| ᠪᠣᠣ᠂ ᠰᠠᠷᠠᠩᠭᠤᠸᠠ | ᠡᠵᠢ ᠮᠢᠨᠢ | ᠡᠵᠢ ᠪᠠᠨ ᠪᠢ ᠰᠠᠨᠠᠯᠠ | ᠡᠭᠡᠷ ᠲᠠᠲᠠᠨ ᠣᠭᠢᠯᠠᠮᠠᠷ ᠣᠭᠢᠯᠠᠮᠠᠷ | ᠡᠨᠡᠷᠢᠯ ᠬᠠᠶᠢᠷᠠ ᠶᠢ ᠨᠢ ᠰᠠᠨᠠᠬᠤ ᠳᠤ | ᠡᠨᠡ ᠲᠡᠯᠡᠭᠡᠢ ᠪᠠᠭᠠᠳᠠᠮᠠᠷ ᠪᠠᠭᠠᠳᠠᠮᠠᠷ | ᠬᠠᠮᠢᠭᠠ ᠪᠠᠶᠢᠬᠤ ᠪᠣᠢ ᠡᠵᠢ ᠡ | ᠬᠠᠶ᠋ᠢᠭ ᠢ ᠴᠢᠨᠢ ᠡᠷᠢᠵᠣ ᠬᠦᠶᠦᠮᠡᠷ ᠬᠦᠶᠦᠮᠡᠷ | ᠬᠠᠨ ᠬᠤᠷᠸᠠ ᠶᠢ ᠰᠣᠴᠢᠳᠠᠯᠠ | ᠬᠤᠭᠤᠯᠠᠢ ᠶᠢᠨ ᠴᠢᠨᠡᠭᠡ ᠪᠠᠷ ᠬᠠᠰᠭᠢᠷᠣᠮᠠᠷ ᠬᠠᠰᠭᠢᠷᠣᠮᠠᠷ ᠡ | ᠬᠠᠳᠠᠮ ᠤᠨ ᠭᠠᠵᠠᠷ ᠮᠣᠷᠳᠠᠬᠤ ᠳᠤ | ᠨᠢᠯᠪᠣᠰᠣ ᠪᠠᠨ ᠵᠦᠯᠭᠦᠵᠦ ᠬᠤᠴᠣᠷᠣᠭᠰᠠᠨ ᠡᠵᠢ ᠮᠢᠨᠢ | ᠬᠠᠷᠢᠭᠠᠳ ᠲᠦᠷᠬᠦᠮᠯᠡᠭᠡᠳ ᠣᠴᠢᠬᠤ ᠳᠤ | ᠬᠤᠯᠠ ᠠᠴᠠ ᠲᠣᠰᠣᠨ ᠢᠨᠢᠶᠡᠳᠡᠭ ᠡᠵᠢ ᠮᠢᠨᠢ | ᠬᠤᠷᠢᠶᠠᠨ ᠨᠦᠭᠡᠴᠡᠯᠡᠭᠰᠡᠨ ᠢᠳᠡᠭᠡᠨ ᠢᠶᠠᠨ | ᠴᠦᠮ ᠢ ᠭᠠᠷᠭᠠᠵᠣ ᠢᠳᠡᠬᠦᠯᠳᠡᠭ ᠡᠵᠢ ᠮᠢᠨᠢ | ᠬᠦᠷᠰᠢ ᠰᠠᠬᠠᠭᠠᠯᠳᠠ ᠶᠢᠨ ᠬᠦᠮᠦᠰ ᠲᠤ | ᠶᠠᠷᠢᠭᠠᠳ ᠶᠠᠷᠢᠭᠠᠳ ᠪᠠᠶᠠᠷᠯᠠᠳᠠᠭ ᠡᠵᠢ ᠮᠢᠨᠢ | ᠦᠷᠦᠭᠡᠯ ᠤᠨ ᠬᠦᠮᠦᠰ ᠠᠴᠠ ᠪᠢ | ᠪᠠᠶᠠᠨ ᠲᠠᠩᠰᠤᠭ ᠢ ᠨᠢ ᠠᠳᠠᠭᠠᠷᠬᠠᠳᠠᠭ ᠦᠭᠡᠢ | ᠦᠯ ᠪᠣᠭᠤᠷᠣᠯ ᠡᠵᠢ ᠲᠠᠢ ᠪᠠᠨ | ᠵᠣᠭᠤᠭᠳᠠᠨ ᠰᠠᠭᠤᠬᠤ ᠶᠢ ᠨᠢ ᠪᠠᠭ᠋ᠠᠷᠬᠠᠳᠠᠭ ᠡ | ᠬᠠᠵᠠᠭᠤᠳᠠᠭᠢ ᠣᠯᠣᠰ ᠠᠴᠠ ᠪᠢ | ᠭᠠᠩᠭᠠᠩ ᠶᠠᠪᠣᠬᠤ ᠶᠢ ᠨᠢ ᠭᠠᠶᠢᠬᠠᠳᠠᠭ ᠦᠭᠡᠢ | ᠬᠠᠶᠢᠷᠠᠳᠠᠢ ᠰᠠᠮᠠᠭᠠᠨ ᠡᠵᠢ ᠪᠠᠨ | ᠠᠴᠢᠯᠠᠨ ᠬᠦᠨᠳᠦᠯᠡᠬᠦ ᠶᠢ ᠨᠢ ᠱᠠᠭᠰᠢᠳᠠᠭ ᠡ︕ | ᠦᠷᠡ ᠪᠠᠨ ᠡᠩᠰᠡᠷᠡᠳᠡᠯᠡ ᠪᠣᠳᠣᠬᠤ ᠳᠤ ᠪᠠᠨ | ᠲᠠᠨ ᠳᠠᠭᠠᠨ ᠡᠷᠬᠡᠯᠡᠭᠰᠡᠨ ᠢᠶᠠᠨ ᠰᠠᠨᠠᠳᠠᠭ ᠡ ᠡᠵᠢ ᠮᠢᠨᠢ | ᠦᠷᠭᠡᠨ ᠡᠨᠡ ᠣᠷᠴᠢᠯᠠᠩ ᠳᠤ | ᠡᠵᠢ ᠶᠢᠨ ᠬᠠᠶᠢᠷᠠ ᠠᠭᠤᠣ ᠶᠢ ᠢᠳᠡᠭᠡᠳᠡᠭ ᠡ | ᠬᠤᠨᠢ ᠪᠠᠨ ᠬᠠᠷᠢᠭᠤᠯᠵᠣ ᠶᠠᠪᠣᠬᠤ ᠳᠤ ᠪᠠᠨ | ᠲᠠᠨ ᠢ ᠪᠠᠨ ᠮᠦᠷᠦᠭᠡᠳᠦᠨ ᠠᠶᠠᠯᠠᠭᠤᠯᠳᠠᠭ ᠡ ᠡᠵᠢ ᠮᠢᠨᠢ | ᠬᠡᠴᠢᠨᠡᠨ ᠲᠠᠭᠤᠣ ᠶᠢᠨ ᠲᠣᠳᠣᠷᠠ ᠠᠴᠠ | ︽ᠲᠡᠭᠷᠢ ᠡᠵᠢ ᠮᠢᠨᠢ ᠦᠷᠦᠰᠢᠶᠡ︾ ᠯᠡ ᠰᠠᠶᠢᠬᠠᠨ ᠡ | | ᠬᠠᠷᠢᠯᠴᠠᠬᠤ ᠬᠠᠶ᠋ᠢᠭ᠄ ᠣᠯᠠᠭᠠᠨᠬᠠᠳᠠ ᠬᠤᠳᠠ᠂ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤ᠂ | ᠴᠠᠭᠠᠨᠮᠦ᠋ᠷᠡᠨ ᠪᠠᠯᠭᠠᠰᠣ ᠶᠢᠨ ᠰᠢᠪᠠᠷᠳᠠᠢ ᠭᠠᠴᠠᠭᠠ | | ᠬᠠᠷᠢᠯᠴᠠᠬᠤ ᠣᠳᠠᠰᠣ᠄ 15104800315 | | |