| ᠭᠤᠷᠪᠠᠳᠤᠭᠠᠷ ᠪᠦᠯᠦᠭ | ᠬᠠᠳᠤᠨ ᠰᠦᠨᠡᠰᠦ ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ︵ | ᠲᠡᠷᠢᠭᠦᠨ ︶ | ᠫ ᠤᠶᠤᠨᠪᠢᠯᠢᠭ᠌ | ᠭᠠᠯᠠᠢᠬᠠᠨ ᠬᠠᠳᠤᠨ | | | ᠲᠠᠶᠢᠷ ᠡᠭᠡ ᠡᠳᠦᠬᠡᠨ ᠢ ᠲᠠᠩᠬᠢᠯᠠᠰᠤᠨ ᠤ ᠲᠡᠳᠦᠢ ᠪᠦᠬᠦᠢ ᠠᠴᠠ | ᠲᠠᠯᠠᠢ ᠶᠡᠭᠡ ᠮᠦᠷᠡᠨ ᠢ ᠭᠤᠷᠤᠬᠠᠨ ᠤ ᠲᠡᠳᠦᠢ ᠪᠦᠬᠦᠢ ᠠᠴᠠ | ᠲᠡᠭᠡᠷᠡ ᠮᠦᠩᠭᠡ ᠲᠡᠭᠷᠢ ᠶᠢᠨ ᠨᠠᠷᠠᠨ ᠰᠠᠷᠠᠨ ᠠᠴᠠ ᠪᠦᠳᠦᠭᠰᠡᠨ | ᠲᠤᠤᠷᠠ ᠭᠦᠷᠦᠰᠦᠳᠦ ᠭᠠᠵᠠᠷ ᠤᠨ ᠨᠠᠪᠴᠢ ᠴᠡᠴᠡᠭ ᠠᠴᠠ ᠠᠮᠢᠯᠠᠬᠰᠠᠨ | ᠭᠠᠵᠠᠷ ᠲᠡᠭᠷᠢ ᠶᠢ ᠵᠠᠭᠤᠴᠢᠯᠠᠨ ᠠᠵᠠᠷ ᠪᠤᠵᠠᠷ ᠢ ᠠᠷᠢᠭᠤᠳᠬᠠᠬᠴᠢ | ᠭᠤᠸᠠ ᠲᠡᠭᠦᠰ ᠬᠠᠳᠤᠨ ᠤᠳᠤ ᠦᠬᠢᠨ ᠲᠡᠭᠷᠢ ᠶᠢᠨ ᠬᠤᠪᠢᠯᠭᠠᠨ | ᠭᠡᠷᠡᠯᠳᠦᠬᠦ ᠪᠠᠷ ᠮᠠᠨᠢ ᠦᠢᠯᠡ ᠪᠠᠷᠢᠮᠠ ᠭᠡᠭᠡᠭᠡᠨ | ᠭᠡᠶᠢᠬᠦ ᠪᠠᠷ ᠮᠠᠨᠢ ᠠᠳᠤᠭᠤ ᠮᠠᠨᠠᠮᠠ ᠲᠡᠯᠭᠡᠷᠡᠩᠬᠦᠢ | ᠭᠠᠯᠠᠶᠢᠬᠠᠨ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | | | ᠰᠤᠴᠢᠬᠡᠯ ᠬᠠᠳᠤᠨ | ᠶᠡᠭᠡᠰ ᠪᠠᠭᠠᠳᠤᠷ ᠤᠨ ᠪᠠᠭᠠ ᠬᠠᠳᠤᠨ ᠤ ᠵᠠᠶᠠᠭᠠᠳᠠᠢ ᠲᠦᠷᠦᠭᠰᠡᠨ ᠪᠦᠰᠡᠭᠦᠢ ᠪᠦᠯᠢᠶᠡᠨ ᠵᠠᠶᠠᠭᠠ ᠮᠢᠨᠢ | ᠶᠢᠰᠦ ᠶᠢᠰᠦ ᠶᠢᠨ ᠦᠷᠬᠦᠯᠵᠢᠯᠡᠯ ᠪᠤᠯᠵᠤ ᠶᠢᠰᠦᠬᠡᠢ ᠶᠢᠨ ᠭᠦᠪᠡᠭᠦᠳ ᠢ ᠲᠦᠷᠦᠭᠦᠯᠦᠭᠰᠡᠨ ᠤᠴᠢᠷᠳᠠᠢ | ᠠᠯᠢ ᠭᠠᠯᠪᠠ ᠶᠢᠨ ᠲᠡᠭᠦᠯᠳᠡᠷ ᠭᠦᠴᠦᠨ ᠢᠶᠠᠷ ᠠᠯᠠᠭ ᠦᠷᠡ ᠪᠡᠭᠳᠡᠷ ᠤᠨ ᠠᠮᠢᠨ ᠢ ᠬᠤᠬᠢᠷᠠᠭᠤᠯᠵᠤ | ᠠᠮᠢᠳᠤᠷᠠᠯ ᠭᠡᠳᠡᠭ ᠴᠠᠭᠠᠵᠠ ᠶᠢᠨ ᠲᠠᠪᠴᠠᠩ ᠳᠤ ᠢᠨᠠᠭ ᠭᠦᠪᠡᠭᠦᠨ ᠪᠡᠯᠭᠦᠳᠡᠢ ᠠᠴᠠ ᠬᠠᠭᠠᠴᠠᠯᠤᠭᠠ | ᠠᠯᠳᠠᠨ ᠲᠡᠯᠡᠬᠡᠢ ᠭᠡᠳᠡᠭ ᠡᠮᠡᠭᠳᠡᠢ ᠬᠦᠮᠦᠨ ᠤ ᠵᠤᠪᠠᠯᠠᠩ ᠢᠶᠠᠷ ᠴᠠᠳᠴᠦ ᠪᠤᠯᠳᠠᠭ ᠦᠬᠡᠢ ᠶᠤᠮ ᠦᠦ | ᠠᠮᠢᠳᠤᠷᠠᠵᠤ ᠠᠮᠵᠢᠬᠤ ᠠᠴᠠ ᠡᠮᠦᠨᠡ ᠠᠵᠠ ᠵᠢᠷᠭᠠᠯ ᠢ ᠮᠢᠨᠢ ᠪᠤᠯᠢᠶᠠᠭᠠᠳ ᠠᠪᠠᠴᠢᠬᠤ ᠨᠢ ᠶᠠᠭᠤᠨ | ᠠᠨᠢᠷ ᠦᠬᠡᠢ ᠬᠠᠷᠠᠩᠭᠤᠢ ᠲᠤᠮᠳᠠ ᠭᠡᠷᠡᠯᠦᠨ ᠤ ᠰᠢᠭᠤᠢ ᠶᠢᠨ ᠨᠠᠪᠴᠢᠰ ᠢ ᠲᠤᠭᠠᠯᠠᠨ ᠭᠡᠶᠦᠷᠡᠭᠰᠡᠭᠡᠷ | ᠠᠯᠳᠠᠷᠠᠵᠤ ᠵᠢᠯᠢᠢᠭᠰᠡᠨ ᠤᠢ ᠰᠠᠨᠠᠮᠵᠢ ᠶᠢᠨ ᠤᠷᠤᠮ ᠢᠶᠠᠷ ᠠᠶᠢᠰᠤᠢ ᠰᠤᠯᠢᠷ ᠰᠢᠭ᠋ ᠭᠡᠷᠡᠯᠳᠦᠨᠡᠮ ᠪᠢ | ᠰᠤᠴᠢᠬᠡᠯ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | ᠵᠡᠭᠦᠯᠳᠡ᠄ ᠰᠤᠴᠢᠬᠡᠯ ᠬᠠᠳᠤᠨ ᠪᠤᠯ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠤᠨ ᠪᠠᠭᠠ ᠬᠠᠳᠤᠨ ᠶᠤᠮ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠪᠤᠯᠤᠨ | ᠰᠤᠴᠢᠬᠡᠯ ᠬᠠᠳᠤᠨ ᠠᠴᠠ ᠪᠡᠭᠳᠡᠷ᠂ ᠪᠡᠯᠭᠦᠳᠡᠢ ᠬᠡᠮᠡᠬᠦ ᠬᠤᠶᠠᠷ ᠭᠦᠪᠡᠭᠦᠨ ᠢ ᠲᠦᠷᠦᠭᠦᠯᠵᠡᠢ᠃ | | |