| ᠲᠦᠷᠪᠡᠳᠦᠭᠡᠷ ᠪᠦᠯᠦᠭ | ᠬᠠᠭᠤᠷᠮᠠᠴᠢ ᠨᠤᠮᠯᠠᠯ ᠰᠢᠭ᠋ ᠲᠠᠭᠤᠯᠠᠬᠰᠠᠳ ᠤᠨ ᠲᠡᠤᠭᠡᠨ ᠲᠤᠮᠳᠠ ᠲᠤᠭᠤᠢ ᠤᠳᠠᠭᠠᠨ ᠭᠡᠪᠳᠡᠯᠡ ᠪᠢ | ᠬᠠᠭᠤᠴᠢᠷᠠᠬᠰᠠᠨ ᠨᠡᠭᠡᠢ ᠰᠢᠭ ᠪᠠᠯᠠᠷᠯᠢᠭ ᠵᠡᠭᠦᠳᠦᠨ ᠠᠴᠠ ᠪᠠᠨ ᠤᠳᠤ ᠯᠡ ᠨᠢᠭᠡ ᠰᠡᠷᠡᠮᠡᠷ | ᠬᠤᠯᠤ ᠲᠠᠢ ᠠᠶᠢᠷᠠᠭ ᠮᠡᠳᠦ ᠴᠠᠯᠬᠢᠯᠠᠨ ᠠᠰᠬᠠᠷᠠᠬᠤ ᠪᠠᠶᠠᠷ ᠭᠤᠨᠢᠭ ᠶᠤᠭᠠᠨ ᠬᠡᠮᠨᠡᠭᠡᠳ | ᠬᠤᠷᠢᠵᠤ ᠠᠮᠵᠢᠭᠠ ᠦᠬᠡᠢ ᠰᠢᠯᠦᠭ ᠤᠨ ᠮᠦᠷᠳᠦ ᠳᠤ ᠭᠦᠷᠦᠩᠬᠡ ᠪᠤᠯᠭᠠᠨ ᠰᠢᠩᠭᠡᠭᠡᠨᠡᠮ | ᠰᠦᠨᠢᠵᠢᠨ ᠭᠠᠯᠵᠠᠭᠤᠷᠠᠬᠰᠠᠨ ᠴᠠᠰᠦ ᠰᠢᠭᠤᠷᠭᠠ ᠠᠷᠠᠢ ᠨᠠᠮᠳᠠᠬᠤ ᠪᠤᠯᠤᠭᠠ ᠦᠬᠡᠢ ᠶᠤᠮ ᠦᠦ | ᠰᠦᠷᠦᠭ ᠲᠤ ᠤᠷᠤᠬᠰᠠᠨ ᠴᠢᠨ᠋ᠸᠠ ᠠᠷᠠᠰᠦ ᠪᠠᠷ ᠢᠶᠠᠨ ᠢᠯᠭᠠᠬᠳᠠᠬᠤ ᠦᠬᠡᠢ ᠲᠠᠩᠴᠦ ᠨᠢᠭᠡ ᠲᠦᠭᠡᠷᠢᠯ | | ᠭᠦᠭᠡ ᠴᠡᠩᠭᠡᠷ ᠤᠳᠬᠠᠰ ᠤᠨ ᠴᠡᠴᠡᠭ ᠢᠶᠠᠷ ᠭᠤᠶᠤᠯᠠᠨ | ᠭᠦᠯ ᠨᠢᠴᠦᠬᠦᠨ ᠠᠶᠠᠯᠠᠬᠤ ᠦᠭᠡᠰ ᠤᠨ ᠲᠠᠩᠰᠤᠭ ᠦᠬᠢᠨ | ᠨᠠᠶᠢᠷᠠᠭ ᠤᠨ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | | | | ᠠᠯᠠᠭᠠ ᠪᠠᠬᠢ | | ᠠᠶᠢᠪᠠᠭᠠ ᠭᠤᠤᠯ ᠤᠨ ᠬᠤᠶᠢᠳᠦ ᠭᠦᠪᠡᠭᠡᠨᠡ ᠤᠯᠠᠨ ᠰᠦᠮᠡ ᠶᠢᠨ ᠪᠠᠭᠤᠷᠢ ᠳᠤ | ᠤᠳᠤᠳᠦ ᠲᠡᠭᠷᠢ ᠶᠢ ᠭᠡᠭᠡᠷᠡᠬᠦᠯᠵᠦ ᠲᠦᠷᠦ ᠶᠢᠨ ᠦᠬᠢᠨ ᠨᠤᠶᠢᠷᠰᠤᠨᠠᠮ | ᠤᠯᠤᠰ ᠲᠦᠷᠦ ᠶᠢᠨ ᠵᠤᠷᠢᠯᠭᠠ ᠪᠠᠷ ᠵᠤᠤ ᠸᠠᠩ ᠳᠤ ᠭᠤᠷᠪᠠᠨᠳᠠ ᠮᠤᠷᠳᠠᠵᠤ | ᠤᠷᠪᠠᠭᠠᠨ ᠭᠦᠷᠪᠡᠭᠡᠨ ᠶᠡᠭᠡᠳᠡᠢ ᠤᠩᠭᠤᠳ ᠠᠶᠢᠮᠠᠭ ᠢ ᠵᠠᠬᠢᠷᠪᠠᠢ | ᠠᠪᠢᠶᠠᠰ ᠪᠢᠯᠢᠭ ᠠᠷᠭᠠ ᠤᠬᠠᠭᠠᠨ ᠢᠶᠠᠷ ᠡᠴᠢᠬᠡ ᠶᠢᠨ ᠦᠢᠯᠡᠰ ᠲᠤᠷ ᠲᠤᠰᠠᠯᠠᠵᠤ | ᠠᠷᠢᠭᠤᠨ ᠪᠡᠶᠡ ᠠᠯᠳᠠᠨ ᠴᠢᠨᠳᠠᠷ ᠢᠶᠠᠨ ᠤᠩᠭᠤᠳ ᠤᠨ ᠨᠤᠳᠤᠭ ᠲᠤ ᠰᠢᠩᠭᠡᠭᠡᠪᠡᠢ | ᠪᠦᠭᠡᠵᠢ ᠲᠠᠢ ᠬᠤᠷᠤᠭᠤᠨ ᠤ ᠲᠤᠮᠳᠠ ᠲᠦᠷᠦ ᠶᠢᠨ ᠲᠠᠮᠠᠭᠠ ᠪᠦᠮᠪᠦᠷᠢᠵᠦ | ᠪᠤᠬᠳᠤᠭᠠ ᠮᠠᠯᠠᠭᠠᠢ ᠶᠢᠨ ᠢᠶᠠᠨ ᠳᠣᠣᠷᠠ ᠬᠠᠮᠤᠭ ᠮᠤᠩᠭᠤᠯ ᠢ ᠪᠠᠭᠳᠠᠭᠠᠬᠰᠠᠨ | ᠠᠯᠠᠭᠠ ᠪᠠᠬᠢ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | | ᠵᠡᠭᠦᠯᠳᠡ᠄ ᠠᠯᠠᠭᠠ ᠪᠠᠬᠢ ︵ᠪᠠᠰᠠ ᠠᠯᠠᠬᠠᠢ ᠪᠤᠶᠤ ᠠᠯᠠᠩᠭᠤᠸᠠ ᠭᠡᠳᠡᠭ᠃ 1191—︖ ᠤᠨ︶ ᠪᠤᠯ | ᠴᠢᠩᠬᠢᠰ ᠬᠠᠭᠠᠨ ᠪᠤᠯᠤᠨ ᠪᠦᠷᠳᠠ ᠬᠠᠳᠤᠨ ᠠᠴᠠ ᠭᠠᠷᠤᠬᠰᠠᠨ ᠭᠤᠷᠪᠠᠳᠤᠭᠠᠷ ᠦᠬᠢᠨ᠃ ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ | ᠠᠴᠠ ᠪᠠᠨ ᠡᠴᠢᠬᠡ ᠬᠠᠭᠠᠨ ᠤ ᠪᠠᠨ ᠰᠤᠷᠭᠠᠯ ᠢᠶᠠᠷ ᠬᠠᠷᠪᠤᠬᠤ ᠨᠠᠮᠨᠠᠬᠤ ᠳᠤ ᠪᠤᠯᠪᠠᠰᠤᠷᠠᠨ ᠴᠡᠷᠢᠭ ᠲᠠᠶᠢᠨ ᠤ | ᠬᠠᠳᠠᠭᠤ ᠰᠤᠷᠭᠠᠭᠤᠯᠢᠯ ᠳᠤ ᠴᠠᠭᠠᠷᠠᠬᠰᠠᠨ ᠪᠦᠭᠡᠳ ᠲᠦᠷᠦᠯᠬᠢ ᠤᠬᠠᠭᠠᠨ ᠪᠢᠯᠢᠭ ᠴᠤᠭᠤᠷᠬᠠᠢ᠂ ᠠᠭᠤᠳᠠᠮ | ᠪᠤᠳᠤᠯᠭᠠ ᠦᠷᠭᠡᠨ ᠪᠠᠭᠳᠠᠭᠠᠮᠵᠢ ᠲᠠᠢ᠂ ᠤᠯᠤᠰ ᠲᠦᠷᠦ ᠶᠢᠨ ᠬᠤᠯᠠ ᠬᠠᠷᠠᠴᠠ ᠲᠠᠢ ᠡᠮᠡᠭᠳᠡᠢ ᠶᠤᠮ᠃ ᠠᠯᠠᠭᠠ | ᠪᠠᠬᠢ 1207 ᠤᠨ ᠳᠤ ᠤᠩᠭᠤᠳ ᠤᠨ ᠠᠬᠠᠯᠠᠬᠴᠢ ᠠᠯᠬᠤᠰᠢ ᠲᠢᠬᠢᠳ ᠬᠤᠷᠢ ᠳᠤ ᠮᠤᠷᠳᠠᠵᠤ 1211 ᠤᠨ ᠳᠤ | ᠤᠩᠭᠤᠳ ᠤᠨ ᠲᠤᠳᠤᠭᠠᠳᠦ ᠳᠤ ᠲᠦᠷᠦ ᠶᠢᠨ ᠬᠤᠪᠢᠰᠤᠯ ᠭᠠᠷᠴᠦ ᠡᠰᠡᠷᠭᠦᠦ ᠡᠳᠡᠭᠡᠳ ᠨᠢ ᠠᠯᠬᠤᠰᠢ ᠪᠤᠶᠠᠨᠰᠢᠪᠠᠯ | ᠡᠴᠢᠬᠡ ᠭᠦᠪᠡᠬᠦᠨ ᠢ ᠠᠯᠠᠬᠰᠠᠨ ᠠᠴᠠ ᠬᠤᠶᠢᠰᠢ ᠠᠯᠠᠭᠠ ᠪᠠᠬᠢ ᠬᠤᠵᠢᠮ ᠨᠢ ᠠᠯᠬᠤᠰᠢ ᠶᠢᠨ ᠠᠬᠠ ᠠᠶᠢᠰᠤᠢ ᠶᠢᠨ | ᠭᠦᠪᠡᠬᠦᠨ ᠵᠢᠨᠬᠦᠢ ᠳᠤ ᠮᠤᠷᠳᠠᠪᠠ᠃ ᠵᠢᠨᠬᠦᠢ ᠲᠠᠶᠢᠨ ᠳᠤ ᠪᠡᠶᠡ ᠦᠷᠡᠭᠳᠡᠭᠰᠡᠨ ᠤ ᠲᠠᠷᠠᠭᠠ ᠠᠯᠠᠭᠠ ᠪᠠᠬᠢ ᠪᠤᠶᠠᠨᠰᠢᠪᠠᠯ | ᠤᠨ ᠭᠦᠪᠡᠬᠦᠨ 1219 ᠤᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠶᠡᠭᠡ ᠴᠡᠷᠢᠭ ᠲᠠᠶᠢᠴᠢᠯᠠᠨ ᠪᠠᠷᠠᠭᠤᠨᠰᠢ ᠰᠠᠷᠳᠠᠭᠤᠯ ᠤᠯᠤᠰ ᠢ | ᠲᠠᠶᠢᠯᠠᠬᠤ ᠪᠠᠷ ᠮᠤᠷᠳᠠᠬᠤ ᠳᠠᠭᠠᠨ ᠠᠯᠠᠭᠠ ᠪᠠᠬᠢ ᠪᠠᠷ ᠭᠤᠪᠢ ᠶᠢᠨ ᠡᠮᠦᠨᠡᠳᠦ ᠳᠠᠬᠢ ᠲᠦᠷᠦ ᠶᠢᠨ ᠭᠡᠷᠡᠭ ᠢ | ᠵᠠᠬᠢᠷᠤᠭᠤᠯᠤᠬᠰᠠᠨ ᠠᠴᠠ ︽ᠲᠦᠷᠦ ᠵᠠᠬᠢᠷᠤᠬᠴᠢ ᠭᠦᠩᠵᠦ︾ ᠬᠡᠮᠡᠨ ᠠᠯᠳᠠᠷᠰᠢᠵᠠᠢ᠃ | | | | |