ᠨᠤᠮᠤᠯᠤᠨ ᠬᠠᠳᠤᠨ | ᠨᠤᠮᠢᠨ ᠲᠠᠯᠠ ᠳᠤ ᠴᠡᠩᠭᠡᠷᠯᠡᠭᠰᠡᠨ ᠨᠤᠰᠠᠷᠵᠢ ᠶᠢᠨ ᠲᠤᠮᠤᠬᠯᠢᠭ ᠤᠷᠤᠨᠠ | ᠨᠤᠳᠤᠭ ᠭᠡᠶᠢᠭᠦᠯᠦᠭᠰᠡᠨ ᠭᠡᠤᠭᠡᠨ ᠤᠬᠰᠠᠭᠠ ᠡᠷᠭᠦᠵᠦ ᠮᠡᠨᠳᠦᠯᠡᠭᠰᠡᠨ ᠭᠡᠨᠡᠮ | ᠮᠠᠩᠨᠠᠢ ᠠᠭᠤᠯᠠ ᠶᠢᠨ ᠠᠷᠤ ᠦᠪᠦᠷ ᠲᠤ ᠠᠳᠤᠭᠤᠨ ᠲᠠᠯᠠᠯᠭᠠ ᠶᠢᠨ ᠭᠡᠰᠢᠭ ᠲᠠᠢ | ᠮᠠᠨᠳᠤᠬᠰᠠᠨ ᠡᠭᠡ ᠨᠤᠮᠤᠯᠤᠨ ᠳᠤ ᠲᠡᠩᠴᠡᠰᠢ ᠦᠬᠡᠢ ᠠᠯᠳᠠᠷᠰᠢᠬᠰᠠᠨ ᠴᠤᠤ ᠲᠠᠢ | ᠮᠠᠨᠠᠨ ᠲᠤᠳᠤᠨ ᠠᠴᠠ ᠭᠠᠷᠤᠬᠰᠠᠨ ᠮᠠᠨᠠᠨ ᠮᠡᠳᠦ ᠭᠦᠪᠡᠭᠦᠳ ᠢᠶᠠᠨ ᠲᠠᠶᠢᠴᠢᠯᠠᠨ | ᠮᠠᠯ ᠤᠨ ᠪᠡᠯᠴᠢᠭᠡᠷ ᠤᠨ ᠢᠶᠠᠨ ᠲᠦᠯᠦᠭᠡᠨᠡ ᠨᠠᠨᠳᠢᠨ ᠪᠦᠬᠦᠨ ᠢᠶᠠᠨ ᠵᠤᠯᠢᠶᠠᠰᠤᠯᠠᠪᠠᠢ | ᠪᠤᠯᠤᠮᠵᠢ ᠶᠢᠨ ᠭᠡᠭᠡᠨ ᠲᠤᠬᠢᠶᠠᠯ ᠢᠶᠠᠷ ᠠᠮᠢ ᠮᠡᠨᠳᠦ ᠭᠠᠷᠤᠬᠰᠠᠨ | ᠪᠤᠳᠠᠨᠴᠢᠷ ᠤᠨ ᠤᠬᠰᠠᠭᠠ ᠵᠠᠯᠭᠠᠬᠰᠠᠨ ᠬᠠᠶᠢᠳᠦ ᠬᠠᠭᠠᠨ ᠤ ᠡᠮᠡᠭᠡ | ᠨᠤᠮᠤᠯᠤᠨ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | ᠵᠡᠭᠦᠯᠳᠡ᠄ ᠨᠤᠮᠤᠯᠤᠨ ᠬᠠᠳᠤᠨ ᠪᠤᠯ ᠴᠢᠩᠬᠢᠰ ᠬᠠᠭᠠᠨ ᠠᠴᠠ ᠲᠡᠭᠡᠭᠰᠢᠬᠢ ᠲᠤᠯᠤᠳᠤᠭᠠᠷ ᠦᠶᠡ ᠶᠢᠨ ᠡᠯᠦᠨᠴᠡ | ᠡᠪᠦᠭᠡ ᠮᠠᠨᠠᠨ ᠲᠤᠳᠤᠨ ᠤ ᠬᠠᠳᠤᠨ᠂ ᠮᠠᠨᠠᠨ ᠲᠤᠳᠤᠨ ᠠᠴᠠ ᠶᠢᠰᠦᠨ ᠭᠦᠪᠡᠭᠦᠨ ᠲᠦᠷᠦᠬᠦᠯᠵᠦ ᠪᠡᠯᠪᠡᠰᠦᠨ | ᠬᠤᠴᠤᠷᠪᠠ᠃ ᠮᠠᠨᠠᠨ ᠲᠤᠳᠤᠨ ᠲᠠᠭᠠᠯᠠᠯ ᠲᠡᠭᠦᠰᠦᠭᠰᠡᠨ ᠤ ᠲᠠᠷᠠᠭᠠ ᠨᠣᠮᠣᠯᠣᠨ ᠬᠠᠳᠤᠨ ᠭᠦᠪᠡᠭᠦᠳ ᠢᠶᠠᠨ | ᠰᠤᠷᠭᠠᠵᠤ᠂ ᠮᠤᠩᠭᠤᠯ ᠤᠬᠰᠠᠭᠠᠳᠠᠨ ᠳᠠᠭᠠᠨ ᠬᠠᠭᠠᠨ ᠰᠠᠭᠤᠵᠤ᠂ ᠲᠦᠪ ᠭᠤᠤᠯᠴᠢ ᠪᠠᠷ ᠲᠦᠮᠡᠨ ᠢᠶᠠᠨ | ᠲᠦᠷᠦᠬᠦᠯᠡᠵᠦ ᠪᠠᠶᠢᠳᠠᠯᠠ ᠵᠠᠯᠠᠶᠢᠷ ᠠᠶᠢᠮᠠᠭ ᠯᠤᠭᠠ ᠭᠠᠵᠠᠷ ᠨᠤᠳᠤᠭ ᠤᠨ ᠪᠤᠯᠢᠶᠠᠯᠳᠤᠭᠠᠨ ᠪᠤᠯᠵᠤ ᠡᠭᠡ ᠭᠦᠪᠡᠭᠦᠳ | ᠪᠦᠭᠦᠳᠡ ᠠᠯᠠᠬᠳᠠᠪᠠ᠃ ᠨᠤᠮᠤᠯᠤᠨ ᠬᠠᠳᠤᠨ ᠤ ᠤᠮᠪᠤᠯᠤ ᠭᠦᠪᠡᠭᠦᠨ ᠬᠠᠶᠢᠳᠦ᠂ ᠵᠠᠯᠠᠶᠢᠷ ᠤᠨ ᠠᠶᠤᠯ ᠠᠴᠠ ᠠᠵᠠ | ᠪᠠᠷ ᠮᠤᠯᠳᠤᠷᠤᠨ᠂ ᠬᠤᠵᠢᠮ ᠨᠢ ᠮᠤᠩᠭᠤᠯ ᠬᠠᠭᠠᠨᠳᠤ ᠤᠯᠤᠰ ᠤᠨ ᠲᠠᠰᠤᠷᠠᠬᠰᠠᠨ ᠭᠤᠯᠤᠮᠳᠠ ᠶᠢ ᠵᠠᠯᠭᠠᠵᠠᠢ᠃ | ᠨᠤᠮᠤᠯᠤᠨ ᠲᠠᠷᠬᠠᠨ ᠬᠠᠳᠤᠨ ᠪᠤᠯ ᠠᠭᠤᠤ ᠶᠡᠭᠡ ᠬᠠᠶᠢᠷᠠ ᠪᠠᠨ ᠲᠠᠯᠠ ᠨᠤᠳᠤᠭ ᠤᠨ ᠬᠠᠯᠠᠭᠤᠨ ᠭᠦᠷᠦᠰᠦᠨ ᠳᠤ | ᠰᠢᠩᠭᠡᠭᠡᠵᠦ᠂ ᠦᠶᠡ ᠦᠶᠡ ᠶᠢᠨ ᠭᠦᠮᠦᠰ ᠤᠨ ᠴᠢᠰᠦ ᠪᠠ ᠰᠡᠳᠬᠢᠯ ᠳᠤ ᠮᠦᠩᠬᠡ ᠠᠮᠢᠳᠤᠷᠠᠬᠰᠠᠨ ᠡᠷᠳᠡᠨ ᠤ | ᠮᠤᠩᠭᠤᠯᠴᠤᠳ ᠤᠨ ᠭᠦᠨᠳᠦᠳᠭᠡᠯᠳᠡᠢ ᠡᠬᠡ᠂ ᠠᠷᠤᠤᠬᠠᠨ ᠬᠠᠳᠤᠨ᠂ ᠭᠠᠷᠮᠠᠭᠠᠢ ᠡᠮᠡᠭᠳᠡᠢ ᠪᠤᠯᠤᠨᠠ᠃ | | | | | | | | ᠦᠬᠡᠯᠦᠨ ᠬᠠᠳᠤᠨ | ᠬᠠᠭᠠᠨ ᠤᠳᠤᠮ ᠤᠨ ᠮᠤᠷᠢᠳᠠᠨ ᠵᠠᠶᠠᠭᠠᠳᠦ ᠭᠦᠪᠡᠭᠦᠳ ᠦᠬᠢᠳ ᠮᠢᠨᠢ ᠰᠤᠨᠤᠰᠤᠬᠳᠤᠨ | ᠬᠠᠮᠤᠭ ᠮᠤᠩᠭᠤᠯ ᠤᠯᠤᠰ ᠬᠡᠮᠡᠬᠦ ᠬᠠᠭᠤᠴᠢᠨ ᠰᠡᠮᠡᠷᠭᠡᠢ ᠲᠤᠭ ᠤᠨ ᠲᠤᠤᠷᠠ ᠵᠢᠬᠰᠠᠬᠳᠤᠨ | ᠰᠡᠭᠦᠳᠡᠷ ᠠᠴᠠ ᠪᠠᠨ ᠥᠭᠡᠷᠡ ᠨᠦᠭᠦᠷ ᠦᠬᠡᠢ ᠪᠠᠨ ᠰᠠᠨᠠᠵᠤ ᠡᠶᠡᠳᠡᠨ ᠲᠠᠭᠠᠬᠰᠠᠳ ᠢ ᠠᠭᠤᠴᠢᠯᠠᠬᠳᠤᠨ | ᠰᠡᠭᠦᠯ ᠠᠴᠠ ᠪᠠᠨ ᠥᠭᠡᠷᠡ ᠴᠠᠴᠤᠭ ᠦᠬᠡᠢ ᠪᠠᠨ ᠰᠠᠨᠠᠵᠤ ᠲᠠᠪᠤᠨ ᠮᠦᠰᠦ ᠶᠢᠨ ᠰᠤᠷᠭᠠᠯ ᠢ ᠴᠡᠭᠡᠵᠢᠯᠡᠭᠳᠦᠨ | ᠬᠠᠯᠠᠭᠤᠨ ᠭᠡᠪᠡᠯᠢ ᠠᠴᠠ ᠮᠢᠨᠢ ᠤᠨᠠᠬᠤ ᠳᠤ ᠪᠠᠨ ᠬᠠᠷᠠ ᠨᠦᠵᠢ ᠠᠳᠬᠤᠨ ᠲᠦᠷᠦᠭᠰᠡᠨ ᠢᠶᠠᠨ ᠰᠠᠨᠠᠬᠳᠤᠨ | | ᠬᠠᠳᠠᠭᠤ ᠵᠤᠷᠢᠭ ᠵᠦᠬᠡᠯᠡᠨ ᠤᠬᠠᠭᠠᠨ ᠳᠤ ᠬᠠᠷᠢ ᠤᠶᠢᠷᠠ ᠶᠢᠨ ᠪᠦᠬᠦᠨ ᠠᠶᠤᠳᠤᠭᠠᠢ ᠪᠢᠰᠢᠷᠡᠳᠦᠬᠡᠢ | ᠵᠤᠪᠠᠯᠠᠩ ᠠᠮᠰᠠᠵᠤ ᠵᠢᠷᠭᠠᠭᠰᠠᠨ | ᠶᠡᠭᠡ ᠮᠤᠩᠭᠤᠯ ᠢ ᠵᠢᠷᠮᠦᠰᠦᠯᠡᠭᠴᠢ | ᠦᠬᠡᠯᠦᠨ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | | ᠵᠡᠭᠦᠯᠳᠡ᠄ ᠦᠬᠡᠯᠦᠨ ᠦᠵᠢᠨ ᠪᠤᠯ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠤᠯᠬᠤᠨᠤᠳ ᠤᠪᠤᠭ ᠤᠨ ᠦᠬᠢᠨ᠃ ᠮᠡᠷᠬᠢᠳ | ᠠᠶᠢᠮᠠᠭ ᠤᠨ ᠶᠡᠭᠡ ᠴᠢᠯᠡᠳᠦ ᠭᠡᠮᠡᠬᠦ ᠬᠦᠮᠦᠨ᠂ ᠦᠬᠡᠯᠦᠨ ᠢ ᠡᠭᠡᠨᠡᠷ ᠪᠤᠯᠭᠠᠨ ᠪᠤᠴᠠᠵᠤ ᠶᠠᠪᠤᠬᠤ ᠵᠠᠭᠤᠷᠠ ᠶᠢᠰᠦᠬᠡᠢ | ᠪᠠᠭᠠᠳᠤᠷ ᠪᠤᠯᠢᠶᠠᠨ ᠠᠪᠴᠦ ᠬᠠᠳᠤᠨ ᠢᠶᠠᠨ ᠪᠤᠯᠭᠠᠵᠠᠢ᠃ ᠦᠬᠡᠯᠦᠨ ᠬᠠᠳᠤᠨ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠠᠢ | ᠤᠷᠤᠬᠯᠠᠭᠠᠳ ᠲᠡᠮᠦᠵᠢᠨ᠂ ᠬᠠᠰᠠᠷ᠂ ᠬᠠᠴᠢᠭᠤᠨ᠂ ᠲᠡᠮᠦᠬᠡ ᠤᠳᠴᠢᠬᠢᠨ ᠭᠡᠬᠦ ᠲᠦᠷᠪᠡᠨ ᠭᠦᠪᠡᠭᠦᠨ ᠪᠠ ᠲᠡᠮᠦᠯᠦᠨ | ᠭᠡᠬᠦ ᠨᠢᠬᠡ ᠦᠬᠢᠨ ᠵᠠᠶᠠᠭᠠᠵᠠᠢ᠃ ᠲᠡᠮᠦᠵᠢᠨ ᠢ ᠶᠢᠰᠦᠨ ᠨᠠᠰᠤᠳᠠᠢ ᠪᠠᠶᠢᠬᠤ ᠳᠤ ᠡᠴᠢᠬᠡ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠨᠢ | ᠬᠦᠦ ᠪᠠᠨ ᠲᠠᠭᠠᠭᠤᠯᠤᠨ ᠦᠬᠡᠯᠦᠨ ᠦᠵᠢᠨ ᠤ ᠲᠦᠷᠬᠦᠮ ᠤᠨ ᠨᠤᠳᠤᠭ ᠠᠴᠠ ᠪᠡᠷᠢ ᠭᠤᠶᠤᠬᠤ ᠪᠠᠷ ᠤᠴᠢᠵᠤ᠂ | ᠪᠤᠴᠠᠯᠭᠠᠨ ᠳᠠᠭᠠᠨ ᠦᠰᠢᠶᠡᠳᠦ ᠲᠠᠲ᠋ᠠᠷ ᠠᠶᠢᠮᠠᠭ ᠲᠤ ᠬᠤᠤᠷᠯᠠᠬᠳᠠᠬᠰᠠᠨ ᠠᠴᠠ ᠪᠡᠯᠪᠡᠰᠦᠨ ᠬᠤᠴᠤᠷᠤᠬᠰᠠᠨ | ᠦᠬᠡᠯᠦᠨ ᠬᠠᠳᠤᠨ ᠬᠠᠳᠠᠭᠤ ᠰᠤᠷᠭᠠᠯ᠂ ᠮᠡᠷᠭᠡᠨ ᠤᠬᠠᠭᠠᠨ᠂ ᠡᠷᠡᠮᠡᠬᠡᠢ ᠵᠤᠷᠢᠭ ᠢᠶᠠᠷ ᠦᠨᠦᠴᠢᠨ ᠭᠡᠤᠭᠡᠳ ᠢᠶᠠᠨ | ᠦᠰᠭᠡᠵᠦ᠂ ᠡᠷᠡ ᠶᠢᠨ ᠵᠡᠷᠭᠡ ᠳᠤ ᠭᠦᠷᠭᠡᠨ ᠶᠢᠷᠳᠢᠨᠴᠦ ᠶᠢᠨ ᠮᠠᠩᠯᠠᠢ ᠪᠤᠯᠭᠠᠬᠰᠠᠨ ᠪᠠᠶᠢᠨᠠ᠃ ᠦᠬᠡᠯᠦᠨ ᠡᠬᠡ ᠪᠤᠯ | ᠮᠤᠩᠭᠤᠯ ᠤᠨ ︽ᠰᠢᠳᠦᠬᠡᠨ ᠡᠬᠡ︾ ᠮᠦᠷᠳᠡᠭᠡᠨ ᠮᠦᠩᠬᠡ ᠶᠢᠨ ︽ᠨᠠᠷᠠᠨ ᠬᠠᠭᠠᠨ ᠡᠬᠡ︾ ᠪᠠᠶᠢᠵᠤ᠂ ᠨᠢᠬᠡᠨ ᠦᠶᠡ | ᠶᠢᠨ ᠲᠡᠭᠷᠢᠯᠢᠭ ᠭᠦᠪᠡᠬᠦᠨ ᠢ ᠭᠦᠮᠦᠵᠢᠬᠦᠯᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠮᠤᠩᠭᠤᠯ ᠤᠨ ᠨᠡᠶᠢᠬᠡᠮ ᠰᠢᠨᠡ ᠨᠢᠬᠡᠨ | ᠲᠢᠭᠯᠢᠮ ᠢᠶᠠᠷ ᠭᠦᠭᠵᠢᠬᠦ ᠠᠯᠬᠤᠭᠠ ᠲᠠᠯᠪᠢᠬᠳᠠᠬᠤ ᠳᠤ ᠪᠠᠯᠠᠷᠠᠰᠢ ᠦᠬᠡᠢ ᠵᠢᠳᠭᠦᠯ ᠭᠠᠷᠭᠠᠬᠰᠠᠨ ᠶᠤᠮ᠃ | | | | | ᠪᠦᠷᠳᠡ ᠬᠠᠳᠤᠨ | ᠴᠤᠳᠠᠨ ᠡᠭᠡ ᠶᠢᠨ ᠢᠶᠠᠨ ᠭᠡᠪᠡᠯᠢ ᠠᠴᠠ ᠭᠡᠷᠡᠯ ᠲᠤᠶᠠᠭᠠᠯᠠᠵᠤ ᠮᠡᠨᠳᠦᠯᠡᠭᠰᠡᠨ ᠪᠢᠯᠡ | ᠴᠠᠭᠠᠨ ᠱᠤᠩᠬᠤᠷ ᠤᠨ ᠵᠦᠩ ᠪᠡᠯᠭᠡ ᠪᠠᠷ ᠪᠤᠷᠵᠢᠬᠢᠨ ᠤ ᠭᠦᠪᠡᠭᠦᠨ ᠲᠠᠢ ᠤᠴᠠᠷᠠᠭᠰᠠᠨ ᠶᠤᠮ | ᠬᠠᠳᠠᠮ ᠤᠨ ᠬᠠᠳᠠᠪᠴᠢ ᠠᠯᠬᠤᠬᠤ ᠳᠤ ᠪᠠᠨ ᠬᠠᠷᠠ ᠪᠤᠯᠠᠭᠠᠨ ᠰᠢᠳᠭᠦᠯ ᠲᠠᠢ ᠢᠷᠡᠭᠰᠡᠨ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠵᠠᠶᠠᠭᠠ ᠲᠠᠪᠢᠯᠠᠩ ᠢᠶᠠᠨ ᠬᠤᠯᠪᠣᠭᠰᠠᠨ ᠬᠠᠨᠢ ᠢᠵᠢᠯᠢ ᠶᠤᠮ ᠰᠠᠨ | ᠬᠠᠮᠤᠭ ᠮᠤᠩᠭᠤᠯ ᠤᠨ ᠬᠠᠭᠠᠨ ᠪᠤᠯᠤᠯᠠ ᠴᠦ ᠪᠠᠭᠠ ᠶᠢᠨ ᠲᠡᠮᠦᠵᠢᠨ ᠮᠢᠨᠢ ᠭᠡᠪ ᠢᠶᠠᠷ | ᠬᠠᠯᠠᠭᠤᠨ ᠬᠠᠶᠢᠷᠠ ᠶᠢᠨ ᠪᠢᠯᠢᠭ ᠴᠢᠨᠠᠷ ᠢᠶᠠᠷ ᠠᠷᠠᠯ ᠤᠨ ᠦᠷᠦᠭᠡᠰᠦᠨ ᠪᠤᠯᠵᠤ ᠬᠤᠤᠰᠯᠠᠨᠠᠮ | ᠪᠦᠳᠦᠭᠦ ᠠᠴᠠ ᠡᠮᠦᠨᠡ ᠤᠴᠠᠷᠠᠬᠤ ᠶᠢᠨ ᠵᠠᠶᠠᠭᠠ | ᠪᠦᠭᠦᠳᠡ ᠤᠯᠤᠰ ᠢᠶᠠᠨ ᠪᠥᠭᠡᠮᠨᠡᠷᠡᠭᠦᠯᠬᠦ ᠶᠢᠨ ᠲᠠᠪᠢᠯᠠᠩ | ᠪᠦᠷᠳᠡ ᠪᠢ ᠪᠠᠷ ᠬᠠᠳᠤᠨ ᠰᠦᠨᠡᠰᠦ | | ᠵᠡᠭᠦᠯᠳᠡ᠄ ᠪᠦᠷᠳᠠ ︵ᠪᠦᠷᠳᠡᠭᠡᠯᠵᠢᠨ︶ ᠬᠠᠳᠤᠨ ︵1161— ︖︶ ᠪᠤᠯ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠳ᠋ᠠᠢ | ᠰᠡᠴᠡᠨ ᠤ ᠦᠬᠢᠨ᠂ ᠡᠬᠡ ᠴᠤᠳᠠᠨ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ᠂ ᠲᠡᠮᠦᠵᠢᠨ ᠢ ᠶᠢᠰᠦᠨ ᠨᠠᠰᠤᠳᠠᠢ ᠳᠤ ᠳ᠋ᠠᠢ ᠰᠡᠴᠡᠨ ᠤ | ᠬᠢ ᠳᠤ ᠭᠦᠷᠭᠡᠨ ᠦᠭᠴᠦ ︽ᠭᠦᠷᠭᠡᠳ ᠲᠤ ᠰᠠᠭᠤᠯᠭᠠᠵᠤ︾᠂ ᠬᠠᠷᠠᠬᠠᠨ ᠪᠠᠭᠠ ᠶᠢᠨ ᠪᠦᠷᠳᠡ ᠪᠤᠯᠤᠨ ᠲᠡᠮᠦᠵᠢᠨ | ᠲᠠᠰᠤᠯᠴᠠᠨ ᠬᠠᠨᠢᠯᠠᠵᠤ᠂ ᠬᠤᠵᠢᠮ ᠨᠢ ᠭᠡᠷᠯᠡᠨ ᠰᠠᠭᠤᠵᠤ ᠵᠦᠴᠢ᠂ ᠴᠠᠭᠠᠳᠠᠢ᠂ ᠦᠬᠡᠳᠡᠢ᠂ ᠲᠤᠯᠤᠢ ᠭᠡᠮᠡᠬᠦ | ᠲᠦᠷᠪᠡᠨ ᠬᠠᠭᠠᠨ ᠭᠦᠪᠡᠭᠦᠨ ᠪᠠ ᠴᠡᠴᠡᠶᠢᠬᠡᠨ ᠪᠠᠬᠢ᠂ ᠠᠯᠠᠭᠠ ᠪᠠᠬᠢ᠂ ᠠᠯᠠᠯᠲ᠋ᠤᠨ ᠪᠠᠬᠢ᠂ ᠲᠦᠮᠡᠯᠦᠨ ︵ | ᠲᠡᠮᠡᠦᠯᠦᠨ︶ ᠪᠠᠬᠢ᠂ ᠬᠤᠵᠢᠨ ︵ᠦᠵᠢᠨ︶ ᠪᠠᠬᠢ ᠭᠡᠬᠦ ᠲᠠᠪᠤᠨ ᠦᠬᠢᠨ ᠵᠠᠶᠠᠭᠠᠵᠤ ᠪᠢᠯᠡ᠃ ᠪᠦᠷᠳᠡ ᠬᠠᠳᠤᠨ | ᠪᠤᠯ ᠲᠡᠮᠦᠵᠢᠨ ᠴᠢᠩᠬᠢᠰ ᠬᠠᠭᠠᠨ ᠤ ᠨᠠᠰᠤᠨ ᠲᠤᠷᠰᠢ ᠶᠢᠨ ᠦᠨᠡᠨᠴᠢ ᠬᠠᠨᠢ᠂ ᠲᠦᠷᠦ ᠶᠢᠨ ᠲᠦᠷᠪᠡᠨ ᠬᠠᠳᠤᠨ ᠤ | ᠲᠡᠷᠢᠬᠦᠨ ᠬᠠᠳᠤᠨ᠂ ᠤᠯᠤᠰ ᠲᠦᠷᠦ ᠶᠢᠨ ᠮᠡᠷᠭᠡᠨ ᠵᠦᠪᠯᠡᠭᠴᠢ ᠨᠢ ᠮᠦᠷᠳᠡᠭᠡᠨ ᠡᠶᠡ ᠪᠦᠯᠭᠦᠮᠳᠡᠯ ᠢ ᠬᠠᠮᠠᠭᠠᠯᠠᠵᠤ᠂ | ᠠᠭᠤᠳᠠᠮ ᠪᠠᠭᠳᠠᠭᠠᠮᠵᠢᠳᠠᠢ᠂ ᠠᠯᠤᠰ ᠤᠨ ᠬᠠᠷᠠᠴᠠ ᠲᠠᠢ ᠠᠪᠢᠶᠠᠰᠯᠢᠭ ᠰᠤᠳᠤ ᠮᠡᠷᠭᠡᠨ ᠡᠭᠡ ᠪᠠᠶᠢᠵᠤ᠂ ᠶᠡᠭᠡ | ᠮᠤᠩᠭᠤᠯ ᠤᠨ ᠬᠠᠭᠠᠨᠳᠦ ᠲᠦᠷᠦ ᠳᠤ ᠪᠠᠯᠠᠷᠠᠰᠢ ᠦᠬᠡᠢ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ | | | |