| ᠬᠤᠯᠠᠨ ᠬᠠᠳᠤᠨ | ᠭᠦᠴᠦᠷᠭᠡᠭ ᠠᠶᠢᠮᠠᠭ ᠭᠤᠷᠪᠠᠨ ᠮᠡᠷᠬᠢᠳ ᠤᠨ ᠲᠠᠶᠢᠷ ᠤᠰᠤᠨ ᠤ ᠭᠦᠩᠵᠦ | ᠭᠦᠭᠦᠭᠡ ᠲᠤᠩᠭᠤᠳᠴᠦ ᠬᠠᠷᠢᠶᠠᠴᠠᠢ ᠪᠦᠵᠢᠬᠦ ᠮᠡᠳᠦ ᠤᠷᠠᠨ ᠠᠭᠠᠳ ᠡᠷᠬᠢᠮᠰᠦᠭ | ᠭᠦᠴᠦᠨ ᠮᠡᠭᠦᠰᠳᠡᠵᠦ ᠤᠰᠠᠳᠬᠤ ᠶᠢᠨ ᠲᠠᠪᠠᠭᠠᠨᠠ ᠪᠡᠯᠡᠭ ᠲᠤ ᠢᠷᠡᠭᠰᠡᠨ ᠲᠠᠬᠢᠨᠢ | ᠪᠢᠳᠡᠬᠦᠦ ᠦᠬᠡ ᠤᠩᠭᠤᠨ ᠪᠡᠶᠡ ᠪᠠᠷ ᠨᠠᠶᠠᠭᠠ ᠶᠢᠨ ᠬᠢᠯᠢᠰ ᠢ ᠴᠠᠭᠠᠳᠬᠠᠵᠤ | ᠪᠢᠯᠢᠭ ᠤᠶᠤᠨ ᠬᠤᠯᠠᠴᠢ ᠤᠬᠠᠭᠠᠨ ᠢᠶᠠᠷ ᠰᠠᠷᠳᠠᠭᠤᠯ ᠢᠷᠭᠡᠨ ᠢ ᠲᠠᠶᠢᠯᠠᠨ | ᠪᠢᠯᠢᠭᠳᠦ ᠭᠦᠷᠦᠭᠡᠰᠦᠨ ᠤ ᠲᠤᠮᠤᠭ ᠢᠶᠠᠷ ᠪᠠᠭᠠᠳᠤᠷ ᠢᠳᠡᠳᠡᠳ ᠢᠶᠠᠨ ᠬᠠᠮᠠᠭᠠᠯᠠᠵᠤᠬᠤᠢ | ᠦᠵᠡᠰᠬᠦᠯᠡᠩ ᠲᠡᠭᠦᠰ ᠪᠡᠶᠡ᠂ ᠤᠬᠠᠭᠠᠨ ᠲᠤᠩᠭᠠᠯᠠᠭ ᠰᠠᠨᠠᠭᠠ | ᠦᠷᠯᠦᠭ ᠬᠠᠭᠠᠨ ᠤ ᠤᠨᠴᠠ ᠬᠠᠶᠢᠷᠠ ᠳᠤ ᠰᠤᠶᠤᠷᠬᠠᠬᠳᠠᠬᠰᠠᠨ | ᠬᠤᠯᠠᠨ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | ᠵᠡᠭᠦᠯᠳᠡ᠄ ᠬᠤᠯᠠᠨ ᠬᠠᠳᠤᠨ ᠪᠤᠯ ᠤᠸᠠᠰ ᠮᠡᠷᠬᠢᠳ ᠤᠨ ᠠᠬᠠᠯᠠᠬᠴᠢ ᠲᠠᠶᠢᠷ ᠤᠰᠤᠨ ᠤ ᠦᠬᠢᠨ᠂ ᠴᠢᠩᠬᠢᠰ ᠬᠠᠭᠠᠨ | ᠤ ᠬᠤᠶᠠᠳᠤᠭᠠᠷ ᠬᠠᠳᠤᠨ᠃ ᠬᠤᠯᠠᠨ ᠬᠠᠳᠤᠨ ᠠᠴᠠ ᠭᠦᠯᠬᠡᠨ ᠭᠡᠳᠡᠭ ᠨᠡᠷᠡ ᠲᠠᠢ ᠬᠠᠨ ᠭᠦᠪᠡᠬᠦᠨ ᠲᠦᠷᠦᠬᠦᠯᠵᠦ᠂ | ᠪᠠᠳᠤ ᠶᠢᠨ ᠲᠠᠶᠢᠴᠢᠯᠠᠬᠰᠠᠨ ︽ᠠᠬᠠᠮᠠᠳ ᠭᠦᠪᠡᠭᠦᠳ ᠤᠨ ᠪᠠᠷᠠᠭᠤᠨᠰᠢ ᠲᠠᠶᠢᠴᠢᠯᠠᠬᠰᠠᠨ ᠲᠠᠶᠢᠨ︾ ᠳᠤ ᠵᠤᠯ ᠪᠤᠰᠦ | ᠪᠠᠷ ᠨᠠᠰᠦ ᠨᠦᠭᠴᠢᠭᠰᠡᠨ ᠪᠢᠯᠡ᠃ ᠬᠤᠯᠠᠨ ᠬᠠᠳᠤᠨ ᠭᠤᠪᠠᠢ ᠭᠡᠭᠡᠨᠴᠢᠷ᠂ ᠰᠡᠴᠡᠨ ᠮᠡᠷᠭᠡᠨ ᠮᠦᠷᠳᠡᠭᠡᠨ ᠡᠷᠡᠰ | ᠰᠢᠭᠤᠷᠬᠠᠢ᠂ ᠴᠢᠩ ᠵᠤᠷᠢᠬᠳᠦ ᠵᠠᠩ ᠴᠢᠨᠠᠷ ᠲᠠᠢ ᠪᠠᠶᠢᠵᠤ᠂ ᠴᠢᠩᠬᠢᠰ ᠬᠠᠭᠠᠨ ᠤ ᠭᠦᠨ ᠢᠳᠡᠭᠡᠯ ᠢ ᠤᠯᠵᠤ ᠤᠯᠠᠨ | ᠤᠳᠠᠭᠠᠨ ᠤ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠡᠵᠡᠨ ᠬᠠᠭᠠᠨ ᠢ ᠲᠠᠭᠠᠵᠤ ᠬᠠᠮᠳᠦ ᠶᠠᠪᠤᠬᠰᠠᠨ ᠶᠤᠮ᠃ ᠬᠤᠯᠠᠨ ᠬᠠᠳᠤᠨ ᠢ | ᠨᠠᠰᠤ ᠪᠠᠷᠠᠬᠰᠠᠨ ᠤ ᠲᠠᠷᠠᠭᠠ ᠲᠡᠭᠦᠨ ᠤ ᠱᠠᠷᠢᠯ ᠢ ᠴᠢᠩᠬᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠤᠷᠳᠦ ᠳᠤ ᠪᠠᠭᠳᠠᠭᠠᠨ | ᠤᠷᠤᠰᠢᠭᠤᠯᠵᠤ᠂ ᠦᠶᠡ ᠤᠯᠠᠷᠢᠨ ᠲᠠᠬᠢᠯᠭᠠ ᠲᠠᠶᠢᠯᠭᠠ ᠭᠢᠭᠰᠡᠭᠡᠷ ᠢᠷᠡᠵᠡᠢ᠃ | | | | ᠶᠢᠰᠦᠢ ᠬᠠᠳᠤᠨ | ᠲᠤᠷᠠᠯᠠᠯ ᠤᠨ ᠠᠯᠳᠠᠨ ᠮᠦᠴᠢᠷ ᠢ ᠲᠤᠷᠠᠳᠠᠢ ᠵᠦᠭ ᠲᠤᠷ ᠰᠤᠩᠭᠠᠨ ᠤᠷᠭᠤᠵᠤ ᠪᠠᠶᠢᠬᠤᠶᠠ | ᠲᠤᠬᠳᠠᠭᠤᠷᠢ ᠠᠯᠳᠠᠬᠰᠠᠨ ᠰᠡᠳᠬᠢᠯ ᠮᠢᠨᠢ ᠲᠡᠪᠡᠯ ᠳᠤ ᠪᠠᠨ ᠪᠠᠭᠲᠠᠵᠤ ᠶᠠᠳᠠᠨ ᠴᠠᠯᠬᠢᠯᠠᠬᠤ ᠮᠡᠳᠦ | ᠲᠦᠷᠢᠮᠡᠬᠡᠢ ᠮᠤᠷᠢᠳ ᠤᠨ ᠤᠮᠤᠬᠯᠠᠩ ᠲᠤᠭᠤᠷᠠᠢ ᠳᠤ ᠬᠤᠪᠢ ᠵᠠᠶᠠᠭᠠᠨ ᠤ ᠤᠯᠠᠷᠢᠯ ᠦᠭᠡᠷᠡᠴᠢᠯᠡᠭᠳᠡᠨ | | ᠲᠠᠭᠠᠷᠠᠬᠰᠠᠨ ᠬᠠᠨᠢ ᠮᠢᠨᠢ ᠦᠨᠢ ᠡᠷᠳᠡᠨ ᠤ ᠴᠢᠯᠦᠬᠡᠳᠦ ᠤᠳᠤᠮ ᠤᠨ ᠠᠩᠬᠠᠨ ᠤ ᠶᠡᠭᠡ ᠬᠠᠭᠠᠨ | ᠲᠤᠷᠭᠠᠨ ᠤᠬᠠᠭᠠᠨ ᠰᠡᠴᠡᠨ ᠪᠣᠳᠣᠯ ᠢᠶᠠᠷ ᠡᠵᠡᠨ ᠤ ᠤᠮᠠᠷᠳᠠᠬᠰᠠᠨ ᠢ ᠰᠠᠨᠠᠭᠤᠯᠵᠤ | ᠲᠤᠯᠭᠠᠭᠤᠷ ᠪᠠᠭᠠᠨᠠ ᠮᠡᠳᠦ ᠲᠦᠷᠪᠡᠨ ᠭᠦᠪᠡᠭᠦᠨ ᠠᠴᠠ ᠲᠦᠷᠦ ᠵᠠᠯᠭᠠᠭᠤᠯᠬᠤ ᠶᠤᠰᠤᠨ ᠢ ᠠᠶᠢᠯᠠᠳᠬᠠᠪᠠᠢ | ᠡᠵᠡᠨ ᠬᠠᠭᠠᠨ ᠢᠶᠠᠨ ᠠᠮᠢᠨᠴᠢᠷᠬᠠᠨ ᠠᠰᠠᠷᠠᠵᠤ | ᠡᠴᠦᠰ ᠤᠨ ᠠᠮᠢᠰᠬᠤᠯ ᠭᠦᠷᠳᠡᠯᠡ ᠡᠮᠰᠡᠭᠯᠡᠭᠰᠡᠨ | ᠶᠢᠰᠦᠢ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | ᠵᠡᠭᠦᠯᠳᠡ᠄ ᠶᠢᠰᠦᠢ ᠬᠠᠳᠤᠨ ︵ᠶᠡᠭᠡ ᠲᠦᠯᠦᠪ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢ ᠠᠴᠠ ᠲᠤᠮᠳᠠ ᠦᠶᠡ ᠭᠦᠷᠳᠡᠯᠡ | ᠠᠮᠢᠳᠤᠷᠠᠵᠤ ᠪᠠᠶᠢᠪᠠ︶ ᠪᠤᠯ ᠲᠠᠲ᠋ᠠᠷ ᠠᠶᠢᠮᠠᠭ ᠤᠨ ᠶᠡᠭᠡ ᠴᠠᠷᠠᠨ ᠤ ᠦᠬᠢᠨ᠂ ᠴᠢᠩᠬᠢᠰ ᠬᠠᠭᠠᠨ ᠤ ᠲᠦᠷᠦ ᠶᠢᠨ | ᠲᠦᠷᠪᠡᠨ ᠬᠠᠳᠤᠨ ᠤ ᠭᠤᠷᠪᠠᠳᠤᠭᠠᠷ ᠬᠠᠳᠤᠨ ᠮᠦᠨ᠃ ᠶᠢᠰᠦᠢ ᠬᠠᠳᠤᠨ ᠲᠦᠷᠦᠯᠬᠢ ᠤᠬᠠᠭᠠᠯᠢᠭ ᠴᠡᠴᠡᠨ᠂ ᠠᠯᠤᠰ | ᠤᠨ ᠪᠤᠳᠤᠯᠭᠠ ᠲᠠᠢ᠂ ᠦᠨᠡᠨᠴᠢ ᠰᠢᠳᠤᠷᠭᠤ ᠪᠠᠶᠢᠵᠤ ᠴᠢᠩᠬᠢᠰ ᠬᠠᠭᠠᠨ ᠤ ᠨᠠᠰᠤᠨ ᠲᠤᠷᠰᠢᠳᠠ ᠶᠢᠨ ᠰᠠᠶᠢᠨ ᠬᠠᠨᠢ᠂ | ᠦᠨᠡᠨᠴᠢ ᠵᠦᠪᠯᠡᠭᠴᠢ ᠨᠢ ᠪᠤᠯᠵᠠᠢ᠃ ᠲᠡᠷᠡ ᠪᠠᠷ ᠶᠡᠭᠡ ᠮᠤᠩᠭᠤᠯ ᠬᠠᠭᠠᠨᠳᠦ ᠲᠦᠷᠦ ᠶᠢᠨ ᠦᠨᠢ ᠮᠦᠩᠬᠡ ᠶᠢᠨ | ᠠᠮᠤᠷ ᠲᠦᠪᠰᠢᠨ ᠤ ᠲᠦᠯᠦᠬᠡ ᠪᠤᠳᠤᠯᠬᠢᠯᠠᠵᠤ᠂ ᠬᠠᠭᠠᠨ ᠤ ᠵᠠᠯᠭᠠᠮᠵᠢᠯᠠᠬᠴᠢ ᠪᠠᠨ ᠰᠤᠩᠭᠤᠨ ᠲᠤᠬᠳᠠᠭᠠᠬᠤ ᠲᠤᠬᠠᠢ | ᠵᠤᠷᠢᠬᠳᠠᠢ ᠠᠶᠢᠯᠠᠳᠬᠠᠯ ᠭᠢᠭᠰᠡᠨ ᠠᠴᠠ ᠡᠵᠡᠨ ᠬᠠᠭᠠᠨ ᠤ ᠢᠳᠡᠭᠡᠯ ᠬᠠᠶᠢᠷᠠ ᠶᠢ ᠤᠯᠤᠬᠰᠠᠨ ᠮᠦᠷᠳᠡᠭᠡᠨ ᠠᠯᠳᠠᠨ | ᠤᠷᠤᠭ ᠤᠨ ᠬᠢᠨ᠂ ᠵᠢᠴᠢ ᠲᠦᠷᠦ ᠶᠢᠨ ᠤᠯᠠᠨ ᠨᠤᠶᠠᠳ ᠲᠦᠰᠢᠮᠡᠳ ᠤᠨ ᠭᠦᠨᠳᠦᠳᠭᠡᠯ ᠪᠢᠰᠢᠷᠡᠯ ᠢ ᠤᠯᠵᠤ᠂ | ᠤᠯᠠᠨ ᠦᠶᠡ ᠶᠢᠨ ᠬᠠᠳᠤᠳ ᠤᠨ ᠲᠠᠭᠤᠷᠢᠶᠠᠯ ᠪᠤᠯᠤᠬᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ᠂ ᠪᠦᠬᠦᠢ ᠯᠡ ᠮᠤᠩᠭᠤᠯᠴᠤᠳ ᠤᠨ | ᠲᠤᠷᠠᠳᠬᠠᠯ ᠳᠤ ᠮᠦᠩᠭᠡᠷᠡᠭᠰᠡᠨ ᠠᠭᠤᠤ ᠰᠤᠳᠤᠨ ᠡᠮᠡᠭᠳᠡᠢ ᠪᠤᠯᠤᠨᠠ᠃ | | | ᠶᠢᠰᠦᠬᠡᠨ ᠬᠠᠳᠤᠨ | ᠠᠯᠤᠬᠠᠢ ᠲᠠᠲ᠋ᠠᠷ ᠤᠨ ᠲᠦᠷᠦᠬᠦᠦ ᠪᠤᠯᠤᠬᠴᠢ ᠶᠡᠭᠡ ᠴᠡᠷᠡᠨ ᠤ ᠦᠬᠢᠨ ᠪᠢᠯᠡ | ᠠᠶᠢᠮᠠᠭ ᠮᠦᠭᠦᠭᠡᠭᠳᠡᠬᠦ ᠶᠢᠨ ᠬᠠᠳᠠᠭᠤ ᠲᠦᠭᠡᠷᠭᠡᠨᠡ ᠬᠠᠭᠠᠨ ᠤ ᠰᠤᠶᠤᠷᠬᠠᠯ ᠢ ᠭᠦᠷᠳᠡᠯᠦᠬᠡ | ᠡᠵᠡᠨ ᠤ ᠭᠡᠰᠢᠭ ᠡᠯᠪᠡᠭ ᠬᠠᠶᠢᠷᠠ ᠶᠢ ᠭᠠᠭᠴᠠᠭᠠᠷ ᠦᠮᠴᠢᠷᠭᠡᠭᠦ ᠶᠢ ᠲᠤᠷᠠᠯᠠᠭᠠ ᠦᠬᠡᠢ | ᠡᠯᠢᠬᠡ ᠦᠨᠳᠡᠯᠵᠡᠨ ᠡᠭᠡᠴᠢ ᠶᠢ ᠪᠠᠨ ᠡᠷᠬᠦᠨ ᠨᠡᠷᠡ ᠠᠰᠢᠭ ᠢ ᠤᠮᠳᠤᠭᠠᠶᠢᠯᠠᠪᠠᠢ | ᠠᠯᠤᠰ ᠢ ᠪᠤᠳᠤᠵᠤ ᠤᠶᠢᠷᠠ ᠶᠢ ᠰᠡᠳᠬᠢᠬᠦ ᠶᠢᠰᠦᠬᠡᠨ ᠮᠢᠨᠦ ᠭᠦᠰᠡᠯ ᠢ ᠪᠤᠳᠤᠬᠤᠯᠠ | ᠠᠬᠠᠢ ᠡᠭᠡᠴᠢᠳᠡᠨ ᠢ ᠮᠢᠨᠢ ᠠᠪᠳᠤᠭᠠᠢ᠂ ᠲᠤᠷᠠᠳᠠᠶᠠ ᠪᠢ ᠰᠠᠭᠤᠳᠠᠯ ᠢᠶᠠᠨ ᠶᠡᠭᠦᠯᠡᠰᠦ | ᠲᠡᠰᠴᠦ ᠦᠯᠡᠳᠡᠬᠦ ᠶᠢᠨ ᠤᠬᠠᠭᠠᠨ ᠢ | ᠲᠡᠤᠭᠡ ᠱᠠᠰᠳᠢᠷ ᠲᠤ ᠮᠦᠩᠭᠡᠯᠡᠭᠰᠡᠨ | ᠶᠢᠰᠦᠬᠡᠨ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | | | ᠵᠡᠭᠦᠯᠳᠡ᠄ ᠶᠢᠰᠦᠬᠡᠨ ᠬᠠᠳᠤᠨ ︵ᠶᠡᠭᠡ ᠲᠦᠯᠦᠪ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢ ᠠᠴᠠ ᠲᠤᠮᠳᠠ ᠦᠶᠡ ᠭᠦᠷᠳᠡᠯᠡ | ᠠᠮᠢᠳᠤᠷᠠᠵᠤ ᠪᠠᠶᠢᠪᠠ︶ ᠪᠤᠯ ᠲᠠᠲ᠋ᠠᠷ ᠠᠶᠢᠮᠠᠭ ᠤᠨ ᠶᠡᠭᠡ ᠴᠠᠷᠠᠨ ᠤ ᠦᠬᠢᠨ᠂ ᠶᠢᠰᠦᠢ ᠬᠠᠳᠤᠨ ᠤ ᠦᠬᠢᠨ ᠲᠡᠭᠦᠦ᠂ | ᠴᠢᠩᠬᠢᠰ ᠬᠠᠭᠠᠨ ᠤ ᠲᠦᠷᠦ ᠶᠢᠨ ᠲᠦᠷᠪᠡᠨ ᠬᠠᠳᠤᠨ ᠤ ᠲᠦᠷᠪᠡᠳᠦᠭᠡᠷ ᠤᠷᠳᠤᠨ ᠤ ᠲᠡᠷᠢᠬᠦᠨ ᠬᠠᠳᠤᠨ ᠮᠦᠨ᠃ | ᠶᠢᠰᠦᠬᠡᠨ ᠬᠠᠳᠤᠨ ᠠᠬᠠᠰ ᠵᠠᠬᠠᠰ ᠲᠠᠭᠠᠨ ᠠᠴᠢᠯᠠᠯ ᠡᠯᠪᠡᠷᠯ ᠲᠠᠢ᠂ ᠡᠭᠡᠴᠢ ᠲᠡᠭᠦᠦ ᠶᠢᠨ ᠡᠶᠡ ᠨᠠᠶᠢᠷ ᠢ ᠡᠷᠭᠡ ᠵᠡᠷᠭᠡ | ᠠᠴᠠ ᠴᠢᠬᠤᠯᠠ ᠳᠤ ᠦᠵᠡᠭᠴᠢ᠂ ᠠᠭᠤᠵᠢᠭᠤ ᠲᠠᠶᠢᠪᠤᠭᠤ᠂ ᠡᠶᠡᠯᠳᠡᠭ ᠨᠠᠶᠢᠷᠠᠮᠳᠠᠭᠤ ᠵᠠᠩ ᠠᠷᠠᠨᠰᠢᠨ ᠲᠠᠢ᠃ | ᠴᠢᠩᠬᠢᠰ ᠬᠠᠭᠠᠨ ᠪᠤᠯᠤᠨ ᠶᠢᠰᠦᠬᠡᠨ ᠬᠠᠳᠤᠨ ᠠᠴᠠ ᠬᠠᠷᠠᠴᠠᠷ᠂ ᠬᠠᠷᠭᠠᠳᠦ᠂ ᠴᠠᠬᠤᠷ ᠭᠡᠮᠡᠬᠦ ᠭᠤᠷᠪᠠᠨ ᠬᠠᠨ | ᠭᠦᠪᠡᠬᠦᠨ ᠮᠡᠨᠳᠦᠯᠡᠵᠡᠢ᠃ ᠲᠡᠮᠦᠵᠢᠨ᠂ ᠲᠠᠲ᠋ᠠᠷᠴᠤᠳ ᠢ ᠢᠯᠠᠬᠰᠠᠨ ᠤ ᠲᠠᠷᠠᠭᠠ ︽ᠲᠡᠷᠭᠡᠨ ᠤ ᠴᠦ᠋ ᠲᠠᠢ ᠦᠯᠢᠳᠭᠡᠨ | ︾ ᠬᠢᠳᠤᠵᠤ ᠪᠠᠶᠢᠬᠰᠠᠨᠠ ᠲᠠᠲ᠋ᠠᠷ ᠤᠨ ᠠᠬᠠᠯᠠᠬᠴᠢ ᠶᠡᠭᠡ ᠴᠡᠷᠢᠨ ᠤ ᠦᠬᠢᠨ ᠶᠢᠰᠦᠬᠡᠨ ᠢ ᠤᠯᠵᠠᠯᠠᠨ ᠬᠠᠳᠤᠨ ᠢᠶᠠᠨ | ᠪᠤᠯᠭᠠᠨ ᠠᠪᠤᠬᠰᠠᠨ ᠳᠤ᠂ ᠶᠢᠰᠦᠬᠡᠨ ᠬᠠᠳᠤᠨ ᠴᠢᠩ ᠦᠨᠡᠨᠴᠢ ᠪᠠᠷ ᠡᠭᠡᠴᠢ ᠶᠢ ᠪᠠᠨ ᠠᠶᠢᠯᠠᠳᠬᠠᠨ ᠮᠡᠳᠡᠬᠦᠯᠵᠦ᠂ ︽ | ᠬᠠᠭᠠᠨ ᠬᠦᠮᠦᠨ ᠳᠤ ᠵᠤᠬᠢᠯᠳᠤᠬᠤ ᠵᠢᠰᠦᠯᠢᠭ ᠪᠦᠯᠦᠬᠡ ᠁ ᠬᠠᠭᠠᠨ ᠰᠤᠶᠤᠷᠬᠠᠵᠤ ᠡᠬᠡᠴᠢ ᠶᠢ ᠮᠢᠨᠢ ᠠᠪᠴᠢᠷᠠᠪᠠᠯ | ᠪᠢ ᠡᠭᠡᠴᠢ ᠳᠡᠭᠡᠨ ᠵᠠᠶᠢᠯᠠᠵᠤ ᠦᠭᠭᠦᠶᠡ︕︾ ᠭᠡᠮᠡᠭᠰᠡᠨ ᠢᠶᠠᠷ ᠴᠢᠩᠬᠢᠰ ᠬᠠᠭᠠᠨ ᠲᠡᠶᠢᠨ ᠶᠢᠰᠦᠢ ᠶᠢ ᠭᠤᠷᠪᠠᠳᠠᠬᠢ | ᠬᠠᠳᠤᠨ ᠪᠤᠯᠭᠠᠵᠤ᠂ ᠶᠢᠰᠦᠬᠡᠨ ᠬᠠᠳᠤᠨ ᠤ ᠲᠡᠭᠡᠳᠦ ᠰᠠᠭᠤᠳᠠᠯ ᠳᠤ ᠰᠠᠭᠤᠯᠭᠠᠬᠰᠠᠨ ᠪᠢᠯᠡ᠃ | | |