| ᠭᠤᠷᠪᠠ ᠶᠢᠰᠦ ᠠᠴᠠ ᠢᠷᠡᠭᠰᠡᠨ ᠴᠢᠮᠡᠭᠡ | — — ᠮ᠊᠂ ᠬᠠᠰᠪᠠᠭᠠᠳᠤᠷ | | | | ᠵᠡᠭᠦᠨ ᠨᠠᠭᠤᠷ ᠤᠨ ᠨᠠᠷᠠᠨ ᠪᠠᠷᠠᠭᠤᠨ ᠠᠭᠤᠯᠠ ᠶᠢᠨ ᠰᠠᠷᠠᠨ | ᠶᠢᠷᠳᠢᠨᠴᠦ ᠶᠢᠨ ᠭᠡᠭᠡᠨ ᠬᠤᠨᠤᠭ ᠤᠳ ᠢ ᠲᠤᠪᠴᠢᠯᠠᠨ ᠡᠪᠬᠡᠨᠡ | ᠰᠠᠷᠠ ᠡᠳᠦᠷ ᠢ ᠬᠤᠭᠤᠴᠠᠭᠰᠠᠨ ᠠᠮᠢᠰᠬᠤᠭᠠ ᠠᠨᠢᠷ ᠦᠭᠡᠢ ᠲᠤᠮᠳᠠ ᠠᠴᠠ ᠴᠠᠯᠭᠢᠨᠠ ᠁ | ᠬᠠᠶᠢᠷᠠ ᠠᠰᠬᠠᠷᠠᠭᠰᠠᠨ ᠴᠠᠮᠬᠠᠬᠳᠤ ᠦᠥᠷ ᠬᠢᠭᠡᠳ ᠪᠦᠷᠦᠢ | ᠠᠯᠳᠠᠩᠬᠠᠨ ᠴᠡᠭᠡᠵᠢᠨ ᠠᠴᠠ ᠠᠷᠪᠠᠨ ᠬᠤᠷᠤᠭᠤᠨ ᠤ ᠮᠢᠨᠢ ᠦᠨᠳᠡᠭᠡᠨ ᠲᠡᠭᠡᠷᠡ | ᠠᠮᠠᠷᠠᠭ ᠬᠠᠯᠠᠭᠤᠨ ᠦᠨᠦᠰᠦᠯ ᠮᠡᠳᠦ | ᠡᠩᠬᠦᠷᠡᠢ ᠢᠯᠳᠠᠮᠬᠠᠨ ᠠᠩᠭᠢᠷ ᠭᠤᠭᠴᠤᠭᠠ ᠵᠠᠳᠠᠯᠤᠨᠠ | ᠨᠠᠭᠠᠰᠢ ᠪᠠᠨ ᠬᠠᠨᠳᠤᠵᠤ ᠢᠨᠢᠶᠡᠮᠰᠦᠭᠯᠡᠬᠦ ᠨᠢ ᠠᠯᠳᠠᠷᠠᠶᠢᠬᠠᠨ ᠬᠠᠪᠤᠷ ᠤᠨ ᠤᠶᠠᠮᠰᠤᠭ ᠯᠠ︕ | ᠨᠠᠪᠴᠢᠨ ᠠᠴᠠ ᠨᠠᠪᠴᠢᠨ ᠤᠷᠭᠤᠬᠤ ᠶᠢᠨ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠲᠤᠮᠳᠠ | ᠨᠠᠷᠠᠳᠤ ᠶᠢᠨ ᠰᠠᠶᠢᠬᠠᠨ ᠭᠡᠭᠡ ᠬᠡᠵᠢᠶᠡᠳᠡ ᠮᠦᠩᠬᠡ ᠤᠷᠳᠤᠰᠤᠨᠠ | ᠤᠷᠴᠢᠯᠠᠩ ᠤᠨ ᠨᠡᠯᠦᠭᠡᠷ ᠠᠭᠤᠳᠠᠮ ᠲᠠᠢ ᠲᠤᠬᠤᠢ ᠬᠤᠯᠪᠤᠭᠰᠠᠨ ᠦᠨᠢ ᠮᠦᠩᠭᠡ ᠶᠢᠨ ᠲᠤᠥᠨᠢᠯ | ᠤᠷᠴᠢᠨ ᠤᠯᠠᠷᠢᠬᠤ ᠶᠢᠨ ᠭᠠᠩᠭᠠᠩ ᠰᠠᠶᠢᠬᠠᠨ ᠢ ᠱᠠᠭᠰᠢᠭᠤᠯᠤᠨᠠ | ᠰᠡᠷᠡᠯ ᠰᠡᠳᠬᠢᠬᠦᠢ᠂ ᠬᠦᠰᠡᠨ ᠮᠦᠷᠦᠭᠡᠳᠦᠬᠦᠢ ᠶᠢᠨ ᠠᠭᠯᠠᠭ ᠲᠤ | ᠬᠦᠭᠵᠢᠮᠯᠢᠭ ᠬᠤᠷᠸᠠ ᠨᠤᠲ ᠰᠢᠨᠡᠳᠦᠵᠤ ᠭᠠᠩᠬᠤᠨᠠ | ᠲᠦᠷᠪᠡᠨ ᠤᠯᠠᠷᠢᠯ ᠡᠪᠦᠯ ᠤᠨ ᠵᠢᠰᠦ ᠯᠠ ᠪᠢᠰᠢ ᠳ᠋ᠧ︕ | | | | ᠠᠷᠤ ᠭᠠᠵᠠᠷ ᠤᠨ ᠴᠠᠰᠤᠨ ᠡᠮᠦᠨᠡ ᠤᠷᠤᠨ ᠤ ᠴᠡᠴᠡᠭᠡᠰ | ᠰᠠᠨᠠᠭᠰᠠᠨ ᠪᠦᠬᠦᠨ ᠢ ᠮᠢᠨᠢ ᠵᠢᠭᠦᠷᠯᠡᠨ ᠲᠡᠯᠮᠡᠭᠦᠯᠦᠨᠡ | ᠬᠦᠢ ᠠᠭᠠᠭ ᠲᠠᠢ ᠴᠠᠭ ᠤᠨ ᠬᠦᠷᠳᠦᠨ ᠴᠡᠴᠡᠭᠯᠡᠬᠦ ᠢᠷᠭᠤᠢ ᠮᠡᠳᠦ ᠁ | ᠮᠦᠩᠬᠡ ᠶᠢᠨ ᠷᠠᠰᠢᠶᠠᠨ ᠡᠩᠬᠡ ᠶᠢᠨ ᠤᠰᠤᠨ ᠲᠠᠬᠢᠨ ᠲᠠᠬᠢᠨ ᠤᠨᠳᠤᠷᠴᠤ | ᠦᠨᠢ ᠢᠷᠡᠭᠡᠳᠦᠢ ᠬᠠᠪᠤ ᠵᠢᠷᠭᠠᠯ ᠶᠢᠷᠳᠢᠨᠴᠦ ᠶᠢᠨ ᠠᠯᠠᠭᠠᠨ ᠠᠴᠠ ᠲᠡᠯᠭᠡᠭᠳᠡᠨᠡ | | | | ᠭᠤᠷᠪᠠ ᠶᠢᠰᠦ ᠶᠢᠨ ᠭᠤᠷᠪᠠᠳᠤᠭᠠᠷ ᠡᠳᠦᠷ ᠢᠳᠡ ᠡᠷᠴᠢ ᠪᠠᠨ ᠭᠠᠶᠢᠬᠠᠭᠤᠯᠤᠨᠠ | ᠬᠦᠢᠳᠡᠨ ᠠᠴᠠ ᠲᠤᠯᠠᠭᠠᠨ ᠲᠡᠰᠢ ᠶᠠᠪᠤᠵᠤ᠂ ᠲᠤᠯᠠᠭᠠᠨ ᠠᠴᠠ ᠬᠦᠢᠳᠡᠨ ᠵᠦᠭ ᠡᠷᠭᠢᠬᠦ | ᠬᠤᠶᠠᠷ ᠲᠤᠶᠢᠯ ᠤᠨ ᠤᠷᠴᠢᠯ ᠤᠨ ᠪᠠᠳᠤ ᠤᠨᠤᠯ | ᠬᠠᠭᠠᠰ ᠵᠠᠭᠤᠨ ᠤ ᠡᠮᠦᠨᠡᠬᠢ ᠨᠠᠮᠠ ᠶᠢ ᠪᠤᠷᠭᠠᠰᠤᠨ ᠮᠤᠷᠢᠳᠠᠢ ᠪᠠᠶᠢᠬᠤ ᠳᠤ | ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠮᠢᠨᠢ ᠬᠡᠯᠡᠭᠰᠡᠨ ᠦᠭᠡ — — | ᠮᠤᠳᠤᠨ ᠨᠠᠮᠠᠭᠠᠨᠠ ᠴᠡᠴᠡᠭᠯᠡᠨᠡ︕ | ᠪᠤᠷᠤᠯᠠᠨ ᠲᠤᠮᠤᠷᠠᠭᠰᠠᠨ ᠬᠤᠨᠳᠤᠷ ᠮᠤᠳᠤᠳ ᠤᠨ ᠰᠠᠯᠠᠭᠠ ᠨᠠᠮᠠᠭᠠ ᠪᠦᠬᠦᠨ ᠳᠤ | ᠠᠯᠳᠠ ᠡᠷᠳᠡᠨᠢ ᠶᠢᠨ ᠭᠡᠷᠡᠯ ᠭᠢᠯᠪᠠᠭᠠ ᠠᠴᠠ ᠲᠠᠪᠠᠵᠤ | ᠠᠮᠢ ᠠᠮᠢᠵᠢᠷᠠᠯ ᠤᠨ ᠢᠯᠪᠢ ᠰᠢᠳᠢ ᠲᠦᠷᠡᠯᠵᠡᠨᠡ | ᠠᠯᠬᠤᠯᠠᠨ ᠵᠤᠭᠤᠭᠳᠠᠬᠤ ᠠᠬᠢᠮᠠᠭ ᠨᠠᠶᠢᠵᠠ ᠶᠢᠨ ᠴᠠᠭᠠᠨ ᠮᠦᠩᠭᠦᠨ ᠰᠤᠷᠮᠤᠥᠰᠤ | ᠠᠬᠢᠭᠠᠳ ᠵᠠᠯᠠᠭᠤ ᠳᠠᠭᠠᠨ ᠪᠤᠴᠠᠵᠤ | ᠦᠵᠦᠭᠦᠷ ᠠᠴᠠ ᠪᠠᠨ ᠬᠠᠷᠠᠯᠠᠵᠤ ᠭᠡᠷᠡᠯᠳᠦᠬᠦ ᠨᠢ ᠮᠡᠳᠡᠭᠳᠡᠨᠡ | ᠮᠤᠳᠤᠨ ᠤ ᠰᠠᠯᠠᠭᠠᠨ ᠳᠤ ᠨᠠᠷᠭᠢᠨ ᠱᠤᠯᠤᠭᠠᠨᠠᠬᠤ ᠬᠦᠭᠡᠷᠦᠬᠦᠨ ᠪᠤᠯᠵᠤᠮᠤᠷ ᠤᠳ ᠤᠨ | ᠵᠢᠭᠦᠷ ᠤᠨ ᠤᠭ ᠠᠴᠠ ᠰᠢᠨᠡᠳᠦᠨ ᠤᠷᠭᠤᠭᠰᠠᠨ ᠬᠠᠰ ᠤᠨ ᠦᠳᠦᠨ ᠭᠢᠯᠠᠯᠵᠠᠨᠠ | ᠭᠠᠯᠪᠠ ᠶᠢᠨ ᠬᠠᠭᠤᠴᠢᠨ ᠦᠭᠡᠰ ᠬᠢᠩᠭᠠᠨ ᠳᠤ ᠢᠩᠬᠢᠵᠤ ᠲᠡᠯᠭᠡᠷᠡᠨᠡ | ᠭᠠᠵᠠᠷ ᠲᠤ ᠡᠭᠦᠰᠬᠦ ᠶᠢᠨ ᠠᠯᠢᠪᠠ — — ᠲᠡᠭᠷᠢ ᠶᠢᠨ ᠨᠢᠭᠤᠴᠠ ᠳᠤ ᠠᠰᠠᠨᠠ | ᠰᠠᠨᠠᠵᠤ ᠰᠠᠷᠪᠠᠶᠢᠭᠰᠠᠨ ᠲᠦᠮᠡᠨ ᠨᠠᠬᠢᠶᠠ ᠬᠤᠨᠤᠭ ᠤᠨ ᠯᠠ ᠲᠠᠷᠠᠭᠠ ᠢᠷᠡᠯᠵᠡᠨᠠ᠃ | ᠨᠠᠰᠤᠨ ᠠᠴᠠ ᠨᠠᠰᠤ ᠲᠦᠷᠦᠭᠳᠡᠵᠤ᠂ ᠴᠡᠴᠡᠭᠡᠰ ᠠᠴᠠ ᠴᠡᠴᠡᠭᠡᠰ ᠠᠩᠬᠢᠯᠤᠨ | ᠴᠡᠪᠡᠷ ᠭᠤᠸᠠ ᠲᠠᠩᠰᠤᠭ ᠡᠷᠬᠢᠮᠰᠦᠭ ᠤᠨ ᠲᠡᠭᠡᠳᠦ ᠴᠦᠮ ᠢᠶᠠᠷ ᠨᠢᠭᠡᠨ ᠴᠤᠭᠴᠠ ᠳᠤ ᠠᠭᠤᠰᠴᠤ | ᠡᠷᠬᠡᠰ ᠽᠠᠮᠪᠤᠯᠢᠩ ᠢ ᠲᠡᠵᠢᠭᠡᠨ ᠲᠤᠷᠨᠢᠭᠤᠯᠤᠨ ᠶᠢᠰᠦ ᠶᠢᠨ ᠴᠢᠮᠡᠭᠡ ᠲᠤᠪᠳᠤᠯᠠᠩᠭᠤᠢ᠃ | ᠴᠢᠪᠬᠠᠳᠠᠰᠤᠨ ᠠᠴᠠ ᠴᠢᠪᠬᠠᠳᠠᠰᠤᠨ ᠤᠶᠠᠩᠭᠠᠷᠠᠵᠤ | ᠲᠤᠥᠯᠢ ᠲᠤᠮᠤᠭ ᠤᠨ ᠭᠤᠴᠤ ᠭᠤᠶᠤᠮᠰᠤᠭ ᠦᠷᠭᠦᠯᠵᠢᠯᠡᠯ ᠵᠠᠯᠭᠠᠨ | ᠨᠠᠷᠠᠳᠤ ᠶᠢᠨ ᠰᠠᠶᠢᠬᠠᠨ ᠭᠤᠷᠪᠠ ᠶᠢᠰᠦ ᠶᠢᠨ ᠴᠢᠮᠡᠭᠡ | ᠰᠡᠳᠬᠢᠯ ᠮᠡᠳᠡᠷᠡᠮᠵᠢ ᠶᠢ ᠵᠢᠷᠭᠠᠯ ᠢᠶᠠᠷ ᠬᠠᠩᠬᠤᠯᠠᠭᠤᠯᠤᠭᠰᠠᠨ ᠤᠷᠤᠰᠬᠠᠯ | ᠠᠷᠤ ᠶᠢᠨ ᠠᠭᠤᠯᠠᠨ ᠤ ᠰᠠᠯᠬᠢᠨ ᠮᠡᠳᠦ ᠢᠰᠬᠢᠷᠦᠨᠡ | ᠠᠨᠠᠪᠠᠳ ᠲᠠᠯᠠᠢ ᠶᠢᠨ ᠲᠠᠪᠠᠯᠭᠠᠨ ᠮᠡᠳᠤ ᠲᠤᠯᠭᠢᠶᠠᠯᠠᠨᠠ ᠁ | | |