| | ᠬᠢᠰᠬᠢᠨᠡ ᠬᠡᠬᠦ ᠳᠤ ᠵᠠᠢ ᠤᠯᠳᠠᠬᠤ ᠦᠬᠡᠢ ᠬᠡᠮᠡᠷᠯᠢᠭ | ᠬᠡᠮᠵᠢᠨᠡ ᠬᠡᠬᠦ ᠳᠤ ᠤᠷᠬᠢᠯ ᠨᠢ ᠬᠠᠷᠠᠭᠳᠠᠬᠤ ᠦᠬᠡᠢ ᠦᠨᠲᠦᠷᠯᠢᠭ | ᠬᠡᠰᠡᠭᠯᠡᠨᠡ ᠬᠡᠬᠦ ᠳᠤ ᠪᠤᠷᠬᠠᠨ ᠨᠢ ᠵᠦᠪᠰᠢᠶᠡᠷᠡᠬᠦ ᠦᠬᠡᠢ ᠲᠡᠭᠷᠢᠯᠢᠭ | ᠬᠡᠮᠡᠯᠢᠨᠡ ᠬᠡᠬᠦ ᠳᠤ ᠪᠤᠶᠠᠨ ᠨᠢ ᠲᠠᠭᠠᠭᠠᠬᠤ ᠦᠬᠡᠢ ᠬᠡᠶᠢᠮᠦᠷᠢᠯᠢᠭ᠃ | ᠲᠡᠪᠡᠨᠡᠨ ᠴᠢᠨᠡᠬᠡᠨ ᠮᠦᠬᠦᠯᠢᠭ ᠰᠢᠷᠤᠢ ᠨᠢ ᠴᠤ | ᠲᠡᠭᠷᠢ ᠶᠢᠨ ᠴᠢᠨᠡᠬᠡᠨ ᠠᠮᠢᠨ ᠰᠢᠲᠦᠬᠡᠨ | ᠦᠨᠳᠡᠬᠡᠨ ᠴᠢᠨᠡᠬᠡᠨ ᠪᠦᠮᠪᠦᠬᠡᠷ ᠴᠢᠯᠠᠭᠤᠳ ᠨᠢ | ᠦᠬᠡᠳᠡᠰᠦᠨ ᠴᠢᠨᠡᠬᠡᠨ ᠨᠠᠮᠠ ᠶᠢ ᠢᠷᠯᠡᠬᠦ ᠪᠢᠯᠡᠬᠦᠦ᠃ | ᠠᠩᠬᠢᠷ ᠲᠠᠭᠤᠯᠠᠳᠠᠭ ᠰᠠᠶᠢᠬᠠᠨ ᠨᠠᠭᠤᠷ ᠨᠢ | ᠲᠡᠭᠷᠢ ᠪᠠᠨ ᠲᠤᠯᠢᠳᠠᠭᠰᠠᠨ | ᠮᠡᠯᠳᠡᠶᠢᠭᠰᠡᠨ ᠨᠢᠲᠦ — ᠮᠢᠨᠤ ᠴᠡᠩᠬᠡᠷᠬᠡᠨ ᠬᠡᠰᠢᠭᠳᠡᠨ | ᠲᠡᠭᠷᠢ ᠪᠠᠨ ᠲᠤᠯᠢᠳᠠᠭᠰᠠᠨ ᠰᠠᠶᠢᠬᠠᠨ ᠨᠠᠭᠤᠷ ᠨᠢ | ᠠᠩᠬᠢᠷ ᠢᠶᠠᠨ ᠲᠠᠭᠤᠯᠠᠭᠰᠠᠨ | ᠮᠡᠯᠮᠡᠷᠡᠭᠰᠡᠨ ᠰᠦ — ᠮᠢᠨᠤ ᠠᠩᠬᠢᠷᠬᠠᠨ ᠬᠡᠰᠢᠭᠳᠡᠨ | ᠠᠬᠢ ᠶᠢᠨ ᠦᠨᠦᠷ ᠪᠠᠯᠠᠷᠠᠮᠠ ᠦᠬᠡᠢ | ᠴᠡᠴᠡᠬᠡᠰ ᠵᠤᠯᠠᠭᠰᠠᠨ ᠲᠠᠯᠠ — ᠮᠢᠨᠤ ᠠᠩᠬᠢᠯᠤᠮᠠ ᠬᠡᠰᠢᠭᠳᠡᠨ | ᠲᠠᠬᠢ ᠶᠢᠨ ᠰᠤᠨᠤᠷ ᠦᠷᠬᠦᠮᠡ ᠦᠬᠡᠢ | ᠴᠤᠤᠷᠢᠶᠠ ᠲᠡᠯᠬᠡᠭᠰᠡᠨ ᠭᠤᠪᠢ — ᠮᠢᠨᠤ ᠬᠠᠨᠭ᠍ᠬᠢᠨᠠᠮᠠ ᠬᠡᠰᠢᠭᠳᠡᠨ | ᠰᠠᠨᠠᠬᠤ ᠶᠢᠨ ᠰᠡᠳᠬᠢᠯ | ᠬᠠᠨᠭ᠍ᠬᠤ ᠶᠢᠨ ᠦᠵᠦᠬᠦᠷ ᠦᠬᠡᠢ | ᠬᠦᠳᠡᠭᠡ ᠠᠶᠢᠯ ᠤᠨ ᠪᠠᠷᠠ — ᠮᠢᠨᠤ ᠬᠤᠷᠭᠤᠳᠤᠯ ᠤᠨ ᠬᠤᠷᠭᠤᠳᠤᠯ ᠴᠡᠮᠴᠡᠬᠡᠷ ᠬᠡᠰᠢᠭᠳᠡᠨ | ᠰᠢᠪᠠᠭᠤᠳ ᠤᠨ ᠨᠡᠬᠦᠳᠡᠯ | ᠪᠠᠭᠤᠳᠠᠯᠯᠠᠬᠤ ᠶᠢᠨ ᠬᠢᠵᠠᠭᠠᠷ ᠦᠬᠡᠢ | ᠬᠦᠬᠡ ᠲᠡᠭᠷᠢ ᠶᠢᠨ ᠬᠠᠶᠠᠭᠠ — ᠮᠢᠨᠤ ᠬᠤᠯᠠ ᠶᠢᠨ ᠬᠤᠯᠠ ᠴᠡᠩᠬᠡᠷ ᠬᠡᠰᠢᠭᠳᠡᠨ | ᠠᠭᠤᠯᠠ ᠪᠠᠨ ᠬᠡᠬᠦ ᠳᠤ ᠪᠡᠶᠡ ᠲᠤᠮᠤᠷᠠᠭᠠᠳ ᠪᠠᠶᠢᠨᠠ | ᠠᠪᠤ ᠶᠢᠨ ᠪᠠᠷᠠ ᠲᠤᠳᠤᠷᠠᠭᠠᠳ ᠪᠠᠶᠢᠨᠠ | ᠲᠦᠷᠦᠬᠡ ᠪᠠᠨ ᠮᠤᠯᠳᠤᠯᠠᠵᠦ | ᠪᠢ ᠠᠳᠡ ᠤᠳᠠᠭᠠᠨ ᠠᠮᠠᠷᠠᠮᠠᠷ ᠪᠠᠶᠢᠨᠠ︕ | ᠤᠰᠤ ᠪᠠᠨ ᠬᠡᠬᠦ ᠳᠤ ᠰᠡᠳᠬᠢᠯ ᠠᠷᠢᠭᠤᠰᠠᠭᠠᠳ ᠪᠠᠶᠢᠨᠠ | ᠡᠵᠢ ᠶᠢᠨ ᠴᠠᠢ ᠠᠮᠳᠠᠯᠠᠭᠳᠠᠭᠠᠳ ᠪᠠᠶᠢᠨᠠ | ᠦᠷᠦᠬᠡ ᠪᠠᠨ ᠪᠤᠰᠬᠠᠵᠦ | ᠪᠢ ᠠᠳᠡᠨ ᠤᠳᠠᠭᠠᠨ ᠰᠠᠭᠤᠮᠠᠷ ᠪᠠᠶᠢᠨᠠ︕ | ᠬᠦᠡᠭᠬᠡᠷ ᠤᠨ ᠲᠠᠯᠠ | ᠤᠨᠤᠭᠰᠠᠨ ᠮᠤᠷᠢᠨ ᠤ ᠮᠢᠨᠢ | ᠰᠤᠨᠤᠭᠰᠠᠨ ᠬᠦᠶᠦᠳᠡᠯ | ᠤᠨᠳᠤᠷᠠᠭᠰᠠᠨ ᠤᠰᠤᠨ ᠤ ᠮᠢᠨᠢ | ᠬᠦᠪᠦᠭᠰᠡᠨ ᠵᠡᠷᠬᠡᠯᠬᠡᠨ᠃ | ᠨᠠᠮᠢᠷᠠᠭᠰᠠᠨ ᠪᠤᠷᠤᠭᠠᠨ ᠢᠶᠠᠨ | ᠬᠦᠰᠡᠭᠰᠡᠨ ᠴᠢᠷᠠᠢ | ᠵᠡᠯᠡᠯᠡᠭᠰᠡᠨ ᠰᠢᠪᠠᠭᠤᠳ ᠢᠶᠠᠨ | ᠦᠳᠡᠭᠰᠡᠨ ᠨᠢᠯᠪᠤᠰᠤ᠃ | ᠡᠷᠮᠡᠬᠡᠢ ᠴᠠᠭ ᠤᠨ ᠤᠤᠬᠠᠢ ᠰᠢᠩᠬᠡᠭᠰᠡᠨ | ᠡᠩᠬᠡᠷ ᠪᠦᠲᠦᠨ — ᠬᠦᠨ ᠡᠩᠬᠡᠷ | ᠲᠦᠷᠢᠮᠡᠬᠡᠢ ᠴᠠᠭ ᠤᠨ ᠮᠠᠭᠤᠬᠠᠢ ᠪᠤᠵᠢᠬᠢᠨᠡᠭᠰᠠᠨ | ᠡᠩᠬᠡᠷ ᠵᠠᠳᠠᠭᠠᠢ — ᠬᠦᠨ ᠡᠩᠬᠡᠷ᠃ | ᠵᠤᠬᠢᠶᠠᠭᠴᠢ — ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠪᠢᠷᠠᠭᠤ ᠶᠢᠨ ᠮᠤᠩᠭᠤᠯ ᠦᠨᠲᠦᠰᠦᠳᠡᠨ ᠤ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠤᠳᠬᠤᠨᠪᠠᠭᠠᠳᠤᠷ᠃ | ᠤᠳᠠᠰᠤ —15047655292 | |