ᠰ᠊᠂ ᠬᠤᠷᠴᠢᠨᠬᠦᠤ | ᠲᠠᠪᠤᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠲᠠᠪᠤᠨ ᠤ ᠡᠳᠦᠷ᠂ ᠪᠢ ᠪᠠᠭᠠ ᠶᠢᠨ ᠰᠤᠷᠤᠭᠰᠠᠨ | ᠵᠠᠩᠰᠢᠯ ᠢᠶᠠᠷ ᠢᠶᠠᠨ ᠬᠤᠶᠠᠷ ᠭᠠᠷ ᠲᠤ ᠪᠠᠨ ᠦᠨᠳᠡᠭᠡ ᠠᠳᠬᠤᠵᠤ ᠭᠠᠷᠤᠭᠰᠠᠨ ᠦᠭᠡᠢ ᠪᠤᠯᠪᠠᠴᠤ ᠵᠢᠵᠢᠭ ᠠᠷᠠᠰᠤᠨ | ᠪᠤᠭᠴᠤᠨ ᠳᠠᠭᠠᠨ ᠭᠠᠷ ᠤᠳᠠᠰᠤ ᠪᠠᠨ ᠬᠢᠵᠦ ᠰᠤᠭᠤᠨ ᠳᠠᠭᠠᠨ ᠬᠠᠪᠴᠢᠵᠤ ᠪᠠᠷᠠᠭᠤᠨ ᠠᠭᠤᠯᠠᠨ ᠳᠤ ᠠᠪᠠᠷᠢᠵᠤ | ᠪᠠᠳᠤᠴᠠᠭᠠᠨ ᠮᠤᠳᠤᠨ ᠤ ᠲᠤᠣᠷᠠ ᠰᠡᠯᠬᠦᠴᠡᠵᠦ ᠪᠠᠶ᠋ᠷ ᠤᠨ ᠡᠳᠦᠷ ᠢᠶᠠᠨ ᠤᠭᠳᠤᠭᠰᠠᠨ᠂ ᠬᠠᠨ ᠠᠭᠤᠯᠠ ᠶᠢ ᠴᠠᠰᠤ | ᠲᠠᠷᠤᠵᠤ ᠬᠠᠶᠢᠷᠠᠨ ᠪᠡᠶᠡ ᠶᠢ ᠨᠠᠰᠤ ᠲᠠᠷᠤᠵᠠᠢ ᠭᠡᠳᠡᠭ ᠢᠶᠠᠷ ᠪᠠᠭᠠ ᠶᠢᠨ ᠦᠶᠡᠰ ᠲᠤ ᠪᠠᠨ ᠪᠤᠷᠭᠠᠰᠤᠨ ᠮᠤᠷᠢ ᠪᠠᠨ | ᠵᠠᠶᠢᠳᠠᠩᠨᠠᠵᠤ ᠪᠤᠷᠤ ᠲᠤᠭᠤᠰᠤ ᠲᠠᠳᠠᠭᠤᠯᠤᠨ ᠦᠵᠡᠵᠦ ᠪᠠᠶᠢᠳᠠᠯᠠ ᠤᠷᠤᠢ ᠲᠡᠭᠡᠷᠡ ᠨᠢ ᠲᠤᠪᠳᠤᠯᠤᠭᠠ ᠪᠠᠷ | ᠭᠠᠷᠴᠢᠬᠠᠳᠠᠭ ᠪᠠᠶᠢᠭᠰᠠᠨ ᠤᠳᠤ ᠭᠤᠷᠪᠠ ᠤᠳᠠᠭᠠ ᠠᠮᠠᠷᠠᠭᠠᠳ ᠰᠠᠶ᠋ᠢ ᠠᠮᠢᠰᠬᠤᠭᠠ ᠲᠡᠭᠡᠷᠡᠳᠡᠵᠦ ᠤᠷᠤᠢ ᠳᠤ ᠨᠢ | ᠭᠠᠷᠤᠭᠰᠠᠨ᠃ | ᠮᠢᠨᠦ ᠨᠤᠳᠤᠭ ᠴᠠᠭᠠᠨᠪᠤᠬᠠ ᠭᠡᠵᠦ ᠬᠦᠭᠡᠷᠦᠬᠦᠨ ᠭᠤᠶᠢᠳᠠ ᠭᠠᠵᠠᠷ ᠪᠢᠯᠡ᠃ | ᠤᠶᠠᠰᠤᠯ ᠤᠨ ᠲᠠᠭᠤ ᠪᠠᠨ ᠪᠡᠯᠴᠢᠭᠡᠷ ᠲᠤ ᠤᠨᠠᠭᠠᠵᠤ᠂ ᠵᠠᠶᠢᠳᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠡᠩᠰᠡᠯᠡᠬᠦ ᠨᠡᠭᠦᠳᠡᠯ ᠬᠤᠨ ᠤ | ᠪᠠᠨ ᠤᠶᠠᠬᠠᠨ ᠭᠠᠩᠭᠠᠨᠠᠭᠠ ᠪᠠᠷ ᠡᠪᠡᠰᠦᠨ ᠤ ᠲᠤᠯᠤᠭᠠᠢ ᠨᠢ ᠦᠶᠦᠭᠬᠡᠨ ᠰᠢᠷᠭᠠᠯᠰᠢᠵᠦ᠂ ᠭᠤᠷᠭᠤᠣᠯᠳᠠᠢ ᠶᠢᠨ | ᠲᠤᠬᠤᠢ᠂ ᠭᠤᠷᠪᠠᠨ ᠤᠷᠢᠳᠤ ᠂ ᠬᠠᠶᠢᠷ ᠤᠨ ᠲᠠᠯᠠ᠂ ᠴᠠᠭᠠᠨ ᠤᠷᠤᠢ᠂ ᠠᠯᠳᠠᠢ᠂ ᠬᠤᠳᠠᠳᠠᠢ᠂ ᠦᠭᠡᠳᠡᠢ ᠵᠡᠷᠭᠡ | ᠦᠩ ᠰᠢᠮᠡᠯᠢᠭ ᠭᠠᠵᠠᠷ ᠨᠢ ᠬᠡᠨ ᠬᠦᠮᠦᠨ ᠳᠤ ᠴᠦ ᠭᠡᠳ ᠬᠦᠨᠳᠡᠵᠦ ᠪᠤᠯᠬᠤ ᠦᠭᠡᠢ ᠭᠤᠸᠠ ᠰᠠᠶᠢᠬᠠᠨ ᠤ ᠡᠷᠡᠭᠦᠯ | ᠰᠤᠳᠠᠰᠤ ᠠᠷᠤ ᠭᠠᠵᠠᠷ ᠤᠨ ᠵᠠᠶᠠᠭᠠ ᠲᠠᠢ ᠮᠢᠨᠢ ᠬᠠᠮᠳᠤ ᠴᠤᠬᠢᠯᠠᠵᠤ ᠭᠠᠷᠳᠠᠭ ᠨᠢ ᠵᠢᠯ ᠵᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ | ᠰᠢᠨᠡ ᠶᠢᠨ ᠲᠠᠪᠤᠨ ᠪᠠᠶᠢᠯᠠ᠃ ᠲᠡᠭᠡᠬᠦ ᠪᠠᠷ ᠢᠶᠠᠨ ᠨᠤᠳᠤᠭ ᠤᠨ ᠨᠠᠶᠢᠵᠠᠰ ᠲᠠᠢ ᠪᠠᠨ ᠠᠭᠤᠯᠠᠨ ᠤᠷᠤᠢ ᠳᠤ | ᠪᠦᠭᠡᠮᠨᠡᠷᠡᠯᠳᠦᠨ ᠰᠠᠭᠤᠵᠤ ᠠᠷᠢᠬᠢ ᠲᠠᠷᠠᠰᠤ ᠤᠣᠭᠤᠵᠤ ᠠᠵᠤ ᠲᠦᠷᠦᠬᠦ ᠶᠢᠨ ᠮᠦᠩᠬᠡ ᠶᠢᠨ ᠵᠤᠭᠤᠭ ᠢ ᠤᠶᠢᠳᠬᠤ | ᠪᠠᠨ ᠮᠡᠳᠡᠬᠦ ᠦᠭᠡᠢ ᠲᠡᠯᠭᠡᠵᠦ᠂ ᠨᠠᠷᠠ ᠪᠠᠶᠢᠭᠠᠯᠢ ᠶᠢᠨ ᠦᠶᠦᠭ ᠲᠠᠩᠰᠤᠭ ᠲᠤ ᠪᠠᠶᠠᠰᠤᠨ ᠵᠢᠷᠭᠠᠵᠤ ᠬᠠᠨᠤᠳᠠᠭ | ᠪᠠᠶᠢᠭᠰᠠ ᠡ᠃ | ᠴᠠᠭ ᠮᠦᠴᠡ ᠲᠤᠪᠳᠤᠯᠤᠭᠠ ᠮᠤᠷᠢᠨ ᠭᠦᠶᠦᠳᠡᠯ ᠢᠶᠠᠷ ᠡᠷᠭᠢᠵᠦ ᠬᠠᠷᠠᠬᠤ ᠶᠢᠨ | ᠬᠤᠷᠤᠮ ᠳᠤ ᠦᠴᠦᠭᠡᠳᠦᠷ ᠢ ᠬᠡᠷᠴᠢᠨ ᠤᠨᠠᠭᠠᠵᠤ᠂ ᠬᠦᠷᠳᠦᠨ ᠤᠯᠠᠭᠠᠨ ᠨᠠᠷᠠᠨ ᠤ ᠵᠦᠭᠡᠯᠡᠨ ᠲᠦᠭᠡᠨᠡᠭᠡ ᠪᠠᠷᠠᠭᠤᠨ | ᠠᠭᠤᠯᠠᠨ ᠤ ᠤᠷᠤᠢ ᠪᠠᠷ ᠭᠤᠯᠭᠤᠷᠢᠨ ᠭᠤᠯᠭᠤᠷᠢᠨ ᠪᠠᠭᠤᠵᠤ᠂ ᠬᠦᠮᠦᠨ ᠠᠬᠤᠢ ᠶᠢᠨ ᠠᠮᠢᠳᠤ ᠰᠡᠷᠡᠯ ᠲᠠᠬᠢᠵᠤ | ᠬᠤᠷᠤᠶᠢᠯᠠᠬᠤ ᠶᠢᠨ ᠲᠡᠷᠡ ᠡᠷᠡᠨ ᠳᠤ ᠮᠦᠨ ᠯᠠ ᠢᠨᠠᠭ ᠤᠨ ᠪᠤᠯᠵᠤᠭᠠ ᠲᠠᠢ ᠬᠡᠦᠬᠡᠨ ᠬᠡᠮᠡᠷᠬᠡᠨ ᠨᠡᠭᠦᠬᠦ ᠰᠢᠪᠠᠭᠤᠳ | ᠤᠨ ᠢᠶᠠᠨ ᠲᠤᠷᠭᠠᠨ ᠵᠢᠭᠦᠷ ᠠᠴᠠ ᠲᠠᠬᠢᠨ ᠲᠠᠬᠢᠨ ᠪᠤᠰᠬᠤ ᠵᠠᠳᠠᠭᠠᠢ ᠴᠠᠭᠠᠨ ᠰᠠᠯᠬᠢᠨ ᠢ ᠬᠦᠨ ᠬᠦᠨ ᠠᠮᠢᠰᠬᠤᠨ᠂ | ᠤᠨᠠᠭᠠᠨ ᠬᠠᠶᠢᠷᠠ ᠶᠢᠨ ᠬᠦᠳᠦᠯ᠂ ᠬᠦᠯ ᠵᠢᠷᠤᠭᠠ ᠵᠡᠷᠭᠡᠯᠭᠡᠨ ᠲᠠᠢ ᠪᠠᠨ ᠤᠨᠠᠨ ᠪᠤᠰᠤᠨ ᠨᠠᠮᠢᠷᠠᠵᠤ᠂ ᠡᠪᠦᠯ ᠬᠠᠪᠤᠷ | ᠤᠨ ᠵᠠᠭᠠᠭ ᠬᠢᠯᠢ ᠵᠦᠭ ᠲᠡᠮᠡᠦᠯᠡᠳᠡᠭ ᠨᠢ ᠲᠠᠩᠴᠢ ᠢᠳᠡᠭᠡᠮᠡᠷ ᠦᠭᠡᠢ ᠦᠨᠡᠨ ᠰᠠᠨ᠃ | ᠲᠠᠩᠳᠠ ᠬᠠᠶᠢᠷᠠ ᠪᠠᠷ ᠢᠪᠢᠯᠵᠤ ᠲᠤᠭᠳᠤᠯᠵᠤ ᠪᠠᠶᠢᠳᠠᠭ ᠡᠨᠡ ᠰᠠᠶᠢᠬᠠᠨ ᠨᠤᠳᠤᠭ | ᠲᠤ ᠦᠷᠡ ᠶᠢᠨ ᠬᠤᠪᠢ ᠲᠠᠢ ᠵᠠᠶᠠᠭᠠᠭᠰᠠᠨ ᠨᠢ ᠮᠢᠨᠦ ᠲᠠᠷᠬᠠᠨ ᠤᠮᠤᠭᠰᠢᠯ ᠰᠠᠨ᠃ ᠬᠦᠬᠡ ᠴᠡᠩᠭᠡᠷ ᠤᠭᠳᠠᠷᠭᠤᠢ | ᠳᠤ ᠬᠦᠪᠦᠯᠵᠡᠬᠦ ᠬᠦᠪᠦᠩ ᠴᠠᠭᠠᠨ ᠡᠭᠦᠯᠡᠰ ᠰᠢᠦᠬᠠᠨ ᠨᠡᠭᠦᠳᠡᠯᠯᠡᠵᠦ ᠤᠳᠤᠭᠰᠠᠨ ᠠᠯᠢᠶᠠ ᠬᠦᠭᠡᠷᠦᠬᠦᠨ ᠬᠡᠦᠬᠡᠳ | ᠨᠠᠰᠤ ᠶᠢ ᠮᠢᠨᠢ ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠬᠤ ᠳᠤ ᠲᠠᠩᠴᠢ ᠬᠦᠭᠡᠷᠦᠬᠦᠢ ᠡᠮᠵᠡᠭ ᠲᠠᠢ ᠪᠠᠶᠢᠯᠠ᠃ ᠠᠭᠤᠯᠠᠨ ᠤᠷᠤᠢ ᠳᠤ | ᠲᠡᠭᠡᠭᠰᠢ ᠬᠠᠨᠳᠤᠨ ᠬᠡᠪᠳᠡᠵᠦ ᠬᠦᠬᠡ ᠲᠡᠭᠷᠢ ᠶᠢ ᠪᠠᠷᠠᠯᠠᠵᠤ᠂ ᠬᠤᠯᠠᠬᠠᠨ ᠵᠢᠯᠢᠢᠭᠰᠡᠨ ᠬᠡᠦᠬᠡᠳ ᠦᠶᠡ ᠮᠢᠨᠢ ᠬᠡᠳᠦ | ᠬᠤᠯᠠ ᠶᠢᠨ ᠲᠤᠮᠤᠭ ᠰᠢᠦᠬᠠᠨ ᠰᠠᠨᠠᠭᠳᠠᠵᠤ᠂ ᠮᠦᠷᠦᠭᠡᠰᠦᠯ ᠤᠨ ᠠᠯᠭᠠᠨ ᠳᠤ ᠲᠤᠭᠳᠤᠯᠤᠯ ᠬᠠᠳᠠᠭᠤ ᠲᠤᠭᠯᠠᠭᠠᠳ | ᠪᠠᠶᠢᠬᠤ ᠨᠢ ᠲᠤᠷᠠᠰᠤᠯ ᠮᠢᠨᠦ ᠲᠡᠭᠡᠷᠡ ᠶᠠᠭᠠᠬᠢᠭᠰᠠᠨ ᠬᠦᠨᠳᠦ ᠲᠤᠰᠬᠤ ᠨᠢ ᠪᠤᠢ︕ | ᠬᠦᠳᠡᠭᠡ ᠶᠢᠨ ᠬᠦᠤ ᠪᠢ᠂ ᠦᠭᠡᠬᠦᠨ ᠴᠠᠭᠠᠨ ᠮᠠᠩᠬᠠᠨ ᠲᠠᠯᠠᠢ ᠪᠠᠷ ᠦ ᠰᠡᠪ | ᠦᠭᠡᠢ ᠴᠢᠷᠠᠮᠠᠨ ᠨᠢᠴᠦᠭᠦᠨ ᠢᠶᠠᠷ ᠲᠤᠪᠳᠤᠯᠭᠠᠵᠤ ᠶᠠᠪᠤᠭᠰᠠᠨ ᠪᠤᠷᠤ ᠬᠦᠤ᠂ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠲᠤᠬᠠᠢ᠂ | ᠨᠠᠷᠠᠨ ᠤ ᠪᠠᠨ ᠲᠤᠬᠠᠢ ᠤᠯᠠᠨ ᠠᠷᠪᠢᠨ ᠲᠤᠮᠤᠭ ᠲᠤ ᠰᠤᠭᠳᠤᠭᠤᠷᠠᠵᠤ᠂ ᠲᠡᠭᠦᠨ ᠢᠶᠠᠨ ᠡᠭᠦᠷᠢ ᠬᠠᠶᠢᠷᠠᠯᠠᠵᠤ | ᠦᠮᠴᠢᠷᠭᠡᠬᠦ ᠪᠤᠳᠤᠯ ᠲᠠᠢ ᠬᠡᠪᠳᠡᠭᠡ ᠪᠢ︕ ᠡᠭᠦᠯᠡ ᠨᠠᠷᠠ ᠡᠭᠦᠯᠡ ᠶᠢ ᠬᠠᠷᠠᠭᠠᠳ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ᠄ ︿︿ | ᠨᠠᠷᠠ ᠨᠠᠷᠠ ᠨᠠᠭᠠᠰᠢ ᠪᠠᠨ︕ ᠨᠠᠷᠠᠨ ᠰᠡᠭᠦᠳᠡᠷ ᠴᠠᠭᠠᠰᠢ ᠪᠠᠨ︕ ᠲᠤᠶᠠᠭᠠ ᠲᠤᠶᠠᠭᠠ ᠨᠠᠭᠠᠰᠢ ᠪᠠᠨ︕ | ᠲᠤᠭᠤᠰᠤ ᠮᠠᠨᠠᠨ ᠴᠠᠭᠠᠰᠢ ᠪᠠᠨ︕﹀﹀ ᠭᠡᠵᠦ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠬᠠᠰᠭᠢᠷᠴᠤ ᠭᠠᠷᠤᠯᠠ᠃ | ᠬᠡᠦᠬᠡᠳ ᠨᠠᠰᠤᠨ ᠤ ᠭᠬᠢᠷ ᠦᠭᠡᠢ ᠴᠠᠶᠢᠯᠭᠠᠨ ᠪᠤᠳᠤᠯ ᠮᠢᠨᠢ ᠨᠢᠭᠡᠨ ᠵᠡᠷᠭᠡ ᠤᠶᠢᠯᠤᠨ | ᠪᠤᠰᠴᠤ ᠮᠦᠩᠬᠡ ᠶᠢᠨ ᠵᠤᠭᠤᠭ ᠢᠶᠠᠨ ᠡᠷᠭᠢᠭᠦᠯᠵᠦ ᠪᠢᠯᠡ︕ ᠦᠰᠴᠤ ᠲᠦᠷᠦᠭᠰᠡᠨ ᠦᠯᠦᠭᠡᠢ ᠨᠤᠳᠤᠭ ᠮᠢᠨᠢ | ᠭᠤᠶᠤ ᠳ᠋ᠠ︕ ᠠᠯᠤᠰᠬᠠᠨ ᠲᠤᠭᠤᠶᠢᠷᠠᠬᠤ ᠰᠢᠷᠠᠩᠭᠤᠢ ᠨᠤᠭᠤᠭᠠᠨ ᠬᠦᠯᠮᠦᠭ ᠲᠠᠳᠠᠭᠰᠠᠨ ᠲᠠᠷᠢᠶᠠ ᠨᠢ ᠲᠠᠯᠠ ᠶᠢᠨ | ᠰᠠᠯᠬᠢ ᠲᠠᠭᠠᠨ ᠨᠠᠶᠢᠭᠤᠨ ᠭᠠᠩᠬᠤᠨ ᠲᠤᠯᠬᠢᠶᠠ ᠬᠠᠶᠠᠯᠠᠬᠤ ᠨᠢ ᠮᠢᠨᠦ ᠰᠡᠳᠭᠢᠯ ᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ | ᠬᠦᠭᠰᠡᠭᠦᠯᠦᠨᠡ ᠪᠢᠯᠡ᠂ ᠡᠶᠢᠮᠦ ᠬᠦᠭᠵᠢᠬᠦᠨ ᠪᠦᠭᠡᠳ ᠲᠤᠷᠨᠢᠭᠤᠨ ᠭᠠᠵᠠᠷ ᠠᠴᠠ ᠯᠠ ᠦᠷᠭᠦᠢ ᠤᠨᠳᠠᠷᠠᠰᠢ ᠦᠭᠡᠢ | ᠠᠮᠢᠳᠤᠷᠠᠯ ᠠᠰᠠᠵᠤ ᠶᠠᠪᠤᠳᠠᠭ ᠶᠤᠮ ᠰᠢᠦ᠃ ᠡᠨᠡ ᠪᠤᠯ ᠮᠢᠨᠦ ᠤᠨᠠᠭᠠᠨ ᠬᠠᠶᠢᠷᠠ ᠶᠢᠨ ᠲᠤᠷᠭᠠᠨ ᠦᠯᠦᠭᠡᠢ — — | — — ᠴᠠᠭᠠᠨᠪᠤᠬᠠ ᠪᠢᠯᠡ︕ | ᠴᠠᠭᠠᠨᠪᠤᠬᠠ ᠪᠤᠯ ᠮᠢᠨᠦ ᠤᠮᠤᠭᠰᠢᠯ᠂ ᠮᠢᠨᠦ ᠢᠳᠡᠭᠡᠯ᠂ ᠮᠢᠨᠦ ᠤᠷᠮᠠᠰᠢᠯ᠂ ᠮᠢᠨᠦ | ᠠᠮᠢᠯᠠᠯ︕ ᠪᠢ ᠨᠤᠳᠤᠭ ᠤᠨ ᠢᠶᠠᠨ ᠦᠵᠡᠮᠵᠢ ᠶᠢ ᠰᠤᠭᠳᠤᠭᠤᠷᠠᠨ ᠪᠠᠶᠢᠵᠤ ᠪᠢᠯᠡ᠃ | 2018 6 19 | |