| ᠬᠠᠶᠢᠷᠠ | ᠬᠠᠮᠤᠭ ᠪᠦᠬᠦᠨ ᠤᠷᠢᠬᠠᠨ ᠰᠠᠯᠬᠢᠨ ᠳᠤ ᠠᠭᠤᠰᠴᠤ ᠪᠤᠢ | ᠦᠦᠷ ᠢᠶᠠᠷ ᠰᠢᠪᠠᠭᠤᠳ ᠨᠢᠰᠦᠨ ᠵᠢᠷᠭᠢᠨ ᠤᠳᠬᠤ ᠨᠢ | ᠰᠠᠯᠬᠢᠨ ᠤ ᠵᠦᠭᠡᠯᠡᠨ ᠠᠯᠠᠭᠠᠨ ᠳᠤ ᠨᠢ ᠠᠭᠤᠰᠴᠢᠬᠠᠭᠰᠠᠨ ᠰᠢᠭ᠋ ᠳᠠᠯᠳᠠᠷᠠᠨᠠ | ᠦᠷᠦᠭᠡ ᠳᠦᠭᠦᠷᠡᠩ ᠴᠡᠴᠡᠭ ᠤᠨ ᠦᠨᠦᠷ ᠬᠠᠩᠬᠤᠯᠠᠬᠤ ᠨᠢ | ᠰᠠᠯᠬᠢᠨ ᠤ ᠬᠠᠯᠠᠭᠤᠨ ᠦᠨᠦᠰᠦᠯᠲᠠ ᠳᠤ ᠨᠢ ᠬᠠᠶᠢᠯᠤᠭᠰᠠᠨ ᠰᠢᠭ᠋ ᠵᠢᠷᠭᠠᠯᠲᠠᠢ | ᠦᠷᠭᠡᠨ ᠵᠡᠭᠡᠯᠢ ᠤᠶᠢᠷᠠ ᠲᠤᠭᠤᠷᠢᠨ ᠨᠠᠮ ᠬᠦᠮ ᠵᠡᠭᠦᠷᠮᠡᠭᠯᠡᠬᠦ ᠨᠢ | ᠰᠠᠯᠬᠢᠨ ᠤ ᠬᠠᠶᠢᠷᠠ ᠶᠢᠨ ᠰᠢᠪᠡᠨᠡᠭᠡᠨ ᠳᠤ ᠨᠢ ᠱᠠᠩᠳᠠᠴᠢᠬᠠᠭᠰᠠᠨ ᠰᠢᠭ᠋ ᠲᠠᠶᠢᠪᠤᠭᠤᠬᠠᠨ | ᠦᠨᠳᠡᠶᠢᠵᠦ ᠪᠤᠰᠤᠭᠠᠳ ᠭᠡᠭᠡᠪᠴᠢ ᠪᠠᠨ ᠰᠡᠭᠦᠨ ᠠᠯᠤᠰ ᠢ ᠰᠢᠷᠳᠠᠬᠦ ᠳᠤ | ᠰᠠᠯᠬᠢᠨ ᠤ ᠤᠷᠢᠬᠠᠨ ᠬᠠᠴᠠᠷ ᠢ ᠮᠢᠨᠢ ᠢᠯᠪᠢᠨ ᠲᠠᠭᠠᠲᠠᠢ | ᠬᠠᠷᠠᠭᠠ ᠮᠢᠨᠢ ᠠᠭᠤᠰᠴᠤ ᠰᠤᠨᠤᠷ ᠮᠢᠨᠢ ᠬᠠᠶᠢᠯᠵᠤ ᠪᠤᠢ | ᠬᠠᠮᠤᠭ ᠪᠦᠬᠦᠨ ᠠᠭᠤᠰᠴᠤ ᠵᠢᠷᠦᠭᠡ ᠮᠢᠨᠢ ᠬᠠᠶᠢᠯᠵᠤ ᠪᠤᠢ | ᠬᠠᠷᠢᠨ ᠨᠢᠭᠡ ᠯᠡ ᠮᠠᠳᠠᠬᠦ ᠳᠤ ᠪᠢ ᠦᠪᠡᠷ ᠢᠶᠠᠨ ᠴᠤ ᠬᠠᠶᠢᠯᠵᠤ ᠪᠠᠶᠢᠯᠠ ᠁ | ᠠᠢ ᠬᠦ᠋᠂ ᠡᠨᠡ ᠰᠠᠯᠬᠢ | ᠴᠢᠨᠤ ᠳᠡᠨᠳᠡ ᠠᠴᠠ ᠢᠷᠠᠵᠠᠢ | ᠤᠨ ᠰᠠᠷᠠ | ᠤᠨ ᠰᠠᠷᠠ ᠶᠢᠨ ᠡᠯᠡᠭᠳᠡᠯ ᠳᠤ ᠰᠢᠷᠠᠯᠠᠵᠤ ᠬᠠᠲᠠᠭᠰᠠᠨ ᠤᠷᠠᠩᠬᠠᠢ ᠨᠠᠪᠴᠢ | ᠤᠷᠭᠤᠬᠤ ᠨᠠᠷᠠᠨ ᠤ ᠢᠯᠴᠢᠨ ᠳᠤ ᠢᠪᠡᠭᠡᠭᠳᠡᠵᠤ ᠪᠠᠶᠢᠭᠰᠠᠨ ᠲᠠᠭᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ | ᠤᠷᠡᠨ ᠭᠤᠸᠠ ᠴᠡᠴᠡᠭᠡᠰ ᠤᠨ ᠦᠨᠤᠷ ᠲᠤ ᠴᠡᠩᠭᠡᠵᠤ ᠶᠠᠪᠤᠭᠰᠠᠨ ᠪᠠᠶᠠᠰᠴᠤ ᠴᠤ ᠶᠠᠪᠤᠭᠰᠠᠨ | ᠤᠯᠠᠷᠢᠵᠤ ᠬᠤᠪᠢᠷᠠᠬᠤ ᠤᠯᠠᠷᠢᠯ ᠤᠨ ᠵᠢᠮᠡ ᠪᠠᠷ ᠬᠡᠶᠢᠰᠴᠤ ᠶᠠᠪᠤᠬᠤ ᠳᠠᠭᠠᠨ | ᠭᠠᠰᠢᠭᠤᠳᠠᠳᠠᠭ ᠴᠤ ᠶᠤᠮ ᠪᠤᠯ ᠤᠤ᠂ ᠭᠤᠮᠤᠳᠠᠳᠠᠭ ᠴᠤ ᠶᠤᠮ ᠪᠤᠯ ᠤᠤ︖ | ᠬᠦᠪᠴᠢᠨ ᠳᠡᠯᠡᠬᠡᠢ ᠶᠢᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠳᠤ ᠪᠦᠪᠠᠶᠢᠯᠡᠭᠳᠡᠨ ᠲᠤᠷᠨᠢᠭᠠᠳ | ᠭᠦᠮᠤᠨ ᠤ ᠤᠷᠴᠢᠯᠠᠩ ᠤᠨ ᠬᠠᠲᠠᠭᠤ ᠰᠢᠭᠤᠷᠭᠠᠨ ᠳᠤ ᠭᠠᠯᠭᠢᠭᠤᠯᠵᠤ ᠶᠠᠪᠤᠭᠰᠠᠨ ᠵᠠᠯᠠᠭᠤ ᠨᠠᠰᠤ | ᠬᠠᠶᠢᠷᠠ ᠬᠠᠶᠢᠷᠠ ᠶᠢᠨ ᠢᠶᠠᠨ ᠬᠠᠯᠠᠮᠵᠢᠨ ᠳᠤ ᠤᠶᠠᠷᠠᠵᠤ ᠪᠠᠶᠢᠭᠰᠠᠨ᠂ ᠬᠠᠶᠢᠯᠵᠤ ᠴᠤ ᠪᠠᠶᠢᠭᠰᠠᠨ | ᠬᠤᠪᠠᠭ᠋ᠠᠢ ᠨᠠᠪᠴᠢᠰ ᠰᠢᠭ᠋ ᠭᠦᠨᠳᠡᠶᠢᠷᠡᠵᠤ ᠦᠲᠡᠯᠡᠬᠦ ᠬᠦᠮᠤᠨ ᠤ ᠨᠢᠭᠡ ᠨᠠᠰᠤ | ᠤᠷᠲᠤ ᠴᠤ ᠶᠤᠮ ᠰᠢᠭ᠋ ᠤᠤ᠂ ᠤᠬᠤᠷᠬᠠᠨ ᠴᠤ ᠶᠤᠮ ᠰᠢᠭ᠋ ᠤᠤ︖ ᠁ | ᠤᠯᠠᠭᠠᠨ ᠨᠠᠪᠴᠢ | ᠨᠠᠷᠡᠨ ᠤ ᠰᠡᠶᠢᠯᠥᠭᠰᠡᠨ ᠲᠤᠶᠠᠭᠠᠨ ᠲᠠᠮᠠᠭᠠ | ᠨᠠᠶᠢᠷ ᠢᠶᠠᠷ ᠬᠥᠭᠵᠢᠭᠡᠭᠰᠡᠨ ᠲᠦᠳᠡᠭ ᠭᠠᠯ | ᠠᠨᠳᠠᠢ ᠶᠢᠨ ᠬᠤᠷᠤᠶᠢᠯᠠᠬᠰᠠᠨ ᠳᠤᠷᠳᠤᠩ ᠠᠯᠴᠢᠭᠤᠷ | ᠠᠮᠠᠷᠠᠭ ᠤᠨ ᠤᠷᠭᠢᠯᠤᠭᠰᠠᠨ ᠬᠠᠯᠠᠭᠤᠨ ᠴᠢᠰᠤ | ᠮᠥᠡᠭᠬᠡ ᠳᠥᠷᠡᠯᠵᠡᠭᠰᠡᠨ ᠭᠠᠯ ᠤᠨ ᠪᠤᠳᠤᠭ | ᠮᠥᠴᠢᠷ ᠢ ᠴᠢᠮᠡᠭᠰᠡᠨ ᠤᠯᠠᠭᠠᠨ ᠮᠦᠰᠢᠶᠡᠯ | ᠮᠢᠰᠢᠶᠡᠭᠰᠡᠨ ᠬᠡᠤᠬᠡᠨ ᠤ ᠢᠴᠢᠭᠰᠡᠨ ᠴᠢᠷᠠᠢ | ᠮᠥᠷᠦᠭᠡᠳᠦᠯ ᠳᠤ ᠬᠤᠨᠤᠬᠰᠢᠬᠰᠠᠨ ᠬᠠᠶᠢᠷᠠ ᠶᠢᠨ ᠤᠴᠢ | ᠵᠠᠳᠠᠷᠠᠬᠤ ᠴᠡᠴᠡᠭ ᠤᠨ ᠳᠠᠭᠤᠨ ᠢ ᠴᠢᠩᠨᠠᠬᠤ ᠳᠤ ᠁ | ᠮᠦᠴᠢᠷ ᠢ ᠴᠢᠮᠡᠭᠰᠡᠨ ᠴᠡᠴᠡᠭ ᠤᠨ ᠵᠠᠳᠠᠷᠠᠨ ᠳᠡᠯᠭᠡᠷᠡᠬᠦ ᠳᠠᠭᠤᠨ ᠨᠢ | ᠮᠦᠰᠢᠶᠡᠬᠦ ᠵᠢᠷᠦᠬᠡᠨ ᠤ ᠬᠦᠪᠴᠢ ᠶᠢ ᠴᠢᠪᠬᠠᠳᠠᠨ ᠨᠠᠶᠢᠷᠠᠯ ᠡᠭᠡᠰᠢᠭᠯᠡᠬᠦᠯᠦᠨᠡ | ᠮᠦᠷᠦᠭᠡᠳᠤᠯ ᠤᠨ ᠬᠠᠪᠤᠷ ᠢ ᠠᠷᠭᠠᠳᠠᠭᠰᠠᠨ ᠬᠡᠭᠡᠨᠴᠢᠷ ᠳᠡᠯᠪᠢ ᠤᠨ ᠴᠡᠴᠡᠷᠡᠭᠡᠨ ᠨᠢ | ᠮᠦᠨ ᠴᠤ ᠨᠠᠮᠠᠢᠢ ᠤᠶᠠᠷᠠᠭᠠᠭᠰᠠᠨ ᠬᠠᠶᠢᠷᠠ ᠶᠢᠨ ᠠᠶᠠᠯᠠᠭᠤᠨ ᠪᠠᠶᠢᠵᠡᠢ ᠁ | | ᠬᠠᠶ᠋ᠢᠭ ᠄ ᠦᠪᠦᠷ ᠮᠤᠩᠭᠤᠯ᠂ ᠬᠤᠷᠴᠢᠨ | ᠤᠳᠠᠰᠤ ᠄ 13337058868 | | | |