠠ᠃ ᠡᠴᠢᠨᠡᠬᠡᠨ ᠵᠢᠯ ᠤᠨ ᠲᠤᠷᠰᠢ ᠨᠤᠮ ᠪᠢᠴᠢᠭ ᠲᠠᠢ ᠢᠨᠠᠬᠰᠢᠨ | ᠨᠦᠭᠦᠷᠯᠡᠭᠰᠡᠨ ᠨᠠᠳᠠᠳᠦ ᠠᠪᠴᠦ ᠭᠡᠯᠡᠪᠡᠯ ᠡᠶᠢᠮᠦᠷᠬᠦᠦ ᠵᠤᠷᠢᠯᠭᠠ ᠦᠬᠡᠢ᠂ ᠰᠤᠩᠭᠤᠯᠳᠠ ᠦᠬᠡᠢ ᠮᠦᠷᠳᠡᠭᠡᠨ ᠶᠠᠮᠠᠷ | ᠴᠦ ᠤᠯᠤᠯᠳᠠ ᠲᠦᠷᠦᠭᠳᠡᠯ ᠦᠬᠡᠢ ᠪᠠᠶᠢᠵᠤ ᠪᠤᠯᠬᠤ ︽ᠴᠠᠭ ᠨᠦᠭᠴᠢᠬᠡᠬᠦ ᠶᠢᠨ ᠲᠦᠯᠦᠬᠡᠨᠡ ᠨᠤᠮ ᠤᠩᠰᠢᠯᠳᠠ︾ | ᠶᠢ ᠠᠯᠢ ᠶᠢ ᠨᠢ ᠲᠡᠷᠡ ᠭᠡᠭᠦ ᠪᠤᠢ᠂ ᠪᠠᠷᠤᠭ ᠯᠡ ᠦᠷᠬᠦᠯᠵᠢ ᠲᠠᠪᠳᠠᠬᠳᠠᠨᠠ᠃ ᠰᠠᠨᠠᠮᠰᠠᠷ ᠦᠬᠡᠢ ᠡᠨᠡ ᠭᠦ | ᠭᠦᠳᠡᠯᠬᠡᠬᠡᠨ ᠮᠠᠨᠢ ᠠᠮᠢᠳᠤᠷᠠᠯ ᠤᠨ ᠡᠩ ᠤᠨ ᠵᠠᠩᠰᠢᠯ ᠯᠡ ᠲᠡᠳᠦᠢ᠃ | ᠭᠡᠳᠡᠯᠡ ᠁ | ᠭᠡᠳᠡᠯᠡ ᠶᠠᠭ ᠡᠶᠢᠮᠦᠷᠬᠦᠦ ᠰᠠᠨᠠᠮᠰᠠᠷ ᠦᠬᠡᠢ ᠰᠤᠩᠭᠤᠯᠳᠠ ᠳᠤ ᠰᠠᠶ᠋ᠢ ᠰᠠᠨᠠᠭᠠ ᠵᠡᠭᠦᠳᠦᠨ ᠳᠤ ᠪᠠᠶᠢᠮᠠᠷ ᠦᠬᠡᠢ | ᠭᠠᠶᠢᠬᠠᠮᠰᠢᠬᠳᠦ ᠬᠠᠷᠢᠭᠤᠯᠳᠠ ᠤᠯᠪᠠ ᠭᠡᠭᠴᠢ ᠶᠢ ᠬᠡᠨ ᠮᠡᠳᠡᠪᠡ︖ ᠨᠠᠮᠠᠢᠢ ᠶᠠᠭᠤ ᠤᠯᠵᠤ ᠤᠩᠰᠢᠪᠠ ᠭᠡᠵᠦ ᠲᠠ | ᠰᠠᠨᠠᠨᠠ︖ | ︽ᠮᠠᠨᠳᠤᠬᠠᠢ ᠲᠡᠷᠡ ᠦᠶᠡ ᠳᠤ ᠠᠷᠠᠳ ᠲᠦᠮᠡᠨ ᠳᠤ ᠪᠠᠷᠤᠭ ᠮᠡᠳᠡᠭᠳᠡᠭᠦ ᠦᠬᠡᠢ ᠪᠠᠶᠢᠬᠰᠠᠨ ᠶᠡᠭᠡ ᠬᠠᠳᠤᠨ ᠤ | ᠤᠩᠭᠤᠨ ᠰᠢᠳᠦᠬᠡᠨ ᠤ ᠡᠮᠦᠨᠡ ᠪᠠᠳᠦᠮᠦ᠋ᠩᠭᠡ ᠶᠢ ᠶᠡᠭᠡ ᠬᠠᠭᠠᠨ ᠳᠤ ᠡᠷᠭᠦᠮᠵᠢᠯᠡᠬᠦ ᠪᠠᠷ ᠰᠢᠢᠳᠴᠠᠢ ᠁ | ᠮᠤᠩᠭᠤᠯᠴᠤᠳ ᠠᠭᠤᠯᠠ ᠬᠠᠳᠠᠨ ᠲᠡᠭᠡᠷᠡ ᠪᠤᠰᠬᠠᠬᠰᠠᠨ ᠤᠪᠤᠭᠠᠨ ᠳᠤ ᠤᠷᠤᠰᠢᠬᠤ ᠡᠷᠡ ᠤᠩᠭᠤᠨ ᠢ ᠰᠢᠳᠦᠳᠡᠭ | ᠪᠦᠭᠡᠳ ᠠᠭᠤᠯᠠ ᠨᠢᠷᠤᠭᠤ᠂ ᠬᠠᠳᠠ ᠬᠠᠪᠴᠢᠯ ᠨᠢ ᠭᠠᠵᠠᠷ ᠲᠡᠯᠡᠬᠡᠢ ᠶᠢᠨ ᠶᠠᠰᠦ ᠶᠢ ᠪᠦᠷᠢᠯᠳᠦᠭᠦᠯᠳᠡᠭ ᠡᠷᠡ | ᠪᠤᠳᠠᠭᠠᠯᠢ ᠭᠡᠵᠦ ᠦᠵᠡᠳᠡᠭ ᠪᠠᠶᠢᠵᠠᠢ᠃ ᠲᠡᠭᠦᠨᠴᠢᠯᠡᠨ ᠡᠮᠡ ᠤᠩᠭᠤᠨ ᠢ ᠡᠭᠡ ᠲᠡᠯᠡᠬᠡᠢ ᠳᠤ ᠠᠮᠢᠳᠤᠷᠠᠯ | ᠬᠠᠶᠢᠷᠠᠯᠠᠬᠴᠢ ᠡᠮᠡ ᠪᠤᠳᠠᠭᠠᠯᠢ ᠪᠤᠯᠤᠬᠰᠠᠨ ᠤᠰᠤᠨ ᠤ ᠤᠶᠢᠷᠠ ᠶᠤᠮ ᠦᠦ ᠭᠠᠵᠠᠷ ᠡᠬᠡ ᠶᠢᠨ ᠤᠷᠤᠭ ᠭᠡᠭᠳᠡᠬᠦ ᠭᠡᠷ | ᠠᠭᠤᠢ ᠳᠤ ᠰᠢᠳᠦᠵᠦ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠤᠪᠤᠭᠠ ᠨᠢ ᠪᠠᠶᠢᠩᠭᠤ ᠨᠢᠬᠡ ᠭᠠᠵᠠᠷ ᠪᠠᠶᠢᠳᠠᠭ ᠪᠤᠯ ᠭᠡᠷ ᠨᠢ | ᠵᠦᠭᠡᠭᠡᠪᠦᠷᠢ ᠶᠢᠨ ᠠᠭᠤᠢ ᠶᠢᠨ ᠰᠢᠨᠵᠢ ᠲᠠᠢ᠃ ᠬᠠᠮᠢᠭᠠ ᠴᠦ ᠨᠡᠭᠦᠯᠭᠡᠵᠦ ᠠᠪᠠᠴᠢᠬᠤ ᠳᠤ ᠡᠮᠡ ᠤᠩᠭᠤᠨ ᠢ | ᠰᠢᠳᠦᠬᠦ ᠪᠤᠯᠤᠮᠵᠢ ᠲᠠᠢ ᠪᠠᠶᠢᠵᠠᠢ ᠁ ᠡᠷᠡ ᠰᠦᠯᠳᠡ ᠶᠢ ᠵᠦᠭᠡᠭᠡᠬᠦ ᠳᠡᠭᠡᠨ ᠮᠤᠷᠢ ᠲᠠᠢ ᠲᠠᠶᠢᠴᠢᠨ ᠭᠠᠷ ᠲᠠᠭᠠᠨ | ᠪᠠᠷᠢᠨ ᠠᠪᠴᠦ ᠶᠠᠪᠤᠳᠠᠭ ᠪᠤᠯ᠂ ᠡᠮᠡ ᠰᠢᠳᠦᠬᠡᠨ ᠤ ᠭᠡᠷ ᠢ ᠮᠤᠩᠭᠤᠯ ᠡᠮᠡᠭᠳᠡᠶᠢᠴᠤᠳ ᠤᠨ ᠡᠵᠡᠮᠰᠢᠳᠡᠭ ᠶᠤᠰᠤᠯᠠᠯ | ᠤᠨ ᠲᠡᠷᠭᠡᠨ ᠲᠡᠭᠡᠷᠡ ᠠᠴᠢᠶᠠᠯᠠᠨ ᠵᠦᠭᠡᠭᠡᠳᠡᠭ ᠪᠠᠶᠢᠵᠠᠢ ᠁ ᠮᠤᠩᠭᠤᠯᠴᠤᠳ ᠤᠪᠤᠭ ᠠᠶᠢᠮᠠᠭ ᠢᠶᠠᠷ ᠢᠶᠠᠨ ᠶᠠᠮᠠᠷ | ᠨᠢᠬᠡᠨ ᠰᠢᠨᠡ ᠭᠠᠵᠠᠷ ᠨᠤᠳᠤᠭ ᠤᠷᠤᠭᠤ ᠨᠡᠭᠦᠬᠦ ᠳᠡᠭᠡᠨ ᠦᠪᠡᠷᠰᠡᠳ ᠤᠨ ᠰᠢᠳᠦᠬᠡᠨ ᠢ ᠤᠷᠢᠳᠦ ᠪᠠᠨ ᠵᠠᠯᠠᠵᠤ᠂ | ᠭᠠᠵᠠᠷ ᠢ ᠠᠷᠢᠭᠤᠳᠬᠠᠨ ᠶᠠᠪᠤᠳᠠᠭ ᠪᠠᠶᠢᠪᠠ ᠁︾ ᠡᠳᠡᠭᠡᠷ ᠦᠬᠡ ᠦᠰᠦᠭ ᠤᠳ ᠢ ᠤᠩᠰᠢᠵᠤ ᠪᠠᠶᠢᠭᠠ ᠳᠠᠭᠠᠨ | ᠪᠢ ᠪᠠᠷᠤᠭ ᠲᠠᠭᠤᠨ ᠠᠯᠳᠠᠨ ᠭᠠᠶᠢᠬᠠᠰᠢᠷᠠᠵᠤ᠂ ᠵᠢᠷᠦᠬᠡ ᠰᠡᠳᠬᠢᠯ ᠮᠢᠨᠢ ᠤᠷᠢᠳ ᠡᠮᠦᠨᠡ ᠪᠠᠶᠢᠭᠠ ᠦᠬᠡᠢ ᠪᠠᠷ | ᠲᠤᠬᠳᠤᠯᠤᠨ ᠴᠡᠴᠡᠷᠡᠵᠦ ᠮᠡᠳᠡᠷᠡᠭᠳᠡᠯᠡ᠃ | ᠤᠯᠠᠨ ᠵᠢᠯ ᠡᠷᠢᠨ ᠡᠷᠢᠨ ᠰᠤᠷᠠᠨ ᠰᠤᠷᠠᠨ᠂ ᠰᠤᠷᠠᠨ ᠰᠤᠷᠠᠨ ᠬᠠᠶᠢᠵᠤ ᠮᠦᠷᠳᠡᠭᠰᠡᠨ ᠤ ᠮᠢᠨᠢ ᠬᠠᠷᠢᠭᠤ ᠤᠯᠭᠤᠮᠵᠢ | ᠭᠡᠵᠦ ᠡᠨᠡ ᠪᠠᠶᠢᠯᠠ ᠦᠦ︖ ︽ᠮᠠᠨᠳᠤᠬᠠᠢ᠂ ᠶᠡᠭᠡ ᠬᠠᠳᠤᠨ ᠤ ᠤᠩᠭᠤᠨ ᠰᠢᠳᠦᠬᠡᠨ ᠢ ᠴᠢᠬᠤᠯᠠᠴᠢᠯᠠᠨ ᠵᠤᠷᠢᠵᠤ | ᠤᠴᠢᠭᠠ ᠦᠬᠡᠢ ᠰᠠᠨ ᠪᠤᠯ ᠪᠢᠳᠡ ᠡᠶᠢᠮᠦ ᠤᠩᠭᠤᠨ ᠰᠢᠳᠦᠬᠡᠨ ᠪᠠᠶᠢᠬᠰᠠᠨ ᠢ ᠮᠡᠳᠡᠬᠦ ᠦᠬᠡᠢ ᠦᠩᠬᠡᠷᠡᠭᠦ ᠪᠠᠶᠢᠬᠰᠠᠨ | ᠪᠢᠵᠠ ᠡ ᠁ ᠪᠠᠳᠦᠮᠦ᠋ᠩᠬᠡ ᠶᠡᠭᠡ ᠬᠠᠭᠠᠨ ᠢ ᠠᠩᠬᠠ ᠡᠮᠡ ᠭᠦᠮᠦᠨ ᠤ ᠤᠩᠭᠤᠨ ᠰᠢᠳᠦᠬᠡᠨ ᠤ ᠡᠮᠦᠨᠡ | ᠡᠷᠭᠦᠮᠵᠢᠯᠡᠬᠦ ᠶᠢ ᠰᠢᠢᠳᠬᠦ ᠳᠡᠭᠡᠨ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠵᠦᠪᠬᠡᠨ ᠴᠢᠩᠬᠢᠰ ᠬᠠᠭᠠᠨ ᠤ ᠶᠡᠭᠡ ᠭᠦᠷᠦᠨ ᠢ | ᠰᠡᠷᠭᠦᠭᠡᠬᠦ ᠲᠡᠳᠦᠢ ᠶᠢ ᠵᠤᠷᠢᠬᠰᠨᠨ ᠦᠬᠡᠢ᠂ ᠴᠢᠩᠬᠢᠰ ᠬᠠᠭᠠᠨ ᠤ ᠠᠮᠵᠢᠯᠳᠠ ᠳᠤ ᠭᠦᠷᠬᠦ ᠳᠤ ᠴᠢᠬᠤᠯᠠ ᠡᠭᠦᠷᠬᠡ | ᠭᠦᠢᠴᠡᠳᠬᠡᠭᠰᠡᠨ ᠭᠡᠳᠦᠢ ᠴᠦ᠂ ᠲᠡᠭᠦᠨ ᠢ ᠵᠠᠯᠭᠠᠮᠵᠢᠯᠠᠬᠴᠢᠳ ᠤᠨ ᠬᠢᠨᠢ ᠤᠯᠠᠶᠢᠷᠠᠨ ᠦᠭᠡᠶᠢᠰᠭᠡᠭᠰᠡᠨ ᠡᠷᠡ ᠪᠠ ᠡᠮᠡ | ᠰᠢᠳᠦᠬᠡᠨ ᠤ ᠲᠡᠩᠴᠡᠭᠦᠷᠢ ᠲᠠᠢ ᠬᠠᠷᠢᠴᠠᠭᠠ ᠶᠢ ᠰᠡᠷᠭᠦᠬᠡᠬᠦ ᠶᠢ ᠮᠦᠨ ᠵᠤᠷᠢᠬᠰᠠᠨ ᠠᠵᠢ ᠁︾ ᠡᠳᠡᠭᠡᠷ ᠮᠦᠷ | ᠪᠠᠳᠠᠭ ᠢ ᠤᠩᠰᠢᠵᠤ ᠪᠠᠶᠢᠭᠠ ᠳᠠᠭᠠᠨ ᠪᠢ ᠲᠤᠳᠤᠷᠠ ᠪᠠᠨ ᠤᠤᠬᠠᠢ ᠠᠯᠳᠠᠨ ᠬᠠᠰᠬᠢᠷᠤᠯᠠ᠃ ᠡᠨᠡ ᠭᠦ ᠬᠠᠰᠬᠢᠷᠤᠯᠳᠠ | ᠶᠢ ᠨᠠᠳᠠ ᠠᠴᠠ ᠦᠬᠡᠷᠡ ᠬᠡᠨ ᠭᠦᠮᠦᠨ ᠴᠦ ᠤᠯᠵᠤ ᠰᠤᠨᠤᠰᠤᠭᠠ ᠦᠬᠡᠢ ᠭᠡᠳᠡᠭ ᠪᠤᠯᠪᠠᠴᠦ ᠮᠢᠨᠦ ᠪᠡᠶᠡ ᠰᠡᠳᠬᠢᠯ ᠢ | ᠪᠦᠷᠢᠮᠦᠰᠦᠨ ᠲᠤᠩᠰᠤᠯᠭᠠᠵᠠᠢ᠃ ᠵᠢᠷᠦᠬᠡ ᠪᠠᠨ ᠲᠠᠷᠤᠵᠤ ᠨᠢᠳᠦ ᠪᠠᠨ ᠠᠨᠢᠨ ᠤᠳᠠᠳᠠᠯᠠ ᠨᠠᠮ ᠰᠠᠭᠤᠪᠠ᠃ ᠨᠢᠬᠡᠨ | ᠵᠤᠷᠪᠤᠰ ᠬᠠᠯᠠᠭᠤᠨ ᠤᠷᠤᠰᠬᠠᠯ ᠬᠤᠷᠢᠬᠯᠠᠬᠳᠠᠰᠢ ᠦᠬᠡᠢ ᠲᠤᠯᠬᠢᠶᠠᠯᠠᠨᠠ᠃ ᠠᠮᠢ ᠨᠠᠰᠤᠨ ᠤ ᠬᠠᠮᠤᠭ ᠤᠨ ᠠᠷᠢᠭᠤᠨ | ᠲᠠᠩᠰᠤᠭ ᠡᠷᠬᠢᠮ ᠦᠨᠡᠳᠡᠢ ᠲᠡᠷᠡ ᠪᠦᠯᠢᠶᠡᠨ ᠤᠷᠤᠰᠬᠠᠯ ᠢ ᠪᠢ ᠰᠠᠨᠠᠭᠠᠨ ᠤ ᠠᠶᠠᠪᠡᠷ ᠤᠷᠤᠰᠬᠠᠨ ᠤᠷᠤᠰᠬᠠᠵᠤ ᠁ | ᠠᠭᠠᠵᠢᠮ ᠢᠶᠠᠷ ᠨᠢᠳᠦ ᠪᠠᠨ ᠨᠡᠭᠡᠭᠡᠨ ᠠᠳᠬᠤᠵᠤ ᠪᠠᠶᠢᠬᠰᠠᠨ ᠨᠤᠮ ᠤᠨ ᠢᠶᠠᠨ ᠬᠠᠪᠢᠰᠦ ᠶᠢ ᠬᠠᠷᠠᠬᠰᠠᠨ ᠴᠢᠨᠢ ︽ | ᠮᠤᠩᠭᠤᠯ ᠤᠨ ᠶᠡᠭᠡ ᠬᠠᠳᠤᠳ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠬᠡᠮᠡᠬᠦ ᠲᠤᠮᠤ ᠲᠤᠮᠤ ᠦᠰᠦᠭ ᠤᠳ ᠨᠢᠯᠪᠤᠰᠤᠳᠦ | ᠨᠢᠳᠦᠨᠡ ᠪᠦᠷᠳᠦᠯᠵᠡᠨᠡ᠃ ᠠᠮᠧᠷᠢᠺᠠ ᠶᠢᠨ ᠵᠤᠬᠢᠶᠠᠯᠴᠢ ᠵᠠᠺ ᠸᠧᠽᠧᠷᠹᠦᠷᠳ᠋ ᠤᠨ ᠪᠢᠴᠢᠭᠰᠡᠨ ᠡᠨᠡ ᠨᠤᠮ ᠢ ᠪᠢ | ᠭᠡᠳᠦ ᠤᠳᠠᠭᠠ ᠤᠩᠰᠢᠨ ᠲᠤᠭᠤᠯᠤᠬᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠤᠤᠯ ᠨᠢ ᠶᠠᠭᠠᠬᠢᠭᠠᠳ ᠡᠶᠢᠮᠦᠷᠬᠦᠦ ᠴᠢᠩᠭᠠ | ᠭᠦᠴᠦᠳᠡᠢ ᠮᠡᠳᠡᠷᠡᠮᠵᠢ ᠲᠦᠷᠦᠭᠳᠡᠭᠡ ᠦᠬᠡᠢ ᠪᠠᠶᠢᠬᠰᠠᠨ ᠶᠤᠮ ᠪᠤᠯ︖ ︽ᠡᠨᠡ ᠨᠤᠮ ᠪᠤᠯ ᠮᠤᠩᠭᠤᠯ | ᠪᠦᠰᠡᠭᠦᠶᠢᠴᠤᠳ ᠤᠨ ᠲᠤᠬᠠᠢ ᠡᠷᠢᠯ — ᠤᠷᠳᠦ ᠤᠳᠠᠭᠠᠨ ᠠᠶᠠᠨ ᠤ ᠮᠢᠨᠢ ᠬᠠᠮᠤᠭ ᠨᠠᠶᠢᠳᠠᠪᠤᠷᠢᠳᠠᠢ ᠲᠠᠶᠢᠯᠤᠨ | ᠪᠤᠯᠤᠬᠰᠠᠨ ᠪᠠᠶᠢᠨᠠ︾ ᠭᠡᠵᠦ 2015 ᠤᠨ ᠤ 2 ᠰᠠᠷᠠ ᠶᠢᠨ 9 ᠤ ᠡᠳᠦᠷ ᠲᠤᠰ ᠨᠤᠮ ᠢ ᠤᠯᠤᠬᠰᠠᠨ ᠤ | ᠲᠠᠷᠠᠭᠠᠬᠠᠨ ᠪᠢᠴᠢᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠬᠰᠠᠨ ᠪᠤᠯ᠂ ᠤᠩᠰᠢᠨ ᠰᠤᠨᠢᠷᠬᠠᠵᠤ᠂ ᠠᠩᠬᠠᠨ ᠤ ᠤᠳᠠᠭᠠ ᠲᠤᠭᠤᠯᠤᠬᠰᠠᠨ | ᠤ ᠪᠠᠨ ᠲᠠᠷᠠᠭᠠᠬᠠᠨ ︽ᠤᠷᠠᠬᠳᠠᠬᠰᠠᠨ ᠲᠡᠤᠭᠡ ᠶᠢᠨ ᠪᠠᠯᠠᠷᠬᠠᠢ ᠮᠦᠷ ᠢᠶᠠᠷ ᠁ — ᠬᠠᠳᠤᠨ ᠲᠡᠭᠡᠳᠦ | ᠡᠭᠡᠴᠤᠤᠯ ᠤᠨ ᠦᠤᠬᠡ ᠲᠡᠤᠭᠡ ᠶᠢᠨ ᠮᠦᠷ ᠤᠯᠪᠠᠭᠠ ᠠᠴᠠ ᠮᠤᠩᠭᠤᠯ ᠡᠮᠡᠭᠳᠡᠶᠢᠴᠤᠳ ᠤᠨ ᠮᠠᠷᠳᠠᠬᠳᠠᠬᠰᠠᠨ ᠲᠡᠤᠭᠡ | ᠶᠢ ᠬᠠᠶᠢᠬᠤ ᠠᠨᠤ︾ ᠬᠡᠮᠡᠬᠦ ᠭᠠᠷᠴᠠᠭ ᠲᠠᠯᠪᠢᠵᠦ ᠪᠠᠶᠢᠬᠰᠠᠨ 2015 ᠤᠨ ᠤ 4 ᠰᠠᠷᠠ ᠶᠢᠨ 18 ᠤ ᠡᠳᠦᠷ ᠤᠨ | ᠪᠢᠴᠢᠭᠡᠰᠦ ᠮᠢᠨᠢ ᠨᠢᠳᠦᠨᠡ ᠲᠤᠳᠤᠷᠠᠨᠠ᠃ ᠪᠢ ︽ᠬᠠᠳᠤᠨ ᠰᠦᠨᠡᠰᠦ︾ ᠪᠠᠨ ᠲᠠᠬᠢᠨᠳᠠ ᠤᠩᠰᠢᠵᠦ ᠦᠪᠡᠷ ᠤᠨ | ᠰᠡᠳᠬᠢᠯ ᠵᠢᠷᠦᠬᠡᠨ ᠲᠤᠳᠤᠷᠠᠬᠢ ᠲᠡᠷᠡ ᠨᠢᠬᠡᠨ ᠨᠢᠭᠤᠴᠠ ᠲᠠᠯᠳᠠᠬᠢ ᠮᠡᠳᠡᠷᠡᠮᠵᠢ ᠶᠢᠨ ᠰᠢᠵᠢᠮ ᠢᠶᠠᠨ ᠲᠠᠬᠢᠨᠳᠠ | ᠡᠷᠢᠯᠬᠢᠯᠡᠪᠡ ᠁ | ᠲᠦᠷᠦ ᠶᠢᠨ ᠶᠤᠰᠦ ᠲᠦᠮᠡᠨ ᠤ ᠪᠤᠶᠠᠨ ᠢᠶᠠᠷ ᠬᠠᠳᠤᠳ ᠤᠨ ᠱᠠᠰᠳᠢᠷ ᠪᠢᠴᠢᠭᠳᠡᠳᠡᠭ ᠴᠦ | ᠲᠤᠭᠤᠷᠪᠢᠨ ᠵᠤᠬᠢᠶᠠᠬᠳᠠᠬᠰᠠᠨ ᠲᠡᠤᠭᠡ ᠪᠢᠴᠢᠭ ᠢᠨᠦ ᠴᠠᠭ ᠤᠨ ᠲᠤᠭᠤᠰᠤᠨᠠ ᠵᠠᠮᠬᠠᠷᠠᠯᠤᠭᠠ | ᠲᠤᠳᠤᠭᠠᠳᠦ ᠤᠷᠳᠤᠨ ᠤ ᠨᠢᠭᠤᠴᠠ ᠠᠮᠢᠳᠤᠷᠠᠯ ᠳᠤ ᠵᠡᠭᠦᠳᠦ ᠭᠦᠰᠡᠯ ᠶᠦᠭᠡᠨ ᠡᠰᠡ ᠪᠦᠷᠦᠭᠰᠢᠬᠦᠯᠵᠦ | ᠲᠤᠶᠠᠭᠠᠳᠦ ᠰᠠᠷᠠᠨ ᠤ ᠪᠢᠯᠢᠭ ᠤᠨ ᠭᠡᠭᠡ ᠪᠠᠷ ᠦᠭᠡᠳᠡᠯᠡᠬᠦ ᠨᠠᠷᠠᠨ ᠢ ᠲᠡᠳᠭᠦᠮᠤᠢ | ᠲᠤᠷᠭᠠᠨ ᠲᠡᠪᠡᠯ ᠲᠠᠩᠬᠠᠢ ᠲᠠᠩᠰᠤᠬᠯᠠᠯ ᠳᠤ ᠨᠢᠭᠤᠷ ᠵᠢᠰᠦ ᠢᠨᠤ ᠡᠰᠡ ᠪᠠᠯᠠᠷᠰᠢᠨ | ᠲᠠᠭᠤᠳᠠᠬᠤ ᠨᠡᠷᠡ ᠲᠠᠭᠤᠷᠢᠰᠬᠤ ᠠᠯᠳᠠᠷ ᠢ ᠠᠨᠤ ᠲᠡᠤᠭᠡ ᠱᠠᠰᠳᠢᠷ ᠲᠤ ᠡᠶᠢᠨ ᠬᠦ ᠬᠤᠴᠤᠷᠭᠠᠯᠤᠭᠠ ᠁ | ᠮᠤᠷᠢᠳᠠᠨ ᠦᠨᠳᠦᠰᠦᠳᠡᠨ ᠤ ᠤᠮᠤᠬᠰᠢᠯ ᠪᠤᠯᠤᠬᠴᠢ | ᠮᠤᠩᠭᠤᠯ ᠬᠠᠳᠤᠳ ᠤᠨ ᠱᠠᠰᠳᠢᠷ ᠲᠡᠤᠭᠡ | ᠮᠦᠩᠬᠡ ᠶᠢᠨ ᠮᠦᠩᠬᠡ ᠮᠢᠨᠦ ᠰᠢᠳᠦᠬᠡᠨ ᠁ | ︽ᠰᠢᠳᠦᠬᠡᠨ ᠬᠠᠳᠤᠨ︾ ᠭᠡᠳᠡᠭ ᠲᠡᠭᠦᠰᠭᠡᠯ ᠡᠨᠡ ᠪᠠᠳᠠᠭ ᠭᠦᠷᠭᠦ ᠳᠤ ᠵᠡᠭᠦᠳᠦ ᠴᠦ ᠰᠢᠭ᠂ ᠦᠨᠡᠨ ᠴᠦ ᠰᠢᠭ᠃ | ᠪᠦᠷ ᠴᠦ ᠪᠦᠤᠷ ᠲᠦᠤᠷᠭᠡᠨ ᠁ | ᠲᠠᠷᠠᠭᠠ ᠡᠳᠦᠷ ᠤᠨ ᠬᠢᠨᠢ ᠦᠤᠷ ᠢᠶᠠᠷ᠂ ᠪᠢ ᠵᠡᠭᠦᠳᠦᠯᠡᠴᠢᠬᠡᠵᠡᠢ᠃ | ᠁ ᠪᠢᠳᠡ ᠪᠦᠭᠦᠳᠡᠭᠡᠷ ᠬᠠᠮᠢᠭᠠ ᠨᠢᠭᠡ ᠵᠦᠭ ᠲᠤ ᠶᠠᠪᠤᠵᠠᠭᠠᠭᠬᠰᠠᠨ ᠶᠤᠮ ᠪᠤᠤ ᠮᠡᠳᠡ᠂ ᠮᠠᠰᠢ ᠤᠳᠠᠭᠠᠨ | ᠶᠠᠪᠤᠬᠰᠠᠨ ᠯᠡ ᠲᠦᠯᠦᠪᠳᠡᠢ᠃ ᠭᠡᠷ ᠤᠷᠤᠨ ᠮᠢᠨᠢ ᠡᠵᠡᠬᠦᠢ᠃ ᠶᠠᠪᠤᠨ ᠶᠠᠪᠤᠵᠤ ᠁ ᠶᠠᠪᠤᠵᠤ ᠶᠠᠪᠤᠭᠠᠳ | ᠪᠤᠴᠠᠭᠠᠳ ᠢᠷᠡᠬᠦ ᠶᠢᠨ ᠦᠶᠡ ᠳᠤ ᠪᠢ ᠬᠠᠮᠤᠭ ᠠᠴᠠ ᠲᠦᠷᠦᠬᠦᠨᠡ ᠭᠡᠷ ᠲᠡᠭᠡᠨ ᠤᠷᠤᠵᠤ ᠤᠴᠢᠪᠠ᠃ ᠭᠡᠷ ᠤᠷᠤᠨ | ᠮᠢᠨᠢ ᠤᠤᠯ ᠭᠡᠪ ᠢᠶᠠᠷ ᠪᠤᠯᠪᠠᠴᠦ ᠬᠠᠨᠵᠤᠨ ᠤ ᠭᠤᠤᠯ ᠳᠤ ᠬᠡᠷᠡᠮ ᠢ ᠲᠦᠰᠢᠬᠦᠯᠦᠭᠡᠳ ᠨᠢᠬᠡᠨ ᠭᠦᠮᠦᠨ ᠤ ᠭᠦᠷᠦᠭ | ᠵᠢᠷᠤᠭ ᠢ ᠪᠤᠰᠬᠠᠵᠤ ᠲᠠᠯᠪᠢᠬᠰᠠᠨ ᠬᠠᠷᠠᠬᠳᠠᠯᠠ᠃ ᠠᠶᠠ᠂ ᠰᠤᠨᠢᠨ ᠴᠦ ᠶᠤᠮ ᠳ᠋ᠠ᠃ ᠪᠤᠷᠤ ᠽᠠᠨᠳᠠᠨ ᠮᠤᠳᠤᠨ | ᠵᠢᠶᠠᠰᠠ ᠲᠠᠢ ᠪᠤᠳᠤᠭ ᠦᠬᠡᠢ ᠡᠨᠡ ᠵᠢᠷᠤᠭ ᠤᠨ ᠪᠦᠰᠡᠭᠦᠢ ᠴᠤᠬᠤᠮ ᠬᠡᠨ ᠪᠤᠯᠴᠢᠬᠠᠪᠠ ᠳ᠋ᠠ ᠭᠡᠳ ᠭᠡᠷᠡᠯ ᠠᠰᠠᠭᠠᠨ | ᠯᠠᠪᠯᠠᠨ ᠦᠵᠡᠭᠰᠡᠨ ᠴᠢᠨᠢ᠂ ᠦᠵᠡᠰᠡ ᠡ︕ ᠨᠠᠭᠠᠴᠦ ᠡᠮᠡᠭᠡ᠃ ᠨᠠᠭᠠᠴᠦ ᠡᠮᠡᠭᠡ ᠮᠢᠨᠢ ᠦᠭᠡᠳᠡ ᠠᠴᠠ ᠬᠠᠷᠠᠨ | ᠢᠨᠢᠶᠡᠮᠰᠦᠭᠯᠡᠵᠦ ᠪᠠᠶᠢᠨᠠ᠃ ᠲᠡᠶᠢᠮᠦ ᠯᠡ ᠠᠮᠤᠭᠤᠯᠠᠩ᠂ ᠲᠡᠶᠢᠮᠦ ᠯᠡ ᠦᠵᠡᠰᠭᠦᠯᠡᠩ᠃ ᠪᠢ ᠶᠡᠭᠡᠳᠡ ᠤᠶᠠᠷᠠᠨ | ᠨᠠᠭᠠᠴᠦ ᠡᠮᠡᠭᠡ ᠶᠢᠨ ᠢᠶᠠᠨ ᠡᠮᠦᠨᠡ ᠲᠦᠱ ᠬᠢᠳᠡᠯᠡ ᠰᠦᠭᠦᠳᠦᠭᠡᠳ᠄ ︽ᠨᠠᠭᠠᠴᠦ ᠡᠮᠡᠭᠡ ᠮᠢᠨᠢ ᠡ᠂ ᠪᠢᠳᠡ ᠬᠠᠷᠢᠨ | ᠲᠠᠨ ᠢ ᠪᠠᠨ ᠭᠠᠵᠠᠷ ᠪᠦᠬᠦᠨ ᠠᠴᠠ ᠡᠷᠢᠬᠡᠳ ᠯᠡ ᠪᠠᠶᠢᠬᠰᠠᠨ ᠶᠤᠮ᠂ ᠲᠠ ᠴᠢᠨᠢ ᠬᠠᠷᠢᠨ ᠶᠡᠷᠦ ᠠᠴᠠ ᠬᠠᠮᠢᠭᠠ ᠴᠦ | ᠶᠠᠪᠤᠭᠠ ᠦᠬᠡᠢ᠂ ᠦᠷᠦᠭᠡ ᠭᠡᠷ ᠲᠡᠭᠡᠨ ᠰᠠᠭᠠᠳᠠᠭᠠᠳ ᠯᠡ ᠪᠠᠶᠢᠬᠰᠠᠨ ᠶᠤᠮᠰᠠᠨᠵᠠᠢ ᠁︾ ᠭᠡᠳ ᠬᠠᠨᠵᠤᠨ | ᠲᠡᠭᠡᠷᠡ ᠮᠦᠯᠬᠦᠨ ᠭᠠᠷᠤᠭᠠᠳ ᠮᠦᠷᠬᠦᠵᠦ ᠮᠦᠷᠭᠦᠭᠡᠳ ᠨᠠᠭᠠᠴᠦ ᠡᠮᠡᠭᠡ ᠶᠢᠨ ᠢᠶᠠᠨ ᠭᠦᠷᠦᠭ ᠢ ᠲᠡᠪᠡᠷᠢᠨ ᠠᠪᠬᠤ ᠶᠢ | ᠠᠮᠵᠢᠳᠠᠯᠠ᠂ ᠦᠨᠦᠬᠢ ᠭᠦᠷᠦᠭ ᠵᠢᠷᠤᠭ ᠬᠠᠷᠢᠨ ᠬᠢᠯᠠᠰᠬᠢᠨ ᠭᠡᠷᠡᠯᠳᠦᠮᠡᠭᠴᠡ ᠵᠢᠪ ᠵᠢᠵᠢᠭᠬᠡᠨ ᠨᠤᠮ ᠤᠨ ᠬᠠᠪᠢᠰᠦ | ᠪᠤᠯᠤᠨ ᠬᠤᠪᠢᠯᠤᠭᠠᠳ ᠠᠯᠠᠭᠠᠨ ᠲᠡᠭᠡᠷᠡ ᠮᠢᠨᠢ ᠪᠠᠭᠤᠪᠠ᠃ ᠪᠢ ᠬᠠᠴᠢᠷᠬᠠᠨ ᠭᠠᠶᠢᠬᠠᠰᠢᠷᠠᠬᠰᠠᠭᠠᠷ ᠲᠡᠷᠡ ᠭᠦ | ᠵᠢᠵᠢᠭᠭᠡᠨ ᠨᠤᠮ ᠢ ᠱᠤᠬᠤᠭᠤᠷᠬᠠᠨ ᠪᠠᠶᠢᠳᠠᠯᠠ ᠭᠠᠳᠠᠨᠠ ᠠᠴᠠ ᠡᠵᠢ ᠮᠢᠨᠢ ᠤᠷᠤᠭᠠᠳ ᠢᠷᠡᠪᠡ᠂ ᠡᠵᠢ ᠶᠢᠨ ᠠᠷᠦ | ᠠᠴᠠ ᠮᠠᠰᠢ ᠤᠯᠠᠨ ᠭᠦᠮᠦᠰ ᠲᠠᠭᠠᠯᠴᠠᠨᠠ᠃ | ︽ᠡᠵᠢ ᠡ︕ ᠲᠠ ᠦᠵᠡᠭᠡᠴᠢ ᠳ᠋ᠠ᠂ ᠮᠠᠨᠤᠰ ᠢ ᠭᠠᠳᠠᠬᠰᠢ ᠶᠠᠪᠤᠬᠰᠠᠨ ᠬᠤᠭᠤᠷᠤᠨᠳᠦ ᠨᠠᠭᠠᠴᠦ ᠡᠮᠡᠭᠡ ᠪᠤᠴᠠᠭᠠᠳ | ᠢᠷᠡᠴᠢᠭᠡᠭᠰᠡᠨ ᠪᠠᠶᠢᠨᠠ ᠰᠢᠦ︕ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠢᠷᠡᠭᠡᠳ ᠬᠠᠨᠵᠤᠨ ᠤ ᠪᠠᠨ ᠭᠤᠤᠯ ᠳᠤ ᠰᠠᠭᠠᠳᠠᠵᠤ | ᠪᠠᠶᠢᠵᠠᠢ︕︾ ᠭᠡᠵᠦ ᠪᠢ ᠪᠠᠶᠠᠷᠯᠠᠨ ᠲᠤᠬᠳᠤᠯᠵᠤ ᠦᠨᠦᠬᠢ ᠠᠯᠠᠭᠠᠨ ᠨᠤᠮ ᠢᠶᠠᠨ ᠡᠵᠢ ᠳᠤ ᠭᠠᠷᠳᠠᠭᠤᠯᠬᠤ ᠶᠢᠨ | ᠬᠠᠮᠳᠦ᠂ ᠬᠠᠪᠢᠰᠤᠨ ᠤ ᠵᠢᠷᠤᠭ ᠤᠷᠤᠭᠤ ᠬᠠᠨᠳᠤᠨ ︽ᠨᠠᠭᠠᠴᠦ ᠡᠮᠡᠭᠡ ᠡ︕︾ ᠭᠡᠮᠡᠨ ᠭᠤᠤᠯ ᠤᠨ ᠠᠶᠠᠯᠭᠤ ᠪᠠᠷ | ᠬᠠᠰᠬᠢᠷᠤᠨ ᠲᠠᠭᠤᠳᠠᠬᠤ ᠳᠤ ᠡᠵᠢ ᠮᠢᠨᠢ ᠪᠠᠰᠠ ︽ᠡᠵᠢ ᠡ︕︾ ᠬᠡᠮᠡᠨ ᠤᠷᠢ ᠲᠠᠭᠤ ᠬᠠᠳᠠᠭᠠᠨ ᠪᠠᠶᠢᠳᠠᠯᠠ᠂ | ᠨᠠᠭᠠᠴᠦ ᠡᠮᠡᠭᠡ ᠶᠢᠨ ᠭᠡᠷᠡᠯ ᠲᠠᠳᠠᠬᠰᠠᠨ ᠮᠠᠩᠨᠠᠢ ᠶᠢᠨ ᠠᠳᠤᠷᠢᠶᠠ ᠬᠤᠨᠢᠶᠠᠰᠦ ᠪᠦᠷᠢ ᠠᠴᠠ ᠨᠢ ᠭᠦᠯᠦᠰᠦ | ᠲᠠᠭᠠᠭᠠᠪᠤᠷᠢᠯᠠᠬᠤ ᠰᠢᠤᠬᠠᠨ ᠪᠤᠯᠵᠤ᠂ ᠠᠭᠠᠵᠢᠮ ᠢᠶᠠᠷ ᠰᠢᠷᠭᠡᠭ ᠰᠢᠷᠭᠡᠭ ᠠᠯᠳᠠᠨ ᠭᠡᠷᠡᠯ ᠪᠤᠯᠤᠨ ᠤᠶᠢᠯᠵᠤ ᠨᠠᠷᠠᠨ ᠤ | ᠭᠡᠷᠡᠯ ᠲᠠᠢ ᠠᠭᠤᠰᠤᠯᠳᠤᠨᠠ᠃ ᠲᠡᠭᠡᠵᠦ ᠪᠠᠶᠢᠳᠠᠯᠠ ᠦᠬᠢᠨ ᠲᠡᠭᠦᠦ ᠰᠡᠴᠡᠨ ᠪᠠᠰᠠ ᠭᠦᠷᠦᠯᠴᠡᠨ ᠢᠷᠡᠴᠢᠬᠡᠭᠡᠳ᠄ ︽ | ᠦᠵᠡᠶᠡ ᠦᠵᠡᠶᠡ︕ ᠪᠢ ᠪᠠᠰᠠ ᠨᠢᠬᠡ ᠦᠵᠡᠭᠡᠳᠡᠭᠡᠶᠡ︕︾ ᠭᠡᠵᠦ ᠡᠵᠢ ᠪᠢᠳᠡ ᠬᠤᠶᠠᠭᠤᠯᠠ ᠶᠢᠨ ᠲᠤᠮᠳᠠᠭᠤᠷ | ᠤᠷᠤᠬᠰᠢ ᠲᠡᠮᠡᠦᠯᠦᠨᠡ᠃ ᠰᠡᠴᠡᠨ ᠪᠤᠯ ᠮᠢᠨᠦ ᠭᠤᠷᠪᠠᠳᠤᠭᠠᠷ ᠨᠠᠭᠠᠴᠦ ᠡᠵᠢ ᠶᠢᠨ ᠤᠳᠬᠤᠨ ᠦᠬᠢᠨ ᠨᠢ ᠶᠤᠮ᠂ | ᠪᠠᠭᠠ ᠳᠠᠭᠠᠨ ᠪᠢᠳᠡ ᠪᠦᠷ ᠨᠠᠭᠠᠴᠦ ᠡᠮᠡᠭᠡ ᠶᠢᠨ ᠢᠶᠠᠨ ᠨᠠᠢᠮᠠᠨ ᠲᠠᠰᠤᠯᠭᠠ ᠦᠷᠦᠭᠡᠨ ᠳᠤ ᠬᠠᠮᠳᠦ ᠲᠤᠬᠯᠠᠨ | ᠦᠰᠦᠭᠰᠡᠨ ᠶᠤᠮ ᠳ᠋ᠠ᠃ ︽ᠰᠡᠴᠡᠨ ᠡ᠂ ᠨᠠᠭᠠᠴᠦ ᠡᠮᠡᠭᠡ ᠬᠠᠷᠢᠭᠠᠳ ᠢᠷᠡᠴᠢᠬᠡᠵᠡᠢ ᠰᠢᠦ︕ ᠴᠢ ᠪᠦᠭᠦᠳᠡ ᠳᠤ | ᠴᠢᠨᠠᠬᠰᠢ ᠪᠠᠨ ᠲᠠᠮᠵᠢᠭᠤᠯᠤᠭᠠᠳ ᠦᠭ︕︾ ᠭᠡᠵᠦ ᠨᠠᠮᠠᠢᠢ ᠬᠡᠯᠡᠵᠦ ᠪᠠᠷᠠᠬᠤ ᠠᠴᠠ ᠡᠮᠦᠨᠡ᠂ ︽ᠸᠠ︕︾ ᠬᠢᠨ | ᠨᠢᠯᠬᠠ ᠭᠡᠤᠭᠡᠳ ᠤᠨ ᠴᠠᠰᠬᠢᠨ ᠤᠬᠢᠯᠠᠬᠤ ᠲᠠᠭᠤᠨ ᠰᠤᠨᠤᠰᠳᠠᠬᠤ ᠳᠤ ᠁ ᠰᠡᠷᠡᠪᠡ᠃ | ᠵᠡᠭᠦᠳᠦᠯᠡᠵᠦ ᠰᠡᠷᠡᠭᠡᠳ ᠪᠢ ᠶᠤᠰᠤᠳᠠᠢ ᠮᠡᠯ ᠭᠠᠶᠢᠬᠠᠯᠠ᠃ | ᠡᠨᠡ ᠵᠡᠭᠦᠳᠦ ᠲᠤᠪ ᠲᠤᠳᠤᠬᠠᠨ᠃ ᠬᠦᠮᠦᠨ ᠨᠢ ᠴᠦ᠂ ᠦᠬᠡ ᠨᠢ ᠴᠦ ᠲᠤᠪ ᠲᠤᠳᠤᠷᠬᠠᠢ᠃ ᠶᠠᠭ ᠯᠡ ᠦᠨᠡᠨ | ᠤᠴᠢᠷ ᠰᠢᠭ᠋᠃ ᠨᠠᠭᠠᠴᠦ ᠡᠮᠡᠭᠡ ᠮᠢᠨᠢ ᠶᠢᠷᠳᠢᠨᠴᠦ ᠠᠴᠠ ᠰᠠᠯᠤᠭᠠᠳ ᠨᠢᠭᠡᠨᠳᠡ ᠲᠦᠴᠢᠭᠡᠳ ᠵᠢᠯ ᠪᠤᠯᠴᠢᠬᠠᠬᠰᠠᠨ | ᠶᠤᠮ᠃ | ᠡᠨᠡ ᠵᠡᠭᠦᠳᠦ ᠪᠠᠨ ᠪᠢ ᠮᠠᠰᠢᠳᠠ ᠪᠡᠯᠬᠡᠰᠢᠶᠡᠵᠦ᠂ ᠡᠪᠦᠷ ᠲᠡᠮᠳᠡᠭᠯᠡᠯ ᠲᠡᠭᠡᠷᠡ ᠪᠠᠨ ᠪᠢᠴᠢᠵᠦ ᠲᠠᠯᠪᠢᠭᠠᠳ ᠭᠡᠨ ᠳᠤ | ᠴᠦ ᠬᠡᠯᠡᠭᠰᠡᠨ ᠦᠬᠡᠢ᠃ ᠰᠠᠶᠢᠨ ᠵᠡᠭᠦᠳᠦ ᠶᠢ ᠬᠡᠯᠡᠳᠡᠭ ᠦᠬᠡᠢ ᠭᠡᠳᠡᠭ ᠶᠤᠮ᠃ ᠮᠢᠨᠦ ᠡᠨᠡ ᠯᠠᠪᠳᠠᠢ ᠰᠠᠶᠢᠨ ᠵᠡᠭᠦᠳᠦ | ᠭᠡᠵᠦ ᠪᠢ ᠢᠳᠡᠭᠡᠨᠡ︕ ᠵᠡᠭᠦᠳᠦᠨ ᠤ ᠴᠢᠨᠠᠳᠦ ᠳᠤ ᠴᠤᠬᠤᠮ ᠶᠠᠮᠠᠷ ᠰᠢᠤᠬᠠᠨ ᠵᠦᠩ ᠰᠤᠪᠢᠩ ᠨᠢᠭᠤᠬᠳᠠᠵᠤ | ᠪᠠᠶᠢᠭᠠ ᠶᠢ ᠪᠢ ᠦᠪᠡᠷ ᠢᠶᠠᠨ ᠲᠠᠶᠢᠯᠪᠤᠷᠢᠯᠠᠵᠤ ᠡᠰᠡ ᠴᠢᠳᠠᠨᠠ᠃ ᠡᠨᠡ ᠡᠳᠡᠭᠡᠷ ᠢ ᠪᠢ ᠬᠡᠨ ᠨᠢᠬᠡᠨ ᠳᠤ | ᠠᠮᠢᠨᠴᠢᠷᠬᠠᠨ ᠭᠡᠯᠡᠬᠦ ᠰᠠᠨ ᠭᠡᠵᠦ ᠤᠳᠠᠭᠠᠨ ᠡᠳᠦᠷ ᠰᠡᠳᠬᠢᠯ ᠳᠡᠭᠡᠨ ᠬᠠᠳᠠᠭᠠᠯᠠᠯᠠ᠂ ᠦᠨᠦᠳᠦᠷ ᠲᠠᠨ ᠲᠠᠢ | ᠬᠤᠪᠢᠶᠠᠯᠴᠠᠬᠤ ᠳᠤ ᠰᠡᠳᠬᠢᠯ ᠳᠤ ᠮᠠᠰᠢ ᠠᠶᠠᠳᠠᠶᠢᠬᠠᠨ ᠪᠠᠶᠢᠨᠠ᠃ | ᠤᠷᠠᠬᠳᠠᠬᠰᠠᠨ ᠬᠠᠭᠤᠳᠠᠰᠦ᠂ ᠮᠠᠨᠠᠨᠳᠤᠬᠰᠠᠨ ᠪᠦᠯᠢᠶᠡᠨ ᠴᠤᠭ᠂ ᠠᠷᠭᠠ ᠪᠢᠯᠢᠭ ᠤᠨ ᠢᠯᠡ ᠲᠠᠯᠳᠠ ᠤᠷᠤᠰᠢᠬᠤᠢ | ᠬᠤᠶᠠᠷ ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ ᠁ | ᠪᠡᠶᠡ ᠪᠠᠨ᠂ ᠭᠡᠷ ᠢᠶᠠᠨ᠂ ᠤᠯᠤᠰ ᠢᠶᠠᠨ ᠭᠡᠭᠡᠷᠡᠯ ᠢᠶᠠᠷ ᠵᠠᠰᠠᠬᠯᠠᠬᠤ ᠳᠤ ᠰᠢᠯᠭᠠᠷᠠᠬᠰᠠᠨ ᠬᠠᠳᠤᠨ ᠤᠬᠠᠭᠠᠨ ᠬᠤᠷᠤᠢ | ᠬᠤᠷᠤᠢ ᠬᠤᠷᠤᠢ ᠁ | ᠤᠬᠳᠤᠵᠤ ᠮᠡᠳᠡᠬᠦ ᠶᠢᠨ᠂ ᠲᠤᠰᠴᠦ ᠪᠡᠯᠡᠳᠬᠦ ᠶᠢᠨ ᠂ ᠲᠡᠰᠴᠦ ᠦᠯᠡᠳᠡᠬᠦ ᠳᠤ ᠮᠡᠷᠭᠡᠰᠢᠭᠰᠡᠨ ᠬᠠᠳᠤᠨ ᠤᠬᠠᠭᠠᠨ | ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ ᠁ | ᠴᠢᠩ ᠦᠨᠡᠨ ᠤ᠂ ᠴᠦ᠋ ᠦᠨᠡᠨ ᠤ᠂ ᠬᠠᠵᠢᠷ ᠦᠨᠡᠨ ᠤ ᠤᠨᠤᠯ ᠳᠤ ᠨᠡᠪᠳᠡᠷᠡᠭᠰᠡᠨ ᠬᠠᠳᠤᠨ ᠤᠬᠠᠭᠠᠨ ᠬᠤᠷᠤᠢ | ᠬᠤᠷᠤᠢ ᠬᠤᠷᠤᠢ ᠁ | ᠶᠡᠭᠡ ᠡᠪᠯᠡᠬᠦᠯᠦᠭᠴᠢ᠂ ᠶᠡᠭᠡ ᠲᠦᠯᠵᠢᠭᠦᠯᠦᠭᠴᠢ᠂ ᠶᠡᠭᠡ ᠲᠡᠳᠭᠦᠭᠴᠢ ᠤᠬᠠᠭᠠᠨ ᠳᠤ ᠪᠤᠯᠪᠠᠰᠤᠷᠠᠬᠰᠠᠨ ᠬᠠᠳᠤᠨ | ᠤᠬᠠᠭᠠᠨ ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ ᠁ | ᠪᠦᠭᠡ ᠢᠳᠤᠭᠠᠰ ᠤᠨ ᠬᠡᠬᠡᠨ ᠲᠠᠷᠢᠬᠢᠨ ᠤ ᠠᠷᠪᠠᠨ ᠬᠤᠶᠠᠷ ᠵᠦᠩ ᠢᠶᠠᠷ ᠭᠡᠭᠡᠷᠡᠭᠰᠡᠨ ᠬᠠᠳᠤᠨ ᠤᠬᠠᠭᠠᠨ ᠬᠤᠷᠤᠢ | ᠬᠤᠷᠤᠢ ᠬᠤᠷᠤᠢ ᠁ | ᠪᠦᠰᠡᠳᠡᠢ ᠪᠦᠰᠡᠳᠡᠶᠢᠴᠦᠳ ᠠᠷᠭᠠ ᠪᠢᠯᠢᠭ ᠤᠨ ᠤᠬᠠᠭᠠᠨ ᠬᠤᠤᠰᠯᠠᠨ ᠲᠡᠩᠴᠡᠭᠦᠷᠢᠰᠢᠭᠰᠡᠨ ᠮᠤᠩᠭᠤᠯ ᠰᠤᠤ | ᠤᠬᠠᠭᠠᠨ ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ ᠁ | ︽ᠬᠠᠳᠤᠨ ᠰᠦᠨᠡᠰᠦ︾ ᠮᠠᠨᠢ ᠲᠨ ᠪᠢᠳᠡᠨ ᠤ ᠠᠯᠭᠠᠨ ᠳᠤ ᠪᠠᠭᠤᠵᠤ᠂ ᠰᠡᠳᠬᠢᠯ ᠤᠨ ᠬᠠᠷᠠᠩᠭᠤᠢ ᠶᠢ ᠭᠡᠭᠡᠷᠡᠭᠦᠯᠬᠦ | ᠶᠤᠮ᠃ | ᠬᠤᠪᠢ ᠬᠦᠮᠦᠨ ᠤ ᠮᠡᠳᠡᠯᠬᠡ ᠶᠢᠨ ᠬᠢᠵᠠᠭᠠᠷ᠂ ᠤᠬᠠᠭᠠᠨ ᠤ ᠮᠦᠴᠢᠳ ᠠᠴᠠ ᠪᠤᠯᠵᠤ ᠠᠯᠳᠠᠵᠤ ᠲᠠᠰᠢᠶᠠᠷᠠᠬᠰᠠᠨ | ᠵᠦᠢᠯ ᠪᠠᠶᠢᠪᠠᠰᠦ ᠦᠵᠡᠬᠦ ᠮᠡᠷᠭᠡᠳ ᠰᠢᠬᠦᠮᠵᠢᠯᠡᠨ ᠵᠢᠭᠠᠵᠤ ᠵᠠᠯᠠᠷᠠᠭᠤᠯᠤᠨ ᠤᠩᠰᠢᠬᠤ ᠪᠤᠯᠪᠠ ᠦᠦ᠃ | | 2020 ᠤᠨ ᠤ ᠵᠤᠨ ᠤ ᠲᠤᠮᠳᠠᠴᠢ ᠰᠠᠷᠠ᠂ ᠵᠢᠮᠢᠰ ᠤᠨ ᠮᠠᠴᠠᠬᠳᠦ ᠡᠳᠦᠷᠡ | | |