| ᠭᠦᠭᠡᠴᠢᠨ ᠬᠠᠳᠤᠨ | ᠬᠠᠭᠠᠨ ᠤᠷᠤ ᠬᠤᠭᠤᠰᠤᠷᠤᠬᠰᠠᠨ ᠴᠦ ᠬᠠᠳᠤᠨ ᠮᠢᠨᠦ ᠵᠠᠬᠢᠷᠭᠠ ᠶᠢ ᠰᠤᠨᠤᠰ | ᠬᠠᠳᠠ ᠴᠢᠯᠠᠭᠤᠨ ᠮᠡᠳᠦ ᠲᠡᠭᠡᠳᠦᠰ ᠤᠨ ᠵᠠᠷᠯᠢᠭ ᠢ ᠬᠠᠮᠤᠭ ᠪᠦᠬᠦᠨᠡ ᠲᠤᠩᠬᠠᠭᠯᠠᠰᠤᠭᠠᠢ | ᠬᠠᠳᠤᠨ ᠭᠦᠮᠦᠨ ᠲᠦᠷᠦ ᠳᠤ ᠤᠷᠤᠯᠴᠠᠬᠤ ᠠᠨᠤ ᠡᠷᠳᠡᠨ ᠠᠴᠠ ᠲᠤᠬᠳᠠᠭᠠᠬᠰᠠᠨ ᠡᠷᠭᠡ | ᠬᠤᠷᠠᠯᠳᠠᠢ ᠶᠠᠪᠤᠭᠤᠯᠤᠨ ᠪᠢᠯᠢᠭ ᠰᠤᠷᠭᠠᠯ ᠢᠶᠠᠷ ᠦᠯᠵᠡᠶᠢᠳᠦ ᠲᠡᠮᠦᠷ ᠢ ᠰᠤᠩᠭᠤᠯᠤᠭᠠ | ᠨᠠᠢᠮᠠᠨ ᠦᠰᠦᠭ ᠲᠠᠢ ᠬᠠᠰᠪᠤᠤ ᠲᠠᠮᠠᠭᠠ ᠶᠢ ᠭᠦᠪᠡᠭᠦᠨ ᠦᠷᠡ ᠮᠢᠨᠢ ᠲᠤᠰᠴᠦ ᠠᠪ | ᠨᠠᠷᠮᠠᠢ ᠲᠦᠷᠦ ᠶᠢ ᠵᠠᠬᠢᠷᠤᠶᠠ ᠭᠡᠮᠡᠪᠡᠰᠦ ᠤᠷᠢᠲᠠᠵᠤ ᠭᠠᠪᠢᠶᠠ ᠪᠠᠶᠢᠭᠤᠯᠬᠤ ᠶᠢ ᠪᠤᠳᠤ | ᠡᠪᠡᠰᠦᠨ ᠤᠪᠤᠬᠠᠢ ᠳᠤ ᠮᠡᠨᠳᠦᠯᠡᠭᠰᠡᠨ ᠴᠦ | ᠡᠵᠡᠨ ᠳᠤ ᠲᠠᠨᠢᠬᠳᠠᠬᠤ ᠶᠢᠨ ᠬᠤᠪᠢ ᠲᠠᠢ ᠲᠦᠷᠦᠭᠰᠡᠨ | ᠭᠦᠭᠡᠴᠢᠨ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | ᠵᠡᠭᠦᠯᠳᠡ᠄ ᠭᠦᠭᠡᠴᠢᠨ ᠬᠠᠳᠤᠨ ︵ ︖ —1300 ᠤᠨ︶ ᠪᠤᠯ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠬᠦᠮᠦᠨ᠂ | ᠪᠠᠰᠠ ᠪᠠᠶᠢᠯᠠᠮ ᠡᠭᠡᠴᠢ ᠪᠤᠶᠤ ᠪᠡᠯᠡᠨ ᠡᠭᠡᠴᠢ ᠴᠦ ᠭᠡᠳᠡᠭ᠃ ᠭᠡᠰᠢᠭᠳᠦ ᠲᠡᠭᠡᠳᠦᠰ ᠴᠢᠩᠬᠢᠮ ᠬᠤᠩ ᠲᠠᠶᠢᠵᠢ ᠶᠢᠨ | ᠲᠡᠷᠢᠬᠦᠨ ᠬᠠᠳᠤᠨ᠃ ᠬᠦᠭᠡᠴᠢᠨ ᠬᠠᠳᠤᠨ ᠪᠤᠯᠤᠨ ᠴᠢᠩᠬᠢᠮ ᠠᠴᠠ ᠭᠠᠮᠠᠯᠠ᠂ ᠡᠶᠡᠪᠡᠷᠬᠦ ᠲᠡᠭᠡᠳᠦᠰ ᠱᠦᠨᠽᠦ᠋ᠩ | ᠲᠠᠷᠠᠮᠪᠠᠯᠠ ᠬᠠᠭᠠᠨ ᠪᠤᠯᠤᠨ ᠪᠦᠳᠦᠭᠡᠭᠴᠢ ᠲᠡᠭᠡᠳᠦᠰ ᠴᠧᠩᠽᠦ᠋ᠩ ᠦᠯᠵᠡᠶᠢᠳᠦ ᠲᠡᠮᠦᠷ ᠬᠠᠭᠠᠨ ᠭᠡᠮᠡᠬᠦ ᠭᠤᠷᠪᠠᠨ | ᠭᠦᠪᠡᠬᠦᠨ ᠮᠡᠨᠳᠦᠯᠡᠵᠡᠢ᠃ ᠶᠤᠸᠠᠨ ᠤᠯᠤᠰ ᠤᠨ ᠲᠡᠤᠭᠡᠨ ᠲᠡᠭᠡᠷᠡ ︽ᠲᠦᠷᠦ ᠶᠢᠨ ᠲᠦᠰᠢᠶᠡ ᠬᠠᠳᠤᠨ︾ ᠬᠡᠮᠡᠨ | ᠡᠷᠬᠦᠮᠵᠢᠯᠡᠭᠳᠡᠭᠰᠡᠨ ᠡᠨᠡ ᠬᠠᠳᠤᠨ ᠪᠤᠯ ᠲᠦᠷᠦᠯᠬᠢ ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠪᠤᠳᠤᠯᠭᠠ ᠬᠦᠨ᠂ ᠵᠠᠩ ᠠᠭᠠᠯᠢ ᠠᠨᠤ | ᠲᠠᠬᠢᠮᠳᠠᠭᠤ ᠬᠢᠴᠢᠶᠡᠩᠬᠦᠢ᠂ ᠭᠤᠤᠯ ᠤᠷᠳᠤᠨ ᠤ ᠭᠡᠷᠡᠭ ᠶᠠᠪᠤᠳᠠᠯ ᠳᠤ ᠴᠢᠳᠠᠮᠠᠭᠠᠢ ᠪᠠᠶᠢᠵᠤ᠂ ᠲᠦᠷᠦ ᠵᠠᠰᠠᠭ ᠲᠤ | ᠭᠤᠤᠯᠴᠢ ᠰᠢᠳᠤᠷᠭᠤ ᠶᠢ ᠡᠷᠬᠢᠮᠯᠡᠨ᠂ ᠲᠦᠷᠦ ᠶᠢᠨ ᠦᠢᠯᠡ ᠳᠤ ᠴᠢᠳᠠᠮᠠᠭᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠨᠡᠷᠡ | ᠠᠯᠳᠠᠷᠰᠢᠬᠰᠠᠨ ᠭᠠᠷᠮᠠᠭᠠᠢ ᠤᠯᠤᠰ ᠲᠦᠷᠦᠴᠢᠨ ᠪᠤᠯᠤᠨᠠ᠃ 1294 ᠤᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠲᠡᠭᠷᠢ ᠳᠤ | ᠬᠠᠯᠢᠬᠰᠠᠨ ᠤ ᠲᠠᠷᠠᠭᠠ᠂ ᠭᠦᠭᠡᠴᠢᠨ ᠬᠠᠳᠤᠨ ᠲᠦᠷ ᠴᠠᠭ ᠲᠦᠷᠦ ᠪᠠᠷᠢᠵᠤ ᠬᠠᠭᠠᠨ ᠰᠤᠩᠭᠤᠬᠤ ᠶᠡᠭᠡ ᠬᠤᠷᠠᠯᠳᠠᠢ | ᠶᠢ ᠡᠷᠬᠢᠯᠡᠨ᠂ ᠴᠢᠩᠬᠢᠰ ᠬᠠᠭᠠᠨ ᠤ ᠭᠡᠷᠢᠶᠡᠰ ᠵᠠᠷᠯᠢᠭ ᠢ ᠲᠤᠷᠠᠳᠤᠨ᠂ ᠴᠢᠩᠬᠢᠰ ᠬᠠᠭᠠᠨ ᠤ ᠪᠢᠯᠢᠭ ᠰᠤᠷᠭᠠᠯ ᠢᠶᠠᠷ | ᠬᠤᠶᠠᠷ ᠭᠦᠪᠡᠭᠦᠨ ᠢᠶᠠᠨ ᠰᠢᠯᠭᠠᠨ ᠲᠡᠩᠰᠡᠵᠦ ᠶᠡᠭᠡ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠬᠴᠢ ᠲᠡᠮᠦᠷ ᠢ ᠰᠤᠩᠭᠤᠨ ᠭᠠᠷᠭᠠᠪᠠ᠃ | ᠦᠯᠵᠡᠶᠢᠳᠦ ᠲᠡᠮᠦᠷ ᠬᠠᠭᠠᠨ ᠪᠠᠷ ᠰᠠᠭᠤᠷᠢᠨ ᠳᠤ ᠰᠠᠭᠤᠬᠰᠠᠨ ᠤ ᠲᠠᠷᠠᠭᠠ ᠭᠠᠵᠢᠭᠤ ᠶᠢ ᠠᠷᠢᠯᠭᠠᠨ ᠰᠦᠷᠭᠡᠦ ᠶᠢ | ᠲᠠᠷᠤᠩᠭᠤᠶᠢᠯᠠᠵᠤ᠂ ᠶᠤᠸᠠᠨ ᠤᠯᠤᠰ ᠤᠨ ᠲᠡᠤᠭᠡᠨ ᠳᠤ ᠪᠠᠰᠠ ᠨᠢᠬᠡᠨ ᠴᠡᠴᠡᠭᠯᠡᠨ ᠭᠦᠭᠵᠢᠭᠰᠡᠨ ᠴᠠᠭ ᠦᠶᠡ ᠶᠢ | ᠨᠡᠭᠡᠭᠡᠭᠰᠡᠨ ᠶᠤᠮ᠃ | | | | ᠨᠠᠮᠪᠢ ᠬᠠᠳᠤᠨ | ᠠᠯᠳᠠᠩᠬᠤᠸᠠ ᠶᠢᠨ ᠲᠠᠪᠠᠯᠭᠠᠨ ᠲᠤᠮᠳᠠ ᠨᠡᠭᠦᠳᠡᠯ ᠤᠨ ᠤᠷᠳᠦ ᠲᠣᠳᠣᠷᠬᠠᠢ ᠠᠲᠠᠯᠠ ᠪᠠᠯᠠᠷᠬᠠᠢ | ᠠᠯᠳᠠᠨ ᠤᠷᠤᠭ ᠤᠨ ᠬᠠᠨ ᠭᠦᠪᠡᠭᠦᠳ ᠱᠠᠩᠳᠦ ᠶᠢᠨ ᠴᠦᠯᠬᠡ ᠪᠠᠷ ᠣᠷᠣᠵᠣ ᠭᠠᠷᠬᠤ ᠨᠢ ᠪᠦᠤᠳᠡᠭᠡᠷ | ᠱᠢᠷᠦᠨ ᠳᠡᠪᠡᠯᠲᠦ ᠴᠡᠴᠡᠭᠡᠨ ᠮᠠᠯᠠᠭᠠᠶᠢᠲᠤ ᠠᠮᠤᠭᠤᠯᠠᠩ ᠬᠠᠷᠰᠢ ᠳᠤᠷ ᠰᠡᠯᠡᠭᠦᠴᠡᠨ ᠭᠡᠶᠦᠷᠡᠵᠦ | ᠪᠢᠯᠡᠷ ᠪᠢᠰᠭᠢᠭᠦᠷ ᠤᠨ ᠢᠷᠠᠭᠤ ᠡᠭᠡᠰᠢᠭᠯᠡᠩ ᠪᠤᠯᠤᠷ ᠤᠷᠳᠤᠨᠠ ᠤᠶᠠᠩᠭᠠᠯᠠᠨ ᠲᠠᠭᠤᠷᠢᠰᠤᠨᠠᠮ | ᠠᠷᠴᠠ ᠠᠩᠬᠢᠯᠤᠬᠰᠠᠨ ᠰᠡᠶᠢᠯᠪᠦᠷᠢᠳᠦ ᠰᠢᠷᠡᠭᠡᠨᠡ ᠬᠠᠰ ᠲᠠᠨᠠ ᠮᠢᠷᠠᠯᠵᠠᠨ ᠮᠢᠷᠠᠯᠵᠠᠭᠠᠳ | ᠠᠯᠳᠠᠨ ᠮᠠᠯᠤ ᠲᠠᠢ ᠬᠠᠩᠬᠤᠯᠤᠮᠠ ᠰᠠᠷᠬᠤᠳ ᠬᠤᠨᠳᠠᠭᠠ ᠲᠦᠭᠦᠷᠡᠩ ᠮᠡᠯᠮᠡᠯᠵᠡᠨ ᠮᠡᠯᠡᠮᠵᠡᠨᠨᠡᠮ | ᠠᠯᠳᠠᠨ ᠤ ᠮᠦᠴᠢᠷ ᠮᠡᠳᠦ ᠦᠳᠡᠯᠦᠬᠡ ᠬᠠᠭᠠᠨ ᠳᠤ ᠬᠠᠰ ᠤᠨ ᠨᠠᠪᠴᠢ ᠮᠡᠳᠦ ᠪᠠᠷᠢᠯᠳᠤᠷᠤᠨ | ᠠᠯᠳᠠᠨ ᠲᠠᠮᠠᠭᠠᠳᠦ ᠵᠠᠷᠯᠢᠭ ᠤᠨ ᠪᠢᠴᠢᠭ ᠲᠤ ᠤᠸᠠ ᠡᠩᠭᠡᠰᠭᠡ ᠰᠢᠩᠭᠡᠭᠡᠰᠦᠳᠡᠢ | ᠨᠠᠮᠪᠢ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | | ᠵᠡᠭᠦᠯᠳᠡ᠄ ᠨᠠᠮᠪᠢ ᠬᠠᠳᠤᠨ ︵ᠶᠡᠭᠡ ᠲᠦᠯᠦᠪ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠠᠴᠠ 14 ᠳ᠋ᠤᠬᠡᠷ ᠵᠠᠭᠤᠨ ᠤ | ᠡᠬᠢᠨ ᠤ ᠦᠶᠡ ᠪᠠᠷ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ︶ ᠪᠤᠯ ᠶᠡᠭᠡ ᠶᠤᠸᠠᠨ ᠤᠯᠤᠰ ᠤᠨ ᠱᠢᠽᠦ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ | ᠭᠤᠤᠯ ᠤᠷᠳᠤᠨ ᠤ ᠬᠤᠶᠠᠳᠠᠬᠢ ᠲᠡᠷᠢᠬᠦᠨ ᠬᠠᠳᠤᠨ᠂ ᠤᠯᠤᠰ ᠤᠨ ᠨᠠᠭᠠᠴᠦ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠠᠯᠴᠦ | ᠨᠤᠶ᠋ᠨᠨ ᠤ ᠭᠦᠪᠡᠬᠦᠨ ᠨᠠᠴᠢᠨ ᠨᠤᠶᠠᠨ ᠤ ᠦᠬᠢᠨ ᠪᠦᠬᠡᠳ ᠴᠠᠮᠪᠢ ᠬᠠᠳᠤᠨ ᠤ ᠵᠢᠭᠡ ᠦᠬᠢᠨ ᠨᠢ ᠶᠤᠮ᠃ ᠬᠤᠪᠢᠯᠠᠢ | ᠬᠠᠭᠠᠨ ᠪᠤᠯᠤᠨ ᠨᠠᠮᠪᠢ ᠬᠠᠳᠤᠨ ᠠᠴᠠ ᠲᠡᠮᠡᠴᠢ ᠬᠡᠬᠦ ᠨᠢᠬᠡ ᠬᠠᠨ ᠭᠦᠪᠡᠬᠦᠨ᠂ ᠪᠠᠬᠢᠵᠢᠨ ᠬᠡᠮᠡᠬᠦ ᠨᠢᠬᠡ ᠭᠦᠩᠵᠦ | ᠮᠡᠨᠳᠦᠯᠡᠪᠡ᠃ ᠨᠠᠮᠪᠢ ᠬᠠᠳᠤᠨ ᠦᠳᠡᠯᠦᠬᠡ ᠨᠠᠰᠤᠨ ᠤ ᠬᠤᠪᠢᠯᠠᠢ ᠬᠠᠭᠠᠨ ᠢ ᠨᠠᠨᠳᠢᠨ ᠬᠠᠶᠢᠷᠠ ᠪᠠᠷ ᠡᠮᠰᠡᠭᠯᠡᠨ | ᠠᠰᠠᠷᠠᠬᠤ ᠶᠢᠨ ᠲᠠᠭᠠᠦ ᠬᠠᠭᠠᠨ ᠤ ᠪᠡᠶᠡ ᠬᠠᠷᠢᠭᠤ ᠦᠭᠡᠢ ᠦᠶᠡ ᠳᠤ ᠲᠦᠷᠦ ᠵᠠᠰᠠᠭ ᠤᠨ ᠵᠠᠷᠢᠮ ᠴᠢᠬᠤᠯᠠ | ᠴᠢᠬᠤᠯᠠ ᠵᠠᠷᠯᠢᠭ ᠰᠢᠢᠳᠪᠦᠷᠢ ᠶᠢ ᠰᠢᠢᠳᠦᠨ ᠭᠠᠷᠭᠠᠵᠤ ᠪᠠᠶᠢᠬᠰᠠᠨ ᠰᠡᠴᠡᠨ ᠤᠬᠠᠭᠠᠨᠳᠦ ᠬᠠᠳᠤᠨ ᠶᠤᠮ᠃ | | | | | ᠲᠡᠭᠦᠰ ᠬᠠᠳᠤᠨ | ᠦᠰᠪᠦᠷᠢ ᠨᠠᠰᠤᠨ ᠳᠠᠭᠠᠨ ᠲᠤᠯᠤᠢ ᠡᠵᠡᠨ ᠯᠦᠭᠡ ᠤᠷᠤᠭ ᠰᠦᠢᠯᠡᠵᠦ ᠲᠤᠬᠳᠠᠬᠰᠠᠨ ᠪᠤᠯᠪᠠᠴᠦ | ᠤᠴᠠᠷᠠᠯ ᠪᠤᠯᠵᠤᠭᠠ ᠡᠭᠡᠨᠡᠭᠳᠡ ᠤᠯᠠᠷᠢᠵᠤ ᠲᠠᠪᠤᠳᠤᠭᠠᠷ ᠭᠦᠪᠡᠭᠦᠨ ᠳᠤᠷ ᠵᠠᠶᠠᠭᠠᠬᠳᠠᠵᠠᠢ | ᠤᠷᠠ ᠴᠢᠳᠠᠪᠤᠷᠢ ᠰᠡᠴᠡᠨ ᠪᠢᠯᠢᠭ ᠢᠶᠠᠷ ᠰᠢᠶᠠᠨᠽᠦ᠋ᠩ ᠳᠤ ᠪᠠᠭ᠋ᠠᠷᠬᠠᠬᠳᠠᠨ ᠰᠠᠶᠢᠰᠢᠶᠠᠬᠳᠠᠵᠤ | ᠤᠯᠤᠰ ᠲᠦᠷᠦ ᠶᠢᠨ ᠤᠨᠴᠠ ᠡᠷᠭᠡ ᠪᠠᠷ ᠢᠯ ᠬᠠᠭᠠᠨᠳᠦ ᠤᠯᠤᠰ ᠢ ᠲᠠᠷᠬᠠᠯᠠᠪᠠᠢ | ᠤᠷᠳᠤᠨ ᠤ ᠬᠠᠪᠢ ᠶᠢᠨ ᠱᠠᠰᠢᠨ ᠤ ᠬᠡᠶᠢᠳ ᠢᠨᠤ ᠤᠷᠤᠭᠤᠯ ᠰᠢᠳᠦᠨ ᠮᠡᠳᠦ ᠨᠠᠶᠢᠷᠰᠠᠩᠭᠤᠢ | ᠦᠷᠦᠰᠢᠶᠡᠩᠬᠦᠢ ᠠᠭᠤᠵᠢᠭᠤ ᠪᠤᠳᠤᠯᠭᠠ ᠠᠨᠤ ᠠᠭᠠᠷ ᠤᠨ ᠨᠠᠷᠠᠨ ᠮᠡᠳᠦ ᠲᠡᠯᠭᠡᠷᠡᠩᠬᠦᠢ | ᠤᠯᠠᠨ ᠲᠠᠪᠬᠤᠷᠭᠠ ᠶᠢᠨ ᠱᠠᠰᠢᠨ ᠲᠦᠷᠦ ᠳᠤ ᠤᠬᠠᠭᠠᠨ ᠤ ᠴᠠᠷᠠᠭᠠ ᠪᠠᠨ ᠭᠠᠶᠢᠬᠠᠭᠤᠯᠵᠤ | ᠤᠶᠤᠨ ᠰᠠᠨᠠᠭᠠᠨ ᠤ ᠢᠪᠡᠭ ᠲᠦᠰᠢᠭ ᠬᠡᠮᠡᠨ ᠬᠤᠳᠠᠯᠠ ᠤᠯᠠᠨᠠ ᠠᠯᠳᠠᠷᠰᠢᠪᠠᠢ | ᠲᠡᠭᠦᠰ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | ᠵᠡᠭᠦᠯᠳᠡ᠄ ᠲᠡᠭᠦᠰ ᠬᠠᠳᠤᠨ ︵ ︖ — 1265 ᠤᠨ︶ ᠪᠤᠯ ᠮᠤᠩᠭᠤᠯ ᠤᠨ ᠭᠡᠷᠡᠶᠢᠳ ᠠᠶᠢᠮᠠᠭ ᠤᠨ ᠸᠠᠩ | ᠬᠠᠨ ᠲᠤᠭᠤᠷᠢᠯ ᠤᠨ ᠬᠤᠶᠠᠳᠤᠭᠠᠷ ᠭᠦᠪᠡᠬᠦᠨ ᠤᠶᠢᠬᠤ ᠶᠢᠨ ᠦᠬᠢᠨ᠂ ᠢᠯ ᠬᠠᠨᠯᠢᠭ ᠤᠯᠤᠰ ᠢ ᠦᠨᠳᠦᠰᠦᠯᠡᠨ | ᠪᠠᠶᠢᠭᠤᠯᠤᠬᠴᠢ ᠦᠯᠡᠬᠦ ᠬᠠᠨ ︵ᠲᠤᠯᠤᠢ ᠡᠵᠡᠨ ᠤ ᠲᠠᠪᠤᠳᠤᠭᠠᠷ ᠭᠦᠪᠡᠭᠦᠨ︶ ᠤ ᠭᠤᠤᠯ ᠤᠷᠳᠤᠨ ᠤ ᠲᠡᠷᠢᠬᠦᠨ | ᠬᠠᠳᠤᠨ ᠶᠤᠮ᠃ ᠲᠡᠷᠡ ᠪᠠᠷ ᠲᠠᠷᠤᠤ ᠬᠢᠴᠢᠶᠡᠩᠬᠦᠢ ᠵᠠᠩ ᠠᠷᠠᠨᠰᠢᠨ᠂ ᠰᠡᠴᠡᠨ ᠪᠢᠯᠢᠭᠳᠦ ᠤᠷᠠ ᠴᠢᠳᠠᠪᠤᠷᠢ ᠪᠠᠷ ᠢᠶᠠᠨ | ᠤᠯᠠᠨᠠ ᠠᠯᠳᠠᠷᠰᠢᠵᠤ᠂ 1252 ᠤᠨ ᠳᠤ ᠰᠢᠶᠠᠨᠽᠦ᠋ᠩ ᠮᠦᠩᠬᠡ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠦᠯᠡᠬᠦ ᠶᠢ ᠲᠠᠭᠠᠵᠤ | ᠪᠠᠷᠠᠭᠤᠨᠰᠢ ᠮᠤᠷᠳᠠᠵᠤ᠂ ᠴᠡᠷᠢᠭ ᠵᠠᠰᠠᠭ ᠤᠨ ᠠᠯᠢᠪᠠ ᠦᠢᠯᠡ ᠳᠤ ᠬᠠᠳᠤᠨ ᠤᠬᠠᠭᠠᠨ ᠢᠶᠠᠷ ᠵᠦᠪᠰᠢᠨ | ᠵᠤᠬᠢᠴᠠᠭᠤᠯᠵᠤ᠂ ᠢᠯ ᠬᠠᠨᠯᠢᠭ ᠤᠯᠤᠰ ᠢ ᠪᠠᠶᠢᠭᠤᠯᠬᠤ ᠳᠤ ᠪᠠᠯᠠᠷᠠᠰᠢ ᠦᠬᠡᠢ ᠭᠠᠪᠢᠶᠠ ᠵᠢᠳᠭᠦᠯ ᠦᠵᠡᠬᠦᠯᠵᠡᠢ᠃ | ᠲᠡᠭᠦᠰ ᠬᠠᠳᠤᠨ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠱᠠᠰᠢᠨ ᠤ ᠰᠤᠷᠭᠠᠯ ᠨᠤᠮᠯᠠᠯᠳᠦ ᠢᠵᠠᠭᠤᠷᠳᠠᠨ ᠤ ᠭᠡᠷ ᠪᠦᠯᠢ ᠳᠤ | ᠦᠰᠦᠭᠰᠡᠨ ᠪᠤᠯᠬᠤᠷ ᠢᠯ ᠬᠠᠨᠯᠢᠭ ᠤᠯᠤᠰ ᠤᠨ ᠱᠠᠰᠢᠨ ᠤ ᠲᠠᠯᠠ ᠶᠢᠨ ᠪᠤᠳᠤᠯᠭᠠ ᠳᠤ ᠮᠠᠰᠢ ᠭᠦᠨᠵᠡᠬᠡᠢ | ᠨᠦᠯᠦᠭᠡᠯᠡᠭᠰᠡᠨ ᠪᠠᠶᠢᠨᠠ᠃ | | |