| ᠮᠤᠩᠭᠤᠯᠴᠤᠳ ᠡᠬᠡᠨᠡᠷ ᠬᠦᠮᠦᠨ ᠵᠢᠷᠮᠦᠰᠦᠨ ᠪᠤᠯᠪᠠᠯ ᠬᠦᠨᠳᠦᠳᠭᠡᠯ ᠦᠭᠡ ᠭᠡᠷᠡᠭᠯᠡᠳᠡᠭ᠃ ᠡᠭᠦᠨ ᠳᠤ ︽ | ᠬᠦᠯ ᠬᠦᠨᠳᠦ ᠲᠠᠢ ᠪᠤᠯᠤᠯᠠ︾᠂ ︽ᠪᠡᠶᠠ ᠡᠷᠢᠶᠠ ᠲᠠᠢ ᠪᠤᠯᠤᠯᠠ︾ ᠭᠡᠬᠦ ᠮᠡᠳᠦ ᠪᠠᠷ ᠡᠬᠡ ᠪᠤᠯᠬᠤ ᠭᠡᠵᠤ ᠪᠠᠶᠢᠭᠠ | ᠡᠬᠡᠨᠡᠷ ᠬᠦᠮᠦᠨ ᠢ ᠬᠦᠨᠳᠦᠳᠭᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠬᠡᠪᠡᠯᠢ ᠳᠠᠬᠢ ᠬᠡᠦᠭᠡᠳ ᠢ ᠴᠤ ᠶᠡᠭᠡ ᠠᠩᠬᠠᠷᠳᠠᠭ ᠶᠤᠮ᠃ | ᠬᠦᠯ ᠬᠦᠨᠳᠦ ᠪᠤᠯᠤᠭᠰᠠᠨ ᠡᠬᠡᠨᠡᠷ ᠬᠦᠮᠦᠨ ᠳᠤ ᠲᠤᠩ ᠤᠯᠠᠨ ᠴᠡᠭᠡᠷ ᠶᠤᠰᠤ ᠲᠠᠢ ᠪᠠᠶᠢᠳᠠᠭ᠃ ᠬᠦᠯ ᠬᠦᠨᠳᠦ | ᠬᠦᠮᠦᠨ ᠢᠶᠠᠷ ᠭᠡᠷ ᠤᠨ ᠬᠦᠨᠳᠦ ᠠᠵᠢᠯ ᠢ ᠬᠢᠯᠬᠡᠬᠦ ᠦᠭᠡᠢ ᠪᠦᠭᠡᠳ ᠬᠤᠯᠠ ᠶᠢᠨ ᠵᠠᠮ ᠳᠤ ᠤᠨᠤᠭᠠ ᠬᠦᠰᠭᠡ ᠲᠠᠢ | ᠶᠠᠪᠤᠬᠤ ᠶᠢ ᠴᠡᠭᠡᠷᠯᠡᠨᠠ᠃ ᠲᠡᠮᠡᠭᠡ ᠤᠨᠤᠭᠤᠯᠬᠤ ᠦᠭᠡᠢ᠂ ᠲᠡᠭᠡᠰᠦ ᠪᠤᠭ ᠲᠡᠭᠡᠭᠦᠷ ᠠᠯᠬᠤᠬᠤ ᠶᠢ ᠴᠡᠭᠡᠷᠡᠯᠡᠭᠦᠯᠬᠦ | ᠮᠦᠷᠳᠡᠭᠡᠨ ᠡᠯᠳᠡᠪ ᠤᠨ ᠠᠮᠢᠳᠠᠨ ᠤ ᠮᠢᠬᠠ ᠶᠢ ᠢᠳᠡᠬᠦ ᠶᠢ ᠲᠠᠰᠤ ᠴᠡᠭᠡᠷᠯᠡᠨᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠲᠡᠮᠡᠭᠡ | ᠪᠤᠶᠤ ᠲᠡᠤᠯᠠᠢ ᠮᠡᠳᠦ ᠶᠢᠨ ᠰᠡᠳᠡᠷᠭᠡᠢ ᠤᠷᠤᠭᠤᠯ ᠲᠠᠢ ᠠᠮᠢᠳᠠᠨ ᠤ ᠮᠢᠬᠠ ᠶᠢ ᠢᠳᠡᠪᠡᠯ ᠰᠡᠳᠡᠷᠭᠡᠢ ᠬᠡᠦᠭᠡᠳ ᠲᠦᠷᠦᠨᠠ | ᠭᠡᠵᠤ ᠬᠡᠯᠡᠳᠡᠭ ᠵᠠᠩᠰᠢᠯ ᠲᠠᠢ᠃ | ᠭᠡᠳᠦ᠋ᠢᠪᠡᠷ ᠬᠦᠨᠳᠦ ᠨᠦᠰᠡᠷ ᠠᠵᠢᠯ ᠬᠦᠳᠡᠯᠮᠦᠷᠢ ᠳᠤ ᠤᠷᠤᠯᠴᠠᠭᠤᠯᠬᠤ ᠦᠭᠡᠢ ᠪᠤᠯᠪᠠᠴᠤ ᠦᠷᠭᠦᠯᠵᠢ ᠶᠢᠨ | ᠴᠢᠨᠠᠷᠳᠠᠢ ᠬᠦᠩᠭᠡᠨ ᠬᠦᠳᠡᠯᠭᠡᠭᠡᠨ ᠬᠢᠬᠦ ᠶᠢ ᠴᠢᠩᠭᠠ ᠱᠠᠭᠠᠷᠳᠠᠨᠠ᠃ ᠢᠩᠬᠢᠬᠦ ᠦᠭᠡᠢ ᠪᠤᠯ ᠬᠡᠦᠭᠡᠳ ᠨᠢ | ᠡᠬᠡ ᠶᠢᠨ ᠢᠶᠠᠨ ᠬᠡᠪᠡᠯᠢ ᠳᠤ ᠲᠤᠮᠤᠷᠠᠵᠤ᠂ ᠲᠦᠷᠦᠬᠦ ᠦᠶᠡᠰ ᠲᠤ ᠡᠬᠡ ᠶᠢ ᠪᠠᠨ ᠵᠤᠪᠠᠭᠠᠬᠤ ᠮᠦᠷᠳᠡᠭᠡᠨ ᠬᠦᠴᠢᠷᠳᠡᠵᠤ | ᠲᠦᠷᠦᠨᠠ ᠭᠡᠵᠤ ᠵᠠᠪᠠᠯ ᠬᠦᠳᠡᠯᠭᠡᠭᠡᠨ ᠬᠢᠭᠡᠳᠡᠭ᠃ ᠬᠦᠯ ᠬᠦᠨᠳᠦ ᠬᠦᠮᠦᠨ ᠢ ᠦᠷᠭᠦᠯᠵᠢ ᠶᠢᠨ ᠴᠢᠨᠠᠷᠳᠠᠢ ᠪᠠᠶᠠᠷ | ᠪᠠᠶᠠᠰᠬᠤᠯᠠᠩ ᠲᠠᠢ ᠪᠠᠶᠢᠬᠤ ᠶᠢ ᠱᠠᠭᠠᠷᠳᠠᠬᠤ ᠪᠦᠭᠡᠳ ᠠᠭᠤᠷᠯᠠᠵᠤ ᠤᠴᠠᠭᠠᠷᠯᠠᠬᠤ ᠶᠢ ᠴᠡᠭᠡᠷᠯᠡᠭᠦᠯᠦᠨᠠ᠃ ᠨᠡᠩ ᠴᠤ | ᠶᠡᠭᠡ ᠭᠤᠨᠢᠵᠤ ᠵᠤᠪᠠᠭ᠋ᠤ᠂ ᠶᠡᠭᠡ ᠤᠬᠢᠯᠠᠬᠤ ᠶᠢ ᠶᠡᠬᠡᠳᠡ ᠴᠡᠭᠡᠷᠯᠡᠭᠦᠯᠵᠤ ᠪᠠᠶᠢᠳᠠᠭ ᠶᠤᠮ᠃ ᠶᠡᠷᠦ ᠠᠴᠠ ᠬᠡᠪᠡᠯᠢ ᠳᠠᠬᠢ | ᠬᠡᠦᠭᠡᠳ ᠡᠬᠡ ᠶᠢ ᠪᠠᠨ ᠲᠠᠭᠠᠵᠤ ᠪᠠᠶᠠᠷᠯᠠᠬᠤ ᠳᠤᠨᠢ ᠪᠠᠶᠠᠷᠯᠠᠵᠤ᠂ ᠤᠬᠢᠯᠠᠬᠤ ᠳᠤᠨᠢ ᠤᠬᠢᠯᠠᠬᠤ ᠭᠡᠵᠤ ᠨᠤᠳᠤᠭ ᠤᠨ | ᠪᠤᠷᠤᠭᠤᠯᠴᠤᠳ ᠶᠠᠷᠢᠳᠠᠭ᠃ ᠡᠨᠡ ᠨᠢ ᠬᠡᠪᠡᠯᠢ ᠳᠠᠬᠢ ᠬᠡᠦᠭᠡᠳ ᠡᠬᠡ ᠶᠢᠨ ᠰᠡᠳᠬᠢᠯ ᠤᠨ ᠬᠦᠳᠡᠯᠭᠡᠭᠡᠨ ᠢᠶᠠᠷ ᠦᠰᠦᠨ | ᠪᠤᠶᠢᠵᠢᠳᠠᠭ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠡᠬᠡ ᠬᠦᠮᠦᠨ ᠬᠡᠪᠡᠯᠢ ᠳᠠᠬᠢ ᠬᠡᠦᠭᠡᠳ ᠲᠠᠢ ᠪᠠᠨ ᠦᠷᠭᠦᠯᠵᠢ ᠶᠢᠨ ᠴᠢᠨᠠᠷᠳᠠᠢ | ᠦᠭᠡ ᠬᠡᠯᠡᠯᠴᠡᠵᠤ᠂ ᠲᠡᠭᠦᠨ ᠢ ᠬᠠᠶᠢᠷᠠᠯᠠᠨ ᠬᠠᠷᠠᠭᠠᠯᠵᠠᠵᠤ᠂ ᠦᠪᠡᠷ ᠢᠶᠠᠨ ᠲᠠᠭᠤᠤ ᠲᠠᠭᠤᠯᠠᠵᠤ ᠦᠭᠬᠦ ᠪᠤᠶᠤ | ᠬᠦᠭᠵᠢᠮ ᠲᠠᠭᠤᠤ ᠰᠤᠨᠤᠰᠬᠠᠬᠤ ᠨᠢ ᠬᠡᠪᠡᠯᠢ ᠳᠠᠬᠢ ᠬᠡᠦᠭᠡᠳ ᠤᠨ ᠦᠰᠦᠨ ᠪᠤᠶᠢᠵᠢᠬᠤ ᠳᠤ ᠲᠤᠩ ᠶᠡᠭᠡ ᠠᠴᠢ | ᠬᠤᠯᠪᠤᠭᠳᠠᠯ ᠲᠠᠢ ᠶᠤᠮ᠃ | ᠡᠨᠡ ᠨᠢ ᠮᠤᠩᠭᠤᠯ ᠬᠦᠮᠦᠨ ᠤ ᠭᠡᠦᠭᠡᠳ ᠢᠶᠠᠨ ᠬᠠᠶᠢᠷᠠᠯᠠᠨ ᠬᠦᠮᠦᠵᠢᠭᠦᠯᠵᠤ ᠪᠠᠶᠢᠭᠠ ᠬᠠᠮᠤᠭ ᠤᠨ ᠠᠩᠬᠠᠨ ᠤ | ᠰᠤᠷᠭᠠᠨ ᠬᠦᠮᠦᠵᠢᠯ ᠪᠤᠯᠳᠠᠭ ᠶᠤᠮ᠃ | |