| ᠳᠤᠭᠴᠢ ᠯᠤᠪᠰᠠᠩ ︵ᠦᠤᠰᠢᠨ︶ | | ᠳᠠᠭᠠᠨᠠ ᠶᠢᠨ ᠴᠡᠴᠡᠭ | ᠳᠡᠯᠬᠡᠷ ᠵᠤᠨ ᠤ ᠭᠠᠩᠭᠠᠩ ᠬᠤᠷᠸᠠ ᠳᠤ | ᠳᠠᠭᠠᠨᠠ ᠶᠢᠨ ᠴᠡᠴᠡᠭ ᠨᠡᠶᠢᠳᠠᠮ ᠳᠡᠯᠬᠡᠷᠡᠨᠡ | ᠳᠠᠨᠢᠷ ᠬᠠᠩᠬᠤᠯᠤᠭᠰᠠᠨ ᠴᠠᠭᠠᠬᠠᠨ ᠴᠡᠴᠡᠭ ᠤᠳ | ᠳᠠᠨᠢᠯ ᠳᠠᠰᠤᠯᠬᠠᠨ ᠢᠶᠠᠷ ᠤᠭᠳᠤᠨ ᠮᠦᠰᠢᠯᠵᠡᠨᠡ | ᠰᠢᠯᠢ ᠭᠠᠵᠠᠷ ᠤᠨ ᠪᠦᠬᠡᠷᠡᠨ ᠴᠡᠴᠡᠭ ᠰᠢᠤᠬᠠᠨ | ᠰᠡᠩᠰᠡᠨ ᠪᠤᠷᠤᠭᠠᠨ ᠤ ᠠᠨᠢᠷ ᠢ ᠴᠢᠩᠨᠠᠨᠠ | ᠰᠡᠮᠵᠢᠳ ᠡᠵᠢ ᠶᠢᠨ ᠰᠠᠭᠠᠯᠢ ᠶᠢᠨ ᠦᠨᠢᠶᠡᠨ ᠤ | ᠰᠦ ᠭᠤᠷᠴᠢᠬᠢᠨᠡᠭᠰᠡᠨ ᠢᠪᠢᠯᠬᠡᠨ ᠳᠤ ᠵᠡᠬᠦᠷᠡᠮᠡᠭᠯᠡᠨᠡ | ᠳᠤᠷᠭᠠᠨ ᠳᠠᠯᠠ ᠶᠢᠨ ᠵᠢᠷᠤᠬᠡᠨ ᠴᠡᠴᠡᠭ ᠰᠢᠤᠬᠠᠨ | ᠳᠤᠶᠢᠮᠤᠭ ᠬᠤᠷᠠᠭᠠᠳ ᠤᠨ ᠰᠡᠭᠦᠯ ᠢ ᠳᠤᠯᠢᠶᠠᠨᠠ | ᠳᠤᠤᠷᠠᠢ ᠶᠢᠨ ᠳᠠᠭᠤᠨ ᠲᠠᠢ ᠨᠤᠳᠤᠭ ᠤᠰᠤᠨ ᠤ | ᠳᠤᠬᠤᠮ ᠡᠬᠦᠯᠡᠨ ᠤ ᠰᠡᠬᠦᠳᠡᠷ ᠲᠤ ᠰᠡᠷᠢᠬᠦᠴᠡᠨᠡ | ᠠᠷᠤ ᠴᠠᠶᠢᠳᠠᠮ ᠤᠨ ᠡᠯᠢᠬᠡᠨ ᠴᠡᠴᠡᠭ ᠰᠢᠤᠬᠠᠨ | ᠠᠯᠠᠭ ᠡᠷᠪᠡᠬᠡᠢ ᠶᠢᠨ ᠪᠠᠩᠵᠠᠯ ᠳᠤ ᠮᠡᠯᠳᠡᠯᠵᠡᠨᠡ | ᠠᠯᠢᠶᠠ ᠢᠰᠢᠬᠡᠳ ᠤᠨ ᠬᠦᠯ ᠤᠨ ᠳᠤᠭᠤᠰᠤᠨ ᠳᠤ | ᠠᠶᠢᠪᠤᠷ ᠵᠠᠩ ᠦᠬᠡᠢ ᠳᠤᠭᠳᠠᠭᠤᠬᠠᠨ ᠦᠨᠳᠡᠯᠵᠡᠨᠡ | ᠤᠨᠠᠭᠠᠨ ᠪᠦᠷᠢᠳᠦ ᠶᠢᠨ ᠠᠭᠤᠰᠬᠢᠨ ᠴᠡᠴᠡᠭ ᠰᠢᠤᠬᠠᠨ | ᠠᠳᠤᠭᠤ ᠳᠡᠮᠡᠬᠡᠳ ᠤᠨ ᠤᠷᠤᠭᠤᠯ ᠢ ᠦᠨᠦᠷᠯᠡᠨᠡ | ᠤᠷᠭᠠᠴᠢᠨ ᠠᠪᠤ ᠶᠢᠨ ᠢᠰᠬᠡᠷᠬᠦ ᠠᠶᠠᠯᠭᠤᠨ ᠤ | ᠠᠰᠢᠳᠠᠢ ᠰᠠᠶᠢᠬᠠᠨ ᠨᠤᠭᠤᠯᠤᠭᠠ ᠳᠤ ᠰᠤᠭᠳᠤᠨᠠ | ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠳᠡᠯᠢᠬᠦᠨ ᠴᠡᠴᠡᠭ ᠰᠢᠤᠬᠠᠨ | ᠦᠤᠷ ᠤᠨ ᠮᠦᠩᠬᠦᠨ ᠳᠤᠶᠠᠭᠠ ᠶᠢ ᠦᠨᠦᠰᠦᠨᠠ | ᠡᠬᠡᠵᠡᠬᠡᠢ ᠢᠳᠡᠭᠰᠡᠨ ᠬᠡᠤᠬᠡᠳ ᠤᠨ ᠨᠢᠳᠦᠨ ᠤ | ᠦᠨᠡᠨ ᠴᠠᠶᠢᠯᠭᠠᠨ ᠦᠴᠢᠯ ᠳᠤ ᠳᠤᠬᠢᠯᠵᠠᠨᠠ | ᠳᠠᠪᠤᠨ ᠴᠤᠯᠤ ᠶᠢᠨ ᠰᠤᠷᠭᠤᠭ ᠴᠡᠴᠡᠭ ᠰᠢᠤᠬᠠᠨ | ᠳᠠᠯᠠ ᠶᠢᠨ ᠲᠦᠮᠡᠨ ᠵᠢᠷᠤᠭ ᠢ ᠤᠷᠠᠯᠠᠨᠠ | ᠳᠠᠷᠭᠤᠨ ᠨᠠᠮᠤᠷ ᠤᠨ ᠰᠡᠬᠦᠯ ᠢ ᠰᠢᠪᠳᠤᠷᠠᠭᠠᠳ | ᠳᠠᠭᠠᠨᠠ ᠶᠢᠨ ᠦᠨᠦᠷ ᠳᠡᠯᠡᠬᠡᠢ ᠳᠤ ᠠᠭᠤᠰᠤᠨᠠ | | |