ᠤᠷᠠᠩᠭᠤᠸᠠ ᠶᠢᠨ ᠬᠦᠮᠦᠨ ᠰᠤᠶᠤᠯ ᠤᠨ ᠨᠠᠶᠢᠷᠠᠭᠤᠯᠤᠯ | ᠪᠠᠰᠠ ᠨᠢᠭᠡ ᠤᠳᠠᠭᠠ ᠬᠠᠷᠢᠬᠤ ᠳᠠᠭᠠᠨ ᠪᠢ ᠮᠠᠭᠤ ᠲᠤᠷᠵᠢ ᠲᠠᠢ ᠲᠠᠭᠠᠷᠠᠯᠴᠠᠯᠠ᠃ ᠲᠤᠷᠵᠢ ᠴᠤᠬᠤᠮ ᠶᠠᠮᠠᠷ | ᠦᠨᠳᠦᠰᠦᠳᠡᠨ ᠢ ᠪᠢᠳᠠ ᠮᠡᠳᠡᠳᠡᠭ ᠦᠭᠡᠢ᠃ ᠮᠢᠨᠤ ︽ᠠᠪᠤ︾ ᠭᠡᠬᠦ ᠨᠠᠶᠢᠷᠠᠭᠤᠯᠤᠯ ᠳᠤ ᠪᠢᠴᠢᠭᠰᠡᠨ ᠰᠢᠭ ᠢᠶᠠᠷ ᠠᠪᠤ | ᠮᠢᠨᠢ ᠤᠯᠠᠨ ᠬᠦᠮᠦᠨ ᠢ ᠠᠪᠤᠷᠠᠵᠤ᠂ ᠡᠷᠬᠦᠵᠤ᠂ ᠠᠨᠳᠠᠯᠠᠵᠤ ᠶᠠᠪᠤᠭᠰᠠᠨ ᠦᠯᠢᠭᠡᠷ ᠪᠦᠷ ᠦᠨᠡᠨ ᠶᠤᠮ᠃ ᠲᠠᠶᠢᠨ | ᠲᠠᠵᠢᠨ᠂ ᠳ᠋ᠤᠯᠢ ᠲᠡᠭᠡᠷᠡᠮ ᠠᠴᠠ ᠵᠢᠭᠤᠳᠠᠭᠰᠠᠨ ᠢ ᠨᠢ ᠲᠦᠮᠦᠰᠦᠨ ᠠᠭᠤᠢ ᠳᠠᠭᠠᠨ ᠭᠠᠵᠠᠷ ᠤᠨ ᠲᠤᠤᠷᠠ ᠨᠢᠭᠤᠵᠤ | ᠲᠠᠷᠤᠨ ᠪᠠᠶᠢᠵᠤ ᠠᠪᠤᠷᠠᠨ᠂ ᠶᠠᠳᠠᠭᠤ ᠵᠦᠳᠡᠬᠦᠦ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠪᠤᠶᠤ ᠬᠠᠶᠠᠭᠳᠠᠮᠠᠯ ᠬᠡᠦᠭᠡᠳ ᠤᠳ ᠢ ᠪᠤᠯ | ᠢᠯᠠ ᠪᠠᠷ ᠦᠪᠡᠷ ᠤᠨ ᠭᠠᠷ ᠲᠡᠭᠡᠷᠡ ᠪᠠᠨ ᠬᠦᠮᠦᠨ ᠪᠤᠯᠭᠠᠭᠰᠠᠨ ᠶᠤᠮ᠃ ᠨᠢᠭᠡᠨ ᠠᠮᠢ ᠨᠠᠰᠤᠨ ᠳᠤ ᠲᠦᠢᠯ ᠤᠨ | ᠬᠠᠶᠢᠷᠠᠳᠠᠢ ᠪᠠᠶᠢᠳᠠᠭ ᠠᠪᠤ ᠮᠢᠨᠢ ᠲᠡᠳᠡᠨ ᠢ ᠶᠠᠮᠠᠷ ᠦᠨᠳᠤᠰᠦᠳᠡᠨ ᠭᠡᠳᠡᠭ ᠢ ᠠᠰᠠᠭᠤᠳᠠᠭ ᠴᠦ ᠦᠭᠡᠢ᠃ ᠲᠡᠳᠡ ᠴᠦ | ᠨᠢᠭᠡ ᠮᠡᠳᠡᠬᠦᠨᠠ ᠪᠦᠷ ᠮᠤᠩᠭᠤᠯ ᠦᠭᠡ ᠪᠠᠨ ᠯᠠ ᠬᠡᠯᠡᠳᠡᠭ ᠪᠤᠯᠴᠢᠬᠠᠵᠤ᠂ ᠠᠪᠤ ᠶᠢ ᠮᠢᠨᠢ ᠠᠬᠠ ᠪᠤᠶᠤ ᠠᠪᠠᠭᠠ | ᠭᠡᠳ ᠲᠠᠭᠤᠳᠠᠵᠤ ᠶᠠᠪᠤᠯᠴᠠᠳᠠᠭ ᠪᠤᠯᠵᠡᠢ᠃ ᠡᠭᠡᠴᠢ ᠨᠠᠷ ᠪᠠᠭᠠ ᠳᠠᠭᠠᠨ ᠲᠠᠳᠡᠨᠤᠰ ᠤᠨ ᠵᠠᠷᠢᠮ ᠨᠢ ᠤᠨᠳᠤᠤ ᠬᠡᠯᠡ ᠪᠠᠷ | ᠦᠭᠡ ᠶᠠᠷᠢᠬᠤ ᠶᠢ ᠭᠠᠶᠢᠬᠠᠵᠤ ᠠᠪᠤ ᠠᠴᠠ᠄ ︽ᠲᠠᠳᠠ ᠴᠢᠨᠢ ᠶᠠᠮᠠᠷ ᠦᠨᠳᠦᠰᠦᠳᠠᠨ ᠭᠡᠭᠴᠢ ᠶᠤᠮ︖ ᠶᠠᠭᠤ ᠭᠡᠰᠡᠨ | ᠦᠭᠡ ᠶᠠᠷᠢᠵᠤ ᠪᠠᠶᠢᠭᠠ ᠨᠢ ᠪᠤᠢ︖︾ ᠭᠡᠵᠤ ᠠᠰᠠᠭᠤᠪᠠᠯ᠄ ︽ᠶᠠᠮᠠᠷ ᠦᠨᠳᠦᠰᠦᠳᠠᠨ ᠢ ᠨᠢ ᠬᠠᠮᠢᠶᠠᠷᠤᠭᠠᠳ | ᠶᠠᠭᠠᠬᠢᠬᠤ ᠶᠤᠮ︖ ᠪᠦᠷ ᠯᠠ ᠬᠦᠮᠦᠨ︕ ᠬᠦᠮᠦᠨ ᠤ ᠠᠮᠢ ᠲᠠᠢ ᠢᠷᠡᠭᠰᠡᠨ ᠬᠦᠭᠡᠷᠦᠬᠦᠢ ᠠᠮᠢ ᠨᠠᠰᠤ ᠯᠠ︕ | ᠤᠳᠤ ᠲᠡᠳᠡ ᠪᠦᠷ ᠡᠨᠡ ᠨᠤᠳᠤᠭ ᠲᠡᠭᠡᠷᠡ ᠬᠦᠯ ᠲᠤᠭᠳᠠᠭᠰᠠᠨ︕ ᠪᠦᠷ ᠯᠠ ᠡᠨᠡ ᠭᠠᠵᠠᠷ ᠤᠰᠤᠨ ᠤ | ᠦᠨᠳᠦᠰᠦᠳᠡᠨ︕ ᠢᠵᠠᠭᠤᠷ ᠢ ᠨᠢ ᠪᠤᠤ ᠠᠰᠠᠭᠤᠵᠤ ᠨᠡᠭᠡᠮᠵᠢᠯᠠ︕ ᠪᠢᠳᠡᠭᠡᠢ ᠬᠦᠮᠦᠨ ᠢ ᠱᠤᠤᠯᠠᠵᠤ ᠮᠠᠭᠤᠴᠢᠯᠠ︕ | ︾ ᠭᠡᠵᠤ ᠬᠡᠯᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠡᠭᠡᠴᠢ ᠨᠠᠷ ᠲᠠᠬᠢᠵᠤ ᠶᠡᠷᠦ ᠮᠦᠷᠳᠡᠭᠰᠡᠨ ᠦᠭᠡᠢ ᠪᠦᠭᠡᠳ ᠨᠠᠰᠤ | ᠬᠤᠷᠠᠭ ᠲᠠᠢ ᠨᠢ ᠨᠠᠭᠠᠳᠴᠦ ᠦᠰᠴᠡᠢ᠃ ᠲᠤᠷᠵᠢ ᠪᠤᠯ ᠲᠡᠬᠦᠨ ᠤ ᠨᠢᠭᠡ ᠨᠢ᠃ ᠪᠢᠳᠠ ᠬᠤᠶᠠᠭᠤᠯᠠ ᠨᠠᠰᠤ ᠬᠤᠷᠠᠭ᠃ | ᠪᠠᠭᠠ ᠳᠠᠭᠠᠨ ᠪᠠᠷᠠᠭᠤᠨ ᠪᠠᠯᠠᠷ ᠲᠤ ᠮᠠᠯ ᠬᠠᠷᠠᠭᠤᠯᠵᠤ ᠶᠠᠪᠤᠬᠤ ᠳᠠᠭᠠᠨ᠂ ᠬᠠᠶᠠ ᠲᠠᠷᠠ ᠨᠢᠭᠡ ᠪᠦᠯᠦᠭ | ᠬᠦᠦᠴᠤᠳ ᠢ ᠬᠠᠷᠠᠪᠠᠯ ᠵᠤᠳᠤᠬᠤ ᠠᠴᠠ ᠠᠶᠤᠵᠤ ᠲᠤᠳᠠᠭᠠᠳᠠᠭ ᠪᠠᠶᠢᠭᠰᠠᠨ᠃ ᠬᠦᠦᠴᠦᠦᠯ ᠭᠡᠵᠤ ᠵᠠᠪᠠᠯ ᠬᠦᠮᠦᠨ ᠳᠤ | ᠬᠠᠯᠳᠠᠬᠤ ᠭᠡᠳ ᠪᠠᠶᠢᠳᠠᠭ ᠠᠴᠠ ᠲᠡᠷᠡ᠃ ᠭᠡᠬᠦ ᠳᠤ ᠪᠢᠳᠠ ᠬᠠᠶᠠ ᠪᠠᠰᠠ ᠰᠠᠶᠢᠬᠠᠨ ᠨᠠᠭᠠᠳᠳᠠᠭ᠃ ᠬᠠᠮᠳᠤᠪᠠᠷ | ᠠᠶᠢᠯ ᠤᠨ ᠭᠤᠸᠠ ᠵᠢᠮᠢᠰ ᠢ ᠬᠤᠯᠠᠭᠠᠢ ᠬᠢᠵᠤ ᠢᠳᠡᠨ ᠶᠡᠬᠡᠮᠡᠳ ᠢᠶᠠᠷ ᠴᠤᠬᠢᠭᠤᠯᠵᠤ ᠴᠤ ᠦᠩᠭᠡᠷᠡᠯᠠ᠃ ᠲᠡᠳᠡᠨ ᠤ | ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠬᠠᠮᠤᠭ ᠠᠩᠬᠠᠨ ᠤ ᠦᠪ ᠢ ᠲᠤᠷᠠᠳᠬᠤ ᠶᠤᠮ ᠪᠤᠯ ᠠᠪᠤ ᠶᠢᠨ ᠮᠢᠨᠢ ᠦᠭᠬᠦᠭᠰᠡᠨ ᠬᠤᠶᠠᠷ | ᠬᠤᠨᠢ᠂ ᠬᠤᠶᠠᠷ ᠢᠮᠠᠭᠠ ᠠᠴᠠ ᠯᠠ ᠢᠷᠡᠯᠳᠡᠢ ᠭᠡᠵᠤ ᠲᠡᠳᠡᠨ ᠤ ᠠᠪᠦ ᠨᠢᠭᠡ ᠡᠳᠦᠷ ᠮᠢᠨᠤ ᠠᠪᠤ ᠳᠤ ᠬᠡᠯᠡᠬᠦ ᠶᠢ ᠪᠢ | ᠰᠤᠨᠤᠰᠤᠭᠰᠠᠨ ᠶᠤᠮ᠃ ᠭᠡᠬᠦ ᠳᠤ ᠪᠢᠳᠠ ᠵᠢᠭᠠᠬᠠᠨ ᠤᠬᠠᠴᠢᠯᠠᠬᠤ ᠶᠤᠮ ᠪᠤᠯ ᠠᠪᠤ᠄ ︽ᠬᠡᠦᠭᠡᠳ ᠬᠦᠮᠦᠨ ᠪᠠᠶᠢᠵᠤ | ᠲᠡᠶᠢᠮᠤ ᠤᠯᠠᠨ ᠢ ᠬᠠᠮᠢᠶᠠᠷᠤᠭᠠᠳ ᠶᠠᠭᠠᠬᠢᠬᠤ ᠶᠤᠮ︖ ᠲᠡᠷᠡ ᠶᠠᠳᠠᠭᠤ ᠵᠦᠳᠡᠬᠦᠦ ᠢᠵᠠᠭᠤᠷ ᠢ ᠨᠢ ᠲᠤᠷᠠᠳᠴᠤ | ᠪᠤᠯᠬᠤ ᠦᠭᠡᠢ︕︾ ᠭᠡᠳᠡᠭ ᠠᠴᠠ ᠪᠢᠳᠠ ᠴᠡᠭᠡᠷᠯᠡᠵᠤ ᠶᠡᠷᠦ ᠡᠨᠡ ᠲᠤᠬᠠᠢ ᠦᠭᠡ ᠬᠡᠯᠡᠳᠡᠭ ᠦᠭᠡᠢ᠃ ᠲᠤᠷᠵᠢ ᠲᠠᠢ | ᠮᠠᠭᠤᠳᠠᠯᠴᠠᠭᠠᠳ ᠵᠤᠳᠤᠭᠠᠨ ᠪᠤᠯᠪᠠᠴᠦ ᠲᠡᠬᠦᠨ ᠢ ᠨᠢ ᠲᠤᠷᠠᠳᠤᠳᠠᠭ ᠦᠭᠡᠢ ᠪᠢᠯᠠ᠃ ︽ᠬᠦᠮᠦᠨ ᠤ ᠮᠠᠭᠤ ᠪᠠᠷ ᠪᠤᠤ | ᠲᠤᠭᠯᠠᠭᠠᠮ ᠬᠢ︾ ᠭᠡᠵᠤ ᠠᠪᠤ ᠶᠢᠨ ᠰᠤᠷᠭᠠᠳᠠᠭ ᠢᠶᠠᠷ ᠯᠠ ᠲᠡᠭᠡᠭᠰᠡᠨ ᠶᠤᠮ ᠳ᠋ᠠ᠃ ᠤᠷᠴᠢᠮ ᠤᠨ ᠵᠢᠯ ᠳᠤ ᠪᠢ | ᠦᠭᠡᠷ ᠬᠤᠨᠢᠨ ᠮᠢᠬᠠ ᠶᠢ ᠪᠦᠷ ᠭᠡᠷ ᠠᠴᠠ ᠪᠠᠨ ᠠᠪᠳᠠᠭ ᠪᠤᠯᠪᠠ᠃ ᠡᠨᠡ ᠤᠳᠠᠭᠠ ᠨᠠᠮᠠᠢᠢ ᠦᠭᠡᠷ ᠤᠨ ᠮᠢᠬᠠ ᠪᠠᠨ | ᠠᠪᠬᠤ ᠪᠠᠷ ᠲᠡᠷᠭᠡ ᠤᠨᠤᠭᠠ ᠤᠯᠳᠠᠬᠤ ᠦᠭᠡᠢ᠂ ᠨᠢᠭᠡ ᠲᠠᠷᠤᠭᠠ ᠪᠠᠶᠢᠷᠢ ᠶᠢᠨ ᠨᠠᠶᠢᠵᠠ ᠶᠢᠨ ᠲᠡᠷᠭᠡ ᠶᠢ ᠭᠤᠶᠤᠵᠤ | ᠬᠦᠷᠬᠦ ᠳᠤ ᠬᠠᠷᠢᠨ ᠲᠤᠷᠵᠢ ᠮᠢᠬᠠ ᠵᠦᠰᠦᠭᠡᠳ ᠭᠠᠵᠠᠷ ᠲᠡᠭᠡᠷᠡ ᠤᠴᠦ᠋ᠢᠵᠤ ᠪᠠᠶᠢᠯᠠ᠃ — ᠬᠦᠶ᠋ᠢ᠂ ᠡᠨᠡ | ᠬᠠᠷᠢᠨ ᠮᠠᠭᠤ ᠲᠤᠷᠵᠢ ᠪᠠᠶᠢᠨᠠ ᠰᠢᠳᠠ︕ ᠭᠡᠬᠦ ᠪᠠᠷ ᠡᠪ ᠦᠭᠡᠶᠢᠷᠭᠡᠭᠰᠡᠨ ᠰᠢᠭ ᠨᠢᠭᠡ ᠮᠦᠷᠬᠦᠬᠦ᠋ᠢᠴᠠ ᠪᠤᠯᠤᠭᠠᠳ | ᠦᠷᠬᠦᠯᠵᠢᠯᠡᠨ ᠮᠢᠬᠠ ᠵᠦᠰᠦᠵᠤ ᠦᠶᠡᠴᠢᠯᠠᠵᠤ ᠰᠠᠯᠭᠠᠵᠤ ᠶᠠᠭᠠᠷᠠᠪᠠ᠃ ᠨᠢᠭᠡ ᠦᠭᠡᠷ ᠭᠠᠷᠭᠠᠬᠤ ᠭᠡᠵᠤ ᠬᠦᠨᠳᠦ | ᠠᠵᠢᠯ᠃ ᠲᠤᠯᠤᠭᠠ ᠨᠠᠢᠮᠠᠨ ᠵᠠᠭᠤᠨ ᠵᠢᠩ ᠤᠨ ᠮᠢᠬᠠ ᠶᠢ ᠵᠦᠭ ᠴᠢᠭ ᠲᠤᠨᠢ ᠪᠤᠯᠭᠠᠬᠤ ᠭᠡᠵᠤ ᠶᠡᠭᠡ ᠶᠠᠪᠤᠳᠠᠯ ᠠᠴᠠ | ᠠᠶᠢᠯ ᠠᠶᠢᠮᠠᠭ ᠤᠨ ᠸᠠᠩ ᠠᠬᠠ ᠠᠴᠠ ᠲᠤᠷᠵᠢ ᠭᠡᠳ ᠪᠦᠷ ᠢᠷᠡᠵᠤ ᠬᠠᠪᠰᠤᠷᠤᠭᠰᠠᠨ ᠪᠠᠶᠢᠪᠠ᠃ ᠨᠠᠮᠠᠢᠢ ᠬᠦᠷᠬᠦ ᠳᠤ | ᠮᠢᠬᠠ ᠰᠠᠯᠭᠠᠬᠤ ᠶᠠᠪᠤᠳᠠᠯ ᠴᠦ ᠰᠡᠬᠦᠯ ᠰᠢᠪᠳᠤᠷᠭᠠᠨ ᠳᠠᠭᠠᠨ ᠤᠷᠤᠵᠤ᠂ ᠪᠢᠳᠠ ᠪᠡᠷᠭᠡᠨ ᠤ ᠴᠢᠨᠠᠭᠰᠠᠨ ᠰᠠᠶᠢᠬᠠᠨ | ᠬᠤᠭᠤᠯᠠ ᠶᠢ ᠢᠳᠡᠵᠤ ᠪᠠᠰᠠ ᠬᠡᠳᠦᠨ ᠬᠤᠨᠳᠠᠭᠠ ᠤᠤᠭᠤᠪᠠ᠃ ᠮᠠᠭᠤ ᠲᠤᠷᠵᠢ ᠬᠤᠶᠠᠷ ᠬᠤᠨᠳᠠᠭᠠ ᠤᠤᠭᠤᠭᠠᠳ | ᠨᠢᠭᠤᠷ ᠨᠢ ᠬᠠᠷᠠᠯᠠᠨ ᠬᠦᠷᠡᠩᠳᠡᠵᠤ᠂ ᠰᠡᠬᠦᠯ ᠳᠡᠭᠡᠨ ᠮᠢᠨᠤ ᠬᠠᠵᠠᠭᠤ ᠳᠤ ᠢᠷᠡᠭᠡᠳ ᠯᠠ᠄ — ᠨᠤᠳᠤᠭᠭᠤᠸᠠ ᠡ᠂ | ᠪᠢ ᠴᠢᠮᠠ ᠳᠤ ᠦᠭᠡ ᠬᠡᠯᠡᠵᠤ ᠭᠠᠷᠳᠠᠭ ᠦᠭᠡᠢ᠂ ᠭᠡᠬᠦ ᠳᠤ ᠪᠢ ᠲᠤᠳᠤᠷᠠ ᠪᠠᠨ ᠪᠤᠳᠤᠭᠠᠳ ᠯᠠ ᠶᠠᠪᠤᠳᠠᠭ᠂ ᠮᠠᠨ ᠤ | ᠡᠨᠡ ᠮᠠᠭᠤ ᠬᠦᠳᠡᠭᠡ ᠶᠢᠨ ᠬᠦᠮᠦᠨ ᠶᠠᠮᠠᠷ ᠦᠭᠡ ᠬᠡᠯᠡᠪᠡᠯ ᠰᠠᠨᠠᠭᠠ ᠪᠠᠨ ᠢᠯᠡᠳᠭᠡᠵᠤ ᠲᠡᠶᠢᠯᠬᠦ ᠪᠤᠢ︖ ᠢᠯᠡᠳᠭᠡᠵᠤ | ᠲᠡᠶᠢᠯᠬᠦ ᠦᠭᠡᠢ ᠶᠤᠮ ᠴᠢᠨᠢ ᠲᠤᠭᠤᠢ ᠯᠠ ᠪᠠᠶᠢᠳᠠᠭ᠃ ᠦᠨᠦᠳᠦᠷ ᠠᠵᠤᠤ ︵ᠮᠢᠨᠣ ᠠᠬᠠ ᠶᠢ ᠵᠢᠭᠠᠵᠤ ᠪᠤᠢ︶ | ᠭᠡᠯᠡᠬᠦ ᠳᠡᠭᠡᠨ ︽ᠡᠨᠡ ᠮᠢᠬᠠ ᠪᠤᠯ ᠲᠠᠨᠤᠰ ᠤᠨ ᠨᠤᠳᠤᠭᠭᠤᠸᠠ ᠭᠡᠵᠤ ᠨᠡᠷᠡᠯᠡᠳᠡᠭ᠂ ᠮᠢᠨᠤ ᠦᠬᠢᠨ ᠲᠡᠬᠦᠦ ᠶᠢᠨ | ᠢᠳᠡᠬᠦ ᠦᠭᠡᠷ ᠤᠨ ᠮᠢᠬᠠ ᠶᠤᠮ ᠡ︕︾ ᠭᠡᠰᠡᠨ᠃ ᠲᠡᠭᠡᠭᠡᠳ ᠪᠢ ᠯᠠ ᠦᠭᠡ ᠲᠠᠭᠤᠨ ᠦᠭᠡᠢ᠂ ᠰᠠᠶᠢᠬᠠᠨ ᠯᠠ | ᠵᠦᠰᠦᠶᠠ ᠭᠡᠵᠤ ᠪᠤᠳᠤᠭᠠᠳ ᠪᠠᠶᠢᠯᠠ᠃ ᠨᠤᠳᠤᠭᠭᠤᠸᠠ ᠶᠢᠨ ᠠᠮᠠᠨ ᠳᠤ ᠤᠷᠤᠬᠤ ᠮᠢᠬᠠ ᠰᠢᠦ︕ ᠭᠡᠵᠤ | ᠲᠤᠳᠤᠷᠠ ᠪᠠᠨ ᠪᠤᠳᠤᠭᠠᠳ ᠪᠤᠳᠤᠭᠠᠳ ᠯᠠ ᠴᠤᠯᠤ ᠮᠢᠬᠠ ᠶᠢ ᠨᠢ ᠨᠠᠷᠢᠬᠠᠨ ᠵᠦᠰᠦᠵᠤ᠂ ᠶᠠᠰᠤ ᠶᠢ ᠨᠢ ᠦᠶᠡ | ᠪᠤᠯᠭᠠᠨ ᠢᠶᠠᠷ ᠮᠦᠴᠢᠯᠡᠵᠤ ᠰᠠᠯᠭᠠᠬᠤ ᠳᠤ ᠡᠨᠡ ᠮᠢᠬᠠ ᠠᠮᠳᠠᠳᠠᠢ ᠯᠠ ᠪᠠᠶᠢᠭᠠᠰᠠᠢ ᠭᠡᠵᠤ ᠯᠠ ᠨᠢᠭᠡ ᠡᠳᠦᠷ | ᠤᠩᠰᠢᠭᠠᠳ ᠤᠩᠰᠢᠭᠠᠳ ᠮᠢᠬᠠ ᠡᠪᠳᠡᠯᠠ︕ ᠠᠶᠠ᠂ ᠴᠢ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠨᠠ᠂ ᠪᠢ ᠦᠨᠡᠭᠡᠷ ᠪᠤᠳᠤᠵᠤ ᠯᠠ | ᠴᠢᠳᠠᠬᠤ ᠠᠴᠠ ᠬᠡᠯᠡᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ︕ ᠭᠡᠬᠦ ᠪᠠᠷ ᠨᠢ ᠪᠢ᠄ — ᠬᠦᠶ᠋ᠢ᠂ ᠬᠦᠮᠦᠨ ᠤ ᠪᠤᠳᠤᠵᠤ | ᠴᠢᠳᠠᠭᠰᠠᠨ ᠦᠭᠡᠢ ᠶᠢ ᠪᠦᠷ ᠴᠢ ᠪᠤᠳᠤᠭᠠᠳ ᠴᠢᠳᠠᠴᠢᠬᠠᠭᠰᠠᠨ ᠪᠠᠶᠢᠭᠠᠳ ᠶᠠᠭᠤ ᠶᠢ ᠨᠢ ᠬᠡᠯᠡᠬᠦ ᠶᠤᠮ︖ | ᠦᠯᠡᠳᠡᠭᠰᠡᠨ ᠢ ᠨᠢ ᠪᠢ ᠴᠢᠮᠠᠢᠢ ᠤᠷᠤᠯᠠᠭᠠᠳ ᠦᠪᠡᠷ ᠲᠡᠭᠡᠨ ᠬᠡᠯᠡᠴᠢᠭᠡᠶᠡ︕ ᠶᠠᠭᠤ ᠯᠠ ᠪᠠᠶᠢᠨᠠ︖ ᠭᠡᠬᠦ ᠪᠠᠷ | ᠲᠡᠷᠡ ᠮᠢᠨᠤ ᠭᠠᠷ ᠢ ᠠᠳᠬᠤᠭᠠᠳ᠄ — ᠨᠤᠳᠤᠭᠭᠤᠸᠠ ᠡ᠂ ᠴᠢ ᠪᠢᠳᠡᠭᠡᠢ ᠨᠠᠳᠠ ᠲᠠᠢ ᠨᠠᠭᠠᠳᠤᠮ ᠬᠢ︕ ᠪᠢ | ᠲᠡᠷᠡ ᠵᠢᠯ ᠲᠠᠨ ᠤ ᠬᠤᠰᠢᠭᠤᠨ ᠳᠤ ᠬᠦᠷᠴᠦ ᠴᠢᠮᠠ ᠲᠠᠢ ᠨᠢᠭᠡ ᠠᠭᠤᠯᠵᠠᠵᠤ ᠢᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ᠂ ᠮᠠᠭᠤ | ᠨᠤᠳᠤᠭᠭᠤᠸᠠ ᠰᠠᠶᠢᠨ ᠶᠠᠪᠤᠵᠤ ᠯᠠ ᠪᠠᠶᠢᠭᠠᠰᠠᠢ ᠭᠡᠵᠤ ᠵᠠᠯᠪᠠᠷᠢᠳᠠᠭ ᠪᠤᠯᠤᠭᠰᠠᠨ ᠶᠤᠮ᠃ ᠲᠤᠬᠠᠢ ᠶᠢᠨ ᠵᠢᠯ ᠳᠤ ᠴᠢ | ᠪᠢᠴᠢᠭ ᠰᠤᠶᠤᠯ ᠰᠤᠷᠴᠦ ᠬᠤᠳᠠ ᠤᠷᠤᠵᠤ ᠭᠠᠨᠪᠦ᠋ ᠪᠤᠯᠤᠭᠠᠳ ᠶᠠᠪᠤᠬᠤ ᠳᠤ ᠪᠢᠳᠠᠨᠤᠰ ᠴᠢᠮᠠᠢᠢ ᠴᠤᠬᠤᠮ | ᠬᠤᠷᠤᠰᠴᠤ ᠲᠤᠯᠤᠭᠠᠨ ᠮᠠᠭᠤ ᠪᠠᠷ ᠬᠠᠷᠢᠶᠠᠵᠤ ᠪᠠᠶᠢᠯᠠ᠃ ᠨᠢᠭᠡ ᠵᠢᠯ ᠴᠢ ᠪᠠᠰᠠ ᠯᠠᠪᠠᠷ ᠦᠮᠦᠳᠤ ᠡᠮᠦᠰᠴᠢᠭᠡᠭᠰᠡᠨ᠂ | ᠨᠢᠳᠤᠨ ᠰᠢᠯ ᠵᠡᠬᠦᠴᠢᠭᠡᠭᠰᠡᠨ ᠬᠠᠷᠢᠵᠤ ᠢᠷᠡᠬᠦ ᠶᠢ ᠬᠠᠷᠠᠭᠠᠳ ᠪᠢᠳᠠ ᠬᠡᠳᠦᠬᠦᠯᠠ ᠨᠡᠶᠢᠯᠠᠵᠤ ᠪᠠᠶᠢᠭᠠᠳ᠂ ᠴᠢᠮᠠᠢᠢ | ᠨᠢᠭᠡ ᠰᠠᠶᠢᠨ ᠵᠠᠨᠴᠢᠭᠠᠳ ᠭᠡᠮᠳᠦᠭᠡᠴᠢᠭᠡᠶᠡ ᠭᠡᠵᠤ ᠴᠦ ᠬᠡᠯᠡᠯᠴᠡᠭᠰᠡᠨ︕ ᠴᠢᠮᠠᠢᠢ ᠵᠡᠮᠳᠡᠭ ᠪᠤᠯᠭᠠᠭᠠᠳ ᠭᠡᠷ ᠤᠨ | ᠮᠤᠬᠤᠷ ᠰᠠᠭᠤᠯᠭᠠᠴᠢᠬᠠᠪᠠᠯ ᠯᠠ ᠪᠢᠳᠠᠨᠤᠰ ᠤᠨ ᠰᠠᠨᠠᠭᠠ ᠠᠮᠠᠷᠠᠬᠤ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠶᠢᠯᠠ᠃ ᠵᠠᠪᠰᠢᠶᠠᠨ | ᠲᠠᠭᠠᠷᠠᠭᠰᠠᠨ ᠦᠭᠡᠢ ᠠᠴᠠ ᠳ᠋ᠠ᠃ ᠪᠤᠷᠬᠠᠨ ᠮᠢᠨᠢ᠂ ᠵᠠᠪᠰᠢᠶᠠᠨ ᠲᠠᠭᠠᠷᠠᠭᠰᠠᠨ ᠦᠭᠡᠢ ᠳᠡᠭᠡᠨ ᠯᠠ ᠪᠤᠯᠤᠭᠰᠠᠨ ᠁ | ᠭᠡᠳ ᠪᠠᠶᠢᠬᠤᠯᠠ ᠸᠠᠩ ᠠᠬᠠ᠄ — ᠬᠦᠶ᠋ᠢ᠂ ᠲᠤᠷᠵᠢ᠂ ᠲᠤᠷᠵᠢ︕ ᠶᠠᠭᠠᠬᠢᠬᠤ ᠶᠤᠮ︖ ᠮᠠᠭᠤ ᠦᠬᠢᠨ | ᠲᠡᠬᠦᠦ ᠲᠦᠩᠭᠡᠵᠤ ᠬᠠᠷᠢᠵᠤ ᠢᠷᠡᠵᠤ ᠪᠠᠶᠢᠬᠤ ᠳᠤ ᠢᠳᠡᠬᠦᠯᠬᠦ ᠦᠭᠡᠢ ᠤᠤᠭᠤᠯᠭᠠᠬᠤ ᠦᠭᠡᠢ ᠨᠤᠤᠷᠠᠯᠳᠤᠭᠠᠳ | ᠶᠠᠭᠠᠬᠢᠬᠤ ᠶᠤᠮ︖ ᠨᠠᠭᠠᠰᠢ ᠪᠠᠨ ᠰᠠᠭᠤ︕ ᠭᠡᠵᠤ ᠲᠠᠳᠠᠵᠤ ᠠᠪᠠᠴᠢᠬᠤᠯᠠ᠂ ᠰᠤᠭᠰᠤᠷᠴᠦ ᠬᠠᠶᠠᠴᠢᠬᠠᠭᠠᠳ | ᠪᠤᠴᠠᠭᠠᠳ ᠮᠢᠨᠤ ᠬᠠᠵᠠᠭᠤ ᠳᠤ ᠢᠷᠡᠴᠢᠭᠡᠵᠤ᠄ — ᠪᠢ ᠨᠢᠭᠡ ᠨᠠᠰᠤ ᠪᠠᠷ ᠴᠦ ᠬᠡᠯᠡᠭᠡ ᠦᠭᠡᠢ ᠦᠭᠡ ᠶᠢ ᠨᠢᠭᠡ | ᠤᠳᠠᠭᠠ ᠬᠡᠯᠡᠴᠢᠭᠡᠶᠡ᠂ ᠶᠠᠭᠠᠬᠢᠪᠠ︖ ᠭᠡᠳ ᠯᠠ ᠪᠠᠰᠠ ᠮᠢᠨᠤ ᠭᠠᠷ ᠢ ᠠᠳᠬᠤᠵᠤ ᠠᠪᠤᠭᠠᠳ᠄ — ᠲᠡᠷᠡ | ᠤᠳᠠᠭᠠ ᠪᠢ ᠴᠢᠮᠠ ᠲᠠᠢ ᠠᠭᠤᠯᠵᠠᠭᠠᠳ ᠰᠠᠶ᠋ᠢ ᠪᠤᠳᠤᠯᠠ ᠰᠢᠦ᠂ ᠮᠠᠨ ᠤ ᠨᠤᠳᠤᠭ ᠤᠨ ᠬᠢᠨ ᠠᠴᠠ ᠲᠠᠨᠤᠰ ᠰᠢᠭ᠋ | ᠬᠦᠮᠦᠰ ᠭᠠᠳᠠᠭᠰᠢ ᠪᠠᠨ ᠭᠠᠷ᠂ ᠰᠠᠶᠢᠨ ᠭᠠᠷ᠂ ᠪᠦᠬᠦ ᠲᠡᠯᠡᠭᠡᠢ ᠳᠤ ᠴᠦ ᠲᠠᠷᠬᠠ ᠭᠡᠵᠤ ᠪᠤᠳᠤᠭᠰᠠᠨ᠃ ᠲᠡᠷᠡ | ᠤᠳᠠᠭᠠ᠂ ᠮᠠᠨ ᠤ ᠮᠦᠮᠦ ᠪᠢᠳᠠ ᠬᠤᠶᠠᠭᠤᠯᠠ ᠴᠢᠮᠠᠢᠢ ᠤᠯᠤᠭᠰᠠᠨ ᠦᠭᠡᠢ ᠪᠤᠯ ᠮᠢᠨᠤ ᠮᠦᠮᠦ ᠶᠢᠨ ᠦᠨᠦᠳᠦᠷ | ᠪᠠᠶᠢᠬᠤ ᠦᠭᠡᠢ︕ ᠭᠡᠳ ᠯᠠ ᠨᠢᠭᠡ ᠯᠠ ᠦᠭᠡ ᠪᠠᠨ ᠬᠡᠯᠡᠵᠤ ᠭᠠᠷᠭᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠵᠤ᠂ ᠮᠢᠨᠤ ᠭᠠᠷ ᠢ | ᠤᠯᠠᠮ ᠴᠢᠩᠭᠠ ᠠᠳᠬᠤᠭᠠᠳ ᠪᠦᠳᠦᠬᠦᠨ ᠨᠢᠯᠪᠤᠰᠤ ᠨᠠᠷᠢᠨ ᠦᠷᠴᠢᠯᠭᠡᠰᠦ ᠲᠠᠢ ᠬᠠᠷᠠ ᠨᠢᠭᠤᠷ ᠢ ᠨᠢ ᠲᠠᠭᠠᠵᠤ | ᠨᠠᠮᠤᠭᠤᠬᠠᠨ ᠤᠷᠤᠰᠪᠠ᠃ ᠴᠠᠬᠢᠯᠭᠠᠨ ᠳ᠋ᠧᠩ ᠤᠨ ᠭᠡᠷᠡᠯ ᠳᠤ ᠲᠡᠷᠡ ᠨᠢᠯᠪᠤᠰᠤ ᠴᠡᠪᠡᠷ ᠬᠢᠯᠠᠭᠠᠷ ᠢᠶᠠᠷ ᠬᠢᠯᠳᠠᠭᠠᠨᠠᠪᠠ᠃ | ᠲᠠᠷᠠ ᠬᠢᠯᠠᠭᠠᠷ ᠨᠢᠯᠪᠤᠰᠤ ᠶᠢ ᠬᠠᠷᠠᠭᠰᠠᠨ ᠪᠢ ᠦᠨᠳᠦᠷ ᠲᠤᠮᠳᠠᠳᠤ ᠪᠠᠨ ᠲᠡᠬᠦᠰᠦᠭᠡᠳ ᠬᠠᠷᠢᠵᠤ ᠢᠷᠡᠨ᠂ | ᠢᠮᠠᠭᠠᠨ ᠳᠤ ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠲᠤᠷᠵᠢ ᠲᠦᠷᠦᠬᠦᠦ ᠲᠠᠢ ᠭᠡᠳᠦᠨ ᠰᠠᠬᠠᠭᠠᠯᠳᠠ ᠶᠢᠨ ᠵᠠᠯᠠᠭᠤᠴᠤᠳ ︽ᠯᠠᠪᠠᠷ | ᠦᠮᠦᠳᠤ ᠶᠢ ᠴᠢᠨᠢ ᠤᠷᠠᠵᠤ ᠬᠠᠶᠠᠬᠤ ᠦᠭᠡᠢ ᠪᠤᠯ ᠪᠢᠳᠠᠨᠤᠰ ᠴᠠᠮᠠᠬᠠᠭ ᠨᠤᠳᠤᠭ ᠤᠨ ᠡᠷᠡ ᠬᠦᠮᠦᠨ ᠪᠢᠰᠢ ᠁︾ | ᠭᠡᠮᠡᠨ ᠬᠦᠭᠡᠭᠡᠴᠡᠯᠳᠤᠵᠤ᠂ ᠪᠢ ᠲᠤᠳᠠᠭᠠᠵᠤ ᠪᠠᠷᠢᠭᠠᠳᠠ ᠶᠢᠨ ᠲᠡᠯᠭᠡᠬᠦᠷ ᠲᠤ ᠨᠢᠭᠤᠵᠤ ᠪᠠᠶᠢᠭᠰᠠᠨ ᠨᠢ ᠪᠤᠳᠤᠭᠳᠠᠨᠠ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠪᠢ ᠴᠤ ᠲᠡᠷᠡ ᠦᠰᠢᠶᠠ ᠪᠠᠨ ᠠᠪᠬᠤ ᠭᠡᠵᠤ ᠪᠠᠰᠠ ᠤᠶᠢᠷᠠᠯᠴᠠᠭᠠ ᠲᠡᠬᠦᠦ | ᠬᠦᠦᠴᠦᠤᠯ ᠲᠤ ᠬᠡᠳᠦᠨ ᠰᠢᠬᠢᠷ ᠦᠭᠴᠦ᠄ — ᠬᠤᠵᠢᠮ ᠲᠤᠷᠵᠢ ᠲᠠᠢ ᠠᠭᠤᠯᠵᠠᠪᠠᠯ ︽ᠲᠤᠷᠵᠢ᠂ ᠲᠤᠷᠵᠢ ᠳ᠋ᠤᠤ | ᠭᠸᠤ ᠭᠸᠤ ︵ᠲᠤᠭᠤᠭᠰᠢ ᠪᠠᠨ ᠬᠠᠨᠳᠤᠭᠰᠠᠨ ᠭᠤᠬᠠ ᠭᠡᠰᠡᠨ ᠬᠢᠳᠡᠳ ᠦᠭᠡ︶᠂ ᠲᠤᠤᠭᠤᠭᠰᠢ ᠪᠠᠨ ᠬᠠᠨᠳᠤᠭᠰᠠᠨ | ᠰᠢ ᠭᠸᠦ ᠭᠸᠦ︕︾ ᠭᠡᠵᠤ ᠬᠠᠷᠢᠶᠠ︕ ᠭᠡᠵᠤ ᠵᠢᠭᠠᠵᠤ ᠪᠠᠶᠢᠯᠠ᠃ ᠪᠦᠬᠦᠯᠢ ᠡᠳᠦᠷ ᠮᠢᠬᠠ ᠤᠭᠳᠤᠯᠵᠤ | ᠵᠦᠰᠦᠭᠰᠡᠨ ᠲᠡᠬᠦᠨ ᠤ ᠭᠠᠷ ᠬᠤᠷᠤᠭᠤ ᠨᠢ ᠮᠢᠬᠠ ᠲᠤᠰᠤ ᠪᠠᠨ ᠤᠬᠢᠶᠠᠵᠤ ᠭᠠᠷᠭᠠᠵᠤ ᠲᠡᠶᠢᠯᠦᠭᠡ ᠦᠭᠡᠢ ᠭᠡᠮᠡᠷ | ᠬᠠᠷᠠ ᠪᠦᠭᠡᠳ ᠬᠤᠵᠤᠤᠯᠠ ᠰᠢᠭ᠋ ᠬᠠᠳᠠᠭᠤ ᠰᠢᠷᠦᠬᠦᠨ ᠪᠠᠶᠢᠯᠠ᠃ ᠭᠡᠬᠦ ᠳᠤ ᠨᠢᠭᠡ ᠵᠦᠢᠯ ᠤᠨ ᠤᠨᠴᠠᠭᠠᠢ ᠲᠠᠨᠢᠯ | ᠪᠦᠯᠢᠶᠡᠨ ᠢᠯᠴᠢ ᠲᠦᠭᠡᠭᠡᠨᠠ᠃ ᠨᠠᠳᠠ ᠮᠢᠬᠠ ᠲᠠᠳᠠᠬᠤ ᠪᠠᠷ ᠢᠷᠡᠭᠰᠡᠨ ᠨᠠᠶᠢᠵᠠ ᠪᠠᠶᠢᠨ ᠪᠠᠶᠢᠨ ᠬᠠᠷᠠᠠᠭᠠᠳ | ᠪᠠᠶᠢᠬᠤ ᠨᠢ ︽ᠡᠨᠡ ᠬᠦᠮᠦᠨ ᠶᠠᠭᠠᠬᠢᠭᠠᠳ ᠡᠶᠢᠮᠤ ᠤᠯᠠᠨ ᠬᠦᠮᠦᠨ ᠤ ᠲᠤᠮᠳᠠ ᠭᠤᠸᠠ ᠶᠢᠨ ᠭᠠᠷ ᠢ ᠪᠠᠷᠢᠭᠠᠳ | ᠤᠬᠢᠯᠠᠵᠤ ᠤᠨᠵᠢᠨ ᠨᠢᠭᠡ ᠶᠠᠭᠤᠮᠠ ᠬᠡᠯᠡᠭᠡᠳ ᠪᠠᠶᠢᠬᠤ ᠶᠤᠮ︖ ᠨᠢᠭᠤᠵᠤ ᠬᠠᠭᠠᠬᠤ ᠴᠦ ᠦᠭᠡᠢ ᠶᠠᠮᠠᠷ ᠤᠨᠳᠤᠤ | ᠶᠤᠮ︖ ᠡᠨᠡ ᠭᠤᠸᠠ ᠴᠦ ᠶᠠᠭᠤ ᠭᠡᠵᠤ ᠡᠶᠢᠮᠤ ᠨᠢᠭᠡ ᠬᠠᠷᠠ ᠪᠤᠷᠳᠠᠭ ᠲᠠᠢ ᠬᠦᠮᠦᠨ ᠢᠶᠠᠷ ᠭᠠᠷ ᠢᠶᠠᠨ | ᠠᠳᠬᠤᠭᠤᠯᠤᠭᠠᠳ ᠪᠠᠶᠢᠳᠠᠭ ᠶᠤᠮ︖ ᠭᠡᠮᠡᠨ ᠶᠠᠬᠡᠳᠡ ᠭᠠᠶᠢᠬᠠᠵᠤ ᠪᠤᠢ ᠨᠢ ᠢᠯᠠ ᠪᠦᠭᠡᠳ ︽ᠡᠨᠡ ᠬᠦᠳᠡᠭᠡᠨ ᠤ | ᠬᠦᠮᠦᠰ ᠭᠡᠵᠤ ᠶᠠᠮᠠᠷ ᠬᠦᠳᠡᠭᠡᠯᠢᠭ ᠶᠤᠮ ᠪᠢᠯᠠ︖︾ ᠭᠡᠮᠡᠨ ᠡᠳᠦᠢ ᠲᠡᠳᠦᠢ ᠲᠤᠤᠷᠠᠰᠢᠶᠠᠨ ᠵᠢᠭ᠍ᠰᠢᠵᠤ ᠪᠠᠶᠢᠬᠤ ᠨᠢ | ᠴᠦ ᠢᠯᠠ ᠪᠠᠶᠢᠯᠠ ︵ᠲᠡᠷᠡ ᠮᠤᠩᠭᠤᠯ ᠦᠭᠡ ᠤᠶᠢᠯᠠᠭᠠᠬᠤ ᠦᠭᠡᠢ︶᠃ ᠪᠢ ᠢᠨᠢᠶᠡᠰᠭᠡᠭᠡᠳ᠄ — ᠵᠠ᠂ ᠵᠠ | ᠪᠤᠯᠵᠡᠢ︕ ᠮᠠᠭᠤ ᠲᠤᠷᠵᠢ᠂ ᠮᠦᠮᠦ ᠴᠢᠨᠢ ᠰᠠᠶᠢᠨ ᠪᠠᠶᠢᠨᠠ ᠪᠢᠵᠠ︖ ᠭᠡᠳ ᠭᠠᠷ ᠢᠶᠠᠨ ᠲᠡᠬᠦᠨ ᠤ ᠭᠠᠷ ᠠᠴᠠ | ᠰᠠᠯᠭᠠᠵᠤ ᠴᠠᠭᠠᠰᠤ ᠠᠪᠴᠦ ᠲᠡᠬᠦᠨ ᠳᠤ ᠦᠭᠬᠦ ᠵᠠᠭᠤᠷᠠ ᠠᠰᠠᠭᠤᠪᠠᠯ ᠲᠡᠷᠡ᠄ — ᠰᠠᠶᠢᠨ ᠪᠠᠶᠢᠨᠠ᠂ ᠴᠤᠬᠤᠮ | ᠰᠠᠶᠢᠨ ᠪᠠᠶᠢᠨᠠ︕ ᠲᠡᠩᠳᠡ ᠴᠢᠮᠠᠢᠢ ᠬᠡᠯᠡᠬᠦ ᠶᠤᠮ᠂ ᠶᠠᠭᠤ ᠦᠭᠬᠦᠶᠡ ᠭᠡᠵᠤ ᠪᠤᠳᠤᠬᠤ ᠴᠦ ᠮᠠᠨ ᠤ ᠬᠦᠳᠡᠭᠡ ᠶᠢᠨ | ᠶᠠᠭᠤᠮᠠ ᠶᠢ ᠶᠠᠭᠤ ᠶᠢ ᠨᠢ ᠲᠤᠭᠤᠬᠤ ᠪᠤᠢ ᠭᠡᠵᠤ ᠦᠷᠯᠦᠭᠡ ᠨᠠᠮᠠᠢᠢ ᠶᠠᠪᠤᠬᠤ ᠳᠤ ᠪᠠᠰᠠ ᠬᠡᠯᠡᠵᠤ ᠪᠠᠶᠢᠯᠠ︕ ᠭᠡᠳ | ᠪᠠᠰᠠ ᠯᠠ ᠮᠢᠨᠤ ᠭᠠᠷ ᠢ ᠠᠳᠬᠤᠵᠤ ᠠᠪᠤᠭᠠᠳ ᠬᠡᠯᠡᠵᠤ ᠪᠠᠶᠢᠪᠠ᠃ ᠭᠡᠳᠦᠨ ᠵᠢᠯ ᠤᠨ ᠡᠮᠦᠨᠠ ᠭᠡᠨᠡᠳᠳᠡ ᠠᠬᠠ | ᠤᠳᠠᠰᠤ ᠢᠷᠡᠬᠦᠯᠵᠤ ᠲᠤᠷᠵᠢ ᠲᠠᠨ ᠤ ᠬᠤᠰᠢᠭᠤᠨ ᠳᠤ ᠮᠦᠮᠦ ᠪᠠᠨ ᠲᠠᠭᠠᠭᠤᠯᠵᠤ ᠤᠴᠢᠨᠠ᠂ ᠮᠦᠮᠦ ᠶᠢᠨ ᠬᠢᠨᠢ | ᠨᠢᠳᠤ ᠨᠢ ᠦᠵᠡᠬᠦ ᠦᠭᠡᠢ ᠪᠤᠯᠪᠠ᠃ ᠴᠢ ᠲᠠᠭᠠᠭᠤᠯᠵᠤ ᠦᠵᠡᠬᠦᠯᠦᠭᠡᠳ ᠦᠭ︕ ᠭᠡᠪᠡ᠃ ᠪᠢ ᠲᠡᠳᠡᠨ ᠢ | ᠬᠢᠨᠠᠮᠠᠭᠠᠢ ᠲᠤᠰᠪᠠ᠃ ᠲᠡᠷᠡ ᠬᠤᠯᠠ ᠠᠴᠠ ᠵᠡᠭᠡᠯᠢ ᠶᠢᠨ ᠬᠠᠵᠠᠭᠤ ᠳᠤ ᠨᠢᠭᠡ ᠮᠠᠭᠤ ᠮᠠᠳᠠᠢ ︵ᠤᠭᠤᠳᠠ︶ ᠲᠠᠢ | ᠶᠠᠭᠤᠮᠠ ᠡᠬᠦᠷᠴᠢᠭᠡᠭᠰᠡᠨ᠂ ᠪᠦᠳᠦᠬᠦᠨ ᠪᠤᠭᠴᠦ ᠲᠡᠬᠦᠵᠢᠯᠡᠴᠢᠭᠡᠭᠰᠡᠨ᠂ ᠰᠤᠬᠤᠷ ᠮᠦᠮᠦ ᠪᠠᠨ ᠬᠦᠳᠦᠯᠴᠢᠭᠡᠭᠰᠡᠨ | ᠢᠷᠡᠬᠦ ᠪᠠᠷᠠ ᠶᠢ ᠬᠠᠷᠠᠩᠭᠤᠳᠠ ᠪᠢ ᠰᠡᠳᠭᠢᠯ ᠬᠠᠯᠠᠭᠤᠷᠠᠵᠤ᠂ ᠨᠤᠳᠤᠭ ᠮᠢᠨᠢ ᠬᠠᠷᠠᠭᠳᠠᠬᠤ ᠰᠢᠭ᠋᠂ ᠬᠠᠷᠠᠭᠠ | ᠮᠠᠭᠤᠳᠠᠢ ᠪᠤᠷᠬᠠᠨ ᠠᠪᠤ ᠶᠢᠨ ᠮᠢᠨᠢ ᠶᠠᠩᠵᠤ ᠦᠵᠡᠭᠳᠡᠬᠦ ᠴᠦ ᠰᠢᠭ᠋ ᠪᠤᠯᠵᠤ᠂ ᠲᠡᠷᠡ ᠬᠤᠶᠠᠷ ᠬᠦᠮᠦᠨ ᠤ ᠲᠡᠷᠡ ᠪᠠᠷᠠ | ᠬᠠᠶᠢᠷᠠᠯᠠᠯᠳᠠᠢ ᠪᠦᠭᠡᠳ ᠡᠮᠵᠡᠭ ᠰᠠᠨᠠᠭᠳᠠᠪᠠ᠃ ᠪᠢ ᠢᠨᠢᠶᠡᠵᠤ ᠬᠦᠷᠦᠭᠡᠳ ᠮᠠᠨᠳᠤᠴᠢᠯᠠᠪᠠ᠃ ᠬᠤᠷᠢᠭᠠᠳ ᠵᠢᠯ | ᠠᠭᠤᠯᠵᠠᠭᠰᠠᠨ ᠦᠭᠡᠢ ᠲᠤᠷᠵᠢ ᠶᠢ ᠦᠵᠡᠩᠬᠦᠳᠡ ᠪᠠᠨ ︽ᠢᠮᠠᠭᠠᠨ ᠪᠡᠯᠴᠢᠭᠡᠷ ᠲᠤ ᠬᠦᠮᠦᠨ ᠵᠤᠳᠤᠬᠤ ᠭᠡᠳ ᠮᠤᠳᠤ | ᠪᠠᠷᠢᠭᠠᠳ ᠬᠦᠶᠦᠳᠡᠭ ᠰᠠᠶᠢᠨ ᠡᠷᠡ ᠴᠢ ᠦᠨᠦᠳᠦᠷ ᠮᠤᠳᠤ ᠪᠠᠨ ᠶᠠᠭᠠᠬᠢᠭᠠᠳ ᠠᠪᠤᠭᠰᠠᠨ ᠦᠭᠡᠢ ᠶᠤᠮ︖︾ | ᠭᠡᠵᠤ ᠱᠤᠭᠯᠠᠳᠠᠭ ᠮᠢᠨᠢ ᠲᠡᠬᠦᠨ ᠲᠠᠢ ᠦᠶᠡ ᠵᠠᠢ ᠦᠭᠡᠢ ᠪᠠᠭᠠ ᠶᠢᠨ ᠨᠠᠶᠢᠵᠠ ᠶᠢᠨ ᠶᠡᠩᠵᠤ ᠪᠠᠷ ᠢᠶᠠᠨ ᠪᠠᠶᠢᠭᠠ ᠪᠠᠨ | ᠢᠯᠡᠳᠭᠡᠵᠤ᠂ ᠪᠢᠳᠡᠭᠡᠢ ᠨᠠᠳᠠ ᠠᠴᠠ ᠢᠴᠢᠵᠤ ᠰᠢᠷᠪᠡᠭᠡᠳᠦ ᠭᠡᠰᠡᠨ ᠨᠢᠭᠡ ᠰᠠᠨᠠᠭᠠ ᠪᠠᠶᠢᠭᠰᠠᠨ ᠢ ᠲᠡᠷᠡ ᠪᠤᠷᠤᠭᠤ | ᠤᠶᠢᠯᠠᠭᠠᠵᠤ ᠦᠰᠢᠶᠡ ᠠᠪᠴᠦ ᠪᠠᠶᠢᠨᠠ ᠭᠡᠵᠤ ᠪᠤᠳᠤᠭᠰᠠᠨ ᠨᠢ᠃ ᠲᠡᠷᠡ ᠬᠢ ᠬᠢ ᠢᠨᠢᠶᠡᠭᠡᠳ ︽ᠪᠠᠰᠠ | ᠰᠠᠨᠠᠭᠠᠨ ᠳᠤ ᠪᠠᠶᠢᠬᠤ ᠤᠤ︖ ᠮᠠᠷᠳᠠᠵᠤ ᠪᠤᠯᠬᠤ ᠦᠭᠡᠢ ᠤᠤ︖︾ ᠭᠡᠳ ᠶᠡᠬᠡᠳᠡ ᠡᠪ ᠦᠭᠡᠢ ᠪᠤᠯᠬᠤ ᠰᠢᠭ᠋ | ᠪᠤᠯᠪᠠ᠃ ᠪᠢ ᠬᠤᠷᠳᠤᠨ ᠯᠠ ᠮᠦᠮᠦ ᠶᠢᠨ ᠬᠢᠨᠢ ᠡᠪᠡᠳᠴᠢᠨ ᠡᠨᠡ ᠲᠡᠷᠡ ᠶᠢ ᠠᠰᠠᠭᠤᠵᠤ᠂ ᠭᠡᠷ ᠲᠡᠭᠡᠨ ᠠᠪᠠᠴᠢᠭᠠᠳ | ᠦᠪᠡᠷ ᠤᠨ ᠭᠡᠷ ᠲᠠᠢ ᠪᠠᠨ ᠠᠳᠠᠯᠢ ᠰᠠᠭᠤ︕ ᠭᠡᠬᠦᠯᠡᠷ ᠨᠢ ᠵᠤᠷᠯᠤᠩ ᠳᠤ ᠨᠢ ᠤᠷᠤᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠨᠠ᠂ | ᠲᠡᠶᠢᠮᠤ ᠰᠠᠶᠢᠬᠠᠨ ᠱᠠᠭᠠᠵᠠᠩ ᠰᠡᠪᠠ ᠰᠢᠭ᠋ ᠭᠢᠯᠠᠭᠠᠷ ᠰᠠᠪᠠᠨ ᠲᠡᠭᠡᠷᠡ ᠰᠠᠭᠤᠵᠤ ᠰᠢᠩᠬᠢᠨ ᠦᠳᠭᠡᠨ ᠢᠶᠠᠨ ᠭᠠᠷᠭᠠᠬᠤ | ᠭᠡᠵᠤ ᠶᠠᠭ ᠲᠡᠶᠢᠯᠬᠦ ᠦᠭᠡᠢ ᠪᠠᠶᠢᠨᠠ ᠭᠡᠳ ᠪᠠᠶᠢᠬᠤᠯᠠ ᠪᠢ ᠦᠭᠡᠷᠡ ᠨᠢᠭᠡ ᠮᠠᠭᠤᠬᠠᠨ ᠰᠢᠭ᠋ ᠪᠠᠭᠤᠳᠠᠯ ᠳᠤ | ᠰᠠᠭᠤᠯᠭᠠᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠲᠡᠷᠡ ᠬᠤᠶᠠᠷ ᠡᠳᠦᠷ ᠲᠡᠳᠡᠨ ᠢ ᠰᠢᠳᠤᠷᠭᠤ ᠲᠠᠭᠠᠵᠤ ᠦᠢᠯᠡᠴᠢᠯᠡᠭᠰᠡᠨ ᠪᠢᠯᠠ᠃ | ᠲᠤᠷᠵᠢ᠂ ᠨᠢᠳᠤ ᠮᠠᠭᠤ ᠪᠤᠯᠤᠭᠰᠠᠨ ᠡᠵᠢ ᠪᠠᠨ ᠦᠪᠡᠷ ᠤᠨ ᠭᠠᠷ ᠠᠴᠠ ᠪᠠᠨ ᠰᠠᠯᠭᠠᠯ ᠦᠭᠡᠢ ᠬᠦᠳᠦᠯᠵᠤ ︽ | ᠡᠮ ᠢᠶᠠᠨ ᠰᠠᠶᠢᠨ ᠤᠤᠭᠤ᠂ ᠤᠰᠤ ᠰᠠᠶᠢᠨ ᠤᠤᠭᠤ᠂ ᠮᠦᠮᠦ ᠪᠡᠳᠡᠭᠡᠢ ᠶᠡᠭᠡ ᠤᠰᠤ ᠤᠤᠭᠤᠵᠤ ᠤᠯᠠᠨ | ᠭᠠᠳᠠᠭᠠᠯᠠᠬᠤ ᠠᠴᠠ ᠵᠤᠪᠠ᠂ ᠤᠶᠢᠪ ᠤᠶᠢᠷᠬᠠᠨ ᠵᠤᠷᠯᠤᠩ ᠪᠠᠶᠢᠨᠠ︕︾ ᠭᠡᠳ ᠯᠠ ᠴᠠᠭᠠᠰᠦ ᠶᠢ ᠨᠢ ᠰᠠᠶᠢᠬᠠᠨ | ᠨᠤᠭᠤᠯᠵᠤ ᠪᠡᠯᠡᠳᠭᠡᠭᠡᠳ ᠬᠠᠷᠮᠠᠨ ᠳᠤᠨᠢ ᠬᠢᠵᠤ ︽ᠡᠨᠡ ᠬᠤᠳᠠ ᠭᠠᠵᠠᠷ ᠭᠡᠵᠤ ᠪᠦᠷ ᠴᠠᠭᠠᠰᠤ ᠬᠡᠷᠡᠭᠯᠡᠳᠡᠭ ᠶᠤᠮ᠂ | ᠮᠦᠮᠦ ᠡ᠂ ᠶᠡᠷᠦ ᠠᠴᠠ ᠡᠪᠡᠰᠦ ᠮᠤᠳᠤ ᠭᠡᠵᠤ ᠪᠠᠶᠢᠳᠠᠭ ᠦᠭᠡᠢ᠂ ᠪᠦᠬᠦᠨ ᠢᠶᠠᠷ ᠢᠶᠠᠨ ᠭᠡᠷ ᠠᠰᠠᠷ ᠰᠢᠦ︕︾ | ᠭᠡᠳ ᠪᠠᠰᠠ ︽ᠮᠦᠮᠦ ᠪᠤᠤ ᠵᠤᠪᠠ᠂ ᠡᠨᠡ ᠨᠤᠳᠤᠭᠭᠤᠸᠠ ᠴᠢ ᠪᠢᠳᠠᠨ ᠢ ᠲᠠᠭᠠᠭᠤᠯᠵᠤ ᠨᠢᠭᠡ ᠰᠠᠶᠢᠨ ᠡᠮᠴᠢ ᠳᠤ | ᠵᠤᠯᠭᠠᠬᠤ ᠶᠤᠮ᠂ ᠲᠡᠷᠡ ᠡᠮᠴᠢ ᠨᠢ ᠡᠳᠡᠨ ᠲᠠᠢ ᠪᠦᠷ ᠰᠠᠶᠢᠨ ᠲᠠᠨᠢᠯ ᠭᠡᠨᠠ ᠰᠢᠦ︕ ᠲᠡᠭᠡᠭᠡᠳ ᠬᠠᠷᠢᠬᠤ ᠳᠠᠭᠠᠨ | ᠪᠦᠷ ᠬᠤᠳᠠ ᠭᠡᠵᠤ ᠶᠠᠮᠠᠷ ᠪᠠᠶᠢᠳᠠᠭ ᠢ ᠮᠢᠨᠤ ᠮᠦᠮᠦ ᠬᠠᠷᠠᠴᠢᠬᠠᠨᠠ᠂ ᠪᠡᠶᠡ ᠪᠠᠨ ᠢᠳᠡᠭᠡ ᠠ︕ ᠨᠤᠳᠤᠭᠭᠤᠸᠠ ᠶᠢ | ᠢᠳᠡᠭᠡ᠂ ᠲᠡᠷᠡ ᠡᠮᠴᠢ ᠶᠢ ᠢᠳᠡᠭᠡ︕︾ ᠭᠡᠳ ᠠᠷᠭᠠᠳᠠᠬᠤ ᠶᠢᠨ ᠲᠠᠭᠠᠤ ᠭᠠᠷ ᠲᠤᠨᠢ ᠤᠰᠤ ᠪᠠᠷᠢᠭᠤᠯᠵᠤ | ᠡᠮ ᠢ ᠨᠢ ᠠᠳᠬᠤᠭᠤᠯᠵᠤ ᠦᠭᠬᠦᠭᠡᠳ᠂ ᠡᠩᠭᠡᠷ ᠡᠪᠦᠳᠦᠭ ᠢᠶᠠᠷ ᠨᠢ ᠲᠤᠰᠤᠯᠠᠭᠤᠯᠵᠤ ᠠᠰᠠᠬᠠᠭᠰᠠᠨ ᠪᠤᠳᠠᠭᠠ | ᠲᠤᠰᠤ ᠶᠢ ᠬᠢᠮᠦᠰᠤ ᠪᠠᠷ ᠢᠶᠠᠨ ᠬᠤᠰᠤᠵᠤ ᠠᠷᠴᠢᠨ ᠮᠦᠮᠦ ᠪᠠᠨ ᠪᠤᠰᠤᠳ ᠲᠤ ᠮᠠᠭᠤ ᠬᠠᠷᠠᠭᠤᠯᠬᠤ ᠦᠭᠡᠢ ᠪᠠᠷ | ᠬᠢᠴᠢᠶᠠᠵᠤ ᠪᠠᠶᠢᠪᠠ᠃ ᠪᠢ ᠬᠡᠯᠡᠵᠤ ᠲᠡᠶᠢᠯᠦᠰᠢ ᠦᠭᠡᠢ ᠰᠡᠳᠭᠢᠯ ᠬᠦᠳᠡᠯᠪᠡ᠃ ᠬᠤᠷᠸᠠ ᠶᠢᠨ ᠬᠠᠮᠤᠭ ᠰᠠᠶᠢᠨ ᠡᠷᠡ | ᠬᠦᠮᠦᠨ ᠪᠠᠷᠤᠭ ᠡᠨᠡ ᠮᠠᠭᠤ ᠲᠤᠤᠭᠤᠭᠰᠢ ᠪᠠᠨ ᠬᠠᠨᠳᠤᠭᠰᠠᠨ ᠰᠢ ᠭᠸᠤ ᠭᠸᠤ ᠲᠤᠷᠵᠢ ᠶᠤᠮ ᠰᠢᠭ᠋ ᠬᠠᠷᠠᠭᠳᠠᠨᠠ᠃ | ᠨᠢᠭᠡᠨ ᠡᠷᠡ ᠬᠦᠮᠦᠨ᠂ ᠨᠢᠭᠡᠨ ᠡᠵᠢ ᠳᠡᠭᠡᠨ ᠭᠡᠵᠤ ᠬᠠᠷᠢᠭᠤᠴᠠᠭᠰᠠᠨ ᠬᠠᠯᠠᠭᠤᠨ ᠬᠠᠶᠢᠷᠠ ᠪᠦᠷ ᠲᠡᠬᠦᠨ ᠤ ᠲᠡᠷᠡ | ᠪᠤᠷᠤᠬᠠᠨ ᠬᠦᠳᠡᠯᠦᠯ ᠲᠡᠭᠡᠷᠡ ᠬᠠᠷᠠᠭᠳᠠᠵᠤ ᠯᠠ ᠪᠠᠶᠢᠯᠠ᠃ ᠨᠢᠭᠡᠨ ᠬᠠᠶᠢᠷᠠ ᠬᠠᠷᠢᠭᠤᠴᠠᠯᠭᠠ ᠶᠢ ᠰᠢᠮᠡᠳᠴᠦ | ᠦᠰᠦᠭᠰᠡᠨ ᠭᠠᠵᠠᠷ ᠤᠰᠤᠨ ᠤ ᠦᠨᠦᠷ ᠲᠡᠷᠡ ᠮᠠᠭᠤ ᠲᠤᠷᠵᠢ ᠠᠴᠠ ᠲᠤᠳᠤᠬᠠᠨ ᠦᠨᠦᠷᠳᠤᠵᠤ ᠪᠤᠢ ᠶᠤᠮ ᠰᠢᠭ᠋ | ᠨᠠᠳᠠ ᠰᠠᠨᠠᠭᠳᠠᠭᠠᠳ ᠯᠠ ᠪᠠᠶᠢᠯᠠ᠃ ᠪᠢ ᠵᠠᠪᠠᠯ ᠪᠦᠬᠦ ᠴᠢᠳᠠᠯ ᠢᠶᠠᠷ ᠢᠶᠠᠨ ᠬᠠᠮᠵᠢᠵᠤ ᠪᠠᠶᠢᠭᠠᠳ᠂ ᠡᠨᠡ ᠮᠦᠮᠦ ᠶᠢᠨ | ᠨᠢᠳᠤ ᠶᠢ ᠰᠠᠷᠠᠭᠤᠯ ᠪᠤᠯᠭᠠᠶᠠ ᠭᠡᠵᠤ ᠲᠤᠳᠤᠷᠠ ᠪᠠᠨ ᠬᠠᠳᠠᠭᠤ ᠰᠢᠭᠤᠳᠪᠠ᠃ ᠮᠠᠷᠭᠠᠰᠢ ᠨᠢ ᠪᠢ ᠵᠠᠮ ᠲᠠᠭᠠᠭᠤᠯᠵᠤ᠂ | ᠲᠤᠷᠵᠢ ᠮᠦᠮᠦ ᠪᠠᠨ ᠬᠦᠳᠦᠯᠵᠤ ᠬᠤᠰᠢᠭᠤᠨ ᠤ ᠵᠡᠭᠡᠯᠢ ᠪᠠᠷ ᠡᠮᠴᠢ ᠶᠢᠨ ᠬᠤᠷᠢᠶᠠ ᠪᠠᠷ ᠶᠠᠪᠤᠬᠤ ᠳᠤ᠂ ᠬᠠᠭᠠᠰ ᠨᠠᠰᠤ | ᠰᠤᠬᠤᠷ ᠶᠠᠪᠤᠭᠰᠠᠨ ᠪᠤᠷᠬᠠᠨ ᠠᠪᠤ ᠶᠢ ᠪᠠᠨ ᠪᠤᠳᠤᠭᠠᠳ ᠯᠠ ᠪᠠᠶᠢᠯᠠ᠃ ᠶᠠᠭᠠᠬᠢᠵᠤ ᠬᠤᠷᠢᠯᠠ ᠴᠦ ᠠᠪᠤ ᠪᠤᠳᠤᠭᠳᠠᠨᠠ | ᠃ ᠡᠨᠡ ᠮᠠᠭᠤ ᠲᠤᠷᠵᠢ ᠶᠢ ᠤᠬᠤᠴᠠᠯᠠᠵᠤ ᠮᠦᠷᠳᠡᠬᠦ ᠶᠤᠮ ᠪᠤᠯ ᠠᠪᠤ ᠶᠢᠨ ᠮᠢᠨᠢ ᠪᠦᠯᠢᠶᠡᠨ ᠭᠠᠷ ᠢᠶᠠᠷ ᠯᠠ ᠲᠡᠮᠵᠢᠵᠤ | ᠨᠤᠳᠤᠭ ᠤᠰᠤᠨ ᠲᠡᠭᠡᠷᠡ ᠮᠢᠨᠢ ᠦᠨᠳᠦᠰᠦ ᠬᠠᠳᠬᠤᠭᠰᠠᠨ ᠶᠤᠮ᠃ ᠦᠨᠦ ᠪᠤᠯᠬᠤ ᠳᠤ ᠠᠪᠤ ᠮᠢᠨᠢ ᠡᠶᠢᠮᠦᠷᠬᠦᠦ | ᠡᠮᠵᠡᠭ ᠲᠠᠢ ᠡᠩᠬᠦᠷᠢ ᠬᠦᠭᠡᠷᠦᠬᠦᠨ ᠲᠦᠷᠢ ᠨᠦᠭᠦᠳ ᠢ ᠨᠠᠳᠠ ᠦᠯᠡᠳᠡᠭᠡᠵᠤ ᠲᠡᠭᠡᠷᠡ ᠨᠢ ᠪᠠᠰᠠ ︽ᠰᠠᠶᠢᠳᠤᠷ | ᠬᠠᠷᠭᠠᠯᠵᠠᠭᠳᠤᠨ︕︾ ᠭᠡᠰᠡᠨ ᠵᠠᠷᠯᠢᠭ ᠲᠠᠢ ᠪᠠᠨ ᠤᠷᠬᠢᠴᠢᠬᠠᠭᠠᠳ ᠦᠪᠡᠷ ᠢᠶᠠᠨ ᠶᠠᠮᠠᠷ ᠴᠦ ᠵᠢᠷᠤᠭ ᠲᠦᠷᠢ ᠦᠭᠡᠢ | ᠬᠤᠷᠸᠠ ᠠᠴᠠ ᠶᠠᠪᠤᠭᠠᠳ ᠦᠭᠴᠢᠭᠡᠬᠦ ᠨᠢ᠃ ᠠᠪᠤ ᠮᠢᠨᠢ ᠬᠠᠭᠠᠰ ᠨᠠᠰᠤ ᠪᠠᠷ ᠨᠢᠳᠦ ᠦᠭᠡᠢ ᠶᠠᠪᠤᠯᠠ ᠴᠦ ᠪᠢ | ᠭᠠᠭᠴᠠ ᠤᠳᠠᠭᠠ ᠴᠦ ᠡᠮᠨᠡᠯᠭᠡ ᠳᠤ ᠲᠠᠭᠠᠭᠤᠯᠵᠤ ᠬᠦᠷᠦᠭᠡ ᠦᠭᠡᠢ᠂ ᠡᠮᠨᠡᠯᠭᠡ ᠭᠡᠵᠤ ᠶᠠᠭᠤ ᠶᠢ ᠴᠦ ᠮᠡᠳᠡᠬᠦ ᠦᠭᠡᠢ | ᠪᠠᠶᠢᠭᠰᠠᠨ᠃ ᠭᠡᠬᠦ ᠳᠤ ᠠᠪᠤ ᠮᠢᠨᠢ ᠬᠠᠷᠢᠨ ︽ᠨᠠᠮᠠᠢᠢ ᠡᠮᠨᠡᠯᠭᠡ ᠳᠤ ᠦᠵᠡᠬᠦᠯᠬᠦ ᠬᠡᠷᠡᠭ ᠦᠭᠡᠢ᠂ ᠨᠤᠳᠤᠭᠴᠤᠳ ᠢᠶᠠᠨ | ᠦᠵᠡᠬᠦᠯ︕︾ ᠭᠡ ᠶᠤᠮ ᠰᠢᠭ᠋ ᠶᠠᠮᠠᠷ ᠴᠦ ᠦᠭᠡ ᠲᠠᠭᠤ ᠦᠭᠡᠢ ᠲᠡᠭᠷᠢ ᠳᠡᠭᠡᠨ ᠶᠠᠪᠤᠴᠢᠬᠠᠬᠤ ᠶᠤᠮ᠃ | ᠲᠤᠷᠵᠢ ᠶᠢᠨ ᠮᠦᠮᠦ ᠳᠤ ᠰᠠᠶᠢᠨ ᠡᠮᠴᠢ ᠲᠠᠭᠠᠷᠠᠭᠰᠠᠨ᠃ ᠪᠦᠬᠦ ᠭᠡᠷᠡᠭᠯᠡᠵᠤ ᠪᠤᠯᠬᠤ ᠡᠮ ᠲᠤᠮ ᠢ ᠨᠢ ᠪᠢ ᠪᠦᠷ | ᠤᠯᠵᠤ ᠦᠭᠪᠡ᠃ ︽ᠬᠤᠷᠸᠠ ᠳᠤ ᠦᠭᠡᠢ ᠶᠠᠭᠤᠮᠠ︾ ᠭᠡᠵᠤ ᠬᠡᠯᠡᠳᠡᠭ ᠴᠦ ᠵᠠᠷᠢᠮ ᠳᠠᠭᠠᠨ ᠰᠠᠨᠠᠭᠠ ᠲᠠᠯᠪᠢᠪᠠᠯ ︽ | ᠬᠤᠷᠸᠠ ᠳᠤ ᠦᠭᠡᠢ ᠶᠠᠭᠤᠮᠠ︾ ᠨᠢ ᠬᠤᠷᠸᠠ ᠳᠤ ᠪᠤᠢ ᠪᠤᠯᠵᠤ ᠴᠢᠳᠠᠨᠠ᠃ ᠲᠡᠷᠡ ᠪᠤᠯ ᠬᠦᠮᠦᠨ ᠤ ᠪᠤᠳᠤᠯ᠂ | ᠬᠤᠷᠸᠠ ᠶᠢᠨ ᠪᠠᠶᠠᠯᠢᠭ ᠬᠤᠶᠠᠷ ᠤᠨ ᠰᠡᠮ ᠲᠤᠬᠢᠶᠠ ᠪᠢᠯᠠ᠃ ᠲᠤᠷᠵᠢ ᠮᠦᠮᠦ ᠲᠠᠢ ᠪᠠᠨ ᠬᠠᠷᠢᠭᠠᠳ ᠲᠡᠮᠡᠢ ᠬᠡᠳᠦ | ᠬᠤᠨᠤᠭᠰᠠᠨ ᠦᠭᠡᠢ ︽ᠡᠳᠦᠷ ᠠᠴᠠ ᠡᠳᠦᠷ ᠨᠢᠳᠤᠨ ᠬᠠᠷᠠᠭᠠ ᠨᠢ ᠰᠠᠷᠠᠭᠤᠯ ᠪᠤᠯᠵᠤ ᠪᠠᠶᠢᠨᠠ᠂ ᠮᠠᠯ ᠬᠠᠷᠠᠭᠤᠯᠬᠤ | ᠪᠤᠯᠵᠤ ᠪᠠᠶᠢᠨᠠ ᠁︾ ᠭᠡᠳ᠂ ᠰᠡᠬᠦᠯ ᠳᠤᠨᠢ ᠨᠢᠭᠡᠮᠦᠰᠦᠨ ᠰᠠᠶᠢᠨ ᠪᠤᠯᠴᠢᠬᠠᠯᠠ ᠭᠡᠬᠦ ᠮᠡᠳᠦ ᠪᠠᠷ ᠴᠢᠮᠡᠭᠡ | ᠢᠷᠡᠬᠦᠯᠵᠤ ᠪᠠᠶᠢᠭᠰᠠᠨ᠃ ᠲᠡᠳᠡ ᠰᠠᠶᠢᠨ ᠪᠤᠯᠴᠢᠬᠠᠭᠰᠠᠨ ᠶᠤᠮ ᠴᠢᠨᠢ ᠪᠢ ᠴᠦ ᠰᠡᠬᠦᠯ ᠳᠤ ᠮᠠᠷᠳᠠᠴᠢᠬᠠᠵᠡᠢ᠃ | ᠭᠡᠬᠦ ᠳᠤ ᠲᠤᠷᠵᠢ ᠲᠡᠬᠦᠨ ᠢ ᠦᠨᠦᠳᠦᠷ ᠪᠤᠯᠳᠠᠯᠠ ᠪᠤᠳᠤᠭᠠᠳ ᠬᠡᠯᠡᠬᠦ ᠭᠡᠵᠤ ᠰᠠᠨᠳᠤᠷᠤᠭᠠᠳ ᠪᠠᠶᠢᠬᠤ ᠨᠢ᠃ ᠪᠢᠳᠠᠨ ᠢ | ᠶᠠᠪᠤᠬᠤ ᠭᠡᠬᠦᠯᠠ ᠠᠬᠠ᠄ — ᠲᠡᠬᠦᠦ ᠴᠢ ᠨᠠᠭᠠᠰᠢ ᠢᠷᠡᠬᠦᠢ︕ ᠭᠡᠵᠤ ᠨᠠᠮᠠ ᠲᠠᠭᠤᠳᠠᠬᠤ ᠶᠤᠮ ᠪᠢᠯᠠ᠃ ᠪᠢ | ᠬᠦᠷᠪᠡᠯ᠄ — ᠡᠨᠡ ᠲᠤᠷᠵᠢ ᠴᠢᠮᠠ ᠳᠤ ᠵᠢᠭᠠᠬᠠᠨ ᠦᠨᠳᠡᠭᠡ ᠠᠪᠤᠭᠠᠳ ᠢᠷᠡᠭᠰᠡᠨ ᠪᠠᠶᠢᠨᠠ᠂ ᠦᠪᠡᠷ ᠢᠶᠠᠨ ᠪᠠᠰᠠ | ᠦᠭᠴᠦ ᠴᠢᠳᠠᠬᠤ ᠦᠭᠡᠢ᠂ ᠨᠠᠮᠠ ᠶᠢ ᠬᠡᠯᠡᠭᠡᠳ ᠦᠭ ᠭᠡᠬᠦ ᠶᠤᠮ ᠭᠡᠳ ᠢᠨᠢᠶᠡᠴᠢᠭᠡᠪᠠ᠃ ᠲᠡᠭᠡᠬᠦ ᠪᠠᠷ ᠨᠢ ᠲᠤᠷᠵᠢ | ᠴᠤ ᠲᠠᠭᠠᠭᠠᠳ ᠬᠢ ᠬᠢ ᠢᠨᠢᠶᠡᠵᠤ᠄ — ᠨᠤᠳᠤᠭᠭᠤᠸᠠ ᠡ᠂ ᠡᠶᠢᠮᠤ ᠵᠢᠭᠠᠬᠠᠨ ᠶᠠᠭᠤᠮᠠ ᠶᠢ ᠴᠢᠮᠠ ᠳᠤ | ᠶᠠᠭᠠᠬᠢᠵᠤ ᠦᠭᠳᠡᠭ ᠪᠢᠯᠠ ᠭᠡᠵᠤ ᠪᠤᠳᠤᠭᠠᠳ ᠡᠪ ᠦᠭᠡᠢ ᠪᠤᠯᠬᠤ ᠶᠤᠮ᠂ ᠲᠠᠨᠤᠰ ᠢᠳᠡᠬᠦ ᠲᠤᠷᠠ ᠲᠠᠢ ᠴᠤ ᠶᠤᠮ | ᠤᠤ︖ ᠦᠭᠡᠢ ᠴᠤ ᠶᠤᠮ ᠤᠤ︖ ᠮᠠᠨ ᠤ ᠮᠦᠮᠦ ᠴᠢᠮᠠ ᠦᠭᠡᠷ ᠤᠨ ᠮᠢᠬᠠ ᠠᠪᠬᠤ ᠪᠠᠷ ᠬᠠᠷᠢᠵᠤ ᠢᠷᠡᠬᠦ ᠶᠢ | ᠰᠤᠨᠤᠰᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠡᠳᠦᠷ ᠡᠳᠦᠷ ᠲᠡᠬᠢᠶᠡᠨ ᠤ ᠪᠠᠨ ᠦᠨᠳᠡᠭᠡ ᠶᠢ ᠨᠢᠭᠡ ᠨᠢᠭᠡ ᠪᠠᠷ ᠲᠡᠬᠦᠭᠡᠳ ︽ | ᠨᠤᠳᠤᠭᠭᠤᠸᠠ ᠳᠤ ᠦᠭᠬᠦᠶᠠ︕︾ ᠭᠡᠳ ᠨᠦᠭᠡᠭᠡᠵᠤ ᠯᠠ ᠪᠠᠶᠢᠭᠰᠠᠨ᠃ ᠬᠠᠭᠠᠷᠠᠵᠤ ᠪᠠᠯᠪᠠᠷᠠᠴᠢᠬᠠᠬᠤ ᠠᠴᠠ | ᠬᠢᠴᠢᠶᠠᠵᠤ ᠰᠠᠶᠢᠬᠠᠨ ᠴᠡᠪᠡᠷ ᠰᠢᠷᠦ᠋ᠢᠨ ᠳᠤ ᠪᠤᠯᠠᠵᠤ ᠰᠠᠪᠠᠯᠠᠭᠰᠠᠨ ᠶᠤᠮ᠂ ᠬᠦᠳᠡᠭᠡ ᠶᠢᠨ ᠬᠦᠮᠦᠰ ᠤᠨ ᠰᠠᠨᠠᠭᠠ | ᠰᠢᠳᠠ᠂ ᠴᠢ ᠭᠤᠯᠤᠬᠤ ᠦᠭᠡᠢ ᠪᠤᠯ ᠁ ᠭᠡᠬᠦ ᠪᠠᠷ ᠨᠢ ᠪᠢ᠄ — ᠪᠤᠯᠤᠨᠠ᠂ ᠪᠤᠯᠤᠨᠠ᠂ ᠪᠢ ᠴᠤᠬᠤᠮ | ᠲᠤᠷᠠᠳᠠᠢ᠂ ᠶᠠᠭᠠᠬᠢᠵᠤ ᠵᠢᠭᠠᠬᠠᠨ ᠬᠦᠳᠡᠭᠡᠨ ᠤ ᠦᠨᠳᠡᠭᠡ ᠤᠯᠤᠶᠠ ᠳ᠋ᠤᠤ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠭᠰᠠᠨ︕ ᠭᠡᠵᠤ | ᠬᠤᠷᠳᠤᠨ ᠬᠡᠯᠡᠪᠡ᠃ ᠲᠤᠷᠵᠢ᠄ — ᠠᠶᠠ᠂ ᠴᠢᠨᠤ ᠢᠡᠭᠬᠢᠵᠤ ᠲᠤᠷᠠᠳᠠᠢ ᠪᠠᠶᠢᠬᠤ ᠶᠢ ᠪᠤᠳᠤᠵᠤ ᠤᠯᠤᠭᠰᠠᠨ ᠦᠭᠡᠢ | ᠂ ᠵᠠ᠂ ᠵᠠ︕ ᠭᠡᠳ ᠮᠠᠩᠨᠠᠢ ᠪᠠᠨ ᠠᠷᠴᠢᠨ ᠪᠠᠶᠠᠰᠪᠠ᠃ ᠬᠤᠳᠠᠨ ᠳᠠᠭᠠᠨ ᠬᠠᠷᠢᠵᠤ ᠢᠷᠡᠭᠡᠳ ᠲᠡᠳᠡᠭᠡᠷ ᠵᠢᠵᠢᠭ | ᠵᠢᠵᠢᠭ ᠴᠡᠪᠡᠷᠭᠡᠨ ᠦᠨᠳᠡᠭᠡ ᠶᠢ ᠢᠳᠡᠬᠦ ᠶᠢᠨ ᠪᠤᠯᠭᠠᠨ ᠲᠡᠷᠡᠬᠦ ᠤᠰᠤ ᠰᠢᠭ᠋ ᠬᠠᠯᠢᠭᠤᠷᠠᠬᠤ ᠡᠯᠡᠰᠦᠨ ᠳᠤ ᠭᠠᠷ ᠢᠶᠠᠨ | ᠰᠢᠷᠭᠤᠭᠤᠯᠳᠠᠭ᠃ ᠬᠠᠶᠢᠷᠠ ᠪᠢᠯᠬᠠᠷᠠᠭᠰᠠᠨ ᠲᠡᠷᠡ ᠰᠢᠷᠦ᠋ᠢᠨ ᠳᠤ ᠭᠠᠷ ᠢᠶᠠᠨ ᠬᠦᠷᠭᠡᠬᠦ ᠶᠢᠨ ᠪᠦᠷᠢ ᠰᠡᠳᠭᠢᠯ ᠳᠤ | ᠡᠬᠡ ᠲᠡᠯᠡᠭᠡᠢ ᠶᠢᠨ ᠡᠩᠬᠦᠷᠡᠢ ᠲᠤᠷᠭᠠᠨ ᠪᠠᠶᠡ ᠲᠡᠮᠳᠡᠷᠢᠭᠳᠡᠬᠦ ᠶᠤᠮ᠃ ᠦᠨᠳᠡᠭᠡ ᠶᠢ ᠨᠢ ᠢᠳᠡᠭᠡᠳ ᠪᠠᠷᠠᠭᠠᠴᠢᠬᠠᠭᠰᠠᠨ | ᠴᠤ ᠲᠡᠷᠡᠬᠦ ᠡᠷᠬᠢᠮᠰᠦᠭ ᠡᠩᠬᠦᠷᠢ ᠲᠤᠷᠭᠠᠨ ᠰᠢᠷᠦᠢ ᠶᠢ ᠨᠢ ᠪᠢ ᠠᠰᠬᠠᠵᠤ ᠴᠢᠳᠠᠬᠤ ᠦᠭᠡᠢ ᠯᠠ ᠪᠠᠶᠢᠪᠠ᠃ ᠲᠡᠷᠡ | ᠲᠤᠩᠭᠠᠯᠠᠭ ᠰᠠᠷᠠᠭᠤᠯᠬᠠᠨ ᠠᠭᠤᠷ ᠠᠮᠢᠰᠬᠤᠯ ᠰᠢᠩᠬᠢᠭᠰᠡᠨ ᠴᠡᠪᠠᠷ ᠴᠡᠮᠴᠡᠭᠡᠷ ᠰᠢᠷᠦᠢ ᠶᠢ ᠡᠨᠡ ᠬᠤᠳᠠ ᠶᠢᠨ ᠲᠦᠮᠠᠨ | ᠬᠦᠮᠦᠨ ᠤ ᠬᠦᠯ ᠲᠤᠤᠷᠠ ᠠᠰᠬᠠᠵᠤ ᠶᠠᠭᠠᠬᠢᠨ ᠴᠢᠳᠠᠬᠤ ᠪᠢᠯᠠ᠃ ᠦᠨᠳᠡᠭᠡᠨ ᠤ ᠬᠡᠪᠡᠷᠡᠭ ᠬᠠᠯᠢᠰᠤ ᠶᠢ | ᠬᠠᠭᠠᠯᠬᠤ ᠠᠴᠠ ᠬᠠᠮᠠᠭᠠᠯᠠᠵᠤ ᠢᠷᠡᠭᠰᠡᠨ ᠲᠡᠷᠡ ᠲᠤᠷᠭᠠᠨ ᠰᠢᠷᠦᠢ ᠤᠳᠤ ᠮᠢᠨᠤ ᠬᠠᠶᠢᠷᠠ ᠰᠡᠳᠭᠢᠯ ᠤᠨ ᠨᠢᠮᠭᠡᠨ | ᠬᠠᠯᠢᠰᠤ ᠶᠢ ᠬᠠᠮᠠᠭᠠᠯᠠᠵᠤ ᠠᠰᠠᠷ ᠤᠨ ᠮᠢᠨᠢ ᠨᠢᠭᠡ ᠦᠨᠴᠦᠭ ᠲᠤ ᠤᠭᠤᠳᠠ ᠲᠠᠢ ᠪᠠᠨ ᠲᠠᠯᠪᠢᠭᠠᠰᠤᠳᠠᠢ᠃ | ᠰᠡᠬᠦᠯᠡᠷ ᠨᠢ ᠪᠢ ᠰᠠᠶᠢᠬᠠᠨ ᠴᠡᠴᠡᠭ ᠤᠨ ᠫᠠᠩᠰᠡ ᠠᠪᠴᠦ ᠲᠡᠷᠡ ᠰᠢᠷᠦᠢ ᠪᠠᠨ ᠬᠢᠭᠡᠳ ᠬᠤᠸᠠᠷ ᠴᠡᠴᠡᠭ ᠲᠡᠷᠢᠪᠡ᠃ | ᠬᠠᠶᠢᠷᠠ ᠠᠰᠬᠠᠷᠠᠭᠰᠠᠨ ᠲᠡᠷᠡ ᠬᠠᠯᠠᠭᠤᠨ ᠰᠢᠷᠦ᠋ᠢᠨ ᠳᠤ ᠰᠠᠶᠢᠬᠠᠨ ᠴᠡᠴᠡᠭ ᠪᠡᠳᠮᠡᠯᠠᠨ ᠲᠡᠯᠭᠡᠷᠡᠵᠤ ᠰᠡᠳᠭᠢᠯ ᠢ ᠮᠢᠨᠢ | ᠲᠡᠵᠢᠭᠡᠵᠤ ᠬᠠᠶᠢᠷᠠ ᠶᠢ ᠮᠢᠨᠢ ᠤᠮᠳᠠᠯᠠᠵᠤ ᠪᠠᠶᠢᠯᠠ᠃ ᠲᠡᠷᠡ ᠬᠤᠸᠠᠷ ᠴᠡᠴᠡᠭ ᠦᠨᠳᠦᠷ ᠠᠰᠠᠷ ᠲᠠᠬᠢ ᠦᠷᠦᠭᠡ ᠭᠡᠷ ᠢ | ᠮᠢᠨᠢ ᠡᠬᠡ ᠲᠡᠯᠡᠬᠡᠢ ᠶᠢᠨ ᠡᠷᠡᠬᠦᠯᠭᠡᠨ ᠠᠭᠠᠷ ᠠᠮᠢᠰᠬᠤᠯ ᠢᠶᠠᠷ ᠲᠦᠬᠦᠷᠭᠡᠵᠤ᠂ ᠠᠮᠢ ᠨᠠᠰᠤᠨ ᠤ ᠮᠢᠨᠢ ᠡᠮᠵᠡᠭᠭᠡᠨ | ᠨᠢᠮᠭᠡᠨ ᠬᠠᠯᠢᠰᠤ ᠶᠢ ᠪᠦᠪᠠᠶᠢᠯᠡᠨ ᠬᠠᠮᠠᠭᠠᠯᠠᠵᠤ᠂ ᠬᠦᠮᠦᠨ ᠬᠠᠶᠢᠷᠠ ᠶᠢᠨ ᠮᠢᠨᠢ ᠬᠠᠯᠢᠰᠤ ᠶᠢ ᠤᠠᠯᠮ ᠤᠶᠠᠨ ᠵᠦᠭᠡᠯᠡᠨ | ᠪᠤᠯᠭᠠᠵᠤ ᠪᠠᠶᠢᠯᠠ᠃ ᠲᠡᠷᠡ ᠡᠷᠡᠬᠦᠯ ᠠᠭᠠᠷ ᠠᠮᠢᠰᠬᠤᠯ ᠳᠤ ᠬᠦᠦ ᠪᠢᠳᠠ ᠬᠤᠶᠠᠭᠤᠯᠠ ᠪᠠᠨ ᠡᠳᠦᠷ ᠪᠦᠷᠢ ᠰᠠᠶᠢᠬᠠᠨ | ᠶᠠᠭᠤᠮᠠ ᠪᠤᠳᠤᠵᠤ᠂ ᠰᠠᠶᠢᠬᠠᠨ ᠤᠴᠢᠷ ᠢᠶᠠᠨ ᠬᠡᠯᠡᠯᠴᠡᠨ᠂ ᠵᠢᠷᠭᠠᠯ ᠢᠶᠠᠷ ᠤᠨᠳᠠᠵᠤ ᠪᠠᠶᠠᠷ ᠢᠶᠠᠷ ᠰᠡᠷᠡᠳᠡᠭ᠃ | 2011 ᠤᠨ ᠤ ᠵᠤᠨ ᠤ ᠰᠡᠬᠦᠯᠴᠢ᠃ ᠲᠤᠰ ᠵᠤᠬᠢᠶᠠᠯ ᠢ ᠤᠷᠠᠩᠭᠤᠸᠠ ᠶᠢᠨ ︽ᠬᠦᠮᠦᠨ ᠤ ᠭᠡᠭᠡᠨ ᠲᠤᠭᠤᠷᠢᠭ︾ | ᠭᠡᠬᠦ ᠨᠤᠮ ᠠᠴᠠ ᠰᠢᠯᠵᠢᠬᠦᠯᠪᠠ ᠤᠷᠠᠩᠭᠤᠸᠠ ᠶᠢᠨ ᠤᠳᠤ ᠲᠡᠭᠡᠷᠡ ᠭᠡᠪᠯᠡᠭᠳᠡᠭᠡᠳ ᠪᠠᠶᠢᠭᠠ ᠨᠤᠮ ᠤᠳ ᠸᠢᠴᠡᠲ᠂ | ᠤᠳᠠᠰᠤ᠄ 15034915595 | | |