| ᠬᠤᠤᠰᠪᠠᠶᠠᠷ | ᠭᠤᠷᠪᠠᠨ ᠪᠤᠳᠢ ᠶᠢᠨ ᠠᠭᠤᠯᠠ | | ᠬᠦᠭᠡ ᠮᠦᠩᠭᠡ ᠶᠢᠨ ᠳᠡᠭᠷᠢ ᠪᠠᠨ ᠪᠠᠭᠠᠨᠠᠳᠠᠵᠤ ᠤᠷᠭᠤᠭᠰᠠᠨ ᠠᠭᠤᠯᠠ | ᠬᠦᠬᠡ ᠡᠪᠦᠭᠡᠳ ᠤᠨ ᠰᠢᠳᠦᠬᠡᠨ ᠢᠶᠠᠷ ᠲᠡᠭᠡᠳᠦᠯᠡᠵᠦ ᠲᠠᠬᠢᠭᠰᠠᠨ ᠠᠭᠤᠯᠠ | ᠬᠦᠷᠦᠰᠦᠳᠦ ᠠᠯᠳᠠᠨ ᠳᠡᠯᠡᠬᠡᠢ ᠳᠤ ᠭᠤᠷᠪᠠᠨ ᠪᠤᠳᠢ ᠶᠢᠨ ᠠᠭᠤᠯᠠ | ᠬᠦᠨᠳᠦᠬᠡᠨ ᠭᠤᠨᠢᠭ ᠢ ᠮᠢᠨᠢ ᠦᠷᠭᠦᠭᠡᠵᠦ ᠰᠡᠳᠬᠢᠯ ᠳᠤ ᠮᠦᠩᠭᠡᠷᠡᠬᠦ ᠠᠭᠤᠯᠠ | | | ᠬᠠᠳᠠᠭ ᠤᠨ ᠴᠡᠩᠭᠡᠷ ᠤᠨᠢᠶᠠᠷ ᠲᠤᠮᠳᠠ ᠪᠠᠨ ᠦᠨᠳᠡᠯᠵᠡᠨ ᠪᠠᠶᠢᠳᠠᠭ ᠠᠭᠤᠯᠠ | ᠬᠠᠨ ᠠᠭᠤᠯᠠ ᠶᠢᠨ ᠲᠦᠰᠢᠭ ᠲᠠᠢ ᠲᠡᠭᠡᠯᠵᠡᠵᠦ ᠪᠠᠶᠢᠳᠠᠭ ᠠᠭᠤᠯᠠ | ᠭᠤᠷᠪᠠᠨ ᠪᠤᠳᠢ ᠶᠢᠨ ᠠᠭᠤᠯᠠ ᠮᠢᠨᠦ ᠨᠤᠳᠤᠭ ᠤᠨ ᠠᠭᠤᠯᠠ | ᠭᠤᠷᠪᠠᠨ ᠲᠠᠪᠬᠤᠷ ᠴᠢᠳᠤᠷ ᠲᠠᠢ ᠴᠦ ᠲᠡᠮᠡᠤᠯᠡᠵᠦ ᠬᠦᠷᠳᠡᠭ ᠠᠭᠤᠯᠠ | | | ᠳ᠋ᠠᠯᠠᠷ ᠤᠨ ᠭᠤᠤᠯ ᠤᠨ ᠤᠷᠤᠰᠬᠠᠯ ᠢᠶᠠᠷ ᠲᠠᠯᠠ ᠪᠠᠨ ᠡᠮᠵᠢᠭᠰᠡᠨ ᠠᠭᠤᠯᠠ | ᠳᠠᠭᠠ ᠦᠷᠢᠶᠡᠨ ᠤ ᠰᠤᠷᠢᠭᠠ ᠪᠠᠷ ᠬᠤᠷᠮᠤᠢ ᠪᠠᠨ ᠲᠡᠯᠡᠭᠰᠡᠨ ᠠᠭᠤᠯᠠ | ᠬᠦᠷᠡᠩ ᠪᠦᠷᠭᠦᠳ ᠤᠨ ᠨᠢᠰᠤᠯᠳᠠ ᠪᠠᠷ ᠦᠨᠳᠦᠷ ᠪᠠᠨ ᠬᠡᠮᠵᠢᠭᠰᠡᠨ ᠠᠭᠤᠯᠠ | ᠬᠦᠷᠴᠦ ᠤᠴᠢᠬᠤ ᠶᠢᠨ ᠴᠠᠭ ᠲᠤ ᠴᠢᠯᠠᠭᠤ ᠨᠢ ᠢᠨᠢᠶᠡᠳᠡᠭ ᠠᠭᠤᠯᠠ | | | ᠭᠤᠷᠪᠠᠨ ᠪᠤᠳᠢ ᠶᠢᠨ ᠠᠭᠤᠯᠠ ᠮᠢᠨᠦ ᠨᠤᠳᠤᠭ ᠤᠨ ᠠᠭᠤᠯᠠ | ᠭᠤᠨᠢᠵᠤ ᠤᠶᠢᠳᠬᠠᠷᠯᠠᠬᠤ ᠶᠢᠨ ᠤᠴᠢᠷ ᠦᠭᠡᠢ ᠰᠡᠳᠬᠢᠯ ᠤᠨ ᠪᠠᠶᠠᠨ ᠠᠭᠤᠯᠠ | ᠪᠤᠭᠤ ᠬᠦᠷᠦᠭᠡᠰᠦ ᠤᠷᠤᠩᠨᠠᠭᠰᠠᠨ ᠪᠤᠳᠢ ᠶᠢᠨ ᠭᠤᠷᠪᠠᠨ ᠠᠭᠤᠯᠠ ᠮᠢᠨᠢ | ᠪᠤᠳᠢ ᠰᠡᠳᠬᠢᠯ ᠤᠨ ᠠᠷᠢᠭᠤᠰᠬᠠᠯ ᠲᠠᠢ ᠢᠳᠡᠭᠡᠯ ᠤᠨ ᠪᠤᠭᠳᠠ ᠠᠭᠤᠯᠠ ᠮᠢᠨᠢ | | | ᠦᠷᠢᠯ ᠮᠤᠶᠢᠯ ᠨᠢ ᠪᠤᠯᠪᠠᠰᠤᠷᠠᠭᠰᠠᠨ ᠵᠢᠮᠢᠰ ᠢᠶᠠᠷ ᠪᠠᠶᠠᠨ ᠠᠭᠤᠯᠠ | ᠦᠷᠡ ᠠᠴᠢ ᠨᠢ ᠠᠯᠤᠰ ᠲᠤ ᠮᠤᠷᠳᠠᠭᠰᠠᠨ ᠬᠦᠮᠦᠨ ᠢᠶᠠᠷ ᠪᠠᠶᠠᠨ ᠠᠭᠤᠯᠠ | ᠡᠯᠢᠶᠡ ᠬᠠᠷᠴᠠᠭᠠᠢ ᠡᠷᠬᠢᠯᠳᠦᠭᠰᠡᠨ ᠰᠢᠪᠠᠭᠤ ᠪᠠᠷ ᠪᠠᠶᠠᠨ ᠠᠭᠤᠯᠠ | ᠡᠷᠳᠡᠮᠳᠦ ᠬᠦᠪᠡᠭᠦᠳ ᠨᠢ ᠰᠦᠬᠦᠷᠡᠭᠰᠡᠨ ᠨᠤᠮ ᠤᠨ ᠪᠠᠶᠠᠨ ᠠᠭᠤᠯᠠ | ᠭᠤᠷᠪᠠᠨ ᠪᠤᠳᠢ ᠶᠢᠨ ᠠᠭᠤᠯᠠ ᠮᠢᠨᠦ ᠨᠤᠳᠤᠭ ᠤᠨ ᠠᠭᠤᠯᠠ᠃ | 2019.12.12 | ᠤᠯᠠᠭᠠᠨᠬᠠᠳᠠ ᠳᠠᠬᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ | ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠡᠪᠯᠡᠯ ᠤᠨ ᠬᠤᠷᠢᠶᠠ | ᠬᠠᠷᠢᠯᠴᠠᠬᠤ ᠤᠳᠠᠰᠤ᠄ 15248035617 | |