ᠡᠨᠡ ᠳᠤᠷᠤᠨᠠ ᠳᠤ | — ᠡᠨᠡ ᠳᠤᠷᠤᠨᠠ ᠳᠤ ᠴᠦᠬᠡᠨ ᠮᠤᠩᠭᠤᠯ ᠪᠤᠢ ᠬᠤᠷ ᠢ ᠨᠢ ᠠᠪᠰᠤᠭᠠᠢ | ᠳᠠᠶᠠᠨ ᠬᠠᠭᠠᠨ | ᠬᠦᠨᠳᠦ ᠴᠠᠭ ᠢ ᠳᠠᠪᠠᠨ ᠳᠠᠭᠤᠯᠠᠭᠰᠠᠨ | ᠶᠡᠭᠡ ᠳᠤᠷᠤᠨᠠ ᠶᠢᠨ ᠡᠯᠢᠬᠡᠨ ᠳᠡᠬᠡᠷᠡ | ᠬᠦᠬᠡ ᠮᠤᠩᠭᠤᠯ ᠬᠡᠳᠡᠭ ᠠᠶᠢᠯ ᠪᠤᠢ᠂ | ᠬᠦᠷᠦᠭᠰᠠᠨ ᠵᠤᠴᠢᠳ ᠢᠶᠠᠨ ᠰᠠᠶᠢᠨ ᠪᠠᠷ ᠤᠭᠳᠤᠳᠠᠭ | ᠬᠦᠨᠳᠦᠯᠠᠯ ᠶᠡᠬᠡᠳᠠᠢ ᠠᠷᠠᠳ ᠳᠦᠮᠠᠨ ᠪᠤᠢ᠂ | ᠡᠩᠬᠡ ᠶᠢᠨ ᠴᠠᠭ ᠲᠤ | ᠡᠪ ᠤᠨ ᠵᠠᠩᠬᠢᠶᠠ ᠵᠠᠩᠬᠢᠳᠴᠤ | ᠬᠠᠳᠠᠭ ᠳᠠᠳᠠᠨ ᠠᠷᠢᠬᠢ ᠰᠦᠡᠭᠨᠡᠳᠡᠭ ᠴᠦ | ᠡᠪᠳᠡᠷᠡᠬᠦ ᠴᠦ ᠴᠠᠭ ᠲᠤ | ᠢᠯᠳᠦ ᠬᠤᠶᠠᠭ ᠪᠠᠨ ᠵᠠᠰᠠᠵᠤ | ᠶᠢᠷᠲᠢᠨᠴᠤ ᠶᠢ ᠬᠤᠷᠢᠶᠠᠬᠤ ᠪᠤᠢ᠃ | ᠡᠨᠡ ᠳᠤᠷᠤᠨᠠ ᠳᠤ ᠴᠦᠬᠡᠨ ᠮᠤᠩᠭᠤᠯ ᠪᠤᠢ | ᠶᠡᠭᠡ ᠬᠦᠷᠦᠨ ᠤ ᠪᠠᠭᠤᠴᠠᠨ ᠳᠡᠬᠡᠷᠡ | ᠳᠡᠭᠷᠢ ᠶᠢᠨ ᠵᠡᠬᠦᠳᠦ ᠪᠠᠨ ᠮᠠᠨᠠᠵᠤ ᠪᠤᠢ | ᠡᠨᠡ ᠳᠤᠷᠤᠨᠠ ᠳᠤ ᠳᠡᠭᠷᠢ ᠶᠢᠨ ᠵᠡᠬᠦᠳᠦ ᠪᠤᠢ | ᠽᠠᠮᠪᠦᠯᠢᠭ ᠤᠨ ᠠᠮᠢᠳᠠᠨ ᠢ ᠭᠠᠶᠢᠬᠠᠭᠤᠯᠤᠭᠰᠠᠨ | ᠦᠷᠯᠦᠭ ᠳᠡᠤᠬᠡ ᠪᠤᠢ | ᠡᠨᠡ ᠳᠤᠷᠤᠨᠠ ᠳᠤ ᠦᠷᠯᠦᠭ ᠳᠡᠤᠬᠡ ᠪᠤᠢ | ᠦᠷᠯᠦᠭ ᠳᠡᠤᠬᠡᠨ ᠠᠴᠠ ᠮᠡᠨᠳᠦᠯᠠᠭᠰᠠᠨ | ᠡᠵᠡᠨ ᠴᠢᠩᠬᠢᠰ ᠪᠤᠢ | ᠡᠨᠡ ᠳᠤᠷᠤᠨᠠ ᠳᠤ ᠡᠵᠡᠨ ᠴᠢᠩᠬᠢᠰ ᠪᠤᠢ | ᠡᠵᠡᠨ ᠴᠢᠩᠬᠢᠰ ᠤᠨ ᠤᠳᠤᠮ | ᠴᠦᠬᠡᠨ ᠮᠤᠩᠭᠤᠯ ᠪᠤᠢ᠃ | | | ᠨᠡᠷᠡ | ᠨᠡᠷᠡ ᠮᠢᠨᠢ ᠴᠢ | ᠨᠠᠮᠠ ᠶᠢ ᠤᠷᠤᠯᠠᠵᠤ | ᠰᠠᠶᠢᠨ ᠮᠠᠭᠤ ᠪᠦᠬᠦᠨ ᠢ ᠰᠤᠨᠤᠰᠴᠤ ᠶᠠᠪᠤᠵᠠᠢ | ᠨᠢᠮᠬᠡᠨ ᠨᠠᠮᠳᠠᠷ ᠤᠨ ᠰᠢᠩᠬᠡᠨ ᠬᠠᠭᠤᠳᠠᠰᠤᠨ ᠳᠤ | ᠰᠠᠶᠢᠬᠠᠨ ᠮᠠᠭᠤᠬᠠᠢ ᠪᠦᠬᠦᠨ ᠲᠠᠢ ᠨᠦᠬᠦᠴᠡᠵᠤ ᠶᠠᠪᠤᠵᠠᠢ᠃ | ᠬᠤᠶᠠᠷ ᠴᠢᠬᠢ ᠶᠢ ᠮᠢᠨᠢ ᠳᠦᠯᠡᠶᠢᠷᠡᠳᠠᠯᠠ | ᠬᠤᠨᠭ᠍ᠭᠤᠷ ᠤᠨ ᠮᠢᠨᠢ ᠠᠮᠠᠨ ᠠᠴᠠ ᠤᠨᠠᠵᠤ ᠶᠠᠪᠤᠵᠠᠢ | ᠬᠤᠭ ᠤᠨ ᠱᠠᠭᠠᠷᠤᠭ ᠳᠡᠬᠡᠷᠡ ᠠᠮᠢᠳᠤ ᠪᠠᠷ ᠪᠠᠨ ᠪᠤᠯᠠᠭᠳᠠᠮᠠ | ᠬᠤᠷᠤᠰᠤᠭᠴᠢᠳ ᠤᠨ ᠬᠠᠷᠢᠶᠠᠯ ᠳᠤ ᠪᠠᠭᠳᠠᠨ ᠭᠠᠷᠴᠠᠢ᠃ | ᠭᠠᠭᠴᠠ ᠪᠢ ᠴᠢᠮᠠ ᠶᠢ | ᠳᠠᠰᠬᠠᠯ ᠤᠨ ᠳᠡᠪᠳᠡᠷ᠂ ᠳᠤᠷᠠᠰᠬᠠᠯ ᠤᠨ ᠺᠠᠷᠲ | ᠢᠨᠠᠭ ᠤᠨ ᠵᠠᠬᠢᠶᠠ᠂ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠬᠠᠭᠤᠳᠠᠰᠤ | ᠡᠷᠦᠬᠡ ᠶᠢᠨ ᠪᠦᠷᠢᠳᠬᠡᠯ᠂ ᠦᠴᠢᠭ ᠤᠨ ᠮᠡᠳᠡᠬᠦᠯᠦᠯᠳᠠ | ᠦᠷᠢ ᠦᠭᠴᠡᠬᠡᠨ ᠤ ᠳᠠᠩᠰᠠ | ᠦᠭᠴᠦ ᠠᠪᠬᠤ ᠶᠢᠨ ᠪᠠᠷᠢᠮᠳᠠ ᠳᠤ | ᠰᠢᠯᠦᠭ ᠰᠢᠭ ᠵᠢᠷᠤᠵᠤ | ᠵᠢᠷᠤᠭ ᠰᠢᠭ ᠪᠢᠴᠢᠵᠤ ᠶᠠᠪᠤᠯᠠ︕ | ᠦᠯᠦᠬᠡᠢ ᠲᠠᠢ ᠪᠠᠶᠢᠬᠤ ᠳᠤ | ᠦᠪᠤᠸ᠋ ᠰᠢᠪᠰᠢᠵᠤ ᠦᠭᠬᠦᠭᠰᠠᠨ ᠶᠤᠮ ᠬᠡᠳᠡᠭ | ᠦᠰᠴᠦ ᠦᠨᠳᠡᠶᠢᠬᠦ ᠳᠤ | ᠦᠬᠡᠷᠡ ᠪᠤᠰᠤᠳ ᠮᠢᠨᠢ ᠳᠠᠭᠤᠳᠠᠵᠤ ᠡᠬᠢᠯᠡᠭᠰᠠᠨ ᠬᠡᠳᠡᠭ | ᠦᠪᠡᠷ ᠢ ᠴᠢᠨᠢ ᠪᠢ ᠤᠷᠤᠯᠠᠵᠤ | ᠡᠨᠡᠬᠡᠨ ᠵᠠᠯᠠᠭᠤ ᠵᠠᠭᠤᠨ ᠢ ᠡᠯᠡᠬᠡᠵᠤ ᠪᠠᠶᠢᠨᠠ | ᠦᠪᠡᠷ ᠪᠠᠨ ᠯᠠ ᠨᠠᠮᠠ ᠶᠢ ᠦᠮᠦᠬᠡᠷᠡᠵᠤ | ᠤᠳᠤᠮ ᠤᠨ ᠵᠠᠭᠤᠨ ᠳᠤ ᠢ ᠠᠮᠢᠳᠤᠷᠠᠭᠠᠷᠠᠢ︕ | | | | | | ᠬᠤᠪᠢᠷᠠᠵᠠᠢ ᠳ᠋ᠠ ᠨᠤᠳᠤᠭ ᠮᠢᠨᠢ | — ᠨᠤᠲᠤᠭ ᠤᠨ ᠳᠤᠬᠠᠢ ᠳᠤᠮᠤᠭ ᠰᠤᠨᠤᠰᠤᠭᠠᠳ | ᠨᠠᠭᠤᠷ ᠤᠨ ᠬᠢᠨᠢ ᠬᠦᠪᠡᠬᠡᠨ ᠳᠤ ᠭᠠᠩᠭᠠᠩ ᠠᠵᠢᠷᠭᠠ ᠪᠠᠶᠢᠭᠰᠠᠨ ᠬᠡᠨᠡ ᠯᠠᠢ | ᠨᠢᠭᠤᠭᠠᠳ ᠳᠤᠯᠭᠠᠷ ᠪᠠᠶᠠᠨ ᠤ ᠠᠳᠤᠭᠤᠨ ᠳᠤ ᠨᠡᠶᠢᠯᠡᠳᠡᠭ ᠪᠠᠶᠢᠭᠰᠠᠨ ᠬᠡᠨᠡ ᠯᠠᠢ | ᠨᠢᠭᠤᠴᠠᠬᠠᠨ ᠠᠭᠤᠯᠵᠢᠭᠰᠠᠨ ᠠᠮᠠᠷᠠᠭ ᠬᠤᠤᠰ | ᠨᠠᠶᠢᠭᠤᠭᠰᠠᠨ ᠦᠨᠳᠦᠷ ᠳᠡᠷᠡᠰᠦᠨ ᠳᠤ ᠨᠢᠯᠬᠠᠷᠠᠳᠠᠭ ᠶᠤᠮ ᠬᠡᠨᠡ ᠯᠠᠢ | ᠤᠳᠤ ᠳᠡᠬᠡᠬᠦ ᠳᠤ ᠠᠳᠤᠭᠤ ᠴᠦ ᠦᠭᠡᠢ ᠪᠤᠯᠬᠤ ᠳᠦᠬᠦᠭᠰᠠᠨ | ᠤᠩᠭᠤᠨ ᠠᠭᠤᠯᠠ ᠪᠠᠨ ᠬᠦᠷᠳᠡᠯᠡ ᠰᠡᠨᠳᠡᠶᠢᠯᠡᠵᠤ ᠡᠷᠳᠡᠨᠢ ᠡᠷᠢᠬᠦ ᠳᠦᠬᠦᠭᠰᠠᠨ | ᠤᠭᠤᠳᠤᠨᠠ ᠬᠦᠷᠳᠡᠯᠡ ᠦᠵᠡᠭᠳᠡᠬᠦ ᠨᠢᠴᠦᠬᠦᠨ ᠳᠠᠯᠠ ᠬᠠᠭᠤᠷᠠᠢ ᠤᠬᠢᠯᠠᠳᠠᠭ ᠪᠤᠯᠤᠭᠰᠠᠨ | ᠦᠬᠢᠳ ᠬᠦᠮᠦᠨ ᠠᠴᠠ ᠨᠢᠭᠤᠵᠤ ᠦᠶᠡᠷᠬᠡᠬᠦ ᠪᠠᠨ ᠬᠦᠷᠳᠡᠯᠡ ᠪᠠᠶᠢᠴᠢᠬᠠᠭᠰᠠᠨ ᠡ | ︽ᠪᠤᠤ ᠢᠦᠢ ᠯᠢᠨ ᠳᠡᠶᠢᠮᠦ ᠴᠦ ᠮᠠᠭᠤ ᠬᠦᠮᠦᠨ ᠪᠠᠶᠢᠭᠠ ᠦᠭᠡᠢ︾ ᠬᠡᠵᠤ | ᠬᠠᠯᠰᠠᠭᠤ ᠴᠦ ᠦᠨᠡᠨ ᠢ ᠬᠡᠯᠡᠳᠡᠭ ᠡᠪᠤᠬᠡᠳ ᠲᠠᠢ ᠪᠠᠶᠢᠭᠰᠠᠨ | ︽ᠪᠤᠷᠢᠶᠠᠳ ᠤᠳ ᠬᠦᠬᠡᠷᠦᠬᠦᠢ ᠪᠡᠳᠡᠷᠢᠵᠤ ᠶᠠᠪᠤᠭᠰᠠᠨ ᠰᠢᠦ︾ ᠬᠡᠵᠤ | ᠬᠠᠯᠠᠭᠤᠨ ᠡᠯᠢᠬᠡᠳᠡᠨ ᠪᠠᠨ ᠦᠮᠦᠬᠡᠯᠡᠳᠡᠭ ᠡᠮᠡᠬᠡᠳ ᠲᠠᠢ ᠴᠦ ᠪᠠᠶᠢᠭᠰᠠᠨ | ᠬᠠᠷᠢᠨ ᠤᠳᠤ ᠬᠤᠸᠠ ᠬᠤᠩᠭᠤᠷ ᠮᠤᠷᠢ ᠲᠠᠢ ᠳᠡᠮᠪᠧ ᠡᠪᠦᠭᠡ ᠬᠠᠷᠠᠭᠳᠠᠬᠤ ᠪᠠᠨ ᠪᠠᠶᠢᠵᠠᠢ ᠡ | ᠬᠠᠪᠳᠠᠭᠠᠢ ᠶᠢᠨ ᠰᠢᠯᠢ ᠪᠠᠷ ᠬᠤᠨᠢ ᠰᠢᠭ ᠪᠡᠯᠴᠢᠳᠡᠭ ᠵᠡᠬᠡᠷᠡ ᠴᠦ ᠦᠭᠡᠢ ᠪᠤᠯᠤᠭᠰᠠᠨ | ᠬᠤᠨᠢᠨ ᠰᠦᠷᠦᠭ ᠴᠦ ᠡᠬᠦᠯᠡ ᠰᠢᠭ ᠨᠡᠬᠦᠬᠦ ᠪᠠᠨ ᠪᠤᠯᠢᠵᠤ ᠮᠠᠨᠠᠨ ᠰᠢᠭ ᠰᠡᠮᠡᠷᠡᠵᠠᠢ ᠡ | | |