ᠨᠢᠭᠤᠴᠠᠬᠠᠨ ᠬᠠᠶᠢᠷᠠ | ᠠᠶᠢ᠊᠂ ᠨᠠᠮᠵᠢᠯ | ᠨᠠᠢᠮᠠ ᠶᠢᠰᠣᠨ ᠵᠢᠯ ᠤᠨ ᠡᠮᠣᠨᠡᠬᠢ ᠨᠠᠮᠣᠷ ᠢᠶᠠᠷ | ᠨᠠᠶᠢᠷ ᠲᠤ ᠨᠢᠬᠡ ᠣᠴᠠᠷᠠᠭᠰᠠᠨ ᠶᠣᠮ | ᠨᠡᠷᠡ ᠣᠰᠣ ᠪᠠᠨ ᠠᠰᠠᠭᠤᠯᠴᠠᠵᠣ ᠲᠠᠨᠢᠯᠴᠠᠭᠠᠳ | ᠨᠠᠳᠠ ᠳᠤ ᠳᠣᠲᠣᠨᠣᠬᠠᠨ ᠰᠠᠨᠠᠭᠳᠠᠭᠰᠠᠨ ᠶᠣᠮ | ᠨᠡᠯᠡᠶᠡᠳ ᠬᠡᠳᠣᠨ ᠦᠬᠡ ᠰᠣᠯᠢᠯᠴᠠᠭᠠᠳ | ᠨᠢᠯᠴᠢᠬᠢᠨᠡᠵᠣ ᠪᠡᠶᠡ ᠮᠢᠨᠢ ᠬᠠᠯᠠᠭᠤᠭᠰᠠᠨ ᠶᠣᠮ | ᠨᠢᠩᠵᠢᠨ ᠰᠡᠳᠬᠢᠯ ᠮᠢᠨᠢ ᠪᠦᠷ ᠠᠭᠤᠰᠠᠭᠠᠳ | ᠨᠢᠭᠤᠴᠠᠬᠠᠨ ᠬᠠᠶᠢᠷᠠ ᠮᠢᠨᠢ ᠠᠮᠢᠯᠠᠭᠰᠠᠨ ᠶᠣᠮ | | | ᠲᠡᠷᠠ ᠡᠳᠣᠷ ᠠᠴᠠ ᠡᠬᠢᠯᠡᠬᠡᠳ ᠪᠢ — | ︽ᠲᠡᠨᠡᠭ︾ ᠪᠣᠳᠣᠯ ᠡᠪᠣᠷᠡᠯᠡᠭᠰᠡᠨ ᠶᠣᠮ | ᠲᠠᠨᠢᠳᠠᠭ ᠦᠬᠡᠢ ᠬᠠᠷᠢ ᠶᠢᠨ ᠵᠠᠯᠠᠭᠤ ᠳᠤ | ᠲᠡᠬᠡᠵᠣ ᠯᠠ ᠨᠢᠬᠡ ᠳᠣᠷᠠᠯᠠᠭᠰᠠᠨ ᠶᠣᠮ | ᠲᠡᠬᠦᠨ ᠢᠶᠠᠨ ᠲᠣᠲᠣᠷᠠ ᠪᠠᠨ ᠳᠠᠯᠳᠠᠯᠠᠵᠣ | ᠲᠠᠷᠢᠬᠢᠨ ᠳᠡᠭᠡᠨ ᠨᠦᠬᠡᠴᠡᠯᠠᠵᠣ ᠶᠠᠪᠣᠭᠰᠠᠨ ᠶᠣᠮ | ᠲᠡᠶᠢᠮᠣ ᠣᠳᠠᠭᠠᠨ ᠣᠨ ᠰᠠᠷᠠ ᠶᠢ | ᠲᠡᠰᠪᠣᠷᠢᠯᠡᠨ ᠬᠦᠯᠢᠶᠡᠵᠣ ᠢᠷᠡᠭᠰᠠᠨ ᠶᠣᠮ | | | ᠣᠯᠠᠭᠠᠨ ᠵᠢᠷᠣᠬᠡᠨ ᠳᠡᠭᠡᠨ ᠨᠢᠭᠤᠵᠣ | ᠣᠴᠢᠷ ᠦᠬᠡᠢ ᠶᠡᠭᠡ ᠪᠣᠳᠣᠳᠠᠭ ᠪᠣᠯᠣᠭᠰᠠᠨ ᠶᠣᠮ | ᠣᠭᠤᠷᠠᠭ ᠲᠠᠷᠢᠬᠢ ᠪᠠᠨ ᠰᠢᠪᠬᠠᠵᠣ | ᠠᠭᠤᠯᠵᠠᠵᠣ ᠵᠣᠯᠭᠤᠬᠤ ᠶᠢ ᠬᠦᠰᠡᠳᠡᠭ ᠪᠣᠯᠣᠭᠰᠠᠨ ᠶᠣᠮ | ᠣᠶᠣᠨ ᠪᠣᠳᠣᠯ ᠳᠠᠭᠠᠨ ᠳᠠᠷᠣᠭᠳᠠᠵᠣ | ᠡᠳᠣᠷ ᠰᠦᠨᠢ ᠦᠬᠡᠢ ᠡᠷᠬᠢᠴᠡᠬᠦᠯᠳᠡᠭ ᠪᠣᠯᠣᠭᠰᠠᠨ ᠶᠣᠮ | ᠣᠷᠢᠳᠠ ᠶᠢᠨ ᠲᠠᠪᠢᠯᠠᠩ ᠪᠠᠶᠢᠳᠠᠭ ᠪᠣᠯ ᠭᠡᠳ | ᠣᠷᠣᠭᠯᠠᠵᠣ ᠰᠠᠭᠤᠬᠤ ᠶᠢ ᠰᠠᠨᠠᠳᠠᠭ ᠪᠣᠯᠣᠭᠰᠠᠨ ᠶᠣᠮ | | | ᠬᠡᠨ ᠳᠤ ᠴᠣ᠋ ᠬᠡᠯᠡᠯ ᠦᠬᠡᠢ ᠨᠢᠭᠤᠭᠰᠠᠭᠠᠷ ᠪᠠᠶᠢᠵᠣ | ᠭᠡᠳᠣ ᠶᠠᠳᠣᠨ ᠵᠢᠯ ᠦᠩᠬᠡᠷᠡᠭᠰᠡᠨ ᠶᠣᠮ | ᠬᠡᠬᠦᠳᠡᠭ ᠴᠡᠬᠡᠵᠢᠨ ᠳᠡᠭᠡᠨ ᠪᠣᠳᠣᠭᠰᠠᠭᠠᠷ ᠪᠠᠶᠢᠵᠣ | ᠬᠡᠢ ᠭᠠᠯᠵᠠᠭᠤ ᠰᠢᠭ᠋ ᠪᠣᠯᠣᠭᠰᠠᠨ ᠶᠣᠮ | ᠭᠡᠵᠢᠶᠡ ᠨᠢᠬᠡᠨ ᠴᠠᠭ ᠲᠤ ᠬᠠᠷᠠᠭᠠᠯᠳᠠᠬᠤ ᠪᠣᠯ ᠭᠡᠳ | ᠭᠡᠴᠡᠬᠦᠦ ᠶᠡᠭᠡ ᠪᠠᠷ ᠵᠣᠪᠠᠳᠠᠭ ᠪᠣᠯᠣᠭᠰᠠᠨ ᠶᠣᠮ | ᠭᠡᠷᠡᠭ ᠦᠬᠡᠢ ᠶᠠᠭᠤᠮᠠᠨ ᠳᠤ ᠰᠡᠳᠬᠢᠯ ᠢᠶᠠᠨ ᠰᠢᠨᠠᠯᠭᠠᠵᠣ | ᠭᠡᠭᠡᠷᠠ ᠶᠢᠨ ᠪᠠᠷᠠ ᠬᠠᠷᠠᠵᠣ ᠵᠣᠭᠰᠣᠳᠠᠭ ᠪᠣᠯᠣᠭᠰᠠᠨ ᠶᠣᠮ | | | ᠠᠷᠣ ᠠᠴᠠ ᠴᠢᠨᠢ ᠨᠢᠭᠤᠴᠠᠬᠠᠨ ᠪᠠᠷᠠᠭᠠᠯᠠᠬᠤ ᠳᠠᠭᠠᠨ | ᠠᠯᠮᠠᠶᠢᠷᠠᠵᠣ ᠶᠠᠭᠤᠨ ᠳᠤ ᠵᠣᠭᠰᠣᠪᠠ ᠪᠢ | ᠠᠪᠣᠭᠰᠠᠨ ᠲᠠᠯᠪᠢᠭᠰᠠᠨ ᠢᠶᠠᠨ ᠮᠠᠷᠲᠠᠭᠠᠳ | ᠠᠬᠢᠭᠠᠳ ᠰᠣᠨᠢᠬᠠᠨ ᠪᠣᠯᠪᠠ ᠪᠢ | ᠣᠯᠠᠨ ᠵᠣᠶᠢᠯ ᠤᠨ ᠪᠣᠳᠣᠯ ᠳᠤ ᠠᠪᠲᠠᠵᠣ | ᠣᠨᠲᠠᠬᠤ ᠨᠣᠶᠢᠷ ᠦᠬᠡᠢ ᠬᠤᠨᠣᠪᠠ ᠪᠢ | ᠣᠦᠭᠤᠬᠤ ᠬᠤᠭᠤᠯᠠ ᠳᠠᠪᠣᠰᠣ ᠦᠬᠡᠢ ᠶᠣᠮ ᠰᠢᠭ | ᠣᠷᠣᠵᠣ ᠭᠠᠷᠣᠭᠠᠳ ᠬᠠᠴᠢᠨ ᠪᠣᠯᠪᠠ ᠪᠢ | | | ᠬᠤᠪᠣᠷᠬᠠᠨ ᠲᠣᠬᠢᠶᠠᠯᠳᠣᠬᠤ ᠵᠠᠪᠰᠢᠶᠠᠨ ᠲᠠᠭᠠᠷᠠᠭᠠᠳ | ᠬᠤᠶᠠᠭᠤᠯᠠ ᠠᠷᠠᠢ ᠬᠡᠵᠣ ᠠᠭᠤᠯᠵᠠᠭᠰᠠᠨ ᠶᠣᠮ | ᠬᠤᠯᠠ ᠣᠶᠢᠷᠠ ᠶᠢᠨ ᠰᠣᠷᠠᠭ ᠠᠴᠠ ᠡᠬᠢᠯᠡᠭᠡᠳ | ᠬᠤᠭᠤᠷᠠᠨᠳᠣ ᠪᠠᠨ ᠨᠡᠯᠢᠶᠡᠳ ᠵᠣᠭᠤᠭᠳᠠᠭᠰᠠᠨ ᠶᠣᠮ | ᠬᠤᠨᠤᠭ ᠡᠳᠣᠷ ᠤᠨ ᠵᠣᠵᠠᠭᠠᠨ ᠳᠠᠬᠢ | ᠬᠤᠪᠣᠳᠣᠯ ᠵᠢᠷᠣᠬᠡᠨ ᠤ ᠨᠢᠭᠤᠴᠠ ᠪᠠᠨ ᠳᠡᠯᠭᠡᠭᠰᠡᠨ ᠶᠣᠮ | ᠬᠤᠪᠢ ᠢᠷᠣᠬᠡᠯ ᠤᠨ ᠪᠠᠷᠢᠯᠳᠣᠯᠭᠠ ᠲᠠᠢ | ᠬᠤᠵᠢᠮ ᠤᠨ ᠠᠮᠢᠳᠣᠷᠠᠯ ᠢᠶᠠᠨ ᠲᠣᠭᠲᠠᠭᠰᠠᠨ ᠶᠣᠮ | | | 新疆博州温泉县哈镇中学 | 那木吉力 | 15299741858 | | |