| ᠴᠠᠭᠠᠨ ᠮᠦᠷᠠᠨ ᠮᠢᠨᠢ | ᠪᠦᠭᠡᠴᠤᠳ · ᠤᠶᠤᠨᠪᠠᠳᠤ | ᠭᠠᠵᠡᠷ ᠨᠤᠳᠤᠭ ᠤᠨ ᠠᠮᠢᠨ ᠴᠠᠭᠠᠨ ᠰᠤᠳᠠᠰᠤ | ᠭᠠᠯᠪᠠ ᠡᠷᠳᠠᠨ ᠳᠠᠬᠢ ︽ᠬᠠᠷᠠ ᠤᠰᠤᠨ︾ ᠠᠯᠳᠠᠷᠰᠢᠯ | ᠡᠰ ᠪᠦᠬᠦᠨ ᠳᠤ ᠮᠢᠨᠢ ᠲᠦᠷᠠᠯᠵᠡᠭᠰᠡᠨ | ᠡᠵᠢ ᠶᠢᠨ ᠰᠦ ᠶᠢᠨ ᠠᠮᠳᠠᠷᠬᠠᠯ | ᠡᠨᠡᠷᠢᠯ ᠬᠠᠶᠢᠷᠠ ᠶᠢᠨ ᠶᠡᠭᠡ ᠤᠰᠤᠨ ᠁ | ᠡᠷᠳᠠ ᠶᠢᠨ ᠪᠤᠭᠤᠷᠤᠯ ᠲᠠᠤᠭᠡ ᠰᠢᠭ ᠪᠤᠷᠤᠬᠠᠨ ᠬᠦᠳᠡᠭᠡ ᠳᠡᠭᠡᠨ | ᠡᠷᠬᠢ ᠪᠠᠨ ᠢᠯᠪᠢᠨ ᠲᠠᠳᠠᠷᠠᠳᠠᠭ | ᠨᠠᠷᠠᠨ ᠰᠠᠷᠠᠨ ᠤ ᠢᠯᠴᠢ ᠭᠡᠷᠡᠯ ᠰᠢᠩᠭᠡᠭᠡᠵᠤ | ᠨᠠᠮᠠ ᠶᠢ ᠪᠤᠶᠢᠵᠢᠭᠤᠯᠤᠭᠰᠠᠨ ᠰᠢᠮᠠᠳᠤ ᠤᠭᠤᠷᠠᠭ ᠤᠰᠤᠨ | ᠡᠷᠬᠢᠨ ᠤ ᠪᠦᠭᠡᠷᠡᠩᠭᠡᠢ ᠴᠢᠯᠠᠭᠤᠳ ᠢᠶᠠᠨ | ᠡᠩᠬᠦᠷᠡᠶᠢᠯᠠᠨ ᠢᠯᠪᠢᠵᠤ ᠮᠠᠯᠮᠠᠷᠠᠬᠦ ᠳᠡᠭᠡᠨ | ᠡᠯᠪᠡᠭ ᠬᠠᠶᠢᠷᠠ ᠨᠢ ᠵᠢᠷᠤᠭᠡᠨ ᠵᠦᠭ ᠠᠰᠬᠠᠷᠠᠳᠠᠭ | ᠡᠵᠢ ᠤᠰᠤᠨ — ᠴᠠᠭᠠᠨ ᠮᠦᠷᠠᠨ ᠮᠢᠨᠢ | ᠵᠡᠬᠦᠳᠤᠨ ᠳᠤ ᠵᠦᠡᠭᠳᠡᠭᠡᠨ ᠲᠠᠯᠭᠡᠭᠳᠡᠬᠦ ᠴᠡᠩᠭᠡᠷ ᠬᠠᠳᠠᠭ | ᠵᠦᠡᠭ ᠪᠢᠯᠢᠭᠳᠦ ᠭᠡᠭᠡᠨ ᠰᠤᠪᠢᠡᠭ ᠤᠨ ᠲᠠᠷᠬᠠᠨ ᠬᠠᠶᠢᠷᠠᠯᠠᠯ | ᠲᠠᠷᠠ ᠬᠤᠯᠠ ᠶᠢᠨ ᠠᠯᠢᠶᠠ ᠴᠠᠭᠠᠨ ᠬᠠᠳᠤᠨ ᠱᠤᠤᠬᠢᠯ | ᠲᠡᠭᠷᠢ ᠶᠢᠨ ᠵᠠᠭᠠᠳᠠᠰᠤ ᠰᠢᠭ᠋ ᠵᠦᠷᠢᠭ ᠡᠮᠵᠢᠶᠠᠷᠢ ᠲᠠᠢ ᠪᠤᠯᠤᠷ ᠤᠷᠤᠰᠬᠠᠯ | ᠪᠠᠭᠠᠷᠢᠨ ᠬᠠᠨ ᠤ ᠪᠠᠷᠠᠭᠤᠨ ᠰᠤᠭᠤ ᠳᠠᠬᠢ ᠨᠤᠶᠠᠨ ᠤᠨᠳᠤᠷᠠᠯ | ᠪᠠᠶᠠᠨ ᠬᠤᠰᠢᠭᠤ ᠶᠢᠨ ᠡᠩᠭᠡᠷ ᠲᠤ ᠴᠠᠶᠢᠯᠵᠠᠬᠤ ᠴᠠᠭᠡᠨ ᠲᠤᠯᠬᠢᠶᠠ | ᠪᠠᠯᠠᠷ ᠬᠠᠶᠢᠯᠠᠰᠤᠨ ᠤ ᠦᠨᠳᠤᠰᠤᠨ ᠳᠤ ᠨᠡᠪᠴᠢᠭᠰᠡᠨ ᠲᠤᠮᠤᠭᠳᠤ ᠷᠠᠰᠢᠶᠠᠨ | ᠪᠠᠶᠠᠷ ᠭᠤᠨᠢᠭ ᠢᠶᠠᠨ ᠬᠡᠪᠡᠯᠢ ᠳᠡᠭᠡᠨ ᠲᠡᠭᠡᠭᠡᠭᠰᠡᠨ ᠲᠤᠭᠰᠢᠨ ᠴᠠᠯᠬᠢᠯᠠᠯ | ᠡᠷᠭᠡᠰ ᠴᠠᠭᠠᠨ ᠨᠠᠷᠠᠨ ᠢ ᠬᠦᠯᠬᠦᠭᠰᠡᠨ ᠲᠦᠯᠬᠡᠨ ᠮᠦᠷᠠᠨ ᠮᠢᠨᠢ | ᠡᠯᠤᠨᠴᠠ ᠶᠢᠨ ᠴᠢᠰᠤ ᠶᠢ ᠰᠠᠯᠬᠦᠵᠤ ᠬᠠᠯᠬᠢᠬᠰᠠᠨ ᠠᠮᠠᠷᠠᠭ ᠬᠠᠶᠢᠯᠤᠯ ᠮᠢᠨᠢ ᠁ | ᠢᠷᠭᠤᠢ ᠨᠢᠳᠤᠯᠠᠬᠦ ᠴᠠᠭ ᠢᠶᠠᠷ ᠨᠠᠬᠦᠳᠠᠯ ᠤᠨ ᠬᠤᠨ ᠲᠠᠪᠳᠠᠷᠢᠬᠦ ᠳᠤ | ᠠᠩᠬᠢᠷ ᠪᠦᠪᠠᠶᠢᠭᠡᠨ ᠠᠶᠠᠯᠭᠤ ᠲᠠᠢ ᠠᠯᠳᠠᠷᠠᠢ ᠮᠢᠨᠢ | ᠨᠦᠮᠤᠷᠢ ᠵᠦᠭᠡᠯᠡᠨ ᠡᠯᠡᠰᠤᠨ ᠲᠠᠩ ᠰᠢᠷᠭᠠᠯ | ᠨᠦᠮᠵᠦᠭ ᠤᠶᠠᠷᠠᠭᠤᠨ ᠤᠷᠳᠤ ᠶᠢᠨ ᠲᠠᠭᠤᠨ ᠤ ᠨᠤᠭᠤᠯᠠᠭᠠ | ᠪᠤᠭᠤᠷᠤᠯ ᠡᠪᠤᠭᠡᠳ ᠤᠨ ᠮᠢᠨᠢ ᠵᠢᠰᠤ ᠪᠠᠨ ᠲᠤᠯᠢᠳᠤᠨ ᠠᠮᠠᠷᠠᠭᠰᠠᠨ | ᠪᠤᠷᠬᠠᠨ ᠬᠠᠶᠢᠷᠠ ᠶᠢᠨ ᠶᠡᠭᠡ ᠤᠰᠤᠨ ᠠᠶᠠᠯᠠᠯ — ᠴᠠᠭᠠᠨ ᠮᠦᠷᠠᠨ ᠮᠢᠨᠢ | ᠨᠤᠳᠤᠭ ᠨᠠᠷᠠᠨ ᠢ ᠰᠢᠵᠢᠮᠯᠡᠭᠰᠡᠨ ᠭᠡᠭᠡᠨ ᠴᠠᠶᠢᠯᠵᠠᠯ | ᠨᠠᠶᠢᠷᠠᠭ ᠰᠢᠯᠦᠭ ᠲᠡᠭᠡᠵᠢᠯᠡᠭᠰᠡᠨ ᠤᠡᠭᠭᠤᠨ ᠰᠠᠷᠵᠢᠮᠯᠠᠯ | ᠠᠪᠤ ᠶᠢᠨ ᠰᠤᠨᠤᠷ ᠲᠤ ᠡᠭᠡᠰᠢᠭᠯᠡᠬᠦ ᠠᠳᠤᠭᠤᠳ ᠤᠨ ᠦᠤᠷᠰᠠᠯ | ᠠᠯᠳᠠᠨ ᠰᠢᠷᠤᠶᠢᠳᠤ ᠨᠤᠳᠤᠭ ᠤᠨ ᠮᠢᠨᠢ ᠤᠶᠡᠩᠭᠠᠨ ᠲᠠᠭᠤᠯᠠᠯ | ᠪᠢ — | ᠲᠠᠨᠵᠢᠨ ᠳᠤ ᠴᠢᠨᠢ ᠬᠦᠢ ᠪᠠᠨ ᠪᠤᠯᠠᠭᠰᠠᠨ ᠵᠢᠭᠠᠬᠠᠨ ᠰᠦᠶᠠ ᠪᠠᠶᠢᠬᠠ | ᠲᠠᠯᠭᠡᠷ ᠰᠢᠮᠠ ᠶᠢ ᠴᠢᠨᠢ ᠬᠦᠬᠦᠵᠤ ᠤᠯᠠᠷᠢᠯ ᠨᠦᠭᠴᠢᠭᠡᠵᠤ ᠪᠠᠶᠢᠭᠠ ᠳᠠᠭᠠᠨ | ᠲᠡᠭᠷᠢ ᠵᠠᠶᠠᠭᠠᠳᠤ ᠮᠤᠩᠭᠤᠯ ᠤᠨ ᠲᠠᠯᠠ ᠳᠠᠭᠠᠨ ᠬᠠᠨᠭ᠍ᠭᠠᠯ ᠲᠠᠪᠠᠯᠭᠠᠯᠠᠬᠤ | ᠲᠡᠭᠷᠢᠯᠢᠭ ᠤᠰᠤᠨ ᠲᠠᠨ ᠳᠠᠭᠠᠨ ᠰᠦᠬᠦᠷᠠᠨ ᠰᠦᠬᠦᠳᠤᠶᠠ︕ | ᠴᠠᠭᠠᠨ ᠮᠦᠷᠠᠨ ᠮᠢᠨᠢ | ᠪᠢ — | ᠡᠷᠬᠢᠨ ᠳᠤ ᠴᠢᠨᠢ ᠤᠷᠭᠤᠭᠰᠠᠨ ᠡᠷᠪᠡᠭᠡᠷ ᠵᠢᠵᠢᠭᠭᠡᠨ ᠴᠢᠯᠠᠭᠤ ᠪᠠᠶᠢᠬᠠ | ᠡᠵᠢ ᠶᠢᠨ ᠢᠯᠪᠢᠯᠳᠠ ᠰᠢᠭ ᠵᠦᠭᠡᠯᠡᠨ ᠲᠠᠭᠠᠯᠠᠯ ᠳᠤ ᠴᠢᠨᠢ ᠨᠠᠮᠬᠠᠨ ᠵᠢᠷᠭᠠᠬᠤ ᠳᠠᠭᠠᠨ | ᠡᠷᠬᠢᠮ ᠢᠵᠠᠭᠤᠷᠳᠤ ᠮᠤᠷᠢᠳᠠᠨ ᠬᠦᠳᠡᠭᠡ ᠳᠡᠭᠡᠨ ᠭᠠᠨᠭ᠍ᠭᠠᠡᠭ ᠲᠤᠷᠮᠤᠯᠵᠠᠬᠤ | ᠡᠴᠢᠭᠡ ᠭᠤᠯᠤᠮᠳᠠ ᠨᠤᠶᠠᠨ ᠮᠠᠯᠮᠠᠢ ᠳᠤ ᠴᠢᠨᠢ ᠬᠠᠶᠢᠷᠠ ᠪᠠᠨ ᠮᠠᠨᠠᠶᠠ︕ | ᠴᠠᠭᠠᠨ ᠮᠦᠷᠠᠨ ᠮᠢᠨᠢ ᠁ | ᠵᠤᠬᠢᠶᠠᠭᠴᠢ ᠶᠢᠨ ᠨᠤᠳᠤᠭ᠄ ᠮᠤᠳᠤᠨ ᠲᠤᠮᠳᠠ ᠭᠠᠴᠠᠭᠠ | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠭᠠᠵᠡᠷ᠄ ᠰᠢ ᠠᠨ ᠬᠤᠳᠠ | | |