| ᠪᠤᠷᠵᠢᠭᠢᠨ ᠰᠠᠮᠪᠠᠯ | ᠪᠠᠶᠢᠴᠠ ᠶᠢᠨ ᠬᠠᠳᠠ | ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠤ ᠳᠤ ᠠᠶᠠᠨᠳᠠᠭᠠᠨ ᠪᠦᠳᠦᠭᠰᠡᠨ | ᠪᠠᠶᠢᠴᠠ ᠶᠢᠨ ᠬᠠᠳᠠ ᠬᠠᠴᠢᠨ ᠭᠠᠶᠢᠬᠠᠮᠰᠢᠭ | ᠬᠤᠷᠮᠤᠰᠳᠠ ᠲᠡᠭᠷᠢ ᠵᠠᠩᠵᠤᠨ ᠪᠠᠭᠤᠯᠭᠠᠵᠤ | ᠬᠤᠷᠴᠠ ᠰᠡᠯᠡᠮᠡ ᠪᠠᠷ ᠴᠠᠪᠴᠢᠭᠰᠠᠨ ᠮᠡᠳᠤ | ᠤᠨᠢᠶᠠᠷ ᠬᠦᠰᠢᠭᠡᠯᠡᠭᠰᠡᠨ ᠠᠰᠬᠠ ᠬᠠᠳᠠ | ᠤᠷᠭᠤᠬᠤ ᠨᠠᠷᠠ ᠶᠢ ᠤᠭᠳᠤᠨ ᠰᠦᠨᠳᠡᠷᠯᠡᠨᠡ | ᠤᠷᠢᠳᠠᠭᠤᠷ ᠨᠢ ᠤᠷᠤᠰᠬᠤ ᠪᠠᠶᠢᠴᠠ ᠶᠢᠨ ᠭᠤᠤᠯ | ᠤᠤ ᠮᠦᠷᠡᠨ ᠵᠦᠭ ᠲᠤᠯᠭᠢᠶᠡᠯᠡᠨ ᠤᠷᠤᠰᠤᠨᠠ | ᠬᠦᠬᠡ ᠮᠦᠩᠭᠦᠨ ᠲᠡᠭᠷᠢ ᠶᠢᠨ ᠲᠤᠤᠷᠠ | ᠬᠦᠷᠦᠰᠦᠳᠤ ᠠᠯᠳᠠᠨ ᠲᠡᠯᠡᠭᠡᠢ ᠲᠡᠭᠡᠷᠡ | ᠬᠤᠷᠮᠤᠰᠳᠠ ᠲᠡᠭᠷᠢ ᠠᠴᠠ ᠡᠷᠢᠶᠡᠨ ᠯᠤᠤ | ᠬᠤᠷᠠ ᠪᠠᠨ ᠲᠠᠭᠠᠭᠤᠯᠵᠤ ᠪᠠᠭᠤᠭᠰᠠᠨ ᠮᠡᠳᠤ | ᠬᠦᠮᠤᠨ ᠤ ᠶᠢᠷᠳᠢᠨᠴᠤ ᠳᠤ ᠢᠴᠡᠭᠡᠯᠡᠶᠤ ᠬᠡᠮᠡᠨ | ᠡᠨᠡ ᠭᠠᠵᠠᠷ ᠢ ᠰᠤᠩᠭᠤᠭᠰᠠᠨ ᠮᠡᠳᠤ | ᠭᠦᠭᠡᠷᠡᠨ ᠵᠠᠯᠭᠠᠯᠳᠤᠭᠰᠠᠨ ᠠᠭᠤᠯᠠ ᠨᠢᠷᠤᠭᠤᠳ ᠨᠢ | ᠬᠦᠨᠳᠡᠢ ᠪᠠᠨ ᠲᠠᠭᠠᠭᠠᠳ ᠬᠢᠩᠭᠠᠯᠠᠵᠤ ᠪᠠᠶᠢᠨᠠᠮ | ᠪᠠᠶᠢᠭᠠᠯᠢ ᠲᠡᠯᠡᠭᠡᠢ ᠳᠤ ᠠᠶᠠᠨᠳᠠᠭᠠᠨ ᠪᠦᠳᠦᠭᠰᠡᠨ | ᠪᠠᠶᠢᠴᠠ ᠶᠢᠨ ᠬᠠᠳᠠ ᠦᠨᠡᠭᠡᠷ ᠭᠠᠶᠢᠬᠠᠮᠰᠢᠭ | ᠪᠠᠶᠠᠨ ᠲᠠᠩᠰᠤᠭ ᠨᠤᠲᠤᠭ ᠤᠰᠤᠨ ᠳᠠᠭᠠᠨ | ᠪᠠᠶᠢᠷᠢ ᠪᠠᠨ ᠡᠵᠡᠯᠡᠭᠰᠡᠨ ᠰᠦᠯᠳᠡ ᠬᠠᠳᠠ ᠡ︕ | ᠪᠠᠶᠢᠴᠠ ᠶᠢᠨ ᠪᠤᠯᠠᠭ | ᠬᠠᠯᠠᠭᠤᠨ ᠵᠤᠨ ᠤ ᠭᠠᠩ ᠲᠠᠢ ᠵᠢᠯ ᠳᠤ | ᠬᠠᠳᠠᠵᠤ ᠰᠢᠷᠭᠢᠵᠤ ᠦᠵᠡᠭᠡ ᠦᠭᠡᠢ | ᠬᠠᠬᠢᠷ ᠡᠪᠤᠯ ᠤᠨ ᠭᠤᠷᠪᠠ ᠶᠢᠰᠤ ᠳᠤ | ᠬᠦᠯᠳᠡᠵᠤ ᠪᠢᠳᠡᠭᠦᠷᠡᠭᠰᠡᠨ ᠤᠳᠠᠭᠠ ᠦᠭᠡᠢ | ᠤᠨᠴᠠ ᠶᠡᠭᠡ ᠭᠠᠩ ᠭᠠᠴᠢᠭ ᠲᠤ | ᠤᠯᠠᠨ ᠮᠠᠯᠴᠢᠳ ᠪᠤᠷᠤᠭᠠᠨ ᠭᠤᠶᠤᠬᠤ ᠳᠤ | ᠤᠪᠤᠭᠠ ᠬᠠᠨ ᠭᠡᠭᠡᠨ ᠱᠠᠪᠢ ᠪᠠᠨ ᠵᠠᠷᠤᠵᠤ | ᠤᠪᠠᠳᠢᠰ ᠢᠶᠠᠷ ᠬᠤᠷᠠ ᠪᠠᠭᠤᠯᠭᠠᠭᠰᠠᠨ ᠲᠡᠤᠬᠡ ᠲᠠᠢ | ᠪᠠᠶᠠᠨ ᠪᠠᠶᠢᠭᠠᠯᠢ ᠠᠴᠠ ᠤᠨᠳᠤᠷᠴᠤ ᠪᠠᠶᠢᠭᠠ | ᠪᠠᠶᠢᠴᠠ ᠶᠢᠨ ᠪᠤᠯᠠᠭ ᠪᠠᠰᠠ ᠨᠢᠭᠡ ᠭᠠᠶᠢᠬᠠᠮᠰᠢᠭ | ᠪᠠᠷᠠᠭᠳᠠᠰᠢ ᠦᠭᠡᠢ ᠡᠬᠢ ᠡᠭᠦᠰᠦᠯ ᠲᠠᠢ | ᠮᠢᠨᠤ ᠨᠤᠲᠤᠭ ᠤᠨ ᠮᠦᠩᠭᠡ ᠶᠢᠨ ᠷᠠᠰᠢᠶᠠᠨ᠃ | ᠵᠤᠬᠢᠶᠠᠭᠴᠢ᠄ ᠪᠤᠷᠵᠢᠭᠢᠨ ᠰᠠᠮᠪᠠᠯ᠂ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ | ᠦᠪ ᠤᠨ ︽ᠮᠤᠷᠢᠨ ᠡᠮᠡᠭᠡᠯ ᠬᠢᠬᠦ ᠮᠡᠷᠭᠡᠵᠢᠯ︾ ᠤᠨ ᠤᠯᠠᠮᠵᠢᠯᠠᠭᠴᠢ᠃ | ※ ᠪᠠᠶᠢᠴᠠ ᠶᠢᠨ ᠭᠤᠤᠯ ᠪᠤᠯ ᠤᠤ ᠮᠦᠷᠡᠨ ᠤ ᠲᠡᠭᠡᠳᠤ ᠤᠷᠤᠰᠬᠠᠯ ᠤᠨ ᠭᠤᠤᠯ ᠶᠤᠮ᠂ ᠲᠡᠷᠡ ᠨᠢ ᠬᠤᠨᠳᠤ | ᠪᠠᠯᠭᠠᠰᠤᠨ ᠤ ᠶᠠᠩᠽᠢ ︵ᠶᠠᠩᠵᠤ︶ ᠭᠠᠴᠠᠭᠠᠨ ᠤ ᠬᠢᠵᠠᠭᠠᠷ ᠲᠤᠳᠤᠷᠠ ᠤᠤ ᠮᠦᠷᠡᠨ ᠤ ᠡᠬᠢ ᠪᠤᠯᠬᠤ ᠤᠰᠤᠨ ᠡᠬᠢ | ᠶᠢᠨ ᠭᠤᠤᠯ ᠢ ᠵᠠᠯᠭᠠᠵᠤ ᠤᠷᠤᠰᠤᠭᠠᠳ ᠬᠤᠵᠢᠷ ᠤᠨ ᠭᠤᠤᠯ᠂ ᠬᠡᠶᠢᠳ ᠤᠨ ᠭᠤᠤᠯ ᠲᠠᠢ ᠨᠡᠶᠢᠯᠵᠤ᠂ ᠡᠮᠤᠨᠡᠰᠢ ᠪᠠᠨ | ᠤᠤ ᠮᠦᠷᠡᠨ ᠭᠤᠤᠯ ᠪᠤᠯᠵᠤ ᠤᠷᠤᠰᠤᠨᠠ᠃ | ※ ᠪᠠᠶᠢᠴᠠ ᠶᠢᠨ ᠬᠠᠳᠠ ᠪᠤᠯ ᠶᠠᠭ ᠪᠠᠶᠢᠴᠠ ᠶᠢᠨ ᠭᠤᠤᠯ ᠳᠤ ᠪᠠᠷᠠᠭᠤᠨ ᠡᠷᠭᠢ ᠳᠤ ᠰᠦᠨᠳᠡᠷᠯᠡᠨ ᠪᠤᠰᠤᠭᠰᠠᠨ | ᠵᠡᠭᠦᠨ ᠲᠠᠯᠠ ᠶᠢ ᠨᠢ ᠴᠠᠪᠴᠢᠭᠠᠳ ᠠᠪᠤᠭᠰᠠᠨ ᠰᠢᠭ᠋ ᠡᠭᠴᠡ ᠪᠠᠶᠢᠳᠠᠭ ᠬᠠᠴᠢᠨ ᠭᠠᠶᠢᠬᠠᠮᠰᠢᠭ ᠲᠠᠢ ᠬᠠᠳᠠ ᠪᠤᠯᠤᠨᠠ | ᠃ ᠪᠠᠶᠢᠴᠠ ᠶᠢᠨ ᠬᠠᠳᠠᠨ ᠠᠴᠠ ᠠᠰ ᠬᠤᠶᠢᠰᠢ ᠪᠠᠨ ᠵᠠᠭᠤᠨ ᠭᠠᠵᠠᠷ ᠤᠨ ᠦᠵᠦᠭᠦᠷ ᠲᠤ ᠪᠠᠭᠠᠷᠢᠨ ᠵᠡᠭᠦᠨ | ᠬᠤᠰᠢᠭᠤᠨ ᠤ ᠬᠢᠵᠠᠭᠠᠷ ᠲᠤᠳᠤᠷᠠᠬᠢ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠤᠨ ᠵᠡᠭᠦᠨ ᠡᠷᠭᠢ ᠳᠤ ᠪᠠᠷᠠᠭᠤᠨ ᠲᠠᠯᠠ ᠶᠢ ᠨᠢ | ᠴᠠᠪᠴᠢᠭᠠᠳ ᠠᠪᠤᠭᠰᠠᠨ ᠰᠢᠭ᠋ ᠡᠭᠴᠡ ᠤᠷᠭᠤᠭᠰᠠᠨ ᠬᠠᠳᠠ ᠪᠠᠶᠢᠳᠠᠭ᠃ | | | |