| ︵ᠬᠦᠲᠦᠯᠦᠭᠡ ᠬᠤᠶᠠᠷ︶ | ᠲᠡᠮᠦᠷᠪᠠᠭᠠᠨᠠ | ᠬᠠᠶᠠ ᠱᠠᠭᠢᠵᠦ ᠬᠠᠶᠠ ᠰᠢᠪᠡᠷᠡᠭᠦ ᠪᠤᠷᠤᠭᠠᠨ ᠤ ᠲᠠᠭᠤ | ᠰᠠᠭᠠᠯᠢ ᠶᠢᠨ ᠰᠠᠭᠤᠯᠠᠭᠠ ᠠᠴᠠ ᠰᠤᠨᠤᠰᠲᠠᠬᠤ ᠮᠡᠲᠦ᠂ | ᠬᠠᠶᠠ ᠲᠤᠮᠤᠷᠠᠵᠦ ᠬᠠᠶᠠ ᠵᠢᠵᠢᠭᠷᠡᠬᠦ ᠪᠤᠷᠤᠭᠠᠨ ᠤ ᠲᠤᠰᠤᠯ | ᠰᠠᠶ᠋ᠢᠬᠠᠨ ᠢᠪᠡᠯᠭᠡᠭᠰᠡᠨ ᠦᠨᠢᠶᠡᠨ ᠤ ᠰᠦ ᠮᠡᠲᠦ ᠡ︕ | ᠠᠶᠢᠵᠠᠮᠯᠠᠨ ᠤᠷᠤᠬᠤ ᠬᠤᠷᠠ ᠶᠢᠨ ᠴᠢᠮᠡᠭᠡ | ᠠᠭᠠᠷ ᠲᠡᠭᠷᠢ ᠶᠢᠨ ᠢᠪᠡᠭᠡᠯ ᠠᠶᠠᠯᠭᠤ ᠮᠡᠲᠦ᠂ | ᠠᠭᠠᠷᠤ ᠳᠤ ᠬᠦᠭᠡᠰᠦᠷᠡᠬᠦ ᠠᠷᠢᠭᠤᠨ ᠰᠦ | ᠠᠵᠢᠯᠴᠢ ᠮᠠᠯᠴᠢᠨ ᠤ ᠪᠠᠶᠠᠷ ᠲᠤᠭᠲᠤᠯᠤᠯ ᠮᠡᠲᠦ ᠡ ︕ | | ᠬᠡᠰᠡᠭ ᠨᠠᠮᠲᠠᠵᠦ ᠬᠡᠰᠡᠭ ᠰᠢᠷᠦᠭᠦᠰᠬᠦ ᠪᠤᠷᠤᠭᠠᠨ ᠤ ᠲᠠᠭᠤ | ᠠᠲᠤᠭᠤᠨ ᠰᠦᠷᠦᠭ ᠤᠨ ᠲᠡᠨᠲᠡ ᠠᠴᠠ ᠲᠤᠭᠤᠯᠲᠠᠬᠤ ᠮᠡᠲᠦ᠂ | ᠬᠡᠭᠡᠷ ᠲᠠᠭᠠ᠂ ᠬᠠᠯᠲᠠᠷ ᠤᠨᠠᠭᠠ ᠨᠤᠭᠤᠳ | ᠠᠭᠠᠰᠢ ᠠᠭᠠᠰᠢ ᠪᠠᠷ ᠢᠶᠠᠨ ᠠᠯᠢᠶᠠᠯᠠᠨ ᠲᠤᠭᠯᠠᠬᠤ ᠮᠡᠲᠦ︕ | ᠦᠷᠭᠦᠯᠵᠢᠯᠡᠬᠦ ᠬᠤᠷᠠ ᠶᠢᠨ ᠴᠢᠮᠡᠭᠡ | ᠦᠷᠭᠡᠨ ᠭᠡᠭᠡᠷᠡ ᠶᠢᠨ ᠬᠡᠮᠨᠡᠯ ᠡᠭᠡᠰᠢᠭ ᠮᠡᠲᠦ᠂ | ᠦᠨᠢᠷ ᠰᠦᠷᠦᠭ ᠤᠨ ᠢᠶᠠᠨ ᠬᠡᠰᠢᠭ ᠢ ᠬᠤᠷᠤᠶᠢᠯᠠᠭᠰᠠᠨ | ᠦᠭᠡᠲᠡᠷᠭᠡᠭ ᠮᠠᠯᠴᠢᠳ ᠤᠨ ᠵᠦᠡᠭ ᠪᠡᠯᠭᠡ ᠮᠡᠲᠦ ᠡ︕ | | ᠪᠤᠷᠤᠭᠠᠨ ᠤ ᠲᠠᠭᠤ ᠶᠢ ᠴᠢᠩᠭᠠᠨᠠᠭᠠᠳ ᠪᠠᠶᠢᠬᠤ ᠳᠤ | ᠪᠤᠷᠬᠠᠨ ᠤ ᠦᠭᠡ ᠶᠢ ᠲᠠᠮᠵᠢᠭᠤᠯᠬᠤ ᠮᠡᠲᠦ᠂ | ᠪᠤᠯᠤᠷ ᠲᠤᠩᠭᠠᠯᠠᠭ ᠨᠠᠭᠤᠷ ᠭᠤᠤᠯ ᠢᠶᠠᠨ | ᠪᠤᠯᠠᠩᠬᠢᠷ ᠦᠭᠡᠢ ᠮᠠᠯᠮᠠᠯᠵᠠᠭᠦᠯᠬᠦ ᠶᠢ ᠵᠠᠬᠢᠬᠤ ᠮᠡᠲᠦ ᠡ︕ | ᠵᠦᠰᠡᠷᠡᠬᠦ ᠬᠤᠷᠠ ᠶᠢ ᠰᠤᠨᠤᠷᠯᠠᠬᠤ ᠳᠤ | ᠵᠢᠷᠦᠭᠡᠨ ᠳᠤ ᠡᠭᠦᠷᠬᠡ ᠢᠷᠡᠬᠦ ᠮᠡᠲᠦ᠂ | ᠵᠦᠭᠡᠯᠡᠨ ᠵᠦᠭᠡᠯᠡᠨ ᠽᠠᠮᠪᠦᠯᠢᠭ ᠤᠨ | ᠵᠢᠮᠡ ᠶᠤᠰᠤ ᠪᠠᠷ ᠪᠤᠯᠭᠤᠭᠠᠬᠤ ᠶᠢ ᠤᠴᠢᠷᠯᠠᠬᠤ ᠮᠡᠲᠦ ᠡ︕ | ᠬᠤᠨᠲᠠᠭᠠ ᠡᠷᠭᠦᠬᠦ ᠭᠱᠠᠨᠠ | | ᠬᠤᠨᠲᠠᠭᠠ ᠲᠦᠭᠦᠷᠡᠩ ᠠᠷᠢᠬᠢ | ᠬᠤᠷᠠᠮᠠᠯ ᠭᠤᠨᠢᠭ ᠤᠨ ᠬᠡᠮᠨᠡᠯ ᠮᠡᠲᠦ᠂ | ᠬᠤᠪᠲᠤᠯ ᠲᠡᠪᠲᠦᠭᠡᠨ ᠪᠦᠮᠪᠦᠷᠢᠬᠦ | ᠬᠤᠶᠠᠷ ᠨᠢᠲᠦᠨ ᠤ ᠰᠤᠪᠤᠳ ᠮᠡᠲᠦ︕ | ᠨᠡᠷᠡᠭᠰᠡᠨ ᠬᠤᠨᠲᠠᠭᠠᠲᠦ ᠠᠷᠢᠬᠢ | ᠨᠡᠭᠡᠷᠡᠨ ᠬᠦᠨᠲᠦ ᠰᠡᠳᠬᠢᠯ ᠮᠡᠲᠦ᠂ | ᠨᠢᠭᠡᠮᠦᠰᠦᠨ ᠪᠠᠯᠠᠷᠠᠲᠠᠯᠠ ᠰᠤᠭᠲᠤᠬᠤ | ᠨᠢᠭᠡᠨ ᠴᠠᠭ ᠤᠨ ᠲᠠᠶᠢᠳᠬᠤᠷᠠᠯ ᠮᠡᠲᠦ︕ | ᠁ ᠁ | ᠰᠡᠷᠭᠦᠭᠡᠭᠰᠡᠨ ᠠᠷᠢᠬᠢ ᠮᠠᠯᠮᠠᠯᠵᠡᠵᠦ | ᠰᠡᠷᠭᠦᠯᠡᠩ ᠲᠡᠬᠦᠨ ᠤ ᠪᠦᠱᠦᠷᠭᠡᠯ ᠮᠡᠲᠦ᠂ | ᠰᠡᠪ ᠦᠭᠡᠢ ᠰᠠᠶᠢᠬᠠᠨ ᠲᠤᠷᠠᠯᠠᠯ ᠢᠶᠠᠨ | ᠰᠡᠮ ᠦᠷᠭᠦᠯᠵᠢᠯᠡᠭᠦᠯᠬᠦ ᠵᠦᠡᠭ ᠮᠡᠲᠦ︕ | ᠰᠦᠡᠭᠨᠡᠭᠰᠡᠨ ᠠᠷᠢᠬᠢ ᠰᠡᠩᠭᠢᠨᠡᠵᠦ | ᠰᠤᠯᠢᠭᠤ ᠪᠤᠲᠤᠯ ᠲᠠᠶᠢᠯᠤᠭᠲᠠᠬᠤ ᠮᠡᠲᠦ᠂ | ᠰᠦᠨᠢ ᠶᠢᠨ ᠵᠡᠭᠦᠲᠦ ᠰᠠᠨᠠᠭᠲᠠᠭᠠᠳ | ᠰᠤᠲᠤᠬᠠᠨ ᠲᠡᠷᠡ ᠮᠢᠨᠢ ᠢᠷᠡᠭᠡ ᠮᠡᠲᠦ︕ | | ᠬᠤᠯᠠ ᠶᠢᠨ ᠬᠤᠨ ᠢ ᠪᠢᠲᠡᠭᠡᠢ ᠦᠷᠭᠦᠭᠡᠭᠡᠷᠡᠢ | | ᠠᠯᠤᠰ ᠠᠴᠠ ᠵᠡᠯᠡᠯᠡᠭᠰᠡᠨ | ᠠᠮᠠᠷᠠᠭ ᠴᠠᠭᠠᠨ ᠬᠤᠨ ᠢ ᠪᠢᠲᠡᠭᠡᠢ ᠦᠷᠭᠦᠭᠡᠭᠡᠷᠡᠢ︕ | ᠠᠮᠢᠯᠠᠯᠲᠦ ᠬᠠᠪᠤᠷ ᠤᠨ ᠴᠡᠩᠬᠡᠷ ᠤᠰᠦᠨ ᠳᠤ | ᠠᠶᠠᠰ ᠨᠡᠶᠢᠯᠡᠭᠦᠯᠵᠦ ᠭᠠᠨᠭ᠍ᠭᠠᠨᠠᠬᠤ ᠬᠡᠰᠡᠨ ᠶᠤᠮ ᠡ᠂ | ᠠᠯᠠᠭ ᠤᠯᠠᠨ ᠰᠢᠪᠠᠭᠤᠳ ᠲᠠᠢ ᠬᠠᠮᠲᠦ ᠪᠠᠷ | ᠠᠶᠠᠯᠠᠯ ᠤᠨ ᠶᠠᠲᠠᠷᠠᠭᠠ ᠪᠠᠨ ᠲᠠᠶᠢᠯᠠᠬᠤ ᠬᠡᠰᠡᠨ ᠶᠤᠮ ᠡ︕ | ᠬᠤᠯᠠ ᠠᠴᠠ ᠴᠦᠷᠭᠡᠯᠡᠭᠰᠡᠨ | ᠬᠤᠨ ᠴᠠᠭᠠᠨ ᠭᠠᠯᠠᠭᠤ ᠶᠢ ᠪᠢᠲᠡᠭᠡᠢ ᠦᠷᠭᠦᠭᠡᠭᠡᠷᠡᠢ︕ | ᠬᠤᠤᠰ ᠦᠭᠡᠢ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠳᠤ | ᠬᠤᠰᠢᠭᠤ ᠬᠤᠯᠪᠦᠵᠤ ᠪᠦᠵᠢᠬᠦ ᠬᠡᠰᠡᠨ ᠶᠤᠮ ᠡ᠂ | ᠬᠤᠨᠦᠭᠤᠲᠠ ᠦᠨᠵᠢᠭᠦᠲᠡ ᠪᠠᠷ ᠪᠠᠶᠠᠰᠴᠦ | ᠬᠤᠷᠭᠤᠲᠠᠵᠦ ᠬᠡᠳᠦᠨ ᠡᠳᠦᠷ ᠠᠮᠠᠷᠠᠬᠤ ᠬᠡᠰᠡᠨ ᠶᠤᠮ ᠡ︕ | ᠪᠣᠴᠠᠭᠠᠳ ᠢᠷᠡᠭᠰᠡᠨ | ᠪᠣᠯᠪᠠᠷᠠᠢ ᠴᠠᠭᠠᠨ ᠬᠤᠨ ᠢ ᠪᠢᠲᠠᠭᠡᠢ ᠦᠷᠭᠦᠭᠡᠭᠡᠷᠡᠢ︕ | ᠪᠣᠯᠵᠤᠵᠤ ᠲᠤᠭᠲᠠᠭᠰᠠ ᠴᠠᠭ ᠲᠤ ᠪᠠᠨ | ᠪᠤᠭᠤᠮᠲᠠ ᠪᠠᠷ ᠲᠠᠭᠠᠷᠢᠨ ᠦᠩᠭᠡᠷᠡᠬᠦ ᠭᠡᠰᠡᠨ ᠶᠣᠮ ᠡ᠂ | ᠪᠤᠷᠤᠭᠠᠨ ᠰᠠᠯᠬᠢ ᠪᠠᠷ ᠲᠠᠭᠠᠯᠠᠭᠤᠯᠵᠦ | ᠪᠤᠭᠤᠨᠢᠬᠠᠨ ᠴᠠᠭ ᠮᠦᠴᠡ ᠴᠤ ᠵᠢᠷᠭᠠᠬᠤ ᠭᠡᠰᠡᠨ ᠶᠤᠮ ᠡ︕ | ᠡᠷᠭᠢᠭᠡᠳ ᠰᠠᠭᠠᠲᠠᠭᠰᠠᠨ | ᠡᠩᠬᠦᠷᠠᠢ ᠴᠠᠭᠠᠨ ᠬᠤᠨ ᠢ ᠪᠢᠲᠠᠭᠡᠢ ᠦᠷᠭᠦᠭᠡᠭᠡᠷᠡᠢ︕ | ᠡᠰᠨᠢᠯᠲᠦ ᠨᠤᠲᠤᠭ ᠤᠨ ᠴᠢᠮᠡᠭ ᠪᠤᠯᠵᠦ | ᠡᠨᠡᠭᠰᠢᠨ ᠲᠠᠰᠤᠯᠴᠠᠵᠤ ᠡᠷᠬᠡᠯᠡᠬᠦ ᠭᠡᠰᠡᠨ ᠶᠣᠮ ᠡ᠂ | ᠡᠭᠦᠷᠢᠲᠡ ᠬᠦᠭᠡᠷᠦᠬᠦᠨ ᠵᠠᠩ ᠢᠶᠠᠷ ᠢᠶᠠᠨ | ᠡᠵᠡᠭᠦᠢ ᠶᠢ ᠴᠢᠨᠢ ᠡᠪᠳᠡᠵᠤ ᠴᠡᠩᠬᠡᠯᠲᠦᠭᠦ ᠭᠡᠰᠡᠨ ᠶᠣᠮ ᠡ︕ | | | | 赤峰市巴林右旗大板镇政府 | 特木热巴根 13804766924 | | |