ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠣᠶᠣᠯ ᠡᠷᠳᠡᠨᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠠᠭᠤᠢ ᠲᠠᠯ᠎ᠠ ᠶᠢᠨ  ᠡᠵᠡᠨ ᠰᠤᠯᠢᠭᠳᠠᠭᠰᠠᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2016-12-28
        ᠠᠭᠤᠢ ᠲᠠᠯ᠎ᠠ  ᠡᠳᠦᠭᠡ ᠯᠢᠨᠰᠢ ᠰᠢᠶᠠᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠨ᠎ᠠ  ᠃  ᠲᠤᠳᠤᠷ᠎ᠠ   ᠨᠢ ᠯᠢᠨᠰᠢ ᠰᠢᠶᠠᠨ ᠤ  ᠭᠤᠸᠠᠨᠳᠢ ᠪᠠᠯᠭᠠᠰᠤᠨ ᠤ  ᠯᠦᠩ ᠲᠧᠦ ᠱᠠᠨ  ᠂ ᠶᠠᠩ ᠵᠢᠶᠠ ᠢᠩᠽᠢ᠂  ᠱᠠᠩ ᠭᠤᠸᠠᠨᠳᠢ᠂  ᠰᠢᠶᠠ  ᠭᠤᠸᠠᠨᠳᠢ᠂  ᠬᠤᠶᠠᠷ ᠮᠤᠳᠤ  ᠵᠢᠴᠢ ᠳ᠋ᠠ ᠵᠢᠩ  ᠪᠠᠯᠭᠠᠰᠤᠨ   ᠤ  ᠲᠠᠷᠢᠶᠠᠯᠠᠩ ᠤᠨ  ᠲᠠᠯᠠᠪᠠᠢ ᠪᠠᠭᠳᠠᠨ᠎ᠠ᠃ 233.2 ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲ᠋ᠠᠷ  ᠲᠠᠯᠠᠪᠠᠢ ᠲᠠᠢ  ᠃ ᠲᠠᠯᠠᠢ ᠶᠢᠨ  ᠲᠦᠪᠰᠢᠨ ᠠᠴᠠ 750 ᠮᠧᠲ᠋ᠠᠷ ᠡᠷᠭᠦᠭᠳᠡᠵᠠᠢ  ᠃         ᠲᠠᠶᠢᠴᠩ ᠬᠦᠷᠦᠨ   ᠤ  ᠪᠠᠳᠠᠷᠠᠭᠤᠯᠳᠤ  ᠲᠦᠷᠦ ᠶᠢᠨ   ᠦᠶ᠎ᠡ   ᠳᠤ ᠡᠨᠡᠬᠦ ᠤᠷᠤᠨ   ᠤ   ᠨᠠᠮᠦᠷ ᠵᠤᠨ   ᠤ ᠰᠠᠶᠢᠬᠠᠨ ᠤᠯᠠᠷᠢᠯ ᠳᠤ  ᠨᠤᠮᠢᠨ ᠲᠠᠯ᠎ᠠ   ᠶᠢᠨ ᠨᠤᠭᠤᠭᠠᠨ ᠲᠠᠯᠠᠢ  ᠰᠠᠯᠬᠢᠨ ᠤ  ᠠᠶᠠᠪᠠᠷ  ᠬᠠᠯᠢᠭᠤᠷᠠᠵᠤ  ᠂ ᠦᠩᠭᠡ ᠴᠡᠴᠡᠭ ᠤᠨ  ᠠᠩᠬᠢᠯᠤᠮ᠎ᠠ ᠦᠨᠦᠷ  ᠠᠭᠤᠰᠬᠢ ᠵᠢᠷᠦᠭᠡ   ᠳᠤ   ᠰᠢᠩᠭᠡᠨ᠎ᠡ᠃  ᠲᠠᠯ᠎ᠠ ᠶᠢᠨ  ᠲᠤᠮᠳᠠ ᠵᠤᠭᠰᠤᠵᠤ ᠲᠦᠷᠪᠡᠨ ᠵᠦᠭ ᠢ  ᠪᠠᠷᠠᠯᠠᠪᠠᠰᠤ  ᠤᠬᠢᠶᠠᠭᠰᠨ ᠮᠡᠳᠦ  ᠴᠡᠪᠡᠷ  ᠲᠤᠩᠭᠠᠯᠠᠭ ᠬᠠᠷᠠᠭᠳᠠᠨ᠎ᠠ᠃  ᠰᠦᠨᠢ  ᠳᠤ  ᠲᠦᠳᠡᠭ ᠭᠠᠯ ᠤᠨ  ᠰᠤᠯᠤᠩᠭᠠᠨ  ᠦᠩᠭᠡ   ᠳᠤ ᠲᠡᠭᠷᠢ ᠶᠢᠨ  ᠤᠳᠤᠳ   ᠤᠨ  ᠬᠢᠯᠪᠠᠭᠠᠨ   ᠳᠤ ᠲᠤᠯᠤᠭᠠᠨ ᠦᠩᠭᠡ ᠶᠢᠨ  ᠭᠡᠷᠡᠯ  ᠰᠠᠴᠤᠷᠠᠨ᠎ᠠ᠃  ᠡᠳᠦᠷ   ᠲᠤ  ᠭᠦᠨ ᠡᠪᠡᠰᠦᠨ ᠳᠤ  ᠦᠨᠡᠭᠡ ᠲᠠᠤᠯᠠᠢ   ᠬᠦᠶᠦᠯᠳᠡᠨ  ᠦᠨᠳᠦᠷ ᠤᠭᠳᠠᠷᠭᠤᠢ ᠳᠤ   ᠶᠤᠯᠤ  ᠪᠦᠷᠭᠦᠳ  ᠬᠠᠯᠢᠨ  ᠂ ᠪᠢᠯᠢᠭᠳᠦ ᠰᠢᠪᠠᠭᠤ ᠤᠷᠠᠨ ᠬᠤᠭᠤᠯᠠᠢ ᠪᠠᠷ  ᠵᠢᠷᠬᠢᠨ ᠲᠠᠭᠤᠯᠠᠵᠤ  ᠲᠡᠭᠡᠷ᠎ᠡ ᠲᠤᠤᠷ᠎ᠠ  ᠨᠢᠰᠡᠯᠴᠡᠨ᠎ᠡ᠃  ᠡᠨᠡᠬᠦ ᠲᠦᠮᠡᠨ ᠠᠮᠢᠳᠠᠨ ᠡᠷᠭᠡ ᠴᠢᠯᠦᠭᠡᠳᠠᠢ  ᠭᠦᠭᠵᠢᠯᠳᠦᠬᠦ  ᠪᠠᠭᠠᠷᠢᠨ ᠤ  ᠠᠭᠤᠢ ᠲᠠᠯ᠎ᠠ   ᠳᠤ ᠨᠢᠭᠡᠨ  ᠮᠦᠩᠭᠦᠨ  ᠲᠤᠯᠤᠮᠴᠢᠨ  ᠤᠷᠤᠨ   ᠤ ᠡᠵᠡᠨ  ᠲᠤᠩᠷᠤᠪᠸᠠᠩᠵᠢᠯ   ᠤᠨ   ︿ᠪᠤᠮᠠᠨ  ﹀ ︵ᠤᠯᠠᠨ  ᠭᠡᠰᠡᠨ  ᠤᠳᠬ᠎ᠠ ᠲᠠᠢ ᠬᠡᠷᠡᠭᠯᠡᠭᠡᠳᠠᠵᠠᠢ  ︶  ᠲᠠᠪᠤᠨ ᠬᠤᠰᠢᠭᠤ ᠮᠠᠯ  ᠡᠨᠡᠬᠦ  ᠭᠦᠭᠵᠢᠶᠡᠨᠳᠦ  ᠲᠠᠯ᠎ᠠ   ᠳᠤ ᠰᠠᠷᠨᠢᠨ ᠪᠡᠯᠴᠢᠵᠦ  ᠦᠭᠡᠷ ᠬᠤᠨᠢ  ᠮᠦᠭᠡᠷᠡᠨ ᠮᠠᠶᠢᠯᠠᠵᠤ  ᠮᠤᠷᠢ  ᠢᠨᠴᠠᠭᠠᠨᠠᠨ  ᠡᠯᠵᠢᠭᠡ ᠡᠭᠡᠭᠡᠭᠯᠡᠵᠦ  ᠲᠠᠯ᠎ᠠ   ᠤᠨ  ᠬᠦᠨ ᠳᠤ   ᠴᠤᠤᠷᠢᠶᠠᠳᠤᠨ᠎ᠠ᠃  ᠡᠷᠳᠡ ᠴᠠᠭ ᠲᠤ ᠬᠦᠮᠦᠰ  ᠡᠨᠡᠬᠦ ᠤᠷᠤᠨ ᠢ  ᠵᠢᠩᠬᠢᠨᠠᠢ ᠪᠠᠭᠠᠷᠢᠨ   ᠤ ᠲᠠᠯ᠎ᠠ ᠭᠡᠵᠦ ᠲᠠᠭᠤᠳᠠᠳᠠᠭ  ᠃         ᠲᠤᠩᠷᠤᠪᠸᠠᠩᠵᠢᠯ ᠤᠨ  ᠰᠠᠭᠤᠷᠢᠰᠭᠭᠰᠠᠨ ᠭᠤᠤᠯ ᠪᠠᠶᠢᠷᠢ ᠨᠢ ᠤᠳᠤᠬᠠᠨ ᠤ ᠬᠤᠶᠠᠷ ᠮᠤᠳᠤ  ︵ᠯᠢᠶᠠᠩ ᠺᠧ ᠱᠦ︶ ᠲᠤᠰᠬᠤᠨ ᠳᠤ  ᠪᠠᠶᠢᠵᠠᠢ᠃  ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠲᠠᠪᠢᠨ ᠰᠦᠮ᠎ᠡ  ︵ᠫᠢᠩ ᠳ᠋ᠢᠩ ᠮᠢᠶᠤᠤ︶  ᠂ ᠲᠠᠷᠬᠠᠨ ᠠᠭᠤᠯᠠ  ︵ᠡᠳᠦᠭᠡ ᠶᠢᠨ  ᠱᠤᠸᠠᠩ ᠮᠢᠶᠤᠤ  ︶  ᠂ ᠰᠡᠳᠡᠷᠬᠡᠢ ᠠᠭᠤᠯᠠ  ︵ ᠡᠳᠦᠭᠡ ᠶᠢᠨ  ᠯᠦᠩ  ᠲᠧᠦ ᠱᠠᠨ  ︶  ᠵᠡᠷᠭᠡ ᠭᠠᠵᠠᠷ   ᠲᠤ ᠲᠤᠰ ᠲᠤᠰ  ᠵᠤᠨ ᠤ ᠵᠤᠰᠠᠯᠠᠩ ᠤᠨ  ᠶᠡᠭᠡ  ᠮᠤᠩᠭᠤᠯ ᠭᠡᠷ ᠲᠠᠢ᠃  ᠰᠠᠷ᠎ᠠ ᠪᠦᠷᠢ  ᠮᠠᠯ   ᠢᠶᠠᠨ  ᠪᠤᠷᠦ ᠬᠦᠨᠳᠢ  ᠂  ᠤᠪᠤᠯᠠᠭ ᠬᠦᠨᠳᠢ   ᠶᠢᠨ ᠮᠦᠷᠭᠦᠴᠡᠭᠡ ᠭᠠᠵᠠᠷ ᠬᠤᠷᠢᠶᠠᠵᠤ  ᠂ ᠦᠪᠡᠰᠦᠪᠡᠨ ᠲᠠᠷᠬᠠᠨ ᠠᠭᠤᠯᠠ   ᠶᠢᠨ  ᠤᠷᠦᠢ ᠲᠡᠭᠡᠷ᠎ᠡ ᠭᠠᠷᠴᠦ  ᠰᠠᠷᠠᠪᠴᠢᠯᠠᠨ  ᠠᠵᠢᠭᠯᠠᠵᠦ  ᠬᠦᠨᠳᠢ ᠲᠦᠭᠦᠷᠡᠩ ᠪᠤᠯᠪᠠᠯ  ᠮᠠᠯ ᠭᠡᠭᠡᠭᠳᠡᠭᠰᠡᠨ ᠦᠭᠡᠢ ᠶᠢ   ᠭᠡᠷᠡᠴᠢᠯᠡᠵᠦ  ᠂ ᠬᠡᠷᠪᠡ ᠬᠦᠨᠳᠢ ᠲᠦᠭᠦᠷᠡᠩ ᠦᠭᠡᠢ ᠪᠤᠯᠪᠠᠯ  ᠪᠤᠶᠢᠳᠠ  ︵ᠬᠠᠮᠢᠶᠠᠷᠤᠭᠴᠢ  ︶ ᠳᠤ ᠪᠠᠨ ᠵᠠᠷᠯᠢᠭ ᠪᠠᠭᠤᠯᠭᠠᠨ  ᠡᠷᠢᠨ ᠬᠤᠮᠢᠵᠦ ᠠᠪᠴᠢᠷᠠᠭᠤᠯᠠᠨ᠎ᠠ᠃         ᠬᠤᠨᠢ ᠢᠮᠠᠭ᠎ᠠ ᠶᠢᠨ  ᠨᠤᠤᠰᠤ ᠨᠤᠤᠯᠦᠷ ᠠᠷᠠᠰᠤ   ᠵᠡᠷᠭᠡ ᠶᠢᠨ  ᠭᠠᠷᠤᠯᠳᠠ   ᠶᠢ ᠲᠤᠩᠷᠤᠪᠸᠠᠩᠵᠢᠯ ᠳᠤ ᠶᠡᠭᠡ ᠤᠷᠤᠯᠭ᠎ᠠ  ᠪᠤᠯᠳᠠᠭ ᠪᠤᠯᠬᠤᠷ ᠲᠡᠷᠡ  ᠬᠤᠨᠢ ᠢᠮᠠᠭ᠎ᠠ   ᠮᠠᠯᠵᠢᠬᠤ ᠶᠢ ᠶᠡᠭᠡ ᠠᠩᠬᠠᠷᠤᠨ᠎ᠠ᠃  ᠮᠢᠩᠭ᠎ᠠ ᠭᠠᠷᠤᠢ ᠪᠠᠷ ᠨᠢᠭᠡ ᠰᠦᠷᠦᠭ ᠪᠤᠯᠭᠠᠨ  ᠬᠠᠷᠢᠭᠤᠯᠠᠨ᠎ᠠ᠃  ᠬᠠᠪᠤᠷ ᠲᠠᠭᠠᠨ  ᠡᠩᠭᠡᠷ ᠭᠠᠵᠠᠷ  ᠨᠠᠷᠠ ᠲᠠᠭᠠᠨ ᠮᠠᠯᠵᠢᠵᠤ ᠂ ᠵᠤᠨ ᠳᠠᠭᠠᠨ  ᠠᠷᠦ ᠲᠠᠯ᠎ᠠ ᠶᠢᠨ  ᠰᠡᠭᠦᠳᠡᠷ ᠲᠠᠭᠠᠨ ᠰᠦᠷᠦᠭ ᠲᠠᠯᠪᠢᠳᠠᠭ᠃  ᠲᠠᠪᠤ ᠵᠢᠷᠭᠤᠭᠠᠨ ᠰᠠᠷ᠎ᠠ ᠳᠤ  ᠠᠭᠤᠯᠠ  ᠲᠠᠯ᠎ᠠ ᠳᠤ ᠲᠤᠷᠠᠪᠠᠷ ᠨᠢ ᠲᠠᠯᠪᠢᠵᠦ  ᠂ ᠡᠪᠦᠯ  ᠬᠦᠢᠳᠡᠨ ᠳᠤ ᠭᠤᠤ ᠭᠠᠩᠭ᠎ᠠ ᠶᠢ   ᠲᠠᠭᠠᠨ  ᠢᠳᠡᠰᠢᠯᠡᠭᠦᠯᠦᠨ᠎ᠡ᠃  ᠡᠨᠡᠬᠦ  ᠮᠠᠯᠵᠢᠬᠤ  ᠤᠬᠠᠭᠠᠨ ᠢᠶᠠᠷ  ᠬᠤᠨᠢ  ᠲᠠᠪᠤᠨ ᠰᠠᠷ᠎ᠠ ᠳᠤ  ᠲᠠᠷᠭᠤᠯᠠᠵᠤ  ᠰᠢᠨ᠎ᠡ ᠱᠦᠯᠦ ᠤᠭᠤᠤᠬᠤ ᠴᠠᠭ ᠪᠤᠯᠤᠨ᠎ᠠ᠃         ᠲᠤᠩᠷᠤᠪᠸᠠᠩᠵᠢᠯ  ᠡᠳᠦᠷ ᠰᠦᠨᠢ ᠦᠭᠡᠢ  ᠠᠮᠢᠳᠦᠷᠠᠯ ᠠᠬᠤᠢ ᠪᠠᠨ ᠪᠤᠳᠤᠯᠬᠢᠯᠠᠵᠤ  ᠂ ᠡᠳᠦᠷ ᠤᠨ  ᠲᠡᠮᠳᠡᠭᠯᠡᠯ  ᠂ ᠵᠢᠭᠡᠯᠡᠯᠭᠡ ᠶᠢᠨ  ᠪᠠᠷᠢᠮᠳᠠ  ᠂  ᠭᠡᠷ᠎ᠡ ᠪᠢᠴᠢᠭ᠂ ᠪᠦᠯᠦᠭ ᠵᠤᠷᠪᠤᠰ  ᠂ ᠤᠷᠤᠯᠭ᠎ᠠ ᠵᠠᠷᠤᠯᠭ᠎ᠠ ᠶᠢᠨ ᠲᠡᠩᠭᠰᠠ ᠬᠠᠷ᠎ᠠ  ᠵᠡᠷᠭᠡ  ᠪᠦᠷᠢᠨ ᠪᠦᠳᠦᠨ ᠨᠠᠷᠢᠨ ᠨᠢᠮᠪᠠᠢ ᠬᠢᠳᠡᠭ᠃  ᠮᠠᠯ ᠲᠠᠭᠠᠵᠤ ᠪᠠᠶᠢᠭ᠎ᠠ ᠪᠦᠢᠳᠠ ᠲᠠᠢ ᠪᠠᠨ ᠬᠠᠷᠢᠴᠠᠬᠤ ᠳᠤ ᠪᠢᠴᠢᠭ  ᠪᠠᠷᠢᠮᠳᠠ ᠲᠠᠢ  ᠄ ︽ ᠪᠤᠶᠢᠳᠠ ×××  ᠮᠡᠳᠡᠭᠳᠤᠨ  ᠄ ᠴᠢᠮ᠎ᠠ ᠳᠤ ᠲᠤᠰᠢᠶᠠᠭᠰᠨ  ᠮᠠᠯ   ᠤᠨ  ᠰᠦᠷᠦᠭ  ᠨᠡᠶᠢᠳᠡ ××× ᠲᠤᠯᠤᠭᠠᠢ᠃ ᠨᠢᠭᠡ ᠰᠠᠷ᠎ᠠ ᠳᠤ  ᠭᠤᠷᠪᠠᠨᠳᠠ  ᠲᠤᠭᠠᠯᠠᠨ  ᠪᠠᠶᠢᠴᠠᠭᠠᠬᠤ ᠪᠦᠭᠡᠳ  ᠲᠠᠩᠰᠠ ᠭᠡᠷᠡᠴᠢ ᠦᠯᠡᠳᠡᠭᠡᠬᠦ ᠬᠡᠷᠡᠭᠳᠠᠢ᠃  ᠵᠢᠯ ᠤᠨ  ᠰᠡᠭᠦᠯ ᠳᠤ  ᠲᠠᠨ ᠳᠤ  ᠬᠦᠯᠦᠰᠤᠨ ᠮᠦᠩᠭᠦ   ᠶᠢ   ᠦᠭᠬᠦ ᠳᠤ  ᠪᠠᠷᠢᠮᠳᠠ ᠪᠤᠯᠭᠠᠮᠤᠢ  ︾   ᠭᠡᠳᠡᠭ᠃ ᠡᠭᠦᠨ ᠠᠴᠠ ᠲᠤᠩᠷᠤᠪᠸᠠᠩᠵᠢᠯ   ᠤᠨ   ᠠᠮᠢᠳᠦᠷᠠᠯ ᠤᠨ  ᠨᠠᠷᠢᠨ ᠨᠢᠮᠪᠠᠢ ᠬᠠᠨᠳᠤᠳᠠᠭ ᠪᠠ  ᠪᠠᠶᠠᠵᠢᠵᠤ  ᠬᠦᠷᠦᠭᠭᠡᠵᠢᠭᠰᠡᠨ ᠤ ᠰᠢᠯᠳᠠᠭᠠᠨ ᠢ  ᠮᠡᠳᠡᠵᠦ ᠪᠤᠯᠤᠨ᠎ᠠ᠃  ᠭᠡᠳᠡᠯ᠎ᠡ ᠲᠡᠷᠡ  ᠪᠤᠶᠢᠳᠠ ᠨᠠᠷ ᠲᠠᠭᠠᠨ  ᠡᠨᠡᠷᠢᠯ ᠬᠠᠶᠢᠷᠠᠳᠠᠢ  ᠃ ᠨᠢᠭᠡ ᠤᠳᠠᠭ᠎ᠠ ᠨᠢᠭᠡ ᠬᠤᠨᠢᠴᠢᠨ ᠨᠢ ᠬᠤᠷᠢᠭᠠᠳ ᠬᠤᠨᠢ ᠪᠠᠨ ᠭᠡᠭᠡᠭᠰᠡᠨ ᠢ  ᠮᠡᠳᠡᠭᠦᠯᠦᠭᠰᠡᠨ ᠳᠤ  ᠲᠤᠩᠷᠤᠪᠸᠠᠩᠵᠢᠯ  ︽ᠬᠠᠮᠢᠶ᠎ᠠ ᠦᠭᠡᠢ  ︾ ᠭᠡᠵᠦ  ᠲᠦᠯᠦᠭᠦᠯᠦᠭᠰᠡᠨ  ᠦᠭᠡᠢ᠃          ᠲᠤᠩᠷᠤᠪᠸᠠᠩᠵᠢᠯ ᠵᠢᠯ ᠪᠤᠯᠭᠠᠨ ᠮᠤᠩᠭᠤᠯ ᠤᠷᠤᠨ ᠳᠤ  ᠢᠷᠡᠳᠡᠭ  ᠠᠷᠠᠯᠵᠢᠶᠠᠴᠢᠨ ᠲᠠᠢ ᠬᠠᠷᠢᠴᠢᠳᠠᠭ᠃  ᠠᠷᠠᠯᠵᠢᠶ᠋ᠶᠠᠴᠢᠨ   ᠤ  ᠤᠯᠠᠩᠬᠢ   ᠨᠢ  ᠮᠦᠭᠳᠡᠨ  ᠂  ᠵᠢᠨᠵᠧᠤ  ᠂  ᠲᠦᠩᠯᠢᠶᠤᠤ  ᠂ ᠤᠯᠠᠭᠠᠨᠬᠠᠳᠠ   ᠵᠡᠷᠭᠡ  ᠭᠠᠵᠠᠷ ᠤᠷᠤᠨ ᠠᠴᠠ  ᠢᠷᠡᠵᠦ   ᠲᠠᠪᠤᠨ ᠬᠤᠰᠢᠭᠤᠨ  ᠮᠠᠯ ᠤᠨ  ᠠᠷᠠᠰᠤ  ᠮᠢᠬ᠎ᠠ  ᠂  ᠨᠤᠤᠰᠤ  ᠨᠤᠤᠯᠦᠷ  ᠠᠪᠴᠦ᠂  ᠪᠦᠰ ᠪᠠᠷᠠᠭ᠎ᠠ᠂  ᠴᠠᠭᠠᠰᠤ  ᠂  ᠴᠠᠢ  ᠂ ᠰᠢᠬᠢᠷ᠂  ᠳ᠋ᠧᠩ ᠤᠨ  ᠲᠤᠰᠤ᠂  ᠴᠦᠢᠳᠧᠩ᠂  ᠲᠡᠮᠦᠷ  ᠬᠡᠷᠡᠭᠰᠡᠯ   ᠢ  ᠰᠤᠯᠢᠵᠤ ᠠᠪᠤᠨ᠎ᠠ᠃  ᠲᠤᠩᠷᠤᠪᠸᠠᠩᠵᠢᠯ ᠤᠨ  ᠠᠷᠠᠰᠤ  ᠨᠤᠤᠰᠤ ᠬᠤᠳᠠᠯᠳᠤᠬᠤ  ᠦᠨ᠎ᠡ ᠬᠠᠩᠰᠢ  ᠨᠢ ᠪᠠᠷᠤᠭ  ᠲᠤᠤᠷᠠᠬᠢ ᠮᠡᠳᠦ᠃  ᠬᠤᠨᠢ 4 —5 ᠶᠤᠸᠠᠨ  ︔ ᠦᠭᠡᠷ 20 —30 ᠶᠤᠸᠠᠨ  ︔ ᠮᠤᠷᠢ 30 —100 ᠶᠤᠸᠠᠨ︔ ᠡᠯᠵᠢᠭᠡ10 ᠶᠤᠸᠠᠨ︔  ᠨᠤᠤᠰᠤ ᠵᠢᠩ  ᠪᠦᠷᠢ0.15 ᠶᠤᠸᠠᠨ︔ ᠨᠤᠤᠯᠤᠷ 0.3 ᠶᠤᠸᠠᠨ  ︔  ᠦᠬᠡᠷ ᠬᠤᠨᠢ   ᠶᠢᠨ  ᠠᠷᠠᠰᠤ 1 —15 ᠶᠤᠸᠠᠨ︔  ᠬᠤᠨᠢᠨ ᠮᠢᠬ᠎ᠠ 0. —04 ᠶᠤᠸᠠᠨ  ︔  ᠦᠭᠡᠷ ᠤᠨ  ᠮᠢᠬ᠎ᠠ 0. —0.3 ᠶᠤᠸᠠᠨ  ︔  ᠡᠯᠳᠡᠭᠰᠡᠨ ᠠᠷᠠᠰᠤ 5 —20 ᠶᠤᠸᠠᠨ  ︔  ᠬᠤᠳᠠᠯᠳᠤᠨ ᠠᠪᠬᠤ ᠳᠤ  ᠨᠠᠷᠢᠮᠦ  ᠳ᠋ᠧᠦ ᠪᠦᠷᠢ ᠳᠡᠭᠡᠨ 0.6 ᠶᠤᠸᠠᠨ  ︔  ᠱᠢᠯᠦᠬᠡᠢ  ᠳ᠋ᠧᠦ ᠪᠦᠷᠢ ᠳᠡᠭᠡᠨ 0.2 —0.8 ᠶᠤᠸᠠᠨ  ︔  ᠮᠤᠩᠭᠤᠯ ᠠᠮᠦ  ᠳ᠋ᠧᠦ ᠪᠦᠷᠢ ᠳᠡᠭᠡᠨ 0.35 ᠶᠤᠸᠠᠨ︔  ᠲᠤᠳᠤᠷᠭ᠎ᠠ 3 —5 ᠶᠤᠸᠠᠨ  ︔  ᠵᠢᠯ  ᠪᠦᠷᠢ  ᠪᠠᠷᠤᠭ 250  ᠬᠤᠨᠢᠨ ᠤ ᠠᠷᠠᠰᠤ᠂ 270 ᠢᠮᠠᠭᠠᠨ  ᠠᠷᠠᠰᠤ  ᠂ 250 ᠦᠭᠡᠷ ᠤᠨ ᠠᠷᠠᠰᠤ  ᠂  70 ᠮᠤᠷᠢ ᠡᠯᠵᠢᠭᠡᠨ ᠤ ᠠᠷᠠᠰᠤ᠂ 25 ᠦᠨᠡᠭᠡᠨ ᠤ ᠠᠷᠠᠰᠤ᠂ 20  ᠴᠢᠨᠤᠸ᠎ᠠ ᠶᠢᠨ  ᠠᠷᠠᠰᠤ᠂ 2500 ᠵᠢᠩ  ᠨᠤᠤᠰᠤ᠂ 500 ᠵᠢᠩ ᠨᠤᠯᠤᠤᠷ ᠬᠤᠳᠠᠯᠳᠤᠨ᠎ᠠ᠃  ᠡᠭᠦᠨ ᠠᠴᠠ  ᠭᠠᠳᠠᠨ᠎ᠠ ᠪᠠᠰᠠ ᠦᠭᠡᠷ ᠬᠤᠨᠢᠨ   ᠤ ᠮᠢᠬ᠎ᠠ ᠨᠡᠯᠢᠶᠡᠳ ᠬᠤᠳᠠᠯᠳᠤᠨ᠎ᠠ᠃          ᠲᠠᠶᠢᠴᠢᠩ ᠬᠦᠷᠦᠨ ᠤ ᠪᠠᠳᠠᠷᠠᠭᠤᠯᠳᠤ ᠲᠦᠷᠦ ᠶᠢᠨ  ᠭᠤᠴᠢᠨ ᠲᠤᠯᠤᠭᠠᠨ ᠤᠨ  ︵1907︶   ᠠᠴᠠ ᠡᠬᠢᠯᠡᠵᠦ  ᠪᠠᠭᠠᠷᠢᠨ ᠤ ᠴᠠᠭᠠᠨᠮᠦᠷᠡᠨ ᠠᠴᠠ ᠪᠠᠷᠠᠭᠤᠨᠰᠢᠬᠢ ᠤᠷᠤᠨ ᠳᠤ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠵᠤ ᠡᠬᠢᠯᠡᠨ᠂ ᠲᠠᠷᠠᠭ᠎ᠠ ᠵᠢᠯ ᠳᠤᠨᠢ ᠯᠢᠨᠰᠢ ᠰᠢᠶᠠᠨ ᠢ ᠪᠠᠶᠢᠭᠤᠯᠵᠤ᠂ ᠱᠠᠨᠳᠦ᠋ᠩ  ᠂  ᠱᠠᠨᠰᠢ  ᠂ ᠾᠧᠪᠧᠢ ᠵᠡᠷᠭᠡ ᠭᠠᠵᠠᠷ ᠤᠷᠤᠨ ᠠᠴᠠ  ᠲᠠᠷᠢᠶᠠᠴᠢᠳ ᠢ  ᠨᠡᠭᠦᠯᠭᠡᠨ  ᠢᠷᠡᠭᠦᠯᠵᠦ  ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠬᠤ  ᠦᠢᠯᠡᠰ ᠢᠶᠠᠨ ᠤᠯᠠᠮ   ᠦᠷᠭᠡᠳᠬᠡᠵᠦ  ᠴᠢᠩ ᠬᠦᠷᠦᠨ ᠮᠦᠬᠦᠬᠦ ᠦᠶᠡᠰ ᠨᠢᠭᠡᠨᠳᠠ 3949 .48 ᠲᠦᠷᠪᠡᠯᠵᠢᠨ  ᠺᠢᠯᠤᠮᠧᠲ᠋ᠠᠷ  ᠠᠳᠠᠷ ᠢ  ᠡᠵᠡᠮᠰᠢᠨ ᠠᠪᠴᠦ  ᠯᠢᠨᠰᠢ  ᠰᠢᠶᠠᠨ ᠤ  ᠬᠢᠵᠠᠭᠠᠷ ᠢ ᠶᠡᠭᠡ ᠲᠦᠯᠦᠪ ᠲᠤᠭᠳᠠᠭᠠᠵᠠᠢ᠃  ᠬᠡᠪᠳᠦ ᠶᠤᠰᠤᠳᠤ ᠶᠢᠨ  ᠤᠨ ᠳᠤ  ᠵᠢᠩ ᠫᠧᠩ  ᠰᠢᠶᠠᠨ ᠤ  ᠲᠠᠷᠤᠭ᠎ᠠ  ᠬᠦᠸᠧ ᠽᠢ ᠰᠢᠦᠢ  ᠲᠤᠩᠷᠤᠪᠸᠠᠩᠵᠢᠯ ᠤᠨ  ᠨᠤᠳᠤᠭ  ᠠᠬᠤᠢ ᠲᠠᠯ᠎ᠠ ᠶᠢ  ᠨᠢᠭᠡ ᠴᠢᠩ   ᠳᠡᠭᠡᠨ 30 ᠯᠠᠩ  ᠮᠦᠩᠬᠦ ᠪᠠᠷ ᠬᠤᠳᠠᠯᠳᠤᠨ ᠠᠪᠴᠦ  ᠲᠤᠤᠷ᠎ᠠ ᠭᠤᠸᠠᠨᠳᠢ ᠠᠴᠠ ᠬᠤᠶᠢᠰᠢ  ᠭᠠᠵᠠᠷ ᠢ  ᠦᠪᠡᠷ  ᠤᠨ ᠲᠡᠭᠦᠦ ᠬᠦᠸᠧ ᠽᠢ ᠴᠧᠩ ᠢᠶᠠᠷ  ᠬᠠᠭᠠᠯᠪᠤᠷᠢᠯᠠᠭᠤᠯᠵᠤ  ᠲᠠᠷᠢᠶᠠᠨ ᠭᠠᠵᠠᠷ ᠪᠤᠯᠭᠠᠨ  ᠂ ᠲᠤᠤᠷ᠎ᠠ ᠭᠤᠸᠠᠨᠳᠢ  ᠠᠴᠠ  ᠡᠮᠦᠨᠡᠰᠢᠬᠢ ᠭᠠᠵᠠᠷ ᠢ  ᠯᠠᠨ ᠤᠪᠤᠭᠳᠤ   ᠭᠠᠵᠠᠷ ᠤᠨ ᠡᠵᠡᠨ ᠳᠤ ᠬᠤᠳᠠᠯᠳᠤᠨ ᠦᠭᠴᠠᠢ᠃  ᠲᠤᠬᠠᠢ ᠶᠢᠨ  ᠦᠶ᠎ᠡ ᠳᠤ  ᠲᠤᠩᠷᠤᠪᠸᠠᠩᠵᠢᠯ  ᠡᠪᠡᠰᠦ ᠪᠡᠯᠴᠢᠭᠡᠷ ᠢᠶᠠᠨ ᠠᠯᠳᠠᠨ  ᠮᠠᠯ ᠬᠦᠷᠦᠩᠭᠡ ᠪᠠᠨ ᠠᠪᠴᠦ  ᠴᠠᠭᠠᠨᠮᠦᠷᠡᠨ ᠢ  ᠬᠡᠳᠦᠯᠵᠦ ᠵᠡᠭᠦᠨᠰᠢ ᠨᠡᠬᠦᠵᠦ  ᠶᠠᠪᠤᠵᠠᠢ᠃   ᠬᠦᠮᠦᠰ ᠤᠨ  ᠶᠠᠷᠢᠬᠤ ᠪᠠᠷ  ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠬᠢᠵᠠᠭᠠᠷ ᠵᠦᠭ ᠲᠡᠨᠦᠬᠦᠴᠢᠯᠡᠨ ᠶᠠᠪᠤᠭᠰᠠᠨ  ᠭᠡᠨ᠎ᠡ᠃         ᠠᠭᠤᠢ ᠲᠠᠯ᠎ᠠ   ᠶᠢ ᠵᠢᠩ ᠫᠧᠩ  ᠰᠢᠶᠠᠨ   ᠤ ᠲᠠᠷᠤᠭ᠎ᠠ  ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠪᠤᠯᠬᠤᠷ  ᠬᠢᠳᠠᠳ  ᠢᠶᠠᠷ ᠭᠤᠸᠠᠨᠳᠢ  ︵ᠨᠤᠶᠠᠨ ᠤ  ᠨᠤᠳᠤᠭ —官地） ᠭᠡᠵᠦ ᠲᠠᠭᠤᠳᠠᠬᠤ ᠪᠤᠯᠵᠠᠢ᠃  ᠡᠭᠦᠨ ᠠᠴᠠ   ᠡᠬᠢᠯᠡᠵᠦ  ᠲᠦᠴᠢᠨ ᠵᠢᠯ ᠤᠨ  ᠬᠤᠭᠤᠴᠠᠭᠠᠨ᠎ᠠ  ᠬᠦᠸᠧ ᠽᠢ ᠰᠢᠦᠢ   ᠶᠢᠨ ᠲᠡᠭᠦᠦ  ᠬᠦᠸᠧ  ᠽᠢ  ᠴᠧᠩ  ᠭᠤᠸᠠᠨᠳᠢ ᠤᠷᠤᠨ   ᠤ  ᠲᠤᠮᠤ ᠭᠠᠵᠠᠷ ᠤᠨ  ᠡᠵᠡᠨ ᠪᠤᠯᠵᠦ᠂  ᠠᠮᠤ ᠪᠤᠳᠠᠭ᠎ᠠ ᠶᠢᠨ  ᠤᠨᠠᠯᠳᠠ ᠨᠢ ᠵᠠᠭᠤᠨ ᠲᠦᠮᠡᠨ ᠵᠢᠩ ᠢ  ᠲᠠᠪᠠᠵᠦ   ᠪᠤᠳᠠ ᠪᠤᠭ ᠮᠠᠯ   ᠢ  ᠲᠦᠷᠭᠡᠨ ᠦᠷᠡᠵᠢᠵᠦ  ᠦᠷᠯᠦᠭᠡ  ᠦᠷ ᠴᠠᠶᠢᠬᠤ ᠠᠴᠠ  ᠡᠬᠢᠨᠯᠵᠦ ᠭᠠᠳᠠᠭᠰᠢ ᠭᠠᠷᠭᠠᠵᠤ  ᠨᠠᠷᠠ  ᠪᠦᠷᠢᠨ  ᠭᠠᠷᠬᠤ ᠳᠤ  ᠰᠠᠶ᠋ᠢ ᠭᠠᠷᠭᠠᠵᠤ  ᠲᠠᠭᠤᠰᠤᠨ᠎ᠠ᠃           ᠭᠠᠵᠠᠷ ᠰᠢᠷᠦᠢ   ᠶᠢᠨ ᠦᠭᠡᠷᠴᠢᠯᠡᠯᠳᠡ ᠲᠤᠮᠳᠠ  ᠬᠦᠸᠧ ᠽᠢ ᠴᠧᠩ ᠢ  ᠭᠤᠸᠠᠨᠳᠢ ᠶᠢᠨ  ᠶᠡᠭᠡ ᠮᠦᠯᠵᠢᠭᠴᠢ ᠭᠠᠵᠠᠷ ᠤᠨ  ᠡᠵᠡᠨ  ᠭᠡᠵᠦ ᠭᠠᠵᠠᠷ ᠰᠢᠷᠦᠢ  ᠂ ᠮᠠᠯ ᠬᠦᠷᠦᠩᠭᠡ  ᠂ ᠭᠡᠷ ᠨᠤᠳᠤᠭ ᠢ  ᠬᠤᠪᠢᠶᠠᠯᠴᠠᠵᠤ  ᠂ ᠬᠦᠸᠧ ᠽᠢ ᠴᠧᠩ ᠤᠨ  ᠬᠤᠶᠠᠷ ᠬᠦᠯ ᠢ ᠨᠢ ᠤᠶᠠᠵᠤ  ᠮᠤᠷᠢ   ᠪᠠᠷ   ᠪᠧᠢ ᠱᠤᠤ ᠬᠦᠸᠧ ᠠᠴᠠ  ᠪᠤᠯᠠᠭ ᠤᠨ  ᠬᠦᠨᠳᠢ ᠬᠦᠷᠳᠡᠯ᠎ᠡ  ᠴᠢᠷᠴᠦ  ᠂ ᠲᠠᠬᠢᠨ   ᠪᠤᠯᠠᠭ ᠤᠨ  ᠬᠦᠨᠳᠢ ᠠᠴᠠ  ᠪᠤᠴᠠᠨ ᠴᠢᠷᠦᠭᠰᠨᠨ ᠳᠤ  ᠠᠷᠦ ᠲᠠᠯ᠎ᠠ ᠶᠢᠨ ᠶᠠᠰᠤ   ᠨᠢ ᠦᠯᠡᠳᠡᠵᠦ  ᠠᠷᠠᠰᠤ ᠮᠢᠬ᠎ᠠ ᠨᠢ  ᠪᠦᠷ  ᠵᠤᠯᠠᠭᠠᠷᠠᠵᠤ  ᠵᠢᠷᠦᠭᠡ ᠶᠢᠨ  ᠯᠤᠭᠰᠢᠯᠳᠠ ᠨᠢ  ᠦᠵᠡᠭᠳᠡᠬᠦ ᠪᠤᠯᠤᠭᠰᠠ ᠳᠤ  ᠨᠢᠭᠡ  ᠡᠷ᠎ᠡ  ᠵᠢᠬᠠᠭᠠᠨ ᠦᠷᠦ ᠡᠪᠡᠳᠴᠦ  ᠴᠢᠯᠠᠭᠤ ᠪᠠᠷ ᠲᠤᠯᠤᠭᠠᠢ ᠶᠢ   ᠨᠢ ᠪᠠᠯᠪᠠᠴᠢᠨ ᠠᠯᠠᠵᠠᠢ ᠃         ᠲᠤᠰ ᠵᠤᠬᠢᠶᠠᠯ ᠢ  ᠪᠢᠳᠠ1969 ᠤᠨ   ᠤ 9 ᠰᠠᠷ᠎ᠠ ᠳᠤ   ᠪᠠᠭᠠᠷᠢᠨ   ᠤ ᠢᠮᠠᠭᠠᠳᠤ  ᠶᠡᠭᠡ ᠪᠠᠷᠢᠭᠠᠳᠠ ᠶᠢᠨ  ᠡᠷᠬᠢᠮᠪᠠᠶᠠᠷ᠂ ᠮᠠᠯᠴᠢᠨ ᠶᠤᠨᠳᠤᠨ  ᠵᠡᠷᠭᠡ ᠶᠢ ᠰᠤᠷᠪᠤᠯᠵᠢᠯᠠᠨ ᠲᠡᠮᠳᠡᠭᠡᠯᠡᠭᠰᠡᠨ ᠶᠤᠮ  ᠃
  
ᠢᠷᠡᠯᠲᠡ᠄ ᠯᠢᠨᠰᠢ ᠰᠢᠶᠠᠨ  ᠤ ᠠᠷᠠᠥᠨ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠳ᠋ᠠᠪᠠᠨ ᠯᠢᠡᠳᠦ᠋ᠩ ᠯᠢᠡᠰᠢ ᠬᠡᠬᠦ ᠨᠡᠷ᠎ᠡ ᠶᠢᠨ ᠢᠷᠡᠯᠳᠡ
ᠶᠤᠸᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶ᠎ᠡ ᠶᠢᠨ ᠭᠠᠪᠢᠶᠠᠳᠤ ᠵᠠᠩᠵᠤᠨ ᠴᠠᠭᠠᠨᠳᠡᠮᠦᠷ ︵ᠭᠤᠷᠪᠠ︶
ᠶᠤᠸᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶ᠎ᠡ ᠶᠢᠨ ᠭᠠᠪᠢᠶᠠᠳᠤ ᠵᠠᠩᠵᠤᠨ ᠴᠠᠭᠠᠨᠳᠡᠮᠦᠷ ︵ᠬᠤᠶᠠᠷ︶
ᠶᠤᠸᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶ᠎ᠡ ᠶᠢᠨ ᠭᠠᠪᠢᠶᠠᠳᠤ ᠵᠠᠩᠵᠤᠨ ᠴᠠᠭᠠᠨᠳᠡᠮᠦᠷ ︵ᠨᠢᠭᠡ︶
ᠶᠤᠸᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ ᠦᠶ᠎ᠡ ᠶᠢᠨ ᠦᠷᠯᠦᠭ ᠵᠠᠩᠵᠤᠨ ᠪᠤᠯᠤᠳᠡᠮᠦᠷ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备07002090号