| ᠤᠷᠠᠬᠳᠠᠬᠰᠠᠨ ᠲᠡᠤᠭᠡ ᠶᠢᠨ ᠪᠠᠯᠠᠷᠬᠠᠢ ᠮᠦᠷ ᠢᠶᠠᠷ ᠁ | | ᠨᠢᠬᠡ | | ᠭᠦᠭᠡ ᠮᠤᠩᠭᠤᠯ ᠤᠨ ᠭᠠᠷ ᠪᠢᠴᠢᠮᠡᠯ ᠤᠨ ᠲᠤᠪᠴᠢᠶᠠᠨ ᠤᠷᠤᠭᠤ ᠪᠢᠷᠢᠳ ᠮᠡᠳᠦ ᠪᠠᠷᠠᠭᠠᠨ ᠭᠠᠷ ᠰᠢᠷᠭᠤᠯᠠᠨᠠᠮ | ᠭᠦᠨᠳᠦᠳᠭᠡᠨ ᠬᠠᠳᠠᠭᠠᠯᠠᠬᠳᠠᠬᠰᠠᠨ ᠲᠡᠭᠡᠳᠦᠰ ᠤᠨ ᠲᠡᠤᠭᠡ ᠶᠢᠨ ᠴᠣᠣᠵᠢ ᠲᠡᠷᠡ ᠦᠶᠡ ᠠᠴᠠ ᠡᠪᠳᠡᠭᠳᠡᠪᠡ | ᠬᠡᠰᠡᠭ ᠪᠦᠯᠦᠭ ᠢᠶᠠᠷ ᠨᠢ ᠠᠪᠳᠠᠷᠠᠯᠠᠵᠤ᠂ ᠬᠢᠴᠢᠶᠡᠮᠵᠢᠯᠡᠨ ᠬᠤᠷᠢᠶᠠᠬᠰᠠᠨ ᠪᠢᠴᠢᠭ ᠪᠠᠷᠢᠮᠳᠠ ᠶᠢᠨ ᠲᠤᠮᠳᠠ ᠠᠴᠠ | ᠬᠡᠨ ᠭᠡᠭᠴᠢ ᠨᠢ ᠲᠡᠷᠡ ᠨᠠᠨᠳᠢᠨ ᠭᠡᠰᠡᠭ ᠢ ᠤᠷᠠᠵᠤ ᠬᠠᠶᠠᠭᠠᠳ ᠬᠤᠷᠸᠠ ᠠᠴᠠ ᠪᠤᠯᠬᠢ ᠨᠢᠭᠤᠴᠠᠯᠠᠭᠰᠠᠨ ᠪᠣᠯ ᠡ | ᠴᠠᠭᠠᠨ ᠲᠡᠤᠭᠡ ᠶᠢ ᠮᠢᠨᠢ ᠪᠠᠯᠠᠷᠳᠠᠭᠤᠯᠵᠤ᠂ ᠦᠪᠡᠷᠰᠡᠳ ᠢ ᠪᠠᠨ ᠲᠣᠳᠣᠬᠠᠬᠤ ᠭᠡᠰᠡᠨ ᠲᠡᠳᠡᠭᠡᠷ ᠭᠦᠮᠦᠰ | ᠴᠠᠭ ᠤᠨ ᠵᠠᠢ ᠳᠤ ᠮᠦᠩᠭᠡᠷᠡᠵᠦ ᠴᠢᠳᠠᠯ ᠦᠬᠡᠢ ᠬᠡᠳᠦᠶᠢᠨᠡᠢ ᠲᠡᠦᠬᠡ ᠶᠢᠨ ᠬᠠᠶᠠᠭᠳᠠᠯ ᠪᠣᠯᠵᠤᠬᠤᠢ | ᠴᠠᠯᠠᠭᠠᠶᠢᠳᠠᠨ ᠬᠡᠯᠮᠡᠭᠳᠡᠭᠰᠡᠨ᠂ ᠦᠭᠰᠦᠵᠦ ᠤᠷᠤᠭᠤᠳᠠᠬᠰᠠᠨ ᠵᠢᠩᠬᠢᠨᠢ ᠦᠨᠡᠨ ᠢ ᠲᠤᠳᠤ ᠠᠴᠠ ᠲᠤᠳᠤ ᠬᠠᠷᠠᠬᠰᠠᠭᠠᠷ | ᠴᠠᠮᠬᠠᠭ ᠤᠨ ᠦᠨᠳᠦᠷ ᠲᠤ᠂ ᠡᠭᠦᠯᠡᠨ ᠲᠠᠯᠳᠠ᠂ ᠮᠠᠨᠠᠨ ᠤ ᠭᠦᠨ ᠳᠤ᠂ ᠰᠠᠯᠬᠢᠨ ᠤ ᠲᠤᠮᠳᠠ᠂ ᠴᠠᠭ ᠤᠨ ᠭᠠᠳᠠᠨᠠ | ᠁ | | ᠬᠠᠷᠠ ᠶᠢᠨ ᠪᠤᠳᠤᠯ ᠢᠶᠠᠷ ᠰᠢᠨᠡ ᠵᠠᠰᠠᠬᠳᠠᠬᠰᠠᠨ ᠲᠡᠤᠭᠡ ᠪᠠᠨ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠬᠡᠮᠡᠨ ᠲᠡᠶᠢᠨ | ᠨᠡᠷᠡᠯᠡᠪᠡ | ᠬᠠᠶᠢᠷᠠᠨ ᠰᠠᠨᠠᠵᠤ ᠵᠣᠷᠢᠭᠤᠳᠠ ᠤᠷᠬᠢᠬᠰᠠᠨ ᠤᠴᠢᠭ ᠴᠦ ᠪᠤᠯᠪᠠ ᠦᠦ᠂ ᠲᠡᠷᠡ ᠭᠦ ᠪᠤᠭᠤᠨᠢᠬᠠᠨ ᠦᠬᠦᠯᠡᠪᠦᠷᠢ | ᠬᠠᠷᠢᠨ ᠴᠦ ᠰᠠᠨᠠᠮᠰᠠᠷ ᠦᠬᠡᠢ ᠠᠯᠳᠠᠭᠠ ᠶᠤᠮ ᠦᠦ ᠪᠤᠤ ᠮᠡᠳᠡ᠂ ᠭᠦᠮᠦᠰ ᠡᠯᠳᠡᠪ ᠢᠶᠠᠷ ᠲᠠᠭᠠᠮᠠᠬᠯᠠᠨᠠ | ᠬᠠᠯᠠᠮᠵᠢ ᠪᠤᠯᠵᠤ ᠰᠠᠶᠠ ᠮᠢᠩᠭᠠᠨ ᠲᠡᠤᠭᠡᠴᠢᠳ ᠲᠡᠷᠡ ᠭᠦ ᠨᠢᠭᠤᠴᠠ ᠶᠢ ᠲᠠᠶᠢᠯᠬᠤ ᠶᠢᠨ ᠲᠥᠯᠥᠭᠡᠨᠡ ᠮᠤᠩᠭᠠᠨᠢᠨᠠ | ᠤᠯᠠᠭᠠᠨ ᠨᠤᠭᠤᠭᠠᠨ ᠢᠶᠠᠷ ᠤᠷᠪᠠᠭᠰᠠᠨ ᠲᠠᠨᠢᠯ ᠪᠤᠰᠤ ᠵᠠᠭᠤᠨ ᠲᠠᠢ ᠮᠦᠷᠦ ᠱᠦᠷᠭᠦᠨ ᠦᠩᠭᠡᠷᠡᠭᠦᠯᠦᠭᠰᠡᠭᠡᠷ | ᠤᠷᠤᠭᠤᠳᠠᠨ ᠦᠭᠰᠦᠬᠦ ᠲᠠᠮᠤ ᠬᠢᠬᠡᠳ ᠳ᠋ᠧᠪᠠᠵᠠᠨ ᠢ ᠲᠤᠭᠠ ᠦᠬᠡᠢ ᠤᠯᠠᠨ ᠤᠳᠠᠭᠠ ᠭᠡᠳᠦᠯᠭᠡᠭᠰᠡᠭᠡᠷ | ᠤᠷᠴᠢᠯᠠᠩ ᠶᠢᠷᠳᠢᠨᠴᠦ ᠶᠢᠨ ᠲᠦᠷᠦᠬᠦ ᠦᠬᠦᠬᠦ ᠶᠢᠨ ᠡᠬᠡᠯᠵᠢᠯᠡᠯ ᠢ ᠭᠡᠷᠡᠯ ᠰᠡᠭᠦᠳᠡᠷ ᠮᠡᠳᠦ ᠤᠷᠴᠢᠬᠰᠠᠭᠠᠷ | ᠤᠳᠤ ᠲᠠᠬᠢᠭᠠᠳ ᠬᠤᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠳᠤ ᠴᠤ᠋ ᠰᠢᠨᠡᠬᠡᠨ ᠢᠶᠠᠷ ᠠᠮᠢᠯᠠᠭᠠᠳ ᠪᠢ ᠪᠤᠴᠠᠬᠤᠢ | ᠴᠡᠩᠭᠡᠷᠳᠦᠨ ᠪᠢᠳᠦᠷᠢᠶᠡᠳᠦᠬᠦ ᠭᠦᠨᠵᠡᠬᠡᠢ ᠨᠠᠮ ᠬᠦᠮ ᠤᠨ ᠲᠤᠮᠳᠠᠭᠤᠷ ᠲᠤᠪ ᠲᠤᠭᠤᠢ ᠠᠶᠠᠯᠤᠬᠰᠠᠭᠠᠷ ᠪᠢ | ᠴᠡᠴᠡᠭ ᠤᠨ ᠪᠦᠮᠪᠦᠭᠡᠯᠢᠭ ᠤᠨ ᠠᠮᠢᠨ ᠦᠷᠭᠦᠯᠵᠢᠯᠡᠯ ᠪᠤᠯᠵᠤ ᠡᠬᠡ ᠶᠢᠨ ᠠᠯᠳᠠᠨ ᠭᠡᠪᠡᠯᠢ ᠳᠤ ᠰᠢᠩᠬᠡᠨᠡᠮ | ᠴᠡᠷᠪᠡᠭᠦᠦ ᠠᠯᠤᠰ ᠤᠨ ᠬᠢᠵᠠᠭᠠᠷ ᠦᠬᠡᠢ ᠶᠢᠨ ᠲᠤᠮᠳᠠ ᠠᠬᠢᠭᠠᠳ ᠯᠡ ᠭᠡᠷᠡᠯ ᠭᠡᠭᠡ ᠪᠤᠯᠤᠨ ᠠᠭᠤᠰᠴᠦ | ᠴᠡᠯᠮᠡᠭᠰᠢᠭᠰᠡᠨ ᠲᠡᠭᠷᠢ ᠶᠢᠨ ᠴᠡᠯᠡᠭᠡᠷᠭᠡᠨ ᠥᠩᠭᠡ ᠰᠢᠭ ᠠᠷᠢᠭᠤᠨ ᠰᠢᠮᠡ ᠶᠢ ᠠᠮᠳᠠᠷᠬᠠᠨ ᠭᠦᠬᠦᠨᠡᠮ | ᠨᠤᠭᠤᠭᠠᠨ ᠲᠠᠯᠠ ᠶᠢᠨ ᠲᠤᠮᠳᠠ ᠠᠯᠳᠠᠨ ᠯᠢᠩᠬᠸᠠ ᠬᠠᠳᠤᠨ ᠴᠡᠴᠡᠭᠡᠰ ᠨᠢᠳᠦ ᠲᠦᠭᠦᠷᠡᠩ ᠲᠡᠯᠭᠡᠷᠡᠨᠡᠮ | ᠨᠤᠭᠤ ᠪᠢᠯᠬᠠᠮᠠ ᠠᠯᠳᠠᠩᠬᠤᠸᠠ ᠴᠡᠴᠡᠭ ᠤᠨ ᠮᠢᠷᠠᠯᠵᠠᠭᠠᠨ ᠲᠤᠮᠳᠠ ᠠᠯᠭᠤᠷ ᠨᠠᠭᠠᠰᠢᠯᠠᠬᠤ ᠲᠡᠷᠡ ᠭᠡᠨ ᠪᠤᠢ | ᠨᠤᠶᠠᠨ ᠰᠠᠷᠢᠳᠠᠭ ᠠᠴᠠ ᠵᠦᠭᠡᠯᠡᠬᠡᠨ ᠦᠶᠡᠯᠵᠡᠬᠦ ᠲᠤᠯᠬᠢᠶᠠᠨᠠ ᠰᠠᠯᠬᠢᠨ ᠤ ᠲᠤᠷᠭᠠᠨ ᠤᠷᠤᠭᠤᠯ ᠵᠠᠳᠠᠷᠠᠨᠠᠮ | ᠨᠤᠳᠠᠳᠠᠶᠢᠬᠠᠨ ᠠᠳᠠᠯᠠ ᠠᠪ ᠠᠭᠠᠵᠢᠮᠬᠠᠨ ᠢᠳᠤᠭᠠᠰ ᠤᠨ ᠬᠡᠯᠡ ᠪᠠᠷ ᠴᠢᠬᠢᠨ ᠳᠤ ᠮᠢᠨᠢ ᠶᠠᠭᠤ ᠰᠢᠪᠡᠨᠡᠭᠰᠡᠨ ᠪᠤᠢ | ᠰᠢᠷᠠᠯᠠᠨ ᠬᠤᠴᠤᠷᠤᠬᠰᠠᠨ ᠲᠡᠷᠳᠡᠭᠡ ᠮᠢᠩᠭᠠᠨ ᠤ ᠠᠮᠢᠳᠦ ᠬᠡᠯᠡ ᠶᠢ ᠪᠢ ᠶᠡᠷᠦ ᠨᠢ ᠭᠦᠦᠷᠡᠭᠡ ᠦᠬᠡᠢ ᠴᠦ | ᠰᠢᠮᠳᠠᠨ ᠬᠢᠴᠢᠶᠡᠭᠰᠡᠨ ᠡᠮᠡᠭᠡ ᠲᠡᠭᠡᠳᠦᠰ ᠤᠨ ᠰᠠᠨᠠᠭᠠᠨ ᠤ ᠠᠨᠢᠰᠦ ᠵᠢᠷᠦᠬᠡᠨ ᠳᠤ ᠰᠡᠮᠬᠡᠨ ᠨᠡᠪᠳᠡᠷᠡᠨᠡᠮ | ᠰᠢᠭᠤᠷᠬᠠᠶᠢᠬᠠᠨ ᠭᠡᠭᠴᠢ ᠲᠤᠮᠤᠭ ᠤᠨ ᠭᠡᠯᠪᠡᠷᠢ ᠪᠠᠷ ᠦᠬᠦᠯ ᠠᠴᠠ ᠭᠠᠭᠴᠠᠮᠤᠰᠤᠨ ᠦᠰᠦᠷᠴᠦ ᠭᠠᠷᠤᠭᠠᠳ | ᠰᠢᠭᠰᠢᠭᠳᠡᠨ ᠤᠷᠬᠢᠬᠳᠠᠬᠰᠠᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ ᠤ ᠤᠷᠠᠬᠳᠠᠬᠰᠠᠨ ᠬᠠᠭᠤᠳᠠᠰᠤᠨ ᠳᠤ ᠴᠡᠴᠡᠭᠯᠡᠨᠡᠮ ᠁ | | |