| ᠨᠢᠴᠦᠭᠦᠳ᠂ ᠤᠯᠠᠭᠠᠨᠪᠠᠭᠠᠨᠠ | | ᠮᠢᠨᠤ ᠰᠠᠶᠢᠬᠠᠨ ᠬᠤᠯᠪᠤᠭᠠᠯᠵᠢ | | | — ᠨᠡᠷᠡᠲᠦ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠠᠯᠲᠠᠨᠭᠠᠷᠤᠳᠢ ᠳᠤ | | ᠬᠡᠵᠢᠶᠡ ᠴᠤ ᠪᠢᠳᠡᠬᠡᠢ ᠵᠠᠶᠢᠳᠠᠶᠠ ᠭᠡᠵᠦ | ᠠᠨᠳᠠ ᠶᠢᠨ ᠲᠠᠩᠭᠠᠷᠢᠭ ᠢᠶᠠᠨ ᠦᠯᠠᠳᠡᠭᠡᠭᠡᠳ | ᠬᠡᠯᠡ ᠲᠠᠢ ᠪᠤᠯᠤᠭᠰᠠᠨ ᠲᠡᠷᠡ ᠴᠠᠭ ᠠᠴᠠ | ᠤᠳᠤ ᠳᠤ ᠲᠤᠯᠲᠠᠯᠠ ᠶᠠᠷᠢᠭᠳᠠᠭᠰᠠᠨ ᠭᠡᠷᠡᠴᠢ | ᠬᠤᠯᠪᠤᠭᠠᠯᠵᠢ ᠬᠤᠶᠠᠷ ᠬᠤᠸᠠ | ᠦᠷᠡ ᠪᠠᠨ ᠦᠯᠦᠰᠴᠦ ᠤᠬᠢᠯᠠᠬᠤ ᠪᠠᠷ ᠨᠢ | ᠦᠷ ᠰᠦᠨᠢ ᠶᠢᠨ ᠴᠢᠮᠬᠢᠭᠦᠨ ᠳᠤ ᠨᠦᠮᠦᠭᠡᠯᠡᠵᠦ | ᠦᠮᠦᠯᠵᠡᠭᠰᠡᠨ ᠤᠷᠤᠭᠤᠯ ᠳᠤ ᠨᠢ ᠨᠠᠭᠠᠯᠳᠤᠭᠤᠯᠤᠭᠰᠠᠨ | ᠡᠨᠡᠷᠢᠯᠳᠦ ᠡᠬᠡ ᠶᠢᠨ ᠬᠠᠯᠠᠭᠤᠨ ᠬᠦᠬᠦ | ᠬᠤᠯᠪᠤᠭᠠᠯᠵᠢ ᠬᠤᠶᠠᠷ ᠬᠤᠸᠠ | | ᠨᠠᠷᠠᠨ ᠤ ᠴᠡᠩᠬᠡᠷ ᠲᠤᠭᠤᠰᠤᠨ ᠳᠤ ᠠᠯᠳᠠᠷᠠᠨ | ᠲᠡᠷᠭᠡᠳᠡ ᠠᠴᠠ ᠲᠡᠩᠳᠡᠭᠦᠦ ᠬᠤᠯᠠᠳᠠᠭᠤᠵᠠᠢ ᠬᠡᠮᠡᠨ | ᠢᠯᠪᠢᠬᠦ ᠲᠤᠯᠠᠭᠠᠨ ᠭᠡᠷᠡᠯ ᠢᠶᠠᠷ ᠢᠶᠠᠨ ᠡᠩᠬᠦᠷᠡᠶᠢᠯᠡᠵᠦ | ᠦᠨᠳᠡᠶᠢᠨ ᠲᠦᠰᠢᠯᠴᠡᠭᠰᠡᠨ ᠬᠠᠯᠠᠭᠤᠨ ᠡᠯᠢᠭᠡᠨ | ᠬᠤᠯᠪᠤᠭᠠᠯᠵᠢ ᠬᠤᠶᠠᠷ ᠬᠤᠸᠠ | | | ᠮᠤᠯᠤᠷ ᠡᠷᠳᠡᠨᠢ ᠶᠢᠨ ᠲᠤᠪᠴᠢᠶᠠᠨ ᠰᠡᠬᠦᠬᠦ ᠳᠤ | ᠠᠳᠤᠭᠤᠳ ᠤᠨ ᠲᠦᠪᠡᠷᠭᠡᠨ ᠰᠡᠮᠬᠡᠨ ᠠᠨᠢᠷᠯᠠᠵᠦ | ᠮᠦᠷᠦᠭᠡᠳᠦᠯ ᠢᠶᠠᠷ ᠡᠩᠰᠡᠷᠡᠭᠰᠡᠨ ᠪᠤᠳᠤᠯ ᠤᠨ ᠬᠠᠷᠠᠴᠠᠨ ᠳᠤ | ᠡᠮᠡᠭᠡᠯ ᠤᠨ ᠪᠦᠭᠦᠷᠭᠡ ᠰᠢᠭ ᠬᠠᠷᠠᠭᠳᠠᠭᠰᠠᠨ ᠭᠠᠶᠢᠬᠠᠮᠰᠢᠭ | ᠬᠤᠯᠪᠤᠭᠠᠯᠵᠢ ᠬᠤᠶᠠᠷ ᠬᠤᠸᠠ | ᠠᠯᠲᠠᠨ ᠭᠠᠷᠤᠳᠢ ᠶᠢᠨ ᠵᠤᠯᠵᠠᠭᠠ ᠪᠠᠨ ᠲᠠᠭᠤᠯᠠᠬᠤ ᠳᠤ | ᠠᠪᠤ ᠶᠢᠨ ᠨᠤᠳᠤᠭ ᠠᠯᠤᠰ ᠠᠴᠠ ᠰᠠᠨᠠᠭᠳᠠᠵᠦ | ᠠᠭᠠᠷ ᠲᠤ ᠨᠤᠮᠤᠳᠠᠭᠰᠠᠨ ᠰᠤᠯᠤᠩᠭᠠᠨ ᠬᠡ ᠲᠠᠢ ᠪᠠᠨ | ᠬᠠᠪᠤᠷ ᠤᠨ ᠨᠤᠭᠤᠭᠠ ᠡᠭᠡᠪᠦᠷ ᠲᠤ ᠨᠢ ᠴᠤᠬᠤᠶᠢᠭᠰᠠᠨ | ᠬᠤᠯᠪᠤᠭᠠᠯᠵᠢ ᠬᠤᠶᠠᠷ ᠬᠤᠸᠠ | ᠬᠤᠯᠠ ᠠᠴᠠ ᠬᠠᠷᠠᠬᠤ ᠳᠤ ᠰᠢᠷᠭᠠᠯᠬᠠᠨ ᠡᠳᠦᠷ ᠢᠶᠠᠷ | ᠬᠤᠨᠢᠨ ᠤ ᠠᠪᠤ ᠲᠡᠳᠡ ᠬᠦᠬᠦᠷ ᠢᠶᠠᠨ ᠰᠤᠯᠢᠯᠴᠠᠭᠠᠳ | ᠠᠯᠳᠠ ᠪᠠᠷ ᠦᠩᠭᠡᠯᠡᠭᠰᠡᠨ ᠨᠠᠮᠤᠷ ᠤᠨ ᠵᠢᠷᠤᠭ ᠲᠤ | ᠬᠠᠭᠤᠴᠢ ᠬᠦᠭᠡᠷᠦᠭᠡ ᠲᠠᠢ ᠪᠠᠨ ᠰᠢᠩᠭᠡᠭᠰᠡᠨ ᠲᠤᠮᠤᠭ | ᠬᠤᠯᠪᠤᠭᠠᠯᠵᠢ ᠬᠤᠶᠠᠷ ᠬᠤᠸᠠ | ᠨᠤᠳᠤᠭ ᠤᠨ ᠰᠢᠷᠤᠢ ᠶᠢ ᠷᠠᠰᠢᠶᠠᠯᠠᠨ ᠤᠮᠳᠠᠯᠠᠭᠰᠠᠨ | ᠰᠢᠷᠠ ᠴᠠᠭᠠᠨ ᠤᠭᠤᠷᠠᠭ ᠮᠦᠷᠠᠨ ᠢ | ᠰᠡᠳᠬᠢᠯ ᠤᠨ ᠭᠦᠨ ᠠᠴᠠ ᠪᠠᠨ ᠮᠦᠩᠬᠡᠳᠡ ᠢᠪᠢᠯᠭᠡᠭᠰᠡᠨ | ᠪᠠᠷᠠ ᠨᠢ ᠲᠤᠳᠤᠨᠤ ᠵᠢᠷᠦᠬᠡᠨ ᠤ ᠰᠦᠯᠳᠡ | ᠬᠤᠯᠪᠤᠭᠠᠯᠵᠢ ᠬᠤᠶᠠᠷ ᠬᠤᠸᠠ | ᠬᠠᠭᠠᠴᠠᠵᠦ ᠪᠤᠯᠬᠤ ᠦᠭᠡᠢ ᠴᠡᠭᠡᠷ ᠢ ᠲᠠᠨᠢᠭᠤᠯᠵᠤ | ᠬᠠᠨᠢᠰᠴᠦ ᠶᠠᠪᠤᠬᠤ ᠶᠢᠨ ᠰᠢᠳᠢ ᠶᠢ ᠤᠬᠠᠭᠠᠷᠠᠭᠤᠯᠵᠤ | | ᠬᠠᠶᠢᠷᠠᠯᠠᠵᠤ ᠪᠦᠯᠬᠦᠮᠳᠡᠬᠦ ᠶᠢᠨ ᠬᠦᠴᠤ ᠶᠢ ᠵᠢᠭᠠᠵᠤ | ᠬᠦᠰᠢᠶᠡ ᠪᠤᠯᠤᠨ ᠮᠦᠩᠬᠡᠷᠡᠵᠦ ᠬᠠᠷᠠᠭᠳᠠᠳᠠᠭ ᠨᠢ ᠯᠡ | ᠮᠢᠨᠤ ᠰᠠᠶᠢᠬᠠᠨ ᠬᠤᠯᠪᠤᠭᠠᠯᠵᠢ︕ | | |