ᠰᠠᠴᠣᠷᠠᠯ ᠵᠣᠬᠢᠶᠠᠪᠠ | ᠴᠡᠷᠢᠭ ᠡᠷᠡ ᠶᠢᠨ ᠠᠨᠳᠠᠭᠠᠢ ᠭᠡᠭᠴᠢ ᠦᠨᠡᠳᠡᠢ ᠯᠡ ᠶᠤᠮ | ᠴᠡᠩᠬᠡᠷ ᠡᠬᠡ ᠣᠷᠣᠨ ᠭᠡᠳᠡᠭ ᠦᠪᠡᠷ ᠪᠡᠶᠡ ᠨᠢ ᠯᠡ ᠶᠤᠮ | ᠰᠤᠳᠠᠰᠤ ᠲᠠᠢ ᠴᠠᠬᠢᠭᠤᠷ ᠴᠠᠬᠢᠬᠤ ᠰᠢᠭ᠋ | ᠰᠦᠨᠢ ᠶᠢᠨ ᠲᠡᠭᠷᠢ ᠳᠤ ᠤᠴᠢᠯᠠᠭᠰᠠᠨ | ᠰᠡᠷᠭᠦᠯᠡᠩ ᠮᠡᠴᠢᠳ ᠪᠣᠯ ᠨᠢᠳᠦ ᠨᠢ ᠶᠣᠮ | ᠰᠡᠪᠡᠯᠭᠡ ᠲᠠᠢ ᠬᠠᠨᠢᠰᠤᠨ ᠢᠯᠪᠢᠬᠦ ᠰᠢᠭ | ᠰᠦ ᠶᠢᠨ ᠦᠨᠦᠷ ᠰᠡᠩᠭᠢᠨᠡᠭᠰᠡᠨ | ᠰᠤᠳᠤᠨ ᠰᠠᠯᠬᠢ ᠪᠣᠯ ᠠᠮᠢᠰᠬᠤᠯ ᠨᠢ ᠶᠣᠮ | ᠤᠷᠴᠢᠯᠠᠩ ᠶᠢᠷᠲᠢᠨᠴᠦ ᠠᠴᠠ ᠬᠤᠪᠢᠳᠠᠭᠰᠠᠨ | ᠤᠰᠤ᠂ ᠬᠠᠭᠤᠷᠠᠢ᠂ ᠠᠭᠠᠷ ᠢᠶᠠᠨ ᠡᠵᠡᠮᠳᠡᠬᠦ | ᠤᠨᠴᠠ ᠲᠧᠭᠨᠢᠭ ᠪᠣᠯ ᠵᠢᠰᠦ ᠨᠢ ᠶᠣᠮ | ᠤᠤᠭᠠᠯ ᠪᠠᠶᠢᠭᠠᠯᠢ ᠠᠴᠠ ᠰᠤᠶᠤᠷᠬᠠᠭᠰᠠᠨ | ᠤᠵᠤᠭᠤᠷ ᠲᠡᠭᠡᠳᠦᠰ ᠠᠴᠠ ᠦᠮᠴᠢᠯᠡᠬᠦ | ᠠᠭᠤᠷᠬᠠᠢ ᠪᠣᠯᠤᠭᠳᠠᠴᠠ ᠪᠣᠯ ᠵᠢᠷᠦᠬᠡ ᠨᠢ ᠶᠤᠮ | ᠬᠡᠴᠡ ᠶᠢᠨ ᠰᠡᠵᠢᠭᠦᠷ ᠢ ᠢᠷ ᠭᠠᠷᠳᠠᠯᠠ ᠱᠤᠤᠬᠢᠵᠦ | ᠬᠦᠬᠡ ᠲᠡᠭᠷᠢ ᠳᠤ ᠪᠠᠨ ᠡᠭᠦᠯᠡᠰ ᠪᠣᠲᠠᠷᠠᠳᠠᠯᠠ ᠬᠦᠭᠡᠷᠳᠡᠭ | ᠬᠦᠴᠦᠳᠦ ᠪᠦᠷᠭᠦᠳ ᠤᠨ ᠴᠣᠶᠢᠯᠤᠯᠳᠠ ᠪᠣᠯ ᠣᠮᠤᠭ ᠨᠢ ᠶᠤᠮ | ᠬᠦᠷᠦᠰᠦᠲᠦ ᠲᠡᠯᠡᠬᠡᠢ ᠶᠢ ᠬᠤᠲᠤᠯᠵᠠᠳᠠᠯᠠ ᠲᠤᠪᠳᠤᠯᠵᠦ | ᠬᠦᠷᠡᠯ ᠲᠤᠭᠤᠷᠠᠢ ᠠᠴᠠ ᠨᠢ ᠭᠠᠯ ᠪᠠᠳᠠᠷᠠᠳᠠᠭ | ᠬᠦᠯᠦᠭ ᠤᠨ ᠰᠢᠨᠳᠡᠰᠦ ᠪᠣᠯ ᠵᠢᠪᠬᠤᠭᠠ ᠨᠢ ᠶᠤᠮ | ᠡᠮᠳᠡᠷᠡᠬᠦ ᠠᠴᠠ ᠪᠢᠰᠢ ᠮᠢᠯᠠᠷᠠᠳᠠᠭ ᠦᠭᠡᠢ | ᠡᠭᠴᠡ ᠪᠣᠰᠤᠭᠠ ᠬᠠᠳᠠ ᠠᠭᠤᠯᠠ | ᠡᠷᠡᠰ ᠬᠠᠳᠠᠭᠤ ᠶᠠᠰᠦ ᠨᠢ ᠶᠤᠮ | ᠭᠠᠳᠠᠭᠰᠢ ᠪᠠᠨ ᠤᠷᠤᠰᠴᠦ ᠲᠣᠳᠤᠭᠰᠢ ᠪᠠᠨ ᠴᠢᠳᠬᠤᠯᠠᠳᠠᠭ | ᠭᠤᠤᠯ ᠮᠦᠷᠡᠨ ᠤ ᠲᠠᠳᠠᠷᠠᠰᠢ ᠦᠭᠡᠢ ᠤᠷᠤᠰᠬᠠᠯ | ᠭᠠᠯ ᠬᠠᠯᠠᠭᠤᠨ ᠴᠢᠰᠦ ᠨᠢ ᠶᠤᠮ | ᠰᠠᠷᠠᠨ ᠤ ᠰᠦᠨ ᠠᠴᠠ ᠠᠳᠢᠰᠯᠠᠵᠦ | ᠰᠡᠷᠮᠡᠭᠦᠨ ᠴᠡᠴᠡᠭᠡᠰ ᠤᠨ ᠲᠡᠯᠪᠢᠨ ᠳᠤ ᠮᠡᠯᠲᠡᠷᠡᠬᠦ | ᠰᠢᠭᠦᠳᠡᠷᠢ ᠶᠢᠨ ᠮᠦᠬᠦᠯᠢᠭ ᠪᠣᠯ ᠬᠠᠶᠢᠷᠠ ᠨᠢ ᠶᠤᠮ | ᠰᠠᠴᠤᠯᠢ ᠪᠠᠨ ᠡᠷᠭᠦᠨ ᠰᠠᠷᠠᠪᠴᠢᠯᠠᠬᠤ | ᠰᠠᠮᠠᠭᠠᠨ ᠡᠵᠢ ᠶᠢᠨ ᠮᠦᠩᠬᠡ ᠶᠢᠨ ᠪᠠᠷᠠ | ᠰᠡᠳᠭᠢᠯ ᠰᠡᠮᠡᠯᠯᠡᠭᠰᠡᠨ ᠮᠦᠷᠦᠭᠡᠳᠦᠯ ᠨᠢ ᠶᠤᠮ | ᠬᠦᠢᠰᠦ ᠨᠢ ᠴᠦᠭᠯᠡᠭᠰᠡᠨ ᠲᠠᠷᠬᠠᠨ ᠤᠷᠤᠨ ᠤ | ᠴᠢᠮᠬᠢᠬᠡᠨ ᠰᠢᠷᠤᠢ᠂ ᠰᠢᠷᠬᠡᠭᠬᠡᠨ ᠡᠪᠡᠰᠦ | ᠴᠡᠷᠢᠭ ᠡᠷᠡ ᠶᠢᠨ ᠠᠮᠢ ᠨᠢ ᠶᠤᠮ | ᠬᠦᠰᠡᠯ ᠢ ᠨᠢ ᠲᠡᠷᠡᠯᠡᠭᠰᠡᠨ ᠠᠮᠤᠭᠤᠯᠠᠩ ᠵᠡᠭᠦᠳᠦᠨ ᠤ | ᠡᠷᠬᠡ ᠴᠢᠯᠦᠭᠡ᠂ ᠡᠩᠬᠡ ᠲᠠᠶᠢᠪᠤᠩ | ᠴᠡᠷᠢᠭ ᠡᠷᠡ ᠶᠢᠨ ᠰᠦᠨᠡᠰᠦ ᠨᠢ ᠶᠤᠮ | ᠴᠡᠷᠢᠭ ᠡᠷᠡ ᠶᠢᠨ ᠠᠨᠳᠠᠭᠠᠢ ᠭᠡᠭᠴᠢ ᠭᠠᠶᠢᠬᠠᠯᠳᠠᠢ ᠶᠤᠮ | ᠴᠡᠩᠬᠡᠷ ᠡᠬᠡ ᠤᠷᠤᠨ ᠭᠡᠳᠡᠭ ᠦᠪᠡᠷ ᠪᠡᠶᠡ ᠨᠢ ᠯᠡ ᠶᠤᠮ | | 地址;通辽市科左中旗舍伯吐中心校 | 姓名;笔名,〔萨楚日啦〕实名,〔包锁柱 | 〕 | 手机;15947447898 | |