| ᠨᠠᠮᠣᠷ ᠤᠨ ᠮᠦᠷᠦᠭᠡᠳᠤᠯᠳᠤ ᠤᠨ ᠵᠢᠯ | ᠬᠠᠶᠢᠷᠠ | | ᠨᠠᠰᠤᠨ ᠤ ᠨᠠᠮᠤᠷ ᠡᠭᠦᠳᠡᠲ᠋ᠤᠭᠰᠢᠬᠤ ᠪᠠᠷ | ᠨᠤᠲᠤᠭ ᠤᠨ ᠮᠢᠨᠢ ᠨᠠᠮᠣᠷ ᠰᠠᠨᠠᠭᠳᠠᠨᠠ ᠡ | | | ᠨᠠᠷᠠᠨ ᠤ ᠰᠢᠷᠭᠠᠯ ᠲᠤᠶᠠᠭᠠᠨ ᠳᠤ ᠨᠢ ᠪᠤᠳᠤᠯ ᠢᠶᠠᠨ ᠡᠭᠡᠭᠡᠵᠤ ᠰᠠᠭᠤᠮᠠᠷ ᠡ | ᠨᠠᠪᠴᠢᠨ ᠤ ᠤᠶᠠᠬᠠᠨ ᠳᠡᠷᠪᠡᠭᠡᠨ ᠳᠤ ᠨᠢ ᠭᠦᠭ ᠨᠡᠶᠢᠯᠡᠭᠦᠯᠵᠦ ᠤᠶᠠᠩᠭᠠᠯᠠᠮᠠᠷ ᠡ | ᠨᠠᠷᠢᠳ ᠤᠨ ᠭᠤᠪᠢ ᠶᠢᠨ ᠵᠢᠪᠠᠷ ᠢᠶᠠᠷ ᠨᠢ ᠬᠠᠴᠠᠷ ᠢᠶᠠᠨ ᠢᠯᠪᠢᠭᠦᠯᠵᠦ ᠵᠢᠷᠭᠠᠮᠠᠷ ᠡ | ᠨᠠᠶᠢᠷ ᠤᠨ ᠵᠤᠭᠤᠭ ᠤᠨ ᠤᠴᠢᠭ ᠢ ᠡᠪᠬᠡᠵᠤ ᠬᠠᠳᠤᠯᠠᠩ ᠤᠨ ᠲᠠᠯᠠ ᠳᠤ ᠪᠠᠨ ᠢᠰᠭᠢᠷᠡᠮᠡᠷ ᠡ | ᠨᠠᠯᠠᠭᠠᠷ ᠨᠠᠮᠤᠷ ᠤᠨ ᠠᠩᠭᠢᠷᠬᠠᠨ ᠡᠳᠤᠷ ᠤᠳ ᠢᠶᠠᠨ ᠰᠦᠨᠢᠵᠢᠨ ᠵᠡᠭᠦᠳᠤᠯᠠᠵᠤ ᠬᠤᠨᠤᠮᠠᠷ ᠡ | | | ᠤᠰᠤᠨ ᠤ ᠰᠢᠪᠠᠭᠤᠳ ᠤᠨ ᠭᠠᠨᠭ᠍ᠭᠠᠨᠠᠭᠠᠨ ᠳᠤ ᠨᠢ ᠰᠦ ᠨᠢᠭᠡ ᠰᠦᠡᠭᠨᠡᠮᠡᠷ ᠡ | ᠤᠰᠬᠠᠯ ᠲᠤᠩᠭᠠᠯᠠᠭ ᠨᠠᠭᠤᠷ ᠲᠤ ᠨᠢ ᠵᠢᠰᠤ ᠪᠠᠨ ᠨᠢᠭᠡ ᠲᠤᠯᠢᠳᠠᠮᠠᠷ ᠡ | ᠤᠷᠭᠠ ᠭᠢᠨᠭᠰᠢᠭᠰᠡᠨ ᠰᠠᠯᠬᠢ ᠪᠠᠷ ᠨᠢ ᠳᠠᠭᠤᠤ ᠪᠠᠨ ᠨᠢᠭᠡ ᠡᠷᠭᠦᠮᠡᠷ ᠡ | ᠤᠷᠤᠶᠢᠳ ᠢᠶᠠᠷ ᠲᠤᠨᠤᠷᠠᠬᠤ ᠰᠢᠵᠢᠷ ᠳᠤᠯᠤᠩ ᠢ ᠤᠭᠲᠤᠵᠤ ᠨᠢᠭᠡ ᠲᠤᠰᠤᠮᠠᠷ ᠡ | ᠤᠨᠠᠭᠠ ᠳᠠᠪᠭᠢᠭᠰᠡᠨ ᠲᠠᠯᠠ ᠪᠠᠷ ᠨᠢ ᠬᠡᠢ ᠮᠤᠷᠢ ᠪᠠᠨᠰᠡᠷᠭᠦᠭᠡᠵᠤ ᠬᠤᠷᠤᠶᠢᠯᠠᠮᠠᠷ ᠡ | | | ᠪᠤᠷᠭᠠᠰᠤᠨ ᠵᠦᠭᠡᠯᠡᠨ ᠮᠤᠷᠢᠨ ᠳᠤ ᠪᠠᠨ ᠮᠤᠷᠲᠠᠵᠤ ᠨᠢᠭᠡ ᠬᠠᠲᠠᠷᠢᠬᠤ ᠶᠤᠮᠰᠠᠨ | ᠪᠤᠯᠵᠤᠭᠠᠳᠤ ᠶᠢᠨ ᠪᠤᠷᠤᠬᠠᠨ ᠤᠪᠤᠭᠠᠨ ᠳᠤ ᠪᠠᠨ ᠲᠤᠷᠠᠰᠴᠤ ᠨᠢᠭᠡ ᠬᠦᠯᠢᠶᠡᠬᠦ ᠶᠤᠮᠰᠠᠨ | ᠲᠤᠭᠤᠭᠠᠨᠢᠷᠤᠭᠠᠷ ᠳᠠᠬᠢ ᠵᠦᠭᠡᠭᠡᠢ ᠶᠢ ᠨᠢ ᠳᠤᠯᠢᠶᠠᠵᠤ ᠨᠢᠭᠡ ᠱᠠᠩᠳᠠᠭᠤᠷᠠᠬᠤ ᠶᠤᠮᠰᠠᠨ | ᠲᠤᠭᠤᠨᠤ ᠪᠠᠷ ᠰᠤᠭᠤᠨᠠᠭᠯᠠᠬᠤ ᠤᠲᠤᠭᠠᠨ ᠳᠤ ᠨᠢ ᠬᠠᠭ᠋ᠠᠵᠤ ᠨᠢᠭᠡ ᠬᠠᠨᠢᠶᠠᠬᠤ ᠶᠤᠮᠰᠠᠨ | ᠲᠤᠮᠤᠭᠠ ᠦᠭᠡᠢ ᠳᠡᠭᠵᠢᠨ ᠨᠠᠰᠤ ᠪᠠᠨ ᠳᠤᠮᠤᠭᠠᠲᠠᠶᠢᠬᠠᠨ ᠠᠬᠢᠭᠠᠳ ᠨᠢᠭᠡ ᠦᠡᠭᠭᠡᠷᠡᠭᠦᠯᠬᠦ ᠶᠤᠮᠰᠠᠨ | | | ᠳᠡᠭᠡ ᠶᠢᠨ ᠦᠨᠳᠤᠷ ᠵᠤᠭᠰᠠᠭᠠᠯ ᠢ ᠨᠢ ᠰᠠᠷᠠᠨ ᠰᠢᠩᠭᠡᠲᠡᠯᠡ ᠨᠢᠭᠡ ᠮᠠᠨᠠᠬᠤ ᠶᠤᠮᠰᠠᠨ | ᠲᠡᠭᠡᠷᠮᠡ ᠶᠢᠨ ᠬᠦᠬᠡ ᠴᠢᠯᠠᠭᠤ ᠶᠢ ᠨᠢ ᠲᠡᠪᠡᠷᠢᠵᠤ ᠨᠢᠭᠡ ᠦᠨᠦᠰᠬᠦ ᠶᠤᠮᠰᠠᠨ | ᠳᠡᠩᠳᠡᠭᠦᠦ ᠰᠢᠮᠡᠯᠢᠭ ᠨᠠᠮᠤᠭ ᠲᠠᠷᠢᠶᠡ ᠶᠢ ᠨᠢ ᠬᠠᠳᠤᠵᠤ ᠨᠢᠭᠡ ᠬᠤᠷᠢᠶᠠᠬᠤ ᠶᠤᠮᠰᠠᠨ | ᠳᠠᠷᠤᠭᠤᠯᠭᠠ ᠠᠴᠢᠯᠭᠠ ᠶᠢᠨ ᠳᠡᠭᠡᠰᠤ ᠳᠦᠷᠦ ᠶᠢ ᠨᠢ ᠴᠢᠩᠭᠠᠯᠠᠵᠤ ᠨᠢᠭᠡ ᠦᠭᠭᠦ ᠶᠤᠮᠰᠠᠨ | ᠲᠠᠩᠰᠤᠭ ᠪᠠᠶᠠᠨ ᠨᠠᠮᠤᠷ ᠲᠤ ᠨᠢ ᠦᠡᠭ ᠨᠢᠭᠡ ᠨᠠᠮᠡᠷᠢᠯᠡᠬᠦ ᠶᠤᠮᠰᠠᠨ | | | ᠬᠦᠭᠵᠢᠮ ᠢᠷᠠᠭᠤ ᠭᠤᠯᠢᠶᠠ ᠶᠢᠨ ᠳᠠᠭᠤ ᠪᠠᠷ ᠨᠢ ᠦᠯᠢᠭᠡᠷ ᠨᠢᠭᠡ ᠬᠠᠶᠢᠯᠠᠬᠤ ᠶᠤᠮᠰᠠᠨ | ᠬᠦᠡᠭᠭᠡᠨ ᠪᠦᠵᠢᠬᠦ ᠡᠷᠪᠡᠬᠡᠢ ᠶᠢᠨ ᠳᠠᠯᠠᠪᠴᠢᠨ ᠳᠤ ᠬᠦᠰᠡᠯ ᠢᠶᠠᠨ ᠨᠢᠭᠡ ᠰᠢᠪᠡᠨᠡᠬᠦ ᠶᠤᠮᠰᠠᠨ | ᠬᠡᠬᠡᠷᠠ ᠦᠳᠡᠯᠡᠭᠰᠡᠨ ᠨᠠᠷᠠ ᠲᠠᠢ ᠠᠮᠠᠷᠠᠲᠠᠯᠠ ᠨᠢᠭᠡ ᠴᠠᠶᠢᠯᠠᠬᠤ ᠶᠤᠮᠰᠠᠨ | ᠬᠡᠨ ᠬᠡᠨ ᠳᠤ ᠪᠠᠨ ᠲᠤᠰᠠᠴᠢ ᠨᠠᠨᠳᠢᠨ ᠬᠦᠮᠣᠨ ᠴᠢᠨᠡᠷ ᠲᠤ ᠨᠢ ᠨᠠᠮᠠᠨᠴᠢᠯᠠᠬᠤ ᠶᠤᠮᠰᠠᠨ | ᠬᠡᠬᠡᠷᠡᠵᠤ ᠮᠠᠩᠬᠠᠶᠢᠬᠤ ᠦᠦᠷ ᠢᠶᠠᠷ ᠰᠢᠭᠦᠳᠡᠷᠢ ᠨᠢᠭᠡ ᠴᠤᠭᠯᠠᠭᠤᠯᠬᠤ ᠶᠤᠮᠰᠠᠨ | | | ᠠᠪᠤ ᠶᠢᠨ ᠶᠠᠭᠠᠷᠠᠯᠲᠠᠢ ᠨᠠᠮᠤᠷ ᠢᠶᠠᠷ ᠭᠦᠷᠴᠣ ᠣᠴᠢᠭᠠᠳ ᠲᠤᠭᠯᠠᠬᠤ ᠶᠤᠮᠰᠠᠨ | ᠡᠵᠢ ᠶᠢᠨ ᠢᠶᠠᠨ ᠬᠠᠶᠢᠷᠠᠲᠠᠢ ᠨᠤᠲᠤᠭ ᠢᠶᠠᠷ ᠡᠷᠭᠢᠵᠤ ᠭᠦᠷᠦᠭᠡᠳ ᠨᠢᠯᠬᠠᠷᠠᠬᠤ ᠶᠤᠮᠰᠠᠨ | ᠦᠰᠪᠦᠷᠢ ᠪᠠᠭᠠ ᠶᠢᠨ ᠨᠠᠮᠤᠷ ᠲᠤ ᠪᠠᠨ ᠬᠠᠨᠤᠲᠠᠯᠠ ᠨᠢᠭᠡ ᠲᠤᠪᠲᠤᠯᠬᠤ ᠶᠤᠮᠰᠠᠨ | ᠦᠶᠦᠭ ᠲᠤᠰᠤᠯᠢᠭ ᠰᠦᠷᠦᠭ ᠤᠳ ᠢ ᠨᠢ ᠪᠦᠯᠢᠶᠡᠬᠡᠨ ᠡᠪᠤᠯᠵᠢᠶᠡᠨ ᠳᠤ ᠨᠢ ᠨᠡᠭᠦᠯᠭᠡᠬᠦ ᠶᠤᠮᠰᠠᠨ | ᠦᠡᠭᠭᠡᠷᠡᠵᠤ ᠤᠳᠤᠭᠰᠠᠨ ᠤᠨ ᠵᠢᠯ ᠢᠶᠠᠨ ᠤᠷᠭᠠᠯᠠᠵᠤ ᠬᠠᠵᠠᠭᠤ ᠳᠠᠭᠠᠨ ᠠᠷᠭᠠᠮᠵᠢᠬᠤ ᠶᠤᠮᠰᠠᠨ | | | ᠨᠠᠰᠤᠨ ᠤ ᠨᠠᠮᠤᠷ ᠡᠭᠦᠳᠡ ᠳᠤᠭᠰᠢᠬᠤ ᠪᠠᠷ | ᠨᠤᠲᠤᠭ ᠤᠨ ᠮᠢᠨᠢ ᠨᠠᠮᠤᠷ ᠰᠠᠨᠠᠭᠳᠠᠨᠠ ᠡ ᠁ | | | ᠲᠦᠡᠭᠯᠢᠶᠤᠤ ᠬᠤᠲᠠ ᠬᠤᠷᠴᠢᠨ ᠲᠤᠭᠤᠷᠢᠭ | ᠬᠠᠶᠢᠷᠠ | 13337058868 | | | |