| ᠠᠰᠢᠲᠠ ᠶᠢᠨ ᠦᠨᠳᠦᠷ ᠠᠭᠤᠯᠠᠰ | ︵ᠬᠠᠩᠰᠢ ᠶᠢᠨ ᠲᠤᠷᠠᠳᠬᠠᠯ ᠳᠤ︶ | — ᠪ᠊᠂ ᠪᠢᠯᠢᠭ | ᠠᠪᠤ ᠮᠢᠨᠢ ᠠᠮᠤᠭᠤᠯᠠᠩ ᠬᠠᠶᠢᠷᠠ ᠶᠢᠨ ᠠᠯᠲᠠᠨ ᠲᠡᠯᠡᠬᠡᠢ ᠳᠤ | ᠠᠷᠠᠢ ᠭᠡᠵᠦ ᠲᠠᠯᠠᠨ ᠭᠤᠷᠪᠠᠨ ᠤ ᠵᠢᠯ ᠪᠠᠨ ᠵᠢᠷᠬᠢᠬᠦᠯᠦᠭᠡᠳ ᠶᠠᠪᠤᠵᠠᠢ | ᠠᠷᠤ ᠭᠡᠷ ᠠᠮᠠᠷᠠᠭ ᠪᠦᠰᠡᠬᠦᠢ ᠠᠴᠢᠷ ᠦᠷᠡᠰ ᠢᠶᠠᠨ ᠤᠷᠬᠢᠭᠠᠳ | ᠠᠬᠢᠯᠲᠠ ᠦᠬᠡᠢ ᠪᠤᠴᠠᠯᠲᠠ ᠦᠬᠡᠢ ᠠᠯᠤᠰ ᠤᠨ ᠠᠯᠤᠰ ᠲᠤ ᠶᠠᠪᠤᠵᠠᠢ | ᠠᠮᠢᠲᠤᠷᠠᠯ ᠳᠠᠭᠠᠨ ᠭᠡᠵᠦ ᠠᠪᠲᠠᠷᠠ ᠠᠪᠲᠠᠷᠠ ᠠᠯᠲᠠ ᠮᠦᠩᠬᠦ ᠴᠤᠭᠯᠠᠭᠤᠯᠵᠤ | ᠠᠴᠢᠷ ᠦᠷᠡᠰ ᠲᠡᠭᠡᠨ ᠠᠰᠢᠭ ᠬᠦᠷᠦᠩᠬᠡ ᠠᠴᠢᠶᠠᠯᠠᠵᠤ ᠶᠠᠪᠤᠭᠰᠠᠨ ᠦᠬᠡᠢ ᠠᠪᠤ ᠮᠢᠨᠢ | ᠠᠳᠠᠭᠠᠨ ᠳᠠᠭᠠᠨ ᠭᠡᠵᠦ ᠠᠳᠠᠭᠤᠨ ᠵᠢᠰᠦᠮ ᠢᠶᠠᠷ ᠢᠶᠠᠨ ᠤᠰᠣᠯᠳᠤᠭᠠ ᠦᠬᠡᠢ | ᠠᠳᠠᠷ ᠲᠠᠯᠠ᠂ ᠠᠭᠳᠠ ᠶᠢᠨ ᠲᠤᠭᠤᠰᠤᠨ ᠳᠠᠭᠠᠨ ᠤᠮᠣᠭᠰᠢᠷᠠᠵᠤ ᠶᠠᠪᠤᠭᠰᠠᠨ ᠶᠤᠮ | | ᠦᠦᠷ ᠴᠦᠦᠷ ᠢᠶᠠᠷ ᠠᠪᠤ ᠮᠢᠨᠢ ᠪᠤᠰᠴᠤ ᠶᠠᠪᠤᠳᠠᠭ ᠪᠠᠶᠢᠯᠠ | ᠦᠷᠡᠭᠳᠡᠯ ᠭᠡᠵᠦ ᠶᠠᠭᠤ ᠪᠠᠶᠢᠭᠰᠠᠨ ᠢ ᠡᠳᠦᠬᠡ ᠪᠢ ᠦᠨᠡᠮᠰᠢᠵᠦ ᠪᠠᠶᠢᠨᠡ | ᠦᠨᠡᠭᠡᠨ ᠪᠠᠯᠠᠷ ᠢᠶᠠᠷ ᠠᠪᠤ ᠮᠢᠨᠢ ᠪᠤᠴᠠᠵᠤ ᠢᠷᠡᠳᠡᠭ ᠪᠠᠶᠢᠯᠠ | ᠦᠷᠦᠰᠢᠶᠡᠯ ᠭᠡᠳᠡᠭ ᠶᠠᠭᠠᠬᠢᠵᠤ ᠢᠷᠡᠳᠡᠭ ᠢ ᠪᠢ ᠤᠳᠤ ᠤᠬᠠᠮᠰᠠᠷᠠᠵᠤ ᠪᠠᠶᠢᠨᠠ | ᠡᠷᠦᠬᠡ ᠰᠡᠬᠦᠨ ᠲᠠᠯᠠᠨ ᠭᠤᠷᠪᠠᠨ ᠵᠢᠯ ᠦᠭᠡᠳᠡ ᠲᠠᠲᠠᠵᠤ ᠶᠠᠪᠤᠬᠤ ᠳᠠᠭᠠᠨ | ᠡᠷᠡ ᠬᠦᠮᠦᠨ ᠤ ᠬᠢᠵᠦ ᠶᠠᠪᠤᠳᠠᠭ ᠪᠦᠬᠦᠨ ᠢ ᠠᠪᠤ ᠮᠢᠨᠢ ᠲᠤᠲᠠᠭᠳᠠᠯ ᠦᠬᠡᠢ ᠬᠢᠵᠦ | ᠡᠴᠢᠬᠡ ᠰᠠᠭᠤᠬᠤ ᠳᠤ ᠯᠠ ᠪᠠᠶᠢᠳᠠᠭ ᠬᠠᠭᠠᠨ ᠴᠠᠭᠠᠨ ᠬᠠᠷᠢᠭᠤᠴᠠᠯᠭᠠ ᠪᠠᠷ | ᠡᠬᠡ ᠨᠤᠳᠤᠭ ᠡᠯᠢᠬᠡᠨ ᠰᠠᠳᠤᠨ ᠳᠠᠭᠠᠨ ᠦᠭᠳᠡᠭ ᠢᠶᠠᠨ ᠦᠭᠴᠦ ᠶᠠᠪᠤᠭᠰᠠᠨ ᠶᠤᠮ | | ᠨᠦᠭᠴᠢᠭᠰᠡᠨ ᠬᠦᠮᠦᠨ ᠨᠠᠷᠠ ᠨᠢ ᠦᠯᠡᠳᠡᠭᠰᠡᠨ ᠴᠤ ᠬᠦᠮᠦᠨ ᠨᠢ ᠪᠤᠴᠠᠳᠠᠭ ᠦᠬᠡᠢ | ᠨᠦᠬᠦᠬᠡ ᠶᠢᠷᠳᠢᠨᠴᠦ ᠶᠢᠨ ᠨᠢᠷᠸᠠᠨ ᠡᠬᠡ ᠨᠢᠭᠡ ᠶᠢ ᠴᠤ ᠶᠠᠪᠤᠭᠤᠯᠬᠤ ᠦᠬᠡᠢ | ᠨᠠᠴᠢᠨ ᠱᠤᠩᠬᠤᠷ ᠰᠢᠭ᠋ ᠨᠢᠰᠴᠤ ᠲᠡᠬᠦᠯᠢᠵᠦ ᠶᠠᠪᠤᠭᠰᠠᠨ ᠠᠪᠤ ᠳᠤ ᠮᠢᠨᠢ | ᠨᠠᠷᠠ᠂ ᠨᠤᠳᠤᠭ ᠬᠤᠶᠠᠷ ᠨᠢ ᠯᠠ ᠨᠠᠨᠳᠢᠨ ᠲᠤᠤᠯᠢᠶᠠᠨ ᠪᠤᠯᠵᠤ ᠬᠤᠴᠤᠷᠤᠭᠰᠠᠨ | ᠨᠤᠳᠤᠭ ᠤᠨ ᠮᠢᠨᠢ ᠬᠥᠷᠡᠩ ᠴᠢᠯᠠᠭᠤ ᠨᠢ ᠬᠦᠷᠳᠡᠯᠡ ᠡᠷᠳᠡᠨᠢ ᠶᠤᠮ ᠡ ᠭᠡᠭᠰᠡᠭᠡᠷ | ᠨᠢᠷᠦᠭᠤ ᠪᠠᠨ ᠪᠦᠬᠦᠶᠢᠭᠰᠡᠭᠡᠷ ᠪᠦᠯᠢᠶᠡᠨ ᠬᠠᠶᠢᠷ ᠲᠡᠬᠦᠵᠦ ᠤᠪᠤᠭᠠᠯᠠᠳᠠᠭ ᠪᠠᠶᠢᠭᠰᠠᠨ | ᠨᠤᠭᠳᠤᠨ ᠴᠤᠯᠪᠤᠭᠤᠷ ᠢᠶᠠᠨ ᠰᠡᠭᠰᠤᠷᠡᠨ ᠰᠡᠭᠰᠦᠷᠦᠨ ᠨᠠᠶᠢᠷ ᠤᠨ ᠤᠷᠮᠠ ᠰᠡᠷᠬᠦᠵᠦ | ᠨᠠᠷᠠᠨ ᠵᠦᠭ ᠲᠤ ᠤᠮᠤᠭ ᠪᠠᠳᠠᠷᠠᠭᠤᠯᠤᠨ ᠢᠨᠢᠶᠡᠭᠰᠡᠭᠡᠷ ᠵᠤᠭᠰᠤᠳᠠᠭ ᠪᠠᠶᠢᠭᠰᠠᠨ | | ᠠᠭᠤᠳᠠᠮ ᠪᠠᠶᠢᠭᠠᠯᠢ ᠳᠤ ᠠᠪᠤ ᠮᠢᠨᠢ ᠠᠯᠬᠤᠭᠰᠠᠨ ᠮᠦᠷ ᠢᠶᠠᠨ ᠠᠰᠬᠠᠨ ᠦᠯᠡᠳᠡᠭᠡᠭᠡᠳ | ᠠᠵᠠ ᠪᠤᠰᠤ ᠲᠠᠯᠠᠨ ᠭᠤᠷᠪᠠᠨ ᠨᠠᠰᠣ ᠪᠠᠨ ᠡᠷᠡ ᠶᠢᠨ ᠶᠤᠰᠤᠭᠠᠷ ᠡᠪᠬᠡᠭᠡᠳ ᠶᠠᠪᠤᠵᠠᠢ | ᠠᠴᠢᠯᠠᠵᠦ ᠬᠦᠢᠴᠡᠭᠰᠡᠨ ᠦᠬᠡᠢ ᠠᠯᠲᠠᠩᠬᠠᠨ ᠲᠡᠯᠡᠬᠡᠢ ᠳᠤ ᠠᠯᠢᠪᠠ ᠪᠠᠨ ᠡᠷᠬᠦᠬᠡᠳ | ᠠᠮᠰᠠᠵᠤ ᠪᠠᠷᠠᠭᠠᠭᠰᠠᠨ ᠦᠬᠡᠢ ᠠᠷᠠᠵᠠ ᠪᠠᠨ ᠰᠠᠴᠤᠯᠢ ᠪᠤᠯᠭᠠᠨ ᠦᠯᠡᠳᠡᠭᠡᠭᠡᠳ ᠶᠠᠪᠤᠵᠠᠢ | ᠠᠳᠤᠭᠤᠨ ᠳᠠᠭᠠᠨ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ ᠠᠷᠤ ᠶᠢᠨ ᠦᠨᠳᠦᠷᠯᠢᠭ ᠤᠨ ᠡᠩᠭᠡᠷ ᠲᠤ | ᠠᠯᠠᠭ ᠲᠠᠰ ᠡᠪᠦᠬᠡᠨ ᠨᠢᠳᠦ ᠪᠠᠨ ᠵᠦᠯᠭᠦᠭᠰᠡᠭᠡᠷ ᠠᠨᠲᠠ ᠪᠠᠨ ᠡᠷᠢᠵᠤ ᠰᠠᠭᠤᠬᠤ ᠰᠠᠨ | ᠠᠯᠲᠠᠨ ᠰᠢᠷᠭᠠᠯ ᠠᠬᠢ ᠶᠢᠨ ᠲᠦᠷᠦᠬᠦᠦ ᠨᠠᠮᠤᠷ ᠤᠨ ᠦᠩᠬᠡ ᠪᠠᠷ ᠪᠤᠯᠪᠠᠰᠤᠷᠠᠵᠤ | ᠠᠴᠢ ᠶᠢᠨ ᠦᠨᠳᠦᠷ ᠠᠪᠤ ᠮᠢᠨᠢ ᠠᠭᠤᠯᠠᠰ ᠤᠨ ᠲᠡᠷᠢᠬᠦᠨ ᠳᠤ ᠬᠦᠬᠡᠷᠡᠨ ᠰᠦᠨᠳᠡᠷᠯᠡᠬᠦ ᠰᠠᠨ | | | ᠬᠠᠶ᠋ᠢᠭ᠄ 赤峰市残联：毕力格 | （赤峰市新城区亲水湾小区051信箱） | ᠤᠳᠠᠰᠣ᠄ 132 0476 7036 | ᠰᠢᠦᠳᠠᠨ᠄ 024000 | | |